នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល​ គឺ ប្រទេសជាតិ​,​ប្រជាជន, ទឹកដី និង​ ឯករាជ្យភាពជាតិ
សម្ដេចធិបតី៖ យុទ្ធនាការកម្ចាត់ Online Scams ប៉ុន្មានខែចុងក្រោយនេះ បានស្ដារមុខមាត់កម្ពុជាមកវិញ
សម្ដេចធិបតី៖ កម្ពុជាជាសមាជិក WTO មិនអាចហាមឃាត់ការនាំចូលទំនិញពីប្រទេសដទៃបានទេ
សម្ដេចធិបតី៖ ឆ្នាំ២០២៩ កម្ពុជានឹងចាកចេញពីប្រទេសអភិវឌ្ឍន៍តិចតួចបន្តដំណើរទៅកាន់ប្រទេសអភិវឌ្ឍន៍

នយោបាយ​ និង ការអភិវឌ្ឍន៍

សម្ទុះក្រុមមាននិន្នាការប្រឆាំងចូលបក្សប្រជាជនកម្ពុជាកាន់តែច្រើន ព្រោះអស់ជំនឿលើទណ្ឌិត​ក្បត់ជាតិបី​ជំនាន់ដែលជាមេបោកប្រាស់

2024/07/05 11:34:59 am        304
Facebook Telegram Linkin
ប្រធានក្រុមការងារចលនាកសាងសមាជិកគណបក្សប្រជាជនកម្ពុជាមូលដ្ឋានរាជធានី-ខេត្ត បញ្ជាក់ថាសម្ទុះក្រុមមាននិន្នាការប្រឆាំងចូលគណបក្សប្រជាជនកម្ពុជាកាន់តែច្រើនព្រោះអស់ជំនឿលើទណ្ឌិតក្បត់ជាតិ៣ជំនាន់ សម រង្ស៉ី ដែល​ជាមេឆបោក​ក្នុង​ក្តីស្រម៉ៃ​ជាមួយ​សមាជិក​របស់​ខ្លួន​។ថ្លែងក្នុងកិច្ចសម្ភាសន៍ជាមួយ BTV នៅថ្ងៃទី៤ ខែកក្កដា ឆ្នាំ២០២៤ ម្សិលមិញនេះ ឯកឧត្តម យូ សិរីវុឌ្ឍ ប្រធានក្រុមការងារចលនាកសាងសមាជិកគណបក្សប្រជាជនកម្ពុជាមូលដ្ឋានរាជធានី-ខេត្ត បានឱ្យដឹងថា ការធ្វើ​នយោបាយ​រយៈពេល៣០ឆ្នាំ​របស់​គណបក្ស​ប្រឆាំង​ដែល​ដឹកនាំ​ដោយ​ទណ្ឌិត​ក្បត់​ជាតិ៣ជំនាន់មិនមានអ្វីដែលជាការពិត និងគោរពលទ្ធិប្រជាធិបតេយ្យនោះទេ ពោល​គឺ​ព្យាយា​មរកគ្រប់វិធីសាស្រ្តដើម្បីដណ្តើមអំណាយតាមរយៈផ្លូវមិនត្រឹមត្រូវ ជាក់ស្តែងដូ​ច​ជា​ករណី​អំឡុង​ឆ្នាំ២០១៣ ដឹកនាំប្រជាពលរដ្ឋ​អុក​ឡុក​នឹង​ប៉ុន​ប៉ង​ផ្តួល​រំលំ​រាជ​រដ្ឋាភិបាល​ក្រោយ​កា​រ​បោះឆ្នោ​ត​ជ្រើសតាំងតំណាងរាស្រ្តនាពេលនោះ។ឯកឧត្តមបានចាត់​ទុកអំពើទុច្ចរិតរបស់ទណ្ឌិតក្បត់ជាតិបីជំនាន់កន្លងទៅ ជាពិសេស​ការ​ប្រឆាំង​លើ​គម្រោង​ព្រែកជីកហ្វូណនតេជោ គ្រាន់តែដង្ហើមជីវិតនយោបាយចុងក្រោយ ក្នុងន័យ​បំពុល​សង្គម និងបំផ្លាញភាពសុខសាន្តរបស់ប្រជាពលរដ្ឋតែប៉ុណ្ណោះ។ ឯកឧត្តម អះអាងថា ទណ្ឌិត​ក្បត់​ជាតិ​កំពុងនិរទេសខ្លួននៅក្រៅស្រុកនេះ ជាមេដឹកនាំឆបោកក្តីស្រម៉ៃជាមួយសមាជិកខ្លួន ក្នុង​ការ​អូស​ទាញសមាជិកទៅប្រឆាំងផលប្រយោជន៍ជាតិ ដែលកត្តានេះ​នាំ​ឱ្យ​ចរន្ត​នៃ​ការ​ចាក​ចេញ​របស់​សមាជិក​ជាច្រើនផ្តាច់ខ្លួនរាប់តាំងពីសមាជិកថ្នាក់មូលដ្ឋាន។ ជាមួយគ្នា លោក ស៊ុត សារ៉េត ជាអណិកជនខ្មែរនៅប្រទេសអូស្រ្តាលី លើកឡើងថា ការ​ដឹកនាំ​នយោបាយ​របស់ទណ្ឌិតក្បត់ជាតិ គឺបានបោកប្រាស់ប្រជាពលរដ្ឋតាំងពីយូរអង្វែង និងមាន​ចេតនា​ឈ្នានីស សងសឹក ហើយមិនមែនជាចេតនាណាមួយជួយបំពេញចំណុចខ្វះខាតទេ តែបែរជាជាន់ពន្លិចប្រជាជនដើម្បីអំណាចរបស់ខ្លួនតែប៉ុណ្ណោះ។ទន្ទឹមគ្នា លោកស្រី ម៉ៅ សាវឿន អាណិកជនខ្មែរ-អូស្ត្រាលី បាន​អំពាវ​នាវ​ដល់​ប្រជាពលរដ្ឋ​នៅ​ក្រៅប្រ​ទេសឈប់ជឿតាមការធ្វើប្រជាភិថុតរបស់ទណ្ឌិតក្បត់ជាតិរត់ចោលស្រុកនេះ ហើយ​ត្រូវ​តាម​ដាន​ព័ត៌មានពីកម្ពុជា ឬអាចធ្វើដំណើរមកកម្ពុជា ដើម្បីមើល​ពី​ការ​អភិវឌ្ឍន៍​សម្បូរ​បែប​ជា​ពិសេស​ការទទួលចំណេះដឹងរបស់យុវជននៅកម្ពុជាមិនចាញ់នៅក្រៅប្រទេសនោះទេ។សូមជម្រាបថា ក្រុម​មាន​និន្នាការ​ប្រឆាំងម​ក​ដល់​ពេល​នេះ​បាន​បន្ត​ផ្តាច់​ខ្លួន​ពីមួយ​ថ្ងៃទៅមួយថ្ងៃ រាប់តាំងពីសមាជិកមូលដ្ឋាន ក៏ដូចជាសមាជិក និងថ្នាក់ដឹកនាំនៅក្រៅប្រទេស ដើម្បី​ងាក​មក​រួម​រ​ស់​ជា​មួយគណបក្សប្រជាជនកម្ពុជា ដែលមានឆន្ទះ និងស្មោះស្ម័គ្របម្រើជាតិ និង​ប្រជាជន​ពិត​ប្រាកដ​៕ អត្ថបទ សេក ឧត្តម 

សម្ព័ន្ធមិត្តលោក Trump បង្កើនការវាយប្រហារលើលោកស្រី Harris ដែលអាចជាបេក្ខភាពជំនួសលោក Biden

2024/07/05 10:17:06 am        253
Facebook Telegram Linkin
យុទ្ធនាការរបស់លោក ដូណាល់ ត្រាំ (Donald Trump) និងសម្ព័ន្ធមិត្តមួយចំនួនរបស់លោកបានបើកការវាយប្រហារនយោបាយជាមុនលើអនុប្រធានាធិបតីអាមេរិក លោកស្រី ខាម៉ាឡា ហារីស (Kamala Harris) ដើម្បីព្យាយាមបង្ខូចកេរ្តិ៍ឈ្មោះលោកស្រី ស្របពេលមានការពិភាក្សាក្នុងចំណោមសមាជិកគណបក្សប្រជាធិបតេយ្យមួយចំនួនថា លោកស្រីអាចជាជម្រើសជំនួសតំណែងបេក្ខជនរបស់លោកប្រធានាធិបតី ចូ បៃដិន (Joe Biden) សម្រាប់គណបក្សប្រជាធិបតេយ្យ ក្នុងការឈរឈ្មោះបោះឆ្នោតឆ្នាំ២០២៤។នៅលើប្រព័ន្ធផ្សព្វផ្សាយសង្គម និងនៅក្នុងសេចក្តីថ្លែងការណ៍នានាក្នុងពេល ៤៨ ម៉ោងចុងក្រោយនេះ យុទ្ធនាការរបស់លោក ត្រាំ និងសម្ព័ន្ធមិត្តបក្សសាធារណៈរដ្ឋរបស់លោក ហាក់ដូចជាកំពុងដាក់មូលដ្ឋានគ្រឹះសម្រាប់ការវាយប្រហារលើលោកស្រី ហារីស ប្រសិនបើលោក បៃដិន វ័យ ៨១ ឆ្នាំសម្រេចចិត្តបញ្ចប់កិច្ចប្រឹងប្រែងបោះឆ្នោតឡើងវិញ បន្ទាប់ពីការជជែកដេញដោលដ៏រអាក់រអួលរបស់ខ្លួនកាលពីសប្តាហ៍មុន។ខណៈពេលដែលលោក បៃដិន បានទទូចថាមិនចាកចេញពីការប្រកួតប្រជែង ហើយលោកស្រី ហារីស នៅតែបន្តគាំទ្រលោកយ៉ាងរឹងមាំនោះ យុទ្ធនាការលោក ត្រាំ មិនមានអ្វីត្រូវខាតបង់ក្នុងការវាយប្រហារទៅលើលោកស្រី ហារីស ជាមុននោះទេ ព្រោះបើសិនលោកស្រីត្រូវបានតែងតាំងជាបេក្ខជនប្រធានាធិបតីពិតមែន លោកស្រីអាចនឹងត្រូវប្រឈមស្ថានភាពទន់ខ្សោយរួចជាស្រេច។សមាជិកគណបក្សសាធារណរដ្ឋ តែងតែរិះគន់លោកស្រី ហារីស វ័យ ៥៩ ឆ្នាំក្នុងអាណត្តិលោក បៃដិន នេះ ប៉ុន្តែការវាយប្រហារនៅសប្តាហ៍នេះតំណាងឱ្យការកើនឡើងយ៉ាងខ្លាំងនៃភាពតានតឹងនយោបាយ ដែលត្រូវបានផ្សារភ្ជាប់ទៅនឹងការពិភាក្សា ដែលថាលោកស្រី អាចជំនួសលោក បៃដិន ជាបេក្ខជនប្រធានាធិបតីនៃគណបក្សប្រជាធិបតេយ្យ៕

គ្មានថ្ងៃឈប់សម្រាកបុណ្យឯករាជ្យសម្រាប់លោក Biden ទេ ខណៈជម្រះវិបត្តិការជជែកដេញដោលនៅបន្ត

2024/07/05 10:14:19 am        265
Facebook Telegram Linkin
ខណៈប្រជាជនអាមេរិកកំពុងប្រារព្ធពិធីបុណ្យវិស្សមកាល ថ្ងៃទី៤ ខែកក្កដា ដោយមានការបាញ់កាំជ្រួចនិងពិធីជប់លៀងផ្សេងៗ ប្រធានាធិបតីសហរដ្ឋអាមេរិក លោក Joe Biden កាលពីថ្ងៃព្រហស្បតិ៍ ទី៤ ខែកក្កដា បានបន្តប្រឈមមុខទៅនឹងការផ្ទុះឡើងពីវិបត្តិនៃការជជែកដេញដោលរបស់លោកទល់នឹងលោក Donald Trump ដែលបានធ្វើឱ្យសមាជិកគណបក្សប្រជាធិបតេយ្យជាច្រើនរូបចង់បានអ្នកជំនួស។បុរសវ័យ៨១ឆ្នាំរូបនេះ បានទប់ទល់ចាប់តាំងពីការជជែកដេញដោលកាលពីសប្តាហ៍មុន ដើម្បីធ្វើឲ្យធូស្រាលភាពរំជើបរំជួលក្នុងចំណោមគណបក្សរបស់លោក ប៉ុន្តែលោកបានទទួលការគាំទ្រ កាលពីថ្ងៃពុធ ពីអភិបាលរដ្ឋគណបក្សប្រជាធិបតេយ្យ ដែលបានជួបជុំគ្នាសម្រាប់កិច្ចប្រជុំបន្ទាន់ ជាមួយលោកនៅសេតវិមាន។ទោះជាយ៉ាងណា ដំណើរអសកម្មថ្មីដ៏មានសក្តានុពល បានលេចឡើងនៅថ្ងៃបុណ្យឯករាជ្យ ដោយសារព័ត៌មាន The New York Times បានរាយការណ៍ថា លោក Biden បានប្រាប់អភិបាលរដ្ឋថា លោកត្រូវការការសម្រាកបន្ថែម ហើយមានផែនការកាត់បន្ថយព្រឹត្តិការណ៍នៅសាធារណៈ។ជាមួយនឹងការស្ទង់មតិ បង្ហាញថា លោក Trump មកពីគណបក្សសាធារណរដ្ឋ បន្តការនាំមុខដ៏ចង្អៀត បន្ទាប់ពីការជជែកដេញដោលកាលពីសប្តាហ៍មុន លោក Biden មើលឃើញខ្លួនឯងថា ស្ថិតនៅក្រោមសម្ពាធដែលមិនធ្លាប់មានពីមុនមក ក្នុងការបង្ហាញពីសមត្ថភាពដឹកនាំរបស់លោក។លោក Biden បានទទួលស្គាល់ នៅក្នុងបទសម្ភាសមួយតាមវិទ្យុថតទុកជាមុន ដែលបានចាក់ផ្សាយកាលពីថ្ងៃព្រហស្បតិ៍ថា «លោកមានយប់ដ៏អាក្រក់មួយ»។លោកបាននិយាយថា «លោកធ្វើពុំបានល្អ លោកបានធ្វើឲ្យមានកំហុស»។ នោះគឺនៅក្នុងរយៈពេល៩០នាទី នៅលើវេទិកា។ ប៉ុន្តែចូរក្រឡេកមើលលើអ្វីដែលលោកបានធ្វើ ក្នុងរយៈពេល៣ឆ្នាំកន្លះ មកនេះ។

ក្រុមហ៊ុនបរទេសគិតចង់ការដកបុគ្គលិកតៃវ៉ាន់ ចេញពីប្រទេសចិន បន្ទាប់ពីការគំរាមប្រហារជីវិត

2024/07/05 10:10:41 am        246
Facebook Telegram Linkin
ប្រភពចំនួនបួនដែលដឹងពីបញ្ហានេះបាននិយាយថា ក្រុមហ៊ុនបរទេសមួយចំនួនកំពុងពិចារណាផ្លាស់ប្តូរបុគ្គលិកតៃវ៉ាន់ ចេញពីប្រទេសចិន បន្ទាប់ពីទីក្រុងប៉េកាំងបាននិយាយថា ខ្លួនអាចដាក់ទោសប្រហារជីវិតលើក្រុមផ្តាច់ខ្លួន «ផ្កាប់មុខ» ដែលគាំទ្រឯករាជ្យកោះតៃវ៉ាន់។សេចក្តីណែនាំថ្មីច្បាប់នេះបានធ្វើឱ្យពលរដ្ឋតៃវ៉ាន់មួយចំនួន និងជនបរទេសចម្រុះជាតិសាសន៍ដែលកំពុងប្រតិបត្តិការនៅក្នុងប្រទេសចិន ស្វះស្វែងវាយតម្លៃហានិភ័យ និងផលប៉ះពាល់ផ្លូវច្បាប់របស់ពួកគេ នេះបើតាមប្រភព ដែលរួមមានមេធាវី និងនាយកប្រតិបត្តិពីរនាក់ ដែលដឹងផ្ទាល់អំពីការពិភាក្សា។លោកមេធាវី ជេមស៍ ហ្ស៊ីមមឺមែន (James Zimmerman) ដែលជាដៃគូមានមូលដ្ឋាននៅទីក្រុងប៉េកាំងនៅក្រុមហ៊ុនច្បាប់ ភឺឃីនស៍ ខូអ៊ី (Perkins Coie) បាននិយាយថា «ក្រុមហ៊ុនជាច្រើននៅតែមានការព្រួយបារម្ភថា អាចមានផ្នែកប្រផេះមួយចំនួន ដូចជាការបង្ហោះប្រព័ន្ធតាមផ្សព្វផ្សាយសង្គម ឬបោះឆ្នោតឱ្យគណបក្សនយោបាយជាក់លាក់ណាមួយ ឬគាំទ្របេក្ខជននៅក្នុងការបោះឆ្នោតកោះតៃវ៉ាន់ អាចត្រូវបានបកស្រាយថាជាការចូលរួមក្នុងសកម្មភាពគាំទ្រឯករាជ្យ»។យោងតាមការស្ទង់មតិរបស់រដ្ឋាភិបាលកោះតៃវ៉ាន់ ថ្មីបំផុតបានឱ្យដឹងថា ពលរដ្ឋតៃវ៉ាន់ប្រមាណ ១៧៧.០០០ នាក់កំពុងធ្វើការនៅក្នុងប្រទេសចិន គិតត្រឹមឆ្នាំ ២០២២។ បុគ្គលិកតៃវ៉ាន់ ត្រូវបានជួលដោយក្រុមហ៊ុនពហុជាតិសាសន៍ជាច្រើននៅក្នុងប្រទេសចិន ដោយសារសមត្ថភាពភាសា និងភាពប្រហាក់ប្រហែលនៃវប្បធម៌ជាមួយប្រទេសនេះ៕

បារាំង នឹងដាក់ពង្រាយនគរបាល ៣ ម៉ឺននាក់ដើម្បីបង្ការបញ្ហាក្រោយបោះឆ្នោតនៅថ្ងៃអាទិត្យនេះ

2024/07/05 10:06:48 am        272
Facebook Telegram Linkin
រដ្ឋមន្ត្រីបារាំងមួយរូបបាននិយាយថា នគរបាលប្រហែល ៣០.០០០ នាក់នឹងត្រូវដាក់ពង្រាយនៅទូទាំងប្រទេស នៅល្ងាចថ្ងៃអាទិត្យ (០៧ កក្កដា) ខាងមុខនេះ បន្ទាប់ពីការបោះឆ្នោតសភាជុំទីពីរដ៏តានតឹង ដើម្បីធានាថាមិនមានបញ្ហាណាមួយកើតឡើង ខណៈបេក្ខជនឈរឈ្មោះជាច្រើននាក់បាននិយាយថា ពួកគេក្លាយជាជនរងគ្រោះនៃការវាយប្រហារអំឡុងពេលធ្វើយុទ្ធនាការ។ការបោះឆ្នោតសភាជុំទីពីរនៅថ្ងៃអាទិត្យនេះ នឹងកំណត់ថាតើបក្សរួមរួបកម្លាំងជាតិ (RN) ស្តាំនិយមជ្រុលរបស់លោកស្រី ម៉ារីន ឡឺប៉ែន (Marine Le Pen) ទទួលបានសំឡេងភាគច្រើននៅក្នុងសភាជាលើកដំបូង និងបង្កើតរដ្ឋាភិបាលបន្ទាប់នៅប្រទេសបារាំង ដែលជាសេដ្ឋកិច្ចធំទីពីររបស់តំបន់ចាយប្រាក់អឺរ៉ូ បានឬយ៉ាងណា។យុទ្ធនាការបោះឆ្នោតត្រូវបានប៉ះពាល់ដោយភាពតានតឹងផ្នែកនយោបាយ និងកំណើនអំពើហិង្សា។ រដ្ឋមន្ត្រីមហាផ្ទៃលោក ហ្សេរ៉ាល់ ដាម៉ាណាំង (Gerald Darmanin) បាននិយាយថា លោកនឹង «ប្រុងប្រយ័ត្ន» អំពីសន្តិសុខនៅល្ងាចថ្ងៃអាទិត្យ នៅពេលដែលលទ្ធផលនៃការបោះឆ្នោតនឹងត្រូវបានប្រកាស។លោក ដាម៉ាណាំង បាននិយាយថា មនុស្ស ៤ នាក់ត្រូវបានចាប់ខ្លួន ជុំវិញការវាយប្រហារមួយ ដែលបានកើតឡើងកាលពីល្ងាចថ្ងៃពុធ ទៅលើអ្នកនាំពាក្យរដ្ឋាភិបាល លោកស្រី ព្រីស្កា ទែរវ៉េណូ (Prisca Thevenot) និងក្រុមរបស់លោកស្រី នៅពេលដែលពួកគេកំពុងចែកក្រដាសផ្សព្វផ្សាយយុទ្ធនាការ។ បេក្ខជនបក្ស RN ម្នាក់ឈ្មោះលោកស្រី ម៉ារី ឌូឈី (Marie Dauchy) ក៏បាននិយាយថាខ្លួនត្រូវបានវាយប្រហារដោយម្ចាស់ហាងម្នាក់នៅផ្សារមួយកាលពីថ្ងៃពុធផងដែរ៕

លោក Putin គិតថាលោក Trump មានចិត្តស្មោះក្នុងការបញ្ចប់សង្គ្រាមអ៊ុយក្រែន

2024/07/05 10:02:13 am        364
Facebook Telegram Linkin
ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) បាននិយាយកាលពីថ្ងៃព្រហស្បតិ៍ (០៤ កក្កដា) ក្នុងសន្និសីទព័ត៌មាននៅប្រទេសកាហ្សាក់ស្ថាន បន្ទាប់ពីត្រូវបានសាកសួរពីការលើកឡើងរបស់លោក ត្រាំ ដែលថាលោកអាចបញ្ចប់សង្រ្គាមអ៊ុយក្រែនបានយ៉ាងឆាប់រហ័ស បើលោកឈ្នះតំណែងសេតវិមានថា លោកជឿជាក់ថាបេក្ខជនប្រធានាធិបតីមកពីគណបក្សសាធារណរដ្ឋ លោក ដូណាល់ ត្រាំ (Donald Trump) មានចិត្តស្មោះចង់បញ្ចប់សង្រ្គាមនៅអ៊ុយក្រែនពិតមែន ប៉ុន្តែលោកមិនដឹងទេថាតើលោក ត្រាំ ធ្វើគម្រោងនោះដោយមធ្យោបាយណា ប្រសិនបើជាប់ឆ្នោត។លោក ពូទីន បាននិយាយថា «យើងយកចិត្តទុកដាក់លើរឿងដែលថាលោក ត្រាំ ប្រកាសថាខ្លួនត្រៀមរួចជាស្រេចដើម្បីបញ្ឈប់សង្រ្គាមនៅអ៊ុយក្រែននេះណាស់។ យើងមិនដឹងថាលោកនឹងធ្វើដោយរបៀបណាទេ ប៉ុន្តែយើងគិតថាលោកនិយាយដោយស្មោះ ហើយយើងគាំទ្រគំនិតនោះ»។សារព័ត៌មាន វ៉ាស៊ីនតោន ប៉ុស្តិ៍ (Washington Post) បានរាយការណ៍កាលពីខែមេសាថា លោក ត្រាំ បាននិយាយជាលក្ខណៈឯកជនពីជម្រើសនៃការអនុញ្ញាតឱ្យលោក ពូទីន ទុកតំបន់គ្រីម៉េ (Crimea) និងតំបន់ ឌុនបាស (Donbas) ដើម្បីជាថ្នូរនឹងសន្តិភាព ប៉ុន្តែមិនមានការបញ្ជាក់ពីយុទ្ធនាការលោកនោះទេ។ ទីភ្នាក់ងារព័ត៌មានរ៉យទ័រ បានរាយការណ៍កាលពីខែមុនថា ទីប្រឹក្សាពីរនាក់របស់លោក ត្រាំ បានបង្ហាញលោកនូវផែនការបញ្ចប់សង្រ្គាម ដែលពាក់ព័ន្ធនឹងការប្រាប់អ៊ុយក្រែនថាខ្លួននឹងមិនទទួលបានអាវុធបន្ថែមទៀតពីអាមេរិកទេ ប្រសិនបើមិនចូលរួមក្នុងកិច្ចចរចាសន្តិភាព។លោក ពូទីន បាននិយាយកាលពីខែមុនថា រុស្ស៊ីនឹងបញ្ចប់សង្រ្គាម លុះត្រាតែក្រុងគីវ បានយល់ព្រមទម្លាក់មហិច្ឆតាចូលរួមក្នុងអង្គការណាតូ ហើយប្រគល់ទឹកដីមូលនៃខេត្តចំនួនបួនដែលទាមទារដោយទីក្រុងមូស្គូ ប៉ុន្តែទីក្រុងគីវ បានបដិសេធភ្លាមៗ ហើយថានោះស្មើនឹងការចុះចាញ់៕

លោក Biden និយាយថា 'ខ្ញុំមិនទៅណាទេ' ខណៈមានការអំពាវនាវកាន់តែខ្លាំងឱ្យលោកបោះបង់ចោលការប្រកួតប្រជែង

2024/07/05 09:59:00 am        210
Facebook Telegram Linkin
លោកប្រធានាធិបតី Joe Biden បាននិយាយថា "ខ្ញុំមិនទៅណាទេ" "I'm not going anywhere" ខណៈលោកប្រឈមកាន់តែខ្លាំងទៅនឹងការអំពាវនាវដោយសមាជិកគណបក្សប្រជាធិបតេយ្យជាច្រើនឲ្យលោកបោះបង់ចោលការប្រកួតប្រជែងការបោះឆ្នោតអាណត្តិថ្មីរបស់លោក ដោយប្រើការប្រារព្ធពិធីទិវាបុណ្យឯករាជ្យ៤កក្កដា កាលពីថ្ងៃព្រហស្បតិ៍ទី ៤ ខែកក្កដា ដើម្បីឆ្លើយតបទៅនឹងការមន្ទិលសង្ស័យអំពីភាពរឹងមាំទាំងផ្លូវកាយ និងផ្លូវចិត្តរបស់លោក ដើម្បីបន្តយុទ្ធនាការសម្រាប់ការបោះឆ្នោតនៅខែវិច្ឆិកាឆ្នាំនេះ ។ ការបង្ហាញភាពរង្គោះរង្គើរបស់អ្នកប្រជាធិបតេយ្យវ័យ៨១ ឆ្នាំ នៅឯការជជែកដេញដោលកាលពីថ្ងៃទី ២៧ ខែមិថុនា ជាមួយគូប្រជែងមកពីគណបក្សសាធារណរដ្ឋលោក Donald Trump មានន័យថារាល់ការលេចមុខរបស់លោកឥឡូវនេះត្រូវបានគេតាមដានយ៉ាងដិតដល់។ អ្នកបោះឆ្នោតឲ្យបក្សប្រជាធិបតេយ្យជាច្រើនព្រួយបារម្ភថាតើរូបលោកអាចរក្សាល្បឿននៃការងារដ៏លំបាកក្នុងរយៈពេល៤ឆ្នាំកន្លះ ខាងមុខបានដែរឬអត់ ហើយសមាជិកមួយចំនួននៅក្នុងគណបក្សរបស់លោកបានជំរុញឱ្យលោកបោះបង់ចោលការប្រជែងតំណែងប្រធានាធិបត្តីអាណត្តិបន្ទាប់ទៅ។ អំឡុងសុន្ទរកថារបស់លោក លោក Biden បាននិយាយថា អ្នករាល់គ្នាបានស្គាល់ខ្ញុំហើយ ។ ខ្ញុំមិនទៅណាទេ ដោយលោកបានបញ្ជាក់ឡើងវិញនូវការសន្យារបស់លោកថា លោកនឹងនៅតែស្ថិតក្នុងការប្រកួតប្រជែង ទោះបីជាមានការអំពាវនាវកាន់តែខ្លាំងឱ្យលោកដកខ្លួនចេញក៏ដោយ៕

លោក Xi ប្រាប់បណ្ដាមេដឹកនាំក្នុងកិច្ចប្រជុំកំពូលអាស៊ីកណ្តាលឱ្យទប់ទល់ នឹងការជ្រៀតជ្រែកពីខាងក្រៅ

2024/07/05 08:56:16 am        278
Facebook Telegram Linkin
ប្រព័ន្ធផ្សព្វផ្សាយរដ្ឋបានរាយការណ៍ថា ប្រធានាធិបតីចិនលោក Xi Jinping បានប្រាប់ដល់បណ្ដាមេដឹកនាំនៅក្នុងកិច្ចប្រជុំកំពូលអាស៊ីកណ្តាលនៅរដ្ឋធានី អាស្តាណា (Astana) ប្រទេសកាហ្សាក់ស្ថានកាលពីថ្ងៃព្រហស្បតិ៍ ទី ៤ ខែកក្កដា ឲ្យទប់ទល់នឹងការជ្រៀតជ្រែកពីកម្លាំងខាងក្រៅ ។ យោងតាមទូរទស្សន៍រដ្ឋ CCTV លោក Xi បានប្រាប់កិច្ចប្រជុំអង្គការសហប្រតិបត្តិការសៀងហៃ (SCO) ថា យើងគួរតែរួមដៃគ្នាដើម្បីទប់ទល់នឹងការជ្រៀតជ្រែកពីកម្លាំងខាងក្រៅ គាំទ្រគ្នាទៅវិញទៅមកយ៉ាងរឹងមាំ ខ្វល់ខ្វាយពីក្ដីកង្វល់របស់គ្នាទៅវិញទៅមក និងគ្រប់គ្រងយ៉ាងរឹងមាំនូវអនាគត និងជោគវាសនានៃប្រទេសរបស់យើង ក៏ដូចជាសន្តិភាព និងការអភិវឌ្ឍន៍ក្នុងតំបន់នៅក្នុងដៃរបស់យើង។ អង្គការសហប្រតិបត្តិការសៀងហៃ ដែលគ្របដណ្ដប់លើពិភពលោកដ៏ច្រើនសន្ធឹកសន្ធាប់ចាប់ពីទីក្រុងមូស្គូ ដល់ទីក្រុងប៉េកាំង រួមមានប្រជាជនប្រហែលពាក់កណ្តាលនៃពិភពលោក ហើយកាលពីថ្ងៃព្រហស្បតិ៍បានស្វាគមន៍សមាជិកទី ១០ របស់ខ្លួនគឺប្រទេសបេឡារុស។ សមាជិកអចិន្ត្រៃយ៍ផ្សេងទៀតរបស់អង្គការនេះ ដែលជាម្ចាស់ផ្ទះឆ្នាំនេះ គឺ កាហ្សាក់ស្ថាន ឥណ្ឌា ចិន កៀហ្ស៊ីស៊ីស្ថាន ប៉ាគីស្ថាន រុស្ស៊ី តាជីគីស្ថាន អ៊ូសបេគីស្ថាន និងអ៊ីរ៉ង់។ទូរទស្សន៍ CCTV បានរាយការណ៍ថាលោក Xi បាននិយាយថា ពិភពលោកឈរម្តងទៀតនៅចំណុចផ្លូវបំបែក។ពិតជាមានសារៈសំខាន់ខ្លាំងណាស់សម្រាប់ពិភពលោកដែលអង្គការសហប្រតិបត្តិការសៀងហៃ ឈរនៅខាងស្តាំនៃប្រវត្តិសាស្ត្រ និងនៅលើផ្នែកនៃការស្មើភាពគ្នា និងយុត្តិធម៌៕

ផ្លូវជនបទនៅទូទាំងប្រទេស កំពុងត្រូវបានកែលម្អ និងថែទាំ ដើម្បីជួយសម្រួល​ដល់​ជីវភាពពលរដ្ឋ

2024/07/05 08:48:20 am        360
Facebook Telegram Linkin
ភ្នំពេញ៖ រាជរដ្ឋាភិបាលកម្ពុជា តាមរយៈក្រសួងអភិវឌ្ឍន៍ជនបទ បាននិង​កំពុង​ធ្វើ​ការ​កសាង​ជួស​ជុល​កែ​លម្អ នូវផ្លូវជនបទនានា ឱ្យប្រែក្លាយទៅជាផ្លូវបេតុង ផ្លូវក្រាលកៅស៊ូ និងផ្លូវក្រាល​គ្រួស​ក្រហម​ជាដើម ដែលការអភិវឌ្ឍទាំងអស់នេះ កំពុងជួយជំរុញកំណើនសេដ្ឋកិច្ច របស់ពលរដ្ឋ​នៅ​តាម​មូលដ្ឋាន ជាពិសេសពលរដ្ឋនៅតំបន់ជនបទ។ ក្នុងឱកាសដឹកនាំគណៈកម្មការអន្តរក្រសួង ចុះពិនិត្យវាយតម្លៃផ្លូវចំនួន ៥ខ្សែ និងជួប​សំណេះ​សំណាល​អាជ្ញាធរ និងពលរដ្ឋ ក្នុងខេត្តព្រៃវែង ខេត្តកណ្ដាល និងខេត្តសៀមរាប នាថ្ងៃទី៤ ខែ​កក្កដា ឆ្នាំ២០២៤ ឯកឧត្តម ឈឹម សៅគី រដ្ឋលេខាធិការប្រចាំការ តំណាងឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ មានប្រសាសន៍ថា រាជរដ្ឋាភិបាល បាននិង​កំពុង​ខិតខំ​អភិវឌ្ឍ​ប្រទេសជាតិ លើគ្រប់វិស័យឱ្យកាន់តែមានភាពរីកចម្រើនទៅមុខ ដោយបានដាក់​ចេញ​នូវ​យុទ្ធ​សាស្ត្រ​បញ្ចកោណ ដែលបានកំណត់អាទិភាពគន្លឹះ៥ គឺ៖ មនុស្ស ផ្លូវ ទឹក ភ្លើង និងបច្ចេក​វិទ្យា​ឌីជីថល ជាបាវចនា ដើម្បីកំណើនការងារ សមធម៌ ប្រសិទ្ធភាព និងចីរភាព ក្នុង​គោល​ដៅ​អភិវឌ្ឍ​ប្រទេស ឈានឆ្ពោះទៅសម្រេចចក្ខុវិស័យកម្ពុជា ជាប្រទេសមានចំណូលមធ្យមកម្រិតខ្ពស់ នៅឆ្នាំ២០៣០ និងចំណូលខ្ពស់នៅឆ្នាំ២០៥០។ ឯកឧត្តមបានបន្តទៀតថា ជាមួយនេះ ក្រសួងអភិវឌ្ឍន៍ជនបទ កំពុងពន្លឿនកិច្ចអភិវឌ្ឍន៍ និង​ជំរុញ​ការ​អនុវត្តនូវយុទ្ធសាស្ដ្រសំខាន់ៗ រួមមាន ទី១. អភិវឌ្ឍហេដ្ឋារចនាសម្ព័ន្ធរូបវន្ត និង​គមនាគមន៍​ជនបទប្រទាក់ក្រឡា ដោយការខិតខំលើកកម្ពស់កម្រិតគុណភាពផ្លូវពីផ្លូវដីស និង​ផ្លូវ​ដី​ល្បាយក្រួស ទៅជាផ្លូវក្រាលកៅស៊ូពីរជាន់ និងផ្លូវបេតុង, ទី២. កែ​លម្អ​លក្ខខណ្ឌ​នៃ​ការ​រស់​នៅ​របស់​សហគមន៍ជនបទ តាមរយៈការជំរុញអាត្រាគ្របដណ្ដប់នៃការផ្គត់ផ្គង់ទឹកស្អាត និងអនាម័យ​ជន​បទ​១០០ភាគរយ, ទី៣. ការធ្វើពិពិធកម្មសកម្មភាពសេដ្ឋកិច្ចជនបទ តាមរយៈ​ការ​បណ្តុះ​បណ្តាល​ជំនាញ​មូលដ្ឋានបំណិនជីវិត ដើម្បីបង្កើតការងារ និងមុខរបរ ដើម្បីបង្កើនប្រាក់​ចំណូល​បន្ថែម​ ក្នុងគោលដៅលើកកម្ពស់ជីវភាព និងសេដ្ឋកិច្ចនៅជនបទឱ្យមានការរីកចម្រើន ជា​ពិសេស​ការ​ពង្រឹង​តួនាទី ភារកិច្ចរបស់គណៈកម្មការអភិវឌ្ឍន៍ភូមិ ដើម្បីជំរុញការអភិវឌ្ឍភូមិគំរូ និងទី៤. ការ​ពង្រឹង​ស្ថាប័ន និងកិច្ចការ តាមរយៈបណ្ដុះបណ្ដាល ពង្រឹងសមត្ថភាព​មន្ដ្រី​រាជ​ការ​គ្រប់​លំ​ដាប់​ថ្នាក់, ការរៀបចំសណ្ដាប់ធ្នាប់ និងការពង្រឹងសាមគ្គីភាព ដើម្បី​ចូល​រួម​ចំណែក​អនុវ​ត្ត​ការងារ​ប្រកប​ដោយ​ប្រសិទ្ធភាព និងការទទួលខុសត្រូវ។  ជាមួយនេះ គណៈកម្មាធិការអន្តរក្រសួង បានណែនាំដល់អ្នកទទួលការ និងបងប្អូនប្រជាពលរដ្ឋ ឱ្យ​ជួយថែទាំផ្លូវនេះ ឱ្យបានដិតដល់ ដើម្បីធានាថា អាចប្រើប្រាស់បានយូរអង្វែង បម្រើ​ផល​ប្រយោជន៍​ជូន​ប្រជាពលរដ្ឋ ។ គួរបញ្ជាក់ថា ផ្លូវទាំង៥ខ្សែ ស្ថាបនាដោយនាយកដ្ឋានកងវិស្វកម្ម នៃក្រសួងការពារជាតិ មាន​ការ​ចូល​រួម​ពីឯកឧត្តមបណ្ឌិត នួន ដាញ៉ិល រដ្ឋលេខាធិការ ក្នុងការចូលរួមចុះពិនិត្យវាយតម្លៃផងនោះ មាន​ទី១. ផ្លូវក្រាលកៅស៊ូ DBST ចំនួន១ខ្សែ ប្រវែង២ ៨០០ម៉ែត្រ មានស្ថាបនា​លូ​មូល​មុខ​ពីរ​ចំនួន​១​កន្លែង និងលូមូលមុខមួយចំនួន ២កន្លែង ស្ថិតនៅភូមិតាគោក ឃុំល្វា ទៅភូមិពាយនាយ ឃុំ​ក្រាំស្វាយ ស្រុកព្រះស្តេច ខេត្តព្រៃវែង, ទី២. ផ្លូវក្រាលកៅស៊ូ DBST ចំនួន ១ខ្សែ ប្រវែង ២ ៨០០​ម៉ែត្រ ស្ថាបនាលូមូលមុខមួយចំនួន ៤កន្លែង ស្ថិតនៅភូមិក្តីស្គា ឃុំជៃកំពត ទៅភូមិ​គោក​សំពៅ ឃុំក្រាំស្វាយ ស្រុកព្រះស្តេច ខេត្តព្រៃវែង, ទី៣. ផ្លូវក្រាលបេតុងចំនួន ១ខ្សែ ប្រវែង ១ ១២០​ម៉ែត្រ ស្ថិតនៅភូមិជ្រៃលាស់ ឃុំជ័យធំ ស្រុកខ្សាច់កណ្តាល ខេត្តកណ្តាល និងទី៤. ផ្លូវ​ក្រាល​កៅ​ស៊ូ DBST ចំនួន ២ខ្សែ ប្រវែង ២ ៥០០ម៉ែត្រ និងស្ថាបនាលូមូលមុខមួយចំនួន ២​កន្លែង ស្ថិតនៅភូមិតាយ៉ុន ទៅភូមិអូរក្រោម ឃុំស្ពានត្នោត ស្រុកជីក្រែង ខេត្តសៀមរាប ៕ អត្ថបទ បាន សុខរិទ្ធិ

ការស្ទង់មតិ៖លោក Starmer ត្រៀមខ្លួនធ្វើជានាយករដ្ឋមន្ត្រីចក្រភពអង់គ្លេស ខណៈគណបក្សអភិរក្សនិយម ប្រឈមនឹងការបរាជ័យដ៏ធ្ងន់ធ្ងរ

2024/07/05 08:11:44 am        233
Facebook Telegram Linkin
ការស្ទង់មតិកាលពីថ្ងៃព្រហស្បតិ៍ ទី៤ ខែកក្កដា បានបង្ហាញថា លោក គៀរ ស្តាមើ (Keir Starmer) នឹងក្លាយជានាយករដ្ឋមន្ត្រីបន្ទាប់របស់ចក្រភពអង់គ្លេសដោយគណបក្សការងាររបស់លោកអាចនឹងឈ្នះសំឡេងភាគច្រើននៅក្នុងការបោះឆ្នោតសភា ខណៈគណបក្សអភិរក្សរបស់លោកនាយករដ្ឋមន្ត្រី Rishi Sunak ត្រូវបានព្យាករណ៍ថានឹងទទួលរងការបរាជ័យដ៏ធ្ងន់ធ្ងរជាប្រវត្តិសាស្ត្រ។ គណបក្សការងារ ឆ្វេងនិយមកណ្តាលកំពុងឈានទៅរកការដណ្តើមបានអាសនៈ ៤១០ ក្នុងចំណោមអាសនៈសរុបនៅក្នុងសភាចំនួន៦៥០ ដែលជាការបញ្ច្រាសដ៏គួរឱ្យភ្ញាក់ផ្អើលខុសពីរយៈពេល៥ ឆ្នាំមុននៅពេលដែលគណបក្សនេះ បានបរាជ័យដ៏ធ្ងន់ធ្ងរបំផុតចាប់តាំងពីឆ្នាំ ១៩៣៥ មក ។ លទ្ធផលនឹងផ្តល់ឱ្យគណបក្សការងារនូវអាសនៈចំនួន១៧០លើសំឡេងភាគច្រើនដាច់ខាត ហើយនឹងឈានដល់ការបញ្ចប់ការដឹកនាំ រយៈពេល ១៤ ឆ្នាំនៃរដ្ឋាភិបាលដឹកនាំដោយគណបក្សអភិរក្សនិយមកាន់តែមានភាពច្របូកច្របល់។ លោក ស្តាមើ (Starmer) បាននិយាយនៅលើបណ្ដាញសង្គម X ថា ចំពោះអ្នកគ្រប់គ្នាដែលបានធ្វើយុទ្ធនាការសម្រាប់បក្សការងារនៅក្នុងការបោះឆ្នោតនេះ ចំពោះអ្នកគ្រប់គ្នាដែលបានបោះឆ្នោតឱ្យយើង ហើយដាក់ការជឿជាក់របស់ពួកគេចំពោះគណបក្សការងារដែលបានផ្លាស់ប្តូររបស់យើង សូមអរគុណ ។ គណបក្សរបស់លោក Sunak ត្រូវបានគេព្យាករណ៍ថានឹងដណ្តើមបានត្រឹមតែ ១៣១ អាសនៈប៉ុណ្ណោះ ពោលគឺធ្លាក់ចុះពីអាសនៈចំនួន៣៤៦ ពេលដែលសភាត្រូវបានរំលាយ ខណៈអ្នកបោះឆ្នោតដាក់ទណ្ឌកម្មលើក្រុមអភិរក្សសម្រាប់វិបត្តិនៃការចំណាយខ្ពស់ក្នុងជីវភាពរស់នៅប្រចាំថ្ងៃ និងអស្ថិរភាពជាច្រើនឆ្នាំ និងការដណ្ដើមអំណាចគ្នា ដែលបានមើលឃើញនាយករដ្ឋមន្ត្រីដល់ទៅ៥រូបផ្សេងគ្នាចាប់តាំងពីឆ្នាំ ២០១៦ មក៕

បណ្ដាញសង្គម

ព័ត៌មានថ្មីៗ

មន្ត្រីជាន់ខ្ពស់ក្រសួងការងារ៖ បច្ចុប្បន្ន ការងារ និងសាលារៀន រត់រកមនុស្សដល់មូលដ្ឋាន ហើយការធ្វើការងារក្នុងស្រុកជួយកសាងសេដ្ឋកិច្ចជាតិ
06/27/2026 06:06 PM
Facebook Telegram Linkin
តំបន់​គ្រីមៀប្រកាសស្ថានភាព​គ្រា​អាសន្ន បន្ទាប់ពីអ៊ុយក្រែនវាយប្រហារបណ្តាញថាមពល
06/27/2026 05:06 PM
Facebook Telegram Linkin
លោក Zelenskyy៖ មីស៊ីល Flamingo បានវាយប្រហារដោយជោគជ័យ​ លើ​រោងចក្រយោធាដ៏​សំខាន់របស់រុស្ស៊ី
06/27/2026 04:06 PM
Facebook Telegram Linkin
អ៊ីរ៉ង់ថ្កោលទោសការវាយប្រហាររបស់​អាមេរិក ដោយចោទប្រកាន់ថា រំលោភលើកិច្ចព្រមព្រៀងសន្តិភាព
06/27/2026 04:06 PM
Facebook Telegram Linkin
មនុស្សយ៉ាងតិច ២នាក់ស្លាប់ ខណៈកោះ​តៃវ៉ាន់ជូនដំណឹងថ្មី អំពីភ្លៀងធ្លាក់ខ្លាំង ក្រោយ​មាន​ទឹកជំនន់គ្រប់ទីកន្លែង​
06/27/2026 03:06 PM
Facebook Telegram Linkin
សម្ដេចធិបតី ហ៊ុន ម៉ាណែត៖ អាទិភាពរបស់រាជរដ្ឋាភិបាល​ គឺ ប្រទេសជាតិ​,​ប្រជាជន, ទឹកដី និង​ ឯករាជ្យភាពជាតិ
06/27/2026 03:06 PM
Facebook Telegram Linkin
ទីក្រុងសេអ៊ូល បញ្ជាក់​ថា យន្តហោះយោធាចិន និងរុស្ស៊ី ចូលទៅក្នុងតំបន់ការពារដែនអាកាសរបស់ខ្លួន
06/27/2026 03:06 PM
Facebook Telegram Linkin
អ្នកគាំទ្រក្រុម​ហេសបូឡា ចេញមក​តាមដងផ្លូវទីក្រុងបេរូត ដើម្បីតវ៉ា​កិច្ចព្រមព្រៀងជាមួយ​អ៊ីស្រាអែល
06/27/2026 03:06 PM
Facebook Telegram Linkin
អ្នកការទូតជាន់ខ្ពស់​ប៉ាគីស្ថាន និងអ៊ីរ៉ង់ បញ្ជាក់ពី​ការប្តេជ្ញាចិត្ត ចំពោះសន្តិភាពក្នុងតំបន់ ក្រោយ​មាន​ការវាយប្រហារថ្មី
06/27/2026 03:06 PM
Facebook Telegram Linkin
លោក Trump បង្ហាញលិខិតឆ្លងដែនសហរដ្ឋ​អាមេរិកថ្មីដែល​មាន​រូបភាពរបស់លោក​
06/27/2026 03:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.