BTV NEWS

គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ និង ការអភិវឌ្ឍន៍

លោក Trump ទៅកាន់ព្រំដែនអាមេរិក-ម៉ិកស៊ិក ខណៈលំហូរជនអន្តោប្រវេសន៍ក្លាយជាបញ្ហាលេចធ្លោសម្រាប់អ្នកបោះឆ្នោត

អតីតប្រធានាធិបតីសហរដ្ឋអាមេរិក លោក Donald Trump បានគ្រវីដៃ ទៅកាន់ក្រុមមនុស្ស ដែលកំពុងឈរនៅមាត់ទន្លេ រីអូ ហ្គ្រែនដេ (Rio Grande) ខាងប្រទេសម៉ិកស៊ិក កាលពីថ្ងៃព្រហស្បតិ៍ ខណៈលោកបានទៅពិនិត្យមើលព្រំដែនសហរដ្ឋអាមេរិក-ម៉ិកស៊ិក នៅទីក្រុង Eagle Pass រដ្ឋតិចសាស់ ជាមួយអភិបាលរដ្ឋលោក ហ្គ្រេក អាបុត(Greg Abbott)។ ប្រធានាធិបតីសហរដ្ឋអាមេរិក លោក Joe Biden និង លោក Trump បានធ្វើទស្សនកិច្ចនៅព្រំដែនអាមេរិក-ម៉ិកស៊ិក កាលពីថ្ងៃព្រហស្បតិ៍ ខណៈលំហូរនៃជនអន្តោប្រវេសន៍ បានក្លាយជាបញ្ហាលេចធ្លោសម្រាប់អ្នកបោះឆ្នោត។ លោក Trump ដែលមើលទៅប្រឈមមុខជាមួយលោក Biden ក្នុងការបោះឆ្នោតធ្វើឡើងនៅថ្ងៃទី ៥ ខែវិច្ឆិកា ត្រូវបានរាយការណ៍សង្ខេបដោយក្រុមមន្រ្តី ជាមួយលោក Abbott នៅទន្លេ Rio Grande។ លោក Trump បាននិយាយថា សហរដ្ឋអាមេរិកកំពុងត្រូវបានគ្របដណ្ដប់ដោយបទឧក្រិដ្ឋជនអន្តោប្រវេសន៍របស់លោក Biden នៅក្នុងភាសាដែលកំពុងឡើងកម្តៅខ្លាំង ដែលលោកបានប្រើដើម្បីនិយាយអំពីបញ្ហាព្រំដែន និងបានរិះគន់គោលនយោបាយរបស់គូប្រជែងលោក។ ទីក្រុង Eagle Pass នៅតែជាចំណុចសំខាន់មួយនៅក្នុងការជជែកដេញដោលគ្នារវាងគណបក្សទាំងពីរយ៉ាងក្តៅគគុក លើបញ្ហាសន្តិសុខព្រំដែន ទោះបីជាចំនួនជនអន្តោប្រវេសន៍ជាច្រើនត្រូវបានចាប់ខ្លួន ខណៈកំពុងឆ្លងកាត់ដោយខុសច្បាប់ បានធ្លាក់ចុះយ៉ាងគំហុក នៅក្នុងខែមករា និងខែកុម្ភៈក៏ដោយ។ចំនួនជនអន្តោប្រវេសន៍ ដែលត្រូវបានចាប់ខ្លួនខណៈកំពុងឆ្លងកាត់ព្រំដែនអាមេរិក-ម៉ិកស៊ិក ដោយខុសច្បាប់ បានឈានដល់កំណត់ត្រាប្រចាំខែចំនួន ២៥០.០០០នាក់ នៅក្នុងខែធ្នូ ប៉ុន្តែបានធ្លាក់ចុះពាក់កណ្តាល នៅក្នុងខែមករា ជានិន្នាការមួយរបស់មន្ត្រីសហរដ្ឋអាមេរិក ដែលបានសន្និដ្ឋានថា មានការបង្កើនការអនុវត្តន៍ច្បាប់ របស់ប្រទេសម៉ិកស៊ិក និងនិន្នាការតាមរដូវកាល។

លោក Biden៖ ការបាញ់ប្រហារលើអ្នកចាំយកជំនួយ នឹងធ្វើឱ្យកិច្ចពិភាក្សាបទឈប់បាញ់ហ្កាហ្សា ស្មុគស្មាញ

ប្រធានាធិបតីអាមេរិក លោក ចូ បៃដិន (Joe Biden) បាននិយាយកាលពីថ្ងៃព្រហស្បតិ៍ (២៩ កុម្ភៈ) ថាសហរដ្ឋអាមេរិក កំពុងពិនិត្យមើលរបាយការណ៍របស់ទាហានអ៊ីស្រាអែល ដែលបានបាញ់ប្រហារទៅលើមនុស្សដែលកំពុងរង់ចាំជំនួយស្បៀងអាហារនៅហ្កាហ្សា ដោយបន្ថែមថា លោកជឿថាឧបទ្ទវហេតុដ៏បង្ហូរឈាមនេះនឹងធ្វើឱ្យមានភាពស្មុគស្មាញដល់កិច្ចចរចាស្តីពីបទឈប់បាញ់ថ្មី។អាជ្ញាធរសុខាភិបាលនៅហ្កាហ្សាបាននិយាយថា ការបាញ់ប្រហាររបស់អ៊ីស្រាអែល ទៅលើហ្វូងមនុស្សដែលកំពុងរង់ចាំជំនួយនៅជិតទីក្រុងហ្កាហ្សា កាលពីថ្ងៃព្រហស្បតិ៍ បានសម្លាប់ជនជាតិប៉ាឡេស្ទីនចំនួន ១១២ នាក់ និងរងរបួសចំនួន ២៨០ នាក់។លោក បៃដិន បាននិយាយថា «ឥឡូវនេះ យើងកំពុងពិនិត្យមើលលើបញ្ហានេះ ដោយសារមានរបាយការណ៍ប្រជែងគ្នាចំនួនពីរជុំវិញអ្វីដែលបានកើតឡើង ដូច្នេះយើងមិនទាន់មានចម្លើយនៅឡើយទេ ហើយបទឈប់បាញ់បណ្តោះអាសន្នប្រហែលជានឹងមិនកើតឡើងនៅថ្ងៃចន្ទ ដូចដែលយើងព្យាករកាលពីមុននោះទេ»។អ៊ីស្រាអែល និងក្រុមហាម៉ាស ក៏ដូចជាអ្នកសម្រុះសម្រួលកាតា ទាំងអស់បានកត់សម្គាល់ពីការប្រុងប្រយ័ត្នក្នុងសប្តាហ៍នេះ អំពីវឌ្ឍនភាពឆ្ពោះទៅរកបទឈប់បាញ់នៅហ្កាហ្សា ជាទីដែលអាជ្ញាធរសុខាភិបាលបាននិយាយថា មនុស្សជាង ៣០.០០០ នាក់ត្រូវបានសម្លាប់នៅក្នុងការវាយប្រហាររបស់អ៊ីស្រាអែល៕

សមាជិកសភាអាមេរិក ជំរុញលោក Biden និងលោក Blinken កុំឱ្យទទួលស្គាល់រដ្ឋាភិបាលប៉ាគីស្ថានថ្មី

សមាជិកសភាចំនួន ៣១ រូបនៃសភាអាមេរិក បានចុះហត្ថលេខាលើលិខិតមួយទៅកាន់លោកប្រធានាធិបតី ចូ បៃដិន (Joe Biden) និងរដ្ឋមន្ត្រីការបរទេស លោក អាន់តូនី ប្លីងខិន (Antony Blinken) ដោយជំរុញឱ្យអ្នកទាំងពីរកុំទទួលស្គាល់រដ្ឋាភិបាលថ្មីនៅក្នុងប្រទេសប៉ាគីស្ថាន រហូតដល់ការស៊ើបអង្កេតអំពីការជ្រៀតជ្រែកការបោះឆ្នោតត្រូវបានធ្វើឡើង។គណបក្ស សម្ព័ន្ធមូស្លីមណាវ៉ាស់ប៉ាគីស្ថាន (PML-N) និងគណបក្សប្រជាជនប៉ាគីស្ថាន (PPP) បានយល់ព្រមបង្កើតរដ្ឋាភិបាលចម្រុះមួយ ទោះបីជាបេក្ខជនគាំទ្រដោយអតីតនាយករដ្ឋមន្ត្រីជាប់ពន្ធនាគារ លោក អ៊ីមរ៉ាន ខាន់ (Imran Khan) ទទួលបានអាសនៈច្រើនជាងគេក៏ដោយ។លិខិតរបស់សភាអាមេរិកនោះក៏បានជំរុញឱ្យលោក បៃដិន និងលោក ប្លីងខិន បញ្ជាក់ឱ្យច្បាស់ដល់អាជ្ញាធរប៉ាគីស្ថានថា ទីក្រុងវ៉ាស៊ីនតោន អាចប្រើប្រាស់ឥទ្ធិពលលើវិស័យយោធា ហើយកិច្ចសហប្រតិបត្តិការផ្សេងទៀតអាចត្រូវបានបញ្ឈប់ ប្រសិនបើវិធានការពាក់ព័ន្ធមិនត្រូវបានធ្វើឡើង។ពលរដ្ឋប៉ាគីស្ថាន បានទៅបោះឆ្នោតកាលពីដើមខែនេះក្នុងការបោះឆ្នោតមួយដែលត្រូវបានរំខានដោយការបិទសេវាអ៊ីនធឺណិតតាមទូរស័ព្ទនៅថ្ងៃបោះឆ្នោត ការចាប់ខ្លួន ព្រមទាំងអំពើហិង្សា និងលទ្ធផលយឺតយ៉ាវខុសប្រក្រតី ដែលនាំឱ្យមានការចោទប្រកាន់ថាការបោះឆ្នោតនេះត្រូវបានគេលួចបន្លំ។សហរដ្ឋអាមេរិក អង់គ្លេស និងសហភាពអឺរ៉ុបបានសម្តែងការព្រួយបារម្ភអំពីភាពមិនប្រក្រតីនៃការបោះឆ្នោតដែលបានរាយការណ៍ ហើយបានជំរុញឱ្យមានការស៊ើបអង្កេត៕

ក្រុមយុវជនសង្គមស៊ីវិល អំពាវនាវដល់មហាជនរួមគ្នាលុបបំបាត់ព័ត៌មានក្លែងក្លាយ ដើម្បីសង្គមមានសន្តិភាព និងការអភិវឌ្ឍន៍!

ភ្នំពេញ៖ ក្រុមយុវជនសង្គមស៊ីវិល នៅព្រឹកថ្ងៃទី១ ខែមីនានេះ បានចេញសេចក្ដីអំពាវនាវដល់មហាជនទូទៅ ជនរួមជាតិដែលនិយមប្រើប្រាស់បណ្តាញសង្គមផ្សេងៗ ដូចជាហេ្វសបុក Facebook TikTok Telegram ជាដើម។ ខណៈមួយរយៈនេះមានសកម្មភាពការបំផុសបំផុលព័ត៌មានក្នុងបណ្តាញសង្គមជាច្រើនករណីដូចជា ករណីអេស្តាវាទ័រកិនពលរដ្ឋនៅខេត្តកោះកុងស្លាប់ភ្លាមៗ គ្រាន់តែការពារដីខ្លួន ជាដើមដែលក្រុមប្រឆាំងជ្រុលនិយមបានយកករណីនេះ បំផុសបំផុស បង្កើតព័ត៌មានក្លែងក្លាយ ដើម្បីបំពុលសង្គមក្នុងគោលដៅកេងចំណេញផលប្រយោជន៍នយោបាយ និងធ្វើឱ្យអស្ថិរភាពនៅក្នុងសង្គមកម្ពុជាតែប៉ុណ្ណោះ។ក្រុមយុវជនសង្គមស៊ីវិលសង្កេតឃើញថា ជាការពិតជាក់ស្ដែង ករណីនេះរដ្ឋបាលខេត្តកោះកុង និងមន្រ្តីពាក់ព័ន្ធ ក៏បានបញ្ជាក់ហើយជាព័ត៌មានពិត គឺមិនដូចការលើកឡើងរបស់ក្រុមប្រឆាំងបានផ្សព្វផ្សាយនោះទេ ហើយករណីនេះសមត្ថកិច្ចបានអនុវត្តការងារតាមនីតិវិធីច្បាប់រួចហើយ។ ដូច្នេះសូមបងប្អូនប្រជាពលរដ្ឋកុំមានការភ័ន្តច្រឡំ និងពិនិត្យប្រភពព័ត៌មានឲ្យបានច្បាស់លាស់មុននឹងចូលរួមបញ្ចេញមតិ ឬចែកចាយព័ត៌មាននោះបន្ត។ដើម្បីជាផ្នែកមួយឆ្លើយតបការទទួលបានព័ត៌មានគ្រប់ជ្រុងជ្រោយ ក្រុមយុវជនសង្គមស៊ីវិល បានសូមណូមពរដល់មហាជន៖ ១/. ស្វែងរកប្រភពព័ត៌មានក្លែងក្លាយនោះហើយកុំទាន់ធ្វើការវិនិច្ឆ័យ និងចូលខមមិនក្នុងន័យមិនល្អ ឬខុសនឹងច្បាប់ ប៉ុន្ដែត្រូវកំណត់ប្រភពនោះឱ្យបានច្បាស់លាស់ជាមុនសិន។ ២/. រួមគ្នាចូលទៅ Report Page អនាមិកទាំងនោះ ដើម្បីឱ្យក្រុមហ៊ុនហ្វេសប៊ុកបិទផែកនោះ។ ៣/.ឆ្លើយតបបង្ហាញការពិត តាមរយៈបណ្ដាញសង្គម ឬបណ្ដាញសារព័ត៌មាននានាជាបន្ទាន់ដើម្បីបន្សាបព័ត៌មានប្រឌិត។ ៤/. អំពាវនាវដល់ក្រុមអ្នកបង្កើតមាតិកា (Creator Content) ឬឆាណែល ហ្វេសប៊ុក យូធូប ជាដើម ត្រូវបង្កើតមាតិការបស់ខ្លួនប្រកបដោយ ក្រមសីលធម៌ វិជ្ជាជីវៈ មិនត្រូវបង្កើតមានតិកាណាមួយផ្ទុយនឹងច្បាប់ ឬប៉ះពាល់សិទ្ធិអ្នកដ៏ទៃឡើយ និង៥/. បញ្ឍប់នាំគ្នាចែករំចែកបន្ត ឬ Like Comment Share ជាដើម ។ ក្រុមយុវជនសង្គមស៊ីវិលអំពាវនាវអ្នកនិយមប្រើប្រាស់បណ្តាញសង្គម សូមចូលរួមទាំងអស់គ្នា ដើម្បីសង្គមជាតិយើងមានសន្ដិភាព ស្ថិរភាព និងការអភិវឌ្ឍ បណ្តោយឲ្យក្លាយជាជនរងគ្រោះដោយផ្ទាល់ ឬប្រយោល ដោយសារព័ត៌មានមិនពិត៕

អបអរសាទរ! ខួបទី២៥ (១៩៩៩-២០២៤) នៃអនុសញ្ញាអូតាវ៉ា

ថ្ងៃទី០១ ខែមីនា គឺជាថ្ងៃដ៏មានសារៈសំខាន់ ដែលយើងទាំងអស់រំលឹកខួបទី២៥ ការចូលជាធរមាន នៃអនុសញ្ញាស្តីពីការហាមប្រាម ការប្រើប្រាស់ ការរក្សាទុក ការផលិត និងការផ្ទេរគ្រាប់មីនប្រឆាំងមនុស្ស និងការបំផ្លាញគ្រាប់មីនចោល(អនុសញ្ញាអូតាវ៉ា)អនុសញ្ញាដែលគួរកត់សំគាល់នេះ បានបង្ហាញពីការប្តេជ្ញាចិត្តរួមរបស់ពិភពលោក ក្នុងកិច្ចខិតខំប្រឹងប្រែងបញ្ចប់គ្រោះថ្នាក់ដែលបង្កឡើងដោយគ្រាប់មីនប្រឆាំងមនុស្ស។ ការចាប់ផ្តើម នៃអនុសញ្ញា បានបង្កើតនូវកំនត់ត្រាមួយនៅក្នុងប្រវត្តិសាស្រ្តរួមរបស់មនុស្សជាតិ ក្រោមគោលដៅការពារអាយុជីវិត លើកកម្ពស់សន្តិភាព និងជំរុញការអភិវឌ្ឍសង្គម-សេដ្ឋកិច្ច។ក្នុងរយៈពេល ២៥ឆ្នាំកន្លងមក ស្មារតីមនុស្សធម៌នេះបានបំផុសគំនិតឱ្យប្រទេស អង្គការ និងបុគ្គលនានាជុំវិញពិភពលោក ធ្វើការដោយមិនខ្លាចនឿយហត់ឆ្ពោះទៅរកការលុបបំបាត់គ្រាប់មីន ដែលជារឿយៗប្រឈមនឹងបញ្ហា និងឧបសគ្គដ៏ធ្ងន់ធ្ងរ។នៅពេលយើងប្រារព្ធព្រឹត្តិការណ៍ដ៏វិសេសវិសាលនេះ សូមឲ្យយើងគោរពនូវភាពក្លាហាន និងការលះបង់របស់អ្នកទាំងអស់ដែលបានរួមចំណែកក្នុងបុព្វហេតុដ៏ថ្លៃថ្លានេះ ហើយសូមឱ្យយើងបញ្ជាក់ឡើងវិញនូវការប្តេជ្ញាចិត្តរួមក្នុងការបន្តធ្វើការដោយមិនខ្លាចនឿយហត់ឆ្ពោះទៅរកការលុបបំបាត់គ្រាប់មីនទាំងស្រុង និងធានាបាននូវពិភពលោកមួយដែលមានសុវត្ថិភាព និងសន្តិសុខជាងមុន សម្រាប់មនុស្សជំនាន់ក្រោយ។កម្ពុជាបានក្លាយជារដ្ឋភាគី នៃអនុសញ្ញាអូតាវ៉ាក្នុងឆ្នាំ២០០០ ហើយបាននិងកំពុងបំពេញកាតព្វកិច្ចជារដ្ឋភាគីគំរូ និងឈានមុខគេក្នុងការលុបបំបាត់គ្រាប់មីនប្រឆាំងមនុស្ស ហើយត្រូវបានសហគមន៍អន្តរជាតិចាត់ទុកសមិទ្ធផលក្នុងការងារបោសសម្អាតមីនរបស់កម្ពុជា គឺជាសមិទ្ធផលមួយផ្នែកធំរបស់ពិភពលោក។ ជាងនេះទៅទៀត ក្នុងឆ្នាំ២០២៤ ស្របនឹងការអបអរសាទរខួបទី២៥ នៃអនុសញ្ញាអូតាវ៉ា កម្ពុជាត្រូវរដ្ឋភាគីចំនួន ១៦៤ បោះឆ្នោតគាំទ្រជ្រើសតាំងធ្វើជាប្រធាន និងម្ចាស់ផ្ទះរៀបចំកិច្ចប្រជុំកំពូលសៀមរាប-អង្គរ នៃអនុសញ្ញា ដែលកម្ពុជាអាចនឹងដឹកនាំបង្កើតផែនការសកម្មភាព ៥ឆ្នាំសៀមរាប-អង្គរ និងសេចក្តីថ្លែងការណ៍សៀមរាប-អង្គរ សម្រាប់រដ្ឋភាគីទាំងអស់៕

លោក Biden និងលោកTrump ប្រជែងគ្នាធ្វើដំណើរទៅកាន់ព្រំដែនអាមេរិក -ម៉ិកស៊ិក

លោកប្រធានាធិបតី Joe Biden និងលោក Donald Trump បានប្រជែងគ្នាធ្វើដំណើរទៅកាន់ព្រំដែនរវាងអាមេរិក និងប្រទេសម៉ិកស៊ិក ដែលម្នាក់ៗសុទ្ធតែព្យាយាមបញ្ជាក់ថា ខ្លួនអាចបញ្ឈប់លំហូរអន្តោប្រវេសន៍ខុសច្បាប់ ចូលទៅក្នុងទឹកដីសហរដ្ឋអាមេរិក។ នេះជាបញ្ហាមួយក្នុងមួយចំណោមបញ្ហាដ៏រសើបបំផុតក្នុងនយោបាយសហរដ្ឋអាមេរិក ហើយក៏នឹងស្ថិតនៅចន្លោះកណ្ដាលសម្រាប់ការបោះឆ្នោតជ្រើសរើសប្រធានាធិបតីនៅឆ្នាំនេះដែរ។ ការប្រកួតប្រជែងនៅខែវិច្ឆិកាឆ្នាំនេះ ទំនងជានឹងក្លាយជាការប្រឈមដាក់គ្នាមួយផ្សេងទៀត រវាងបេក្ខជនទាំង២។លោក Biden បានចោទប្រកាន់គូប្រជែងមកពីគណបក្សសាធារណរដ្ឋរបស់លោក ដែលបាននិយាយថាស្ថានភាពនៅតាមព្រំដែនគ្រោះថ្នាក់បំផុត ដោយលោកបង្ហាញកិច្ចខិតខំប្រែងក្នុងការបង្ក្រាបការឆ្លងព្រំដែនខុសច្បាប់។ក្រុមសមាជិកគណបក្សសាធារណរដ្ឋក្នុងសភា បានរារាំងកំណែទម្រង់ព្រំដែនរបស់គណបក្សទាំង២ ជាអ្វីដែលក្រុមបក្សប្រជាធិបតេយ្យ និយាយថាជាកិច្ចខិតខំប្រឹងប្រែងមេគំនិតដោយលោក Trumpក្នុងការទាត់ចោលកំណែទម្រង់ទាំងនោះមុនការបោះឆ្នោត។នៅក្នុងរដ្ឋតិចសាស់ លោក Trump បាននិយាយថា លោកនឹងយកចិត្តទុកដាក់លើបញ្ហាអន្តោប្រវេសន៍ខុសច្បាប់ ប្រើសិនបើលោកជាប់ឆ្នោត ។ កាលពីកន្លងទៅលោកធ្លាប់បានសន្យាថានឹងមានការនិរទេសទ្រងទ្រាយធំលើជនអន្តោប្រវេសន៍ឆ្លងចូលទឹកដីអាមេរិកខុសច្បាប់។ បញ្ហានេះមានការផ្ដោតយ៉ាងខ្លាំង ព្រោះមានជនអន្តោប្រវេសន៍ជាង៦,៣លាននាក់ ត្រូវបានឃុំខ្លួនពីបទឆ្លងព្រំដែនចូលទឹកដីអាមេរិកខុសច្បាប់អំឡុងការកាន់អំណាចរបស់លោក Biden ជាចំនួនខ្ពស់បំផុតជាងការគ្រប់គ្រងរបស់ប្រធានាធិបតីមុនៗរបស់អាមេរិក៕

បណ្តាប្រទេសជាសមាជិក កោតសសើរកម្ពុជាលើកិច្ចខិតខំប្រឹងប្រែងជំរុញសកលភាវូបនីយកម្ម នៃអនុសញ្ញាអូតាវ៉ា ក្នុងកិច្ចប្រជុំនៅទីក្រុងហ្សឺណែវ ប្រទេសស្វីស

ថ្ងៃទី២៩ ខែកុម្ភៈ ឆ្នាំ២០២៤ នៅទីក្រុងហ្សឺណែវ ឯកឧត្តមបណ្ឌិត លី ធុជ ក្នុងនាមប្រធានអនុសញ្ញាអូតាវ៉ាឆ្នាំ២០២៤ បានដឹកនាំកិច្ចប្រជុំក្រុមការងារសម្របសម្រួលសកលភាវូបនីយកម្ម (Universalization Coordinating Group) នៃអនុសញ្ញាអូតាវ៉ា ដើម្បីពិភាក្សាលើការរៀបចំផែនការយុទ្ធសាស្រ្ត និងវិធានការអនុវត្តក្នុងការលើកកម្ពស់សកលភាវូបនីយកម្មនៃអនុ សញ្ញាអូតាវ៉ា ដោយផ្តោតលើការសម្រេចបានតំបន់ប៉ាស៊ី ហ្វិកគ្មានមីន ការចូលជាសមាជិកនៃរដ្ឋគោលដៅ និងជំហានឆ្ពោះទៅរកការចូលជាសមាជិក នៃរដ្ឋដែលបានកំណត់ផ្សេងទៀត។ កិច្ចប្រជុំនេះ មានការចូលរួមពីតំណាងប្រទេសជាសមាជិក និងអង្គការអន្តរជាតិ រួមមាន ប្រទេសកម្ពុជា អូស្រ្តាលី បែលហ្សិក ចក្រភពអង់គ្លេស កាណាដា ស្វីស ជប៉ុន ស៊ុយអែត ហូឡង់ អាល្លឺម៉ង់ និងតំណាង ISU, ICBL, ICRC ។ ក្នុងកិច្ចប្រជុំនោះ ឯកឧត្តមបណ្ឌិត លី ធុជ បានលើកឡើងអំពីភាពជាប្រធាននៃអនុសញ្ញាឆ្នាំ២០២៤ របស់កម្ពុជា ក្រោមការដឹកនាំរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា ដែលបានដាក់ចេញនូវគោលដៅ យន្តការ និងផែនការក្នុងសកម្មភាពសកលភាវូបនីយកម្ម ការ បញ្ចុះបញ្ចូល និងការកៀរគរបណ្តាប្រទេសមិនទាន់ក្លាយជារដ្ឋភាគី ឱ្យបានចូលរួមផ្តល់សច្ចាប័ន/យល់ព្រមចូលរួមជារដ្ឋភាគី នៃអនុសញ្ញាអូតាវ៉ា។ សកម្មភាពសកលភាវូបនីយកម្ម អាចត្រូវបានធ្វើឡើង តាមរយៈទំនាក់ទំនងការទូត កំណត់ទូត កិច្ចប្រជុំកំពូល វេទិកាកោះប៉ាស៊ីហ្វិក កិច្ចប្រជុំពាក់ព័ន្ធ និងការស្វែងរកកិច្ចសហប្រតិបត្តិការនិងការគាំទ្រពីប្រទេសជាមិត្ត ជាដើម។អង្គប្រជុំ បានសម្តែងនូវការអបអរសាទរ និងគាំទ្រចំពោះកិច្ចខិតខំប្រឹងប្រែងរបស់កម្ពុជា ក្នុងការធ្វើសកលភាវូប នីយកម្មនៃអនុសញ្ញាអូតាវ៉ា។ អង្គប្រជុំ បានជំរុញបន្ថែមរៀបចំឱ្យមានជាទស្សនៈទាន និងព័ត៌មានចាំបាច់មួយចំនួន ដើម្បីធ្វើការផ្សព្វផ្សាយតាមបណ្ដាកិច្ចប្រជុំ សន្និសីទ និងព្រឹត្តិការណ៍ផ្សេងៗ ព្រមទាំងត្រូវប្រមូលព័ត៌មានអំពីជំហរ លក្ខខណ្ឌនានា និងស្ថាប័នសម្រេចចិត្ត នៃប្រទេសមិនទាន់ក្លាយជារដ្ឋភាគីនៃអនុសញ្ញា អូតាវ៉ា ឱ្យបានចូលរួមជារដ្ឋភាគីនៃអនុសញ្ញា។បច្ចុប្បន្ននៅមានប្រទេសមិនទាន់ក្លាយជារដ្ឋភាគីនៃអនុ សញ្ញាអូតាវ៉ាមានចំនួន ៣៣ ហើយកាលពីកិច្ចប្រជុំក្នុងខែមករា ឆ្នាំ២០២៤ កន្លងទៅអង្គប្រជុំបានដាក់ចេញ និងកំណត់គោលដៅប្រទេសមួយចំនួនដែលត្រូវធ្វើសកម្ម ភាពសកលភាវូបនីយកម្មរួមមាន បារ៉ែន ឡាវ កោះម៉ាស្យល មីក្រូណេស៊ី នេប៉ាល់ តុងហ្គា វៀតណាម អាមេនី អាស៊ែបៃហ្សង់ ហ្សកហ្ស៊ី លីបង់ ម៉ុងហ្គោលី និងសិង្ហបុរី៕ អត្ថបទ៖ ភារម្យ

លោក Putin ព្រមានថា លោកខាងលិច នឹងជួបសោកនាដកម្ម បើបញ្ជូនកងកម្លាំងទៅកាន់អ៊ុយក្រែន

លោកប្រធានាធិបតីរុស្ស៊ី Vladimir Putin បានព្រមានដល់បណ្ដាប្រទេសលោកខាងលិចទល់នឹងការបញ្ជូនទាហានទៅអ៊ុយក្រែន។ លោកបាននិយាយថាការសម្រចេចិត្តបញ្ជូនកងកម្លាំងនោះ នឹងក្លាយជាសោកនាដកម្ម។នៅក្នុងសុន្ទរកថាប្រចាំឆ្នាំទៅកាន់ប្រជាជាតិ លោកប្រធានាធិបតី Putin បានចោទប្រកាន់លោកខាងលិចថាកំពុងព្យាយាមទាញរុស្ស៊ីទម្លាក់ចូលទៅក្នុងការរត់ប្រណាំងអាវុធ។ នៅពេលនោះ លោកបាននិយាយថា ពេលនេះ រុស្ស៊ី ចាំបាច់ត្រូវពង្រឹងវិស័យការពារជាតិរបស់ខ្លួននៅតាមព្រំដែនភាគខាងលិចដែលប្រទេសស៊ុយអែត និងហ្វាំងឡង់បានចូលជាសមាជិកណាតូ។ លោកប្រធានាធិបតី Putin បាននិយាយថា លោកខាងលិច បានដុតបញ្ឆេះជម្លោះនៅក្នុងប្រទេសអ៊ុយក្រែន និងបន្តកុហក់ដោយគ្មានការអៀនខ្មាស់ដែលចេះតែលើកឡើងដដែលៗថារុស្ស៊ី មានបំណងវាយប្រហារអឺរ៉ុប។ប្រហែលជាកំពុងសំដៅទៅលើការអត្ថាធិប្បាយដោយលោកប្រធានាធិបតីបារាំងEmmanuel Macron កាលពីដើមសប្ដាហ៍នេះដែល ថាការបញ្ជូនកងទ័ពរពស់ក្រុមប្រទេសសម្ព័ន្ធណាតូ ទៅអ៊ុយក្រែន មិនអាចច្រានចោលបាន លោកប្រធានាធិបតីរុស្ស៊ី រូបនេះ បាននិយាយថា ផលវិបាកសម្រាប់អ្នកអន្តរាគមន៍ នឹងជួបសោកនាដកម្ម។លោកក៏ បានបន្ថែមផងដែរថា យើងមានអាវុធដែលអាចកម្ទេចគោលដៅនានានៅលើដែនដីរបស់ពួកគេ។ ទង្វើទាំងអស់នោះពិតជាអាចរុញឲ្យមានការប្រើប្រាស់អាវុធនុយក្លេអ៊ែរក្នុងជម្លោះ និងការបំផ្លិចផ្លាញភាពជឿនលឿននៃអរិយធម៌។ យ៉ាងណា បណ្ដាប្រទេសសម្ព័ន្ធណាតូ មួយចំនួន បាននិយាយថា សហរដ្ឋអាមេរិក អាល្លឺម៉ង់ និងចក្រភពអង់គ្លេស បានច្រានចោលថា ខ្លួននឹងមិនបញ្ជូនកងកម្លាំងថ្មើរជើងទៅកាន់ប្រទេសអ៊ុយក្រែនទេ៕

រដ្ឋសភាបើកសម័យប្រជុំរដ្ឋសភាជាវិសាមញ្ញ នីតិកាលទី៧ ដើម្បីបោះឆ្នោតជ្រើសតាំងសមាជិកព្រឹទ្ធសភាពីររូប

ភ្នំពេញ៖ នៅព្រឹកថ្ងៃទី១ ខែមីនា ឆ្នាំ២០២៤ រដ្ឋសភានៃព្រះរាជាណាចក្រកម្ពុជា បានបើកសម័យប្រជុំរដ្ឋសភាជាវិសាមញ្ញ នីតិកាលទី៧ ក្រោមអធិបតីភាពដ៏ខ្ពង់ខ្ពស់សម្ដេចមហារដ្ឋសភាធិការធិបតី ឃួន សុដារី ប្រធានរដ្ឋសភា។សម័យប្រជុំរដ្ឋសភាជាវិសាមញ្ញ នីតិកាលទី៧ នាថ្ងៃនេះ មានការអញ្ជើញចូលរួមពីសមាជិក-សមាជិកាសរុបចំនួន១១៣រូប ដើម្បីពិនិត្យលើរបៀបវារៈចំនួន៣ រួមមាន៖១.ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ចំនួន ២រូប ដោយរដ្ឋសភា នីតិកាលទី៧ ក្នុងនោះ មានបេក្ខភាព៤រូប គឺលោក សុខ ឥសាន, លោក ហេង ហាលីម,លោក អ៊ា ឃីម៉េង និង លោក ឌី ទេពកោសល្យ។២.សេចក្តីព្រាងច្បាប់ស្តីពី ការអនុម័តយល់ព្រមលើពិធីសារសម្រាប់ធ្វើវិសោធនកម្មកិច្ចព្រមព្រៀង ម៉ារ៉ាកេស ស្តីពីការបង្កើតអង្គការពាណិជ្ជកម្មពិភពលោក ដើម្បីបញ្ចូលកិច្ចព្រមព្រៀងស្តីពីការឧបត្ថម្ភធនជលផល៣. សេចក្តីព្រាងច្បាប់ស្តីពី ការដឹកជញ្ជូនតាមផ្លូវទឹក។

ការរៀនជំនាញវិជ្ជាជីវៈ មិនត្រឹមតែជួយខ្លួនឯងប៉ុណ្ណោះទេ ថែមទាំងរួមចំណែកក្នុងការអភិវឌ្ឍសេដ្ឋកិច្ចជាតិដែរ

ភ្នំពេញ៖ មន្រ្តីជាន់ខ្ពស់នៃក្រសួងការងារ និងបណ្តុះបណ្តាលវិជ្ជាជីវៈ បានបន្តអំពាវនាវដល់យុវជនដែលមានបំណងចង់រៀនជំនាញបច្ចេកទេស និងវិជ្ជាជីវៈ រួសរាន់ចុះឈ្មោះដើម្បីបង្កើតជំនាញមួយក្នុងជីវិត ព្រោះថា នឹងអាចមានការងារធ្វើសមរម្យ និងចំណូលសមរម្យ។ លើសពីនេះថែមទៀត ដើម្បីរួមចំណែកក្នុងការអភិវឌ្ឍសេដ្ឋកិច្ចរបស់ប្រទេសជាតិផងដែរ។ឯកឧត្តម កត្តា អ៊ន រដ្ឋលេខាធិការ និងជាអ្នកនាំពាក្យនៃក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍ប្រាប់ទូរទស្សន៍ព័ត៌មាន ប៊ីធីវី នៅព្រឹកថ្ងៃនេះថា គិតត្រឹមថ្ងៃទី២៨ ខែកុម្ភៈ ឆ្នាំ២០២៤ មានយុវជនបានមកចុះឈ្មោះចូលរៀនវគ្គបណ្តុះបណ្តាលជំនាញបច្ចេកទេស និងវិជ្ជាជីវៈសរុបចំនួន ២៧,៥៣៧នាក់ ក្នុងនោះស្រី ៩,៥៦៤នាក់។ ការសិក្សាបែងចែកចំនួន ៥៤៦ថ្នាក់ គ្រប់មុខជំនាញ ក្នុងវិស័យទេសចរណ៍ និងកសិកម្មជាដើម។ឯកឧត្តម បានបញ្ជាក់ថា យុវជនដែលមកចុះឈ្មោះចូលរៀនមកពីគ្រួសារក្រីក្រ និងគ្រួសារងាយរងហានិភ័យ នឹងទទួលបានប្រាក់ឧបត្ថម្ភចំនួន ២៨ម៉ឺនរៀល ក្នុង១ខែ ពីមូលនិធិជាតិជំនួយសង្គម ក្នុងចន្លោះពីថ្ងៃទី១ ដល់ថ្ងៃទី៥ ខែមីនាខាងមុខ។ ជាមួយនេះ ឯកឧត្តម បានអំពាវនាវដល់យុវជន ដែលមានបំណងចង់រៀនជំនាញបច្ចេកទេស និងវិជ្ជាជីវៈ សូមអញ្ជើញចុះឈ្មោះនៅតាមគ្រឹះស្ថានបណ្តុះបណ្តាលជំនាញបច្ចេកទេស និងវិជ្ជាជីវៈ នៅជិតលំនៅឋាន ពីព្រោះការរៀនជំនាញនេះធ្វើឲ្យមានជំនាញមួយក្នុងជីវិត ដែលអាចមានការងារធ្វើសមរម្យ និងចំណូលសមរម្យសម្រាប់ទ្រទ្រង់ជីវភាពគ្រួសារ ក៏ដូចជាការចូលរួមចំណែកកាត់បន្ថយភាពក្រីក្ររបស់ប្រទេសជាតិ និងការចូលរួមចំណែកក្នុងការអភិវឌ្ឍសេដ្ឋកិច្ចរបស់ប្រទេសជាតិផងដែរ។សូមបញ្ជាក់ថា កម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេសសម្រាប់យុវជនមកពីគ្រួសារក្រីក្រ និងគ្រួសារងាយរងហានិកភ័យ ១,៥លាននាក់ គឺជាការចង្អុលបង្ហាញរបស់សម្តេចតេជោ ហ៊ុន សែន អតីតនាយករដ្ឋមន្រ្តីនៃកម្ពុជា និងបានប្រកាសដាក់ឲ្យអនុវត្តជាផ្លូវការ នៅថ្ងៃទី១៤ ខែវិច្ឆិកា ឆ្នាំ២០២៣ ដោយសម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា។ កម្មវិធីនេះដែរ រដ្ឋាភិបាលនឹងទទួលខុសត្រូវលើការចំណាយទាំងអស់ ដូចជាថ្លៃសិក្សា និងប្រាក់ឧបត្ថម្ភប្រចាំខែសម្ររាប់ផ្តល់ការបណ្តុះបណ្តាលជំនាញនេះ ដើម្បីឆ្លើយតបនឹងតម្រូវការទីផ្សារការងារ ព្រមទាំងជួយលើកកម្ពស់ជីវភាពរបស់យុវជន ឲ្យកាន់តែប្រសើរជាងមុន។ពាក់ព័ន្ធកម្មវិធីខាងលើនេះដែរ ដើម្បីគាំទ្រដល់ការបណ្តុះបណ្តាលជំនាញវិជ្ជាជីវៈ និងបច្ចេកទេសឲ្យកាន់តែមានប្រសិទ្ធិភាពបន្ថែមទៀត ក្រសួងការងារ និងបណ្តុះបណ្តាលវិជ្ជាជីវៈ បានចុះហត្ថលេខាលើអនុស្សរណៈនៃការយោគយល់គ្នា ជាមួយសភាពាណិជ្ជកម្មកម្ពុជា និងសមាគមនិយោជកចំនួន១៧ ដើម្បីបង្កើតកិច្ចសហប្រតិបត្តិការ រវាងវិស័យរដ្ឋ និងវិស័យឯកជន ក្នុងការផ្តល់ជំនាញ បង្កើនជំនាញ ផ្លាស់ប្តូរជំនាញ និងបង្កើនផលិតភាពការងារ ដើម្បីធានាថា ពលរដ្ឋកម្ពុជាមានជំនាញមួយពិតប្រាកដ ដែលអាចទទួលបានការងារ និងមុខរបរសមរម្យ៕

បណ្ដាញសង្គម

ព័ត៌មានថ្មីៗ

ពិធីរំឭកលោក Charlie Kirk បង្ហាញពីអារម្មណ៍ស្មារតីក្តីស្រលាញ់នៅរដ្ឋ Arizona

នគរបាលបានបង្រ្កាបក្រុមបាតុករប្រឆាំងរដ្ឋាភិបាលប៉េរូនៅទីក្រុង Lima

ដូមីនីករឹបអូសបានសារធាតុកូកាអ៊ីនទម្ងន់ ១តោន អំឡុងប្រតិបត្តិការរួមគ្នាជាមួយអាមេរិក

បាតុកម្មទ្រង់ទ្រាយធំផ្ទុះឡើងនៅប្រេស៊ីល ប្រឆាំងនឹងសំណើច្បាប់លើកលែងទោសសម្រាប់លោក Bolsonaro

អ៊ីស្រាអែលបញ្ចេញវីដេអូឃើញរថក្រោះដែលពួកគេអះអាងថាស្ថិតក្នុង និងជុំវិញទីក្រុងហ្កាហ្សា

ជនប៉ាឡេស្ទីននៅវ៉េសប៊ែងស្វាគមន៍ការទទួលស្គាល់រដ្ឋប៉ាឡេស្ទីនរបស់អង់គ្លេស

ស៊ីរីកំណត់កាលបរិច្ឆេតបោះឆ្នោតជាលើកដំបូងនៅខែតុលា ក្រោយការដួលរលំរបស់លោក al-Assad

ការវាយប្រហាររបស់អ៊ីស្រាអែលសម្លាប់មនុស្សយ៉ាងហោច ២៥នាក់ក្នុងគ្រួសារតែមួយនៅទីក្រុងហ្កាហ្សា

មនុស្សម្នាក់ស្លាប់ ម្នាក់ទៀតបាត់ខ្លួន ក្រោយភ្លៀងធ្លាក់ខ្លាំងនៅតំបន់ Catalonia ប្រទេសអេស្ប៉ាញ

UNព្រួយបារម្ភយ៉ាងខ្លាំងចំពោះស្ថានភាពកាន់តែធ្ងន់ធ្ងរនៅទីក្រុង El-Fasher ប្រទេសស៊ូដង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

លោក Trump ទៅកាន់ព្រំដែនអាមេរិក-ម៉ិកស៊ិក ខណៈលំហូរជនអន្តោប្រវេសន៍ក្លាយជាបញ្ហាលេចធ្លោសម្រាប់អ្នកបោះឆ្នោត

លោក Biden៖ ការបាញ់ប្រហារលើអ្នកចាំយកជំនួយ នឹងធ្វើឱ្យកិច្ចពិភាក្សាបទឈប់បាញ់ហ្កាហ្សា ស្មុគស្មាញ

សមាជិកសភាអាមេរិក ជំរុញលោក Biden និងលោក Blinken កុំឱ្យទទួលស្គាល់រដ្ឋាភិបាលប៉ាគីស្ថានថ្មី

អបអរសាទរ! ខួបទី២៥ (១៩៩៩-២០២៤) នៃអនុសញ្ញាអូតាវ៉ា

លោក Biden និងលោកTrump ប្រជែងគ្នាធ្វើដំណើរទៅកាន់ព្រំដែនអាមេរិក -ម៉ិកស៊ិក

លោក Putin ព្រមានថា លោកខាងលិច នឹងជួបសោកនាដកម្ម បើបញ្ជូនកងកម្លាំងទៅកាន់អ៊ុយក្រែន

រដ្ឋសភាបើកសម័យប្រជុំរដ្ឋសភាជាវិសាមញ្ញ នីតិកាលទី៧ ដើម្បីបោះឆ្នោតជ្រើសតាំងសមាជិកព្រឹទ្ធសភាពីររូប

ការរៀនជំនាញវិជ្ជាជីវៈ មិនត្រឹមតែជួយខ្លួនឯងប៉ុណ្ណោះទេ ថែមទាំងរួមចំណែកក្នុងការអភិវឌ្ឍសេដ្ឋកិច្ចជាតិដែរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

លោក Trump ទៅកាន់ព្រំដែនអាមេរិក-ម៉ិកស៊ិក ខណៈលំហូរជនអន្តោប្រវេសន៍ក្លាយជាបញ្ហាលេចធ្លោសម្រាប់អ្នកបោះឆ្នោត

លោក Biden៖ ការបាញ់ប្រហារលើអ្នកចាំយកជំនួយ នឹងធ្វើឱ្យកិច្ចពិភាក្សាបទឈប់បាញ់ហ្កាហ្សា ស្មុគស្មាញ

សមាជិកសភាអាមេរិក ជំរុញលោក Biden និងលោក Blinken កុំឱ្យទទួលស្គាល់រដ្ឋាភិបាលប៉ាគីស្ថានថ្មី

អបអរសាទរ! ខួបទី២៥ (១៩៩៩-២០២៤)​ នៃអនុសញ្ញាអូតាវ៉ា

លោក Biden និងលោកTrump ប្រជែងគ្នាធ្វើដំណើរទៅកាន់ព្រំដែនអាមេរិក -ម៉ិកស៊ិក

លោក Putin ព្រមានថា លោកខាងលិច នឹងជួបសោកនាដកម្ម បើបញ្ជូនកងកម្លាំងទៅកាន់អ៊ុយក្រែន

រដ្ឋសភាបើកសម័យប្រជុំរដ្ឋសភាជាវិសាមញ្ញ នីតិកាលទី៧ ដើម្បីបោះឆ្នោតជ្រើសតាំងសមាជិកព្រឹទ្ធសភាពីររូប

ការរៀនជំនាញវិជ្ជាជីវៈ មិនត្រឹមតែជួយខ្លួនឯងប៉ុណ្ណោះទេ ថែមទាំងរួមចំណែកក្នុងការអភិវឌ្ឍសេដ្ឋកិច្ចជាតិដែរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

អបអរសាទរ! ខួបទី២៥ (១៩៩៩-២០២៤) នៃអនុសញ្ញាអូតាវ៉ា