នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី៖ រាជរដ្ឋាភិបាល និងមហាគ្រួសារខ្មែរ​នៅ​ជាមួយ​កងទ័ព​ជួរ​មុខ​គាំទ្រ​គ្រប់​មធ្យោបាយ​ទាំង​អស់
សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក
សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្ត​ពីព្រះបរម​រតនកោដ្ឋ​ក្នុង​ការ​ពូន​ជ្រំ​ទំនាក់ទំនងរវាងកម្ពុជា និងចិន
សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

នយោបាយ​ និង ការអភិវឌ្ឍន៍

រុស្ស៊ី ច្រានចោលរបាយការណ៍អំពីការចរចាដោយប្រយោលជាមួយអ៊ុយក្រែន

2024/08/19 08:44:51 am        226
Facebook Telegram Linkin
ប្រទេសរុស្ស៊ីកាលពីថ្ងៃអាទិត្យបានបដិសេធរបាយការណ៍ដែលថាការវាយប្រហាររបស់អ៊ុយក្រែនលើតំបន់ ឃើស (Kursk) បានធ្វើឱ្យកិច្ចពិភាក្សាដោយប្រយោលជាមួយទីក្រុង Kyiv ស្តីពីការបញ្ឈប់ការវាយប្រហារលើគោលដៅថាមពល និងរោងចក្រថាមពលនុយក្លេអ៊ែរ ដោយនិយាយថាមិនមានការពិភាក្សាជាមួយទីក្រុង Kyiv ស្ដីពីហេដ្ឋារចនាសម្ព័ន្ធស៊ីវិលនោះទេ។ សារព័ត៌មាន Washington Post បានរាយការណ៍កាលពីថ្ងៃសៅរ៍ថា អ៊ុយក្រែន និងរុស្ស៊ី គ្រោងនឹងបញ្ជូនគណៈប្រតិភូទៅប្រទេសកាតាក្នុងខែនេះ ដើម្បីចរចាកិច្ចព្រមព្រៀងសំខាន់មួយ ដែលបញ្ឈប់ការវាយប្រហារលើហេដ្ឋារចនាសម្ព័ន្ធថាមពលលើភាគីសង្រ្គាមទាំង២។ សារព័ត៌មានខាងលើបាននិយាយថា កិច្ចព្រមព្រៀងនេះនឹងមានវិសាលភាពដល់បទឈប់បាញ់មួយផ្នែក ប៉ុន្តែការចរចាត្រូវបានផ្អាកដោយសារការវាយប្រហាររបស់អ៊ុយក្រែនលើទឹកដីអធិបតេយ្យភាពរបស់រុស្ស៊ី។លោកស្រីម៉ារៀ ហ្សាការ៉ូវ៉ា ( Maria Zakharova) អ្នកនាំពាក្យក្រសួងការបរទេសរុស្ស៊ីបាននិយាយថា មិនមានការចរចាដោយផ្ទាល់ ឬដោយប្រយោលរវាងរុស្ស៊ី និងរបបក្រុងគីវ ស្តីពីសុវត្ថិភាពនៃហេដ្ឋារចនាសម្ព័ន្ធសំខាន់ៗរបស់ជនស៊ីវិលនោះទេ។ រដ្ឋាភិបាលអ៊ុយក្រែនពុំបានឆ្លើយតបភ្លាមៗចំពោះសំណើសុំការអត្ថាធិប្បាយរបស់សារព័ត៌មាន Reuters ទេ។ សារព័ត៌មាន Washington Post បានរាយការណ៍ថាការិយាល័យប្រធានាធិបតីអ៊ុយក្រែនបាននិយាយថាជំនួបកំពូលនៅទីក្រុងដូហា ត្រូវបានពន្យារពេលដោយសារតែស្ថានភាពនៅមជ្ឈិមបូព៌ា ហើយនឹងប្រព្រឹត្តទៅជាទម្រង់សន្និសីទតាមវីដេអូនៅថ្ងៃទី ២២ ខែសីហា៕

គម្រោងស្ថាបនាផ្លូវជាតិលេខ១០ ដែលតភ្ជាប់ខេត្តកោះកុង ខេត្តពោធិ៍សាត់ និងខេត្តបាត់ដំបង សម្រេចវឌ្ឍនភាពសាងសង់ ៨៩,៥៦% គិតត្រឹមចុងខែកក្កដា ឆ្នាំ២០២៤នេះ

2024/08/18 03:28:36 pm        805
Facebook Telegram Linkin
ផ្លូវជាតិលេខ១០ គឺជាប្រភេទផ្លូវ Grade III ក្រាលកៅស៊ូពីរស្រទាប់ (DBST) មានប្រវែងសរុប ១៩៨,៥១ គីឡូម៉ែត្រ និងទទឹង ៩ម៉ែត្រ ដោយតភ្ជាប់ខេត្តចំនួន៣ រួមមាន៖ខេត្តកោះកុង ខេត្តពោធិ៍សាត់ និងខេត្តបាត់ដំបង។ គម្រោងសាងសង់ផ្លូវនេះ មានរយៈពេល ៦៦ខែ និងបានចាប់ផ្ដើមសាងសង់ពីថ្ងៃទី១៨ ខែធ្នូ ឆ្នាំ២០១៩ ហើយគ្រោងនឹងបញ្ចប់នាខែមិថុនា ឆ្នាំ២០២៥ ខាងមុខនេះ ។ ប្រវែងសរុបផ្លូវសរុបនៃគម្រោងផ្លូវជាតិលេខ១០ មានចំនួន ១៩៨,២១៨ គីឡូម៉ែត្រ រាប់ចាប់ពីផ្លូវជាតិលេខ 57-7 ត្រង់ចំណុច PK35+900 នៅភូមិកញ្ចាំង ឃុំស៊ុង ស្រុកសំឡូត ខេត្តបាត់ដំបង ឆ្លងកាត់ឃុំប្រម៉ោយ ស្រុកវាលវែង ខេត្តពោធិ៍សាត់ រហូតដល់ផ្លូវជាតិលេខ៤៨(ចាស់) ត្រង់ចំណុច PK1+700 ក្នុងសង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង។ផ្លូវ គឺ​ជាអាទិភាពគន្លឹះទី២ នៅក្នុងអាទិភាពគន្លឹះទាំង៥ "មនុស្ស ផ្លូវ ទឹក ភ្លើង និងបច្ចេកវិទ្យា” នៃយុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាលកម្ពុជា នីតិកាលទី ៧ ដោយកិច្ចការអាទិភាពទី២ ក្នុងបញ្ចកោណទី២ គឺការលើកកម្ពស់ការតភ្ជាប់ និងការបង្កើនប្រសិទ្ធភាពនៃវិស័យដឹកជញ្ជូន បានផ្តោតគោលដៅយុទ្ធសាស្ត្រលើការបង្កើនប្រសិទ្ធភាពហេដ្ឋារចនាសម្ព័ន្ធគាំទ្រ, ការកសាង និងការអភិវឌ្ឍហេដ្ឋារចនាសម្ព័ន្ធថ្មី ដើម្បីជាប្រយោជន៍ដល់ប្រជាពលរដ្ឋក្នុងការធ្វើដំណើរ និងបង្ខិតឱ្យកាន់តែជិតរវាងខេត្ត និងខេត្ត តាមរយៈការតភ្ជាប់ប្រព័ន្ធផ្លូវ ដែលប្រៀបបានដូចជាសរសៃឈាម និងមានសារៈសំខាន់ក្នុងការលើកកម្ពស់សេដ្ឋកិច្ចជាតិ ៕

លោក អាបាស និយាយថា ការទទួលស្គាល់ប៉ាឡេស្ទីនបង្រួបបង្រួម គឺជាគន្លឹះឈានទៅរកសន្តិភាព

2024/08/16 02:41:04 pm        750
Facebook Telegram Linkin
ប្រធានអាជ្ញាធរប៉ាឡេស្ទីនលោក ម៉ាខ្មូដ អាបាស (Mahmoud Abbas) បាននិយាយក្នុងអំឡុងដំណើរទស្សនកិច្ចរបស់លោកទៅកាន់ទីក្រុងអង់ការ៉ារបស់ប្រទេសទួរគី កាលពីថ្ងៃព្រហស្បតិ៍ថា ប្រសិនបើគ្មានការទទួលស្គាល់ជាអន្តរជាតិចំពោះប៉ាឡេស្ទីនបង្រួបបង្រួមទេនោះ នឹងមិនមានសន្តិភាព សាមគ្គីភាព និងវិបុលភាព នៅក្នុងតំបន់នោះទេ។ បន្ទាប់ពីជួបជាមួយប្រធានាធិបតីទួរគី រ៉េសិប តាយីប អឺរដូហ្កាន់ ( Recep Tayyip Erdogan) កាលពីថ្ងៃពុធ លោកប្រធានអាជ្ញាធរ បានធ្វើសុន្ទរកថានៅក្នុងសភាទួរគីជាលើកដំបូង ចាប់តាំងពីជម្លោះហ្កាហ្សា បានផ្ទុះឡើងក្នុងខែតុលា ឆ្នាំមុន។ក្នុងអំឡុងថ្លែងសុន្ទរកថានោះ លោកបានបញ្ជាក់ថា សង្គមអន្តរជាតិ មិនគួរនៅស្ងៀមចំពោះជម្លោះនៅតំបន់ហ្កាហ្សាទេ។ លោកបានចង្អុលបង្ហាញថា សហរដ្ឋអាមេរិក បានប្រើប្រាស់អំណាចវេតូរបស់ខ្លួនចំនួនបីដង នៅក្នុងក្រុមប្រឹក្សាសន្តិសុខអង្គការសហប្រជាជាតិ ដើម្បីរារាំងសេចក្តីសម្រេចទាក់ទងនឹងតំបន់ហ្កា ហ្សា ហើយថា សេចក្តីសម្រេចដែលបានអនុម័តទាក់ទងនឹងបញ្ហាប៉ាឡេស្ទីន មិនត្រូវបានអនុវត្តទេ។លោកប្រធានអាជ្ញាធរប៉ាឡេស្ទីន បាននិយាយថា ការទទួលស្គាល់រដ្ឋប៉ាឡេស្ទីន គឺជាគន្លឹះឈានទៅរក សន្តិភាព សាមគ្គីភាព និងវិបុលភាពនៃតំបន់។ លោកបានបន្ថែមថា ប្រសិនបើប្រជាជនប៉ាឡេស្ទីន មិនសម្រេចបាននូវឯកភាពជាតិទេ វាអាចពិបាកក្នុងការទទួលបានជ័យជម្នះចុងក្រោយណាស់។បច្ចុប្បន្ននេះ រដ្ឋប៉ាឡេស្ទីន ត្រូវបានទទួលស្គាល់ដោយរដ្ឋសមាជិក ១៤៥ របស់អង្គការសហប្រជាជាតិ ប៉ុន្តែវានៅតែជាអ្នកសង្កេតការណ៍របស់អង្គការសហប្រជាជាតិ ជំនួសឲ្យសមាជិកភាព។

រុស្ស៊ី គ្រោងបង្កើនសមត្ថភាពប្រយុទ្ធរបស់កងនាវា ស្របពេលមានការគំរាមកំហែងពីលោកខាងលិច

2024/08/16 02:34:13 pm        720
Facebook Telegram Linkin
លោក Nikolay Patrushev អតីតលេខាធិការក្រុមប្រឹក្សាសន្តិសុខ និងជាជំនួយការរបស់ប្រធានាធិបតី រុស្ស៊ីទទួលបន្ទុកគោលនយោបាយដែនសមុទ្រជាតិ បាននិយាយនៅក្នុងបទសម្ភាសន៍ជាមួយសារព័ត៌មាន Izvestia daily ថា ប្រទេសរុស្ស៊ី នឹងបង្កើនសមត្ថភាពប្រយុទ្ធរបស់កងទ័ពជើងទឹករបស់ខ្លួន ស្របពេល មានការគំរាមកំហែងកាន់តែខ្លាំងឡើងពីលោកខាងលិច។ លោក បាននិយាយថា៖«ការគំរាមកំហែងកាន់តែកើនឡើងពីលោកខាងលិច ជំរុញឲ្យយើងបង្កើនការត្រៀមខ្លួនប្រយុទ្ធ និងលក្ខខណ្ឌបច្ចេកទេសនៃកងនាវារបស់យើង ក៏ដូចជាការយកចិត្តទុកដាក់ជាពិសេសចំពោះលក្ខណៈពិសេសនៃឧស្សាហកម្មផលិតនាវា ការអភិវឌ្ឍ និងការផលិតគ្រឿងយុទ្ធោបករណ៍ប្រភេទថ្មីសម្រាប់កងទ័ពជើងទឹក និងការបណ្តុះបណ្តាលបុគ្គលិកកងទ័ពជើងទឹក»។ដោយអត្ថាធិប្បាយអំពីក្រសួងគ្រប់គ្រងដែនសមុទ្រ (Maritime Collegium)ដែលទើបបង្កើតដោយក្រឹត្យរបស់ប្រធានាធិបតីរុស្ស៊ី ជំនួយការរូបនេះ បាននិយាយថា ស្ថាប័នថ្មីនឹង «វិភាគមូលដ្ឋាននីតិប្បញ្ញត្តិទាក់ទងនឹងសកម្មភាពដែនសមុទ្រ និងធ្វើបច្ចុប្បន្នភាពឯកសារមួយចំនួន ក្នុងគោលបំណងបំពេញគោលដៅអភិវឌ្ឍន៍ជាតិរបស់ប្រទេសយើង និងប្រឆាំងការគំរាមកំហែងពីខាងក្រៅ»។ប្រធានាធិបតីរុស្ស៊ី លោក វ្ល៉ាឌីមៀ ពូទីន បានចុះហត្ថលេខាលើក្រឹត្យស្តីពីការបង្កើតក្រសួងគ្រប់គ្រងដែន សមុទ្រ កាលពីថ្ងៃទី ១៣ ខែសីហា។ ស្ថាប័នដែលដឹកនាំដោយលោក Patrushev នឹងរួមបញ្ចូលក្រុមប្រឹក្សាទទួលបន្ទុគការអភិវឌ្ឍយុទ្ធសាស្ត្រនៃកងទ័ពជើងទឹករុស្ស៊ី ការការពារផលប្រយោជន៍ជាតិរបស់រុស្ស៊ីនៅតំបន់អាក់ទិក និង ការអភិវឌ្ឍនិងគាំទ្រសកម្មភាពសមុទ្រ។ ឯកសារនេះ លុបចោលគណៈកម្មាការអន្តរក្រសួង នៃក្រុមប្រឹក្សាសន្តិសុខ ទៅលើការធានាផលប្រយោជន៍ជាតិរបស់រុស្ស៊ីនៅតំបន់អាក់ទិក។ មុខងាររបស់គណៈកម្មាការនេះ ត្រូវបានផ្ទេរទៅឲ្យក្រសួងគ្រប់គ្រងដែនសមុទ្រដែលបានបង្កើតឡើងនេះ។

តើនាយករដ្ឋមន្រ្តីថៃថ្មី លោកស្រី ផែថងថាន ស៊ីណាវ៉ាត់ គឺជានរណា?

2024/08/16 02:32:04 pm        762
Facebook Telegram Linkin
លោកស្រី ផែថងថាន ស៊ីណាវ៉ាត់ (Paetongtarn Shinawatra) ត្រូវបានសមាជិកសភាបោះឆ្នោតជ្រើសរើសជានាយករដ្ឋមន្ត្រីទី៣១ របស់ប្រទេសថៃ ហើយក្លាយជានាយករដ្ឋមន្ត្រីវ័យក្មេងបំផុតក្នុងប្រវត្តិសាស្ត្រថៃ ដោយមានវ័យត្រឹមតែ ៣៧ឆ្នាំប៉ុណ្ណោះ។ លោកស្រី ផែថងថាន ត្រូវបានគេស្គាល់ថាជាកូនស្រីរបស់អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត់ ដ៏មានឥទ្ធិពលរបស់ប្រទេស។ ទោះបីជាមិនធ្លាប់ធ្វើជាសមាជិកសភា ឬជារដ្ឋមន្ត្រីក៏ដោយ ប៉ុន្តែលោកស្រី ផែថងថាន បានប្រឡូកក្នុងវិស័យនយោបាយជាយូរណាស់មកហើយ។ លោកស្រីបានអមដំណើរឪពុករបស់ខ្លួនក្នុងយុទ្ធនាការឃោសនាបោះឆ្នោត និងជួបជាមួយសាធារណជនក្នុងអាណត្តិជានាយករដ្ឋមន្ត្រីថៃទី២៣ របស់លោក ថាក់ស៊ីន ក្នុងឆ្នាំ ២០០១ ដល់ឆ្នាំ២០០៦ រហូតដល់រដ្ឋប្រហារ។លោកស្រីបានចូលប្រឡូកក្នុងឆាកនយោបាយជាផ្លូវការនៅក្នុងកិច្ចប្រជុំប្រចាំឆ្នាំរបស់គណបក្សភឿថៃ នៅថ្ងៃទី២៨ ខែតុលា ឆ្នាំ២០២១។ កើតនៅថ្ងៃទី២១ ខែសីហា ឆ្នាំ១៩៨៦ លោកស្រី ផែថងថាន គឺជាកូនស្រីពៅរបស់លោក ថាក់ស៊ីន ស៊ីណាវ៉ាត់ និងលោកស្រី ផតចាម៉ាន ដាម៉ាផុង (Potjaman Damapong)។ លោកស្រី ផែថងថាន បានទទួលបរិញ្ញាបត្រផ្នែកវិទ្យាសាស្ត្រនយោបាយពីមហាវិទ្យាល័យ ឆូឡាឡុងកន (Chulalongkorn) ហើយបានបន្តការសិក្សានៅសាកលវិទ្យាល័យ សើរី (Surrey) ក្នុងចក្រភពអង់គ្លេស ជំនាញផ្នែកគ្រប់គ្រងបដិសណ្ឋារកិច្ចអន្តរជាតិ។ លោកស្រីបានរៀបការជាមួយលោក ភីដុក សុកសាវ៉ាត់ (Pidok Suksawat) ក្នុងឆ្នាំ២០១៩ ហើយមានកូនស្រីម្នាក់ និងកូនប្រុសម្នាក់ ដែលលោកស្រីបានសម្រាលមុនការបោះឆ្នោតសកល ថ្ងៃទី១៤ ខែឧសភា។ដំណើការទទួលបានតំណែងកំពូលរបស់លោកស្រី ផែថងថាន ហាក់ដូចជាមិនពិបាកទេ ប៉ុន្តែបេសកកម្មនៃការធ្វើជានាយករដ្ឋមន្ត្រីវិញទេដែលជាបញ្ហាលំបាកពិតប្រាកដកំពុងរង់ចាំនៅខាងមុខ។ បញ្ហាសេដ្ឋកិច្ចគឺជាកិច្ចការដ៏លំបាកមួយសម្រាប់លោកស្រី ដោយសារប្រទេសថៃ ក៏ដូចប្រទេសជាច្រើនផ្សេងទៀតដែរ ប្រឈមមុខនឹងស្ថានភាពដ៏លំបាកក្នុងការស្តារឡើងវិញក្នុងសម័យក្រោយកូវីដ-១៩៕

ប្រធានាធិបតី វេណេស៊ុយអេឡា ច្រានចោលការអត្ថាធិប្បាយរបស់អាមេរិក និងប្រេស៊ីល ស្តីពីការបោះឆ្នោត

2024/08/16 11:50:32 am        198
Facebook Telegram Linkin
ប្រធានាធិបតីប្រទេសវេណេស៊ុយអេឡា លោក Nicolas Maduro កាលពីថ្ងៃព្រហស្បតិ៍ ទី១៥ សីហា បានច្រានចោលការអត្ថាធិប្បាយពីមេដឹកនាំសហរដ្ឋអាមេរិក និងប្រទេសប្រេស៊ីល អំពីការបោះឆ្នោតជ្រើសរើសប្រធានាធិបតីកាលពីខែកក្កដា ដែលមានភាពចម្រូងចម្រាស់របស់ប្រទេសលោក។លោក Maduro បាននិយាយតាមទូរទស្សន៍រដ្ឋថា លោកបដិសេធដាច់ខាត ដែលសហរដ្ឋអាមេរិកកំពុងព្យាយាម ក្លាយជាអាជ្ញាធរបោះឆ្នោតរបស់ប្រទេសវ៉េណេស៊ុយអេឡា។ លោក ម៉ាឌូរ៉ូ និយាយថា សហរដ្ឋអាមេរិក និងប្រេស៊ីល បានប្រជែងក្នុងការបោះឆ្នោត ដែលប្រទេសវេណេស៊ុយអេឡា បានបដិសេធ មិនឲ្យចូលមកពាក់ព័ន្ធ។កាលពីថ្ងៃព្រហស្បតិ៍ ប្រធានាធិបតីសហរដ្ឋអាមេរិក លោក Joe Biden ហាក់ដូចជាបានគាំទ្រឲ្យមានការបោះឆ្នោតថ្មី នៅក្នុងប្រទេសវេណេស៊ុយអេឡា បន្ទាប់ពីប្រធានាធិបតីប្រេស៊ីល លោក លូអ៊ីស អ៊ីណាស៊ីញ៉ូ លូឡា ដា ស៊ីលវ៉ា(Luiz Inacio Lula da Silva) ក៏បានបញ្ចេញយោបល់ផងដែរ ទោះបីជាមានការបដិសេធពីគណបក្សកាន់អំណាចរបស់ប្រទេសវេណេស៊ុយអេឡា ដែលបានអះអាងជ័យជម្នះក្នុងការប្រកួតប្រជែង កាលពីថ្ងៃទី២៨ ខែកក្កដា ក៏ដោយ។ការផ្តល់យោបល់អំពីការបោះឆ្នោតថ្មី គឺស្ថិតនៅក្នុងចំណោមសហគមន៍អន្តរជាតិមួយចំនួន ដែលពុំមានការគាំទ្ររហូតមកដល់ពេលនេះ ទាំងលោក ម៉ាឌូរ៉ូ ឬគូប្រជែងក្រុមចម្រុះគណបក្សប្រឆាំង។អាជ្ញាធររៀបចំការបោះឆ្នោតរបស់ប្រទេសវេណេស៊ុយអេឡា បានប្រកាសថា លោក Maduro បានទទួលសំឡេងគាំទ្រចំនួន៥១% ប៉ុន្តែមិនបានបង្ហាញពីចំនួនសរុបនៃសន្លឹកឆ្នោតនោះទេ។ គណបក្សប្រឆាំង និយាយថា ចំនួនសន្លឹកឆ្នោតសរុបរបស់គណបក្សប្រឆាំង ដែលបានបង្ហោះលើគេហទំព័រសាធារណៈ បង្ហាញថាបេក្ខជន លោក Edmundo Gonzalez ទទួលបានសំឡេងឆ្នោតចំនួន ៦៧%។

លោក Biden និងលោកស្រី Harris សាទរការបន្ថយថ្លៃឱសថ ដែលនឹងជួយសន្សំប្រាក់រាប់ពាន់លានដុល្លារ

2024/08/16 11:42:01 am        117
Facebook Telegram Linkin
សហរដ្ឋអាមេរិក បានចរចាបញ្ចុះតម្លៃឱសថពីវេជ្ជបញ្ជាដែលលក់ដាច់បំផុតចំនួន១០មុខ ដែលប្រើប្រាស់ដោយកម្មវិធីធានារ៉ាប់រងសុខភាព Medicare នៅត្រឹម ៧៩% ដោយសង្ឃឹមថានឹងអាចសន្សំប្រាក់បាន៦ពាន់លានដុល្លារ ក្នុងឆ្នាំដំបូង ជាផ្នែកនៃផែនការ ដែលត្រូវបានសាទរ កាលពីថ្ងៃព្រហស្បតិ៍ ដោយប្រធានាធិបតី លោក Biden ក្នុងគោលបំណងបន្ធូរបន្ថយកំហឹងអំពីតម្លៃឡើងខ្ពស់នៅមុនការបោះឆ្នោត នៅខែវិច្ឆិកា។ច្បាប់កាត់បន្ថយអតិផរណាមានហត្ថលេខារបស់លោក Biden ត្រូវបានចុះហត្ថលេខាចូលជាច្បាប់ក្នុងឆ្នាំ២០២២ គឺជាច្បាប់ដំបូងគេដែលអនុញ្ញាតឱ្យកម្មវិធីធានារ៉ាប់រងសុខភាព Medicare ចរចាតម្លៃសម្រាប់ឱសថថ្លៃបំផុតមួយចំនួនដែលកម្មវិធីនេះប្រើប្រាស់សម្រាប់មនុស្ស៦៦លាននាក់។ តម្លៃថ្មី នឹងចូលជាធរមាននៅឆ្នាំ២០២៦។ការបោះឆ្នោតព្រឹទ្ធសភាផ្តាច់យកសំឡេងភាគច្រើនរបស់អនុប្រធានាធិបតី លោកស្រី Kamala Harris បានអនុម័តច្បាប់ ដែលអនុញ្ញាតឱ្យមានការចរចាតម្លៃឱសថ ដែលគ្មានសមាជិកគណបក្សសាធារណរដ្ឋ គាំទ្រ។ នៅក្នុងសេចក្តីថ្លែងការណ៍ លោកស្រី បានបញ្ជាក់ពីការងាររបស់លោកស្រី ក្នុងនាមជាអគ្គរដ្ឋអាជ្ញារដ្ឋកាលីហ្វ័រនីញ៉ា ដែលទទួលខុសត្រូវឱសថស្ថានដ៏ធំ ជុំវិញការក្លែងបន្លំនិងការអនុវត្តខុសច្បាប់។ទោះបីជា វាជាព្រឹត្តិការណ៍ផ្លូវការក៏ដោយ លោក Biden បានប្រែក្លាយសុន្ទរកថារបស់លោក នៅក្នុងកន្លែងហាត់ប្រាណ ទៅជាការប្រមូលផ្តុំយុទ្ធនាការ ដោយនិយាយថា លោកស្រី Harris នឹង«ជួបការលំបាកច្រើនក្នុងនាមជាប្រធានាធិបតី» និងបានរិះគន់គណបក្សសាធារណរដ្ឋ ចំពោះការមិនគាំទ្រសិទ្ធិរបស់កម្មវិធីធានារ៉ាប់រងសុខភាព Medicare ក្នុងការចរចាតម្លៃឱសថ។

TikTok ជំទាស់នឹងការអះអាងររបស់អាមេរិក លើទំនាក់ទំនងរបស់ខ្លួនជាមួយចិន

2024/08/16 11:39:49 am        86
Facebook Telegram Linkin
បណ្ដាញសង្គមវីដេអូខ្លី ទីកតុក (TikTok) បានប្រាប់តុលាការឧទ្ធរណ៍សហព័ន្ធ កាលពីថ្ងៃព្រហស្បតិ៍ (១៥ សីហា) ថា ក្រសួងយុត្តិធម៌សហរដ្ឋអាមេរិក បានអះអាងដោយខុសចំពោះទំនាក់ទំនងរបស់កម្មវិធីប្រព័ន្ធផ្សព្វផ្សាយសង្គមមួយនេះជាមួយប្រទេសចិន ដោយជំរុញឱ្យតុលាការលុបចោលច្បាប់ដែលតម្រូវឱ្យក្រុមហ៊ុន បៃឌែនស៍ (ByteDance) មានមូលដ្ឋាននៅចិន លក់ទ្រព្យសម្បត្តិរបស់ TikTok នៅអាមេរិក បើមិនដូច្នេះទេនឹងប្រឈមការហាមឃាត់។TikTok ដែលបានប្ដឹងទាមទារឱ្យលុបចោលច្បាប់នេះបាននិយាយថា ក្រសួងយុត្តិធម៌បានបង្កើតកំហុសដ៏ជាក់ស្តែងនៅក្នុងករណីនេះ។ មេធាវីរបស់ក្រសួងបាននិយាយកាលពីខែមុនថា TikTok បង្កហានិភ័យសន្តិសុខជាតិ ដោយអនុញ្ញាតឱ្យរដ្ឋាភិបាលចិន ប្រមូលទិន្នន័យរបស់ជនជាតិអាមេរិក និងរៀបចំមាតិកាបំភាន់សម្រាប់ប្រជាជនអាមេរិក។TikTok បានបន្តជំទាស់កាលពីថ្ងៃព្រហស្បតិ៍ថា ម៉ាស៊ីនណែនាំមាតិការបស់ខ្លួន និងទិន្នន័យអ្នកប្រើប្រាស់ត្រូវបានរក្សាទុកតែនៅក្នុងអាមេរិកប៉ុណ្ណោះនៅលើប្រព័ន្ធគ្រប់គ្រងក្លោដ (cloud servers) ដែលដំណើរការដោយក្រុមហ៊ុន អូរ៉ាខល (Oracle) ហើយថាការសម្រេចចិត្តលើការសម្របសម្រួលមាតិកាអ្នកប្រើប្រាស់អាមេរិក ត្រូវបានធ្វើឡើងតែនៅក្នុងអាមេរិកប៉ុណ្ណោះ។លោកប្រធានាធិបតី Joe Biden កាលពីថ្ងៃទី២៤ មេសា បានចុះហត្ថលេខាលើច្បាប់មួយដែលទុកពេលឱ្យ ByteDance រហូតដល់ថ្ងៃទី១៩ ខែមករា ដើម្បីលក់ TikTok បើមិនដូច្នេះទេនឹងប្រឈមការហាមឃាត់។ សេតវិមាននិយាយថា ខ្លួនគ្រាន់តែចង់ឱ្យកម្មសិទ្ធិដែលមានមូលដ្ឋាននៅចិន ត្រូវបានបញ្ចប់ដោយហេតុផលសន្តិសុខជាតិ ប៉ុន្តែមិនមែនជាការហាមឃាត់ដោយគ្មានមូលហេតុចំពោះ TikTok នោះទេ៕

អ៊ុយក្រែន បង្កើតការិយាល័យយោធានៅក្នុងប្រទេសរុស្ស៊ី

2024/08/16 11:35:22 am        220
Facebook Telegram Linkin
យោងតាមមេបញ្ជាការយោធាជាន់ខ្ពស់របស់អ៊ុយក្រែន បានឲ្យដឹងថា កងទ័ពរបស់ខ្លួនបានបង្កើតការិយាល័យរដ្ឋបាលយោធាមួយនៅតំបន់ ឃើស (Kursk) ភាគខាងលិចរបស់រុស្ស៊ី ជាទីដែលការលុកលុយដ៏គួរឲ្យភ្ញាក់ផ្អើលរបស់ខ្លួនចូលក្នុងទឹកដីរុស្ស៊ី នៅតែបន្ត។ លោកឧត្តមសេនីយ៍ អូឡេកសាន់ឌើ ស៊ីស្គី (Oleksandr Syrsky) បាននិយាយថា ការិយាល័យនេះនឹងរក្សាច្បាប់ និងសណ្តាប់ធ្នាប់ និងបំពេញតម្រូវការបន្ទាន់ របស់ប្រជាជននៅក្នុងតំបន់។នៅក្នុងវីដេអូដែលបានបង្ហោះនៅលើប្រព័ន្ធផ្សព្វផ្សាយសង្គម លោកឧត្តមសេនីយ៍ ស៊ីស្គី ត្រូវគេមើលឃើញ កំពុងប្រាប់កិច្ចប្រជុំមួយដែលដឹកនាំដោយប្រធានាធិបតីអ៊ុយក្រែនលោក Volodymyr Zelensky ថា ការិយាល័យនេះត្រូវបានបង្កើតឡើងនៅលើទឹកដីដែលគ្រប់គ្រងដោយអ៊ុយក្រែន។គិតត្រឹមថ្ងៃសុក្រសប្ដាហ៍នេះ ការលុកលុយរបស់អ៊ុយក្រែនចូលក្នុងទឹកដីរុស្ស៊ីមានរយៈពេល១០ថ្ងៃគត់។ នេះគឺជាការលុកលុយដ៏ជ្រៅបំផុតរបស់អ៊ុយក្រែនចូលទៅក្នុងប្រទេសរុស្ស៊ី ចាប់តាំងពីទីក្រុងមូស្គូបានចាប់ផ្តើមការលុកលុយពេញបន្ទុករបស់ខ្លួនកាលពីឆ្នាំ២០២២៕

របាយការណ៍៖ អ៊ុយក្រែនប្រើប្រាស់រថក្រោះផ្តល់ឲ្យពីអង់គ្លេស ក្នុងការវាយលុករុស្ស៊ី

2024/08/16 09:56:09 am        178
Facebook Telegram Linkin
ប្រព័ន្ធផ្សព្វផ្សាយរបស់អង់គ្លេស បានរាយការណ៍កាលពីថ្ងៃព្រហស្បតិ៍ ទី១៥ សីហា ថា រថក្រោះដែលត្រូវបានផ្តល់ឲ្យដោយចក្រភពអង់គ្លេសដល់ប្រទេសអ៊ុយក្រែន ត្រូវបានដាក់ពង្រាយជាផ្នែកមួយនៃការវាយលុក ដែលកំពុងតែបន្តរបស់ទីក្រុងគីវ ចូលទៅក្នុងប្រទេសរុស្ស៊ី។ សារព័ត៌មាន Sky News និងបណ្តាញព័ត៌មានអង់គ្លេសផ្សេងទៀតបាននិយាយថា វាត្រូវបានគេជឿថា ជាលើកដំបូងហើយ ដែលរថក្រោះ Challenger 2 ត្រូវបានប្រើប្រាស់ក្នុងការប្រយុទ្ធយ៉ាងសកម្ម នៅលើទឹកដីរបស់រុស្ស៊ី។សារព័ត៌មាន ពុំបានបញ្ជាក់ថាតើរថក្រោះប៉ុន្មានគ្រឿងត្រូវបានដាក់ពង្រាយដោយអ៊ុយក្រែន នៅក្នុងការវាយលុកដ៏គួរឱ្យភ្ញាក់ផ្អើលរបស់ខ្លួន ចូលទៅក្នុងតំបន់ Kursk របស់រុស្ស៊ី ដែលបានចាប់ផ្តើមតាំងពីថ្ងៃទី៦ ខែសីហា នោះទេ។ក្រសួងការពារជាតិចក្រភពអង់គ្លេស បានបដិសេធមិនធ្វើអត្ថាធិប្បាយលើអ្វីជាសព្វាវុធជាក់លាក់ដែលអ៊ុយក្រែនកំពុងប្រើប្រាស់ ប៉ុន្តែបាននិយាយថា «ប្រតិបត្តិការនៅក្នុងប្រទេសរុស្ស៊ី» ពុំត្រូវបានរារាំងនោះទេ នៅពេលដែលរថក្រោះ និងសព្វាវុធផ្សេងទៀត ត្រូវបានផ្តល់ទៅឲ្យទីក្រុងគីវ។អ៊ុយក្រែន និយាយថា ការរុលចូលទៅក្នុងប្រទេសរុស្ស៊ី «ដំណើរការទៅបានល្អ» បង្កើតបានទ្រនាប់ជាយុទ្ធសាស្ត្រ។ អ្នកនាំពាក្យក្រសួងបាននិយាយថា «ពុំមានការផ្លាស់ប្តូរក្នុងគោលនយោបាយរបស់រដ្ឋាភិបាលចក្រភពអង់គ្លេសនោះទេ។«ក្រោមមាត្រាទី៥១ នៃធម្មនុញ្ញអង្គការសហប្រជាជាតិ អ៊ុយក្រែនមានសិទ្ធិស្វ័យការពារយ៉ាងច្បាស់លាស់ប្រឆាំងការវាយប្រហារដោយខុសច្បាប់របស់រុស្ស៊ី ដែលមិនរារាំងប្រតិបត្តិការនៅក្នុងប្រទេសរុស្ស៊ី។ យើងបានបញ្ជាក់យ៉ាងច្បាស់ក្នុងអំឡុងពេលដំណើរនៃការផ្តល់សព្វាវុធថា ឧបករណ៍នឹងត្រូវបានប្រើប្រាស់ ស្របតាមច្បាប់អន្តរជាតិ។អ៊ុយក្រែន បានបញ្ជូនកងទ័ព និងយានរថពាសដែកចូលទៅក្នុងតំបន់ Kursk កាលពី៩ថ្ងៃមុន ដោយអះអាងថា ដណ្តើមបានភូមិរាប់សិបកន្លែងនៅក្នុងការវាយប្រហារឆ្លងព្រំដែនដ៏ខ្លាំងក្លាបំផុតលើទឹកដីរុស្ស៊ី ចាប់តាំងពីសង្គ្រាមលោកលើកទីពីរមក។

បណ្ដាញសង្គម

ព័ត៌មានថ្មីៗ

ចិនចាប់ផ្តើមសាងសង់ទំនប់វារីអគ្គិសនីធំជាងគេបំផុតរបស់ពិភពលោកនៅតំបន់ទីបេតិ៍
07/23/2025 12:07 AM
Facebook Telegram Linkin
គណៈកម្មាធិការស្វែងរកការពិតស៊ីរី រាយការណ៍ថា មនុស្ស ១.៤២៦នាក់ ត្រូវបានសម្លាប់អំឡុងអំពើហិង្សាក្នុងខែមីនា
07/23/2025 12:07 AM
Facebook Telegram Linkin
ជនប៉ាឡេស្ទីននៅទីក្រុងហ្កាហ្សានិយាយថា ពួកគេពុំបានបរិភោគអស់រយៈពេល ៥ថ្ងៃមកហើយ
07/23/2025 12:07 AM
Facebook Telegram Linkin
រដ្ឋមន្ត្រីសុខាភិបាល «អ្នកដឹកនាំសុខាភិបាល ស្ថិតនៅជាប់ជានិច្ចជាមួយមន្រ្តីរបស់ខ្លួន ឈរលើគោលដៅសម្រេចឱ្យបានជោគជ័យក្នុងការបម្រើសេវាជូនប្រជាពលរដ្ឋ និងលើកកិត្តិយសវិជ្ជាជីវៈសុខាភិបាលទាំងមូល»
07/23/2025 12:07 AM
Facebook Telegram Linkin
ផ្សារសមាគមខ្មែរកំពុងស្រូបយកផលិតផលកែច្នៃក្នុងស្រុក គាំទ្រដល់ការរីកចម្រើនរបស់សហគ្រិន
07/22/2025 11:07 PM
Facebook Telegram Linkin
រលកកម្តៅធ្ងន់ធ្ងរនៅតំបន់បាល់កង់ បណ្តាលឲ្យមានភ្លើងឆេះព្រៃនៅប្រទេសប៊ុលហ្គារី និងអាល់បានី
07/22/2025 08:07 PM
Facebook Telegram Linkin
ប្រេសិតពិសេសសហរដ្ឋអាមេរិកជួបជាមួយប្រធានសភាលីបង់នៅទីក្រុងបេរូត
07/22/2025 08:07 PM
Facebook Telegram Linkin
រដ្ឋមន្រ្តីសុខាភិបាល «យុទ្ធសាស្ត្រមួយល្អ លុះត្រាតែយុទ្ធសាស្រ្តនោះត្រូវបានយកទៅអនុវត្តជាក់ស្តែងបាន ដេីម្បីសម្រេចគោលដៅតាមការគ្រោងទុក»
07/22/2025 07:07 PM
Facebook Telegram Linkin
ទូតឥណ្ឌូនេស៊ីកោតសរសើរកម្ពុជា ចំពោះការគ្រប់គ្រងវិស័យព័ត៌មាន និង សោតទស្សន៍
07/22/2025 07:07 PM
Facebook Telegram Linkin
គម្រោង Golden Dome របស់លោក Trump ស្វែងរកជម្រើសជំនួស SpaceX របស់លោក Musk
07/22/2025 07:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.