នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេច​ធិបតី ហ៊ុន ម៉ាណែត​ តែងប្រាប់មិត្តបរទេសថាកម្ពុជាប្រើយន្តការ UNCLOS មកពីថៃដក​ខ្លួន​ឯកតោភាគីពី MoU 2001
កម្ពុជា-ហ្វីលីពីន វាយតម្លៃខ្ពស់ចំពោះភាពរីកចម្រើននៃកិច្ចសហប្រតិបត្តិទ្វេភាគី
ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត
សម្ដេចធិបតី៖ ភាពជោគជ័យរបស់អ្នកដឹកនាំអង្គភាពមួយ គឺការធានាឱ្យអង្គភាពនោះមានសមត្ថភាពបន្តដំណើរការ និងការរីកចម្រើន ទោះបីជាក្នុងពេលអវត្តមានរបស់ខ្លួនក៏ដោយ

នយោបាយ​ និង ការអភិវឌ្ឍន៍

នាយករដ្ឋមន្ត្រីវៀតណាមប្តេជ្ញាលើកកម្ពស់ទំនាក់ទំនង ជំរុញសេដ្ឋកិច្ច និងកិច្ចអភិវឌ្ឍន៍កម្ពុជា-វៀតណាម

2024/07/26 11:48:36 am        208
Facebook Telegram Linkin
តាមរយៈជំនួបជាមួយសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាកម្ពុជា និង​លោក ផាម មិញជិញ នាយករដ្ឋមន្ត្រីវៀតណាម ភាគីទាំងពីរ​បាន​បង្ហាញ​ការ​ប្តេជ្ញា​ចិត្ត​ខ្ពស់​ក្នុង​ការ​បន្ត​រក្សា​ឱ្យបាននូវទំនាក់ទំនង និងកិច្ចសហប្រតិបត្តិការល្អរវាងប្រទេសទាំងពីរ។ ជាពិសេស​បន្ត​ជួយ​គ្នាដើម្បី​ជំរុញដល់ការកសាងសេដ្ឋកិច្ច ជំរុញកិច្ចអភិវឌ្ឍន៍​នាំមកនូវ​ការ​រីកចម្រើន​សម្រាប់​ប្រជាជន និងប្រទេសទាំងពីរ។ក្នុងឱកាសអញ្ជើញគោរពវិញ្ញាណក្ខន្ធលោក ង្វៀង ភូចុង អគ្គលេខាធិការបក្សកុម្មុយនិស្ត​វៀតណាម​, កាលពីរសៀលថ្ងៃទី២៥ ខែកក្កដា ឆ្នាំ២០២៤ សម្តេចតេជោ ហ៊ុន សែន ប្រធាន​ព្រឹទ្ធសភា​ក​ម្ពុជា និងជាប្រធានគណបក្សប្រជាជន​កម្ពុជា​បាន​អញ្ជើញ​ជួប​ពិភាក្សា​ការងារ​ជាមួយ​លោក ផាម មិញជិញ នាយករដ្ឋមន្រ្តីវៀតណាម។ក្នុង​ជំនួបនេះភាគីវៀតណាមបានបង្ហាញក្ដីរំភើបរីករាយយ៉ាងខ្លាំង ចំពោះមនោសញ្ចេតនា ដ៏ជ្រាល​ជ្រៅ​បំផុត​របស់សម្ដេចតេជោ ដែលបានអញ្ជើញចូលរួមដោយផ្ទាល់ទាំងការគោរពវិញ្ញាណក្ខន្ធ និង​បន្តចូលរួមក្នុងពិធីបញ្ចុះសពលោក ង្វៀង ភូចុង នៅថ្ងៃទី២៦ ខែកក្កដា ឆ្នាំ២០២៤។ ភាគី​វៀតណាម​សន្យាបន្តរក្សានូវប្រពៃណីយ៉ាងល្អ ជាពិសេសការបន្ត​វប្បធម៌ នៃកិ​ច្ច​សហប្រតិបត្តិការ​ដ៏​ជ្រាល​ជ្រៅ​រវាងសម្ដេចតេជោ និងលោក ង្វៀង ភូចុង បានបន្សល់ទុក​សម្រាប់​ថ្នាក់​ដឹកនាំ​ជា​នាយករដ្ឋ​មន្ត្រី, ថ្នាក់ដឹកនាំជាប្រធានរដ្ឋសភា, ថ្នាក់ដឹកនាំជាប្រធានព្រឹទ្ធសភា ក៏ដូចជា​ប្រធាន​គណបក្ស, អគ្គលេខាធិការគណបក្ស ហើយមិនត្រឹមតែកម្ពុជា និងវៀតណាមទេ ក៏សម្ដែង​នូវ​មិត្ត​ភាព​ល្អរ​វាងកម្ពុជា វៀតណាម ឡាវផងដែរ។ភាគីទាំងពីរ ក៏បានពិភាក្សាគ្នាយ៉ាងល្អិតល្អន់អំពីប្រពៃណីនៃការធ្វើការជាមួយគ្នា ហើយជាពិសេស ក៏បា​ន​ថ្លែងអំណរគុណចំពោះព្រះមហាក្សត្រ ព្រឹទ្ធសភា រដ្ឋសភា រាជរដ្ឋាភិបាល និងកងទ័ពកម្ពុជា ដែលបានគិតគូរ និង​សម្ដែង​ការ​សោក​ស្ដាយចំ​ពោះកា​រ​បាត់​បង់​ឧត្តម​បុរសជាតិ​របស់​មិត្ត​វៀតណាម ក៏ដូចជាការបាត់បង់ទាំងកម្ពុជាផងដែរចំពោះអ្វីដែលលោកអគ្គលេខាធិការបក្ស បាន​បន្សល់​ទុ​កនូវការពូនជ្រុំនៃកិច្ចសហប្រតិបត្តិការ ដែលមានលក្ខណៈស៊ីជម្រៅ និងយូរអង្វែង និ​ង​មិត្តភាព​ជាបងប្អូនល្អជាអ្នកជិតខាងល្អ ក្នុងអាណត្តិដែលលោកអគ្គលេខាធិការ បាន​ទទួល​ជា​មេដឹកនាំ​។ភាគីទាំងពីរ ក៏បានពិភាក្សាគ្នា ដោយជូនពរគ្នាទៅវិញទៅមកនូវទំនុកចិត្ត គឺជាការលះបង់ និងការ​សាមគ្គី​គ្នា​គ្រប់ដំណាក់កាល ដើម្បីដណ្ដើមយក​ឯករាជ្យ​ភាព​ក្នុង​ប្រវត្តិសាស្ត្រ​ពី​អតីតកាល​ទាំង​ពី​រ​អាណា​និគមនិយម និងចក្រពត្តិនិយម ដូច្នេះហើយភាគីទាំងពីរ នឹងបន្តពូនជ្រុំនូវមិត្តភាពនេះ ឱ្យ​បានយូរអង្វែងបន្តទៀត។ ជាពិសេសថ្នាក់នាយករដ្ឋមន្ត្រី តែងតែជួបគ្នាគ្រប់ពេលវេលា ទាំង​សម្ដេចធិបតី ហ៊ុន ម៉ាណែត ទាំងនាយករដ្ឋមន្ត្រីឡាវ និងលោក ផាម មិញជីញ នាយករដ្ឋ​មន្ត្រី​វៀតណាម នៅគ្រប់ទីតាំង និងគ្រប់វេទិកា។ភាគីទាំងពីរក៏បានជូនជូនពរគ្នាទៅវិញទៅមក ចំពោះការធ្វើយ៉ាងណា ឱ្យពាណិជ្ជកម្ម និងកិច្ច​សហ​ប្រតិបត្តិការទាំងអស់ មានការកើនឡើង ជាពិសេសវៀតណាម នៅឆ្នាំ២០៣០ ក្លាយទៅ​ជា​ប្រទេស​អ​ភិវឌ្ឍន៍ ហើយក៏ជូនពរ​ឱ្យ​ក្លាយ​ទៅ​ជាប្រទេស​ដែលចូលទៅក្នុងកម្រិត​មហា​សេដ្ឋកិច្ច​ទាំង​២០ របស់ពិភពលោក។ មិត្តវៀតណាម ក៏បានជូនពរឱ្យកម្ពុជា ទទួលបាន​ជោគ​ជ័យ​ចំពោះ​ទស្សនៈ​វិស័យរបស់សម្ដេចតេជោ និងការដឹកនាំរបស់សម្ដេចធិបតី ហ៊ុន ម៉ាណែត ក្លាយទៅជា​ប្រទេស​ដែល​មានចំណូលខ្ពស់នៅឆ្នាំ២០៥០៕

សម្តេចតេជោ ហ៊ុន សែន ជួបពិភាក្សាការងារជាមួយប្រធានរដ្ឋសភាវៀតណាមនៅរដ្ឋធានីហាណូយ ប្រទេសវៀតណាម

2024/07/26 11:04:49 am        197
Facebook Telegram Linkin
នាព្រឹកថ្ងៃទី២៦ ខែកក្កដា ឆ្នាំ២០២៤ សម្តេចអគ្គមហាសេនាបតីតេជោ ហ៊ុន សែន ប្រធាន​ព្រឹទ្ធសភា​នៃ​ព្រះរាជាណាចក្រកម្ពុជា និងជាប្រធាន​គណបក្ស​ប្រជាជន​កម្ពុជា បាន​​អញ្ជើញ​ជួប​ពិភាក្សា​ការងារជាមួយ ឯកឧត្តម ត្រឹន ថាន់មិញ ប្រធានរដ្ឋសភា នៃសាធារណរដ្ឋសង្គម​និយម​វៀតណាម។ក្នុងជំនួបពិភាក្សាគ្នានោះ ភាគីទាំងពីរបានវាយតម្លៃខ្ពស់ចំពោះ​កិច្ចសហ​ប្រតិបត្តិការ​នៃ​ស្ថាប័ន​និតិបញ្ញត្តិ​ នៃ​ប្រទេសទាំងពីរកម្ពុជាវៀតណាម ក្នុងនោះភាគីទាំងពីរបានផ្តល់នូវតម្លៃខ្ពស់ចំពោះ កិច្ច​សហប្រតិបត្តិការអន្តរស្ថាប័ន ក៏ដូចជាការផ្លាស់ប្តូរបទពិសោធន៍នៃការកសាងការកសាងច្បាប់ ក៏​ដូច​ជាកិច្ចសហប្រតិបត្តិការក្នុងក្របខ័ណ្ឌជំនាញរបស់គណៈកម្មការនានា របស់រដ្ឋសភា និង​ព្រឹទ្ធសភា​នៃ​ប្រទេសទាំងពីរ​ ក៏ដូចជាអគ្គលេខាធិការដ្ឋាន។ ភាគីទាំងពីរក៏បានគាំទ្រគ្នាទៅវិញទៅមកចំពោះលទ្ធផលដែលទទួលបានជាផ្លែផ្កាកន្លងមក​ តាម​រយៈ​កិច្ចសហប្រតិបត្តិការជាន់ខ្ពស់ រវាងគណបក្សនិងគណបក្ស ក៏ដូច​ជា​ស្ថាប័ន​និតិបញ្ញត្តិ​នៃ​ប្រទេស​ទាំងពីរ​ និងក្នុងវេទិកាការទូតសភា​ វេទិកា​ពហុភាគី។ភាគីទាំងពីរបានអញ្ជើញគ្នាទៅវិញទៅមកដើម្បីទស្សនកិច្ចផ្លូវការ ក្នុងនោះភាគីវៀតណាម បាន​គោរព​អញ្ជើញសម្តេចតេជោប្រធានព្រឹទ្ធសភា ធ្វើទស្សនកិច្ចផ្លូវការ នៅសាធារណ​រដ្ឋ​សង្គម​និយម​វៀតណាម​នា​ពេលសមស្របខាងមុខ ក្នុងនាមជាប្រធានព្រឹទ្ធសភា ដែលជាទស្សន​កិច្ច​លើក​ដំបូង​របស់​សម្តេច​តេជោ ដើម្បីចារជាប្រវត្តិសាស្រ្ត នៃកិច្ចសហប្រតិបត្តិការរបស់ថ្នាក់ដឹកនាំកំពូល នៃ​ស្ថាប័ន​និតិបញ្ញត្តិ។ ភាគីទាំងពីរ​ក៏​បាន​បញ្ជាក់​សាជាថ្មី​ឡើង​វិញ​អំពី​តម្លៃ​នៃ​កិច្ច​សហប្រតិបត្តិការ​រវាង​កម្ពុជា​ និងវៀតណាម បន្តពីឯកឧត្តមអគ្គលេខាមជ្ឈឹមបក្ស ង្វៀន ភូចុង គឺសម្តេចអគ្គ​មហា​សេ​​​នាបតីតេជោ ហ៊ុន សែន បានបង្កើតនូវស្នាដៃជាប្រវត្តិសាស្រ្តជាច្រើន សម្រាប់​កិច្ច​សហ​ប្រតិបត្តិការ នៃប្រទេសទាំងពីរ បក្សទាំងពីរ ប្រជាជនទាំងពីរ រដ្ឋទាំងពីរ ដើម្បីឆ្ពោះ​ទៅ​កាន់​អនាគត​កាល​នៃ​ព្រំដែនប្រកបដោយសន្តិភាព និងការអភិវឌ្ឍ។ក្នុងនោះភាគីទាំងពីរ កម្ពុជា វៀតណាម បានប្តេជ្ញាចិត្តបន្តកិច្ចសហប្រតិបត្តិការ និងអនុវត្តន៍កិច្ចព្រមព្រៀងដែលមានស្រាប់ ឲ្យ​កាន់​តែ​មានប្រសិទ្ធភាពខ្ពស់ ដើម្បីបំរើឧត្តមប្រយោជន៍សម្រាប់ប្រទេស និងប្រជាជន​ទាំង​ពីរ​កម្ពុជា-វៀតណាម៕

អ្នកគាំទ្រលោក Trump មានទំនុកចិត្តពីជ័យជម្នះលើលោកស្រី Harris

2024/07/25 02:51:58 pm        439
Facebook Telegram Linkin
អ្នកគាំទ្រអតីតប្រធានាធិបតី លោក Donald Trump មានទំនុកចិត្តថា បេក្ខជនរបស់ពួកគេនៅតែមានអ្វីដែលខ្លួនត្រូវការ ដើម្បីយកឈ្នះលើគណបក្សប្រជាធិបតេយ្យនៅក្នុងខែវិច្ឆិកាខាងមុខនេះ ទោះបី អនុប្រធានាធិបតី លោកស្រី Kamala Harris ជាបេក្ខជនប្រធានាធិបតីក៏ដោយ។អ្នកគាំទ្រ លោក Trump នាងTeresa Dearnley បាននិយាយថា ពិតណាស់ នាងចង់និយាយថា នាងអាណិតអ្នកប្រជាធិបតេយ្យ ប៉ុន្តែពួកគេបានរើសយកដោយខ្លួនឯង នៅក្នុងជំហរនេះ។ បន្ទាប់ពីចំណាយពេលជាច្រើនក្នុងយុទ្ធនាការវាយលុកលើលោក Biden ក្នុងវ័យចំណាស់ និងទន់ខ្សោយ លោក Trump ក្នុងវ័យ៧៨ឆ្នាំ ពេលនេះត្រូវប្រឈមមុខជាមួយបេក្ខជនវ័យក្មេង លោកស្រី Harris អាយុ៥៩ឆ្នាំ ជាស្ត្រីស្បែកខ្មៅដំបូងគេ និងជនជាតិអាមេរិក-អាស៊ី ដែលកាន់តំណែងជាអនុប្រធានាធិបតី។ ដោយផ្តល់កម្លាំងដល់សមាជិកគណបក្សប្រជាធិបតេយ្យ ស្ត្រីដំបូងគេរូបនេះនឹងដណ្តើមយកសេតវិមាន ដែលលោកស្រី Harris បានបង្រួបបង្រួមគណបក្សយ៉ាងឆាប់រហ័សនៅពីក្រោយលោកស្រី ខណៈយុទ្ធនាការរបស់លោកស្រី និយាយថា រៃអង្គាសប្រាក់បានចំនួន១២៦លានដុល្លារ ចាប់តាំងពីថ្ងៃអាទិត្យ ទី២១ ខែកក្កដា ដោយ៦៤% នៃម្ចាស់ជំនួយ បានចូលរួមចំណែកដំបូងរបស់ពួកគេ ក្នុងយុទ្ធនាការឆ្នាំ២០២៤ នេះ។ប៉ុន្តែអ្នកគាំទ្រ លោក Trump បាននិយាយទៅកាន់សារព័ត៌មានរ៉យទ័រថា លោកស្រី Harris មិនឈ្នះនោះទេ។ អ្នកគាំទ្រ Trump លោក Andrew Douglas បាននិយាយថា លោកសូមជូនពរឱ្យអនុប្រធានាធិបតី លោកស្រី Kamala Harris មានសំណាងល្អ ប៉ុន្តែ លោក Donald Trump នឹងទម្លាក់លោកស្រីចេញ ដោយគ្មានការសង្ស័យ។ការស្ទង់មតិរបស់សារព័ត៌មាន Reuters និងIpsos ដែលបានបញ្ចប់កាលពីថ្ងៃអង្គារ បង្ហាញថា លោកស្រី Harris ទទួលបានពិន្ទុនាំមុខពីរភាគរយលើលោក Trump ៤៤% ទល់នឹង ៤២% ។ការស្ទង់មតិរបស់ CNN ដែលធ្វើឡើងដោយសាវា SSRS បានបង្ហាញថា លោក Trump នាំមុខលោកស្រី Harris ៤៩% ទល់នឹង ៤៦% ។

លោក បៃដិន ប្តេជ្ញាប្រយុទ្ធប្រឆាំងនឹងអំពើហិង្សាផ្នែកនយោបាយនៅអាមេរិក រហូតដល់ចប់អាណត្តិ

2024/07/25 02:40:59 pm        377
Facebook Telegram Linkin
ប្រធានាធិបតីសហរដ្ឋអាមេរិក លោក ចូ បៃដិន ( Joe Biden) បាននិយាយថា លោកនឹងប្រយុទ្ធប្រឆាំងនឹងការបង្ហាញនៃការស្អប់ខ្ពើម និងអំពើហិង្សាផ្នែកនយោបាយ រហូតដល់ចប់អាណត្តិរបស់លោក។មេដឹកនាំអាមេរិករូប បានថ្លែងនៅក្នុងសុន្ទរកថាតាមទូរទស្សន៍ ទៅកាន់ពលរដ្ឋរបស់ខ្លួនចេញ ការិយាល័យរាងពងក្រពើនៃសេតវិមាន កាលពីល្ងាចថ្ងៃពុធថា៖«ខ្ញុំនឹងបន្តអំពាវនាវឲ្យបញ្ចប់ការស្អប់ខ្ពើមដ៏ជ្រុលហួសហេតុនេះ និងបញ្ជាក់ឲ្យច្បាស់ថា គ្មានកន្លែងណាមួយ គ្មានកន្លែងណាមួយនៅក្នុងសហរដ្ឋអាមេរិកសម្រាប់អំពើហិង្សាផ្នែកនយោបាយ ឬអំពើហិង្សាណាមួយដែលមិនធ្លាប់មាននោះទេ ដោយបានអត្ថា ធិប្បាយលើការសម្រេចចិត្តរបស់លោក ក្នុងការដកខ្លួនចេញពីការប្រណាំងប្រជែងការបោះឆ្នោត នៅសហរដ្ឋអាមេរិក។បេក្ខជនប្រធានាធិបតីមកពីគណបក្សសាធារណរដ្ឋលោក ត្រាំ ( Trump) ត្រូវបានគេបាញ់កាលពីថ្ងៃទី ១៣ ខែកក្កដា នៅក្នុងការប្រមូលផ្តុំយុទ្ធនាការឃោសនាបោះឆ្នោតរបស់លោក នៅក្នុងទីក្រុង Butler រដ្ឋ Pennsylvania។ អ្នកប្រកួតប្រជែងសម្រាប់តំណែងដ៏សំខាន់បំផុតរបស់ប្រទេសនេះ បានរងរបួសស្រាល ហើយ មានស្នាមរបួស នៅក្នុងត្រចៀករបស់លោក។ អ្នកបាញ់ប្រហារនោះ ត្រូវបានសម្លាប់ដោយសមាជិកនៃសេវាសម្ងាត់របស់អាមេរិក ដែលការពារអ្នកឆ្លើយតបដំបូង បេក្ខជនប្រធានាធិបតី និងអតីតប្រមុខរដ្ឋ។ FBI បានបញ្ជាក់ថា ឧបទ្ទវហេតុនេះ គឺជាការប៉ុនប៉ងធ្វើឃាតលោក ត្រាម ដែលបានបម្រើការជាមេដឹកនាំសហរដ្ឋអាមេរិកពីឆ្នាំ ២០១៧ ដល់ឆ្នាំ ២០២១។

អាមេរិក បង្ហាញការព្រួយបារម្ភចំពោះកិច្ចសហប្រតិបត្តិការកូរ៉េខាងជើង-រុស្ស៊ី

2024/07/25 02:35:48 pm        555
Facebook Telegram Linkin
សហរដ្ឋអាមេរិក បានរំលឹកឡើងវិញពីការព្រួយបារម្ភរបស់ខ្លួនកាលពីថ្ងៃពុធ ជុំវិញការកើនឡើងនៃកិច្ចសហប្រតិបត្តិការយោធារវាងកូរ៉េខាងជើង និងរុស្ស៊ី បន្ទាប់ពីអនុរដ្ឋមន្ត្រីការពារជាតិរបស់រុស្ស៊ី បានទៅបំពេញទស្សនកិច្ច នៅក្រុងព្យុងយ៉ាងកាលពីសប្តាហ៍មុន ដែលជាសញ្ញានៃការពង្រឹងទំនាក់ទំនងទ្វេភាគី។លោក Matthew Miller អ្នកនាំពាក្យក្រសួងការបរទេស បានធ្វើការអត្ថាធិប្បាយ ប៉ុន្មានម៉ោងបន្ទាប់ពីក្រសួងរតនាគារ បានចេញទណ្ឌកម្មលើបុគ្គលចំនួន ៦រូប និងអង្គភាពចំនួន ៥ ដែលត្រូវបានចោទប្រកាន់ថា បានជាប់ពាក់ព័ន្ធក្នុងការទិញទំនិញដែលគាំទ្រដល់កម្មវិធីមីស៊ីលបាលីស្ទីកនិងអវកាសរបស់កូរ៉េខាង ជើង។លោកបាននិយាយក្នុងអំឡុងសន្និសីទសារព័ត៌មានមួយថា៖ «ដូចដែលអ្នកបានដឹងហើយថា យើងមានការព្រួយបារម្ភយ៉ាងខ្លាំងអំពីការធ្វើឲ្យកិច្ចសហប្រតិបត្តិការសន្តិសុខរវាងរុស្ស៊ីនិងកូរ៉េខាងជើង កាន់តែស៊ីជម្រៅនោះ។លោកបានបន្ថែមថា៖«ប្រសិនបើយើង បានឃើញអាវុធហូរចេញពីប្រទេសកូរ៉េខាងជើង ទៅកាន់ប្រទេសណាមួយ ឬពីប្រទេសណាមួយទៅកាន់ប្រទេសកូរ៉េខាងជើង នោះគឺជាអ្វីមួយ ដែលយើងក៏នឹងព្រួយបារម្ភដូចគ្នាដែរ»។កាលពីសប្តាហ៍មុន មេដឹកនាំកូរ៉េខាងជើង លោក គីម ជុងអ៊ុន បានពិភាក្សាអំពី«សារៈសំខាន់ និងភាពចាំបាច់»នៃកិច្ចសហប្រតិបត្តិការយោធារវាងទីក្រុងព្យុងយ៉ាង និងទីក្រុងមូស្គូ នៅពេលដែល លោក បានជួបជាមួយអនុរដ្ឋមន្ត្រីការពារជាតិរុស្ស៊ី លោក Aleksey Krivoruchko។

ស្ថានទូតចិន៖ អាមេរិក មិនគួរធ្វើឲ្យខូចទំនាក់ទំនងពាណិជ្ជកម្មធម្មតារវាងចិន និងរុស្ស៊ីទេ

2024/07/25 02:25:59 pm        416
Facebook Telegram Linkin
អ្នកនាំពាក្យស្ថានទូតចិនប្រចាំសហរដ្ឋអាមេរិក បានប្រាប់សារព័ត៌មានTASS ថា ទីក្រុងវ៉ាស៊ីនតោន មិនគួរធ្វើឲ្យខូចទំនាក់ទំនងសេដ្ឋកិច្ច និងពាណិជ្ជកម្មធម្មតារវាងទីក្រុងប៉េកាំង និងទីក្រុងមូស្គូទេ។ លោក Liu Pengyu បាននិយាយថា៖«សិទ្ធិរបស់ចិនក្នុងការចូលរួមក្នុងការដោះដូរសេដ្ឋកិច្ច និងពាណិជ្ជកម្មធម្មតាជាមួយប្រទេសទាំងអស់ រួមទាំងរុស្ស៊ី ដោយឈរលើមូលដ្ឋានសមភាព និងផលប្រយោជន៍ទៅវិញទៅមក មិនគួរត្រូវបានធ្វើឲ្យប៉ះពាល់នោះទេ» ដោយបានធ្វើការអត្ថាធិប្បាយពីការលើកឡើងរបស់អ្នកការទូតអាមេរិកម្នាក់ ដែលបាននិយាយថា ទីក្រុងប៉េកាំង បានគាំទ្រដល់ប្រតិបត្តិការយោធាពិសេសរបស់ទីក្រុងមូស្គូក្នុងប្រទេសអ៊ុយក្រែន ដោយផ្តល់ជំនួយដល់ឧស្សាហកម្មការពារជាតិរុស្ស៊ី មានឥទ្ធិពលបង្កអស្ថិរភាព។ នេះបើយោងទៅតាមសហរដ្ឋអាមេរិក។អ្នកនាំពាក្យម្នាក់ បានបន្ថែមថា ការចោទប្រកាន់របស់អាជ្ញាធរអាមេរិកអំពីការគាំទ្ររបស់ចិនដល់រោងចក្រឧស្សាហកម្មការពារជាតិរុស្ស៊ី តាមរយៈពាណិជ្ជកម្ម ពុំមានមូលដ្ឋានទេ។លោក Liu Pengyu បានអះអាងថា៖«សហរដ្ឋអាមេរិក កំពុងបញ្ចេញសកម្មភាពផ្តល់ជំនួយសម្រាប់អ៊ុយក្រែន ខណៈពេលដែលកំពុងធ្វើការចោទប្រកាន់ដោយគ្មានមូលដ្ឋាន ប្រឆាំងនឹងការដោះដូរសេដ្ឋកិច្ច និងពាណិជ្ជកម្មធម្មតារវាងចិន និងរុស្ស៊ី។អ្នកនាំពាក្យរូបនេះ បានចង្អុលបង្ហាញថា ប្រទេសចិន តែងតែប្រកាន់យក «គោលជំហរច្បាស់លាស់ និងយុត្តិធម៌ ដោយជំរុញយ៉ាងសកម្មឲ្យមានកិច្ចចរចាសន្តិភាព និងសម្របសម្រួលដំណោះស្រាយនយោបាយ»។ លោកបានបន្តថា៖«យើងមិនស្វែងរកផលចំណេញសម្រាប់ខ្លួនឯងទេ ដោយការជំរុញភាពតានតឹងឲ្យកាន់តែកើនឡើងនោះទេ ហើយយើងក៏មិនផ្តល់អាវុធដល់ភាគីទាំងសងខាងដែរ»។

រាជរដ្ឋាភិបាលកម្ពុជា៖ គ្មានការកាត់ទឹកដីបួនខេត្តឱ្យវៀតណាម ដូចការលើកឡើងរបស់ក្រុមជ្រុលនិយមមួយក្តាប់តូចឡើយ

2024/07/25 01:59:56 pm        130
Facebook Telegram Linkin
អ្នកនាំពាក្យរបស់រាជរដ្ឋាភិបាលកម្ពុជា បានបញ្ជាក់ថា គ្មានការកាត់ទឹកដីរបស់ខ្លួនឲ្យទៅវៀតណាម ដូចការលើកឡើងរបស់ក្រុមជ្រុលនិយមមួយក្តាប់តូចនោះឡើយ ហើយមួយវិញទៀត ក៏គ្មានដែរ ក្នុងការអនុញ្ញាតឲ្យមានចលនាចេញចូលរបស់ប្រជាពលរដ្ឋដោយសេរី ពោលគឺប្រទេសនីមួយៗ នៅតែគ្រប់គ្រង និងរក្សាឯករាជ្យភាពអធិបតេយ្យភាព និងបូរណភាពទឹកដីខ្លួន ស្របតាមច្បាប់​ជាធរមាន ដោយគ្មានការបង្កើត ដែនដីរួមគ្នា​ណាមួយដូច​ការ​ញុះញង់​របស់ពួកប្រឆាំងជ្រុលនិយម​ទាំងនោះផងដែរ។ការបញ្ជាក់របស់អ្នកនាំពាក្យរបស់រាជរដ្ឋាភិបាលនេះ គឺបានធ្វើឡើង ​បន្ទាប់ពីនៅមានមនុស្សមួយ​ចំនួនតូច​នៅតែបន្តលើកឡើងដោយ​បំភាន់​បើទោះបីជាសម្តេចតេជោ ហ៊ុន សែន អតីតនាយករដ្ឋមន្រ្តី និង ​ជាប្រធានព្រឹទ្ធសភាកម្ពុជា ​បានបញ្ជាក់យ៉ាងច្បាស់​អំពីកិច្ច​សហប្រតិបត្តិការតំបន់​អភិវឌ្ឍន៍ត្រីកោណរវាងកម្ពុជា ឡាវ និងវៀតណាម CLV ជូលដល់បងប្អូន​ប្រជាពលដ្ឋ កាលពីថ្ងៃទី២៣ ខែកក្កដា ឆ្នាំ២០២៤កន្លងទៅថ្មីៗ យ៉ាងណាក៏ដោយនោះ ប៉ុន្តែពួកជ្រុលនិយមទាំងនោះ នៅតែបំភាន់ការពិត​ដើម្បី​គេងចំណេញ​នយោបាយរបស់ខ្លួននោះ។តាមសេចក្តីថ្លែងការណ៍របស់អ្នកនាំពាក្យរាជរដ្ឋាភិបាល នាថ្ងៃទី២៥​ ខែកក្កដា ឆ្នាំ២០២៤នេះ បានបញ្ជាក់យ៉ាងច្បាស់ជាថ្មីម្តងទៀតថា «គ្មានការកាត់ទឹកដី ៤ខេត្តជូនប្រទេសវៀតណាម​ដូចការចោទ​ប្រកាន់​មូល​បង្កាច់​ពីក្រុមជ្រុលនិយមមួយចំនួនតូចនោះឡើយ។ គ្មានការយក​ខេត្តទាំង៤ របស់កម្ពុជា ទៅហ៊ុនជាមួយប្រទេសជិតខាង ​ដើម្បី​រួមបញ្ចូល​គ្នា​ជាដែនដីតែមួយ ដូចការលើកឡើង​ដោយបំភាន់ ឬដោយ ​ការភាន់ច្រឡំមួយចំនួននោះឡើយ។ គ្មានការដាក់​ហ៊ុនធនធានធម្មជាតិ ដូចជាធនធានរ៉ែ និងធនធានព្រៃឈើជាដើម របស់​ខេត្តទាំងបួន​ដើម្បី​វិនិយោគរួមគ្នា ដូចការលើកឡើងនោះឡើយ។ និងគ្មានការអនុញ្ញាត ឲ្យប្រជាពលរដ្ឋនៃ​ប្រទេសនីមួយៗចេញចូលដោយសេរី ក្នុងទឹកដីតំបន់អភិវឌ្ឍន៍ត្រីកោណនោះឡើយ»។តាមរយៈសេចក្តីថ្លែងការណ៍នេះអ្នកនាំពាក្យរបស់រាជរដ្ឋាភិបាលកម្ពុជា ក៏បានបញ្ជាក់បន្ថែមជូន ដល់​សាធារណៈជនផងដែរថា ​កិច្ច​សហប្រតិបត្តិការអភិវឌ្ឍត្រីកោណនេះ ធ្វើឡើងតែក្នុង​ក្របខណ្ឌអាជ្ញាធរប្រទេសទាំងបី ​ដើម្បីផលប្រយោជន៍សេដ្ឋកិច្ច ​ហេដ្ឋារចនាសម្ព័ន្ធ ​សុខាភិបាល អប់រំ សន្តិសុខ និងការ គ្រប់គ្រងគ្រោះមហន្តរាយជាដើម ដូចការ​បញ្ជាក់យ៉ាង​ច្បាស់របស់​សម្តេចតេជោ ​ហ៊ុន សែន ប្រធានព្រឹទ្ធសភាយ៉ាងដូច្នេះដែរ។ជាមួយគ្នានោះដែរ អ្នកនាំពាក្យរបស់រាជរដ្ឋាភិបាលកម្ពុជា ក៏បានបញ្ជាក់ផងដែរថា​ រាជរដ្ឋាភិបាល ដឹកនាំដោយគណបក្សប្រជាជនកម្ពុជា ​បានលះបង់គ្រប់បែបយ៉ាង ដោយយកជីវិតធ្វើជាដើមទុន ដើម្បីរំដោះប្រទេសចេញពីរបបប្រល័យពូជសាសន៍ ​បញ្ចប់សង្រ្គាមដែលអូសបន្លាយជិត៣ទសវត្សរ៍ និងស្វែងរក​ សន្តិភាពពេញលេញជូនប្រទេសជាតិ ដោយបានដឹកនាំ​អភិវឌ្ឍន៍​ប្រទេសឲ្យរីកចម្រើនគ្រប់វិស័យដូចសព្វថ្ងៃ ដោយរក្សាបាននូវឯករាជ្យភាព ​អធិបតេយ្យភាពជាតិ និងបូរណភាពទឹកដីទាំងស្រុង៕អត្ថបទបាន ចក់

លោកស្រី Harris ព្រមានស្ត្រីស្បែកខ្មៅថា លោក Trump គឺជាការគំរាមកំហែងដល់ក្រុមគ្រួសារពួកគេ

2024/07/25 01:42:17 pm        121
Facebook Telegram Linkin
អនុប្រធានាធិបតីអាមេរិក លោកស្រី កាម៉ាឡា ហារីស (Kamala Harris) បានថ្លែងកាលពីថ្ងៃ(២៤ កក្កដា) ទៅកាន់ប្លុកបោះឆ្នោតដ៏ស្មោះត្រង់បំផុតរបស់គណបក្សប្រជាធិបតេយ្យគឺស្ត្រីស្បែកខ្មៅ ដោយប្រាប់ទស្សនិកជនជាច្រើនពាន់នាក់នៅក្នុងរដ្ឋ អ៊ីនឌីអាណាផូលីស (Indianapolis) ថា របៀបវារៈរបស់លោក Donald Trump តំណាងឱ្យ «ការវាយប្រហារទាំងស្រុងទៅលើកូនៗ ក្រុមគ្រួសារ និងអនាគតរបស់ប្រជាជនស្បែកខ្មៅនៅអាមេរិក»។សុន្ទរកថារបស់លោកស្រី Harris ដែលបានថ្លែងនៅក្នុងសន្និបាតមួយរបស់អង្គការ ហ្សេតា ហ្វី បេតា (Zeta Phi Beta) ដែលជាក្លិបជនជាតិស្បែកខ្មៅដ៏លេចធ្លោបំផុតមួយ បានដាក់ចេញនូវ «ជម្រើសរវាងចក្ខុវិស័យពីរផ្សេងគ្នាសម្រាប់អាមេរិក»។ចក្ខុវិស័យទីមួយរបស់លោកស្រី គឺនឹងកសាងសមិទ្ធិផលដ៏ធំបំផុតរបស់រដ្ឋបាលលោក Joe Biden ដោយការពង្រីកលទ្ធភាពទទួលបានការថែទាំសុខភាព ការបញ្ចុះថ្លៃថ្នាំតាមវេជ្ជបញ្ជា កាត់បន្ថយភាពក្រីក្ររបស់កុមារ និងបង្កើតសេដ្ឋកិច្ចដែល «មានផលល្អសម្រាប់បុគ្គលិក»។ចក្ខុវិស័យមួយទៀតដែលទំនងជារបស់លោក Trump លោកស្រី Harris បានព្រមានថានឹងជាការវិលត្រឡប់របស់សហរដ្ឋអាមេរិក ទៅកាន់ «អតីតកាលដ៏ខ្មៅងងឹត» ដោយមានការកាត់បន្ថយក្នុងវិស័យថែទាំសុខភាព និងការបំបាត់ក្រសួងអប់រំ។ ថ្វីត្បិតតែអនុប្រធានាធិបតីរូបនេះស្ទើរតែមិនបាននិយាយឈ្មោះលោក Trump ក៏ដោយ សុន្ទរកថារបស់លោកស្រីគឺជាការខិតខំប្រឹងប្រែងយ៉ាងច្បាស់លាស់ដើម្បីធ្វើអ្វីដែលគណបក្សប្រជាធិបតេយ្យបានសង្ឃឹមជាច្រើនខែមកហើយគឺដើម្បីផ្ដួលលោក Trump៕

រុស្ស៊ីនិយាយថា ភាពចលាចលនៃការបោះឆ្នោតនៅអាមេរិក បង្ហាញពីការបែកបាក់ក្នុងសង្គមអាមេរិក

2024/07/25 01:38:49 pm        131
Facebook Telegram Linkin
រុស្ស៊ី បាននិយាយកាលពីថ្ងៃពុធ (២៤ កក្កដា) ថា ភាពចលាចលជុំវិញការបោះឆ្នោតនៅសហរដ្ឋអាមេរិក រួមទាំងការប៉ុនប៉ងធ្វើឃាតប្រឆាំងនឹងលោក Donald Trump និងការដកខ្លួនរបស់ប្រធានាធិបតី Joe Biden ហើយទៅគាំទ្រអនុប្រធានាធិបតី លោកស្រី Kamala Harris ជាបេក្ខជនរបស់បក្ស បានបង្ហាញពីការបែកបាក់នៅក្នុងសង្គមអាមេរិក ដែលកំពុង «ធ្លាក់ចូលទៅក្នុងភាពវឹកវរ»។នៅពេលសាកសួរដោយត្រង់ពីសារព័ត៌មានរ៉យទ័រ ថាតើរុស្ស៊ីចង់ឱ្យអ្នកណាធ្វើជាប្រធានាធិបតីអាមេរិក អ្នកនាំពាក្យក្រសួងការបរទេសរុស្សី លោកស្រី ម៉ារៀ ហ្សាខារ៉ូវ៉ា (Maria Zakharova) មិនបានបង្ហាញពីការពេញចិត្តច្បាស់លាស់នោះទេ ដោយគ្រាន់តែនិយាយថា «អាមេរិកឥឡូវនេះស្ថិតនៅក្នុងស្ថានភាពតានតឹងខ្លាំង ហើយកំពុងធ្លាក់ចូលទៅក្នុងភាពវឹកវរ»។លោកស្រី Zakharova បាននិយាយថា មានភស្តុតាងនៃ «ការបែកបាក់គ្នាយ៉ាងជ្រៅនៅក្នុងសង្គមអាមេរិក» និង «ជម្លោះស៊ីវិល» ប៉ុន្តែថា អាមេរិកនៅតែចាត់ទុករុស្ស៊ី ជាសត្រូវ។ លោកស្រីបន្ថែមថា តួឯកក្នុង «ការបោះឆ្នោតអាមេរិក» គួរតែត្រូវបានមើលដោយពុំមានការបំភាន់ភ្នែក។គិតត្រឹមព្រឹកថ្ងៃពុធសប្ដាហ៍នេះ ប្រធានាធិបតី វ្ល៉ាឌីមៀ ពូទីន (Vladimir Putin) មិនទាន់និយាយជាសាធារណៈអំពីការដកខ្លួនរបស់លោក Biden ទេ។ លោក ពូទីន បានលើកឡើងជាច្រើនដងកាលពីមុនថាលោកពេញចិត្តលោក Biden ជាងលោក Trump ។ ទោះជាយ៉ាងនេះក្តី ទីភ្នាក់ងារស៊ើបការណ៍សម្ងាត់អាមេរិកបានចង្អុលបង្ហាញថា រុស្ស៊ីពេញចិត្តចំពោះជ័យជម្នះរបស់លោក Trump ជាង៕

សម្ដេចតជោ ហ៊ុន សែន អញ្ជើញដឹកនាំគណៈប្រតិភូគោរពវិញ្ញាណក្ខន្ធ​អគ្គលេខាធិការបក្សកុម្មុយនិស្តវៀតណាម

2024/07/25 10:32:03 am        235
Facebook Telegram Linkin
សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា អញ្ជើញដឹកនាំគណៈប្រតិភូ គោរព​វិញ្ញាណក្ខន្ធ ឯកឧត្តម Nguyen Phu Trong អគ្គលេខាធិការបក្សកុម្មុយនិស្តវៀតណាម នៅ​រដ្ឋធានី​ហាណូយ នាព្រឹកថ្ងៃទី២៥ ខែកក្កដា ឆ្នាំ២០២៤នេះ។ នៅក្នុងពិធីគោរពវិញ្ញាណក្ខន្ធថ្នាក់ជាតិនេះ សម្តេចអគ្គមហាសេនាបតីតេជោ ហ៊ុន សែន ប្រធាន​ព្រឹទ្ធ​សភាជាតិ នៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា បាន​អញ្ជើញ​នាំ​យក​នូវ​កូរោនផ្កា គោរពវិញ្ញាណក្ខន្ធសព ឯកឧត្តម Nguyen Phu Trong អគ្គលេខាធិការ​បក្ស​កុម្មុយនិស្ត​វៀតណាម ដែលបានទទួលមរណភាព ដោយជរាពាធ ក្នុងជន្មាយុ ៨០ឆ្នាំ កាលពីរ​សៀល​ថ្ងៃទី១៩ ខែកក្កដា ឆ្នាំ២០២៤។ នៅក្នុងពិធីគោរពវិញ្ញាណក្ខន្ធថ្នាក់ជាតិ ដែលប្រារព្ធធ្វើឡើងនៅសាលកម្កល់សពថ្នាក់ជាតិ សម្តេ​ច​ប្រធាន​ព្រឹទ្ធសភា សម្តេច ឯកឧត្តម លោកជំទាវ បានអុជធូបឧទ្ទិសដល់វិញ្ញាណក្ខន្ធសព ឯកឧត្តម Nguyen Phu Trong ជាលើកចុងក្រោយ និងជាការជូនដំណើរសព ឯកឧត្តម Nguyen Phu Trong។ សម្តេចតេជោ ហ៊ុន សែន គឺជាឥស្សរជនបរទេសទី១ ដែលបាន​អញ្ជើញ​គោរពវិញ្ញាណ​ក្ខន្ធឯកឧត្តម Nguyen Phu Trong បន្ទាប់ពីឯកឧត្តមអគ្គ​លេខាធិការ​បក្ស​កុម្មុយ​និស្ត​វៀតណាមរូបនេះ បានទទួលមរណភាពកាលពីថ្ងៃសុក្រទី១៩ ខែកក្កដា ឆ្នាំ២០២៤ ។ បើតាមជីវប្រវត្តិសង្ខេបឯកឧត្តម Nguyen Phu Trong កើតនៅឆ្នាំ១៩៤៤ ក្នុងត្រកូល​គ្រួសារ​កសិករ​ក្រីក្រមួ​យរស់នៅក្នុងឃុំ Dong Hoi ស្រុក Dong Anh ទីក្រុងហាណូយ។ ឯកឧត្តម​គឺ​ជា​សាស្ត្រាចារ្យ​ម្នាក់​ដែលទទួលបានសញ្ញាប័ត្រ បណ្ឌិតផ្នែកនយោបាយ។ ឯកឧត្តមបានក្លាយជាសមាជិកបក្សកម្មុយនិស្ដវៀតណាម ដោយបម្រើការឱ្យទស្សនាវដ្ដីរបស់បក្ស គឺ Communist Review ពីឆ្នាំ១៩៦៧ ដល់ឆ្នាំ១៩៩៦ ហើយបានក្លាយ​ជានិពន្ធ​នាយក​ទស្សនា​វដ្ដី​នេះ​ក្នុងឆ្នាំ១៩៩៧។ ឯកឧត្តម​បានក្លាយ​ជា​លេខារង​នៃ​គណៈកម្មាធិការ​បក្ស​ប្រចាំ​ទី​ក្រុង​ហាណូយ ​នៅខែសីហា ឆ្នាំ១៩៩៦ ដល់ខែកុម្ភៈ ឆ្នាំ១៩៩៨។ ក្រោយ​មក ឯកឧត្តម Nguyen Phu Trong បានធ្វើជាអគ្គលេខាធិការបក្សនីតិកាលទី១២ និង​លេខា​គណៈកម្មការយោធាមជ្ឈិមពីខែមករា ឆ្នាំ២០១៦ ដល់ខែតុលា ឆ្នាំ២០១៨។ ឯកឧត្តម Nguyen Phu Trong បានកាន់តំណែងជាអគ្គលេខាធិការបក្ស ប្រធានាធិបតី និងលេខា​នៃ​គណៈកម្មការ​យោធាមជ្ឈិមនៅចន្លោះពីខែតុលា ឆ្នាំ២០១៨ ដល់ខែមេសា ឆ្នាំ២០២១។ ចាប់​តាំងពីឆ្នាំ២០២១ មកទល់នឹងលោកទទួលមរណភាព ឯកឧត្តម Nguyen Phu Trong បាន​កាន់​តំណែង​ជា​អគ្គលេខាធិការបក្សនីតិកាលទី១៣ និងជាលេខាគណៈកម្មការយោធាមជ្ឈិម។ ឯកឧត្តម Nguyen Phu Trong ក៏ធ្លាប់ជាសមាជិកការិយាល័យនយោបាយទី៨ រហូតដល់ទី១៣ របស់​បក្សកម្មុយនិស្ដវៀតណាមផងដែរ។បន្ទាប់​មក​នៅព្រឹកថ្ងៃដដែលនោះដែរ សម្តេចអគ្គមហាសេនាបតីតេជោ ហ៊ុន សែន បាន​អញ្ជើញ​ចាក​ចេញ​ពី​រដ្ឋធានី ហាណូយ សាធារណរដ្ឋសង្គមនិយមវៀតណាម ក្នុងដំណើរនិវត្តន៍មកកាន់ រាជ​ធានីភ្នំពេញ ព្រះរាជាណាចក្រកម្ពុជា។ នៅអាកាសយានដ្ឋានអន្តរជាតិណូយបៃ វត្តមាន​នៃ​ការ​អញ្ជើញ​ជូន​ដំណើរសម្តេចអគ្គមហាសេនាបតីតេជោ ហ៊ុន សែន និងគណៈប្រតិភូជាន់ខ្ពស់​របស់​ព្រះរាជា​ណា​ចក្រកម្ពុជា រួមមានឯកឧត្តម លោកជំទាវ ជាឥស្សរជនជាន់ខ្ពស់ នៃគណៈកម្មាធិការ​មជ្ឈឹម​បក្ស​កុម្មុយនីស្តវៀតណាម និងឥស្សរជនការទូតរបស់ព្រះរាជាណាចក្រកម្ពុជា ប្រចាំ​សាធារណរដ្ឋ​សង្គមនិយមវៀតណាមជាច្រើនរូប។ សូមបញ្ជាក់ថា សម្តេចប្រធានព្រឹទ្ធសភាកម្ពុជា គ្រោងនិងអញ្ជើញទៅដល់រាជធានីភ្នំពេញ ព្រះរា​ជា​ណា​ចក្រកម្ពុជា នៅវេលាម៉ោង១៣និង១០នាទី ថ្ងៃទី២៥ ខែកក្កដា ឆ្នាំ២០២៤ដដែលនេះ៕

បណ្ដាញសង្គម

ព័ត៌មានថ្មីៗ

ក្រុមភ្នំពេញក្រោន ស្ថិតក្នុងពូលB នៃវគ្គជម្រុះបឋមពានបាល់ទាត់នារីទ្វីបអាស៊ី ឆ្នាំ២០២៦/២៧
07/03/2026 02:07 PM
Facebook Telegram Linkin
ក្រសួងការពារជាតិ៖ កងកម្លាំងប្រដាប់អាវុធរុស្ស៊ីបានវាយប្រហារគោលដៅយោធាអ៊ុយក្រែនជាង ១៥០កន្លែង
07/03/2026 02:07 PM
Facebook Telegram Linkin
UNICEF៖ កុមារលីបង់ប្រហែល ១០ម៉ឺននាក់ ប្រឈមនឹងការខកខានមិនចូលរៀនក្នុងឆ្នាំសិក្សាថ្មី
07/03/2026 02:07 PM
Facebook Telegram Linkin
សសយក ស្រុករមាសហែក និងព្រះខ័នរាជស្វាយរៀង អាយុក្រោម១៦ឆ្នាំ​បានត្រឹម​ស្មើគ្នា​ការប្រកួត​ពានរង្វាន់បាល់ទាត់នារីខេត្តស្វាយរៀង
07/03/2026 02:07 PM
Facebook Telegram Linkin
អ្នកគាំទ្រអាហ្សង់ទីនប្រារព្ធពិធី «Banderazo» នៅឆ្នេរសមុទ្រ Miami មុនការប្រកួត​ជាមួយ​កាប់វែរ
07/03/2026 02:07 PM
Facebook Telegram Linkin
អាហ្សង់ទីនត្រៀមខ្លួនរួចរាល់ មុនជួបកាបវែរវគ្គ ៣២ ក្រុមចុងក្រោយ World Cup 2026
07/03/2026 01:07 PM
Facebook Telegram Linkin
សម្តេចប្រធានរដ្ឋសភា៖ ទំនាក់ទំនងស្មោះត្រង់ និងជឿជាក់រវាងកម្ពុជា-ជប៉ុន ផ្តល់នូវសមិទ្ធផល និងផ្លែផ្កាជាក់ស្តែងជូនប្រជាពលរដ្ឋកម្ពុជា
07/03/2026 01:07 PM
Facebook Telegram Linkin
សម្ដេច​ធិបតី ហ៊ុន ម៉ាណែត​ តែងប្រាប់មិត្តបរទេសថាកម្ពុជាប្រើយន្តការ UNCLOS មកពីថៃដក​ខ្លួន​ឯកតោភាគីពី MoU 2001
07/03/2026 01:07 PM
Facebook Telegram Linkin
អគ្គមេបញ្ជាការនៃកងទ័ពម៉ាឡេស៊ី នឹងដឹកនាំគណៈប្រតិភូមកទស្សនកិច្ចនៅតាមបណ្ដោយព្រំដែនកម្ពុជា-ថៃនៅសប្តាហ៍ក្រោយ
07/03/2026 12:07 PM
Facebook Telegram Linkin
អង្គការWFP៖ ភាពអត់ឃ្លាននៅភាគខាងជើងប្រទេសនីហ្សេរីយ៉ា ឈានដល់កម្រិតអាក្រក់បំផុត
07/03/2026 12:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.