BTV NEWS

វិស័យឯកជនកំពុងចូលរួមចំណែកលើការទាក់ទាញវិនិយោគិនបរទេសមកបណ្តាក់ទុននៅកម្ពុជា

អូស្រ្តាលីគាំទ្រកម្ពុជា ក្នុងការសម្រេចបាននូវកំណើន និងការអភិវឌ្ឍសេដ្ឋកិច្ចជាតិ

ក្រុមការងារក្រសួងធនធានទឹកចុះពិនិត្យការអនុវត្តគម្រោងស្តារអូរយាយហុក ក្នុងភូមិសាស្រ្តខេត្តពោធិ៍សាត់

ក្រុមការងារក្រសួងធនធានទឹកបន្តចុះពិនិត្យជាក់ស្តែងស្ថានភាពទឹកតាមអាងទឹក និងប្រឡាយក្នុងភូមិសាស្រ្តខេត្តស្វាយរៀង និងព្រៃវែង

សេដ្ឋកិច្ច និង កសិកម្ម

សម្ដេចធិបតី៖ ៣ខែដើមឆ្នាំនេះ កម្ពុជាទទួលបានគម្រោងអភិវឌ្ឍន៍ថ្មី១០៦ គម្រោងមានទុនសរុប ២២០០ លានដុល្លារ

សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដី នៃកម្ពុជា មានប្រសាសន៍ថា គិតត្រឹមរយៈពេល ៣ ខែដើមឆ្នាំ ២០២៤នេះ កម្ពុជា ទទួលបានគម្រោងអភិវឌ្ឍថ្មីៗ ជាពិសេសពាក់ពាន់ទៅ នឹងការពង្រីកផលិតកម្មនៅក្នុងស្រុកចំនួន ១០៦ គម្រោង គិតជាទុនសរុបប្រមាណ ២២០០ លានដុល្លារ ហើយតាមរយៈគម្រោងវិនិយោគទាំងនេះ នឹងចូលរួមបង្កើតការងារជាង ១០ ម៉ឺនកន្លែងដល់ប្រជាពលរដ្ឋ។ សម្ដេចធិបតី នាយករដ្ឋមន្រ្ដីមានប្រសាសន៍បែបនេះ ក្នុងឱកាសអញ្ជើញជាអធិបតីពិធីសម្ពោធកសិដ្ឋានចិញ្ចឹមគោយកទឹកដោះគិរីសួគ៌ ស្ថិតភូមិឱភាសាំង ឃុំកណ្តឹង ស្រុកបាទី ខេត្តតាកែវ ថ្ងៃទី១១ ខែមេសា ឆ្នាំ២០២៤នេះ។ សម្ដេចធិបតី បានថ្លែងថា ការវិនិយោគនេះ គឺធ្វើឡើងនូវគ្រប់វិស័យទាំងអស់ ទាំងឧស្សាហកម្ម ទេសចរណ៍ និងវិស័យកសិកម្ម។ សម្ដេចនាយករដ្ឋមន្រ្ដីលើកឡើងថា ក្នុងឆ្នាំ ២០២៣ ជាលទ្ធផលនៃការខិតខំប្រឹងប្រែងរបស់រាជរដ្ឋាភិបាលតាំងពីអាណត្តិទី៦ ដឹកនាំដោយសម្ដេចអគ្គមហាសេនាបតីតេជោ ហ៊ុន សែន និងរាជរដ្ឋាភិបាលអាណត្តិទី៧នេះ កម្ពុជាទទួលបានគម្រោងអភិវឌ្ឍន៍សរុបចំនួន ២៦៨ គម្រោង ដែលបានអនុម័តកាលពីឆ្នាំ ២០២៣ ក្នុងនោះមានគម្រោងចំនួន ២៤៧ គម្រោងជាគម្រោងថ្មី និងគម្រោងពង្រីកផលិតកម្មចំនួន ២៦ គម្រោង ដែលមានទុនវិនិយោគសរុបចំនួន ៤៦០០ លានដុល្លារ ដែលបានវិនិយោគនៅក្នុងប្រទេសកម្ពុជា។ សម្ដេចធិបតី នាយករដ្ឋមន្រ្ដីបានបញ្ជាក់ថា រាជរដ្ឋាភិបាល រាជរដ្ឋាភិបាលនឹងប្រឹងប្រែងធ្វើឱ្យសេដ្ឋកិច្ចល្អកម្ពុជាប្រសើរឡើងវិញ ដូចមុនពេលកូវីដ-១៩រាតត្បាត។ សម្តេចធិបតីបញ្ជាក់ថា រាជរដ្ឋាភិបាលនីតិកាលថ្មី មិនបានរវល់សោយសុខនឹងជ័យជម្នះរបស់ខ្លួននោះឡើយ ប៉ុន្ដែបានប្រឹងប្រែងជាប់ជានិច្ចដើម្បីកសាង អភិវឌ្ឍន៍ជាតិ និងដោះស្រាយបញ្ហារបស់ប្រជាពលរដ្ឋ៕អត្ថបទ៖ វ៉ន ដារ៉ា

អតិផរណារបស់អ្នកប្រើប្រាស់អាមេរិក កើនឡើងលើសការរពឹងទុកដល់កម្រិត ៣,៥ ភាគរយក្នុងខែមីនា

អតិផរណាអ្នកប្រើប្រាស់នៅសហរដ្ឋអាមេរិក បានបន្តបង្កើនល្បឿនកាលពីខែមុន ដោយកើនឡើងលើសការរំពឹងទុក នេះបើយោងតាមទិន្នន័យរបស់រដ្ឋាភិបាលសហរដ្ឋអាមេរិក ដែលបានចេញផ្សាយកាលពីថ្ងៃពុធ (១០ មេសា) ដោយទម្លាក់ឱកាសនៃការកាត់បន្ថយអត្រាការប្រាក់មុនកំណត់ពីធនាគារទុនបម្រុងសហព័ន្ធ (Federal Reserve)។ ធនាគារកណ្តាលរបស់សហរដ្ឋអាមេរិកមួយនេះបានដំឡើងអត្រាការប្រាក់ដល់កម្រិតខ្ពស់បំផុតក្នុងរយៈពេល ២៣ ឆ្នាំ ខណៈដែលខ្លួនព្យាយាមធ្វើឱ្យអតិផរណាធ្លាក់ចុះយ៉ាងរឹងមាំទៅនឹងគោលដៅរយៈពេលវែងរបស់ខ្លួនចំនួន ២ ភាគរយ។កំណើនតម្លៃទំនិញបានធ្លាក់ចុះពីកម្រិតកំពូលក្នុងឆ្នាំ២០២២ ប៉ុន្តែបានកើនឡើងខ្ពស់ជាថ្មីម្ដងទៀតក្នុងប៉ុន្មានខែថ្មីៗនេះ ដោយធ្វើឱ្យទីផ្សារទស្សន៍ទាយយ៉ាងស្រពិចស្រពិលអំពីពេលវេលាដែលធនាគារកណ្ដាល Fed អាចចាប់ផ្តើមកាត់បន្ថយអត្រាការប្រាក់ បើទោះបីជាសូចនាករផ្សេងទៀតនៃកម្លាំងសេដ្ឋកិច្ចរបស់សហរដ្ឋអាមេរិក នៅតែមានភាពធន់ក៏ដោយ។នាយកដ្ឋានការងារបាននិយាយនៅក្នុងសេចក្តីថ្លែងការណ៍មួយថា សន្ទស្សន៍តម្លៃទំនិញប្រើប្រាស់ប្រចាំឆ្នាំ (CPI) បានឈានដល់ ៣,៥ ភាគរយនៅក្នុងខែមីនា ដោយកើនឡើង ០,៣ ភាគរយធៀបនឹងខែកុម្ភៈ។ នេះគឺលើសពីការរំពឹងទុកបន្តិចនៃកំណើនត្រឹមតែ ៣,៤ ភាគរយ នេះបើយោងតាមការស្ទង់មតិរបស់អ្នកសេដ្ឋកិច្ចដែលធ្វើឡើងដោយសារព័ត៌មានសេដ្ឋកិច្ចទីផ្សារ ដូវ ចូនស៍ ញ៉ូវស៍វ៉ាយអឺ (Dow Jones Newswires) និងប្រព័ន្ធផ្សព្វផ្សាយដ៏ល្បី ដឹ វ៉លស្រ្ទីត ជើណល់ (The Wall Street Journal) របស់សហរដ្ឋអាមេរិក៕

ពលរដ្ឋម្នាក់នៅរដ្ឋ Oregon របស់អាមេរិក ឈ្នះរង្វាន់ឆ្នោតផ្សងសំណាងចំនួន ១,៣ ពាន់លានដុល្លារ

បន្ទាប់ពីការពន្យារពេលបីម៉ោងកន្លះ ក្រុមហ៊ុនឆ្នោតផ្សងសំណាង ផៅវើបល (Powerball) របស់សហរដ្ឋអាមេរិក បានចាប់លេខដែលឈ្នះរបស់ខ្លួនកាលពីព្រឹកថ្ងៃអាទិត្យ (០៧ មេសា) ហើយក្រោយមកបាននិយាយថាអ្នកលេងម្នាក់នៅក្នុងរដ្ឋ អូរ៉េហ្គន (Oregon) បានផ្គូផ្គងលេខទាំងអស់ដោយឈ្នះទឹកប្រាក់ដ៏ច្រើនសន្ធឹកសន្ធាប់ប្រមាណ ១,៣ ពាន់លានដុល្លារ។ លេខដែលឈ្នះសម្រាប់ការចាប់ឆ្នោតនោះគឺ ២២ ២៧ ៤៤ ៥២ ៦៩ លេខសំណាងចុងក្រោយគឺលេខ ៩។អត្តសញ្ញាណ និងទីតាំងរបស់អ្នកឈ្នះមិនត្រូវបានគេដឹងភ្លាមៗនោះទេ ប៉ុន្តែអ្នកដែលមានសំណាងម្នាក់នេះ បានយកឈ្នះលើប្រូបាប ១ លើ ២៩២.០០០.០០០ ក្នុងការត្រូវរង្វាន់ធំនេះ ដែលបានកើនឡើងជារៀងរាល់សប្តាហ៍ដោយពុំមានអ្នកឈ្នះសោះចាប់តាំងពីដើមខែមករា មក។ក្រុមមន្ត្រីឆ្នោតបានឲ្យដឹងថា ការចាប់ឆ្នោតត្រូវបានពន្យារពេលចាប់ពីម៉ោង ១០:៥៩ នាទីយប់ (ម៉ោងក្នុងស្រុក) ថ្ងៃសៅរ៍ រហូតដល់ម៉ោង ២:២៩ ព្រឹកព្រលឹមថ្ងៃអាទិត្យ ដោយសាររដ្ឋមួយក្នុងចំណោមរដ្ឋដែលបានចូលរួមលេងឆ្នោតនេះ ត្រូវការពេលវេលាបន្ថែមទៀតដើម្បី «បំពេញនីតិវិធីនៃការចាប់ឆ្នោតជាមុន ដែលត្រូវបានអនុម័តដើម្បីការពារសុវត្ថិភាព និងភាពសុចរិតនៃឆ្នោត ផៅវើបល នេះ»។ រង្វាន់ឆ្នោត ផៅវើបល ដ៏ធំបំផុតគឺទឹកប្រាក់ ២,០៤ ពាន់លានដុល្លារ ដែលត្រូវបានឈ្នះនៅរដ្ឋ កាលីហ្វ័រនីញ៉ា (California) ក្នុងខែវិច្ឆិកា ឆ្នាំ២០២២៕

ប្រជាជនប៉ាគីស្ថាន ខកចិត្តដោយសារតម្លៃទំនិញតាមទីផ្សារឡើងថ្លៃខ្ពស់ មុនពិធីបុណ្យ Eid al Fitr

ខណៈខែដ៏វិសុទ្ធនៃពិធីបុណ្យរ៉ាម៉ាដាន នឹងបញ្ចប់ចុងសប្តាហ៍នេះ ផ្សារទំនើប និងទីផ្សារប្រពៃណីនៅទូទាំងប្រទេសប៉ាគីស្ថាន កំពុងគ្របដណ្ដប់ដោយភាពអ៊ូអរខ្លាំងនៅពេលប្រជាពលរដ្ឋ បានសម្រុកទិញទំនិញ នៅមុនពិធីបុណ្យមូស្លីម អេត អាល់ ហ្វីត (Eid al Fitr)ចូលមកដល់។ប៉ុន្តែនៅឆ្នាំនេះ ទាំងអ្នកទិញទំនិញ ទាំងអ្នកលក់ និយាយថា អតិផរណាកំពុងបង្អាក់ភាពរីករាយក្នុងការទិញទំនិញនៅតាមទីផ្សារនានា។សប្តាហ៍ចុងក្រោយនៃបុណ្យរ៉ាម៉ាដាន ជាធម្មតា តែងមើលឃើញភាពរីករាយនៃការដើរទិញទំនិញផ្សេងៗ ជាមួយក្រុមគ្រួសារ ដែលប្រមូលផ្តុំគ្នាទៅកាន់ទីផ្សារភ្លាមៗ បន្ទាប់ពីពិធី អ៊ីហ្វតា"iftar" ដែលជាពិធីស្រាយបួសឬការទទួលទាហានអាហារបន្ទាប់ពីថ្ងៃលិច ក្នុងការស្វែងរកសម្លៀកបំពាក់ គ្រឿងអលង្ការ និងស្បែកជើង ថ្មីៗ ដែលជាធម្មតាត្រូវបានចាត់ទុកថាជាពិធីបុណ្យ អេត(Eid) មានរយៈពេលបីថ្ងៃនៅក្នុងប្រទេសប៉ាគីស្ថាន។អតិថិជន និងម្ចាស់ហាងនៅទីផ្សារ សំខាន់ៗក្នុងទីក្រុង Karachi និង Lahore បានប្រាប់សារព័ត៌មាន Reuters ថាតម្លៃទំនិញល្អៗ ដូចជាបានកើនឡើងទ្វេដងចាប់តាំងពីពេលដូចគ្នាកាលពីឆ្នាំមុន។ពិធីបុណ្យ Eid al Fitr ដែលជាថ្ងៃបញ្ចប់នៃបុណ្យរ៉ាម៉ាដាន ត្រូវបានគេរំពឹងថានឹងចូលមកដល់នៅថ្ងៃទី១០ខែមេសា នៅក្នុងប្រទេសប៉ាគីស្ថានក្នុងឆ្នាំនេះ ទោះបីជាអាចនឹងត្រូវពន្យារពេលមួយថ្ងៃដោយសារតែពេលវេលានៃការមើលឃើញព្រះចន្ទក៏ដោយ៕

អារម្មណ៍អ្នកប្រើប្រាស់កូរ៉េខាងត្បូងធ្លាក់ចុះ ដោយសារការព្រួយបារម្ភអំពីអតិផរណាអាហារ

ការស្ទង់មតិរបស់ធនាគារកណ្តាលបានបង្ហាញនៅថ្ងៃអង្គារសប្ដាហ៍នេះ ពីរសប្តាហ៍មុនការបោះឆ្នោតសភារបស់ប្រទេសនេះ ថា អារម្មណ៍អ្នកប្រើប្រាស់របស់ប្រទេសកូរ៉េខាងត្បូង បានធ្លាក់ចុះនៅក្នុងខែមីនានេះ ដោយសារការកើនឡើងនៃការព្រួយបារម្ភអំពីតម្លៃកសិកម្មកើនឡើង។ សន្ទស្សន៍អារម្មណ៍អ្នកប្រើប្រាស់បានធ្លាក់ចុះពី១០១,៩% ក្នុងខែកុម្ភៈ ដល់១០០,៧%នៅក្នុងខែមីនា ដោយប្រកាសពីការធ្លាក់ចុះប្រចាំខែដ៏ធំបំផុតចាប់តាំងពីខែតុលាមក នៅក្នុងការស្ទង់មតិប្រចាំខែរបស់ធនាគារកណ្តាលកូរ៉េចំពោះអ្នកប្រើប្រាស់ទំនិញ។ ការធ្លាក់ចុះបានកើតឡើង ខណៈការរំពឹងទុកអតិផរណារបស់អ្នកប្រើប្រាស់ក្នុងរយៈពេល១២ ខែបន្ទាប់ បានកើនឡើងជាលើកដំបូងក្នុងរយៈពេលប្រាំខែពី ៣,២ ភាគរយមកនៅ៣ ភាគរយ។នៅក្នុងការស្ទង់មតិ ៦៣,៤ % នៃអ្នកឆ្លើយតបបាននិយាយថា ការឡើងថ្លៃតម្លៃកសិកម្មនឹងជំរុញឱ្យមានអតិផរណាក្នុងរយៈពេល ១២ ខែបន្ទាប់ កើនឡើងយ៉ាងខ្លាំងពី៥១,៥% កាលពីខែកន្លងទៅ។ តិផរណាអ្នកប្រើប្រាស់របស់ប្រទេសកូរ៉េខាងត្បូងបានកើនឡើងកាលពីខែកុម្ភៈ បន្ទាប់ពីមានភាពធូរស្រាលរយៈពេល៣ខែ ដោយសារតែសម្ពាធផ្នែកផ្គត់ផ្គង់ ដែលភាគច្រើនមានដើមចមមកពីតម្លៃកសិកម្មហក់ឡើង៕

តម្លៃប្រេងហក់ឡើង ខណៈហានិភ័យភូមិសាស្ត្រនយោបាយតានតឹងខ្លាំង បង្កក្ដីបារម្ភដល់ការផ្គត់ផ្គង់

តម្លៃប្រេងបានហក់ឡើងខ្ពស់នៅក្នុងការជួញដូរដំបូងនៅអាស៊ី នៅថ្ងៃចន្ទសប្ដាហ៍នេះ ដោយសារការព្រួយបារម្ភលើការផ្គត់ផ្គង់សកលដែលកាន់តែតឹងតែង ព្រោះតែជម្លោះនៅមជ្ឈិមបូព៌ា និងរវាងរុស្ស៊ី និងអ៊ុយក្រែន ស្របពេលការរួមតូចនៃចំនួនខួងយករ៉ែរបស់សហរដ្ឋអាមេរិក បានរុញឲ្យតម្លៃប្រង លោតឡើងខ្ពស់។ភាគហ៊ុនប្រេងឆៅរបស់ក្រុមហ៊ុន Brent បានកើនឡើង ២៤ សេន ឬ ០,៣% ដល់ ៨៥ ,៦៧ ដុល្លារក្នុងមួយបារ៉ែល នៅនៅម៉ោង០០២៩ ម៉ោងសកល(0029 GMT) ។ ភាគហ៊ុនរបស់ប្រេងឆៅអាមេរិកបានកើនឡើង ២៥ សេន ឬ ០,៣% ដល់ ៨០,៨៨ ដុល្លារក្នុងមួយបារ៉ែល។ ក្រុមហ៊ុនទាំងពីរបានកត់ត្រាការផ្លាស់ប្តូរតិចជាង ១% កាលពីសប្តាហ៍មុនធៀបនឹងសប្តាហ៍មុនៗ។ លោក ហ៊ីរ៉ូយូគិ គីគូកាវ៉ា (Hiroyuki Kikukawa) ប្រធានក្រុមហ៊ុន NS Trading ដែលជាផ្នែកមួយរបស់ក្រុមហ៊ុន Nissan Securities បាននិយាយថា ការកើនឡើងភាពតានតឹងភូមិសាស្ត្រនយោបាយ រួមជាមួយនឹងការកើនឡើងនៃការវាយប្រហារលើរោងចក្រថាមពលនៅក្នុងប្រទេសរុស្ស៊ី និងអ៊ុយក្រែន ព្រមទាំងការធ្លាក់ចុះក្តីសង្ឃឹមបទឈប់បាញ់នៅមជ្ឈិមបូព៌ា បានធ្វើឱ្យមានការព្រួយបារម្ភអំពីការផ្គត់ផ្គង់ប្រេងពិភពលោក។ .លោកបាននិយាយថា ការធ្លាក់ចុះសកម្មភាពខួងប្រេងរបស់សហរដ្ឋអាមេរិក ក៏បង្កើនការព្រួយបារម្ភផងដែរចំពោះការផ្គត់ផ្គង់កាន់តែតឹងរ៉ឹង ។ ទីក្រុង Kyiv បាននិយាយថា រុស្ស៊ីបានវាយប្រហារលើហេដ្ឋារចនាសម្ព័ន្ធសំខាន់ៗនៅតំបន់ល្វីវ (Lviv )ភាគខាងលិចរបស់អ៊ុយក្រែនដោយមីស៊ីល កាលពីព្រឹកថ្ងៃអាទិត្យ ក្នុងការវាយប្រហារតាមអាកាសដ៏ធំដែលឃើញមីស៊ីលរុស្ស៊ីមួយគ្រាប់ហោះចូលដែនអាកាសប៉ូឡូញ៕

ក្រសួងពាណិជ្ជកម្ម លើកទឹកចិត្តដល់ធ្វើធុរកិច្ច នៃការពង្រីកទីផ្សារគ្រឿងអលង្ការ និងត្បូងមានតម្លៃទៅអន្តរជាតិ

ក្រសួងពាណិជ្ជកម្ម គាំទ្រ និងជំរុញលើកទឹកចិត្តដល់ការធ្វើធុរកិច្ចលើវិស័យគ្រឿងអលង្ការ និងត្បូងមានតម្លៃនៅកម្ពុជា តាមរយៈការជំរុញពង្រីកទីផ្សារក្នុងស្រុក និងទៅកាន់ទីផ្សារអន្តរជាតិ។លោកជំទាវ តាន់ ទេពីកណ្ណិកា អនុរដ្ឋលេខាធិការក្រសួងពាណិជ្ជកម្ម លើកឡើងនៅក្នុងកម្មវិធីបើកសម្ពោធ ពិព័រណ៍គ្រឿងអលង្ការ និងត្បូងកម្ពុជា អន្តរជាតិ លើកទី១៥ ឆ្នាំ២០២៤ និងការបើកសម្ពោធជាផ្លូវការ នៃកម្មវិធីនារីឯកគ្រឿងអលង្ការ និងត្បូងអន្តរជាតិ លើកទី១ ឆ្នាំ២០២៤ នៅថ្ងៃទី២១ ខែមីនា ឆ្នាំ២០២៤ នេះថា ពាក់ព័ន្ធគ្រឿងអលង្ការ និងត្បូងមានតម្លៃនេះ ក្រសួងពាណិជ្ជកម្ម តែងតែគាំទ្រ និងជំរុញលើកទឹកចិត្តការធ្វើធុរកិច្ចលើវិស័យគ្រឿងអលង្ការ និងត្បូងមានតម្លៃនៅកម្ពុជា តាមរយៈការចូលរួមរៀបចំបង្កើតសមាគមនេះឡើង និងបន្តគាំទ្រសហការជាមួយសមាគម ដោយប្រមូលកៀរគរផលិតករ អាជីវករ និងគ្រប់ភាគីភាគព័ន្ធក្នុងវិស័យគ្រឿងអលង្ការទាំងអស់ ឲ្យក្លាយទៅជាតួអង្គតែមួយប្រមូលផ្តុំនិងលើកទឹកចិត្តឲ្យមានគំនិតច្នៃប្រឌិត ដើម្បីអភិវឌ្ឍន៍លើវិស័យគ្រឿងអលង្ការ និងទាំងការរចនាម៉ូត ការធ្វើពិពិធកម្មទីផ្សារ ដើម្បីជួយរាជរដ្ឋាភិបាលបើកច្រកសេដ្ឋកិច្ចសម្រាប់វិស័យនេះ និងបានចូលរួមចំណែកក្នុងការយករូបិយប័ណ្ណបរទេសមកចាក់បញ្ចូលក្នុងសេដ្ឋកិច្ចជាតិ។ លោកជំទាវ បន្តថា ទំហំទីផ្សារនៃផលិតផលគ្រឿងអលង្ការ និងត្បូងមានតម្លៃនៅកម្ពុជា បានកំពុងតែបន្តរីកចម្រើនកាន់តែធំឡើងរយៈពេលប៉ុន្មានឆ្នាំមកនេះ ក្នុងនោះសម្រាប់គោលបំណងនៃក្រសួងពាណិជ្ជកម្មចំពោះវិស័យគ្រឿងអលង្ការ និងត្បូងមានតម្លៃនេះ គឺមិនត្រឹមតែចង់ពង្រីកទីផ្សារក្នុងប្រទេសប៉ុណ្ណោះទេ ប៉ុន្តែក៏មានគោលដៅក្នុងការពង្រីកទីផ្សារអន្តរជាតិ សម្រាប់ទំនិញគ្រឿងអលង្ការ និងត្បូងមានតម្លៃ ដែលផលិតនៅកម្ពុជាផងដែរ ដើម្បីបង្កើនឱកាសទីផ្សារ និងកាលានុវត្តភាព សម្រាប់វិនិយោគិនជាតិនិងអន្តរជាតិ នៅក្នុងវិស័យនេះ។ចំណែក, លោកបណ្ឌិត ឆាយ ស៊ីណាត ប្រធានស្តីទីសមាគមពាណិជ្ជករគ្រឿងអលង្ការ និងត្បូងមានតម្លៃកម្ពុជា លើកឡើងផងដែរថា គ្រឿងអលង្ការ និងត្បូង មានការអភិវឌ្ឍយ៉ាងខ្លាំងនូវផលិតផលដ៏មានតម្លៃនេះ ក្នុងការកែច្នៃជាច្រើនម៉ូតជាច្រើនទម្រង មានក្បាច់ក្បូររចនាយ៉ាងប្រណិត ដើម្បីប្រកួតប្រជែងលើទីផ្សារ ដោយយើងសម្លឹងទៅមើលការច្នៃគ្រឿងអលង្ការ និងត្បូងកាលពីសម័យមុន មានក្បាច់ទៅតាមសម័យកាលនោះ, ប៉ុន្តែសម័យកាលបច្ចុប្បន្ននេះ បងប្អូនខ្មែរយើង ជាពិសេសជាងទង (ជាងមាស) មានជំនាញយ៉ាងខ្លាំងក្នុងការរចនាម៉ូតរបស់គ្រឿងអលង្ការ ទោះបីជាក្បាច់នោះពិបាកក្នុងការរចនាយ៉ាងណាក្តី គឺគាត់អាចច្នៃបាន មិនថាគ្រឿងអលង្ការជា មាស ផ្លាកទីន ស្ពាន ឬត្បូងថ្មឡើយ។លោកបន្តថា បច្ចុប្បន្នយើងសង្កេតឃើញថា គ្រឿងអលង្ការ និងត្បូងមានតម្លៃរបស់កម្ពុជា មានសន្ទុះយ៉ាងខ្លាំងទាំងក្នុងស្រុក និងក្រៅស្រុក ម្យ៉ាងទៀតនៅពេលការដាក់តាំងបង្ហាញនៅតាមបណ្តាប្រទេសផ្សេងៗ ដូចជា ប្រទេសឥណ្ឌា ថៃ ចិន ក្នុងទីក្រុងហុងកុង ប្រទេសសិង្ហបុរី និងប្រទេសមួយចំនួនទៀតក្នុងទ្វីបអាស៊ី រួមបញ្ជូលទាំងទ្វីបអឺរ៉ុប ដែលជាដៃគូរបស់ប្រទេសកម្ពុជាយើង គឺមានការចាប់អារម្មណ៍យ៉ាងខ្លាំង នូវការរចនាច្នៃម៉ូតក្បាច់ក្បូរពីស្នាដៃរបស់បងប្អូនខ្មែរយើង។សូមបញ្ជាក់ថា កម្មវិធីពិព័រណ៌នេះ មានការចូលរួមពីក្រុមហ៊ុនក្នុង និងក្រៅប្រទេសដូចជា ក្រុមហ៊ុនកម្ពុជា ចិន ឥណ្ឌា អ៊ីតាលី ជប៉ុន ថៃ និងវៀតណាមជាដើម ព្រមទាំងមានការដាក់តាំងបង្ហាញលក់គ្រឿងអលង្ការ ត្បូងមានតម្លៃ គ្រឿងម៉ាស៊ីន និងបច្ចេកវិទ្យាថ្មី សម្រាប់កែច្នៃគ្រឿងអលង្ការ ផងដែរ៕ អត្ថបទ៖ សុន រ៉ាឌី

សម្តេចធិបតី៖ រយៈពេល៦ខែនេះ មានរោងចក្រសហគ្រាសបើកថ្មី ៣៣១៣ ក្នុងនោះវិស័យកាត់ដេរ ១៦៤ រោងចក្រ

សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា មានប្រសាសន៍បញ្ជាក់ថា ក្នុងរយៈពេល ៦ខែមកនេះ រោងចក្រសហគ្រាសសរុបដែលបានបើកថ្មីមានមានចំនួន ៣៣១៣ ក្នុងនោះមានវិស័យកាត់ដេរ ១៦៤ រោងចក្រ។សម្ដេចធិបតី នាយករដ្ឋមន្រ្ដី មានប្រសាន៍បញ្ជាក់បែបនេះ ក្នុងឱកាសអញ្ជើញជាអធិបតីដឹកនាំកិច្ចប្រជុំពេញអង្គគណៈរដ្ឋមន្រ្តី នៅព្រឹកថ្ងៃទី១៥ ខែមីនា ឆ្នាំ២០២៤ នៅវិមានសន្តិភាព។ សម្តេចធិបតី ហ៊ុន ម៉ាណែត បានថ្លែងថា សម្ដេចទទទួលស្គាល់ថា សេដ្ឋកិច្ចកម្ពុជាបច្ចុប្បន្នមិនទាន់ល្អឥតខ្ចោះនោះទេ ប៉ុន្ដែក៏សូមឱ្យអ្នកដែលរិះគន់ត្រូវពិចារណាអំពីទំហំសមិទ្ធផលជាក់ស្ដែងចំពោះការរីកច្រើនរបស់កម្ពុជាផងដែរ ដូចជាករណីរោងចក្រមួយចំនួនបានបិទទ្វា ប៉ុន្ដែក៏មានរោចក្រជាច្រើនបានបើកថ្មីដែរ។ សម្ដេចនាយករដ្ឋមន្រ្ដីបានបញ្ជាក់ថា ប្រទេសកម្ពុជាគឺជាប្រទេសដែលប្រកាន់ភ្ជាប់នូវទីផ្សារសេរី ដូច្នេះការប្រកួតប្រជែងនៅក្នុងទីផ្សារគឺត្រូវតែមានអាជីវកម្មខ្លះជោគជ័យ និងខ្លះទៀតបរាជ័យត្រូវបិទទ្វាបែបនេះឯង។សម្តេចធិបតី នាយករដ្ឋមន្រ្ដី បានបញ្ជាក់បន្ថែមថា កង្វល់របស់ប្រជាពលរដ្ឋ ក៏ជាកង្វល់របស់រាជរដ្ឋាភិបាលដែរ។ សម្តេចបញ្ជាក់ថា បើចង់ដឹងពីការងារ កុំទៅមើលកន្លែងដែលអាជីវកម្មបិទទ្វា ប៉ុន្ដែត្រូវទៅមើលកន្លែងដែលបើកឬប្រកាសជ្រើសរើសបុគ្គលិកវិញ ដូចជានៅទីភ្នាក់ងារ ការងារ និងមុខរបរ នៃក្រសួងការងារជាដើម (NEA)៕អត្ថបទ៖ វ៉ន ដារ៉ា

សម្ដេចធិបតី៖ ៦ខែនេះ គម្រោងវិនិយោគថ្មីចំនួន១៧៣ បានចុះបញ្ជីនៅកម្ពុជា មានទុនវិនិយោគ ៤១៥០លានដុល្លារ

សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា មានប្រសាសន៍ថា ក្នុងរយៈពេលជាង ៦ខែ មកនេះមានគម្រោងវិនិយោគថ្មីចំនួន ១៧៣បានចុះបញ្ជីនៅកម្ពុជា ក្នុងនោះមានទុនវិនិយោគ ៤១៥០ លានដុល្លារ។សម្ដេចធិបតីនាយករដ្ឋមន្រ្ដី មានប្រសាន៍បញ្ជាក់បែបនេះ ក្នុងឱកាសអញ្ជើញជាអធិបតីដឹកនាំកិច្ចប្រជុំពេញអង្គគណៈរដ្ឋមន្រ្តី នៅព្រឹកថ្ងៃទី១៥ ខែមីនា ឆ្នាំ២០២៤ នៅវិមានសន្តិភាព។ សម្ដេចថ្លែងថា ក្នុងរយៈពេល៦ខែ រាជរដ្ឋាភិបាលអាណត្តិទី៧ បានខិតខំទាក់ម៉ូយ (អ្នកវិនិយោគ) មកបណ្ដាក់ទុក វិនិយោគនៅក្នុងប្រទេសកម្ពុជា ហើយជាលទ្ធផលមានក្រុមហ៊ុន អ្នកវិនិយោគិនថ្មីចំនួន ១៧៣ គម្រោង បានជ្រើសរើសយកការបណ្ដាក់ទុនចុះបញ្ជីវិនិយោគនៅកម្ពុជា ដែលសរុបជាទឹកប្រាក់មានទំហំទឹកប្រាក់ជាង ៤ ពាន់លានដុល្លារអាមេរិក។សម្តេចធិបតី នាយករដ្ឋមន្រ្ដីបានគូសបញ្ជាក់ថា គម្រោងទាំង ១៧៣ នេះត្រូវបានចុះបញ្ជីនៅ CDC រួចរាល់ហើយ ខណៈតាមរយៈគម្រោងវិនិយោគទាំងនេះនឹងផ្តល់ឱកាសការងារជាង ១៧ ម៉ឺនកន្លែងដល់ប្រជាពលរដ្ឋនៅទូទាំងសប្រទេស។ សម្តេចធិបតី គូសបញ្ជាក់ថា រាជរដ្ឋាភិបាល កំពុងបន្តខិតខំប្រឹងប្រែងលើកកម្ពស់បរិយាកាសធុរកិច្ច និងជំរុញការវិនិយោគនៅកម្ពុជាដើម្បីបង្កើតការងារបន្ថែមទៀតជូនប្រជាពលរដ្ឋ៕អត្ថបទ៖ វ៉ន ដារ៉ា

ខយ តេ កម្ពុជា៖ ១០ឆ្នាំនៃភាពច្នៃប្រឌិត នវានុវត្តន៍ និងភាពជោគជ័យ

រយៈពេល ១០ឆ្នាំមកនេះ ជាមួយនឹងភាពច្នៃប្រឌិត និងនវានុវត្តន៍ ខយ តេ កម្ពុជា សម្រេចបាននូវសមិទ្ធផលជាបន្តបន្ទាប់ រហូតរក្សាបាននូវភាពលេចធ្លោ និងបាននាំមកនូវភាពរីកចំរើនយ៉ាងច្រើននៅក្នុងសង្គម។ បើតាមការអះអាងពីតំណាងក្រុមហ៊ុន សមិទ្ធផលឆ្នើម និងកំណត់ត្រាដែលមិនធ្លាប់មានពីមុនមកនេះ ខយ តេ កម្ពុជា បាននាំមកនូវភាពជោគជ័យដ៏ត្រចះត្រចង់គួរជាទីមោទនៈ។ ភាពភាពជោគជ័យដែលក្រុមហ៊ុនបានសង្កត់ធ្ងន់នោះគឺ ការបង្កើតឯកត្តកម្មជាម៉ាកយីហោដែលលក់បានរហូតដល់ចំនួន ៤១៩៨កែវក្នុងមួយថ្ងៃដែលជាកំណត់ត្រាលក់ខ្ពស់ជាងគេបំផុត សម្រាប់សាខាមួយ ជាមួយនឹងកំណត់ត្រានៃការបើកដំណើរការសាខា ខយ តេ ធំជាងគេបំផុតនៅក្នុងពិភពលោក ដែលធ្វើឱ្យមានការទទួលស្គាល់យ៉ាងទូលំទូលាយជាលក្ខណៈសកល។បន្ថែមលើនេះ ខយ តេ កម្ពុជា ក៏បានធ្វើជាម្ចាស់ផ្ទះរៀបចំព្រឹត្តិការណ៍ប្រឡងក្រឡុកតែ (Shaker Master) ដែលជាកម្មវិធីប្រកួតក្រឡុកតែដ៏ធំជាងគេបំផុតមួយនៅក្នុងពិភពលោកដែលមានការចូលរួមពីបណ្តាប្រទេសជាង១០ ដើម្បីពង្រឹងវប្បធម៌ និងសិប្បកម្មតែជាលក្ខណៈសកល។ទន្ទឹមនេះ ខយ តេ កម្ពុជា តែងតែចូលរួមយ៉ាងសកម្មក្នុងសកម្មភាពសង្គមប្រកបដោយការប្តេជ្ញាចិត្តខ្ពស់។ ជាក់ស្តែងក្នុងអំឡុងពេលគ្រោះធម្មជាតិ ខយ តេ កម្ពុជា បានផ្តល់ការឧបត្ថម្ភគាំទ្រដល់គ្រួសាររងគ្រោះជាង ៤០០០គ្រួសារ និងការចែកភេសជ្ជៈ ខយ តេ ចំនួន១ម៉ឺនកែវដោយឥតគិតថ្លៃជូនដល់ពលរដ្ឋកម្ពុជា។តាមរយៈសមិទ្ធផល និងការរួមចំណែកទាំងនេះ ធ្វើឱ្យមានការទទួលស្គាល់ និងបានទទួលនូវពានរង្វាន់កិត្តិយសកម្រិតជាតិ និងអន្តរជាតិជាច្រើន រួមមាន៖- ពានរង្វាន់ប្រតិបត្តិការឆ្នើម ពី foodpanda- ពានរង្វាន់ម៉ាកតែដែលអតិថិជនពេញនិយមបំផុត ពី NHAM24- ពានរង្វាន់ម៉ាកដែលមានឥទ្ធិពលបំផុត ពី E-Gets- ពានរង្វាន់សហគ្រិនវ័យក្មេងឆ្នើមកម្ពុជា ឆ្នាំ២០១៥ (ASEAN-CHINA)- ពានរង្វាន់កន្លែងការងារល្អបំផុត ពីក្រសួងទេសចរណ៍- វិញ្ញាបនបត្រអនុលោមភាពសារពើពន្ធប្រភេទ មាស ពីអគ្គនាយកដ្ឋានពន្ធដារការសម្លឹងឆ្ពោះទៅអនាគត និងការអបអរសាទរខួបអនុស្សាវរីយ៍ ១០ ឆ្នាំ ក្រោមប្រធានបទ «វិថីដើរម៉ូដ»។ដើម្បីអបអរសាទរចំពោះសមិទ្ធផលដែលសម្រេចបានរយៈពេល ១០ឆ្នាំមកនេះ ខយ តេ កម្ពុជា បានរៀបចំកម្មវិធីខួបអនុស្សាវរីយ៍គម្រប់ ១០ឆ្នាំរបស់ខ្លួន ក្រោមប្រធានបទ «វិថីដើរម៉ូដ» ដោយមានការដើរបង្ហាញម៉ូដសម្លៀកបំពាក់ដ៏ធំ ដែលមានគោលបំណងបង្ហាញពីចក្ខុវិស័យអនាគតរបស់ ខយ តេ កម្ពុជា ក្នុងការប្តេជ្ញារក្សានូវភាពលេចធ្លោ ភាពច្នៃប្រឌិត និងនវានុវត្តន៍របស់ខ្លួននៅលើវិថីតែគុជក្នុងប្រទេសកម្ពុជាឱ្យកាន់តែរឹងមាំ។ កម្មវិធីនេះ ក៏មានការចូលរួមពីសំណាក់ថ្នាក់ដឹកនាំជាន់ខ្ពស់របស់រាជរដ្ឋាភិបាល ឯកឧត្តម លោកជំទាវ អ្នកឧកញ៉ា ឧកញ៉ា អគ្គនាយកនៃក្រុមហ៊ុន ខយតេ អ្នកបងើ្កតមាតិការ ថ្នាក់ដឹកនាំ និងបុគ្គលិក ខយ តេ កម្ពុជា ព្រមទាំងអ្នកគាំទ្ររបស់ខ្លួនជាច្រើននាក់ផងដែរ៕

បណ្ដាញសង្គម

ព័ត៌មានថ្មីៗ

សម្តេច ម៉ែន សំអន អញ្ជើញប្រកាសលោកជំទាវ ហេង សំអាន ជាប្រធានកិត្តិយសគណៈកម្មការសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្តត្បូងឃ្មុំ

លោក Yoon និងសភាកូរ៉េខាងត្បូង ត្រៀមចូលដំណាក់កាលចុងក្រោយនៃក្តីចោទប្រកាន់ទម្លាក់តំណែង

លោក Trump ថាសហរដ្ឋអាមេរិក ចង់បានការតបស្នងលើប្រាក់ជំនួយអ៊ុយក្រែន

សកម្មជនផ្ដាច់ខ្លួនក្នុងគណបក្សប្រឆាំងប្រកាសប្រមូលសមាជិកបន្ថែមដើម្បីមកគាំទ្រជាមួយនឹងគណបក្សប្រជាជនកម្ពុជា

អ្នកការទូតជាន់ខ្ពស់រុស្ស៊ី៖ តំណាងរុស្ស៊ី និងអាមេរិក នឹងជួបគ្នាម្តងទៀតក្នុងពេលពីរសប្តាហ៍ខាងមុខ

ព្រិលធ្លាក់ខ្លាំងនៅតែបន្តគ្របដណ្ដប់ប្រទេសជប៉ុន ដោយបង្កការរំខានឥតឈប់ឈរ

ចិន មើលឃើញការធ្វើដំណើរក្នុងស្រុកជាង ៩ពាន់លានដំណើរ ក្នុងអំឡុងពេលបុណ្យចូលឆ្នាំចិន

ក្រុមហាម៉ាស ចោទអ៊ីស្រាអែល ថាលេងល្បិចកខ្វក់ ដើម្បីបំផ្លាញកិច្ចព្រមព្រៀងបទឈប់បាញ់ហ្កាហ្សា

ចៅក្រម និងបុគ្គលិកតុលាការរាប់ពាន់នាក់នៅហុងគ្រី ចេញតវ៉ាទាមទារឯករាជ្យភាពតុលាការ

ទឹកជំនន់នៅប្រទេសបុតស្វាណា សម្លាប់មនុស្ស ៧នាក់ និងជម្លៀសមនុស្សរាប់ពាន់នាក់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877