BTV NEWS

ឃាតកម្មចាក់សម្លាប់មនុស្សរួចយកសពប្លុងចោលក្នុងរថយន្តនៅខណ្ឌដង្កោ កម្លាំងសមត្ថកិច្ចឃាត់ខ្លួនក្រុមឃាតកបាន០៤នាក់

ដើមខែមិថុនានេះ កម្លាំងនគរបាលរាជធានីបង្ក្រាបគ្រឿងញៀន០៥ករណី ឃាត់មនុស្ស២៤នាក់ និងដកហូតគ្រឿងញៀន៦៦គីឡូក្រាម

បង្ក្រាបជនជាតិចិន០៤នាក់ ជាក្រុមត្រៀមរៀបចំផែនការណ៍ចាប់ជំរិត តែត្រូវទប់ស្កាត់ទាន់ពេល

សមត្ថកិច្ចខេត្តស្វាយរៀងបន្តចុះបង្រ្កាបទីតាំងសង្ស័យលួចលាក់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យាឃាត់ខ្លួនជនសង្ស័យជនជាតិចិន វៀតណាម និងខ្មែរចំនួន ៧៣នាក់

សន្តិសុខ និង សង្គម

លំនៅឋានរបស់ប្រធានសភាអាហ្រ្វិកខាងត្បូង ត្រូវបានឆ្មក់ចូលក្នុងការស៊ើបអង្កេតអំពើពុករលួយ

សភាបាននិយាយថា ក្រុមអ្នកស៊ើបអង្កេតប្រទេសអាហ្រ្វិកខាងត្បូង បានឆ្មក់ចូលលំនៅឋានរបស់ប្រធានសភាជាតិលោកស្រី ណូស៊ីវីវ៉េ ម៉ាពិសា ង៉ាកគូឡា(Nosiviwe Mapisa-Nqakula) កាលពីថ្ងៃអង្គារ ជាផ្នែកមួយនៃការស៊ើបអង្កេតអំពើពុករលួយទៅលើលោកស្រី។សភាបាននិយាយនៅក្នុងសេចក្តីថ្លែងការណ៍ថា ប្រតិបត្តិការរបស់អាជ្ញាធរជុំនំជម្រះជាតិ (NPA) ត្រូវបានផ្សារភ្ជាប់ទៅនឹងការស៊ើបអង្កេតលើអំពើពុករលួយ ដែលត្រូវបានចោទប្រកាន់ក្នុងអំឡុងពេលវេលារបស់ប្រធានសភា ខណៈជារដ្ឋមន្ត្រីក្រសួងការពារជាតិ។ទូរទស្សន៍រដ្ឋរបស់ប្រទេសអាហ្រ្វិកខាងត្បូង SABC បានរាយការណ៍ថា លោកស្រី Mapisa-Nqakula ដែលរស់នៅក្នុងទីក្រុង ចូហានណេសប៊ឺក(Johannesburg) ត្រូវបានគេសង្ស័យថា បានទទួលប្រាក់រាប់លានរេន(Rand) ជាប្រាក់សំណូកពីអតីតអ្នកធ្វើកិច្ចសន្យាយោធាម្នាក់ នៅពេលដែលលោកស្រី បម្រើជារដ្ឋមន្ត្រីការពារជាតិ។ទាំងសភា និងអាជ្ញាធរជុំនំជម្រះជាតិ(NPA) ពុំបានផ្តល់ព័ត៌មានលម្អិតបន្ថែម លើការស៊ើបអង្កេត ឬការចោទប្រកាន់អំពើពុករលួយនោះទេ។ វាមិនច្បាស់នោះថា តើបទចោទប្រកាន់ណាមួយ នឹងត្រូវដាក់ទៅលើលោកស្រី។លោកស្រី Mapisa-Nqakula គឺជារដ្ឋមន្ត្រីការពារជាតិរបស់អាហ្វ្រិកខាងត្បូងពីឆ្នាំ ២០១២ ដល់ឆ្នាំ ២០២១ ។

រុស្ស៊ីអះអាងថា ខ្លួននឹងជម្លៀសកុមារចំនួន៩.០០០នាក់ ចេញពីតំបន់ព្រំដែនដែលអ៊ុយក្រែនកំណត់ គោលដៅ

មន្ត្រីម្នាក់បាននិយាយកាលពីថ្ងៃអង្គារថា ប្រទេសរុស្ស៊ី គ្រោងនឹងជម្លៀសកុមារប្រហែល ៩.000 នាក់ចេញពីតំបន់ព្រំដែនមួយ ដោយសារតែវាត្រូវបានបាញ់ផ្លោងជាបន្តបន្ទាប់របស់អ៊ុយក្រែន ដោយបង្ហាញពីការបង្កើនការយកចិត្តទុកដាក់របស់ទីក្រុងគីវលើគោលដៅវាយប្រហារនៅពីក្រោយខ្សែត្រៀមជួរមុខ ដែលទើបតែផ្លាស់ប្តូរ ក្នុងរយៈពេលប៉ុន្មានខែថ្មីៗនេះ។អភិបាលតំបន់នេះ លោក Vyachelev Gladkov បាននិយាយថា កុមារទាំងនោះ នឹងត្រូវផ្លាស់ចេញពីតំបន់ Belgorod ចុងខាងកើត នៅឆ្ងាយពីព្រំដែនអ៊ុយក្រែន។ការប្រកាសនេះ បានធ្វើឡើងមួយថ្ងៃ បន្ទាប់ពីប្រធានាធិបតីរុស្ស៊ីលោក វ្ល៉ាឌីមៀ ពូទីន បាននិយាយថា វិមានក្រឹមឡាំង ចង់បង្កើតតំបន់ទ្រនាប់មួយ ដើម្បីជួយការពារតំបន់ព្រំដែនពីការវាយប្រហាររយៈពេលវែងរបស់អ៊ុយក្រែន និងការវាយឆ្មក់ឆ្លងព្រំដែន អស់រយៈពេលជាងពីរឆ្នាំ នៅក្នុងសង្រ្គាមនេះ។អ៊ុយក្រែន បានប្រើប្រាស់កម្លាំងបាញ់មីស៊ីលរយៈចម្ងាយឆ្ងាយរបស់ខ្លួនកាន់តែខ្លាំងឡើង ដើម្បីវាយប្រហាររោងចក្រចម្រាញ់ប្រេង និងឃ្លាំងផ្ទុកប្រេង នៅក្នុងប្រទេសរុស្ស៊ី ហើយបានស្វែងបំផ្លាញតំបន់ព្រំដែនរុស្ស៊ី ដោយដាក់សម្ពាធនយោបាយលើលោកពូទីន។លើសពីនេះទៀត គូប្រជែងរុស្ស៊ីរបស់លោកពូទីននៅអ៊ុយក្រែន និងវិមានក្រឹមឡាំង បានបើកការវាយឆ្មក់ឆ្លងព្រំដែន។ លោកពូទីន បានពិភាក្សាអំពីការលុកលុយឆ្លងព្រំដែន ក្នុងអំឡុងពេលកិច្ចប្រជុំមួយកាលពីថ្ងៃអង្គារជាមួយក្រុមមន្ត្រីជាន់ខ្ពស់នៃសេវាសន្តិសុខសហព័ន្ធ (FSB)។

សមត្ថកិច្ចជំនាញ រឹបអូសថ្នាំញៀនជាង ២គីឡូក្រាម ឃាត់ខ្លួនជនល្មើស ៣នាក់ នៅទីតាំងខារ៉ាអូខេមួយកន្លែង ក្នុងខណ្ឌសែនសុខ

អនុវត្តន៍តាមបទបញ្ជារបស់ឯកឧត្តម នាយឧត្ដមសេនីយ៍ ស ថេត អគ្គស្នងការនគរបាលជាតិ ក្រោមការបញ្ជាដឹកនាំផ្ទាល់របស់ឧត្ដមសេនីយ៍ឯក ឃឹង សារ៉ាត់ នាយកមន្ទីរប្រឆាំងគ្រឿងញៀន នៅថ្ងៃទី១៧ ខែមីនា ឆ្នាំ២០២៤ វេលាម៉ោង១និង០០នាទីរំលងអាធ្រាត្រ កម្លាំងរបស់មន្ទីរប្រឆាំងបទល្មើសគ្រឿងញៀន ដោយមានការដឹកនាំ និងសម្របសម្រួលពីលោក គឹម ហុងសាន ព្រះរាជ្ញារងអមសាលាដំបូងរាជធានីភ្នំពេញ សហការជាមួយ កម្លាំងស្នងការដ្ឋាននគរបាលរាជធានីភ្នំពេញ បានចុះស្រាវជ្រាវស៊ើបអង្កេតរហូត ឈានទៅបង្ក្រាបករណីជួញដូរ រក្សារទុក សម្រួលឱ្យប្រើប្រាស់ និងសមគំនិតឱ្យប្រើប្រាស់ ដោយខុសច្បាប់នូវសារធាតុញៀននៅចំណុច ខារ៉ាអូខេឈ្មោះ HUADUKTV CLUB HOUSE ផ្លូវលេខ១០១៩ (ណប្រ៊ីដ) ភូមិចុងថ្នល់ខាងកើត សង្កាត់ទឹកថ្លា ខណ្ឌសែនសុខ រាជធានីភ្នំពេញ។កម្លាំងជំនាញបានឃាត់ខ្លួនជនល្មើស ៣នាក់បញ្ជូនទៅសាលាដំបូងរាជធានីភ្នំពេញ រួមមាន៖ ឈ្មោះCHEN YONGKANG ភេទប្រុស ជនជាតិ ចិន ថ្ងៃខែឆ្នាំកំណើត ១៩៩៤, ឈ្មោះCHEN YANAN ភេទស្រី ជនជាតិចិន ថ្ងៃខែឆ្នាំកំណើត១៩៨៥ និងឈ្មោះ FAN GAO YUN ភេទស្រី ជនជាតិចិន ថ្ងៃខែឆ្នាំកំណើត១៩៨៣។ វត្ថុតាងគ្រឿងញៀនចាប់យកបានរួមមាន៖ សារធាតុញៀនប្រភេទ អ៊ិចស្ដាស៊ី (MDMA) ទម្ងន់ ១គីឡូ ១៣៩.២១ក្រាម និងសារធាតុញៀនប្រភេទ កេតាមីន (Ketamine) ទម្ងន់ ៨៦១.៧៧ក្រាម។ សរុបរួមសារធាតុញៀនទម្ងន់ ២០០០.៩៨ក្រាម (២គីឡូក្រាម ០.៩៨ក្រាម)៕

ផ្នែកខ្លះនៅភាគខាងជើងប្រទេសអ៊ីស្រាអែល នៅព្រំដែនជាមួយប្រទេសលីបង់ ត្រូវបានទុកចោល និងត្រូវគេបោះបង់

យោងតាមក្រុមមិនស្វែងរកប្រាក់ចំណេញដែលចងក្រងឯកសារជម្លោះនៅភាគខាងជើង ប្រទេសអ៊ីស្រាអែល បានឲ្យដឹងថា ប្រជាជន ជាង ៦០.០០០នាក់ ដែលរស់នៅក្នុងទីក្រុងនានា និងសហគមន៍របស់អ៊ីស្រាអែល នៅជាប់ព្រំដែនប្រទេសលីបង់ បានភៀសខ្លួនចេញ បន្ទាប់ពីការប្រយុទ្ធគ្នារយៈពេលជិត៦ខែ ជាមួយក្រុម ហេសបូឡានៅប្រទេសលីបង់។លោក Sarit Zehavi ស្ថាបនិកមជ្ឈមណ្ឌលស្រាវជ្រាវ និងអប់រំ បាននិយាយថា ប្រជាជនបាននាំយកវ៉ាលី ហើយពួកគេបានចេញទៅយ៉ាងលឿន ដែលពួកគេភាគច្រើនចាកចេញទៅ ដោយពុំមាន ការបញ្ជាឡើយ។ លោក Ariel Fish អ្នកសម្របសម្រួលសន្តិសុខទីក្រុងគីរីយ៉ាត ស្មូណា( Kiryat Shmona) បាននិយាយថា យើងរស់នៅក្នុងទីក្រុងខ្មោច ហើយនេះគឺជាស្ថានភាពដែលមិនអាចនិយាយបាន ប្រជាជនគឺជាជនភៀសខ្លួន ហើយវាត្រូវតែភៀសខ្លួន យើងមិនអាចឱ្យវានៅបន្តទៀតបានទេ។ក្រុមហេសបូឡាគាំទ្រដោយអ៊ីរ៉ង់ និងយោធាអ៊ីស្រាអែល បានកំពុងប្រយុទ្ធតគ្នាចាប់តាំងពីក្រុមហាម៉ាសប៉ាឡេស្ទីន បានវាយលុកអ៊ីស្រាអែលភាគខាងត្បូងពីតំបន់ហ្កាហ្សាស្ទ្រីបកាលពីថ្ងៃទី ៧ ខែតុលានៅក្នុងជម្លោះដែលកាន់តែរីកធំឡើងជាលំដាប់ ជំរុញឱ្យមានការព្រួយបារម្ភនៃការកើនឡើងជម្លោះរាលដាល។ ជម្លោះនេះគឺជាអរិភាពដ៏អាក្រក់បំផុតរវាងក្រុមហេសបូឡា និងអ៊ីស្រាអែល ចាប់តាំងពីពួកគេបានប្រយុទ្ធក្នុងសង្គ្រាមឆ្នាំ ២០០៦ ដែលត្រូវបានគេស្គាល់ជាទូទៅនៅក្នុងប្រទេសលីបង់ថា ជា «សង្រ្គាមខែកក្កដា»។

លោក Netanyahu ច្រានចោលការអង្វរកររបស់លោកBidenកុំឲ្យវាយប្រហារទីក្រុងរ៉ាហ្វាក្នុងតំបន់ហ្កាហ្សា

លោកនាយករដ្ឋមន្ត្រីអ៊ីស្រាអែល Benjamin Netanyahu បានច្រានចោលការអង្វរកររបស់លោក Joe Biden ដែលអំពាវនាវកុំឲ្យវាយប្រហារដោយថ្មើរជើងតាមផែនការលើទីក្រុងរ៉ាហ្វា (Rafah) ជាជម្រកចុងក្រោយនៅក្នុងតំបន់ហ្កាហ្សាសម្រាប់ពលរដ្ឋភៀសខ្លួនជាង១លាននាក់ ជាទីដែលអ៊ីស្រាអែល ជឿថា ក្រុមសកម្មជនហាម៉ាស កំពុងពួនសំងំលាក់ខ្លួននៅទីនោះ។ លោកNetanyahu បានប្រាប់ក្រុមតំណាងរាស្ត្រកាលពីថ្ងៃអង្គារទី១៩មីនាថា លោកបានញ្ជាក់យ៉ាងច្បាស់ទៅកាន់ប្រធានាធិបតីអាមេរិកថា អ៊ីស្រាអែល បានប្ដេជ្ញាចិត្តកម្ទេចកងវរសេនាតូចទាំងនោះនៅក្នុងទីក្រុងរ៉ាហ្វា រហូតបានជោគជ័យ ហើយគ្មានជម្រើសណាមួយបញ្ឈប់ការវាយប្រហារដោយថ្មើរជើងលើតំបន់នោះឡើយ។ មេដឹកនាំទាំង២ បានសុន្ទនាតាមទូរស័ព្ទកាលពីថ្ងៃចន្ទ។ ទីប្រឹក្សាសន្តិសុខជាតិសេតវិមាន លោកជែក ស៊ូលីវ៉ាន់ (Jake Sullivan) បាននិយាយថា ទីក្រុង វ៉ាស៊ីនតោន ជឿថា ការវាយលុកចូលទីក្រុងរ៉ាហ្វា នឹងក្លាយជាកំហុស ហើយថា អ៊ីស្រាអែល អាចសម្រេចបំណងយោធារបស់ខ្លួនតាមមធ្យោបាយផ្សេងៗទៀតបាន។ អ្នកនាំពាក្យសេតវិមាន លោកស្រីការីន ហ្សង់ព្យា (Karine Jean-Pierre) បាននិយាយកាលពីថ្ងៃអង្គារដោយបង្ហាញក្ដីបារម្ភយ៉ាងខ្លាំងអំពីរបាយការណ៍នានានិយាយពីភាពអត់ខ្លានដែលអាចនឹងកើតមាននៅក្នុងតំបន់ហ្កាហ្សា។លោកស្រី និយាយថា លោក Biden បានស្នើដល់លោក Netanyahu ឲ្យបញ្ជូនក្រុមការងារចារកម្មនិងសិទ្ធិមនុស្សជាន់ខ្ពស់មកកាន់ទីក្រុងវ៉ាស៊ីនតោនដើម្បីពិភាក្សាឲ្យកាន់តែស៊ីជម្រៅក្នុងពេលប៉ុន្មានថ្ងៃខាងមុខ៕

អង្គការសហប្រជាជាតិ៖ អ៊ីស្រាអែលអាចកំពុងប្រើប្រាស់ភាពអត់ឃ្លានជាអាវុធសង្រ្គាម

អង្គការសហប្រជាជាតិបាននិយាយកាលពីថ្ងៃអង្គារ ១៩ មីនា ថាការរឹតបន្តឹងយ៉ាងខ្លាំងរបស់អ៊ីស្រាអែលលើការផ្តល់ជំនួយទៅកាន់តំបន់ហ្កាហ្សាដែលត្រូវបានបំផ្លិចបំផ្លាញដោយសារសង្រ្គាម បូករួមទាំងការវាយលុកដោយយោធារបស់ខ្លួន អាចស្មើនឹងការប្រើប្រាស់ភាពអត់ឃ្លានជា អាវុធសង្គ្រាម ដែលនឹងក្លាយជាឧក្រិដ្ឋកម្មសង្គ្រាម ។ ប្រធានផ្នែកសិទ្ធិមនុស្សរបស់អង្គការសហប្រជាជាតិ លោកវ៉ូលឃើ ទើក(Volker Turk) បានស្ដីបន្ទោសកត្តានាំឲ្យមានភាពអត់ឃ្លានដ៏ធ្ងន់ធ្ងរ និងកំពុងកើតមានគ្រោះទុរ្ភិក្សនៅតំបន់ហ្កាហ្សា។ នៅក្នុងសេចក្តីថ្លែងការណ៍ រិះគន់ដោយអ៊ីស្រាអែល លោក Turk បាននិយាយថា ស្ថានភាពនៃភាពអត់ឃ្លានដោយគ្មានអាហារ និងទុរ្ភិក្ស បានកើតចេញពីការរឹតបន្តឹងយ៉ាងខ្លាំងហួសហេតុរបស់អ៊ីស្រាអែលលើការបើកផ្លូវចូល និងចែកចាយជំនួយមនុស្សធម៌ ព្រមទាំងទំនិញពាណិជ្ជកម្មជាដើម។លោកបាននិយាយថា មូលហេតុនាំឲ្យមានគ្រោះមហន្តរាយនេះ ត្រូវបានផ្សារភ្ជាប់ទៅនឹងការភៀសខ្លួនចេញពីលំនៅឋានរបស់ប្រជាជនភាគច្រើន ក៏ដូចជាការបំផ្លិចបំផ្លាញហេដ្ឋារចនាសម្ព័ន្ធស៊ីវិលសំខាន់ៗ។ វិសាលភាពនៃការរឹតបន្តឹងដែលនៅតែបន្តរបស់អ៊ីស្រាអែលលើការចូលផ្តល់ជំនួយទៅកាន់តំបន់ហ្កាហ្សា រួមទាំងវិធីដែលខ្លួនបន្តធ្វើជាអរិភាព អាចស្មើនឹងការប្រើប្រាស់ភាពអត់ឃ្លានជាវិធីសាស្រ្តនៃសង្រ្គាម ដែលជាឧក្រិដ្ឋកម្មសង្គ្រាម។ អ្នកនាំពាក្យរបស់លោក គឺលោក ជើរ៉េមី ឡរិន (Jeremy Laurence) បានប្រាប់អ្នកសារព័ត៌មាននៅទីក្រុងហ្សឺណែវថា ការប្តេជ្ញាចិត្តចុងក្រោយថាតើ ភាពអត់ឃ្លានត្រូវបានប្រើប្រាស់ជាអាវុធនៃសង្គ្រាម នឹងត្រូវបានកំណត់ដោយតុលាការដែរឬទេ៕

អាជ្ញាធរខណ្ឌ៧មករាបានចុះណែនាំដល់ទីតាំងយានដ្ឋាន កែច្នៃ បំពង់ស៉ីម៉ាំង

ភ្នំពេញ ៖ អាជ្ញាធរខណ្ឌ៧មករាបានចុះអប់រំណែនាំនិងត្រួតពិនិត្យដល់ទីតាំងយានដ្ឋានប្រកបអាជីវកម្មនូវឧបករណ៍ស៊ីផ្លេ និងបំពង់ស៊ីម៉ាំងកែច្នៃខុស លក្ខណៈបច្ចេកទេស ត្រូវធ្វើការបញ្ឈប់សកម្មភាពលក់ជាបន្ទាន់ បើពុំដូចនេះទេអាជ្ញាធរនិងចាត់វិធានការផ្លូវច្បាប់។ ការចុះត្រួតពិនិត្យមើលនេះបានធ្វើឡើងនៅរសៀលថ្ងៃទី១៩ ខែមិនា ឆ្នាំ២០២៤ បន្ទាប់ពីទទួលបានសេចកក្ដីណែនាំរបស់សាលារាជធានីភ្នំពេញ លោក ថេង សុថុល អភិបាលខណ្ឌ ៧មករាបានចាត់ឲ្យមន្ត្រីជំនាញពាក់ព័ន្ធចុះត្រួតពិនិត្យមើលតាមយានដ្ឋាននិងទីតាំងប្រកបអាជីវកម្មកែច្នៃបំពង់ស៊ីមាំងខុសលក្ខណៈបច្ចេកទេសក្នុងមូលដ្ឋាន ខណ្ឌ៧មករា រាជធានីភ្នំពេញ។ក្នុងការចុះត្រួតពិនិត្យនេះផងដែរប្រជាពលរដ្ឋដែលម្ចាស់យានដ្ឋានក៏ដូចជាម្ចាស់ទីតាំងប្រកបអាជីវកម្មស៊ីផ្លេនិងបំពង់ស៊ីមាំងកែច្នៃខុសលក្ខណៈបច្ចេកទេសបានចូលរួមសហការជាមួយអាជ្ញាធរខណ្ឌ ៧មករាយ៉ាងល្អដោយមិនបង្កការលំបាកណាមួយដល់អាជ្ញាធរនោះទេ។គួរបញ្ជាក់ផងដែរ នៅព្រឹកថ្ងៃទី១៩ ខែមិនា ឆ្នាំ២០២៤ ឯកឧត្តម ឃួង ស្រេង អភិបាលរាជធានីភ្នំពេញបានចេញសេចក្ដីជូនដំណឹង មួយ ស្ដីពីការ ហាមឃាត់ការប្រើប្រាស់ ការតាំងលក់ និងការកែច្នៃ ស៊ីផ្លេ និងបំពង់ស៊ីម៉ាំងខុសលក្ខណៈបច្ចេកទេស នៅរាជធានីភ្នំពេញ ដោយទុកឪសានវាទ ១សប្ដាហ៍ ត្រូវធ្វើការបញ្ឈប់សកម្មភាពលក់ជាបន្ទាន់ ក្នុងករណីនៅតែបន្តលក់ឧបករណ៍ ទាំងនោះ អាជ្ញាធរមានសមត្ថកិច្ចនឹងធ្វើការដកហូត ព្រមទាំងបិទទីតាំងអាជីវកម្មតែម្តង៕អត្ថបទ ៖ កុម្ភៈ

របាយការណ៍៖ ទីក្រុងនានាមានកង្វក់ខ្យល់អាក្រក់បំផុតនៅលើពិភពលោកគឺនៅអាស៊ី

យោងតាមរបាយការណ៍ថ្មីបានឱ្យដឹងថា ទីក្រុងមួយក្នុងចំណោមទីក្រុងចំនួន ១០០ ដែលមានការបំពុលខ្យល់អាក្រក់បំផុតរបស់ពិភពលោកកាលពីឆ្នាំមុន គឺនៅក្នុងទ្វីបអាស៊ី ដោយវិបត្តិអាកាសធាតុមានតួនាទីយ៉ាងសំខាន់ចំពោះគុណភាពខ្យល់មិនល្អ ដែលបង្កហានិភ័យដល់សុខភាពមនុស្សរាប់ពាន់លាននាក់នៅទូទាំងពិភពលោក។យោងតាមរបាយការណ៍របស់ក្រុមហ៊ុន IQAir ដែលតាមដានគុណភាពខ្យល់នៅទូទាំងពិភពលោក បានឲ្យដឹងថា ភាគច្រើននៃទីក្រុងទាំងនេះ មាន៨៣ទីក្រុង ស្ថិតនៅក្នុងប្រទេសឥណ្ឌា ហើយទាំងអស់នេះ លើសពីគោលការណ៍ណែនាំគុណភាពខ្យល់របស់អង្គការសុខភាពពិភពលោក ច្រើនជាង ១០ ដង។ការសិក្សា បានពិនិត្យជាពិសេសទៅលើបញ្ហាភាគល្អិត ឬ PM2,5 ដែលជាសារធាតុបំពុលតិចតួចបំផុត ប៉ុន្តែក៏មានគ្រោះថ្នាក់បំផុតផងដែរ។ មានតែ ៩ភាគរយ នៃទីក្រុងជាង ៧.៨០០ទីក្រុងប៉ុណ្ណោះ ត្រូវបានវិភាគគុណភាពខ្យល់ដែលបានកត់ត្រាជាសកលបំពេញបានតាមស្តង់ដាររបស់អង្គការសុខភាពពិភពលោក(WHO) ថាកម្រិតជាមធ្យមប្រចាំឆ្នាំនៃភាគល្អិត PM2,5 មិនលើសពី ៥ មីក្រូក្រាម ក្នុងមួយម៉ែត្រគូប។នាយកប្រតិបត្តិក្រុមហ៊ុន IQAir Global លោក Frank Hammes និយាយថា យើងមើលឃើញថា នៅគ្រប់ផ្នែកនៃជីវិតរបស់យើង កង្វក់ខ្យល់មានផលប៉ះពាល់។ ហើយជាធម្មតា នៅក្នុងប្រទេសដែលមានកង្វល់ខ្យល់ខ្លាំងបំផុត ទំនងជាត្រូវកាត់បន្ថយជីវិតរបស់មនុស្សនៅកន្លែងណាមួយចន្លោះពី ៣ ទៅ ៦ ឆ្នាំ។ នៅពេលស្រូបចូលភាគល្អិត PM2,5 ចូលជ្រៅទៅក្នុងជាលិកាសួត នោះវាអាចចូលទៅក្នុងចរន្តឈាម។ វាកើតចេញពីប្រភពនានា ដូចជាចំហេះឥន្ធនៈហ្វូស៊ីល ព្យុះធូលី និងចំហេះព្រៃ ហើយត្រូវបានផ្សារភ្ជាប់ទៅនឹងជំងឺហឺត ជំងឺបេះដូង សួត ជំងឺមហារីក និងជំងឺផ្លូវដង្ហើមផ្សេងទៀត ព្រមទាំងការចុះខ្សោយនៃចំណេះដឹងចំពោះកុមារ។

លោក Biden ព្រមានលោក Netanyahu ចំពោះកំហុសឈ្លានពានទីក្រុងរ៉ាហ្វា

សហរដ្ឋអាមេរិក បានចេញការព្រមានជាសាធារណៈខ្លាំងៗ ចំពោះអ៊ីស្រាអែលប្រឆាំងការវាយលុកលើទីក្រុង Rafah ដែលមានហ្វូងមនុស្សច្រើននៅតំបន់ហ្កាហ្សាស្ទ្រីប ដោយបាននិយាយថាប្រតិបត្តិការជើងគោកបែបនេះ នឹងធ្វើឱ្យវិបត្តិមនុស្សធម៌កាន់តែធ្លាក់ជ្រៅ នៅក្នុងតំបន់ហ៊ុមព័ទ្ធមួយនេះ។ទីប្រឹក្សាសន្តិសុខជាតិសហរដ្ឋអាមេរិក លោក Jake Sullivan បាននិយាយទៅកាន់អ្នកសារព័ត៌មានកាលពីថ្ងៃចន្ទថា ខណៈប្រធានាធិបតី លោក Joe Biden នៅតែប្តេជ្ញាចិត្តចំពោះគោលដៅកម្ចាត់ក្រុមហាម៉ាស លោកបានទាក់ទងទៅនាយករដ្ឋមន្ត្រីអ៊ីស្រាអែល លោក Benjamin Netanyahu ថាការវាយប្រហារទ្រង់ទ្រាយធំណាមួយលើ ទីក្រុង Rafah នឹងក្លាយជា «កំហុស» ។លោក Sullivan បាននិយាយថា វានឹងនាំឱ្យមានការស្លាប់ជនស៊ីវិលស្លូតត្រង់កាន់តែច្រើន ធ្វើឱ្យកាន់តែធ្ងន់ធ្ងរនូវវិបត្តិមនុស្សធម៌ដែលកើតមានរួចទៅហើយ ធ្វើឱ្យកាន់តែធ្លាក់ជ្រៅភាពអនាធិបតេយ្យនៅក្នុងតំបន់ហ្កាហ្សា និងធ្វើឱ្យប្រទេសអ៊ីស្រាអែលស្ថិតនៅឯកោពីអន្តរជាតិបន្ថែមទៀត។ យោធាអ៊ីស្រាអែល បានសម្លាប់ពលរដ្ឋប៉ាឡេស្ទីនជាង ៣១.០០០ នាក់នៅតំបន់ហ្កាហ្សា ចាប់តាំងពីការចាប់ផ្តើមសង្គ្រាមកាលពីថ្ងៃទី ៧ ខែតុលា បន្ទាប់ពីការវាយប្រហារដ៏ឃោឃៅទៅលើអ៊ីស្រាអែល ភាគខាងត្បូង ដែលបានសម្លាប់មនុស្សយ៉ាងហោចណាស់ ១.១០០ នាក់ ។យោងតាមលោក Sullivan បានឲ្យដឹងថា លោក Joe Biden បានស្នើសុំឱ្យលោក Netanyahu តាមរយៈការសន្ទនាតាមទូរស័ព្ទ ឱ្យបញ្ជូនក្រុមស៊ើបការណ៍សម្ងាត់ និងមន្ត្រីយោធា ទៅកាន់ទីក្រុងវ៉ាស៊ីនតោន ឌីស៊ី ដើម្បីស្តាប់ការព្រួយបារម្ភអំពីការវាយលុកដ៏ខ្លាំងក្លាណាមួយលើទីក្រុង Rafah ។ តាមរយៈសង្រ្គាម អ៊ីស្រាអែល បានបញ្ជាឱ្យជនស៊ីវិលប៉ាឡេស្ទីននៅតំបន់ហ្កាហ្សា ភៀសខ្លួនទៅកាន់ភាគខាងត្បូង ខណៈខ្លួនបានវាយលុកលើទឹកដីពីភាគខាងជើង។ ពលរដ្ឋជាច្រើន បានភៀសខ្លួនចេញនៅពេលដំបូង ទៅកាន់ភាគកណ្តាលនៃតំបន់ហ៊ុមព័ទ្ធ ហើយបន្ទាប់មកបានផ្លាស់ទៅកាន់ទីក្រុង Khan Younis ភាគខាងត្បូង ហើយក្រោយមកទៀត ពួកគេត្រូវបង្ខំចិត្តភៀសខ្លួនម្តងទៀតទៅកាន់ទីក្រុង Rafah ដែលស្ថិតនៅព្រំដែនជាមួយប្រទេសអេហ្ស៊ីប។មេដឹកនាំប្រទេសអ៊ីស្រាអែល បានបង្ហាញការតាំងចិត្តម្តងហើយម្តងទៀតចំពោះការវាយលុកទីក្រុងRafah ដែលបម្រើជាមជ្ឈមណ្ឌលដ៏សំខាន់សម្រាប់ការដឹកជញ្ជូនជំនួយមនុស្សធម៌ តាមរយៈព្រំដែនប្រទេសអេហ្ស៊ីប។

ក្រុមអ្នកតវ៉ាប្រមូលផ្ដុំគ្នាពាសពេញផ្លូវនៅក្នុងទីក្រុងសំខាន់ៗរបស់អាមេរិក គាំទ្រពលរដ្ឋប៉ាឡេស្ទីននៅហ្កាហ្សា

មនុស្សកាន់តែច្រើននៅក្នុងសហរដ្ឋអាមេរិកកំពុងចេញតវ៉ាពេសពេញផ្លូវនានា បង្ហាញការគាំទ្ររបស់ពួកគេចំពោះពលរដ្ឋប៉ាឡេស្ទីន និងអំពាវនាវឱ្យមានបទឈប់បាញ់ពេញលេញនៅក្នុងតំបន់ហ្កាហ្សាស្ទ្រីបដែលហែកហួរដោយសង្រ្គាម ខណៈវិបត្តិមនុស្សធម៌កាន់តែធ្ងន់ធ្ងរនៅក្នុងតំបន់នេះ ចាប់តាំងពីការកើនឡើងជម្លោះប៉ាឡេស្ទីន និងអ៊ីស្រាអែល ដែលបានចាប់ផ្តើមកាលពីថ្ងៃទី៧ខែតុលាឆ្នាំមុន។ នៅក្នុងភាពយន្តឯកសារមួយដែលចេញផ្សាយដោយបណ្តាញទូរទស្សន៍ចិនសកល CGTN ក្រុមបាតុករគាំទ្រពលរដ្ឋប៉ាឡេស្ទីន បានប្រមូលផ្តុំគ្នានៅតាមដងផ្លូវនៃទីក្រុង Brooklyn កាលពីថ្ងៃទី២៨ ខែតុលា ឆ្នាំ ២០២៣ ស្របពេលពួកគេបានអំពាវនាវឱ្យរដ្ឋាភិបាលសហរដ្ឋអាមេរិកបញ្ឈប់ការបញ្ជូនជំនួយទៅអ៊ីស្រាអែល។ភាពយន្តឯកសាររបស់ប្រព័ន្ធផ្សព្វផ្សាយCGTN មានចំណងជើងថា "All I Have is a Voice" ដែលចាក់បញ្ចាំងកាលពីថ្ងៃសៅរ៍ចុងសប្ដាហ៍នេះ បានស្ដាប់លឺសំឡេងតួរអង្គមកពីទូទាំងសង្គមសហរដ្ឋអាមេរិក ដូចជា ស្ថាបនិកអង្គការប្រឆាំងសង្រ្គាមដឹកនាំដោយស្ត្រី ម្តាយដែលបានបាត់បង់កូនប្រុសក្នុងសង្រ្គាមអ៊ីរ៉ាក់ អ្នកផ្ដល់ពានរង្វាន់ណូបែលសន្តិភាព អ្នកឆ្លើយឆ្លងព័ត៌មានសង្រ្គាម អតីតយុទ្ធជន និងអ្នករស់រានមានជីវិត និងជាសកម្មជនសន្តិភាពដែលកំពុងធ្វើការលើវេទិកាប្រព័ន្ធផ្សព្វផ្សាយសហសម័យ។ការហែក្បួននៅទីក្រុងញូវយ៉កត្រូវបានរៀបចំឡើងដោយក្រុមសហគមន៍ដឹកនាំដោយជនជាតិប៉ាឡេស្ទីន ក្រោមចំណងជើងថា Within Our Lifetime ហើយអ្នកចូលរួមបានដើរពាសពេញដងផ្លូវនានារហូតរដល់បិទផ្លូវខណៈធ្វើដំណើរពីសារៈមន្ទីរ Brooklyn ដល់ស្ពាន Brooklyn Bridge ដោយស្រែកថា សេរីភាព ដោះលែងជនជាតិប៉ាឡេស្ទីន។បាតុកម្មនេះគឺជាផ្នែកមួយនៃការតវ៉ាជាច្រើនជុំវិញទីក្រុងញូវយ៉ក ដែលបានកើតឡើងមួយថ្ងៃបន្ទាប់ពីកងកម្លាំងអ៊ីស្រាអែលបានចាប់ផ្តើមនូវអ្វីដែលនាយករដ្ឋមន្ត្រីអ៊ីស្រាអែល Benjamin Netanyahu ហៅថា "ដំណាក់កាលទីពីរនៃសង្គ្រាម" ។ក្រុមបាតុករបានអំពាវនាវឱ្យមានការខិតខំប្រឹងប្រែងពីសហគមន៍អន្តរជាតិ ដើម្បីកាត់បន្ថយជម្លោះ និងជួយដោះស្រាយការខ្វែងគំនិតគ្នាតាមរយៈការសន្ទនា ដើម្បីឈានទៅដល់បទឈប់បាញ់៕

បណ្ដាញសង្គម

ព័ត៌មានថ្មីៗ

ក្រុមអ្នកជួយសង្គ្រោះបញ្ឈប់ការស្វែងរកបុរសពីរនាក់ចុងក្រោយដែលបាត់ខ្លួនក្នុងរូងភ្នំនៅឡាវ

មនុស្ស៧នាក់ស្លាប់ក្នុងការវាយប្រហាររបស់អ៊ីស្រាអែលលើជំរំតង់នៅទីក្រុងហ្កាហ្សា

ជនជាតិចិន ៤៧៩នាក់ពាក់ព័ន្ធករណីឆបោកតាមប្រព័ន្ធបច្ចេកវិទ្យា (Online Scams) ត្រូវបានបណ្ដេញចេញពីកម្ពុជា

គណៈបញ្ចាការឯកភាពរាជធានី បន្តចុះអនុវត្តត្រួតពិនិត្យនៅទីតាំងស្នាក់នៅប្រមូលផ្តុំ ៤កន្លែងសង្ស័យពាក់ព័ន្ធបទល្មើសអនឡាញឃាត់មនុស្ស ៦៨នាក់

សម្តេចធិបតី នឹងអញ្ជើញបំពេញទស្សនកិច្ចផ្លូវការ និងចូលរួមវេទិកាអនាគតអាស៊ាន នៅទីក្រុងហាណូយស្អែកនេះ

អ៊ីស្រាអែល បន្តបាញ់ស្រោចលើលីបង់សម្លាប់មនុស្ស ១២ នាក់ រួមទាំងមន្ត្រីជាន់ខ្ពស់ដោយមិនខ្វល់ពីបទឈប់បាញ់

គណៈប្រតិភូ អ.ម.ត ជួបជុំដៃគូគ្រឹះស្ថានសិក្សាកំពូលៗ១០ និងនិស្សិតកម្ពុជាជាង១០០នាក់ ក្នុងបេសកកម្មនៅប្រទេសចិន

អាមេរិក និងអ៊ីរ៉ង់ វាយប្រហារដាក់គ្នាជាថ្មី ក្នុងការដុតបញ្ឆេះភាពតានតឹងចុងក្រោយនៅតំបន់ឈូងសមុទ្រ

កូរ៉េខាងជើងបញ្ជាក់ពីឋានៈជារដ្ឋនុយក្លេអ៊ែរឡើងវិញ មួយថ្ងៃមុន ដំណើរទស្សនកិច្ចរបស់ប្រធានាធិបតីចិន

អគ្គលេខាធិការ អ.ស.ប ប្រគល់មេដាយឆ្នើមដល់កងកម្លាំងរក្សាសន្តិភាពកម្ពុជាចំនួន ៣រូបដែលបានពលីជីវិត

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877