BTV NEWS

ឃាតកម្មចាក់សម្លាប់មនុស្សរួចយកសពប្លុងចោលក្នុងរថយន្តនៅខណ្ឌដង្កោ កម្លាំងសមត្ថកិច្ចឃាត់ខ្លួនក្រុមឃាតកបាន០៤នាក់

ដើមខែមិថុនានេះ កម្លាំងនគរបាលរាជធានីបង្ក្រាបគ្រឿងញៀន០៥ករណី ឃាត់មនុស្ស២៤នាក់ និងដកហូតគ្រឿងញៀន៦៦គីឡូក្រាម

បង្ក្រាបជនជាតិចិន០៤នាក់ ជាក្រុមត្រៀមរៀបចំផែនការណ៍ចាប់ជំរិត តែត្រូវទប់ស្កាត់ទាន់ពេល

សមត្ថកិច្ចខេត្តស្វាយរៀងបន្តចុះបង្រ្កាបទីតាំងសង្ស័យលួចលាក់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យាឃាត់ខ្លួនជនសង្ស័យជនជាតិចិន វៀតណាម និងខ្មែរចំនួន ៧៣នាក់

សន្តិសុខ និង សង្គម

រដ្ឋមន្ត្រីការពារជាតិ៖ កងកម្លាំងអ៊ីរ៉ង់មើលមិនឃើញពីដែនកំណត់ក្នុងការការពារផលប្រយោជន៍ជាតិ និងពលរដ្ឋទេ

រដ្ឋមន្ត្រីការពារជាតិអ៊ីរ៉ង់ បាននិយាយថា កងកម្លាំងប្រដាប់អាវុធរបស់ប្រទេសនេះ ដឹងថា គ្មានព្រំដែនកំណត់ក្នុងការការពារផលប្រយោជន៍ជាតិ និងការពារប្រទេសជាតិនោះទេ បន្ទាប់ពីប្រទេសនេះ បានអនុវត្តប្រតិបត្តិការមីស៊ីលប្រឆាំងនឹងមូលដ្ឋានរបស់ពួកភេរវករប្រឆាំងអ៊ីរ៉ង់ និងទីតាំងគ្រប់គ្រងដោយទីភ្នាក់ងារចារកម្ម ម៉ូសាដ (Mossad) របស់អ៊ីស្រាអែល នៅតំបន់ពាក់កណ្តាលស្វយ័ជនជាតិភាគតិចឃឺដ របស់អ៊ីរ៉ាក់ និងស៊ីរី។លោកឧត្តមសេនីយទោមហាម៉ាដរ៉េហ្សា អាសធៀនី (Mohammad Reza Ashtiani) បានធ្វើអត្ថាធិប្បាយបែបនេះ នៅក្រៅកិច្ចប្រជុំគណៈរដ្ឋមន្ត្រីក្នុងរដ្ឋធានី តេអេរ៉ង់ (Tehran) កាលពីថ្ងៃពុធ។លោកបានសង្កត់ធ្ងន់ថា យើងមើលមិនឃើញពីដែនកំណត់ក្នុងការការពារផលប្រយោជន៍ជាតិនិងប្រជាជនរបស់យើងទេ ហើយប្រាកដជានឹងធ្វើបែបនេះដោយស្របច្បាប់ មិនថាការគំរាមកំហែងប្រឆាំងនឹងសាធារណរដ្ឋឥស្លាមមកពីណាទេ យើងនឹងឆ្លើយតបវិញ ហើយការឆ្លើយតប នឹងប្រាកដជាមានសមាមាត្រ ប្រកបដោយការសម្រេចចិត្តច្បាស់លាស់ និងខ្លាំងខ្លា។ លោកបានបន្ថែមថា យើងថ្កោលទោសអំពើភេរវកម្មគ្រប់ទីកន្លែងក្នុងពិភពលោក។ យើងពិតជានឹងឆ្លើយតបចំពោះសកម្មភាពណាមួយដែលមានបំណងរំលោភលើសិទ្ធិរបស់ប្រជាជាតិអ៊ីរ៉ង់ ក៏ដូចជាអំពើភេរវកម្មណាមួយដែលដាក់គោលដៅលើមនុស្ស។ យើងបានតវ៉ាដោយបង្ខំរួចហើយ ហើយមើលពុំឃើញមានការកំណត់ក្នុងរឿងនេះទេ។ លោកបាននិយាយថា អ៊ីរ៉ង់គោរពអធិបតេយ្យភាព ផលប្រយោជន៍ សិទ្ធិ ច្បាប់ និងបូរណភាពទឹកដីរបស់ប្រទេសទាំងអស់ ពិសេសប្រទេសជិតខាងរបស់យើង ប៉ុន្តែ នឹងមិនអត់ឱនឲ្យសកម្មភាពព្យាបាទណាមួយនៅតាមព្រំដែនរបស់ខ្លួនឡើយ។ កងកម្លាំងឆ្នាំបដិវត្តន៍អ៊ីស្លាមអ៊ីរ៉ង់ បាននិយាយកាលពីថ្ងៃអង្គារថា ខ្លួនបានបាញ់មីស៊ីលបាលីស្ទីកចំនួន២៤គ្រាប់ ទៅលើមូលដ្ឋាននានារបស់ក្រុមភេរវករ នៅក្នុងប្រទេសស៊ីរី និងទីស្នាក់ការចារកម្មម៉ូសាដ របស់អ៊ីស្រាអែលនៅក្នុងតំបន់ឃឺដ អ៊ីរ៉ាក់ ជាការសងសឹកទៅនឹងការវាយប្រហារភេរវកម្មនៅក្នុងភាគខាងត្បូងអ៊ីរ៉ង់ និងការស្លាប់ថ្មីៗរបស់ជនជាតិអ៊ីរ៉ង់ និងក្រុមមេបញ្ជាការអ៊ីរ៉ង់ក្រោមការវាយប្រហាររបស់អ៊ីស្រាអែល។ លើសពីនេះទៅទៀត កាលពីថ្ងៃពុធប៉ាគីស្ថានបានចោទអ៊ីរ៉ង់ពីបទបំពានដែនអាកាសរបស់ខ្លួនដែលបានសម្លាប់កុមារ២នាក់ បន្ទាប់ពីសារព័ត៌មានអ៊ីរ៉ង់បានរាយការណ៍ថាអ៊ីរ៉ង់បានបើកការវាយប្រហារកាលពីថ្ងៃអង្គារលើមូលដ្ឋានក្រុមភេរវករនៅក្នុងខេត្តបាលូជីស្ថានរបស់ប៉ាគីស្ថាន៕

មនុស្ស២៣នាក់បានស្លាប់ ក្នុងហេតុការណ៍ផ្ទុះឆេះរោងចក្រផលិតកាំជ្រួចភ្ញី នៅក្នុងខេត្តភាគកណ្ដាលប្រទេសថៃ

អភិបាលខេត្តបាននិយាយថា មនុស្ស២៣នាក់បានស្លាប់ បន្ទាប់ពីហេតុការណ៍ផ្ទុះឆេះនៅរោងចក្រផលិតកាំជ្រួចភ្ញីក្នុងខេត្តភាគកណ្ដាលប្រទេសថៃកាលពីថ្ងៃពុធទី១៧ខែមករាសប្ដាហ៍នេះ។ ហេតុការណ៍ផ្ទុះនេះ បានកើតឡើងនៅម៉ោងប្រហែល៣រសៀល ជិតទីក្រុងសាលាខាវ (Sala Khao) ក្នុងខេត្តស៊ូផាន ប៊ូរី (Suphan Buri) ភាគកណ្ដាល។ អភិបាលខេត្តស៊ូផាន ប៊ូរី លោក ណាតាផាត់ ស៊ូវ៉ាន់ប្រាទីប (Nattapat Suwanprateep) បានប្រាប់សារព័ត៌មាន AFP ដោយសំដៅលើការផ្ទុះនៅរោងចក្រនោះថា យើងទទួលបានរាបាយការណ៍ពីក្រុម EOD ថាមនុស្ស២៣នាក់ ត្រូវបានបញ្ជាក់ថាបានស្លាប់។ លោក ក៏បានប្រាប់សារព័ត៌មាន Reuters ផងដែរថា ពួកគេមិនអាចប្រាប់បានទេថាតើ អ្នកស្លាប់ទាំងអស់គឺជាកម្មករ ឬយ៉ាងណា ហើយថាការស៊ើបអង្កេតកំពុងធ្វើនៅឡើយ។ពុំមានតម្រុយណាមួយបញ្ជាក់ពីមូលហេតុបណ្ដាលឲ្យមានការផ្ទុះនេះកើតឡើងទេ។ លោកថាមានមនុស្សជាមធ្យមប្រហែលចន្លោះពី២០ទៅ៣០នាក់កំពុងបម្រើការនៅរោងចក្រនេះជារៀងរាល់ថ្ងៃ នៅក្នុងសេចក្ដីថ្លែងការណ៍ជាផ្លូវការណ៍មួយតាមអនឡាញ លោកនាយករដ្ឋមន្ត្រីថៃ សេដ្ឋ (Srettha)បានបង្ហាញការសោកស្ដាយសម្រាប់ក្រុមគ្រួសាររបស់ជនរងគ្រោះក្នុងហេតុការណ៍នោះ។ លោក ក៏បានបញ្ជាឲ្យបើកការស៊ើបអង្កេតផងដែរថាតើរោងចក្រនោះត្រូវបានដំណើរការដោយខុសច្បាប់ឬយ៉ាងណា ក៏ដូចជាមូលហេតុនាំឲ្យមានការផ្ទុះនេះកើតឡើងផងដែរ៕

អ្នកស្លាប់ និងរងរបួសជាង៦ពាន់នាក់ដោយសារគ្រោះថ្នាក់ចរចរណ៍ក្នុងឆ្នាំ២០២៣កន្លងទៅ

ភ្នំពេញ÷ មនុស្សយ៉ាងតិចចំនួន១,៥៩០នាក់បានស្លាប់ និងចំនួន៤,៥១៥នាក់បានរងរបួសធ្ងន់ស្រាល ដោយសារ ពេជ្ឈឃាតតាមផ្លូវ(គ្រោះថ្នាក់ចរាចរណ៍) នៅក្នុងឆ្នាំ២០២៣កន្លងទៅនេះ មូលហេតុដែលបណ្តាលឲ្យ គ្រោះថ្នាក់ច្រើនជាងគេ គឺដោយសារល្បឿន។ យោងតាមរបាយការណ៍របស់អគ្គស្នងការនគរបាលជាតិ ដែលទូរទស្សន៍BTVទទួលបាននាយប់ ថ្ងៃទី១៧ ខែមករា ឆ្នាំ២០២៤នេះ បានឲ្យដឹងថា ចាប់ពីខែមករា ដល់ខែធ្នូ ឆ្នាំ២០២៣នេះ គ្រោះថ្នាក់ចរាចរណ៍បានកើតឡើងចំនួន៣,៣១៧លើក កើនឡើងចំនួន៣៤១លើក ស្មើនិង១១ភាគរយ ដែលឆ្នាំ ២០២២គ្រោះថ្នាក់បានកើតឡើងត្រឹមតែចំនួន២៩៧៦លើក។របាយការណ៍បានបញ្ជាក់បន្ថែមទៀតថា អ្នកស្លាប់ដោយសារគ្រោះថ្នាក់ចរាចរណ៍នេះនៅក្នុងឆ្នាំ ២០២៣ គឺមានចំនួន១,៥៩០នាក់ ថយចុះចំនួន១១៩នាក់ស្មើនឹង៧ភាគរយ ដោយឆ្នាំ២០២២បានស្លាប់រហូតដល់១,៧០៩នាក់ ខណៈអ្នករងរបួសបានកើតឡើងចំនួន៤,៥១៥នាក់កើនឡើងចំនួន ៤៨៩នាក់ស្មើនឹង១២ភាគរយ។ របាយការណ៍របស់អគ្គស្នងការនគរបាលជាតិដដែល ក៏បានបញ្ជាក់ឲ្យដឹងផងដែរថា មូលហេតុ ដែលបណ្តាលឲ្យមានគ្រោះថ្នាក់ចរាចរណ៍ គឺដោយសារតែល្បឿន៤១ភាគរយ, មិនគោរពសិទ្ធ ២២ភាគ រយ, មិនប្រកាន់ស្ដាំ ៩ភាគរយ បត់មិនប្រយ័ត្ន៩ភាគរយ, ជែងគ្រោះថ្នាក់៧ភាគរយ, កត្តយាន ៥ភាគរយ, ស្រវឹង ៣ភាគរយ, សញ្ញាចរាចរណ៍ ១ភាគរយ, ងងុយដេក១ភាគរយ, ខណៈបណ្តាលមកពីអាកាសធាតុ១ភាគរយ។ ប្រភពបានបញ្ជាក់បន្ថែមទៀតថា ប្រភេទយានដែលបានបង្ករឲ្យមានគ្រោះថ្នាក់មានម៉ូតូ, ៤៧ភាគរយ រថយន្តធុនស្រាល ៣៤ភាគរយ, រថយន្តធុនធ្ងន់ ១១ភាគរយ, យានផ្សេងៗចំនួន៧ភាគរយខណៈថ្មើរជើង២ភាគរយ៕អត្ថបទ ÷ បាន ចក់

ប្រធានការិយាល័យសារព័ត៌មាន Al Jazeera ចាកចេញពីហ្កាហ្សា ក្រោយការវាយប្រហារបានសម្លាប់កូន ប្រពន្ធ និងសហការី

លោក Wael al-Dahdouh ប្រធានការិយាល័យសារព័ត៌មាន Al Jazeera នៅតំបន់ហ្កាហ្សា បានចាកចេញពីទឹកដីប៉ាឡេស្ទីន កាលពីថ្ងៃអង្គារ បន្ទាប់ពីការវាយប្រហាររបស់អ៊ីស្រាអែល បានសម្លាប់ប្រពន្ធរបស់ខ្លួន កូនជាច្រើននាក់ និងសហការីម្នាក់។ស្ថានភាពរបស់លោកDahdouh កាន់ទុក្ខគ្រួសាររបស់ខ្លួន និងការភៀសខ្លួនដោយថ្មើរជើងពីទីក្រុងហ្កាហ្សា ត្រូវបានចាក់ផ្សាយពាសពេញពិភពលោក ក្នុងរយៈពេលប៉ុន្មានសប្តាហ៍ ចាប់តាំងពីសង្គ្រាមផ្ទុះឡើងរវាងក្រុមសកម្មប្រយុទ្ធហាម៉ាស និងអ៊ីស្រាអែលកាលពីថ្ងៃទី៧ ខែតុលា។ថ្លែងទៅកាន់អ្នកសារព័ត៌មាន AFP នៅតំបន់ហ្កាហ្សាភាគខាងត្បូង បុរសវ័យ៥៣ឆ្នាំរូបនេះ បាននិយាយថាខ្លួនបានឆ្លងកាត់ប៉ុស្តិ៍ព្រំដែនរ៉ាហ្វា(Rafah) ជាមួយប្រទេសអេហ្ស៊ីប។លោក Dahdouh បាននិយាយថា ខ្លួននឹងត្រូវធ្វើដំណើរបន្តទៅកាន់ប្រទេសកាតា ជាកន្លែងដែលខ្លួននឹងទទួលការវះកាត់សម្រាប់មុខរបួស នៅក្នុងការវាយប្រហាររបស់អ៊ីស្រាអែលកាលពីខែមុន ដែលបានសម្លាប់អ្នកថតរូប Samer Abu Daqqa របស់បណ្តាញសារព័ត៌មាននេះ ដែលមានមូលដ្ឋាននៅកាតា និងអ្នកផ្សេងទៀត។ប្រពន្ធរបស់លោក កូនពីរនាក់ និងចៅប្រុសម្នាក់ បានស្លាប់នៅក្នុងខែតុលា ការទម្លាក់គ្រាប់បែកលើជំរំជនភៀសខ្លួន Nuseirat តំបន់ហ្កាហ្សាភាគកណ្តាល ខណៈដែលកូនប្រុសច្បងរបស់ខ្លួន ត្រូវបានសម្លាប់នៅក្នុងការវាយប្រហារក្នុងខែនេះ ដែលកំណត់គោលដៅទៅលើរថយន្តមួយគ្រឿងនៅព្រំដែនរ៉ាហ្វា។លោក Dahdouh បានប្រាប់សារព័ត៌មានAFPថា ខ្លួនបានចូលទៅក្នុងប្រទេសអេហ្ស៊ីបជាមួយនឹងសាច់ញាតិម្នាក់ កាលពីថ្ងៃអង្គារ បន្ទាប់ពីកូន៤ នាក់របស់លោក បានឆ្លងកាត់កាលពីសប្តាហ៍មុន ។

ពលរដ្ឋហ្កាហ្សា នៅទីក្រុង Rafah និយាយថា កង្វះអាហារកំពុងធ្វើឱ្យពួកគេធ្លាក់ខ្លួនឈឺ

ប្រជាជនប៉ាឡេស្ទីន នៅភាគខាងត្បូងតំបន់ហ្កាហ្សា បានតម្រង់ជួរនៅផ្ទះបាយសប្បុរសធម៌មួយកន្លែងកាលពីថ្ងៃអង្គារ ដោយសង្ឃឹមថានឹងទទួលបានអាហារក្តៅៗដើម្បីផ្តល់ឲ្យកូនៗរបស់ពួកគេ ខណៈអ៊ីស្រាអែល បន្តការវាយប្រហាររបស់ខ្លួននៅក្នុងទឹកដីនេះភាគច្រើន។ក្រុមអ្នកស្ម័គ្រចិត្តនៅទីក្រុង Rafah កំពុងមមាញឹកចែកអាហារដែលមានបន្លែក្រៀម និងប៉ាស្តា។ រយៈពេលជាង ១០០ថ្ងៃ នៃការវាយលុករបស់អ៊ីស្រាអែលលើតំបន់ហ៊ុមព័ទ្ធប៉ាឡេស្ទីន គ្រួសារមួយចំនួន បាននិយាយថា អ្វីដែលត្រូវបានចែកចាយគឺមិនគ្រប់គ្រាន់សម្រាប់ចិញ្ចឹមគ្រួសាររបស់ពួកគេទាំងមូលនោះទេ។ លោក Mohammed Al-Shondogli ពលរដ្ឋប៉ាឡេស្ទីន ដែលភៀសខ្លួនពីទីក្រុង Jabalia បាននិយាយ ថា នេះមិនគ្រប់គ្រាន់ទេ។ វាស្ទើរតែមិនគ្រប់គ្រាន់សម្រាប់មនុស្សពីរនាក់ផង។ នេះ ត្រូវការសម្រាប់មនុស្សប្រាំពីរនាក់។អ្នកស្ម័គ្រចិត្តនៅផ្ទះបាយសប្បុរសធម៌បាននិយាយថា ក្មេងៗចង់ភ្លក់រសជាតិនៃអ្វីដែលពួកគេធ្លាប់ទទួលទាន។ កុមារជាច្រើននាក់បានយំ ពួកគេយំទាំងយប់ទាំងថ្ងៃ។ ពួកគេចង់បានទាំងបង្អែម និងផ្លែឈើ ឬសូកូឡាមួយដុំ ឬក៏បន្លែ។ របាយការណ៍ដែលគាំទ្រដោយអង្គការសហប្រជាជាតិកាលពីខែធ្នូ បាននិយាយថា ប្រជាជន ២,៣លាននាក់នៅតំបន់ហ្កាហ្សាទាំងអស់ ប្រឈមទៅនឹងកម្រិតវិបត្តិនៃភាពអត់ឃ្លាន ជាមួយនឹងហានិភ័យនៃគ្រោះទុរ្ភិក្សកើនឡើងជារៀងរាល់ថ្ងៃ ហើយសមាមាត្រនៃចំនួនប្រជាជន ប្រឈមនឹងអសន្តិសុខស្បៀងធ្ងន់ធ្ងរ កើនឡើងដល់កម្រិតខ្ពស់បំផុតមិនធ្លាប់មាននៅទូទាំងពិភពលោក ដែលបានកត់ត្រាទុក។ នៅខាងក្នុងតំបន់ហ្កាហ្សា ភាពអត់ឃ្លាន មិនបានរាលដាលស្មើៗគ្នានោះទេ។ ជំនួយស្ទើរតែទាំងអស់ ដែលមកដល់ក្នុងតំបន់ហ៊ុមព័ទ្ធ គឺឆ្លងកាត់ទីក្រុង Rafah នៅព្រំដែនជាមួយប្រទេសអេហ្ស៊ីប ហើយភ្នាក់ងារមនុស្សធម៌ បានលើកឡើងពីបញ្ហាក្នុងការបែងចែកការផ្គត់ផ្គង់។

ប្រទេសអេក្វាឌ័រ ចុះល្បាតតាមដែនទឹក ដើម្បីប្រយុទ្ធប្រឆាំងក្រុមឧក្រិដ្ឋជន

កងកម្លាំងប្រដាប់អាវុធរបស់ប្រទេសអេក្វាឌ័រ បានចេញល្បាតនៅតាមដែនទឹករបស់ប្រទេស ជាផ្នែកនៃកិច្ចប្រឹងប្រែងរបស់ពួកគេក្នុងការប្រយុទ្ធប្រឆាំងអង្គការឧក្រិដ្ឋជន។ នៅក្នុងឈូងសមុទ្រ Guayaquil មន្ត្រីកងទ័ពជើងទឹក បានពិនិត្យមើលលើនាវាពាណិជ្ជកម្ម និងទូកអ្នកនេសាទ ដែលកំពុងធ្វើនាវាចរនៅជិតកំពង់ផែ កាលពីថ្ងៃអង្គារ។មន្ត្រីកងទ័ពជើងទឹកម្នាក់បាននិយាយថា ប្រតិបត្តិការនេះ ផ្តល់ឱកាសដល់អាជ្ញាធរដើម្បីទប់ស្កាត់គ្រឿងញៀន ឬសារធាតុខុសច្បាប់ ពីការផ្ទុកទៅក្នុងនាវាឬទូក ឆ្ពោះទៅកាន់អឺរ៉ុប។ បន្ទាប់ពីរលកនៃអំពើហឹង្សា ដែលបានវាយប្រហារប្រទេសនៅអាមេរិកខាងត្បូងមួយនេះ ប្រធានាធិបតី លោក Daniel Noboa បានប្រកាសដាក់ប្រទេសក្នុងគ្រាអាសន្នរយៈពេល ៦០ថ្ងៃ កាលពីសប្តាហ៍មុន រួមទាំងបម្រាមគោចរពេលយប់ និងបានកំណត់ក្រុមឧក្រិដ្ឋជនចំនួន ២២នាក់ ថាជាក្រុមភេរវករ។

ការប្រយុទ្ធនៅហ្កាហ្សា ចាប់ផ្តើមខ្លាំងក្លាឡើងវិញ ខណៈរថក្រោះអ៊ីស្រាអែល វាយលុកចូលតំបន់ដែលពួកគេបានចាកចេញ

អ្នកស្រុកបាននិយាយកាលពីថ្ងៃអង្គារ (១៦ មករា) ថារថក្រោះអ៊ីស្រាអែល បានវាយលុកចូលទៅក្នុងផ្នែកខ្លះនៃភាគខាងជើងតំបន់ហ្កាហ្សាស្រ្ទីប ដែលពួកគេបានចាកចេញកាលពីសប្តាហ៍មុន ដោយបានគ្រប់គ្រងការប្រយុទ្ធដ៏ខ្លាំងក្លាបំផុតមួយចំនួនចាប់តាំងពីឆ្នាំថ្មីមក នៅពេលដែលអ៊ីស្រាអែលបានប្រកាសថា ខ្លួនកំពុងបង្កើនប្រតិបត្តិការនៅទីនោះ។ការផ្ទុះដ៏ធំអាចត្រូវបានគេមើលឃើញនៅតំបន់ភាគខាងជើងនៃតំបន់ហ្កាហ្សា ពីព្រំដែនជាមួយអ៊ីស្រាអែល ដែលជាកម្រមានក្នុងរយៈពេលពីរសប្តាហ៍ចុងក្រោយនេះ បន្ទាប់ពីអ៊ីស្រាអែលបានប្រកាសដកកងកម្លាំងនៅភាគខាងជើងជាផ្នែកមួយនៃការផ្លាស់ប្តូរទៅកាន់ប្រតិបត្តិការតូចជាងមុន និងកំណត់គោលដៅ។សំឡេងកាំភ្លើងបានបន្លឺឡើងពេញព្រំដែនពេញមួយយប់ ហើយនៅពេលព្រឹក មីស៊ីលបានហោះពាសពេញផ្ទៃមេឃ ខណៈដែលប្រព័ន្ធការពារដែនអាកាស អាយរ៉ុនដូម (Iron Dome) របស់អ៊ីស្រាអែលបានបាញ់ទម្លាក់គ្រាប់រ៉ូកែតដែលបាញ់ដោយពួកសកម្មប្រយុទ្ធឆ្លងកាត់របង ដែលជាភស្តុតាងថាពួកគេរក្សានូវសមត្ថភាពក្នុងការបាញ់បង្ហោះទោះបីជាមានសង្រ្គាមជាង ១០០ថ្ងៃក៏ដោយ។អ៊ីស្រាអែលបាននិយាយថា កងកម្លាំងរបស់ខ្លួនបានសម្លាប់យុទ្ធជនហាម៉ាស រាប់សិបនាក់ពេញមួយយប់នៅក្នុងការប៉ះទង្គិចគ្នានៅទីក្រុង បេត ឡាហ៊ីយ៉ា (Beit Lahiya) នៅតំបន់ភាគខាងជើងហ្កាហ្សា។ អាជ្ញាធរសុខាភិបាលតំបន់ហ្កាហ្សាបាននិយាយថា ការទម្លាក់គ្រាប់បែករបស់អ៊ីស្រាអែលរយៈពេល ២៤ម៉ោងចុងក្រោយបានសម្លាប់មនុស្ស ១៥៨នាក់ នៅក្នុងតំបន់ហ៊ុមព័ទ្ធប៉ាឡេស្ទីននេះ ដែលបង្កើនចំនួនអ្នកស្លាប់ដោយសារសង្គ្រាម ឥឡូវនេះនៅក្នុងខែទី៤ របស់ខ្លួនដល់ចំនួន ២៤.២៨៥នាក់ ជាមួយនឹងសាកសពរាប់ពាន់នាក់ទៀតដែលគេភ័យខ្លាចថាបានបាត់បង់នៅក្នុងគំនរបាក់បែក៕

អារ៉ាប៊ីសាអូឌីតអាចទទួលស្គាល់អ៊ីស្រាអែល ប្រសិនបើបញ្ហាប៉ាឡេស្ទីនត្រូវបានដោះស្រាយ

រដ្ឋមន្ត្រីការបរទេសអារ៉ាប៊ីសាអូឌីត បាននិយាយកាលពីថ្ងៃអង្គារ (១៦ មករា) ថារាជាណាចក្រនេះអាចទទួលស្គាល់អ៊ីស្រាអែល ប្រសិនបើកិច្ចព្រមព្រៀងដ៏ទូលំទូលាយមួយត្រូវបានឈានដល់ដែលរួមបញ្ចូលភាពជារដ្ឋសម្រាប់ប៉ាឡេស្ទីន ការពិភាក្សាប្រកបដោយមហិច្ឆិតា ខណៈដែលសង្រ្គាមរវាងអ៊ីស្រាអែល និងក្រុមហាម៉ាស មិនបង្ហាញសញ្ញានៃការបន្ធូរបន្ថយ។ព្រះអង្គម្ចាស់ ហ្វៃសាល ប៊ីនហ្វាហាន (Faisal bin Farhan) បានមានបន្ទូលប្រាប់ក្រុមប្រជុំមួយនៅឯវេទិកាសេដ្ឋកិច្ចពិភពលោកនៅទីក្រុងដេវ៉ូស ថា «យើងយល់ស្របថាសន្តិភាពក្នុងតំបន់អាចរួមមានសន្តិភាពសម្រាប់អ៊ីស្រាអែល ប៉ុន្តែវាអាចកើតឡើងបានតែតាមរយៈសន្តិភាពសម្រាប់ប៉ាឡេស្ទីន ដោយផ្ដល់ជារដ្ឋប៉ាឡេស្ទីនប៉ុណ្ណោះ»។ព្រះអង្គម្ចាស់ ហ្វៃសាល មានបន្ទូលថា ការធានាសន្តិភាពក្នុងតំបន់ តាមរយៈការបង្កើតរដ្ឋប៉ាឡេស្ទីន គឺជា «អ្វីមួយដែលយើងពិតជាកំពុងធ្វើការជាមួយរដ្ឋបាលសហរដ្ឋអាមេរិក ហើយវាពាក់ព័ន្ធខ្លាំងជាងនៅក្នុងបរិបទនៃតំបន់ហ្កាហ្សា»។ការធានាឲ្យមានកិច្ចព្រមព្រៀងធ្វើឱ្យមានប្រក្រតីភាពជាមួយអារ៉ាប៊ីសាអូឌីត នឹងក្លាយជារង្វាន់ដ៏ធំសម្រាប់អ៊ីស្រាអែល បន្ទាប់ពីខ្លួនបានបង្កើតទំនាក់ទំនងការទូតជាមួយអារ៉ាប់រួម បារ៉ែន និងម៉ារ៉ុក ហើយអាចផ្លាស់ប្តូរភូមិសាស្ត្រនយោបាយនៃមជ្ឈិមបូព៌ា៕

ហ្ស៊កដានី៖ សន្តិភាពជាមួយអ៊ីស្រាអែល នៅតែជាជម្រើសយុទ្ធសាស្ត្រ ទោះជាមានសង្គ្រាមនៅហ្កាហ្សាក៏ដោយ

នាយករដ្ឋមន្ត្រីហ៊្សកដានី លោក ប៊ីស្ហឺ អាល់ ខាសាវ៉ាណេស (Bisher al Khasawaneh) បាននិយាយកាលពីថ្ងៃអង្គារ (១៦ មករា) ថាសន្តិភាពជាមួយអ៊ីស្រាអែល នៅតែជាជម្រើសយុទ្ធសាស្ត្រ ប៉ុន្តែការជំរុញណាមួយដើម្បីរុញច្រានជនជាតិប៉ាឡេស្ទីនចូលទៅព្រះរាជាណាចក្រនេះនឹងបង្កការគំរាមកំហែង «ដល់ការតាំងនៅនៃរដ្ឋ»។ហ្ស៊កដានី ដែលមានព្រំប្រទល់ជាប់នឹងតំបន់វេស បែង (West Bank) បារម្ភថាជម្លោះហ្កាហ្សា អាចរីករាលដាលជាមួយនឹងអំពើហិង្សាកាន់តែទូលំទូលាយដោយអ្នកតាំងលំនៅប្រដាប់អាវុធដែលត្រូវបានលើកទឹកចិត្តដោយកងទ័ព ដែលបង្កឱ្យមានការភៀសខ្លួនរបស់ជនជាតិប៉ាឡេស្ទីនទ្រង់ទ្រាយធំទៅកាន់ផ្នែកម្ខាងទៀតនៃទន្លេហ្ស៊កដានី។លោក ខាសាវ៉ាណេស បាននិយាយដោយសំដៅលើកិច្ចព្រមព្រៀងឆ្នាំ១៩៩៤ របស់ប្រទេសនេះជាមួយអ៊ីស្រាអែលក្នុងអំឡុងពេលសម័យប្រជុំនៅទីក្រុង ដេវ៉ូស ថា «ក្នុងករណីដែលមានសកម្មភាព និងលក្ខខណ្ឌដែលបង្កើត និងធ្វើឲ្យមានការផ្លាស់ទីលំនៅដ៏ធំនៃចំនួនប្រជាជនប៉ាឡេស្ទីន នោះគឺជាការរំលោភយ៉ាងច្បាស់លាស់លើសន្ធិសញ្ញាសន្តិភាព»។នាយករដ្ឋមន្ត្រីហ៊្សកដានីរូបនេះបានបន្ថែមថា ដំណោះស្រាយតែមួយគត់ដើម្បីជៀសវាងជម្លោះកាន់តែស៊ីជម្រៅ និងអស្ថិរភាពក្នុងតំបន់ គឺត្រូវដាក់ដំណើរការនយោបាយជាមួយនឹងក្រមខណ្ឌពេលវេលាដែលនាំទៅរកដំណោះស្រាយរដ្ឋពីរ ដែលរដ្ឋប៉ាឡេស្ទីននឹងលេចចេញជារូបរាងជាមួយអ៊ីស្រាអែល៕

ប្រភព៖ អ៊ីស្រាអែល បានបើកការវាយប្រហារដ៏ខ្លាំងក្លាបំផុតទៅលើជ្រលងភ្នំលីបង់

អ៊ីស្រាអែល បានបើកការវាយប្រហារដ៏ខ្លាំងបំផុតរបស់ខ្លួនលើទីតាំងតែមួយ នៅប្រទេសលីបង់ភាគខាងត្បូងកាលពីថ្ងៃអង្គារ ដោយផ្តោតលើជ្រលងព្រំដែនដោយការវាយប្រហារតាមអាកាស និងកាំភ្លើងធំ។កងទ័ពអ៊ីស្រាអែល បាននិយាយថា ខ្លួនបានធ្វើ«ការវាយប្រហារតាមអាកាស និងកាំភ្លើងធំ» លើគោលដៅរបស់ក្រុមហេសបូឡា «ក្នុងរយៈពេលដ៏ខ្លី» កាលពីថ្ងៃអង្គារ នៅក្នុងតំបន់ជ្រលងភ្នំស្លុគី (Sluki) ។ប្រភពសន្តិសុខដែលដឹងអំពីប្រតិបត្តិការនៅលើដីនៅប្រទេសលីបង់ភាគខាងត្បូង បានប្រាប់សារព័ត៌មាន AFPថា៖«កងកម្លាំងអ៊ីស្រាអែល បានបើកការវាយប្រហារតាមអាកាសចំនួន ១៤លើក ទៅលើជ្រលងភ្នំស្លុគី»។ពួកគេបាននិយាយថា ការវាយប្រហារគឺ «ខ្លាំងបំផុត» ទៅលើតំបន់តែមួយ ចាប់តាំងពីក្រុមហេសបូឡា ដែលគាំទ្រដោយអ៊ីរ៉ង់ និងអ៊ីស្រាអែល បានផ្តើមបាញ់ប្រហារឆ្លងព្រំដែនជារៀងរាល់ថ្ងៃ បន្ទាប់ពីសង្រ្គាមអ៊ីស្រាអែល និងក្រុមហាម៉ាស ដែលបានចាប់ផ្តើមនៅថ្ងៃទី៧ ខែតុលា។ទីភ្នាក់ងារព័ត៌មានរដ្ឋរបស់លីបង់ ក៏បានរាយការណ៍ផងដែរអំពីការវាយប្រហារតាមអាកាសរបស់ អ៊ីស្រាអែលកាលពីថ្ងៃអង្គារ លើភូមិភាគខាងត្បូងលីបង់ផ្សេងទៀត នៅតាមព្រំដែន។

បណ្ដាញសង្គម

ព័ត៌មានថ្មីៗ

ប្រធានាធិបតីបញ្ជាក់ជាថ្មីពីវិធីសាស្រ្តតាមដំណាក់កាលឆ្ពោះទៅលុបបំបាត់អាវុធនុយក្លេអ៊ែររបស់កូរ៉េខាងជើង

OPEC+ នឹងជំរុញការផលិតប្រេង ខណៈបទឈប់បាញ់ នៅអ៊ីរ៉ង់ នៅតែសម្រេចមិនទាន់បាន

កងទ័ពអ៊ីស្រាអែល៖ អ៊ីរ៉ង់បានប្រព្រឹត្តនូវ «កំហុសធ្ងន់ធ្ងរ» ដោយការបាញ់មីស៊ីលជាបន្តបន្ទាប់

ភាពចលាចលក្នុងពេលគ្រោះរញ្ជួយដីកម្រិត៧,៨រ៉ិចទ័រ ដែលបណ្ដាលឲ្យដំបូលសាលារៀនមួយដួលរលំ នៅហ្វីលីពីន

លោក Trump៖ លោកនឹងមិនបញ្ចេញទ្រព្យសកម្មរបស់អ៊ីរ៉ង់មុនពេលកិច្ចព្រមព្រៀងបទឈប់បាញ់ឈានដល់ឡើយ

លោក Trump៖ ការវាយប្រហារថ្មីរបស់អ៊ីស្រាអែល និងអ៊ីរ៉ង់ នឹងមិនប៉ះពាល់កិច្ចព្រមព្រៀងសន្តិភាពទេ

លោក XI សាទរចំពោះ «ការចាប់ផ្តើមថ្មី»ក្នុងទំនាក់ទំនងជាមួយកូរ៉េខាងជើង នៅមុនកិច្ចប្រជុំកំពូល

រដ្ឋមន្ត្រីការពារជាតិអាមេរិក៖ ប្រសិនបើកិច្ចព្រមព្រៀងជាមួយអ៊ីរ៉ង់មិនកើតឡើង យើងត្រៀមធ្វើអ្វីដែលត្រូវធ្វើ

អ៊ីតាលីរកឃើញសាកសពចំនួន ១០នាក់ ពីទូកដឹកជនអន្តោប្រវេសន៍លិច នៅឆ្នេរសមុទ្រម៉ាល់តា

មេបញ្ជាការកងទ័ពជើងទឹក អញ្ជើញបើកវគ្គហ្វឹកហ្វឺនបំប៉នជំនាញប្រចាំឆ្នាំ២០២៦ នៅមូលដ្ឋានសមុទ្ររាម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877