BTV NEWS

ជនបន្លំយកលុយពីភ្ញៀវបរទេស២ពាន់ដុល្លារ នៅផ្សារច្បារអំពៅ ត្រូវបានសមត្ថកិច្ចរាជធានីស្រាវជ្រាវឃាត់ខ្លួន និងយកថវិការជូនជនរងគ្រោះវិញ

តំណាងអយ្យការចោទប្រកាន់ជនសង្ស័យម្នាក់យករូបថ្នាក់ដឹកនាំធ្វើជាប្រូហ្វាល់ ជាមធ្យោបាយគំរាមជនរងគ្រោះជំរិតទារប្រាក់

អាជ្ញាធររាជធានីភ្នំពេញបន្តរកឃើញបទល្មើស Online Scams ពីរទីតាំងបន្ថែមទៀត

បង្រ្កាបបទល្មើសគ្រឿងញៀននៅចំណុចស្តារវីហ្កាសឃាត់ខ្លួនមនុស្ស ចំនួន១៤១នាក់

សន្តិសុខ និង សង្គម

ក្រុមគ្រូពេទ្យបារម្ភថា មន្ទីរពេទ្យដែលកំពុងជួបការលំបាកក្នុងប្រទេសលីបង់ អាចដួលរលំ ប្រសិនបើសង្រ្គាម កាន់តែតានតឹងឡើង

ពីការិយាល័យរបស់ខ្លួនដែលមើលពីលើព្រំដែនជាមួយអ៊ីស្រាអែល លោកវេជ្ជបណ្ឌិត Mounes Klakesh អាចឮសំឡេងកាំភ្លើងធំ និងការវាយប្រហារតាមអាកាស ដែលបានធ្លាក់ទៅលើទីក្រុងលីបង់ក្បែរនោះ។ ការវាយប្រហារកាន់តែខ្លាំងឡើង បានធ្វើឲ្យបុគ្គលិកនៃមន្ទីរពេទ្យតូចមួយរបស់ខ្លួន ស្ថិតក្នុងស្ថានភាពគ្រោះថ្នាក់។លោក Klakesh បាននិយាយថា៖«យើងត្រូវតែព្យាបាលមនុស្សចំនួន ៥១នាក់ ដែលរងរបួសដោយការផ្ទុះនៅក្នុងខែមុន ឬច្រើនជាងនេះ។ អ្នករបួស១៧នាក់ក្នុងចំណោមអ្នកទាំងនោះ បានស្លាប់ ឬ បានមកដល់ស្លាប់ ហើយបើច្រើនជាងនេះទៅទៀតនោះ យើងនឹងកាន់តែលំបាកទៀត។លោក Klakesh ប្រធានមន្ទីរពេទ្យ Marjayoun នៅប្រទេសលីបង់ភាគខាងត្បូង បាននិយាយថា វាបម្រើមនុស្សជិត ៣០០.០០០ នាក់នៅក្នុងតំបន់នេះ។ មន្ទីរពេទ្យនេះ មានគ្រែសង្គ្រោះបន្ទាន់ចំនួន ១៤ ហើយពិបាកក្នុងការដំណើរការ ដោយសារតែខ្វះបុគ្គលិក ហើយសំខាន់ គឺកង្វះប្រេងឥន្ធនៈ។លោក Klakesh បាននិយាយថា មន្ទីរពេទ្យដំណើរការដោយម៉ាស៊ីនភ្លើងចំនួន២០ម៉ោងក្នុងមួយថ្ងៃ ហើយត្រូវចំណាយរហូតដល់ ២០.០០0 ដុល្លារក្នុងមួយខែសម្រាប់ប្រេងឥន្ធនៈ។ គ្មានលុយនោះ មកពី រដ្ឋាភិបាលទៀតទេ។ យើងពឹងផ្អែកលើមូលនិធិដែលមន្ទីរពេទ្យទទួលបានពីមួយសប្តាហ៍ទៅមួយសប្តាហ៍។-

រុស្ស៊ី វាយប្រហារដោយមីស៊ីលទៅលើតំបន់ Donetsk របស់អ៊ុយក្រែន

អ៊ុយក្រែននិយាយថា យោធារុស្ស៊ី បានទម្លាក់គ្រាប់បែកទៅលើទីប្រជុំជនមួយកន្លែងនៅភាគខាងកើត តំបន់ Donetsk របស់អ៊ុយក្រែន។ ប្រធានាធិបតីអ៊ុយក្រែន លោក Volodymyr Zelenskyy អះអាងថា ប្រធានាធិបតីរុស្ស៊ី លោក Vladimir Putin ចង់បានលទ្ធផលមុនការបោះឆ្នោតប្រធានាធិបតីរុស្ស៊ី ដែលគ្រោងធ្វើនៅខែមីនា។ អាជ្ញាធរក្នុងតំបន់ Donetsk និយាយថា កងកម្លាំងរុស្ស៊ី បានវាយប្រហារដោយមីស៊ីលទៅលើតំបន់លំនៅឋានមួយកន្លែងក្នុងទីក្រុង Selydove កាលពីព្រឹកថ្ងៃពុធ បណ្តាលឲ្យមនុស្សពីរនាក់ស្លាប់ និងបីនាក់ផ្សេងទៀតរងរបួស។ លោក Zelenskyy និយាយថា ការវាយលុករបស់រុស្ស៊ីមានសភាពធ្ងន់ធ្ងរ ជាពិសេសនៅតំបន់ Donetsk ។ លោកអះអាងថា លោកPutin ចង់បង្ហាញថា យ៉ាងហោចណាស់ទទួលបានលទ្ធផលយុទ្ធសាស្ត្រមួយចំនួនលើកដំបូងនៅពាក់កណ្តាលខែធ្នូ។វិទ្យាស្ថានសិក្សាពីសង្គ្រាម Think Tank របស់សហរដ្ឋអាមេរិក បាននិយាយនៅក្នុងការវិភាគកាលពីថ្ងៃអង្គារថា កងកម្លាំងរុស្ស៊ីទំនងជាកំពុងព្យាយាមដណ្តើមយកតាមគំនិតផ្តួចផ្តើមកម្រិតថ្នាក់តំបន់នៅអ៊ុយក្រែនដោយធ្វើប្រតិបត្តិការវាយលុកដំណាលគ្នាជាច្រើននៅភាគខាងកើតប្រទេសអ៊ុយក្រែន។វិទ្យានស្ថានេះបាននិយាយថា វានៅតែមិនច្បាស់ ថាតើកងកម្លាំងរុស្ស៊ីនឹងអាចដណ្តើមបានទាំងស្រុងតាមគំនិតផ្តួចផ្តើមនេះឬយ៉ាងណា ខណៈកងកម្លាំងអ៊ុយក្រែននៅរក្សាសម្ពាធលើតំបន់សំខាន់ៗនៅសមរភូមិមុខ។ប្រធានការិយាល័យប្រធានាធិបតីអ៊ុយក្រែន លោក Andriy Yermak បាននិយាយក្នុងអំឡុងសុន្ទរកថានៅសហរដ្ឋអាមេរិក កាលពីថ្ងៃចន្ទថា កងកម្លាំងរបស់ប្រទេសលោក បានបង្កើតមូលដ្ឋានឈរជើងនៅលើច្រាំងភាគខាងកើតទន្លេ Dnipro ហើយកងកម្លាំងកំពុងធ្វើឲ្យគ្មានយោធានៅតំបន់គ្រីម៉េ ជាជំហានៗ។ លោក Vladimir Saldo ជាមេដឹកនាំដែលត្រូវបានលើកបន្តុបដោយរុស្ស៊ីនៅទីក្រុង Kherson របស់អ៊ុយក្រែន បាននិយាយនៅលើប្រព័ន្ធផ្សព្វផ្សាយសង្គមកាលពីថ្ងៃពុធថា កងកម្លាំងអ៊ុយក្រែនកំពុងបញ្ជូនយោធាជាច្រើនឆ្លងកាត់ទន្លេ។-

មនុស្សរាប់ពាន់នាក់តវ៉ានៅក្នុងទីក្រុងMadrid ជុំវិញការលើកលែងទោសក្រុមផ្តាច់ខ្លួន បន្ទាប់ពីការជជែកដេញដោលតាមការស៊ើបអង្កេតដ៏តានតឹង

ក្រុមអ្នកតវ៉ារាប់ពាន់នាក់ បានមកប្រមូលផ្តុំគ្នា កាលពីល្ងាចថ្ងៃពុធ នៅខាងមុខទីស្នាក់ការគណបក្សអ្នកសង្គមនិយម របស់ប្រទេសអេស្ប៉ាញ បន្ទាប់ពីការជជែកដេញដោលតាមការស៊ើបអង្កេតដ៏តានតឹង សម្រាប់អណត្តិថ្មីរបស់នាយករដ្ឋមន្ត្រីស្តីទី លោក Pedro Sanchez ។ លោក Sanchez ជាអ្នកដែលបានផ្តល់ការលើកលែងទោសដល់ក្រុមអ្នកផ្តាច់ខ្លួនតំបន់កាតាឡាន់ ជាថ្នូរសម្រាប់ការគាំទ្រ បានបង្កឲ្យមានការតវ៉ា ខណៈទទួលបានការគាំទ្រពីក្រុមផ្តាច់ខ្លួនតំបន់កាតាឡាន់ Junts និង អ៊ីស្គូរ៉ា រីផាប្លីកកាណា ដេ កាតាលុនីយ៉ា (Esquerra Republicana de Catalunya) និងក្រុមប្រចាំតំបន់ផ្សេងទៀត ដែលនឹងមានការគាំទ្រគ្រប់គ្រាន់ដើម្បីទទួលបានជ័យជម្នះក្នុងការបោះឆ្នោតត្រូវបានកំណត់ពេលនៅថ្ងៃព្រហស្បតិ៍ទី១៥ នេះ។ ដោយមានកាន់ស្លាកសញ្ញាអំណានថា«លោក Sanchez ជនក្បត់ជាតិ» និងកំពុងក្រវីទង់ជាតិអេស្ប៉ាញ មនុស្សរាប់ពាន់នាក់ បានធ្វើបាតុកម្មរយៈពេល១៣យប់ ជាប់ៗគ្នា នៅជិតទីស្នាក់ការគណបក្សអ្នកសង្គមនិយម។ កិច្ចព្រមព្រៀងលើកលែងទោសដល់ក្រុមអ្នកផ្តាច់ខ្លួន បានជំរុញឲ្យមានការតវ៉ាជាបន្តបន្ទាប់ នៅទូទាំងប្រទេសអេស្បាញ។ អាជ្ញាធរនិយាយថា មនុស្ស៨០.០០០នាក់ បានមកប្រមូលផ្តុំគ្នានៅក្នុងទីក្រុង Madrid ខណៈរាប់ម៉ឺននាក់ បានចូលរួមបាតុកម្មក្នុងទីក្រុង Granada និងទីក្រុង Seville។

កងទ័ពអ៊ីស្រាអែលនិយាយថា អាវុធរបស់ក្រុមហាម៉ាស់ និងមណ្ឌលទីបញ្ជាការ ត្រូវបានរកឃើញនៅមន្ទីពេទ្យហ្កហ្សា

អ្នកនាំពាក្យមេបញ្ជាការយោធាអ៊ីស្រាអែល ឧត្តមនាវីឯក Daniel Hagari បាននិយាយនៅក្នុងសន្និសីទសារព័ត៌មានថា កងទ័ពអ៊ីស្រាអែល បានរកឃើញសព្វាវុធ បរិក្ខាបច្ចេកវិទ្យា និងឧបករណ៍បប្រើឲ្យការប្រយុទ្ធ នៅក្នុងមន្ទីពេទ្យ Al Shifa នៅតំបន់ហ្កាហ្សាកាលពីថ្ងៃពុធ និងកំពុងបន្តការស្វែងរកនៅបរិវេណនោះ។ យោធាបានបញ្ចេញវីដេអូ ដែលពួកគេនិយាយថា បានបង្ហាញពីសម្ភារៈដែលត្រូវបានរកឃើញនៅអគារមួយដែលបានបង្ហាញនៅក្នុងមន្ទីរពេទ្យ រួមមានអាវុធស្វ័យប្រវត្តិ គ្រាប់បែក គ្រាប់រំសេវ និងអាវកាក់ដាក់គ្រាប់កាំភ្លើង។ អ៊ីស្រាអែល និយាយថា កងកម្លាំងរបស់ខ្លួនកំពុងធ្វើប្រតិបត្តិការទាំងនៅក្នុងនិងជុំវិញមន្ទីរពេទ្យធំបំផុតនៅហ្កាហ្សា គោលបំណងចម្បងក្នុងយុទ្ធនាការរបស់ខ្លួនគឺត្រូវបំផ្លាញក្រុមសកម្មប្រយុទ្ធហាម៉ាស់ប៉ាឡេស្ទីន ដែលកងទ័ពនិយាយថា មានលាក់ទុកអាវុធ និងមានមណ្ឌលទីបញ្ជាការនៅក្នុងផ្លូវរូងក្រោមដី ក្រោមអគារ។ យោធាពុំបាននិយាយអំពីការរកឃើញច្រកចូលផ្លូវរូងក្រោមដីណាមួយនោះទេនៅមន្ទីពេទ្យ Al Shifa។ កាលពីលើកមុនយោធានិយាយថាក្រុមហាម៉ាស បានសាងសង់បណ្តាញផ្លូវរូងក្រោមដីក្រោមន្ទីរពេទ្យ។ ប៉ុន្តែក្រុមហាម៉ាស បានបដិសេធ និងបានច្រានចោលសេចក្តីថ្លែងការណ៍ចុងក្រោយរបស់យោធា។

គ្រួសារអ៊ីស្រាអែលទទូចឱ្យមានកិច្ចព្រមព្រៀងចំណាប់ខ្មាំងជាមួយក្រុមហាម៉ាស ដើម្បីនាំមនុស្សជាទីស្រឡាញ់ឲ្យត្រឡប់មកផ្ទះវិញ

ក្រុមបាតុករ និងសមាជិកគ្រួសាររបស់ចំណាប់ថ្នូរអ៊ីស្រាអែលបានប្រមូលផ្តុំគ្នានៅទីក្រុង Tel Aviv កាលពីល្ងាចថ្ងៃពុធ ១៥ វិច្ឆិកា ដោយជំរុញឱ្យរដ្ឋាភិបាលទទួលយកកិច្ចព្រមព្រៀងចំណាប់ខ្មាំងជាមួយក្រុមហាម៉ាស ដើម្បីនាំយកមនុស្សជាទីស្រលាញ់របស់ពួកគេមកផ្ទះវិញ។ អ្នកស្រី សាម៉ូអែល ប្រូដាច់(Samuel Brodutch) វ័យ៧៥ឆ្នាំ ដែលសមាជិកគ្រួសារជាច្រើន របស់អ្នកស្រី ត្រូវបានគេជឿថាត្រូវបានឃុំខ្លួន នៅក្នុងតំបន់ហ្កាហ្សាស្ទ្រីប ( Gaza Strip )បាននិយាយថា ខ្ញុំមិនខ្វល់ថាយ៉ាងម៉េចទេ ខ្ញុំមិនខ្វល់អ្វីទាំងអស់ ខ្ញុំចង់ឱ្យពួកគេត្រលប់មកវិញតាំងពី៣០ថ្ងៃមុនមកម្ល៉េះ ពេលនេះមានរយៈបេល៤០ថ្ងៃហើយ ខ្ញុំយល់ថារដ្ឋាភិបាលអ៊ីស្រាអែលពុំបានធ្វើអ្វីទាំងអស់។ ខ្ញុំមិនចង់ដឹងរឿង អ្វីក្រៅពីលទ្ធផលនោះទេ រហូតមកដល់ពេលនេះ នៅតែគ្មានលទ្ធផលដដែល។ ស្លាបប្រដាប់អាវុធនៃក្រុមសកម្មប្រយុទ្ធហាម៉ាសប៉ាឡេស្ទីន បាននិយាយកាលពីថ្ងៃចន្ទថា ខ្លួនបានត្រៀមខ្លួនរួចជាស្រេចក្នុងការដោះលែងចំណាប់ខ្មាំងជាស្ត្រី និងកុមាររហូតដល់ ៧០ នាក់ ជាថ្នូរនឹងបទឈប់បាញ់រយៈពេលប្រាំថ្ងៃ និងការដោះលែងស្ត្រី និងកុមារប៉ាឡេស្ទីនចំនួន២៧៥ នាក់ដែលត្រូវបានឃុំខ្លួននៅក្នុងពន្ធនាគារអ៊ីស្រាអែល។ រហូតមកដល់ពេលនេះ លោកនាយករដ្ឋមន្ត្រីអ៊ីស្រាអែល Netanyahu បានច្រានចោលរាល់ការពិភាក្សាអំពីបទឈប់បាញ់ ដោយប្រាប់ទូរទស្សន៍ NBC News កាលពីថ្ងៃអាទិត្យថា លោកនឹងព្រមផ្អាកការប្រយុទ្ធ ប្រសិនបើចំណាប់ថ្នូរទាំងអស់ត្រូវបានដោះលែង៕

វេជ្ជបណ្ឌិតនៅមន្ទីរពេទ្យស៊ីហ្វា៖ អ្នកជំងឺក្នុងបន្ទប់សង្រ្គោះបន្ទាន់ ប្រឈមការស្លាប់ អំឡុងការវាយឆ្មក់របស់អ៊ីស្រាអែល

វេជ្ជបណ្ឌិតនៅមន្ទីរពេទ្យ អាល់ ស៊ីហ្វា (Al Shifa) នៃទីក្រុងហ្កាហ្សា បានបង្ហាញពីការបំផ្លិចបំផ្លាញ ដល់ផ្នែកសង្គ្រោះបន្ទាន់ ក្រោយការវាយប្រហាររបស់អ៊ីស្រាអែល នៅក្នុងវីដេអូដែលចេញផ្សាយដោយក្រសួងសុខាភិបាលហ្កាហ្សា កាលពីថ្ងៃពុធ ១៥ ខែវិច្ឆិកា។ វេជ្ជបណ្ឌិតមិនស្គាល់អត្តសញ្ញាណម្នាក់ បាននិយាយថា អ្នកជំងឺនៅក្នុងបន្ទប់ សង្រ្គោះបន្ទាន់ឬ ICU កំពុងប្រឈមនឹងការស្លាប់ បន្ទាប់ពីត្រូវបានបញ្ចូនចេញឆ្ងាយពីឧបករណ៍សង្គ្រោះជីវិតចូលទៅក្នុងច្រករបៀងរបស់មន្ទីរពេទ្យ។ វីដេអូរបស់ក្រសួងសុខាភិបាលហ្កាហ្សា ដែលផ្តល់ឲ្យ សារព័ត៌មាន Reuters កាលពីថ្ងៃពុធ បានបង្ហាញរូបភាពដែលថតបានយ៉ាងហោចណាស់មួយថ្ងៃមុនភាពចលាចលនៅក្នុងមន្ទីរពេទ្យ al Shufa បន្ទាប់ពីសកម្មភាពយោធា។ នៅក្នុងវីដេអូ នោះ គេបានមើលឃើញគ្រូពេទ្យ កំពុងដោះស្រាយជាមួយអ្នកជំងឺ និងបង្ហាញពីការព្រួយបារម្ភអំពីស្ថានភាពសុខភាពរបស់ពួកគេ។ អ្នកបានឃើញហេតុការណ៍ និយាយថា ក្រោយមកកាលពីពុធថ្ងៃពុធ ទាហានអ៊ីស្រាអែលបានចូលទៅក្នុងមន្ទីរពេទ្យដ៏ធំបំផុតរបស់ហ្កាហ្សា ហើយកំពុងស្វែងរកបន្ទប់ និងបន្ទប់ក្រោមដី ដោយបញ្ចប់ការឡោមព័ទ្ធដែលបង្កឱ្យមានការភ្ញាក់ផ្អើលជាសកល បន្ទាប់ពីអ្វីដែលអ៊ីស្រាអែលបាននិយាយថាជាការប៉ះទង្គិចគ្នាយ៉ាងសាហាវនៅច្រកទ្វារនានា។ មន្ទីរពេទ្យ Al Shifa បានក្លាយជាគោលដៅសំខាន់នៃប្រតិបត្តិការជើងគោករបស់កងកម្លាំងអ៊ីស្រាអែល ដែលនិយាយថា ក្រុមសកម្មប្រយុទ្ធ ហាម៉ាស មានទីស្នាក់ការកណ្តាល នៅក្នុងផ្លូវរូងក្រោមដី នៃមន្ទីរពេទ្យនេះ ដែលក្រុមហាម៉ាស បដិសេធ៕

ក្រុមស៊ីវិល៖ ទាហានអ៊ុយក្រែនជាង ៣ម៉ឺននាក់ បានស្លាប់នៅក្នុងការឈ្លានពានរបស់រុស្ស៊ី

ក្រុមស៊ីវិលអ៊ុយក្រែនបាននិយាយថា ខ្លួនបានបញ្ជាក់ពីការស្លាប់របស់ទាហានអ៊ុយក្រែនជិត ២៥.០០០នាក់ ចាប់តាំងពីការលុកលុយរបស់រុស្ស៊ី នៅខែកុម្ភៈ ឆ្នាំ២០២២ ដោយប្រើប្រភពបើកចំហ ហើយបានធ្វើឱ្យតួលេខអ្នកស្លាប់សរុបមានច្រើនជាង ៣០.០០០នាក់។ទីក្រុងគីវ ចាត់ទុកការខាតបង់របស់ខ្លួនជាការណ៍សម្ងាត់របស់រដ្ឋ ហើយក្រុមមន្ត្រីនិយាយថា ការលាតត្រដាងតួលេខនេះ អាចប៉ះពាល់ដល់កិច្ចខិតខំប្រឹងប្រែងធ្វើសង្គ្រាមរបស់ខ្លួន។ របាយការណ៍មួយកាលពីខែសីហា ដោយសារព័ត៌មាន NY Times ដែលដកស្រង់សម្តីក្រុមមន្ត្រីអាមេរិកអនាមិក បានដាក់ចំនួនអ្នកស្លាប់នៅអ៊ុយក្រែនជិតតួលេខ ៧០.០០០នាក់។សំណេរនៅក្នុងទិនានុប្បវត្តិរបស់អ៊ុយក្រែន ធីនឌែន (Tyzhden) ប្រវត្តិវិទូម្នាក់ឈ្មោះ យ៉ារូសឡាវ ធីនឆិនកូ (Yaroslav Tynchenko) និងអ្នកស្ម័គ្រចិត្តម្នាក់ឈ្មោះ ហឺមាន សាប៉ូវ៉ាឡែនកូ (Herman Shapovalenko) បាននិយាយថា គម្រោងសៀវភៅ «ការចងចាំរបស់ សាប៉ូវ៉ាឡែនកូ» បានបញ្ជាក់ពីតួលេខស្លាប់ពីការប្រយុទ្ធ និងមិនប្រយុទ្ធចំនួន ២៤.៥០០នាក់ ដោយប្រើប្រភពបើកចំហ។ ពួកគេបន្ថែមថា តួលេខពិតប្រាកដទំនងជាខ្ពស់ជាងនេះ ដោយបញ្ជាក់ថា ទាហានជាច្រើននាក់ក្នុងចំណោមទាហាន ១៥.០០០នាក់ ដែលបានចុះបញ្ជីថាបានបាត់ខ្លួន ទំនងជាត្រូវស្លាប់។អត្ថបទដែលបានបោះពុម្ពផ្សាយកាលពីល្ងាចថ្ងៃអង្គារនោះ ធ្វើឡើងនៅពេលដែលអ៊ុយក្រែន កំពុងប្រឈមមុខនឹងការរំពឹងទុកនៃការប្រយុទ្ធនឹងសង្រ្គាមដ៏យូរអង្វែងជាមួយរុស្ស៊ី។ អ្នកនិពន្ធអត្ថបទក្នុងទិនានុប្បវត្តិ ធីនឌែន ទាំងនោះបាននិយាយថា វាមានសារៈសំខាន់ណាស់ក្នុងការធ្វើឱ្យមានតុល្យភាពនៃការប៉ាន់ស្មានផ្សេងៗដែលត្រូវបានរាយការណ៍នៅក្នុងប្រព័ន្ធផ្សព្វផ្សាយលោកខាងលិច ដោយពួកគេបានពិពណ៌នាតួលេខ «បំភាន់» ខណៈមានទិន្នន័យដែលអាចផ្ទៀងផ្ទាត់បាន៕

ក្រុមឧទ្ទាមមីយ៉ាន់ម៉ា បានកាន់កាប់ចំណុចព្រំដែនជាមួយឥណ្ឌា ក្រោយការប្រយុទ្ធជាមួយរបបសឹក

រយៈពេលពីរថ្ងៃបន្ទាប់ពីកងកម្លាំងឧទ្ទាមនៅក្នុងរដ្ឋ ជីន របស់សហភាពមីយ៉ាន់ម៉ា បានវាយលុកមូលដ្ឋានយោធាពីរទីតាំងរបស់របបសឹក ដែលនៅជិតព្រំដែនជាមួយប្រទេសឥណ្ឌា ពួកគេបានកាន់កាប់ចំណុចឆ្លងកាត់ព្រំដែនរវាងប្រទេសទាំងពីរឆ្លងកាត់រដ្ឋ មីហ្សូរ៉ាម (Mizoram) ដ៏តូចមួយរបស់ឥណ្ឌា។បណ្ដាមេដឹកនាំក្នុងតំបន់បាននិយាយថា ភាគច្រើននៃជនជាតិមីយ៉ាន់ម៉ាជិត ៥.០០០នាក់ ដែលបានភៀសខ្លួនទៅកាន់ប្រទេសឥណ្ឌា ដើម្បីគេចពីការប្រយុទ្ធគ្នាដ៏ខ្លាំងក្លារវាងក្រុមឧទ្ទាម និងយោធាមីយ៉ាន់ម៉ា ចាប់តាំងពីព្រឹកថ្ងៃច័ន្ទ (១៣ វិច្ឆិកា) នោះ បានត្រឡប់ទៅលំនៅឋានពួកគេវិញ ខណៈស្ថានភាពបានស្ងប់ស្ងាត់។ កងកម្លាំងឧទ្ទាមមានបំណងដណ្តើមកាន់កាប់ផ្នែកមួយនៃព្រំដែនជាប់ជាមួយប្រទេសឥណ្ឌា។បណ្ដាមេទ័ពមីយ៉ាន់ម៉ា កំពុងប្រឈមមុខនឹងការសាកល្បងដ៏ធំបំផុតរបស់ពួកគេ ចាប់តាំងពីបានដណ្តើមអំណាចនៅក្នុងរដ្ឋប្រហារឆ្នាំ២០២១ បន្ទាប់ពីកងកម្លាំងជនជាតិភាគតិចចំនួន ៣ក្រុម បានបើកការវាយលុកដោយសម្របសម្រួលមួយកាលពីចុងខែតុលា ដោយដណ្តើមបានទីប្រជុំជន និងទីតាំងយោធាមួយចំនួន។ការវាយលុក ដែលបានដាក់ឈ្មោះដោយពួកឧទ្ទាមថា «ប្រតិបត្តិការ១០២៧» តាមកាលបរិច្ឆេទដែលខ្លួនបានចាប់ផ្តើមនោះ បានបើកផ្លូវសម្រុកចូលកាន់កាប់នៅក្នុងតំបន់ដែលគ្រប់គ្រងដោយរបបសឹកនៅតាមព្រំដែនជាមួយប្រទេសចិន ក្នុងរដ្ឋសាន ជាទីដែលក្រុមអាជ្ញាធរយោធាបានបាត់បង់ការគ្រប់គ្រងលើទីប្រជុំជនជាច្រើន និងប៉ុស្តិ៍សន្តិសុខជាង ១០០ទីតាំង៕

ប្រភព៖ បារាំងចេញដីកាចាប់ខ្លួនលោកប្រធានាធិបតីស៊ីរី អាសាដ

ប្រភពតុលាការមួយបាននិយាយកាលពីថ្ងៃពុធ (១៥ វិច្ឆិកា) ថា ក្រុមចៅក្រមបារាំង បានចេញដីកាចាប់ខ្លួនប្រធានាធិបតីស៊ីរី លោក Bashar al-Assad បងប្រុសរបស់លោកឈ្មោះ Maher al-Assad និងមន្ត្រីជាន់ខ្ពស់ពីររូបទៀតពីបទប្រើប្រាស់អាវុធគីមីហាមឃាត់លើជនស៊ីវិលនៅក្នុងប្រទេសស៊ីរី។ដីកាចាប់ខ្លួន ដែលសំដៅលើការចោទប្រកាន់ពីភាពស្មុគស្មាញនៃឧក្រិដ្ឋកម្មប្រឆាំងមនុស្សជាតិ និងភាពស្មុគស្មាញនៃឧក្រិដ្ឋកម្មសង្គ្រាមនោះ ធ្វើឡើងបន្ទាប់ពីការស៊ើបអង្កេតឧក្រិដ្ឋកម្មលើការវាយប្រហារដោយអាវុធគីមីនៅក្នុងទីក្រុង ដូម៉ា (Douma) និងស្រុក ហ្គូតា (Ghouta) ភាគខាងកើតក្នុងខែសីហា ឆ្នាំ ២០១៣ ជាការវាយប្រហារដែលបានសម្លាប់មនុស្សជាង ១.០០០នាក់។នោះគឺជាដីកាចាប់ខ្លួនអន្តរជាតិដំបូងគេ ដែលត្រូវបានចេញសម្រាប់ប្រមុខរដ្ឋស៊ីរី ដែលកងកម្លាំងរបស់ពួកគេបានឆ្លើយតបទៅនឹងការតវ៉ា ដែលបានចាប់ផ្តើមក្នុងឆ្នាំ២០១១ ជាមួយនឹងការបង្រ្កាបដ៏ឃោរឃៅដែលអ្នកជំនាញរបស់អង្គការសហប្រជាជាតិបាននិយាយថាជាឧក្រិដ្ឋកម្មសង្គ្រាម។ដីកាចាប់ខ្លួនសម្រាប់តំណែងប្រមុខរដ្ឋគឺកម្រណាស់ ពីព្រោះជាទូទៅពួកគេមានអភ័យឯកសិទ្ធិពីការកាត់ទោស។ ទោះជាយ៉ាងណាក៏ដោយ ច្បាប់អន្តរជាតិមានករណីលើកលែងចំពោះអភ័យឯកសិទ្ធិនោះ នៅពេលដែលប្រមុខរដ្ឋមួយរូបត្រូវបានចោទប្រកាន់ពីបទឧក្រិដ្ឋកម្មសង្រ្គាម និងឧក្រិដ្ឋកម្មប្រឆាំងមនុស្សជាតិ ឬការប្រល័យពូជសាសន៍៕

ការស្ទង់មតិ៖ ការគាំទ្រសាធារណៈរបស់អាមេរិក សម្រាប់អ៊ីស្រាអែល ធ្លាក់ចុះ ខណៈភាគច្រើនគាំទ្របទឈប់បាញ់

ការគាំទ្រសាធារណៈរបស់សហរដ្ឋអាមេរិក ចំពោះសង្គ្រាមរបស់អ៊ីស្រាអែល ប្រឆាំងនឹងក្រុមសកម្មប្រយុទ្ធហាម៉ាស នៅក្នុងតំបន់ហ្កាហ្សា កំពុងធ្លាក់ចុះ ហើយប្រជាជនអាមេរិកភាគច្រើនគិតថា អ៊ីស្រាអែលគួរតែអំពាវនាវឲ្យមានបទឈប់បាញ់ចំពោះជម្លោះដែលបានរាលដាលទៅជាវិបត្តិមនុស្សធម៌ នេះបើយោងតាមការស្ទង់មតិថ្មីរបស់សារព័ត៌មាន រ៉យទ័រ និងទីភ្នាក់ងារស្រាវជា្រវមតិសាធារណៈ Ipsos។អ្នកឆ្លើយសំណួរមួយចំនួន ៣២% នៅក្នុងការស្ទង់មតិរយៈពេលពីរថ្ងៃ ដែលបានបិទកាលពីថ្ងៃអង្គារ (១៤ វិច្ឆិកា) បាននិយាយថា «សហរដ្ឋអាមេរិកគួរតែគាំទ្រអ៊ីស្រាអែល» នៅពេលត្រូវបានសួរថាតើតួនាទីអ្វីដែលសហរដ្ឋអាមេរិកគួរធ្វើនៅក្នុងការប្រយុទ្ធ។ តួលេខនោះគឺធ្លាក់ចុះពីចំនួន ៤១% កាលពីមុនដែលបាននិយាយថា សហរដ្ឋអាមេរិកគួរតែគាំទ្រអ៊ីស្រាអែល នៅក្នុងការស្ទង់មតិដែលធ្វើឡើងនៅថ្ងៃទី១២ និងទី១៣ ខែតុលា។ អ្នកឆ្លើយតបជាង ៦៨% នៅក្នុងការស្ទង់មតិនោះបាននិយាយថា ពួកគេយល់ស្របលើប្រយោគដែលថា អ៊ីស្រាអែលគួរតែអំពាវនាវឲ្យមានបទឈប់បាញ់ ហើយព្យាយាមចរចាវិញ។ ភាគរយនៃប្រជាជនដែលនិយាយថា «សហរដ្ឋអាមេរិកគួរតែជាអ្នកសម្រុះសម្រួលអព្យាក្រឹត» បានកើនឡើងដល់ ៣៩% នៅក្នុងការស្ទង់មតិថ្មីពីចំនួន ២៧% កាលពីមួយខែមុន និងមនុស្ស ៤% និយាយថា សហរដ្ឋអាមេរិកគួរតែគាំទ្រប៉ាឡេស្ទីន ហើយប្រជាជន ១៥% បាននិយាយថា សហរដ្ឋអាមេរិកមិនគួរពាក់ព័ន្ធទាល់តែសោះនៅក្នុងជម្លោះ ដោយតួលេខទាំងពីរនេះមានភាពស្រដៀងគ្នាទៅកាលពីមួយខែមុនដែរ។អ៊ីស្រាអែល បានពឹងពាក់អាមេរិកជាសម្ព័ន្ធមិត្តដ៏មានឥទ្ធិពលបំផុតរបស់ខ្លួនជាយូរមកហើយសម្រាប់ជំនួយយោធារាប់ពាន់លានដុល្លារក្នុងមួយឆ្នាំ និងជំនួយការទូតអន្តរជាតិជាច្រើន។ ការធ្លាក់ចុះនៃការគាំទ្រសាធារណៈរបស់សហរដ្ឋអាមេរិក អាចជាសញ្ញាដ៏គួរឱ្យព្រួយបារម្ភសម្រាប់ប្រទេសមជ្ឈិមបូព៌ាមួយនេះ ដែលមិនត្រឹមតែប្រឈមមុខនឹងពួកសកម្មប្រយុទ្ធហាម៉ាស នៅក្នុងតំបន់ហ្កាហ្សា ប៉ុណ្ណោះទេ ប៉ុន្តែក៏បានប៉ះទង្គិចជាមួយក្រុមចលនាអ៊ីស្លាមនិយម ហេសបូឡា នៅប្រទេសលីបង់ និងបានធ្វើ «សង្រ្គាមស្រមោល» យូរអង្វែងជាមួយអ៊ីរ៉ង់ ដែលជាសត្រូវមហាអំណាចក្នុងតំបន់របស់ខ្លួន៕

បណ្ដាញសង្គម

ព័ត៌មានថ្មីៗ

សមត្ថកិច្ចចុះត្រួតពិនិត្យពីរទីតាំងនៅក្រុងប៉ោយប៉ែតរកឃើញជនជាតិឥណ្ឌូនេស៊ីចំនូន៨១នាក់រស់នៅប្រមូលផ្តុំ

សម្ដេចព្រះមហាសង្ឃរាជ បួរ គ្រី យាងបើកកម្មវិធីការពារនិក្ខេបបទ និងប្រឡងបញ្ចប់ថ្នាក់បរិញ្ញាបត្រជាន់ខ្ពស់ នៅពុទ្ធិកសាកលវិទ្យាល័យព្រះសីហមុនីរាជា

សម្តេចកិត្តិសង្គហបណ្ឌិត ម៉ែន សំអន អញ្ជើញប្រគេនទៀនព្រះវស្សា និងទេយ្យវត្ថុដល់ព្រះសង្ឃចំនួន ៥វត្ត នៅខេត្តក្រចេះ

សម្ដេចធិបតី អញ្ជើញត្រួតពិនិត្យ និងសួរសុខទុក្ខយោធិនក្នុងអង្គភាពបញ្ជាការដ្ឋានជាតិកម្លាំងពិសេសប្រឆាំងភេរវកម្ម

មូលនិធិគន្ធបុប្ផាកម្ពុជា រៀបចំស្ដង់ទទួលថវិកាបរិច្ចាគ ក្នុងយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ នៅផ្លូវថ្មើរជើងចតុមុខ

ឯកឧត្តមបណ្ឌិត អ៊ាង សុផល្លែត អញ្ជើញជាអធិបតីប្រកាសសមាជិកថ្មី របស់គណបក្សប្រជាជនកម្ពុជាប្រចាំខេត្តត្បូងឃ្មុំចំនួនជាង២ពាន់នាក់

ជនជាតិចិន១៧០នាក់ពាក់ ព័ន្ធករណីឆបោកតាមប្រព័ន្ធបច្ចេកវិទ្យាត្រូវបានបណ្ដេញចេញពីកម្ពុជា

អ្នកទេសចរប្រៀបប្រដូច ទឹកដីជីផាត ខេត្តកោះកុង ជាឋានសួគ៌សម្រាប់អ្នកទេសចរ ចូលចិត្តដើរលេងកម្សាន្តមិនចេះរីងស្ងួត

មេបញ្ជាការកងទ័ពជើងទឹក៖ កងទ័ពជើងទឹកបន្តអនុវត្តជាប់ជានិច្ចនូវការងារហ្វឹកហ្វឺន បំប៉នជំនាញដើម្បីលើក កម្ពស់សមត្ថភាពរបស់យោធិន

អនុប្រធានទី១អាជ្ញាធរមីន អំពាវនាវដល់ប្រទេសទាំងអស់ រើសយកភាពជាដៃគូ និងកិច្ចសហប្រតិបត្តិការជាជាងការប្រឈមមុខដាក់គ្នា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877