BTV NEWS

ស្នងការរាជធានី អំពាវនាវដល់យុវជនជៀសឆ្ងាយពីសកម្មភាពក្មេងទំនើង បើប្រព្រឹត្តល្មើសមានតែការអនុវត្តផ្លូវច្បាប់ប៉ុណ្ណោះ

មន្ត្រីជំនាញ៖ Online Scams នៅកម្ពុជា កំពុងត្រូវបានបង្ក្រាបយ៉ាងសកម្មទោះមានលក្ខណៈស្មុគស្មាញ

ជនបន្លំយកលុយពីភ្ញៀវបរទេស២ពាន់ដុល្លារ នៅផ្សារច្បារអំពៅ ត្រូវបានសមត្ថកិច្ចរាជធានីស្រាវជ្រាវឃាត់ខ្លួន និងយកថវិការជូនជនរងគ្រោះវិញ

តំណាងអយ្យការចោទប្រកាន់ជនសង្ស័យម្នាក់យករូបថ្នាក់ដឹកនាំធ្វើជាប្រូហ្វាល់ ជាមធ្យោបាយគំរាមជនរងគ្រោះជំរិតទារប្រាក់

សន្តិសុខ និង សង្គម

យន្តហោះចម្បាំងចិន បាញ់ពន្លឺភ្លើងទៅក្បែរឧទ្ធម្ភាគចក្រប្រមាញ់នាវាមុជទឹក នៅសមុទ្រចិនខាងត្បូង

កងទ័ពជើងទឹកប្រទេសកាណាដា និយាយថា យន្តហោះចម្បាំងចិនបានបាញ់ពន្លឺភ្លើងនៅពីមុខឧទ្ធម្ភាគចក្រយោធាប្រទេសកាណាដា នៅលើដែនទឹកអន្តរជាតិនៅសមុទ្រចិនខាងត្បូង កាលពីថ្ងៃអាទិត្យសប្តាហ៍មុន ជាប្រតិបត្តិការដែលមន្ត្រីយោធាកាណាដា និយាយថាជាការធ្វេសប្រហែស ហើយអាចបណ្តាលឱ្យមានការធ្លាក់យន្តហោះ។ ឧត្តមសេនីយ៍ Rob Millen មន្ត្រីទ័ពអាកាសនៅលើនាវាចម្បាំង Royal Navy HMCS Ottawa បាននិយាយថា «ហានិភ័យចំពោះឧទ្ធម្ភាគចក្រក្នុងករណីនេះ គឺពន្លឺភ្លើងខិតទៅរក ស្លាប ឬម៉ាស៊ីន ដូច្នេះវាត្រូវបានគេចាត់ថាជាគ្មានសុវត្ថិភាព និងគ្មានស្តង់ដារ និងគ្មានវិជ្ជាជីវៈ។ លោក Millen បានប្រាប់ប្រព័ន្ធផ្សព្វផ្សាយ CNN នៅក្នុងបទសម្ភាសន៍ នៅលើនាវាចម្បាំងថា ឧបទ្ទវហេតុនេះ គឺជាលើកទី ២ ក្នុងចំណោមការជួបប្រទះឧទ្ធម្ភាគចក្ររបស់ទីក្រុងអូតាវ៉ា ជាមួយយន្តហោះចម្បាំង J-11 របស់កងទ័ពរំដោះប្រជាជនចិន នៅលើដែនទឹកអន្តរជាតិ កាលពីថ្ងៃទី ២៩ ខែតុលា ដែលបានឃើញយន្តហោះចម្បាំងខិតចូលទៅជិតចម្ងាយ ១០០ ហ្វីតពីឧទ្ធម្ភាគចក្រ។ លោកបាននិយាយថា ប្រទេសកាណាដា និងប្រទេសផ្សេងទៀត បានឃើញយន្តហោះរបស់ចិនចូលទៅកៀកយន្តហោះជាច្រើនលើក ប៉ុន្តែវាកម្របានឃើញសកម្មភាពបែបនេះធ្វើមកលើឧទ្ធម្ភាគចក្រណាស់។ឧប្បត្តិហេតុលើកដំបូង គឺនៅលើដែនទឹកអន្តរជាតិនៅក្នុងចម្ងាយ ៣៤ ម៉ាយស៍ពីប្រជុំកោះប៉ារ៉ាសែល( Paracel) នៅភាគខាងជើងសមុទ្រចិនខាងត្បូង។ លើកទីពីរ ក៏នៅលើដែនទឹកអន្តរជាតិចម្ងាយ២៣ ម៉ាយស៍ពីប្រជុំកោះ ប៉ារ៉ាសែល ។ លោក Millen បាននិយាយថា លោកកំពុងបើកឧទ្ធម្ភាគចក្រកាណាដានៅពេលព្រឹក នៅពេលនោះយន្តហោះ J-11 របស់ចិនបានស្ទាក់ឧទ្ធម្ភាគចក្រនៅចម្ងាយជិត ខណៈវាហោះត្រង់និងមានកម្ពស់ ៣.000 ហ្វីតពីលើទឹក ត្រឡប់ទៅទីក្រុងអូតាវ៉ាវិញ ជាសញ្ញាមួយបង្ហាញថាខ្លួនពុំមានចេតនាបង្កអរិភាពណាមួយនោះទេ។-

ក្រុមហាម៉ាស មានបំណងធ្វើការវាយប្រហារដូចកាលថ្ងៃទី៧តុលា ជាច្រើនដងទៀត ដើម្បីបំផ្លាញអ៊ីស្រាអែល

សមាជិកជាន់ខ្ពស់នៃក្រុមសកម្មប្រយុទ្ធប៉ាឡេស្ទីន ហាម៉ាស បានសាទរចំពោះការសម្លាប់ជនស៊ីវិលជាប្រព័ន្ធក្នុងប្រទេសអ៊ីស្រាអែល កាលពីថ្ងៃទី៧ ខែតុលា ដោយបានប្តេជ្ញានៅក្នុងបទសម្ភាសន៍មួយថា ប្រសិនបើត្រូវបានផ្តល់ឱកាសម្ដងទៀត ក្រុមភេរវករប៉ាឡេស្ទីនមួយនេះ នឹងធ្វើការវាយប្រហារស្រដៀងគ្នានេះម្តងទៀតជាច្រើនដងនៅពេលអនាគត រហូតដល់អ៊ីស្រាអែល ត្រូវបានកម្ទេចចោល។ការលើកឡើងរបស់លោក Ghazi Hamad ដែលជាសមាជិកការិយាល័យនយោបាយរបស់ក្រុមហាម៉ាស នេះត្រូវបានចែករំលែកយ៉ាងរហ័សតាមអ៊ីនធឺណិតដោយក្រុមមន្ត្រីអ៊ីស្រាអែល និងលោកខាងលិច ជាការបញ្ជាក់អំពីការតាំងចិត្តរបស់រដ្ឋជ្វីហ្វមួយនេះ ក្នុងការបំផ្លាញសមត្ថភាពយោធារបស់ក្រុមភេរវករ នៅក្នុងសង្គ្រាមដែលកំពុងបន្តរបស់ខ្លួននៅហ្កាហ្សា និងជាភស្តុតាងបញ្ជាក់ថា មិនមានបទឈប់បាញ់ណាមួយអាចឈានដល់នោះទេ រហូតដល់ការគំរាមកំហែងនៃការវាយប្រហារសម្លាប់បន្ថែម ត្រូវបានដកចេញ។នៅក្នុងបទសម្ភាសន៍នោះ លោក Hamad បាននិយាយថា វត្តមានរបស់អ៊ីស្រាអែល គឺ «មិនសមហេតុផលនោះទេ» ហើយថារដ្ឋជ្វីហ្វមួយនេះត្រូវតែកម្ទេចចោលចេញពី «ទឹកដីប៉ាឡេស្ទីន» ទាំងអស់ ជាពាក្យដែលក្រុមនេះប្រើសំដៅលើតំបន់វេស ប៊ែង តំបន់ហ្កាហ្សា និងអ៊ីស្រាអែលទាំងមូល ដោយមិនរាប់ចូលតំបន់ភ្នំ Golan Heights នោះទេ។កាលពីថ្ងៃទី៧ ខែតុលា ខ្មាន់កាំភ្លើងប្រហែល ៣.០០០នាក់ ដែលដឹកនាំដោយក្រុមហាម៉ាស បានសម្រុកឆ្លងកាត់ព្រំដែនចូលទៅក្នុងទឹកដីអ៊ីស្រាអែល ពីតំបន់ហ្កាហ្សា ស្ទ្រីប តាមផ្លូវគោក ផ្លូវអាកាស និងសមុទ្រ ដោយបានសម្លាប់មនុស្សប្រហែល ១.៤០០នាក់។ អ៊ីស្រាអែល បានឆ្លើយតបទៅវិញជាមួយនឹងការវាយលុកយោធាទ្រង់ទ្រាយធំនៅតំបន់ហ្កាហ្សា ក្នុងគោលបំណងបំផ្លាញហេដ្ឋារចនាសម្ព័ន្ធរបស់ក្រុមហាម៉ាស ហើយបានប្តេជ្ញាកម្ចាត់ក្រុមភេរវករនេះទាំងមូល ដែលគ្រប់គ្រងតំបន់ហ៊ុមព័ទ្ធហ្កាហ្សា ចាប់តាំងពីបានចូលកាន់អំណាចក្នុងរដ្ឋប្រហារដ៏បង្ហូរឈាមកាលពីឆ្នាំ២០០៧ មក៕

អ៊ីស្រាអែល កាត់ផ្ដាច់មូលនិធិរបស់តំបន់ហ្កាហ្សា ពីការផ្ទេរប្រាក់ពន្ធប៉ាឡេស្ទីន

អ៊ីស្រាអែល បាននិយាយកាលពីថ្ងៃព្រហស្បតិ៍ (២ វិច្ឆិកា) ថា ខ្លួននឹងបន្តការផ្ទេរចំណូលពន្ធទៅឱ្យក្រុមអាជ្ញាធរប៉ាឡេស្ទីន (PA) នៅតំបន់វេស ប៊ែង ដែលខ្លួនកាន់កាប់ ប៉ុន្តែនឹងមិនប្រគល់មូលនិធិសម្រាប់តំបន់ហ្កាហ្សា ដែលគ្រប់គ្រងដោយក្រុមហាម៉ាសឡើយ ជាទីដែលអាជ្ញាធរប៉ាឡេស្ទីន PA ជួយគ្របដណ្តប់លើប្រាក់ឈ្នួលក្នុងវិស័យសាធារណៈ និងបង់ថ្លៃអគ្គិសនី។បន្ទាប់ពីការជជែកដេញដោលគ្នាអំពីថា តើត្រូវផ្ទេរប្រាក់ទាំងនោះនៅពេលដែលអ៊ីស្រាអែល កំពុងប្រយុទ្ធជាមួយពួកសកម្មប្រយុទ្ធហាម៉ាស នៅតំបន់ហ្កាហ្សា ឬយ៉ាងណា គណៈរដ្ឋមន្ត្រីអ៊ីស្រាអែល បាននិយាយថា ខ្លួនក៏នឹងមិនផ្ដល់ថវិកាក្នុងទូទាត់ប្រាក់ឧបត្ថម្ភដែលក្រុមអាជ្ញាធរ PA បង់ទៅឱ្យពួកសកម្មប្រយុទ្ធប៉ាឡេស្ទីន និងក្រុមគ្រួសាររបស់ពួកគេដែរ។ក្រុមអាជ្ញាធរប៉ាឡេស្ទីន (PA) ដែលគាំទ្រដោយលោកខាងលិច បានកំណត់គោលការណ៍ស្វ័យគ្រប់គ្រងនៅតំបន់វេស ប៊ែង ប៉ុន្តែមិនគ្រប់គ្រងតំបន់ហ្កាហ្សា នោះទេ ជាទីដែលគូប្រជែងអ៊ីស្លាមនិយមហាម៉ាស ដណ្តើមបានការគ្រប់គ្រងក្នុងសង្គ្រាមស៊ីវិលរយៈពេលខ្លីក្នុងឆ្នាំ២០០៧។ ដោយស្ថិតនៅក្រោមកិច្ចព្រមព្រៀងសន្តិភាពបណ្តោះអាសន្ន អ៊ីស្រាអែលប្រមូលពន្ធជំនួសឲ្យប៉ាឡេស្ទីន ហើយជាធម្មតាផ្ទេរចំណូលពន្ធទាំងនោះទៅកាន់អាជ្ញាធរ PA ជាប្រចាំខែ តាមការយល់ព្រមពីរដ្ឋមន្ត្រីហិរញ្ញវត្ថុ ហើយការផ្ទេរប្រាក់ចុងក្រោយ ត្រូវបញ្ចេញកាលពីចុងខែតុលា៕

រុស្ស៊ីត្រូវបានគេមើលឃើញថា កំពុងត្រៀមការវាយលុកតាមដីគោកដ៏ខ្លាំងក្លាមួយផ្សេងទៀត នៅអ៊ុយក្រែនភាគខាងកើត

កងកម្លាំងរុស្ស៊ី ត្រូវបានគេនិយាយថា កំពុងត្រៀមការវាយលុកតាមដីគោកដ៏ខ្លាំងក្លាមួយផ្សេងទៀត ដើម្បីដណ្តើមយកតំបន់ Avdiivka ជាបន្ទាយរបស់អ៊ុយក្រែន នៅតំបន់ Donetsk ភាគខាងកើត។វិទ្យាស្ថាន Think Tank របស់សហរដ្ឋអាមេរិក ជាវិទ្យាស្ថានសិក្សាពីសង្គ្រាម បាននិយាយថាកងកម្លាំង រុស្ស៊ីទំនងជាកំពុងត្រៀមសម្រាប់រលកមួយផ្សេងទៀតនៃការវាយលុកតាមដីគោកដឹកនាំដោយទាហានជើងគោកវាយលុកខ្ពស់ លើទីតាំងជាច្រើនរបស់អ៊ុយក្រែន នៅក្នុងតំបន់ Avdiivka ។ វិទ្យាស្ថាននិយាយថា អង្គភាពវាយលុកបានបង្កើតការជ្រើសរើសទ្រង់ទ្រាយធំនៃអ្នកជាប់ទោស។ អ្នកនាំពាក្យ បានប្រាប់ប្រព័ន្ធផ្សព្វផ្សាយក្នុងតំបន់កាលពីថ្ងៃព្រសហ្បតិ៍ថា យោធារុស្ស៊ី ត្រូវបានគេជឿថា កំពុងបង្កើនកម្លាំងកងទ័ពរបស់ខ្លួន មុនពេលបើកប្រតិបត្តិការថ្មី នៅក្នុងតំបន់នោះ។ ក្រសួងការពារជាតិរុស្ស៊ី បាននិយាយកាលពីថ្ងៃព្រហស្បតិ៍ថា កងកម្លាំងរបស់ខ្លួន បានបាញ់ទម្លាក់ យានដ្រូនអ៊ុយក្រែន៩គ្រឿង នៅជិតរោងចក្រថាមពលនុយក្លេអ៊ែរ Zaporizhzhia នៅអ៊ុយក្រែនភាគខាងត្បូង។ រុស្ស៊ី ដណ្តើមបានការគ្រប់គ្រងនៅរោងចក្រនោះ។ អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova បាននិយាយថា យានដ្រូន២គ្រឿង បានវាយប្រហារសណ្ឋាគារមួយកន្លែង នៅជិតទីក្រុង Zaporizhzhia ។ លោកស្រី បានថ្កោលទោសអ៊ុយក្រែនសម្រាប់ការបង្ករឿងមិនទទួលខុសត្រូវ។

UN គ្រោងនឹងកាត់បន្ថយចំនួនជនភៀសខ្លួនដែលទទួលប្រាក់ជំនួយនៅលីបង់ចំនួនជិតមួយភាគបី

អ្នកនាំពាក្យទីភ្នាក់ងារជនភៀសខ្លួនរបស់អង្គការសហប្រជាជាតិ បាននិយាយកាលពីថ្ងៃព្រហស្បតិ៍ថា ដោយប្រឈមមុខនឹងវិបត្តិថវិកាកើនឡើង អង្គការសហប្រជាជាតិ នឹងកាត់បន្ថយចំនួនគ្រួសារជនភៀសខ្លួនដែលទទួលបានជំនួយជាសាច់ប្រាក់ នៅក្នុងប្រទេសលីបង់ជិតមួយភាគបី នៅឆ្នាំក្រោយ។អ្នកនាំពាក្យ UNHCR អ្នកស្រី Lisa Abou Khaled បាននិយាយថា ដោយសារតែការកាត់បន្ថយការផ្តល់មូលនិធិដ៏ច្រើននេះ អង្គការ UNHCR និងកម្មវិធីស្បៀងអាហារពិភពលោក នឹងផ្តល់ជំនួយជាសាច់ប្រាក់ប្រចាំខែដល់ជនភៀសខ្លួន ៨៨.000គ្រួសារ នៅឆ្នាំ២០២៤ តិចជាងឆ្នាំ២០២៣។អ្នកស្រីបានបន្តថា ជនភៀសខ្លួនប្រហែល ១៩០.000គ្រួសារ នឹងបន្តទទួលបានជំនួយ ដែលត្រូវបានកំណត់ក្នុងកម្រិតអតិបរមាមួយខែចំនួន ១២៥ ដុល្លារ ក្នុងមួយគ្រួសារ។អ្នកស្រី Abou Khaled បាននិយាយថា កាលពីមុន គ្រួសារមួយចំនួន បានទទួលជំនួយបន្ថែមក្នុងរដូវរងាសម្រាប់ការចំណាយលើប្រេងឥន្ធនៈ ប៉ុន្តែនៅឆ្នាំនេះ កម្មវិធីនោះក៏នឹងត្រូវបញ្ឈប់ផងដែរ។ ជំនួយនោះ «មានសារៈសំខាន់សម្រាប់គ្រួសារដែលងាយរងគ្រោះ ដើម្បីចៀសផុតរដូវរងា»។

អ្នកជម្លៀសចេញពីតំបន់ហ្កាហ្សាចូលទៅអេហ្ស៊ីប បារម្ភពីមនុស្សជាច្រើនដែលមិនអាចចាកចេញបាន

មនុស្សជាច្រើនកំពុងសង្ឃឹមថានឹងមានឱកាសចាកចេញពីតំបន់ហ្កាហ្សា តាមច្រកព្រំដែនរ៉ាហ្វា (Rafah) ចូលទៅអេហ្ស៊ីប កាលពីថ្ងៃព្រហស្បតិ៍ ដែលឈ្មោះរបស់ពួកគេមួយចំនួននៅលើបញ្ជីឈ្មោះ ដែលត្រូវបានពិនិត្យដោយអ៊ីស្រាអែល ជាបន្តបន្ទាប់ក្នុងការចាកចេញខណៈអ្នកផ្សេងទៀត បានទុកលិខិតឆ្លងដែនបរទេសរបស់ពួកគេនៅក្នុងរថយន្ត។ ច្រកឆ្លងកាត់នេះត្រូវបានបើកសម្រាប់ការជម្លៀសមានកំណត់សម្រាប់ថ្ងៃទី ២ ក្រោមកិច្ចព្រមព្រៀងដែលសម្របសម្រួលដោយប្រទេសកាតារវាងអ៊ីស្រាអែល អេហ្ស៊ីប ហាម៉ាស និងសហរដ្ឋអាមេរិក ក្នុងគោលបំណងអនុញ្ញាតឱ្យអ្នកកាន់លិខិតឆ្លងដែនបរទេសមួយចំនួន និងអ្នកនៅក្នុងបន្ទុករបស់ពួកគេ និង ពលរដ្ឋហ្កាហ្សា ដែលរងរបួសមួយចំនួន បានចាកចេញពីតំបន់ឡោមព័ទ្ធនេះ។ អ្នកស្រី ស៊ូសាន បេសេសូ (Suzan Beseiso )ជាពលរដ្ឋអាមេរិកមានសាច់ញាតិនៅតំបន់ហ្កាហ្សា ជាកន្លែងដែលអ្នកស្រីបានចំណាយពេលជាច្រើនខែថា អ្នកស្រី មិនរំភើបទេក្នុងការចាកចេញពីតំបន់ហ្កាហ្សា ព្រោះយើងមានមនុស្សជាច្រើនដែលយើងស្រឡាញ់ និងខ្វល់ខ្វាយ ។ មាន១៥ប្រទេសនៅក្នុងបញ្ជី។ អ្នកដែលមានឈ្មោះច្រើនជាងគេគឺសហរដ្ឋអាមេរិក ដែលមាន ៤០០ នាក់ បែលហ្ស៊ិកមាន៥០ នាក់ ក្រិក ២៤ នាក់ ក្រូអាត២៣នាក់ ហូឡង់ ២០នាក់ និងស្រីលង្កា ១៧នាក់ ។ សហរដ្ឋអាមេរិកបាននិយាយកាលពីល្ងាចថ្ងៃព្រហស្បតិ៍ថា មនុស្សចំនួន៧៩គឺជាជនជាតិរបស់ខ្លួន បានចាកចេញរួចហើយ ។ក្រសួងការបរទេសអេហ្ស៊ីបបាននិយាយថា មនុស្សជិត ៧ ពាន់នាក់ដែលមានសញ្ជាតិនៃប្រទេសជាង ៦០ ត្រូវបានគេរំពឹងថានឹងចាកចេញជាបន្តបន្ទាប់។ ប្រភពការទូតបាននិយាយថាដំណើរការនេះអាចចំណាយពេលដល់ទៅពីរសប្តាហ៍៕

លោកស្រី Harris៖ អាមេរិក នឹងមិនដាក់លក្ខខណ្ឌលើការគាំទ្រសម្រាប់អ៊ីស្រាអែល ដើម្បីការពារខ្លួនឡើយ

អនុប្រធានាធិបតីសហរដ្ឋអាមេរិក លោកស្រី Kamala Harris កាលពីថ្ងៃព្រហស្បតិ៍ បាននិយាយថា សហរដ្ឋអាមេរិក នឹងមិនស្វះស្វែងដាក់លក្ខខណ្ឌណាមួយលើការគាំទ្រដែលខ្លួនផ្តល់ទៅឲ្យប្រទេសអ៊ីស្រាអែលដើម្បីការពារខ្លួននោះទេ ចាប់តាំងពីការវាយប្រហារនៅថ្ងៃទី៧ខែតុលា ធ្វើឡើងដោយក្រុមសកម្មប្រយុទ្ធហាម៉ាស់។លោកស្រី Harris បានអធិប្បាយបែបនេះ នៅក្នុងសន្និសីទសារព័ត៌មាននៅក្នុងចក្រភពអង់គ្លេស បន្ទាប់ពីការបញ្ចប់កិច្ចប្រជុំកំពូលសុវត្ថិភាពបញ្ញាសម្បនិម្មិត (AI Safety)។ សង្គ្រាមចុងក្រោយ ក្នុងជម្លោះរយៈពេលច្រើនទសវត្សរ៍ បានចាប់ផ្តើមនៅពេលក្រុមសកម្មប្រយុទ្ធហាម៉ាស់ បានសម្រុកឆ្លងកាត់ព្រំដែនកាលពីថ្ងៃទី៧ ខែតុលា សម្លាប់មនុស្ស១.៤០០នាក់ ភាគច្រើនជាជនស៊ីវិល និងបានចាប់ជាចំណាប់ថ្នូរ ជាង២៤០នាក់ ដែលអ៊ីស្រាអែល និយាយថា ជាថ្ងៃដែលមានមនុស្សស្លាប់ច្រើនបំផុតក្នុងប្រវត្តិសាស្ត្ររយៈពេល៧៥ឆ្នាំមកនេះ។យោងតាមអាជ្ញាធរសុខាភិបាលតំបន់ហ្កាហ្សា បានឲ្យដឹងថា ការទម្លាក់គ្រាប់បែករបស់អ៊ីស្រាអែល លើតំបន់ហ៊ុមព័ទ្ធប៉ាឡេស្ទីនដ៍តូចមួយមានពលរដ្ឋ២,៣លាននាក់ បានសម្លាប់មនុស្សយ៉ាងហោចណាស់៩.០៦១នាក់។

អាមេរិកព្រមានអ៊ីស្រាអែល ទល់នឹងការបង្កើនកងកម្លាំងកម្ទេចក្រុមហាម៉ាស នៅហ្កាហ្សា

លោកប្រធានាធិបតីសហរដ្ឋអាមេរិក Joe Biden និងក្រុមទីប្រឹក្សាជាន់ខ្ពស់របស់លោកកំពុងព្រមានអ៊ីស្រាអែលទល់នឹងការបង្កើនកងកម្លាំង ដែលចេះតែកើនឡើងថា នឹងកាន់តែពិបាកសម្រាប់ប្រទេសនេះក្នុងការបន្តគោលដៅយោធារបស់ខ្លួននៅតំបន់ហ្កាហ្សា ស្របពេល ការតវ៉ាជាសកលកាន់តែពុះកញ្ជ្រោលឡើងអំពីទំហំនៃទុក្ខវេទនាមនុស្សធម៌នៅទីនោះ។ លោក Biden រដ្ឋមន្ត្រីការពារជាតិលោក ឡយ អូស្ទីន(Lloyd Austin)និងរដ្ឋមន្ត្រីការបរទេស Antony Blinken ដែលបានចាកចេញកាលពីថ្ងៃព្រហស្បតិ៍ទៅកាន់ប្រទេសអ៊ីស្រាអែល អមដោយសារស្តីពីការការពារជីវិតជនស៊ីវិល សុទ្ធតែបានសង្កត់ធ្ងន់លើករណីនេះយ៉ាងច្បាស់នៅក្នុងការសន្ទនាឯកជននាពេលថ្មីៗនេះជាមួយអ៊ីស្រាអែល ដោយប្រាប់ពួកគេថាការលុបបំបាត់ការគាំទ្រនឹងមានផលវិបាកជាយុទ្ធសាស្ត្រធ្ងន់ធ្ងរ។សម្រាប់ប្រតិបត្តិការកងកម្លាំងការពារអ៊ីស្រាអែលប្រឆាំងនឹងក្រុមហាម៉ាស។ នៅពីក្រោយឆាកសង្គ្រាម ក្រុមមន្ត្រីអាមេរិកក៏ជឿដែរថា មានពេលវេលាកំណត់សម្រាប់អ៊ីស្រាអែល ក្នុងការព្យាយាមសម្រេចគោលបំណងដែលបានបញ្ជាក់របស់ខ្លួនក្នុងកម្ទេចចោលក្រុមហាម៉ាសនៅក្នុងប្រតិបត្តិការបច្ចុប្បន្នរបស់ខ្លួន មុនពេលមានចលាចលជុំវិញការរងទុក្ខវេទនាមនុស្សធម៌ និងជនស៊ីវិល ហើយការអំពាវនាវឱ្យមានបទឈប់បាញ់ជាក់លាក់មួយ។ ពុំមានសញ្ញាណាមួយបង្ហាញថាអ៊ីស្រាអែលបន្ធូរដៃក្នុងការវាយលុកនោះទេ។ យោធាអ៊ីស្រាអែលបាននិយាយកាលពីថ្ងៃព្រហស្បតិ៍ថា ខ្លួនកំពុងស្ថិតនៅជុំវិញទីក្រុងហ្កាហ្សា ហើយបានបង្កើនប្រតិបត្តិការរបស់ខ្លួននៅទីនោះ។ ទូរទស្សន៍ CNN បានឃើញផ្ទៃមេឃនភាគខាងជើងហ្កាហ្សា ត្រូវបានបំភ្លឺដោយអណ្តាតភ្លើង និងការផ្ទុះ ខណៈ ការទម្លាក់គ្រាប់បែកបានកាន់តែសន្ធាប់ឡើងកាលពីយប់ថ្ងៃព្រហស្បតិ៍៕

ការវាយប្រហារតាមអាកាស បានបំផ្ទុះជម្រករបស់UN ខណៈដែលអ៊ីស្រាអែលប្រកាសពីការឡោមព័ទ្ធទីក្រុងហ្កហ្សាទាំងស្រុង

អ្នកនាំពាក្យម្នាក់ បាននិយាយថា យោធាអ៊ីស្រាអែល បានឡោមព័ទ្ធទីក្រុងហ្កាហ្សាទាំងស្រុង ខណៈដែលទីភ្នាក់ងារសង្គ្រោះដ៏សំខាន់របស់អង្គការសហប្រជាជាតិ នៅក្នុងតំបន់ដាច់ស្រយាល បានចោទប្រកាន់យន្តហោះចម្បាំងអ៊ីស្រាអែលថា បានទម្លាក់គ្រាប់បែកយ៉ាងសាហាវទៅលើសាលារៀន ដែលគ្រប់គ្រងដោយUN ដែលផ្តល់ជម្រកដល់ជនស៊ីវិល។រយៈពេលជិតមួយសប្តាហ៍ បន្ទាប់ពីអ៊ីស្រាអែល បានចាប់ផ្តើមចល័តរថក្រោះ គ្រឿងចក្រឈូសឆាយ ទាហានថ្មើរជើង និងអង្គភាពវិស្វករប្រយុទ្ធទៅកាន់តំបន់ហ្គាហ្សា អ្នកនាំពាក្យកងកម្លាំងការពារអ៊ីស្រាអែល(IDF) លោក Daniel Hagari បាននិយាយកាលពីថ្ងៃព្រហស្បតិ៍ថា ទីក្រុងហ្កាហ្សា ត្រូវបានឡោមព័ទ្ធទាំងស្រុង។ លោកបាននិយាយថា អង្គភាពវិស្វកម្មរបស់ IDF កំពុងធ្វើការ ដើម្បីកំណត់ទីតាំង និងបំផ្លាញ ហេដ្ឋារចនាសម្ព័ន្ធក្រោមដី គ្រឿងផ្ទុះ និងការគំរាមកំហែងផ្សេងៗទៀត ដើម្បីឲ្យកងទ័ពអាចផ្លាស់ទីបានដោយសេរី។លោក បាននិយាយថា ទីភ្នាក់ងារជំនួយ និងការងាររបស់អង្គការសហប្រជាជាតិ បានគូសបញ្ជាក់ពីចំនួនជនស៊ីវិលនៃជម្លោះដែលកំពុងបន្ត បន្ទាប់ពីប្រធានទីភ្នាក់ងារ លោក Philippe Lazzarini បានប្រកាសថា យន្តហោះចម្បាំងរបស់អ៊ីស្រាអែល បានវាយប្រហារសាលារៀនជាច្រើនដែលគ្រប់គ្រងដោយUN ដែលកំពុងផ្តល់ជម្រកដល់ជនស៊ីវិល។ មនុស្សជាង ២០នាក់ ត្រូវបានគេរាយការណ៍ថា បានស្លាប់ក្នុងការវាយប្រហារនោះ។លោកបាននិយាយថា៖«ក្នុងរយៈពេលប៉ុន្មានម៉ោងចុងក្រោយនេះ ខ្ញុំបានទទួលរបាយការណ៍ថា សាលារៀនរបស់យើងចំនួនបីដែលផ្តល់ជម្រកដល់មនុស្សប្រហែល ២០.000នាក់ ត្រូវរងការវាយប្រហារ។ ការវាយប្រហានេះ ត្រូវបានគេរាយការណ៍ថា បានបណ្តាលឲ្យមនុស្សជាង២០នាក់ស្លាប់ នៅក្នុងទីក្រុង Jabalya ហើយក៏មានមនុស្សម្នាក់ទៀត នៅឯជំរំឆ្នេរផងដែរ»។ សេចក្តីថ្លែងការណ៍របស់ UNRWA ក្រោយមកបាននិយាយថា ជម្រកដែលប្តូរទៅសាលារៀនទី៤ ត្រូវបានវាយប្រហារ។ សារព័ត៌មាន CNN បានស្នើសុំឲ្យកងកម្លាំងការពារអ៊ីស្រាអែល (IDF) ធ្វើអត្ថាធិប្បាយ។

អ៊ីស្រាអែលនិយាយថា កងកម្លាំងរបស់ខ្លួនបានឡោមព័ទ្ធទីក្រុងហ្កាហ្សាហើយ

យោធាអ៊ីស្រាអែលបាននិយាយថា កងកម្លាំងរបស់ខ្លួន កាលពីថ្ងៃព្រហស្បតិ៍បានឡោមព័ទ្ធទីក្រុងហ្កាហ្សា ជាទីក្រុងសំខាន់របស់ហ្កាហ្សាស្ទ្រីប (Gaza Strip)ក្នុងការវាយលុករបស់ពួកគេលើក្រុមហាម៉ាស ប៉ុន្តែក្រុមសកម្មប្រយុទ្ធប៉ាឡេស្ទីនបានទប់ទល់នឹងវាយប្រហារដ៏សន្ធាប់របស់ពួកគេ វាយប្រហារពីផ្លូវរូងក្រោមដី។ ទីក្រុងនៅភាគខាងជើងតំបន់ហ្កាហ្សាស្រ្ទីប បានក្លាយជាគោលដៅចម្បងបំផុតនៃការវាយប្រហារសម្រាប់អ៊ីស្រាអែល ដែលបានប្តេជ្ញាថានឹងបំផ្លាញរចនាសម្ព័ន្ធបញ្ជាការដ្ឋានរបស់ក្រុមអ៊ីស្លាមមួយនេះ ហើយបានប្រាប់ជនស៊ីវិលឱ្យភៀសខ្លួនទៅកាន់ភាគខាងត្បូង។ លោកនាយករដ្ឋមន្ត្រី បេន ចាមីន ណេតាន យ៉ាហ៊ូ (Benjamin Netanyahu) បាននិយាយនៅក្នុងសេចក្តីថ្លែងការណ៍មួយថា យើងឈានដល់កម្រិតកំពូលនៃសមរភូមិ។ យើងបានទទួលជោគជ័យគួរឱ្យចាប់អារម្មណ៍ ហើយបានឆ្លងផុតហួស ជាយក្រុង ហ្កាហ្សា ហើយ ។ យើងកំពុងឈានទៅមុខ ។ លោកពុំបានផ្តល់ព័ត៌មានលម្អិតបន្ថែមទេ។ ស្របពេលមានការផ្ទុះយ៉ាងខ្លាំងនៅក្នុងតំបន់ហ្កាហ្សា អ្នកនាំពាក្យយោធាអ៊ីស្រាអែល លោកឧត្តមនាវីទោដានីញែល ហាហ្គារី (Daniel Hagari) បានប្រាប់អ្នកយកព័ត៌មានថា កងទ័ពប្រទេសរបស់លោកបានបញ្ចប់ការឡោមព័ទ្ធទីក្រុង ហ្កាហ្សា ហើយ ដែលជាចំណុចស្នូលនៃអង្គការភេរវកម្មហាម៉ាស ។ចំណែក លោក អាប៊ូ អ៊ូបៃដា(Abu Ubaida) អ្នកនាំពាក្យក្រុមប្រដាប់អាវុធហាម៉ាសបាននិយាយក្នុងសុន្ទរកថាតាមទូរទស្សន៍មួយកាលពីថ្ងៃព្រហស្បតិ៍ថា ចំនួនអ្នកស្លាប់របស់ទាហានអ៊ីស្រាអែលនៅហ្កាហ្សាមានចំនួនច្រើនជាងដែលយោធាបានប្រកាស។ លោកបាននិយាយថា ទាហានរបស់អ្នកនឹងត្រលប់មកវិញដោយថង់រុំសាកសពពណ៌ខ្មៅ ។អ៊ីស្រាអែលបាននិយាយថា ខ្លួនបានបាត់បង់ទាហាន១៨នាក់ និងបានសម្លាប់ពួកសកម្មប្រយុទ្ធរាប់សិបនាក់ ចាប់តាំងពីប្រតិបត្តិការថ្មើរជើងបានពង្រីកកាលពីថ្ងៃសុក្រមក៕

បណ្ដាញសង្គម

ព័ត៌មានថ្មីៗ

ក្រសួងឧស្សាហកម្មបើកយុទ្ធនាការអភិវឌ្ឍន៍សហគ្រាស និងអនុលោមភាពផលិតផល លើកកម្ពស់ សហគ្រាសក្នុងស្រុក

រលករញ្ជួយកម្រិត ៤,៦រ៉ិចទ័រ បានអង្រួនទីក្រុង Caracas ខណៈប្រតិបត្តិការរុករកបន្តសម្រាប់អ្នករស់រាន

ប៉ូឡូញបញ្ជាទិញនាវាមុជទឹក ៣គ្រឿងពីក្រុមហ៊ុន Saab របស់ស៊ុយអែត ក្នុងតម្លៃជាង ៤,៨ពាន់លានដុល្លារ

ទីក្រុងគីវរបស់អ៊ុយក្រែនមើលឃើញសីតុណ្ហភាពកើនឡើងដល់ ៣៤អង្សាសេ ខណៈរលកកម្តៅវាយប្រហារអឺរ៉ុប

កង្វះខាតប្រេងជំរុញឲ្យពលរដ្ឋរស់នៅទីក្រុង Rostov របស់រុស្ស៊ី ដើរទៅធ្វើការ ឬឈប់ធ្វើការ

ពលរដ្ឋហ្កាហ្សារៀបចំពិធីបុណ្យសពសម្រាប់ជនប៉ាឡេស្ទីនត្រូវបានសម្លាប់នៅក្នុងការវាយប្រហាររបស់អ៊ីស្រាអែលជន

មនុស្ស ៣ស្លាប់ ក្រោយជញ្ជាំងស្ថិតក្រោមការសាងសង់បាក់រលំនៅភាគពាយ័ព្យប្រទេសឥណ្ឌា

លោក Macronជួបស្តេចស៊ូតង់អូម៉ង់ នៅទីក្រុងប៉ារីសជាទីដែលរដ្ឋាភិបាលទាំង ២ចុះហត្ថលេខាកិច្ចព្រមព្រៀងសហប្រតិបត្តិការ

វិមានក្រឹមឡាំង៖ គោលជំហររបស់រុស្ស៊ីចំពោះលក្ខខណ្ឌកិច្ចព្រមព្រៀងសន្តិភាពអ៊ុយក្រែនមិនផ្លាស់ប្តូរចាប់តាំងពីឆ្នាំ ២០២៤

តំបន់ភាគអាគ្នេយ៍អឺរ៉ុបមានអារម្មណ៍ថា រងឥទ្ធិពលពីរលកកម្តៅ ខណៈភ្លើងឆេះព្រៃឆាបឆេះឡើង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877