នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្នងការរាជធានី អំពាវនាវដល់យុវជនជៀសឆ្ងាយពីសកម្មភាពក្មេងទំនើង បើប្រព្រឹត្ត​ល្មើស​មានតែ​ការអនុវត្តផ្លូវច្បាប់ប៉ុណ្ណោះ
មន្ត្រីជំនាញ៖ Online Scams នៅកម្ពុជា កំពុងត្រូវបានបង្ក្រាប​យ៉ាងសកម្ម​ទោះ​មាន​លក្ខណៈ​ស្មុគ​ស្មាញ
ជនបន្លំយកលុយពីភ្ញៀវបរទេស២ពាន់ដុល្លារ នៅផ្សារច្បារអំពៅ ត្រូវបានសមត្ថកិច្ចរាជធានីស្រាវជ្រាវឃាត់ខ្លួន និងយកថវិការជូនជនរងគ្រោះវិញ
តំណាងអយ្យការចោទប្រកាន់ជនសង្ស័យម្នាក់យករូបថ្នាក់ដឹកនាំធ្វើជាប្រូហ្វាល់ ជាមធ្យោបាយគំរាមជនរងគ្រោះជំរិតទារប្រាក់

សន្តិសុខ និង សង្គម

ប៉ាឡេស្ទីនអង្វរឲ្យ«បញ្ឈប់ទម្លាក់គ្រាប់បែក» នៅឯកិច្ចប្រជុំUN ប៉ុន្តែអ៊ីស្រាអែលអះអាងថា ក្រុមហាម៉ាសត្រូវតែត្រូវ«លុបបំបាត់»

2023/10/27 01:47:19 pm        168
Facebook Telegram Linkin
ឯកអគ្គរដ្ឋទូតប៉ាឡេស្ទីន បានអង្វរនៅឯកិច្ចប្រជុំដ៏រំជួលចិត្តមួយរបស់អង្គការសហប្រជាជាតិ កាលពីថ្ងៃព្រហស្បតិ៍ស្តីពីសង្គ្រាមនៅតំបន់ហ្គាហ្សាថា៖«សូមបញ្ឈប់ទម្លាក់គ្រាប់បែក និងជួយសង្គ្រោះជីវិតមនុស្ស!»។ ប៉ុន្តែបេសកជនរបស់អ៊ីស្រាអែលមានចិត្តរឹងរូស ដោយបានប្រកាសជាថ្មីថា «យើងនឹងមិនសម្រាករហូតដល់ក្រុមហាម៉ាស ត្រូវបានលុបបំបាត់ទេ»។កិច្ចប្រជុំស្តីពីសង្រ្គាមដែលបង្កឡើងដោយការវាយប្រហារគួរឲ្យភ្ញាក់ផ្អើលរបស់មេដឹកនាំក្រុមហាម៉ាស នៅតំបន់ហ្គាហ្សាទៅលើអ៊ីស្រាអែលកាលពីថ្ងៃទី៧ ខែតុលា ត្រូវបានធ្វើឡើងនៅសាលធំនៃមហាសន្និបាតមានប្រទេសចំនួន១៩៣ចូលរួម ជាកន្លែងដែលប្រទេសអារ៉ាប់រំពឹងថា នឹងអនុម័តដំណោះស្រាយមួយ នៅថ្ងៃសុក្រ ដែលអំពាវនាវឲ្យមានបទឈប់បាញ់ភ្លាមៗ នៅហ្គាហ្សា បន្ទាប់ពីកិច្ចប្រឹងប្រែងបរាជ័យចំនួន៤លើករបស់ក្រុមប្រឹក្សាសន្តិសុខ ក្នុងការយល់ព្រមលើសកម្មភាពណាមួយ។នៅសម័យប្រជុំពិសេសបន្ទាន់របស់មហាសន្និបាទUNស្តីពីសកម្មភាពអ៊ីស្រាអែលក្នុងទឹកដីប៉ាឡេស្ទីន កាលពីថ្ងៃព្រហស្បតិ៍ អ្នកចូលរួមម្នាក់ៗ គាំទ្រការអំពាវនាវបទឈប់បាញ់របស់ដំណោះស្រាយអារ៉ាប់ លើកលែងតែឯកអគ្គរដ្ឋទូតរដ្ឋទូតរបស់អ៊ីស្រាអែលប្រចាំនៅUN លោក Gilad Erdan ដែលបានប្រាប់អង្គការពិភពលោកនេះថា៖«បទឈប់បាញ់មួយ មានន័យថា ជាការផ្តល់ពេលវេលាដល់ក្រុមហាម៉ាស ដើម្បីពង្រឹងខ្លួនពួកគេ ដូច្នេះពួកគេ អាចសម្លាប់យើងវិញ»។បន្ទាប់ពីបានដកស្រង់សេចក្តីថ្លែងការណ៍របស់ក្រុមហាម៉ាសជាច្រើន ដែលបានប្តេជ្ញាថា នឹងបំផ្លាញអ៊ីស្រាអែល និងជនជាតិជ្វីហ្វ លោក Erdan បាននិយាយថា៖««ការអំពាវនាវឲ្យមានបទឈប់បាញ់ណាមួយ មិនមែនជាកិច្ចប្រឹងប្រែង ដើម្បីសន្តិភាពទេ។ វាគឺជាកិច្ចប្រឹងប្រែង ដើម្បីចងដៃអ៊ីស្រាអែល ដោយរារាំងយើងពីការលុបបំបាត់ការគំរាមកំហែងដ៏ធំដល់ពលរដ្ឋរបស់យើង»។

រដ្ឋ Maine តាមប្រមាញ់ទាហានបម្រុង ដែលសង្ស័យសម្លាប់មនុស្ស១៨នាក់ នៅទីក្រុង

2023/10/27 01:39:29 pm        94
Facebook Telegram Linkin
នគរបាលរដ្ឋ Maine កាលពីថ្ងៃព្រហស្បតិ៍ បានតាមស្វែងរកចាប់ខ្លួនទាហានបម្រុងអាមេរិកម្នាក់ ពីបទ ឃាតកម្ម បន្ទាប់ពីមនុស្ស១៨នាក់ត្រូវបានសម្លាប់និង១៣នាក់ផ្សេងទៀតរងរបួស ក្នុងការវាយប្រហារដោយការបាញ់រះនៅផ្លូវចង្អៀតមួយនៅកន្លែងបោះប៊ូលីង និងរង្គសាលមួយកន្លែង នៅក្នុងទីក្រុង Lewiston កាលពីយប់មុន។ នៅក្នុងការតាមប្រមាញ់ជនសង្ស័យ នគរបាលត្រូវបានដាក់ពង្រាយនៅទូទាំងរដ្ឋ Maine ភាគខាងត្បូង ដោយមានដីការចាប់ខ្លួន លោក Robert R. Card ជាពលបាលត្រី នៅជិតមូលដ្ឋានទាហានបម្រុងសហរដ្ឋអាមេរិក ដែលមន្ត្រីអនុវត្តច្បាប់បាននិយាយថាត្រូវបានដាក់ឲ្យស្នាក់នៅបណ្តោះអាសន្ននៅទីតាំងមណ្ឌលសុខភាពខួក្បាល កាលពីរដូវក្តៅ។យោងតាមសារព័ត៌មាន ABC បានឲ្យដឹងថា នគរបាល បានទៅហ៊ុមព័ទ្ធលំនៅឋាន របស់ឪពុកជនសង្ស័យ នៅក្នុងទីក្រុង Bowdoin រដ្ឋ Maine ជាកន្លែងដែលពួកគេ បានជឿថា លោក Card កំពុងលាក់ខ្លួនកាលពីយប់ថ្ងៃព្រហស្បតិ៍។ សាលារៀនរដ្ឋ ជាច្រើនកន្លែងនៅក្នុងតំបន់ បានផ្អាកថ្នាក់រៀន កាលពីថ្ងៃព្រសហស្បតិ៍ ហើយនគរបាល បានជំរុញឲ្យពលរដ្ឋ ស្នាក់នៅខាងក្នុង។

ក្រុមអ្នកវិភាគនិងមេដឹកនាំប្រទេសជាច្រើនលើពិភពលោក បង្ហាញប្រតិកម្មផ្សេងគ្នា ចំពោះមរណភាពរបស់ លោក Li Keqiang

2023/10/27 01:36:22 pm        128
Facebook Telegram Linkin
សារព័ត៌មានរដ្ឋ បាននិយាយនៅថ្ងៃសុក្រទី២៧ខែតុលានេះថា អតីតនាយករដ្ឋចិន លោក Li Keqiang បានទទួលមរណភាពភ្លាមៗដោយសារគាំងបេះដូង ក្នុងវ័យ៦៨ឆ្នាំ ។ការបាត់បង់រូបលោក បានបង្កឲ្យមានប្រតិកម្ម និងការសោកស្ដាយ រូបលោក ពីបណ្ដាមេដឹកនាំពិភពលោក និងក្រុមអ្នកវិភាគ ជាច្រើន ។ ជាក់ស្ដែង លោក ADAM NI ជាអ្នកនិពន្ធនិង ជាអ្នកវិភាគនយោបាយឯករាជ្យរបស់ចិន បាននិយាយថា លោក Li គឺជានាយករដ្ឋមន្ត្រី ដែលឈរដោយគ្មានអំណាច ខណៈចិន ងាកចេញឆ្ងាយភ្លាមៗពីការធ្វើកំណែទម្រង់ និងការបើកចំហ។ លោក DALI YANG សាស្ត្រាចារ្យនយោបាយ នៃសាកលវិទ្យាល័យ CHICAGO និយាយថា ព្រំដែនសម្រាប់ការបង្កើតគោលនយោបាយនិងការអនុវត្តន៍របស់លោក Li បានក្លាយជាឈ្នាន់សម្រាប់លោកប្រធានាធិបតី Xi Jinping ។ លោក CHEN DAOYIN អ្នកវិភាគនយោបាយចិនឯករាជ្យ នៅប្រទេសឈីលី បាននិយាយថា លោក Li គឺជាបុគ្គលសំបូរដោយគំនិត ប៉ុន្តែគ្មានដំណោះស្រាយ ។លោកពុំបានទទួលស្នាដៃច្រើនទេ ក្នុងឋានៈនាយករដ្ឋមន្ត្រី។ លោក ហីរ៉ូកាស៊ុ ម៉ាតស៊ូណូ (HIROKAZU MATSUNO) ប្រធានខុទ្ធការល័យរបស់ប្រទេសជប៉ុន បាននិយាយថា អតីតនាយករដ្ឋចិន លោក Li Keqiang បានដើរតួនាទីយ៉ាងសំខាន់ក្នុងទំនាក់ទំនង រវាងចិន និងជប៉ុន រួមទាំង ដំណើរទស្សនកិច្ចផ្លូវការរបស់លោកមកកាន់ប្រទេសជប៉ុនអំឡុង ជំនួបកំពូលត្រីភាគីរវាងជប៉ុន និងនិង កូរ៉េខាងត្បូង កាលពីខែឧសភាឆ្នាំ២០១៨។ យើងសូមផ្ញើការរំលែកទុក្ខដ៏ក្រៀមក្រមចំពោះអតីតនាយករដ្ឋមន្ត្រី Li Keqiang។ លោក NEIL THOMAS អ្នកវិភាគនៅជមជ្ឈមណ្ឌលចិនរបស់វិទ្យាស្ថានគោលនយោបាយសង្គមរបស់អាស៊ី បាននិយាយថា លោក Xi ទំនងជានឹងគោរពប្រពៃណីគណបក្ស និងដឹកនាំការកាន់ទុក្ខជាសាធារណៈចំពោះលោក Li ដោយសារតែលោកគ្មានហេតុផលក្នុងការខឹងសម្បាមិត្តរួមការងារ និងអ្នកគាំទ្ររបស់លោក Li ក្នុងបក្ស ដែលឥទ្ធិពលនយោបាយរបស់ពួកគេ កាន់តែចុះខ្សោយដោយការស្លាប់របស់លោក៕

អង្គភាពយោធា និងអង្គភាពK-9 ចូលរួមស្វែងរកជនសង្ស័យបាញ់ប្រហារសម្លាប់មនុស្សរាប់សិបនាក់នៅរដ្ឋ Maine

2023/10/27 12:46:26 pm        132
Facebook Telegram Linkin
អង្គភាពយោធានិងអង្គភាពសុនខនគរបាលឬ K-9 បានចូលរួមស្វែងរកជនសង្ស័យជាទាហានបម្រុងអាមេរិកនៅរដ្ឋ Maine ជាប់ពាក់ព័ន្ធនឹងការបាញ់ប្រហារសម្លាប់រង្គាល កាលពីយប់ថ្ងៃពុធទី២៥ខែតុលា ក្នុងការបាញ់ប្រហារដែលបានសម្លាប់មនុស្ស១៨នាក់ និង១៣នាក់ផ្សេងទៀតរងរបួសនៅកន្លែងបោះប៊ូលីង និងក្លឹបកម្សាន្តក្នុងទីក្រុង Lewiston សហរដ្ឋអាមេរិក ។ ទីក្រុង Lewiston ដែលជាអតីតមជ្ឈមណ្ឌល វាយនភណ្ឌ មានប្រជាជនរស់នៅប្រមាណ៣៨.០០០នាក់ និងបណ្ដាសហគមន៍ជិតខាងនានា បានបិទស្ទើរទាំងស្រុង ដើម្បីទុកពេលឲ្យក្រុមមន្ត្រី រាប់រយនាក់ពង្រីកការស្វែងរកចាប់ខ្លួនជនសង្ស័យ ។ ក្រុមអាជ្ញាធរ បានស្វែងរកតាម ព្រៃឈើ ផ្លូវទឹក និងនៅក្នុងទីប្រជុំជននានា ។នគរបាលបានចេញដីការចាប់ខ្លួន បុរសជនសង្ស័យឈ្មោះ Robert R. Card វ័យ៤០ ឆ្នាំ ដែលឋានៈពលបាលត្រី នៅជិតមូលដ្ឋានទ័ពបម្រុងសហរដ្ឋអាមេរិក ។ ក្រុមមន្ត្រីអនុវត្តន៍ច្បាប់ បាននិយាយថាជនល្មើសធ្លាប់ត្រូវបានបញ្ជូនទៅព្យាបាលបណ្ដោះអាសន្ន នៅមន្ទីរពេទ្យវិលកចរឹតកាលពីរដូវក្ដៅកន្លងទៅ ៕

កងទ័ពអាមេរិក៩០០នាក់ កំពុងធ្វើដំណើរទៅកាន់មជ្ឈិមបូព៌ា ដើម្បីជួយការពារ ខណៈការប្រយុទ្ធគ្នាកើនឡើង

2023/10/27 12:43:22 pm        205
Facebook Telegram Linkin
មន្ទីរបញ្ចកោណបាននិយាយកាលពីថ្ងៃព្រហស្បតិ៍ថា កងទ័ពសហរដ្ឋអាមេរិកបន្ថែមចំនួន៩០០នាក់ កំពុងធ្វើដំណើរទៅកាន់មជ្ឈិមបូព៌ា ឬបានទៅដល់ទីនោះថ្មីៗនេះ ដើម្បីគាំទ្រការពារដែនអាកាសជួយដល់បុគ្គលិកសហរដ្ឋអាមេរិក ក្នុងពេលមានការកើនឡើងការវាយប្រហារនៅក្នុងតំបន់ដោយធ្វើឡើងក្រុមមានទំនាក់ទំនងជាមួយប្រទេសអ៊ីរ៉ង់។អ្នកនាំពាក្យមន្ទីរបញ្ចកោណ ឧត្តមសេនីយ៍ត្រី Patrick Ryder បាននិយាយនៅក្នុងសន្និសីទសារព័ត៌មានថា ខណៈភាពតានតឹងកើនឡើង ជុំវិញសង្គ្រាមអ៊ីស្រាអែល និងក្រុមហាម៉ាស់ កងទ័ពសហរដ្ឋអាមេរិក ត្រូវបានវាយប្រហារយ៉ាងហោចណាស់១២ដង នៅក្នុងប្រទេសអ៊ីរ៉ាក់ និង៤ដងនៅក្នុងប្រទេសស៊ីរី ក្នុងសប្តាហ៍កន្លងទៅនេះ ។ លោក Ryder និយាយថា កងកម្លាំងសហរដ្ឋអាមេរិក ត្រូវបានដាក់គោលដៅកាលពីព្រឹកថ្ងៃព្រហស្បតិ៍ នៅក្នុងប្រទេសអ៊ីរ៉ាក់ ប៉ុន្តែការវាយប្រហារបានបរាជ័យ។ទីបញ្ជាការកណ្តាលសហរដ្ឋអាមេរិក បានប្រាប់សារព័ត៌មាន NBC កាលពីថ្ងៃអង្គារថា បុគ្គលិកយោធាជាង២០នាក់ បានរងរបួសកាលពីសប្តាហ៍មុន ក្នុងការវាយប្រហារដោយយានដ្រូនជាបន្តបន្ទាប់ នៅមូលដ្ឋានអាមេរិក ក្នុងប្រទេសអ៊ីរ៉ាក់ និងស៊ីរី។

ការប្រមូលផ្តុំគាំទ្រពលរដ្ឋប៉ាឡេស្ទីន ក្នុងទីក្រុងព្រុចសែល អំឡុងកិច្ចប្រជុំកំពូលសហភាពអឺរ៉ុប

2023/10/27 12:39:44 pm        130
Facebook Telegram Linkin
ក្រុមអ្នកតវ៉ាជាច្រើន នៅខាងក្រៅទីតាំងប្រជុំនៅទីក្រុងព្រុចសែល ជាកន្លែងដែលមេដឹកនាំសហភាពអឺរ៉ុប កំពុងជួបប្រជុំគ្នា ព្រមព្រៀងចំពោះការអំពាវនាវផ្អាកសង្គ្រាមសម្រាប់ផ្នែកមនុស្សធម៌ដើម្បីអនុញ្ញាតឲ្យជំនួយចូលទៅក្នុងតំបន់ហ្កាហ្សា ដែលសេចក្តីថ្លែងការណ៍កាលពីថ្ងៃព្រហស្បតិ៍បាននិយាយថានៅមិនគ្រប់គ្រាន់ឆ្ងាយពីតម្រូវការ។ នៅក្នុងសេចក្តីប្រកាសមួយ ដែលបានព្រមព្រៀងនៅក្នុងកិច្ចប្រជុំកំពូល បណ្តាមេដឹកនាំទាំង២៧ប្រទេសរបស់សហភាពនេះ បានសម្តែងការព្រួយបារម្ភខ្លាំងបំផុត សម្រាប់ការធ្លាក់ចុះកាន់តែធ្ងន់ធ្ងរស្ថានភាពមនុស្សធម៌ នៅក្នុងតំបន់ហ្កហ្សា។ ពួកគេបាន អំពាវនាឲ្យមានដំណើរការមនុស្សធម៌ដែលពុំត្រូវបានរារាំង សុវត្ថិភាព រហ័ស និងបន្ត ហើយជំនួយនេះនឹងទៅដល់អ្នកទាំងឡាយណាដែលត្រូវការតាមរយៈវិធានការចាំបាច់ទាំងអស់ រួមមានទាំងច្រករបៀងមនុស្សធម៌ និងការផ្អាកការប្រយុទ្ធគ្នាសម្រាប់តម្រូវការមនុស្សធម៌។ប៉ុន្តែក្រុមអ្នកតវ៉ារាប់រយនាក់ បានមកប្រមូលផ្តុំគ្នានៅខាងក្រៅ កំពុងតែក្រវីស្លាកសញ្ញាផ្សេងៗ អំពាវនាវការផ្អាកយុទ្ធនាការទម្លាក់គ្រាប់បែករបស់អ៊ីស្រាអែលជាការឆ្លើយតបទៅនឹងការវាយប្រហារកាលពីថ្ងៃទី៧ ខែតុលា និងបាននិយាយថា មេដឹកនាំអឺរ៉ុបគួរតែធ្វើការងារបន្ថែមលើនេះ។អ្នកតវ៉ា និយាយថា វាបានធ្វើឲ្យមេដឹកនាំអឺរ៉ុបចំណាយពេល២៤ម៉ោង ដើម្បីជួយពលរដ្ឋអ៊ុយក្រែន ហើយពេលនេះមេដឹកនាំប្រហែលជាចំណាយពេល១ខែដើម្បីជួយពលរដ្ឋប៉ាឡេស្ទីន នៅពេលដែលបញ្ហានេះបន្តអស់រយៈពេល៧០ឆ្នាំមកនេះ។

ការបាញ់សម្លាប់រង្គាលនៅរដ្ឋ Maine គឺជាករណីលើកទី៥៦៥ របស់អាមេរិក ក្នុងឆ្នាំនេះ

2023/10/27 12:35:13 pm        88
Facebook Telegram Linkin
អាមេរិក ត្រូវបានរង្គោះរង្គើដោយការបាញ់ប្រហារសម្លាប់រង្គាលមួយទៀត បន្ទាប់ពីក្រុមអាជ្ញាធរនិយាយថា ខ្មាន់កាំភ្លើងម្នាក់ បានបើកការបាញ់ប្រហារនៅទីលានលេងកីឡាប៊ូលីង និងបារមួយកន្លែង ក្នុងទីក្រុង Lewiston រដ្ឋ Maine របស់សហរដ្ឋអាមេរិក ដែលបានសម្លាប់មនុស្សយ៉ាងតិច ១៨នាក់។ការបាញ់ប្រហារសម្លាប់រង្គាលនេះ គឺជាករណីដ៏ធំលើកទី៥៦៥ ដែលធ្វើឱ្យកក្រើកសហរដ្ឋអាមេរិក នៅឆ្នាំនេះ បើយោងតាមគេហទំព័រតាមដានហិង្សាដោយអាវុធ GVA ដែលចាត់ថ្នាក់ការបាញ់សម្លាប់រង្គាល នៅពេលដែលមានមនុស្ស ៤នាក់ ឬច្រើននាក់ ត្រូវបានបាញ់សម្លាប់ ដោយមិនរាប់បញ្ចូលទាំងជនល្មើសនៅក្នុងទីតាំងដូចគ្នា និងពេលវេលានៅកន្លែងកើតហេតុ។ដូចជារយៈពេលច្រើនឆ្នាំមុនដែរ ឆ្នាំ២០២៣នេះ ត្រូវបានកត់សម្គាល់ដោយការបាញ់ប្រហារដ៏ធំជាច្រើនករណីនៅក្នុងមជ្ឈមណ្ឌលផ្សារទំនើបសាធារណៈ នៅក្នុងតំបន់លំនៅឋាន សាលារៀន លំនៅដ្ឋានឯកជន និងច្រើនកន្លែងទៀតនៅទូទាំងសហរដ្ឋអាមេរិកផងដែរ៕

ចំនួនអ្នកស្លាប់ក្នុងជម្លោះប៉ាឡេស្ទីន និងអ៊ីស្រាអែល កើនឡើងលើសពី ៨.០០០នាក់

2023/10/27 12:31:11 pm        119
Facebook Telegram Linkin
ជម្លោះរវាងក្រុមសកម្មប្រយុទ្ធប៉ាឡេស្ទីនហាម៉ាស និងអ៊ីស្រាអែល ដែលកំពុងកើនឡើង ឥឡូវនេះបានសម្លាប់មនុស្សសរុបជាង ៨.០០០នាក់ នៅភាគីទាំងពីរ ខណៈដែលការប្រយុទ្ធគ្នាបានឈានចូលដល់ថ្ងៃទី ២១ របស់ខ្លួន នៅថ្ងៃសុក្រ (២៧ តុលា) នេះ។ ក្រសួងសុខាភិបាល ដែលគ្រប់គ្រងដោយក្រុមហាម៉ាស បានធ្វើបច្ចុប្បន្នភាពចំនួនអ្នកស្លាប់របស់ប៉ាឡេស្ទីន ដល់ចំនួន ៧.០២៨នាក់ ខណៈដែលមនុស្សចំនួន ១៨.៤៨៤នាក់ផ្សេងទៀតបានរងរបួស។ចំនួនអ្នកស្លាប់នៅខាងអ៊ីស្រាអែល មានចំនួន ១.៤០០នាក់ នេះបើយោងតាមទិន្នន័យពីក្រសួងសុខាភិបាលអ៊ីស្រាអែល ដែលបានដកស្រង់ដោយសារព័ត៌មាន Jerusalem Post ។ ចំនួនជនភៀសខ្លួនខាងក្នុង (IDPs) ដែលកំពុងស្នាក់នៅក្នុងមូលដ្ឋានរបស់អង្គការសហប្រជាជាតិ នៅទូទាំងតំបន់ហ្កាហ្សា បានកើនឡើងលើសពី ៦១៣.០០០នាក់ នេះបើយោងតាមសេចក្តីថ្លែងការណ៍របស់ទីភ្នាក់ងារអង្គការសហប្រជាជាតិ ប្រចាំតំបន់ហ្កាហ្សា កាលពីថ្ងៃពុធ។ទីភ្នាក់ងារជំនួយ និងការងាររបស់អង្គការសហប្រជាជាតិ សម្រាប់ជនភៀសខ្លួនប៉ាឡេស្ទីន នៅតំបន់ដើមបូព៌ា (UNRWA) ក៏បានព្រមានពីផលប៉ះពាល់ដ៏អាក្រក់នៃការខ្វះខាតប្រេងឥន្ធនៈលើការងាររបស់ខ្លួននៅក្នុងតំបន់ហ៊ុមព័ទ្ធមួយនេះផងដែរ។ ក្រុមហាម៉ាស ដែលគ្រប់គ្រងតំបន់ហ្កាហ្សា ស្ទ្រីប បានបើកការវាយប្រហារដ៏គួរឱ្យភ្ញាក់ផ្អើលមួយលើអ៊ីស្រាអែលកាល ពីថ្ងៃទី៧ ខែតុលា។ ជាការឆ្លើយតប យោធាអ៊ីស្រាអែល បានធ្វើការវាយប្រហារតាមអាកាសសំដៅលើទីតាំង និងទីស្នាក់ការកណ្តាលជាច្រើនរបស់ក្រុមហាម៉ាស នៅក្នុងតំបន់ឆ្នេរហ៊ុមព័ទ្ធមួយនេះ ហើយការប្រយុទ្ធគ្នាចុងក្រោយបំផុតនេះ បាននាំឱ្យមានអ្នករងរបួសយ៉ាងច្រើនសន្ធឹកសន្ធាប់សម្រាប់ភាគីជម្លោះទាំងសងខាង៕

អាជ្ញាធរសង្កាត់បឹងទំពុន២ ចុះណែនាំពលរដ្ឋអំពីការរៀបចំទុកដាក់កាកសំណល់រឹងរាវឱ្យបានត្រឹមត្រូវ

2023/10/27 12:12:53 pm        412
Facebook Telegram Linkin
ភ្នំពេញ៖ អាជ្ញាធរសង្កាត់បឹងទំពន់ទី២ បានបន្តការចុះអប់រំផ្សព្វផ្សាយដល់ពលរដ្ឋ ទុកដាក់សំរាមឱ្យបានត្រឹមត្រូវ ដើម្បីរក្សាបានបរិស្ថានអនាម័យ និងបញ្ចៀសបានពីការជន់លិច ដោយសារសំរាមហូរចូលតាមប្រព័ន្ធលូបង្ហូរទឹកជាដើម ។លោក អ៊ុម ហ៊ុយឈុនហេង ចៅសង្កាត់បឹងទំពន់ទី២ បានប្រាប់ BTV ឱ្យដឹងថា កិច្ចការងារនេះ គឺជា​កាតព្វកិច្ច​ស្នូលមួយដែលរដ្ឋបាលសង្កាត់ត្រូវ​គិតគូរ​ និងអនុវត្តជាប្រចាំ​ ជាមួយប្រជាពលរដ្ឋ ដើម្បីធានាបានថា​ ពលរដ្ឋមានការចូលរួម រក្សាការទុកដាក់សំរាមបានត្រឹមត្រូវ ​ទាំងម៉ោងពេល និងទីកន្លែង ។លោកចៅសង្កាត់បន្ថែមថា សំរាម ក៏ជាផ្នែកមួយចម្បង​ នៃការបង្កឱ្យមានជាការជន់លិចផងដែរ ពេលមានភ្លៀងធ្លាក់ ​ព្រោះប្រសិនណាពលរដ្ឋទុកដាក់សំរាមមិនបានត្រឹមត្រូវ វានឹងហូរ​ទៅ​តាមទឹកចូលទៅតាមប្រព័ន្ធលូ ​ដែលធ្វើឱ្យកកស្ទះនៅតាមច្រកលូ​ ធ្វើឱ្យចរន្តហូរទៅយឺត ឬក៏ពុំអាចហូរបានជាដើម ។ពលរដ្ឋបង្ហាញក្តីរីករាយ ចំពោះការបន្តចុះណែនាំជារឿយៗ​របស់អាជ្ញាធរ ​ហើយពួកគាត់ក៏ពេញចិត្ត​ក្នុងការចូលរួម ​ដើម្បីរក្សាបានបរិស្ថានអនាម័យ​ ក្នុងមូលដ្ឋានរស់នៅរបស់គាត់ផងដែរ ។ សូមបញ្ជាក់ថា អាជ្ញាធរនៅតែបន្តសកម្មភាពចុះអប់រំផ្សព្វផ្សាយដល់ពលរដ្ឋទាំងអស់ នៅ​ក្នុងភូមិទាំង១១ ក្នុងសង្កាត់បឹងទំពន់២​ ដើម្បី​បញ្ជ្រាប​ឱ្យពលរដ្ឋទទួលបានការយល់ដឹងខ្ពស់ លើការទុកដាក់សំរាមនេះ ៕ អត្ថបទ ៖ លីហេង 

អ៊ីស្រាអែល បញ្ជូនសព្វាវុធបន្ថែមទៀត នៅព្រំដែនភាគខាងត្បូង

2023/10/27 11:58:41 am        102
Facebook Telegram Linkin
អ៊ីស្រាអែល បានបញ្ជូនសព្វាវុធបន្ថែមទៀតនៅព្រំដែនភាគខាងត្បូងរបស់ខ្លួន ហើយមូលដ្ឋានយោធារបស់ខ្លួននៅទីនោះបានបង្កើនការយាមកាមកាន់តែខ្លាំង។ រថក្រោះប្រភេទ មឺខាវ៉ា (Merkava) រថពាសដែក និងក្រុមទាហានមួយចំនួនធំ កំពុងប្រមូលផ្តុំនៅតំបន់ព្រំដែននោះ។ រថក្រោះជាច្រើនគ្រឿង ដែលឈរជើងនៅព្រំដែននេះ សុទ្ធតែមានជម្រកការពារប្រឆាំងនឹងការវាយប្រហារដោយយានដ្រូន។ឧទ្ធម្ភាគចក្រប្រដាប់អាវុធជាំច្រើនគ្រឿង ក៏កំពុងធ្វើការល្បាតនៅលើអាកាសផងដែរ។ ចំណែកនៅលើដីវិញ អ៊ីស្រាអែលបានបង្កើតប៉ុស្តិ៍ត្រួតពិនិត្យបណ្តោះអាសន្នជាច្រើន ដើម្បីត្រួតពិនិត្យយានយន្តដែលឆ្លងកាត់។ ខណៈជម្លោះអ៊ីស្រាអែល-ក្រុមហាម៉ាស បានឈានចូលដល់ថ្ងៃទី២០ រថក្រោះ និងក្រុមទាហានថ្មើរជើងរបស់អ៊ីស្រាអែល បានវាយឆ្មក់ចូលតំបន់ហ្កាហ្សា ស្ទ្រីប ភាគខាងជើង។អ៊ីស្រាអែលបាននិយាយថា សកម្មភាពនេះគឺជា «ផ្នែកមួយនៃការត្រៀមលក្ខណៈសម្រាប់ដំណាក់កាលបន្ទាប់នៃការប្រយុទ្ធ» ដែលក្នុងនោះ ខ្លួនមានគម្រោងការវាយលុកតាមដីគោកនៅតំបន់ហ្កាហ្សា។ ក្រសួងសុខាភិបាលដែលគ្រប់គ្រងដោយក្រុមហាម៉ាស បានធ្វើបច្ចុប្បន្នភាពចំនួនអ្នកស្លាប់របស់ប៉ាឡេស្ទីន ដល់ចំនួន ៧.០២៨នាក់ ខណៈមនុស្សចំនួន ១៨.៤៨៤នាក់ផ្សេងទៀត ក៏បានរងរបួសផងដែរ៕

បណ្ដាញសង្គម

ព័ត៌មានថ្មីៗ

ម៉ារ៉ុកទម្លាក់ហូឡង់ដោយបាល់ ១១ម៉ែត្រកាត់សេចក្តីឡើងទៅវគ្គ១៦ ក្រុមបាល់ទាត់ពិភពលោក
06/30/2026 11:06 AM
Facebook Telegram Linkin
Manchester City តែងតាំង Enzo Maresca ជាគ្រូបង្វឹកថ្មី ខណៈ Chelsea ទទួលបានសំណង
06/30/2026 10:06 AM
Facebook Telegram Linkin
ចំណោទពី CPL ធ្វើឲ្យអ្នកគាំទ្រមានមន្ទិលពីការថមថយក្រុមប្រជែងលីគរដូវកាលថ្មី
06/30/2026 10:06 AM
Facebook Telegram Linkin
Robert Lewandowski ចូលរួមជាមួយ Chicago Fire ក្រោយចែកផ្លូវជាមួយ Barcelona
06/30/2026 10:06 AM
Facebook Telegram Linkin
ភ្នំពេញក្រោន នាំយកកីឡាការិនីជម្រើសជាតិនារីនេប៉ាល់មកពង្រឹងក្រុមបន្ថែម ខណៈមិនទាន់ស្គាល់ចាញ់ក្នុងលីគ
06/30/2026 10:06 AM
Facebook Telegram Linkin
ប្រធានក្លិប ISI ចាត់ទុកជំនួបគ្រូ ប៉ះសិស្ស រវាងប្រេស៊ីល និងជប៉ុន គឺជាភស្ដុតាងបង្ហាញផ្លូវកម្ពុជាឆ្ពោះទៅ World Cup
06/30/2026 10:06 AM
Facebook Telegram Linkin
អ្នកវិភាគ៖ កិច្ចព្រមព្រៀងរវាងអ៊ីស្រាអែលនិងលីបង់អាចធ្វើឱ្យមានភាពជាប់គាំង ជាជាងការបញ្ចប់សង្គ្រាម
06/30/2026 10:06 AM
Facebook Telegram Linkin
ប៉ារ៉ាហ្គាយទម្លាក់អាល្លឺម៉ង់ ក្លាយជាការប្រកួតភ្ញាក់ផ្អើលបំផុតនៅ World Cup ឆ្នាំនេះ
06/30/2026 10:06 AM
Facebook Telegram Linkin
តំបន់អឺរ៉ុបនៅតែរងការគំរាមកំហែងពីរលកកម្ដៅ ខណៈអាមេរិកក៏ប្រឈមសីតុណ្ហភាពក្ដៅកើនឡើងខ្ពស់ផងដែរ
06/30/2026 10:06 AM
Facebook Telegram Linkin
គ្រូបង្វឹកជប៉ុន៖ ជប៉ុនស្ថិតក្នុងកម្រិតបាល់ទាត់ប្រហាក់​ប្រហែល​មហាអំណាច​បាល់ទាត់​ពិភពលោក ទោះបីចាញ់ប្រេស៊ីលចុងម៉ោង
06/30/2026 09:06 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.