BTV NEWS

ចាប់ខ្លួនជនសង្ស័យ៥នាក់ពាក់ពន្ធ័ករណីចាប់ ឃុំឃាំង និងបង្ខាំងមនុស្សដោយខុសច្បាប់

សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

សន្តិសុខ និង សង្គម

អ៊ីស្រាអែល នឹងបើកច្រកឆ្លងកាត់ថ្មីនៅភាគខាងជើងហ្កាហ្សា សម្រាប់ជំនួយពីក្រៅប្រទេស

រដ្ឋមន្ត្រីការពារជាតិអ៊ីស្រាអែល លោក យ៉ាវ ហ្កាឡាន់ (Yoav Gallant) បាននិយាយកាលពីថ្ងៃពុធ (១០ មេសា) ថាអ៊ីស្រាអែល នឹងបើកច្រកផ្លូវឆ្លងកាត់ជើងគោកថ្មីមួយចូលទៅក្នុងតំបន់ហ្កាហ្សាស្ទ្រីប ដែលត្រូវបានធ្វើឡើងជាចម្បងដើម្បីជួយសម្រួលដល់ការបញ្ជូនជំនួយដល់ប៉ាឡេស្ទីនពីក្រៅប្រទេស ឬប្រទេសជិតខាងហ្ស៊កដានី។បន្ទាប់ពីការវាយប្រហារឆ្លងព្រំដែនដោយក្រុមអ៊ីស្លាមហាម៉ាស ដែលកំពុងកាន់អំណាចនៅហ្កាហ្សា កាលពីថ្ងៃទី០៧ ខែតុលា អ៊ីស្រាអែលបានធ្វើសង្គ្រាម និងកាត់ផ្តាច់ការផ្គត់ផ្គង់ដែលចេញពី ឬឆ្លងកាត់ទឹកដីរបស់ខ្លួនទៅកាន់តំបន់ឆ្នេរហ៊ុមព័ទ្ធដ៏ក្រីក្រនេះ។វិបត្តិមនុស្សធម៌ដែលកំពុងកើនឡើង បានទាក់ទាញសម្ពាធដាក់លើអ៊ីស្រាអែល ពីបណ្ដាដៃគូលោកខាងលិច និងអារ៉ាប់ ក្នុងការរុញអ៊ីស្រាអែលឱ្យធ្វើបន្ថែមទៀតដើម្បីជួយសម្រួលដល់ការចូលនៃជំនួយ បន្ទាប់ពីជាច្រើនខែដែលខ្លួនបានព្យាយាមរុញបន្ទុកនេះទៅឱ្យអេហ្ស៊ីប ដែលក៏មានព្រំដែនជាប់ជាមួយហ្កាហ្សាផងដែរ។លោក ហ្កាឡាន់ បាននិយាយថា ចំណុចឆ្លងកាត់ថ្មីនេះនឹងជំរុញការបញ្ជូនជំនួយជើងគោកពីហ្ស៊កដានី ទៅកាន់ភាគខាងកើតអ៊ីស្រាអែល។ អ៊ីស្រាអែលក៏បានជួយបង្កើតច្រករបៀងសមុទ្រសម្រាប់ការបញ្ជូនជំនួយដោយផ្ទាល់ទៅកាន់តំបន់ហ្កាហ្សាតាមសមុទ្រ និងបានបើកដែនអាកាសរបស់ខ្លួនដល់យន្តហោះបរទេសដែលបានទម្លាក់ជំនួយតាមឆ័ត្រយោងជាច្រើនតោនសម្រាប់ប្រជាជនប៉ាឡេស្ទីន៕

កូនប្រុសបីនាក់របស់មេដឹកនាំក្រុមហាម៉ាស ត្រូវបានសម្លាប់ក្នុងការវាយប្រហារតាមអាកាសរបស់អ៊ីស្រាអែល

ក្រុមអ៊ីស្លាមនិយមប៉ាឡេស្ទីន និងក្រុមគ្រួសាររបស់លោក Haniyeh បាននិយាយថា កូនប្រុសបីនាក់របស់មេដឹកនាំក្រុមហាម៉ាស លោក អ៊ីស្មាល ហានីយ៉េ(Ismail Haniyeh) ត្រូវបានសម្លាប់នៅក្នុងការវាយប្រហារតាមអាកាសរបស់អ៊ីស្រាអែលនៅតំបន់ហ្កាហ្សា កាលពីថ្ងៃពុធ ទី១០ ខែមេសា។ យោធាអ៊ីស្រាអែល បានអះអាងពីការអនុវត្តន៍ការវាយប្រហារនេះ ដោយចាត់ទុកកូនប្រុសទាំងបីនាក់នេះ ថាស្ថិតនៅក្នុងប្រតិបត្តិការនៃស្លាបប្រដាប់អាវុធរបស់ក្រុមហាម៉ាស។ក្រុមហាម៉ាសនិយាយថា កូនប្រុសទាំងបីនាក់មានឈ្មោះ ហាហ្សេម(Hazem), អាមៀ(Amir) និង ម៉ូហាម៉ាត(Mohammad) ត្រូវបានសម្លាប់នៅពេលដែលរថយន្តដែលពួកគេកំពុងបើកបរ ត្រូវបានបំផ្ទុះនៅក្នុងជំរំ Al-Shati តំបន់ហ្កាហ្សា។ ចៅៗរបស់លោក Haniyeh បួននាក់ ចៅស្រី៣នាក់ និងចៅប្រុសម្នាក់ ក៏ត្រូវបានសម្លាប់នៅក្នុងការវាយប្រហារនេះដែរ។ លោក Haniyeh ដែលស្ថិតនៅបរទេសក្នុងប្រទេសកាតា ជាអ្នកដែលតឹងរ៉ឹងក្នុងផ្នែកការទូតអន្តរជាតិរបស់ក្រុមហាម៉ាស ខណៈសង្រ្គាមជាមួយអ៊ីស្រាអែល បានផ្ទុះឡើងនៅតំបន់ហ្កាហ្សា ជាកន្លែងដែលលំនៅឋានគ្រួសាររបស់លោកត្រូវបានបំផ្លាញនៅក្នុងការវាយប្រហារតាមអាកាសរបស់អ៊ីស្រាអែល កាលពីខែវិច្ឆិកា។ យោងតាមសាច់ញាតិបានឱ្យដឹងថា កូនប្រុសទាំងបី និងចៅៗបួននាក់ បានទៅលេងគ្រួសារក្នុងថ្ងៃដំបូងនៃពិធីបុណ្យ Eid al-Fitr របស់ពលរដ្ឋមូស្លីមនៅតំបន់ Shati ជាជំរំជនភៀសខ្លួននៅក្នុងទីក្រុងហ្កាហ្សា ។ក្រុមហាម៉ាស បាននិយាយកាលពីថ្ងៃអង្គារថា ខ្លួនកំពុងសិក្សាសំណើបទឈប់បាញ់របស់អ៊ីស្រាអែលក្នុងសង្គ្រាមនៅហ្កាហ្សារយៈពេលជាងប្រាំមួយខែមកនេះ ប៉ុន្តែបាននិយាយថា វាពុំមានភាពរីកចម្រើនអ្វីនោះទេ ហើយក៏ពុំបានបំពេញតាមការទាមទារណាមួយរបស់ប៉ាឡេស្ទីននោះដែរ។ នៅក្នុងខែទីប្រាំពីរនៃសង្រ្គាម ដែលការវាយលុកតាមអាកាសនិងជើងគោករបស់អ៊ីស្រាអែល បានបំផ្លិចបំផ្លាញតំបន់ហ្កាហ្សា ក្រុមហាម៉ាសមានបំណងឲ្យបញ្ចប់ប្រតិបត្តិការយោធារបស់អ៊ីស្រាអែល និងការដកកងទ័ពចេញពីតំបន់ហ៊ុមព័ទ្ធមួយនេះ និងអនុញ្ញាតឱ្យប្រជាជនភៀសខ្លួនប៉ាឡេស្ទីនត្រឡប់ទៅលំនៅឋានវិញ។

ក្រុមហាម៉ាស ប្រាប់ក្រុមអ្នកចរចាថា ខ្លួនពុំមានចំណាប់ថ្នូរអ៊ីស្រាអែល៤០នាក់ ដែលត្រូវដោះលែងនៅជុំទី១នៃបទឈប់បាញ់បានទេ

យោងតាមមន្ត្រីអ៊ីស្រាអែលមួយរូប និងប្រភពដែលដឹងពីការពិភាក្សា បានឱ្យដឹងថា ក្រុមហាម៉ាស បានបង្ហាញថា បច្ចុប្បន្ននេះ ខ្លួនមិនអាចកំណត់អត្តសញ្ញាណ និងតាមដានចំណាប់ខ្មាំងអ៊ីស្រាអែលចំនួន ៤០នាក់ដែលត្រូវការសម្រាប់ដំណាក់កាលដំបូងនៃកិច្ចព្រមព្រៀងបទឈប់បាញ់នោះបានទេ ដែលបង្កើនការព្រួយបារម្ភកាន់តែខ្លាំងថា ចំណាប់ខ្មាំងអាចស្លាប់ច្រើនជាងនៅរស់។ ក្របខណ្ឌដែលត្រូវបានដាក់ចេញដោយក្រុមអ្នកចរចានិយាយថា ក្នុងអំឡុងពេលការផ្អាករយៈពេល៦សប្តាហ៍ដំបូងក្នុងការប្រយុទ្ធគ្នា ក្រុមហាម៉ាស គួរតែដោះលែងចំណាប់ខ្មាំង៤០នាក់ ដែលនៅសេសសល់ រួមទាំងស្ត្រីទាំងអស់ ក៏ដូចជាមានជំងឺ និងមនុស្សចាស់ផងដែរ ជាថ្នូរនឹងអ្នកទោសប៉ាឡេស្ទីនរាប់រយនាក់នឹងត្រូវបានដោះលែងពីពន្ធនាគាររបស់អ៊ីស្រាអែល។ ប្រភពទាំងពីរបាននិយាយថា ក្រុមហាម៉ាស បានប្រាប់ក្រុមអ្នកសម្របសម្រួលអន្តរជាតិ ដែលរួមមានកាតា និងអេហ្ស៊ីប ថា ខ្លួនមិនមានចំណាប់ខ្មាំងរស់នៅចំនួន ៤០នាក់ដែលត្រូវនឹងលក្ខណៈវិនិច្ឆ័យសម្រាប់ការដោះលែងនោះទេ។ កំណត់ត្រារបស់ទូរទស្សន៍ CNN អំពីលក្ខខណ្ឌនៃចំណាប់ខ្មាំង ក៏បង្ហាញផងដែរថា មានចំណាប់ខ្មាំងរស់នៅតិចជាង៤០ នាក់ ដែលបំពេញតាមលក្ខខណ្ឌដែលបានស្នើឡើង។ ប្រភពទីពីរបានបន្ថែមថា ការអសមត្ថភាព ឬការគ្មានឆន្ទៈរបស់ក្រុមសកម្មប្រយុទ្ធហាម៉ាស ក្នុងការប្រាប់អ៊ីស្រាអែលថា ចំណាប់ខ្មាំងណាមួយនឹងត្រូវបានដោះលែងទាំងនៅមានជីវិត គឺជាឧបសគ្គដ៏សំខាន់មួយ ៕

ក្រុមហាម៉ាស៖ សំណើបទឈប់បាញ់អ៊ីស្រាអែល បរាជ័យក្នុងការបំពេញតាមការទាមទាររបស់ប៉ាឡេស្ទីន

ក្រុមហាម៉ាស បាននិយាយកាលពីថ្ងៃអង្គារ (០៩ មេសា) ថាសំណើរបស់អ៊ីស្រាអែល ស្តីពីបទឈប់បាញ់ក្នុងសង្រ្គាមរបស់ពួកគេនៅតំបន់ហ្កាហ្សា មិនឆ្លើយតបនឹងការទាមទាររបស់ក្រុមសកម្មប្រយុទ្ធប៉ាឡេស្ទីននេះទេ ប៉ុន្តែខ្លួនក៏នឹងសិក្សាលម្អិតលើការផ្តល់ជូននេះបន្ថែមទៀត និងផ្តល់ការឆ្លើយតបទៅកាន់អ្នកសម្របសម្រួល។សំណើនេះត្រូវបានប្រគល់ទៅឱ្យចលនាសកម្មប្រយុទ្ធប៉ាឡេស្ទីនហាម៉ាស ដោយអ្នកសម្រុះសម្រួលអេហ្ស៊ីប និងកាតាក្នុងកិច្ចពិភាក្សានៅទីក្រុងគែរ ដែលមានបំណងស្វែងរកច្រកចេញពីសង្រ្គាមដ៏បំផ្លិចបំផ្លាញនៅតំបន់ហ្កាហ្សាស្ទ្រីប ដែលឥឡូវនេះស្ថិតនៅក្នុងខែទីប្រាំពីររបស់ខ្លួន។ កិច្ចពិភាក្សានៅទីក្រុងគែរ ដែលមានការចូលរួមផងដែរដោយនាយកទីភ្នាក់ងារចារកម្មកណ្តាលរបស់សហរដ្ឋអាមេរិក លោក វីលៀម ប៊ឺនស៍ (William Burns) បានបរាជ័យរហូតមកដល់ពេលនេះ ក្នុងការឈានទៅដល់ការសម្រេចមួយឆ្ពោះទៅរកការផ្អាកសង្គ្រាម។ក្រុមហាម៉ាស ចង់ឱ្យមានកិច្ចព្រមព្រៀងណាមួយដើម្បីធានាបាននូវការបញ្ចប់ការវាយលុករបស់យោធាអ៊ីស្រាអែល ការដកកងកម្លាំងអ៊ីស្រាអែលចេញពីតំបន់ហ្កាហ្សា និងអនុញ្ញាតឱ្យជនភៀសខ្លួនត្រឡប់ទៅលំនៅឋានរបស់ពួកគេវិញនៅទូទាំងតំបន់ឆ្នេរតូចមួយ ដែលមានប្រជាជនរស់នៅច្រើនក្រាស់ក្រែលនេះ។ប៉ុន្តែគោលដៅភ្លាមៗរបស់អ៊ីស្រាអែល គឺធានាការដោះលែងចំណាប់ថ្នូរដែលក្រុមហាម៉ាសចាប់បាននៅក្នុងការវាយឆ្មក់ឆ្លងព្រំដែនកាលពីថ្ងៃទី០៧ ខែតុលា ដែលបង្កឱ្យមានជម្លោះនេះ។ អ៊ីស្រាអែលនិយាយថា ខ្លួននឹងមិនបញ្ចប់សង្រ្គាមទេ រហូតដល់កម្ចាត់បានក្រុមហាម៉ាស ដែលបានគ្រប់គ្រងតំបន់ហ្កាហ្សា តាំងពីឆ្នាំ២០០៧ មក៕

ប្រជាជនហ្សកហ្ស៊ី រាប់ពាន់នាក់តវ៉ានៅខាងក្រៅសភា ប្រឆាំងនឹងសំណើច្បាប់ភ្នាក់ងារបរទេស

ក្រុមបាតុករជាច្រើនពាន់នាក់ បានប្រមូលផ្តុំគ្នានៅខាងក្រៅសភារបស់ប្រទេសហ្សកហ្ស៊ី កាលពីថ្ងៃអង្គារ(០៩ មេសា) ដោយបានរិះគន់ផែនការរបស់រដ្ឋាភិបាល ក្នុងការស្តារឡើងវិញនូវច្បាប់ ដែលតម្រូវឱ្យក្រុមដែលទទួលបានមូលនិធិពីបរទេស ចុះឈ្មោះជាភ្នាក់ងារបរទេស ដែលពួកគេប្រដូចច្បាប់នេះទៅនឹងការគាបសង្កត់របស់រុស្ស៊ី។គណបក្ស សុបិន្តប្រជាជនហ្សកហ្ស៊ី (Georgian Dream) ដែលជាបក្សកាន់អំណាច បានប្រកាសកាលពីសប្តាហ៍មុនថា ខ្លួនមានបំណងនាំយកមកវិញនូវសំណើច្បាប់ដែលខ្លួនបានបោះបង់ចោលកាលពីឆ្នាំមុនបន្ទាប់ពីការតវ៉ាដោយហិង្សា។ច្បាប់នេះនឹងតម្រូវឱ្យអង្គការដែលទទួលបានច្រើនជាង ២០ ភាគរយនៃមូលនិធិរបស់ពួកគេពីបរទេស ឱ្យចុះឈ្មោះជា «ភ្នាក់ងារផលប្រយោជន៍បរទេស» ដែលខ្លឹមសារស្រដៀងទៅនឹងច្បាប់ដែលបានអនុម័តនៅក្នុងប្រទេសរុស្ស៊ី ក្រោមការដឹកនាំរបស់លោកប្រធានាធិបតី វ្លាឌីមៀ ពូទីន (Vladimir Putin)។ក្រុមបាតុករបានដើរកាត់កណ្តាលរដ្ឋធានី ប៊ីលីស៊ី (Tbilisi) ដោយស្រែកពាក្យថា ប្រឆាំងនឹង «ច្បាប់រុស្ស៊ី»។ ប្រទេសរុស្ស៊ី ដែលបានលុកលុយហ្សកហ្ស៊ី ក្នុងឆ្នាំ២០០៨ ត្រូវបានពលរដ្ឋហ្សកហ្ស៊ី មិនចូលចិត្តខ្លាំង ដោយសារការគាំទ្ររបស់ខ្លួនចំពោះតំបន់បំបែក អាបខាហ្សៀ (Abkhazia) និង សៅ អូសិនទៀ (South Ossetia)។ បក្ស សុបិន្តប្រជាជនហ្សកហ្ស៊ី ច្រានចោលការប្រៀបធៀបរវាងសំណើច្បាប់របស់ខ្លួនមួយនេះ ទៅនឹងច្បាប់របស់រុស្ស៊ី ហើយនិយាយថាវាត្រូវការចាំបាច់ដើម្បីប្រយុទ្ធប្រឆាំងនឹងឥទ្ធិពលបរទេស៕

ការសម្លាប់អ្នកនយោបាយប្រឆាំងក្រុមហេសបូឡា កំពុងបញ្ឆេះភាពតានតឹងកាន់តែខ្លាំងនៅលីបង់

ការសម្លាប់អ្នកនយោបាយក្នុងស្រុកម្នាក់ ដែលជាអ្នកប្រឆាំងនឹងក្រុមឧទ្ទាម ហេសបូឡា បានធ្វើឱ្យភាពតានតឹងផ្នែកនិកាយបក្ស និងនយោបាយនៅក្នុងប្រទេសលីបង់ កាន់តែស៊ីជម្រៅ ដោយបង្កើនការភ័យខ្លាចនៃការប៉ះទង្គិចគ្នាដោយប្រដាប់អាវុធរវាងក្រុមគូប្រជែង ក្នុងប្រទេសមួយដែលហ៊ុមព័ទ្ធដោយវិបត្តិសេដ្ឋកិច្ចដ៏ជ្រៅ និងការបាញ់ផ្លោងឆ្លងព្រំដែនដែលផ្សារភ្ជាប់ទៅនឹងសង្គ្រាមហ្កាហ្សា។ក្រុមមន្ត្រីរដ្ឋាភិបាល និងសាសនា បានប្រញាប់ប្រញាល់ដើម្បីបំបាត់ភាពតានតឹង បន្ទាប់ពីការសម្លាប់លោក ផាស្កាល ស្លៃម៉ាន (Pascal Sleiman) បានជំរុញឱ្យមានការភ័យខ្លាចនៃការប៉ះទង្គិចគ្នានៅតាមដងផ្លូវជាថ្មីរវាងភាគីគូប្រជែង និងបង្កឱ្យមានការវាយដំលើប្រជាជនស៊ីរី។លោក ស្លៃម៉ាន បានដឹកនាំគណបក្សកងកម្លាំងលីបង់ (LFP) ដែលប្រឆាំងនឹងក្រុមហេសបូឡា នៅក្នុងតំបន់ឆ្នេរដែលភាគច្រើនជាអ្នកកាន់គ្រិស្តសាសនា។កងទ័ពលីបង់ បាននិយាយកាលពីថ្ងៃចន្ទ (០៨ មេសា) ថាជនជាតិស៊ីរីមួយក្រុមបានព្យាយាមលួចរថយន្តរបស់លោក ស្លៃម៉ាន កាលពីល្ងាចថ្ងៃអាទិត្យ ហើយបានសម្លាប់លោក។ ប៉ុន្តែនៅក្នុងសេចក្តីថ្លែងការណ៍ជាលាយលក្ខណ៍អក្សរទៅកាន់សារព័ត៌មាន រ៉យទ័រ កាលពីថ្ងៃអង្គារ (០៩ មេសា) កងកម្លាំងលីបង់បានច្រានចោលការលើកឡើងនេះ ដោយនិយាយថាលោក ស្លៃម៉ាន ត្រូវបានវាយប្រហារដោយសារតែទស្សនៈនយោបាយរបស់បក្ស។កងកម្លាំងលីបង់ មិនបានបញ្ចេញឈ្មោះដៃគូប្រជែងសំខាន់របស់ខ្លួន គឺក្រុមហេសបូឡា លើការសម្លាប់នេះទេ ប៉ុន្តែមន្ត្រីបក្សបានចង្អុលបង្ហាញពីការសម្លាប់ឥស្សរជនប្រឆាំងក្រុមហេសបូឡា ជាច្រើនក្នុងរយៈពេលពីរទសវត្សរ៍ចុងក្រោយនេះ ថាជាករណីស្រដៀងគ្នា៕

សកម្មជនម៉ារ៉ុកត្រូវបានកាត់ទោសឲ្យជាប់ពន្ធនាគារ ៥ឆ្នាំ ពីបទរិះគន់ទំនាក់ទំនងរបស់ប្រទេសនេះជាមួយអ៊ីស្រាអែល

សកម្មជនម្នាក់ដែលបានរិះគន់ការសម្រេចចិត្តរបស់ប្រទេសម៉ារ៉ុក ក្នុងការធ្វើប្រក្រតីភាពទំនាក់ទំនងជាមួយអ៊ីស្រាអែល ត្រូវបានកាត់ទោសឲ្យជាប់ពន្ធនាគាររយៈពេល ៥ឆ្នាំ ខណៈដែលការតវ៉ាគាំទ្រប៉ាឡេស្ទីនដ៏ធំបំផុតរបស់ពិភពលោកអារ៉ាប់មួយចំនួន នៅតែបន្តធ្វើនៅក្នុងប្រទេសនេះ។អង្គការសិទ្ធិមនុស្ស Morocco Space for Human Rights បាននិយាយនៅក្នុងសេចក្តីថ្លែងការណ៍មួយថា លោក Abdul Rahman Zankad មកពីទីក្រុង Mohammediaនៃប្រទេសម៉ារ៉ុក ត្រូវបានចាប់ខ្លួនកាលពីខែមីនា បន្ទាប់ពីបានបង្ហោះនៅលើបណ្តាញសង្គមហ្វេសប៊ុកអំពីសង្រ្គាមអ៊ីស្រាអែល និងក្រុមហាម៉ាស និងការសម្រេចចិត្តឆ្នាំ ២០២០របស់ម៉ារ៉ុក ក្នុងការបង្កើតទំនាក់ទំនងការទូតជាមួយអ៊ីស្រាអែល។ តុលាការមួយកាលពីថ្ងៃចន្ទ បានរកឃើញថា លោក Zankad មានទោសពីបទប្រមាថស្ថាប័នរដ្ឋធម្មនុញ្ញ និងបទញុះញង់។ លោកក៏ត្រូវបានពិន័យជាប្រាក់ ៥០.000 ឌៀរឹម(dirhams) (៥.០០០ដុល្លារ) ផង ដែរ។ ក្រុមតស៊ូមតិសេរីភាពស៊ីវិល ដែលរៀបចំការការពារផ្លូវច្បាប់ដល់ក្រុមអ្នកតវ៉ា បានហៅការចោទប្រកាន់នេះថា គ្មានមូលដ្ឋាន ហើយបាននិយាយថា ដំណើរការនេះ បានរំលោភលើសិទ្ធិរបស់លោកZakad ក្នុងការកាត់ក្តីដោយយុត្តិធម៌។បាតុកររាប់ម៉ឺននាក់នៅទូទាំងមជ្ឈដ្ឋាននយោបាយ បានដើរតាមដងផ្លូវនានាក្នុងប្រទេសម៉ារ៉ុក ដើម្បីរិះគន់ អ៊ីស្រាអែល និងសម្តែងការគាំទ្រដល់ក្រុមប៉ាឡេស្ទីន រួមទាំងក្រុមហាម៉ាសផងដែរ។ ក្រុមអ្នកតវ៉ា បានរិះគន់សម្ព័ន្ធមិត្តរបស់អ៊ីស្រាអែល រួមទាំងសហរដ្ឋអាមេរិក និងបានស្រែកទាមទារឲ្យរដ្ឋាភិបាល «ច្រាន ចោលការធ្វើប្រក្រតីភាពទំនាក់ទំនងនេះ»។

ការស្វែងរកអ្នកនៅរស់ នៅបន្ត បន្ទាប់ពីការផ្ទុះដ៏ខ្លាំងនៅរោងចក្រវារីអគ្គិសនីប្រទេសអ៊ីតាលី

ក្រុមជួយសង្គ្រោះរបស់ប្រទេសអ៊ីតាលី នៅបន្តស្វែងរកអ្នកនៅរស់រានមានជីវិត បន្ទាប់ពីមនុស្សយ៉ាងហោចណាស់ ៣នាក់បានស្លាប់ និង៤នាក់ ត្រូវបានរាយការណ៍ថាបាត់ខ្លួននៅក្នុងការផ្ទុះនៅក្រោមដីនៅរោងចក្រថាមពលវារីអគ្គិសនី នៅភាគខាងជើងប្រទេសអ៊ីតាលី។ក្រុមហ៊ុនរបស់ប្រទេសអ៊ីតាលី អ៊ីណែល អ៊ីណេមី (Enel ENEI.MI) បានបញ្ជាក់ថា អគ្គិភ័យបានឆាបឆេះកាប៊ីនភ្លើងមួយរបស់ខ្លួន នៅរោងចក្រថាមពលវារីអគ្គិសនីនៅក្នុងតំបន់ Bargi ជិតទីក្រុង Bologna កាលពីពេរសៀល។ ក្រុមពន្លត់អគ្គិភ័យបាននិយាយថា ការផ្ទុះបានកើតឡើងនៅវេលាម៉ោងប្រហែល៣រសៀល ម៉ោងក្នុងស្រុក នៅទំនប់ទឹកមួយកន្លែងនៅលើបឹង Suviana ជាបឹងសិប្បនិម្មិតមួយក្នុងចំណោមបឹងសិប្បនិម្មិតចំនួនបី ដែលជួយដល់ស្ថានីយ៍ថាមពល។ក្រុមហ៊ុន Enel មិនបានធ្វើការអត្ថាធិប្បាយអំពីមូលហេតុនោះទេ។ ក្រុមហ៊ុនបាននិយាយថា អាងទំនប់ទឹក ពុំត្រូវបានបំផ្លាញនោះទេ ហើយរោងចក្រមិនដំណើរការនៅពេលកើតមានឧបទ្ទវហេតុ ដូច្នេះពុំមានផលប៉ះពាល់ដល់ការផ្គត់ផ្គង់អគ្គិសនីឡើយ។ ការស្លាប់ក្នុងឧបទ្ទវហេតុនេះ ទំនងជាបង្កការព្រួយបារម្ភ ដែលបង្ហាញដោយសហជីពពាណិជ្ជកម្ម អំពីសុវត្ថិភាពកន្លែងធ្វើការ នៅក្នុងប្រទេសអ៊ីតាលី។ សហជីពធំៗចំនួនពីររបស់ប្រទេស មានផែនការធ្វើកូដកម្មនៅទូទាំងប្រទេសរយៈពេលបួនម៉ោង នៅថ្ងៃព្រហស្បតិ៍ដើម្បីតវ៉ាជុំវិញបញ្ហានេះ។

អាមេរិក ថ្កោលទោសការវាយប្រហារលើរោងចក្រចម្រាញ់ប្រេងរបស់រុស្ស៊ី ដែលបង្កហានិភ័យដល់ ទីផ្សារប្រេង

រដ្ឋមន្ត្រីការពារជាតិលោក Lloyd Austin បានព្រមានថា ការវាយប្រហារនាពេលថ្មីៗនេះរបស់អ៊ុយក្រែនលើរោងចក្រចម្រាញ់ប្រេងរបស់រុស្ស៊ី ប្រថុយនឹងធ្វើឲ្យប៉ះពាល់ដល់ទីផ្សារថាមពលពិភពលោក ហើយបានជំរុញឲ្យប្រទេសនេះផ្តោតលើគោលដៅយោធាជំនួសវិញ។ដោយសារស្ថានភាពសមរភូមិរបស់អ៊ុយក្រែនកាន់តែយ៉ាប់យ៉ឺនជាលំដាប់ ក្នុងប៉ុន្មានសប្តាហ៍ថ្មីៗនេះ ប្រទេសនេះ បានងាកទៅរកការវាយប្រហារកាន់តែជ្រៅ នៅក្នុងទឹកដីរុស្ស៊ី រួមទាំងហេដ្ឋារចនាសម្ព័ន្ធផង ដែរ។ ការវាយប្រហារនេះ គឺជាផ្នែកមួយនៃកិច្ចប្រឹងប្រែង ដើម្បីកាត់បន្ថយការផ្គត់ផ្គង់ប្រេងឥន្ធនៈដល់យោធារុស្ស៊ី ក៏ដូចជាកាត់បន្ថយប្រាក់ចំណូលពីការនាំចេញដែលទីក្រុងមស្គូប្រើប្រាស់ ដើម្បីផ្តល់មូលនិធិក្នុងសង្គ្រាម។លោក Austin បានប្រាប់គណៈកម្មាធិការសេវាប្រដាប់អាវុធព្រឹទ្ធសភាកាលពីថ្ងៃអង្គារថា៖«ការវាយប្រហារទាំងនោះ អាចជះឥទ្ធិពលទៅលើស្ថានភាពថាមពលពិភពលោក»។ «អ៊ុយក្រែន ត្រូវតែធ្វើឲ្យល្អប្រសើរក្នុងការដើរតាមគោលដៅយុទ្ធសាស្ត្រ និងប្រតិបត្តិការដែលអាចមានឥទ្ធិពលផ្ទាល់ដល់ការប្រយុទ្ធបច្ចុប្បន្ន»។សហរដ្ឋអាមេរិក បានព្យាយាមធ្វើមានតុល្យភាពក្នុងការកាត់បន្ថយប្រាក់ចំណូលពីសង្គ្រាមរបស់លោកប្រធានាធិបតី វ្ល៉ាឌីមៀ ពូទីន ពីការនាំចេញប្រេង ជាមួយនឹងការរក្សាទីផ្សារថាមពលសកលដែលផ្គត់ផ្គង់កាត់បន្ថយអតិផរណា និងបន្ធូរបន្ថយការចុះទន់សម្រាប់សេដ្ឋកិច្ចពិភពលោក។ សហរដ្ឋអាមេរិក បានបញ្ជាក់ថា ឧបករណ៍សំខាន់របស់ខ្លួនដែលជាតម្លៃកំណត់តម្លៃលើការនាំចេញប្រេងរបស់រុស្ស៊ីបានជោគ ជ័យ ប៉ុន្តែក្តីបារម្ភ កំពុងកើនឡើងនៅពេលដែលតម្លៃប្រេងពិភពលោកឡើងដល់កម្រិតខ្ពស់បំផុត ក្នុងរយៈពេលជិត៦ខែនេះ ពោលគឺដោយសារភាពតានតឹងនៅមជ្ឈិមបូព៌ា។

កងកម្លាំងការពារអ៊ីស្រាអែល៖ ភេរវករជាង១២.000នាក់ ត្រូវបានសម្លាប់ក្នុងសង្គ្រាមរយៈពេល៦ខែ

ភេរវករជាង ១២.000 នាក់ ត្រូវបានសម្លាប់ និងប្រហែល ៤.៦០០នាក់ ត្រូវបានចាប់ខ្លួន ចាប់តាំងពីអ៊ីស្រាអែល បានបើកការវាយលុកលើដីរបស់ខ្លួនប្រឆាំងនឹងក្រុមហាម៉ាស នៅតំបន់ហ្កាហ្សាស្ទ្រីប នេះបើយោងតាមស្ថិតិចែករំលែកដោយកងកម្លាំងការពារអ៊ីស្រាអែល (IDF) កាលពីថ្ងៃអាទិត្យ រយៈពេល៦ខែមកទល់ ថ្ងៃនេះ បន្ទាប់ពីក្រុមភេរវករឥស្លាមសកម្មប្រយុទ្ធ បានធ្វើការវាយប្រហារដ៏អាក្រក់បំផុតនៅលើទឹកដីអ៊ីស្រាអែល។ទិន្នន័យនោះ ក៏បានបង្ហាញផងដែរថា ទាហានអ៊ីស្រាអែលចំនួន ៦០៤នាក់ ត្រូវបានសម្លាប់នៅក្នុងការប្រយុទ្ធគ្នា ដែលប្រហែលពាក់កណ្តាលនៃពួកគេកាលពីថ្ងៃទី៧ ខែតុលា នៅពេលដែលភេរវកររាប់ពាន់នាក់ដឹកនាំដោយកងកម្លាំងសម្រាំង Nukhbaរបស់ក្រុមហាម៉ាស បានលួចជ្រៀតចូលទៅក្នុងទឹកដីអ៊ីស្រាអែលភាគខាងត្បូង ដោយវាយលុកមូលដ្ឋានទ័ព ក៏ដូចជាការវាយលុកតាមទីក្រុងនានា ភូមិ និងពិធីបុណ្យតន្ត្រីក្នុងតំបន់នោះ។ដោយមានទាហានបម្រុងប្រមាណ ៣០០.០០០នាក់ ត្រូវបានកោះហៅឲ្យបំពេញកាតព្វកិច្ចក្នុងរយៈពេល៦ខែកន្លងមកនេះ យោងតាមទិន្នន័យរបស់កងទ័ពកាលពីថ្ងៃអាទិត្យ អ៊ីស្រាអែល បាននិយាយថា ខ្លួនកំពុងដកកងទ័ពជើងគោកភាគច្រើនចេញពីតំបន់ហ្កាហ្សាភាគខាងត្បូងសម្រាប់ «ហេតុផលយុទ្ធសាស្ត្រ» ។ របាយការណ៍ បាននិយាយថា កងពលតូចចំនួនពីរ នឹងបន្តនៅពាក់កណ្តាលភាគខាងជើងនៃតំបន់ហ្កាហ្សាស្ទ្រីប ដើម្បី «រក្សាសេរីភាពនៃសកម្មភាពរបស់កងកម្លាំងការពារអ៊ីស្រាអែល និងសមត្ថភាពរបស់ខ្លួនក្នុងការធ្វើប្រតិបត្តិការ ដែលមានមូលដ្ឋានលើព័ត៌មានចារកម្មដ៏ច្បាស់លាស់»។

បណ្ដាញសង្គម

ព័ត៌មានថ្មីៗ

យេម៉ែនបង្ក្រាបការរត់ពន្ធជនអន្តោប្រវេសន៍ បន្ទាប់ពីគ្រោះមហន្តរាយលិចទូក សម្លាប់ជនជាតិអេត្យូពីជាង ៩០នាក់

រដ្ឋមន្ត្រីអ៊ីស្រាអែល ប្រកាសសាងសង់ផ្ទះថ្មីចំនួន ៣.៤០១ខ្នង សម្រាប់អ្នកតាំងលំនៅ នៅ West Bank

ឯកឧត្តម ស៊ុន ចាន់ថុល អញ្ជើញបើកកម្មវិធីផ្សព្វផ្សាយនិងបណ្តុះបណ្តាលអំពី នីតិវិធីនៃការចុះបញ្ជីគម្រោងវិនិយោគតាមប្រព័ន្ធគ្រប់គ្រងគម្រោងវិនិយោគកម្ពុជា cdcIPM និងការប្រើប្រាស់ហត្ថលេខា និងត្រាអេឡិចត្រូនិក (e-Signature & e-Stamp)

សម្តេចរដ្ឋសភាធិបតី ឃួន សុដារី អញ្ជើញនាំទៀនព្រះវស្សានិងទេយ្យទាន ប្រគេនព្រះសង្ឃ គង់ចាំព្រះវស្សាក្នុងវត្តវិមានតេជះ ហៅវត្តស្រះចក និងបានឧទ្ទិសកុសលជូនវីរកងទ័ពដែលបានពលីការពារបូរណភាពទឹកដី

ពលករខ្មែរអះអាងថា មិនត្រឡប់ទៅថៃវិញទេ បើទោះបីជាស្ថានភាពវិលត្រឡប់ដូចដើមក្តី

អ្នកនាំពាក្យក្រសួងអប់រំ៖ បេក្ខជនប្រឡងបាក់ឌុបមកពីខេត្តឧត្តរមានជ័យ និងព្រះវិហារអាចទៅចុះឈ្មោះប្រឡងរាជធានី-ខេត្ត ដទៃបើមិនចង់ប្រឡងនៅខេត្តខ្លួន

ចំហេះព្រៃរីករាលដាល និងរលកកម្ដៅយ៉ាងខ្លាំងក្លា បន្តដុតកម្លោចពាសពេញទ្វីបអឺរ៉ុបខាងត្បូង

យោធាអ៊ីស្រាអែល ថាខ្លួនបានអនុម័តផែនការសម្រាប់ពង្រីកការវាយលុកនៅក្នុងតំបន់ហ្កាហ្សា

កងកម្លាំងរុស្ស៊ី អះអាងថា ខ្លួនវាយដណ្ដើមបានភូមិពីរទៀត នៅភាគខាងកើតអ៊ុយក្រែន

ពលរដ្ឋទីក្រុងវ៉ាស៊ីនតោន តវ៉ានៅប៉ុស្តិ៍ត្រួតពិនិត្យរបស់នគរបាលក្នុងពេលមានការបង្ក្រាបឧក្រិដ្ឋកម្ម របស់លោកTrump

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877