នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
កម្ពុជាថ្កោលទោសយោធាថៃបានបំផ្លាញខូចខាតទាំងស្រុងប្រាសាទតាក្របីរបស់កម្ពុជា ខណៈប្រាសាទនេះជានិមិត្តរូប នៃវប្បធម៌អរិយធម៌ដ៏រុងរឿងរបស់ខ្មែរ
ក្រសួងទេសចរណ៍ និងស្ថានទូតបារាំងប្រចាំកម្ពុជា សហការរួមគ្នាអភិវឌ្ឍវិស័យទេសចរណ៍ និង​ការ​បណ្តុះ​បណ្តាលវិជ្ជាជីវៈទេសចរណ៍ឱ្យដល់កម្រិតអន្តរជាតិ
សត្វស្លាបនៅតំបន់រ៉ាមសារព្រែកទាល់ កើនឡើងច្រើន​ដែលជាផ្នែក​មួយ​យ៉ាង​សំខាន់​ទាក់​ទាញ​ភ្ញៀវ​ទេសចរ
ក្រសួងទេសចរណ៍ និងក្រុមប្រឹក្សាធុរកិច្ចអាម៉េរិក-អាស៊ាន-USABC សហការ​ផ្សព្វផ្សាយ​ពី​សក្តានុពល​ទេសចរណ៍ និងកាលានុវត្តភាពវិនិយោគកម្ពុជា

វប្បធម៌ និងទេសចរណ៍

រយៈពេល៤ថ្ងៃ នៃបុណ្យចូលឆ្នាំថ្មី ខេត្តសៀមរាបទទួលបានភ្ញៀវទេសចរដើរលេងកម្សាន្តជាង ១លាន២សែននាក់

2024/04/17 08:49:36 am        234
Facebook Telegram Linkin
ក្នុងរយៈពេល៤ថ្ងៃ នៃព្រឹត្តិការណ៍សៀមរាបសង្ក្រាន្ត អបអរ​សាទរ​បុណ្យ​ចូលឆ្នាំថ្មី​ប្រពៃណី​ជាតិ​ខ្មែរ​ ខេត្តសៀមរាប ទទួលបា​នភ្ញៀវ​ទេសចរ​ និង​បងប្អូន​ប្រជា​ពលរដ្ឋ​មក​លេង​កម្សាន្ត​ប្រមាណ​ជាង​១លាន​២សែននាក់។យោងតាមរបាយការណ៍ របស់លោកធិម សេរីវុឌ្ឍ ប្រធាន​ស្តីទី​មន្ទីរ​ទេសចរ​ណ៍​ខេត្ត​សៀមរា​ប​បាន​ឲ្យ​ដឹង​ថា សម្រាប់រយៈពេល ០៤ ថ្ងៃ នៃថ្ងៃបុណ្យចូលឆ្នាំថ្មីប្រពៃណីខ្មែរ ភ្ញៀវទេសចរ និង​បង​ប្អូន​ប្រជា​ពលរដ្ឋ​ដើរ​លេងកម្សាន្តក្នុងខេត្តសៀមរាប សរុបមានចំនួនប្រមាណ ១,២៣៩,៨០៨ នាក់ ក្នុង​នោះ ភ្ញៀវទេសចរបរទេសមានចំនួន ១៦,៨០៨ នាក់ ភ្ញៀវទេសចរជាតិ និងបងប្អូន​ប្រជាពលរដ្ឋ​មាន​ចំនួន ប្រមាណ ១,២២៣,០០០ នាក់។របាយការណ៍ដដែលឲ្យដឹងបន្ថែមថា សម្រាប់ថ្ងៃទី១៦ ខែមេសា ដែលជាថ្ងៃចុងក្រោយ​នៃ​ពិធី​សៀមរាប​សង្ក្រាន្ត​នោះ ខេត្តទេសចរណ៍មួយនេះទទួលបានភ្ញៀវទេសចរ និងបងប្អូនប្រជា​ពលរដ្ឋ​ដើរ​លេង​កម្សាន្ត​ក្នុងខេត្តសៀមរាប សរុបមានចំនួនប្រមាណ ២៨៣,៨១៧ នាក់ ក្នុងនោះ៖ ភ្ញៀវ​ទេសចរ​បរទេសមានចំនួន ៣,៨១៧ នាក់ និងភ្ញៀវទេសចរជាតិមានចំនួន ប្រមាណ ២៨០,០០០ នាក់ ។ សូមជម្រាបថា ព្រឹត្តិការណ៍សៀមរាបសង្ក្រាន្តឆ្នាំ២០២៤នេះ ប្រារព្ធធ្វើឡើងរយៈពេល៤ថ្ងៃ ពីថ្ងៃទី១៣ ដល់ថ្ងៃទី១៦ ខែមេសា ឆ្នាំ២០២៤ ដើម្បីអបអរសាទរ បុណ្យ​ចូល​ឆ្នាំ​ថ្មី​ប្រពៃណី​ជាតិ​ខ្មែរ។ ក្នុងព្រឹត្តិការណ៍នេះ មានការរៀបចំកម្មវិធីជាច្រើន រួមមានពិធីសាសនា កម្មវិធី​តាំង​បង្ហាញ​វត្ថុ​សិល្បៈ​នានា​ និងកម្មវិធីកម្សាន្តជាច្រើនផងដែរ៕

រដ្ឋបាលខេត្តបាត់ដំបងរៀបចំការសម្ដែងល្ខោនខោលជូនពលរដ្ឋ និងភ្ញៀវទេសចរ​ទស្សនាកម្សាន្ត​អបអរបុណ្យចូលឆ្នាំខ្មែរ

2024/04/16 09:59:53 am        428
Facebook Telegram Linkin
បាត់ដំបង៖ រដ្ឋបាលខេត្តបាត់ដំបង បានរៀបចំឱ្យមានការ​សម្ដែង​សិល្បៈ​ល្ខោនខោល​ជូន​ប្រជាពលរដ្ឋ និងភ្ញៀវទេសចរទស្សនាកម្សាន្តក្នុងព្រឹត្តិការណ៍សង្រ្កាន្តបាត់ដំបង ដើម្បី​អបអរ​សាទរ​ក្នុង​ឱកាសនៃពិធីបុណ្យចូលឆ្នាំថ្មីប្រពៃណីជាតិខ្មែរ។ក្រុមល្ខោនខោលដែលបានចូលរួមសម្ដែងនេះ គឺជាក្រុម​បង្កើត​ឡើង​ដោយ​ព្រឹទ្ធាចារ្យ​នាដ​កោសល្យ​វិជ្ជា ជា ហ៊ា និងជាក្រុមដែលមានវ័យចំណាស់តែមួយគត់នៅក្នុងខេត្តបាត់ដំបង។ ព្រឹទ្ធាចារ្យ ជា ហ៊ា បច្ចុប្បន្នមានអាយុ ៩៥ឆ្នាំ ត្រូវព្រះករុណា ព្រះបាទ ព្រះបរមនាថ នរោត្តម សីហមុនី ប្រោស​ព្រះរាជ​ទាន​គោរមងារ«នាដកោសល្យវិជ្ជា» កាលពីឆ្នាំ២០១២។ តាំងពីឆ្នាំ១៩៨២ ព្រឹទ្ធាចារ្យ ជា ហ៊ា បានបង្កើតក្រុមល្ខោនខោល ឬ របាំក្បាំងមុខ រួចទៅហើយនៅ​ខេត្តបាត់ដំបង។ ដោយសារ​គុណបំ​ណាច់​ចំពោះសិល្បៈវប្បធម៌ជាតិ ក្រសួងវប្បធម៌ និងវិចិត្រសិល្បៈ បានដាក់​បញ្ចូល​ឈ្មោះ​របស់ ព្រឹទ្ធាចារ្យ ជា ហ៊ា ទៅក្នុងប្រព័ន្ធមរតកមនុស្សរស់របស់ជាតិ។លោក ជា ណុច អ្នកដឹកនាំរឿង និងសម្របសម្រួលក្នុងក្រុមល្ខោនខោលបាត់ដំបង បាន​បង្ហាញ​អារម្មណ៍​សប្បាយរីករាយដែលមានទស្សនិកជនយ៉ាងច្រើនកុះករបានចូលរួមគាំទ្រ និងទស្សនា​ការ​សម្ដែង​ល្ខោនខោល។លោក ជា ណុច អំពាវនាវដល់ទស្សនិកជន ជាពិសេសប្រជាជនខ្មែរ​ឱ្យចូលរួ​ម​គាំទ្រ​សិល្បៈ​ល្ខោន​ខោល​ដែល​ជា​ល្ខោនមួយដ៏កម្រ។សូមរំលឹកថា ការសម្ដែងសិល្បៈល្ខោនខោលក្នុងព្រឹត្តិការណ៍សង្រ្កាន្តបាត់ដំបងឆ្នាំ២០២៤ ធ្វើ​ឡើង​រយៈ​ពេល២រាត្រី គឺនៅរាត្រីថ្ងៃទី១៤-១៥ ខែមេសា ឆ្នាំ២០២៤ ក្នុងតំបន់តន្រ្តីស្រុក​ស្រែ​នៅ​បរិវេណ​វិទ្យាល័យនេតយ៉ង់។ល្ខោនខោល ដែលអ្នកសម្ដែងសុទ្ធតែជាបុរស ជាទម្រង់ល្ខោន​បុរាណ​ខ្មែរ​មួយ​ដែលមានមានរូបរាងតាំងពីដើមសម័យអង្គរ ហើយត្រូវបានអង្គការយូណេស្កូទទួលស្គាល់ និង​ចុះឈ្មោះក្នុងបញ្ជីបេតិកភណ្ឌអរូបីកាលពីខែវិច្ឆិកា ឆ្នាំ២០១៨៕

រយៈពេលពីរថ្ងៃនាឱកាសចូលឆ្នាំខ្មែរខេត្តបាត់ដំបងទាក់ទាញភ្ញៀវទេសចរបានជាង៥០ម៉ឺននាក់

2024/04/15 09:51:12 am        176
Facebook Telegram Linkin
បាត់ដំបង៖រយៈពេល ២ថ្ងៃ នៃពិធីបុណ្យចូលឆ្នាំថ្មីប្រពៃណីជាតិខ្មែរមានភ្ញៀវទេសចរជាតិ អន្តរជាតិ និងបងប្អូនប្រជាពលរដ្ឋសរុបជាង ៥០ ម៉ឺននាក់បានមកទស្សនាកម្សាន្តសប្បាយតាមបណ្តារមណីយដ្ឋាន គោលដៅទេសចរណ៍នានា និងទីតាំងសង្ក្រាន្តក្នុងខេត្តបាត់ដំបង។ យោងតាម របាយការណ៍របស់ មន្ទីរទេសចរណ៍ខេត្តបាត់ដំបងបានឱ្យដឹងថា នៅថ្ងៃទី១ នៃពិធីបុណ្យចូលឆ្នាំប្រពៃណីជាតិខ្មែរ ត្រូវនឹងថ្ងៃទី១៣ ខែមេសា ឆ្នាំ២០២៤ ខេត្តបាត់ដំបង ទទួលបានភ្ញៀវទេសចរសរុប ១៥៩,១៦៩ នាក់ ក្នុងនោះភ្ញៀវទេសចរជាតិ ១៥៨,៧១១ នាក់,ភ្ញៀវទេសចរអន្តរជាតិ ៤៥៨ នាក់។ ចំណែកនៅថ្ងៃទី១នៃពិធីបុណ្យចូលឆ្នាំថ្មីប្រពៃណីជាតិខ្មែរនេះ ក៏ទទួលបានភ្ញៀវទេសចរសរុប ៣៩៥,១៨៩ នាក់ ក្នុងនោះភ្ញៀវទេសចរជាតិ ៣៩៤,៤៦៨ នាក់ និងភ្ញៀវទេសចរអន្តរជាតិ ៧២១ នាក់៕ 

រយៈពេលពីរថ្ងៃទេសចរ​ជាតិ-អន្តរជាតិជិត ៣២ ម៉ឺននាក់​​មកលេងកម្សាន្តនៅខេត្តបន្ទាយមានជ័យ​

2024/04/15 08:59:24 am        28
Facebook Telegram Linkin
បន្ទាយមានជ័យ​៖​រយៈពេល២ថ្ងៃ​ នៃពិធីបុណ្យចូលឆ្នាំថ្មី​ ប្រពៃណីជាតិខ្មែរ ភ្ញៀវទេសចរ​ជាតិ-អន្តរជាតិ​មកលេងកម្សាន្តនៅតំបន់ទេសចរណ៍នានា​ នៅទូទាំងខេត្តបន្ទាយមានជ័យ​មាន​ ៣១៦.៩១៩ នាក់​។ នេះបើតាមការបញ្ជាពីលោក ឈឿន​ សេរីវុឌ្ឍ​ ប្រធានទេសចរណ៍ខេត្តបន្ទាយមានជ័យ​ បានប្រាប់ឱ្យដឹងនៅព្រឹកថ្ងទី១៥​ ខែមេសា​ ឆ្នាំ២០២៤។លោក​ ប្រធានទេសចរណ៍ខេត្ត​ ក៏បានបញ្ជាក់ថា​ ភ្ញៀវទេសចរធ្វើដំណើរកម្សាន្តនាឱកាសចូលឆ្នាំថ្មីប្រពៃណីជាតិ ថ្ងៃទី១​(ថ្ងៃទី១៣​ ខែមេសា)​ ភ្ញៀវទេសចរសរុបមានចំនួន ១២៦.៤៨១នាក់ ភ្ញៀវជាតិមានចំនួន ១២៥,៧១៦នាក់,​ ភ្ញៀវបរទេសចំនួន៧៦៥នាក់ (ភាគច្រើនជនជាតិចិន ជនជាតិថៃ ជនជាតិឥណ្ឌូណេស៊ីនៅតំបន់ប៉ោយប៉ែត) ក្នុងនោះ​ -សួនតេជោឈ្នះឈ្នះ ចំនួន៤៦.៣៤២នាក់ (ក្នុងនោះភ្ញៀវអន្តរជាតិ ចំនួន០៥នាក់),​ -ប្រាសាទបន្ទាយឆ្មារ ចំនួន២.៦៨៣នាក់,​ -អាងជើងគ្រុស ចំនួន ១.៥៦២នាក់,​-ស្ពានភ្ជាប់និស្ស័យបារាយមេបុណ្យ ចំនួន ១.២១៥នាក់,-ក្រុងប៉ោយប៉ែត(តំបន់ដើមពុទ្ទ្រា) ចំនួន ១២.៣៩០នាក់ ក្នុងនោះបរទេសចំនួន៧៦០ នាក,​-អាងត្រពាំងថ្ម ចំនួន៩៥០នាក់,​ -វត្តភ្នំតូច ចំនួន ៩៤០នាក់,​ -អូរខៃដន ចំនួន៦០នាក់,​ -ដុងអរញ្ញ ចំនួន ៨០នាក់,​ -សួនស្នេហ៍ជនបទ ចំនួន២៥០នាក់,​ -តំបន់ផ្សេងៗ(វត្តអារាមនានាក្នុងខេត្ត) ចំនួន ៦០.២៥៩នាក់។​ នៅថ្ងៃទី២​ (ថ្ងៃទី១៤​ ខែមេសា) សរុបមានចំនួន ១៩០.៤៣៨នាក់ ភ្ញៀវជាតិមានចំនួន ១៩០.០៥២នាក់ ភ្ញៀវបរទេសចំនួន៣៨៦នាក់ (ភាគច្រើនជនជាតិចិន ជនជាតិថៃ ជនជាតិឥណ្ឌូណេស៊ីនៅតំបន់ប៉ោយប៉ែត) ក្នុងនោះ​ -សួនតេជោឈ្នះឈ្នះ ចំនួន៦៦.៤១៣នាក់ ក្នុងនោះភ្ញៀវអន្តរជាតិ ចំនួន០៦នាក់,​ -ប្រាសាទបន្ទាយឆ្មារ ចំនួន៦.៧៥៩នាក់,​ -អាងជើងគ្រុស ចំនួន១.៣២១នាក់,​ -ស្ពានភ្ជាប់និស្ស័យបារាយមេបុណ្យ ចំនួន ២.៤៣២នាក់,​ -ក្រុងប៉ោយប៉ែត(តំបន់ដើមពុទ្ទ្រា) ចំនួន ១៨.៣២៤នាក់ ក្នុងនោះបរទេសចំនួន៣៨០ នាក់,​ -អាងត្រពាំងថ្ម ចំនួន២.០៣០នាក់,​ -វត្តភ្នំតូច ចំនួន៥.១៦៥នាក់,​ -អូរខៃដន ចំនួន៨៥នាក់,​ -ដុងអរញ្ញ ចំនួន១២០នាក់,​ -សួនស្នេហ៍ជនបទ ចំនួន៣៦៨នាក់,​ -តំបន់ផ្សេងៗ(វត្តអារាមនានាក្នុងខេត្ត) ចំនួន ៨៧.៤២១នាក់៕​ អត្ថបទ​ រឿង​ ចន្ទ្រា

រយៈពេលពីរថ្ងៃទេសចរជាតិ-អន្តរជាតិជាង ១៦ ម៉ឺននាក់​ទៅលេងកម្សាន្តនៅខេត្តព្រះសីហនុ

2024/04/15 08:46:14 am        129
Facebook Telegram Linkin
ព្រះសីហនុ៖ គិតត្រឹមថ្ងៃទី១៤ ខែមេសា ឆ្នាំ២០២៤នេះ មានភ្ញៀវទេសចរជាតិ និងអន្តរជាតិ មកលេងកម្សាន្តនៅខេត្តព្រះសីហនុ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ មានចំនួនសរុប ១៦៧.០០១នាក់ កើនឡើង ១០,៤៧% ធៀបនឹងឆ្នាំ២០២៣។ នេះបើតាមរបាយការណ៍របស់មន្ទីរទេសចរណ៍ខេត្ត។ របាយការណ៍បានឱ្យដឹងថា ក្នុងចំណោមភ្ញៀវទេសចរជាតិ អន្តរជាតិសរុប ១៦៧.០០១នាក់នេះ​មាន ភ្ញៀវជាតិ ១៦៥.៦៤០ នាក់ កើនឡើង១២,៧៥% ធៀបនឹងឆ្នាំ ២០២៣។ ភ្ញៀបរទេស ៥.២៦៧ នាក់ កើនឡើង ២៣,៦៩% ធៀបនឹងឆ្នាំ ២០២៣។របាយការណ៍បានឱ្យដឹងទៀតថា ក្នុងចំណោមទេសចរជាង១៦ម៉ឺននាក់នេះ ក៏មានភ្ញៀវចូលតាមព្រលានយន្តហោះអន្តរជាតិកងកេងចំនួន២ជើង ស្មើនឹងឆ្នាំកន្លងទៅមានភ្ញៀវសរុប ១០៣នាក់ កើនឡើង៦,១៨% ធៀបនឹងឆ្នាំ ២០២៣ ក្នុងនោះ ភ្ញៀវជាតិ ២នាក់ ថយចុះ ៣៣,៣៣% ធៀបនឹងឆ្នាំ ២០២៣។ភ្ញៀវអន្តរជាតិ ១០១នាក់ កើនឡើង ៧,៤៤% ធៀបនឹងឆ្នាំ ២០២៣។ក្នុងចំណោមទេសចរទាំង១៦ម៉ឺននាក់នេះ ភ្ញៀវទៅសម្រាកកម្សាន្តតាមបណ្តាកោះនានាសរុប ១.០៣៨នាក់ ថយចុះ ២៧,១៥% ធៀបនឹងឆ្នាំ ២០២៣ ក្នុងនោះភ្ញៀវជាតិ ៥៦២ នាក់ ថយចុះ ២៧,៤៨% ធៀបនឹងឆ្នាំ២០២៣ និងភ្ញៀវបរទេស ៤៧៦ នាក់ ថយចុះ២៦,៧៦% បើធៀបនឹងឆ្នាំ ២០២៣។ចំណែកតាមបណ្តារមណីយដ្ឋាន និងឆ្នេរនានានៅក្នុងខេត្តព្រះសីហនុមានទេសចរទៅលេងកម្សាន្តសរុប១៥៨.៨៧០ នាក់ កើនឡើង ៦,១៦% ធៀបនឹងឆ្នាំ ២០២៣ ក្នុងនោះភ្ញៀវជាតិ ១៥៤.១៨០ នាក់ កើនឡើង៥,៥១%ធៀបនឹងឆ្នាំ ២០២៣។ ភ្ញៀវបរទេស ៤.៦៩០ នាក់ កើនឡើង ៣៣,៤៦% បើធៀបនឹងឆ្នាំ ២០២៣៕

សណ្ឋាគារ និងផ្ទះសំណាក់ ប្រមាណ៤០០ កន្លែង នៅក្រុងសៀមរាប បើកទទួលទេសចរ​កំលុងបុណ្យចូលឆ្នាំថ្មី

2024/04/11 12:44:21 pm        331
Facebook Telegram Linkin
សៀមរាប៖ លោក ធិម សិរីវុឌ្ឍ ប្រធានស្ដីទីនៃមន្ទីរទេសចរណ៍ខេត្តសៀមរាប បានឲ្យដឹងថា នៅ​ក្នុង​ព្រឹត្តិការណ៍ “សៀមរាបសង្ក្រាន្ត” នាពេលខាងមុខនេះ សេវាកម្ម​ស្នាក់​នៅ​តាម​បណ្តា​ផ្ទះ​សំណាក់​ ក៏ដូចជាសណ្ឋាគារខ្នាតតូច និងមធ្យម ក្នុងក្រុងសៀមរាប ប្រមាណ៤០០កន្លែង​បាន​បើក​ដំណើរ​ការ និងទទួលបានការកក់ទុកពីភ្ញៀវទេសចរ សម្រាប់ស្នាក់នៅកន្សាន្ដ​ចូល​ឆ្នាំថ្មី​ប្រពៃណីជា​តិ​ខ្មែរនាពេលខាងមុខនេះ។លោក ធិម សិរីវុឌ្ឍ ប្រធានស្ដីទីនៃមន្ទីរទេសចរណ៍ខេត្តសៀមរាប បានឲ្យដឹងថា មកដល់ថ្ងៃនេះ សេវា​កម្ម​ស្នាក់នៅក្នុងក្រុងសៀមរាបប្រមាណជាង ៤០០ទីតាំង បានបើកដំណើរការ សម្រាប់​នៅ​ថ្ងៃ​បុណ្យ​ចូលឆ្នាំថ្មីប្រពៃណីខ្មែរនេះ ដែលក្នុងនោះមានផ្ទះសំណាក់ និងសណ្ឋាគារខ្នាតតូច ខ្នាត​មធ្យម ពួកគាត់ទទួលបានការកក់បន្ទប់ស្នាក់នៅពេញអស់ហើយ ប៉ុន្ដែសម្រាប់​សេវា​ស្នាក់​នៅ​តាម​សណ្ឋាគារ​ធំៗ នៅសល់បន្ទប់ខ្លះ។លោកបន្ដថា ការសេសសល់នេះទំនងជាអាចទាក់ទងនឹងតម្លៃ ខណៈដែលឱកាស​ព្រឹត្តិការណ៍​សង្ក្រាន្តសៀមរាប នេះ តម្លៃស្នាក់នៅរបស់ផ្ទះសំណាក់ និងសណ្ឋាគារតូចៗ មានការឡើង​ថ្លៃ​តិចតួច ដែលជាតម្លៃមួយសមរម្យដែលអាចទទួលយកបាន។លោកបា​ន​សំណូមពរដល់ប្រតិបត្តិករទេសចរណ៍ ក៏ដូចជាម្ចាស់សណ្ឋាគារ ផ្ទះសំណាក់ទាំង​អស់​ក្នុង​ខេត្ត​សៀមរាប សូមបន្តនិរន្តភាពរបស់ខ្លួនឲ្យបានល្អជូនអតិថិជន ដោយ​មិន​តម្លើង​ថ្លៃ​សេវា​ណា​មួយ រួមទាំងសេវាម្ហូបអាហារ ដែលធ្វើឲ្យ​ប៉ះពាល់​ដល់​ភ្ញៀវទេសចរ​ដែល​មក​កម្សាន្ត​ ក្នុង​ខេត្ត​សៀមរាប ក្នុងព្រឹត្ដិការណ៍សង្ក្រាន្តសៀមរាបនាពេលខាងមុខនេះ។សូមរំលឹកថា រដ្ឋបាលខេត្ដសៀមរាប បានសហការជាមួយសហភាពសហព័ន្ធយុវជនកម្ពុជា សសយក បានរៀបព្រឹត្តិការណ៍សៀមរាបសង្ក្រាន្តឆ្នាំ២០២៤ ដើម្បីអបអរសាទរ​ពិធី​បុណ្យ​ចូល​ឆ្នាំថ្មី​ប្រពៃណីជាតិខ្មែរ នឹងប្រព្រឹត្ដទៅ​ចា​ប់​ពី​ថ្ងៃ​ទី​១៣​ដល់​ថ្ងៃទី១​៦​ខែ​មេសា​ឆ្នាំ​២០២៤​នេះ។ ព្រឹត្ដិការណ៍​មួយនេះ គឺជាលើកទី៣ហើយ គោលបំណង ផ្តល់ឱកាសឲ្យយុវជន សាធារណ​ជន​ខ្មែរ​ទូទៅបានចូលរួមអបអរសាទរ ពិធីបុណ្យចូលឆ្នាំថ្មី ប្រពៃណីជាតិ​នៅ​លើ​ទឹក​ដី​ប្រវត្តិ​សាស្ត្រ​សៀមរាប​អង្គរ ជាលក្ខណៈមហាគ្រួសារខ្មែរតែមួយ។ ព្រឹត្តិការណ៍សៀមរាបសង្ក្រាន្ត នឹងបាន​ផ្សព្វ​ផ្សាយ​លើក​តម្កើងពីអរិយធម៌ វប្បធម៌ ទំនៀមទម្លាប់ ប្រពៃណីដ៏ផូរផង់របស់ប្រជាពលរដ្ឋខ្មែរយើង ជូនភ្ញៀវជាតិ អន្តរជាតិស្វែងយល់ ដើម្បីពង្រីកកិត្យានុភាពនៅក្នុងតំបន់ និងទៅលើពិភពលោក៕

នាវាទេសចរណ៍បរទេស ផ្ទុកអ្នកដំណើរជាង ៨០០នាក់ ចូលចតធ្វើទស្សនកិច្ចក្នុងខេត្ដព្រះសីហនុ

2024/04/03 10:54:43 am        167
Facebook Telegram Linkin
ព្រះសីហនុ៖ នាយនគរបាលអន្ដោប្រវេសន៍ច្រកទ្វារកំពង់ផែអន្ដរជាតិក្រុងព្រះសីហនុ ប្រាប់ថា នាវាទេសចរណ៍បរទេសខ្នាតយក្ស ឈ្មោះ Seven Seas Navigator សញ្ជាតិ Bahamas ផ្ទុកអ្នកដំណើរចម្រុះជាតិសាសន៍ ៨២២នាក់ មកពីប្រទេសវៀតណាម ចូលចតនៅកំពង់ផែស្វយ័តអន្ដរជាតិក្រុងព្រះសីហនុ ដើម្បីធ្វើទស្សនកិច្ចនៅខេត្ដព្រះសីហនុ ថ្ងៃទី៣ ខែមេសាឆ្នាំ២០២៤ រួចហើយនឹងបន្តដំណើរឆ្ពោះទៅប្រទេសថៃ នៅល្ងាចថ្ងៃ ខែ ឆ្នាំដដែល។

កម្ពុជារៀបចំទិវាមនុស្សអូទីស្សឹម និងដោនស៊ីនដ្រូមលើកទី១១

2024/04/02 03:30:48 pm        9
Facebook Telegram Linkin
ភ្នំពេញ ៖ រាជរដ្ឋាភិបាលកម្ពុជា ដោយមានក្រសួងសង្គមកិច្ច អតីតយុទ្ធជន និងយុវនីតិសម្បទា ជាសេនាធិការ បានរៀបចំទិវា មនុស្សអូទីស្សឹម និងដោនស៊ីនដ្រូមលើកទី១១ ក្រោមប្រធានបទ «ជំរុញការធ្វើបរិយាបន្នសុខភាពមនុស្សអូទីស្សឹមនិងដោនស៊ីនដ្រូមប្រកបដោយសមធម៌»។​ក្រសួងសង្គមកិច្ច អតីតយុទ្ធជន និងយុវនីតិសម្បទា ក្រោមវត្តមាន ឯកឧត្តម រដ្ឋមន្ត្រី ជា សុមេធី រួមទាំងវត្តមានរបស់ មនុស្សមានបញ្ហាអូទីស្សឹម និងដោនស៊ីនដ្រូម ក៏ដូចជាអាណាព្យាបាល និងវត្តមាន គ្រូបង្រៀនកុមារអូទីស្សឹម និងដោនស៊ីនដ្រូម ផងដែរនោះ បានរៀបចំទិវាមនុស្សអូទីស្សឹម និងដោនស៊ីនដ្រូមលើកទី១១ នៅថ្ងៃទី ១ ខែមេសា ឆ្នាំ ២០២៤។ ទិវានេះធ្វើឡើងក្រោមប្រធានបទ“ជំរុញការធ្វើបរិយាបន្នសុខភាពមនុស្សអូទីស្សឹមនិងដោនស៊ីនដ្រូមប្រកបដោយសមធម៌”។ឯកឧត្តម រដ្ឋមន្ត្រី ជា សុមេធី លើកឡើងថា ការប្រារព្ធទិវាមនុស្សអូទីស្សឹម និងដោនស៊ីនដ្រូមជារៀងរាល់ឆ្នាំនេះ ជាការលើកទឹកចិត្តដល់ជនខ្សោយសតិបញ្ញាគ្រប់រូប ក្រុមគ្រួសារ សហគមន៍ មនុស្សទូទៅ និងអ្នកពាក់ព័ន្ធនានា ឱ្យយល់ដឹងពីបញ្ហាអូទីស្សឹម និងដោនស៊ីនដ្រូម។ លើសពីនេះ គឺជំរុញការចូលរួមរបស់ពួកគេក្នុងសកម្មភាពសង្គមនានាផងដែរ។ ឯកឧត្តមរដ្ឋមន្ត្រីបន្ថែមថា ផ្អែកតាមកំណត់ត្រាវេជ្ជសាស្រ្ត អូទីស្សឹមគឺជាវិបត្តិមិនលូតលាស់នៃប្រព័ន្ធសរសៃប្រសាទដែលអាចសម្គាល់បាននៅពេលកុមារមានអាយុ៣ឆ្នាំ និងភាគច្រើនកើតលើមនុស្សប្រុសជាងមនុស្សស្រី រីឯដោនស៊ីនដ្រូម គឺជាវិបត្តិនៃការចម្លងក្រូម៉ូសូនទី២១ ដែលប៉ះពាល់ទៅលើរាងកាយ និងការវិវត្តិរបស់ខួរក្បាល។ឆ្លៀតក្នុងឱកាសនេះ ឯកឧត្តមរដ្ឋមន្ត្រី ក៏បានអរគុណចំពោះ អគ្គលេខាធិការដ្ឋានក្រុមប្រឹក្សាសកម្មភាពជនពិការ មូលនិធិជនពិការ នាយកដ្ឋានសុខុមាលភាពជនពិការ អង្គការមិនមែនរដ្ឋាភិបាល និងដៃគូអភិវឌ្ឍនានា ដែលតែងតែចូលរួមជាមួយរាជរដ្ឋាភិបាល និងសហការគ្នាអនុវត្តការងារពាក់ព័ន្ធលើវិស័យពិការភាព ធ្វើឱ្យវិស័យនេះសម្រេចបាននូវសមិទ្ធផលជាច្រើនគួរឲ្យកត់សម្គាល់។ក្នុងពិធីដដែលនេះ ឯកឧត្តម អ៊ុង សម្បត្តិ អគ្គលេខាធិការស្តីទីក្រុមប្រឹក្សាសកម្មភាពជនពិការ បានលើកឡើងដែរថា មនុស្សអូទីស្សឹម និងដោនស៊ីនដ្រូម ត្រូវការជាចាំបាច់នូវឧបករណ៍ បច្ចេកវិទ្យាជំនួយដែលអាចជួយកាត់បន្ថយឬលុបបំបាត់ឧបសគ្គនៃការចូល រួមសកម្មភាពនានាក្នុងសង្គម ដោយឈរលើមូលដ្ឋានស្មើភាព។ ក្នុងន័យនេះការផ្តល់នូវឧបករណ៍ជំនួយបច្ចេកវិទ្យា ក៏ជាតម្រូវការអាទិភាពដើម្បីជំរុញឲ្យមនុស្សអូទីស្សឹម និងដោនស៊ីនដ្រូម ទទួលបានសិទ្ធិជាមូលដ្ឋានរួមមានសិទ្ធិក្នុងការរស់នៅ សិទ្ធិក្នុងការចូលរួម សិទ្ធិទទួលបានការអប់រំ សិទ្ធិទទួលបានមុខរបរការងារ។ សូមជម្រាបថា បច្ចុប្បន្នកម្ពុជា ក៏មានវិទ្យាល័យអប់រំពិសេសក្រុងតាខ្មៅ ជាសាលាដែលផ្ដល់ការបង្រៀនជាពិសេសសម្រាប់កុមារមានបញ្ហា អូទីស្សឹម និងដោនស៊ីនដ្រូមផងដែរ៕អត្ថបទ៖ គឹមហុក

ក្រុមការងារសិក្សាផូស៊ីលនៃនាយកដ្ឋានតំបន់បេតិកភណ្ឌ រកឃើញហ្វូស៊ីលដើមឈើ នៅតំបន់បេតិកភណ្ឌធម្មជាតិភ្នំត្បែង ដែលមានអាយុកាល២៥១-៦៥លានឆ្នាំ

2024/03/29 02:34:28 pm        202
Facebook Telegram Linkin
ក្រុមការងារសិក្សាផូស៊ីលនៃនាយកដ្ឋានតំបន់បេតិកភណ្ឌ អគ្គនាយកដ្ឋានសហគមន៍មូលដ្ឋាន នៃ​ក្រសួង​បរិស្ថាន រកឃើញហ្វូស៊ីលដើមឈើ នៅតំបន់បេតិកភណ្ឌធម្មជាតិភ្នំត្បែង ដែលមាន​អាយុកាល​២៥១-៦៥លានឆ្នាំ។ ការរកឃើញនេះ គឺក្រោយពីក្រុមការងារ​សិក្សាផូ​ស៊ីល​នៃ​នាយកដ្ឋាន​តំបន់​បេតិកភណ្ឌ អគ្គនាយកដ្ឋានសហគមន៍មូលដ្ឋាន បានចុះធ្វើ​កំណាយ​ស្រាវ​ជ្រាវ​ផូស៊ីល​ដើម​ឈើ នៅភ្នំស្រួច (តំបន់បេតិកភណ្ឌធម្មជាតិភ្នំត្បែង) ចាប់ពីថ្ងៃទី១៩ ដល់ថ្ងៃទី២៨ ខែមីនា ឆ្នាំ២០២៤ ដោយមានការចូលរួមពី អ្នកជំនាញ ព្រះសង្ឃឧទ្យានុរក្ស និស្សិត និង​ប្រជាជន​មួយ​ចំនួន។ បើតាមលទ្ធផលពីក្រុមស្រាវជ្រាវហ្វូស៊ីល បានធ្វើកំណាយដី ជម្រៅ​១.៥​ម៉ែត្រ ទទឹង២ម៉ែត្រ បណ្តោយ៦ម៉ែត្រ រកឃើញផូស៊ីលឈើប្រវែង៣.៥ម៉ែត្រ បំណែក​មែក​ឈើ​ជា​ច្រើន​ ដែលនៅជាធ្យូង បំណែកផូស៊ីលស្លឹកឈើ ដែលកប់​ក្នុងស្រ​ទាប់​ថ្ម​ភក់​ជា​ស្រទាប់​ផ្នែក​ខាង​លើ​នៃ​ភ្នំត្បែង។ តាមរយៈកំណាយអាចយល់បានថា ផូស៊ីលដើមឈើនេះអាចស្ថិតនៅស័ក Mesozoic សម័កាល Jurassic - Cretaceous (251-65លានឆ្នាំ)។សូមជម្រាបថា ក្រុមការងារសិក្សាផូស៊ីលនៃនាយកដ្ឋានតំបន់បេតិកភណ្ឌ អគ្គនាយកដ្ឋាន​សហគមន៍​មូលដ្ឋាន នៃក្រសួងបរិស្ថាន នារយៈកាលកន្លងទៅបាន រកឃើញហ្វូស៊ីជាច្រើន រាប់​ទាំង​ហ្វូស៊ីលសត្វសមុទ្រ ហ្វូស៊ីលឆ្អឹង, ហ្វូស៊ីសត្វ, ហ្វូស៊ីលត្រី ដែលមាន​អាយុកាល​រាប់​លាន​ឆ្នាំ​មុន។ ក្រុមការងារសិក្សាផូស៊ីលនៃនាយកដ្ឋានតំបន់បេតិកភណ្ឌ អគ្គនាយកដ្ឋាន​សហគមន៍​មូលដ្ឋាន​ មានតួនាទីចំបងសិក្សា ស្រាវជា្រវ រៀបចំទិន្នន័យនានា ពិនិត្យ តាមដាន និងរាយការណ៍​អំពី​ស្ថាន​ភាពតំបន់បេតិកភណ្ឌធម្មជាតិ ការពារ អភិរក្ស ទប់ស្កាត់បទល្មើស ធនធានវប្បធម៌ និង​ស្តារធនធាន តំបន់បេតិកភណ្ឌធម្មជាតិឱ្យមាននិរន្តរភាព ក៏ដូចជាចូលរួមថែរក្សា ប្រពៃណី ទំនៀម​ទម្លាប់ និងរួមចំណែកលើកកម្ពស់ជីវភាពរស់នៅរបស់សហគមន៍ ជនជាតិដើមភាគតិច ដែល​រស់នៅក្បែរតំបន់បេតិកភណ្ឌធម្មជាតិ៕

សិស្សមធ្យមសិក្សាវិចិត្រសិល្បៈហាត់សមរបាំត្រុដិ ខណៈមានការអញ្ជើញសម្តែងច្រើននា​ឱកាសចូលឆ្នាំថ្មីខាងមុខ

2024/03/29 01:02:40 pm        229
Facebook Telegram Linkin
នៅថ្ងៃទី២៩ ខែមីនានេះ ក្រុមសិស្សសាលាមធ្យមសិក្សាវិចិត្រសិល្បៈជាច្រើនក្រុម បាន​នាំ​បន្តការ​ហាត់​សម​ឲ្យ​ត្រូវតាមទម្រង់របាំត្រុដិ ដើម្បីត្រៀមចេញរាំសម្តែង លើករាសី និងបណ្តេញ​គ្រោះ​ឧបទ្រព​ចង្រៃ នៅតាមកេហដ្ឋាន ស្ថាប័នរដ្ឋ ឯកជន និងតាមកន្លែងធ្វើការងារ ក្នុង​ឱកាស​បុណ្យ​ចូលឆ្នាំ​ថ្មីប្រពៃណីខ្មែរឈានចូលមកដល់ខាងមុខនេះ។លោក ហេង កំសាន្ត នាយកសាលាមធ្យមសិក្សាវិចិត្រសិល្បៈ ថ្លែងថា ក្រោយ​ពីថ្នាក់​ដឹក​នាំ​ស្ថាប័ន​រដ្ឋ និងឯកជន និងគ្រួសារពលរដ្ឋខ្មែរជាច្រើន បានគាំទ្រ និងនាំគ្នាទាក់​ទង​ក្រុម​របាំត្រុដិ​នៃ​សាលា​មធ្យ​មសិក្សា​វិចិត្រសិល្បៈអញ្ជើញទៅសម្តែងច្រើន ក្នុងឱកាសបុណ្យចូលឆ្នាំថ្មី​ប្រពៃណី​ជាតិ​ខ្មែរ​មកនៅពេលនេះក្រុមសិល្បករ សិល្បៈជាច្រើនក្រុម ជាពិសេសក្រុមរបាំត្រុដិ គឺបាននាំគ្នាហ្វឹកហ្វឹក និង​ហាត់សម ត្រូវទម្រង់របំាត្រុដិពិតប្រាកដ ដើម្បីរាំ សម្តែងជូនពរ លើករាសី ផ្តាច់គ្រោះ ឆ្នាំ​ចាស់​ផ្លាស់​ចូល​ឆ្នាំថ្មី និងបណ្តេញឧបទ្រពចង្រៃចេញពីកេហដ្ឋាន និងកន្លែងធ្វើការងារ ប្រកប​អាជីវកម្ម​នានា​។លោកឱ្យដឹងថា ការហាត់សមរបាំត្រុដិនេះ មានតួសម្ដែងច្រើនគ្នា ដូចជា តួសត្វប្រើស ព្រានព្រៃ យក្ស ព្រាយស្រីក្រចកវែង សត្វក្ងោក សត្វទន្សោង ហែហមកំដរដោយក្រុមអ្នកវាយស្គរដៃ ក្រុម​អ្នក​បុក​កញ្ជែះដែលមានចងចង្ក្រង់ នារីអ្នកកាន់ឈើក្បាច់ក្បាលនាគចងដោយថង់ក្រណាត់ និង​បុរស​អ្នក​ច្រៀងគោលដឹកនាំក្រុមរបាំ ហើយច្រៀងបន្ទរ​ដោយ​ក្រុម​អ្នក​សម្ដែង​ទាំងអស់​គ្នា​ទៅ​តាម​ចង្វាក់​ តាមវគ្គឃ្លានៃចម្រៀង ហើយត្រូវបានពលរដ្ឋខ្មែរ តែងនិយមអញ្ជើញចូលរាំ សម្តែង​តាំង​ពីយូរ​យ៉ាណាស់ហើយ។លោក ហេង កំសាន្ត បញ្ជាក់ថា ក្រៅពីការហាត់សមរបាំត្រុដិ ក្រុមសិស្ស តាមផ្នែកទាំងអស់គ្នា ក៏​នាំ​គ្នា​ហា​ត់សមការរាំឲ្យត្រូវក្បាច់បុរាណស្រុះគ្នាល្អ និងហាត់សមប្រភេទរបាំនានាទៀតជាច្រើន ត្រៀម​សម្តែងសិល្បៈចំរុះឈុតធំ ជូនមហាជនចូលទស្សនា នៅក្នុងសាលា​មធ្យម​សិក្សា​វិចិត្រ​សិល្បៈ ​នៅថ្ងៃទី១ និងថ្ងៃទី២ ខែមេសា ដើម្បីអបអរសាទរពិធីបុណ្យចូលឆ្នាំថ្មី ប្រពៃណី​ខ្មែរ​ផង​ដែរ​៕​ អត្ថបទ ស៊ុម សុខជា 

បណ្ដាញសង្គម

ព័ត៌មានថ្មីៗ

ទាហានថៃបាញ់ផ្លោងចូលទឹកដីខេត្តកោះកុង និងប្រើយន្តហោះF-16ទម្លាក់គ្រាប់បណ្តាលឲ្យស្ពាននៅខេត្ត ពោធិ៍សាត់ពីរកន្លែងខូចខាត់យ៉ាងដំណំ
12/13/2025 10:12 AM
Facebook Telegram Linkin
មហាសន្និបាតUN អនុម័តសេចក្តីសម្រេចដែលទាមទារឱ្យអ៊ីស្រាអែលអនុញ្ញាតឱ្យជំនួយចូលទៅហ្កាហ្សា
12/13/2025 10:12 AM
Facebook Telegram Linkin
ទីភ្នាក់ងារUN ព្រមានថាជនភៀសខ្លួនតំបន់ហ្កាហ្សា ប្រឈមនឹងទឹកជំនន់ ខណៈការផ្គត់ផ្គង់បន្ទាន់ត្រូវបានរារាំង
12/13/2025 10:12 AM
Facebook Telegram Linkin
មន្ត្រីអាមេរិក៖ អាមេរិកមានគោលបំណងដាក់ពង្រាយកម្លាំងអន្តរជាតិនៅតំបន់ហ្កាហ្សានៅដើមឆ្នាំក្រោយ
12/13/2025 09:12 AM
Facebook Telegram Linkin
TOP STORY | សម្តេចធិបតីប្រាប់ទៅឯកឧត្តមដូណា​ល់​ ​ត្រាំ និងនាយករដ្ឋមន្រ្តីម៉ាឡេស៊ីឲ្យពិនិត្យមើលផ្កាយរណបទៅដឹង ហើយថាកម្ពុជា ឬថៃជាអ្នកបាញ់មុន
12/13/2025 06:12 AM
Facebook Telegram Linkin
BREAKING NEWS | កម្ពុជា និងថៃឯកភាពឈប់បាញ់គ្នា និងត្រលប់ទៅអនុវត្តបទឈប់បាញ់តាមរយៈការសម្របសម្រួលរបស់ប្រធានាធិបតីអាមេរិក
12/13/2025 01:12 AM
Facebook Telegram Linkin
អំណោយជាគ្រឿងឧបភោគបរិភោគ និងសម្ភារៈប្រើប្រាស់១០០០កញ្ចប់របស់សម្ដេចតេជោ និងសម្ដេចកិត្តិព្រឹទ្ធបណ្ឌិត,សម្ដេចធិបតី និងលោកជំទាវបណ្ឌិត ត្រូវបានបន្តផ្ដល់ពលរដ្ឋភៀសសឹកចំនួន១០០០គ្រួសារនៅខេត្តពោធិ៍សាត់
12/12/2025 11:12 PM
Facebook Telegram Linkin
ប្រធានអាស៊ានប្រកាសបើកកិច្ចប្រជុំពិសេសរដ្ឋមន្រ្តីការបរទេសអាស៊ាននាពេលឆាប់ៗខាងមុខដើម្បីវាយតម្លៃស្ថានភាពតំបន់ និងពង្រឹងតួនាទីរួមអាស៊ានក្នុងការថែរក្សាសន្តិភាពតំបន់
12/12/2025 09:12 PM
Facebook Telegram Linkin
ការកាត់បន្ថយជំនួយអាមេរិកនឹងបង្អាក់ការព្យាបាលសង្រ្គោះអាយុជីវិតកុមារអត់ឃ្លាននៅកេនយ៉ា
12/12/2025 09:12 PM
Facebook Telegram Linkin
ថាមពលពន្លឺព្រះអាទិត្យ នាំមកនូវការសង្រ្គោះអាយុជីវិតដល់សហគមន៍នៅតំបន់ព្រៃជប់ភ្លៀងអាម៉ាហ្សូន
12/12/2025 09:12 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.