BTV NEWS

គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ និង ការអភិវឌ្ឍន៍

លោក Trump ឈ្នះការបោះឆ្នោតបឋម ដែលមានឈ្មោះថា Super Tuesday ចំនួន១១ រដ្ឋលើកដំបូង

លោកTrump បានឈ្នះការបោះឆ្នោតបឋមចំនួន១១រដ្ឋដំបូងរួមទាំងរដ្ឋតិចសាស់ ។ការបោះឆ្នោតទាំងនេះ ត្រូវបានហៅដោយបណ្ដាញសហរដ្ឋអាមេរិក ខណៈលទ្ធផលបានបង្ហាញពីបណ្ដារដ្ឋ១៥ដែលគេឲ្យឈ្មោះថា Super Tuesday ក្នុងការប្រកួតប្រជែងដើម្បីតែងតាំងបេក្ខជនប្រធានាធិបតីរបស់គណបក្សសាធារណរដ្ឋ។ អតីតប្រធានាធិបតី ដែលមានបំណងដណ្ដើមកៅអីសេតវិមានជាថ្មី បន្ទាប់ពីចាញ់លោក Joe Biden មកពីគណបក្សប្រជាធិបតេយ្យ កាលពីឆ្នាំ២០២០ រូបនេះអាចប្រកាសពីជ័យជម្នះក្នុងរដ្ឋទាំងនោះនៅថ្ងៃអង្គារពេលវេលានៅសហរដ្ឋអាមេរិក ឆ្ពោះទៅរកការទទួលបានការតែងតាំងជាបេក្ខភាពប្រជាធានាធិបតីរបស់គណបក្សសាធារណរដ្ឋ។ រដ្ឋ Alabama, Arkansas, Colorado, Maine, Massachusetts, Minnesota, North Carolina, Oklahoma, Tennessee, Texas និងរដ្ឋ Virginia ត្រូវបានកំណត់ជ័យជម្នះសម្រាប់លោក Trump ដែលលោកបានផ្ញើសារអគុណអ្នកបោះឆ្នោតនៅលើបណ្ដាញសង្គម Truth Social របស់លោក ខណៈការរាប់សន្លឹកឆ្នោតនៅតែបន្តក្នុងការបោះឆ្នោតដ៏ធំដែលគេឲ្យឈ្មោះថា Super Tuesday នៅទូទាំងប្រទេស។ នៅក្នុងការប្រកួតប្រជែងការតែងតាំងបេក្ខជនក្នុងគណបក្សប្រជាធិបតេយ្យ ដូចការរំពឹង លោក Biden បានឈ្នះ ចំនួន១៣រដ្ឋ ដែលត្រូវបានហៅដោយបណ្ដាញសហរដ្ឋអាមេរិក ទោះបីលោកត្រូវបានព្យាករថានឹងចាញ់សំឡេងបន្តិចបំតួចលើគូរប្រជែងមកពីគណបក្សប្រជាធិបតេយ្យដូចគ្នា គឺលោក Jason Palmer នៅក្នុងតំបន់សមុទ្រប៉ាស៊ីហ្វិកតូចមួយនៃដែនដីសាម័រ(Samoa) របស់សហរដ្ឋអាមេរិក ក្ដី៕

បក្សនយោបាយ៖ លទ្ធផលបោះឆ្នោតព្រឹទ្ធសភាបង្ហាញពីដំណើរការលទ្ធិប្រជាធិបតេយ្យ សេរីពហុបក្ស

គណបក្សនយោបាយនានា លើកឡើងថា លទ្ធផលផ្លូវការ នៃការបោះឆ្នោតជ្រើសតាំងសមាជិកព្រឹទ្ធសភា គឺបានបង្ហាញពីចរន្តលទ្ធិប្រជាធិបតេយ្យ និងសេរីពហុបក្ស បន្ទាប់ពីមានគណបក្សនយោបាយចំនួនពីរទទួលបានអាសនៈ ក្នុងការបោះឆ្នោតនីតិកាលទី៥ ឆ្នាំ ២០២៤នេះ។បន្ទាប់ពីគណៈកម្មាធិការជាតិរៀបចំការបោះឆ្នោត (គ.ជ.ប) បានបញ្ចប់ការប្រកាសលទ្ធផលផ្លូវការ នៃការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ កាលពីម្សិលមិញ។ លោក អ៊ុន ជឹម ប្រធានគណបក្សឯកភាពជាតិខ្មែរ ថ្លែងប្រាប់ BTV នៅថ្ងៃទី៦ ខែមីនា ឆ្នាំ២០២៤ ដោយបានសម្តែងការគាំទ្រចំពោះលទ្ធផលរបស់ គ.ជ.ប។ លោកបានបញ្ជាក់ថាលទ្ធផលនោះមានគណបក្សនយោបាយចំនួនពីរទទួលបានអាសនៈក្នុងព្រឹទ្ធសភា នីតិកាលទី៥នេះ ដែលធ្វើដំណើរការក្នុងស្ថាប័នកំពូលនេះកាន់តែសកម្ម ក្នុងការបំពេញតួនាទី និងភារកិច្ចរួមគ្នាជាប្រយោជន៍សម្រាប់សង្គមជាតិ។ចំណែកលោក គុជ លី ប្រធានគណបក្សខ្មែរតែមួយ ក៏បានបង្ហាញការគាំទ្រចំពោះលទ្ធផលផ្លូវការ នៃការបោះឆ្នោតព្រឹទ្ធសភានេះដូចគ្នាដែរ។ លោកលើកឡើងថា កម្ពុជាកាន់តែចាក់ឫសលទ្ធិប្រជាធិបតេយ្យថែមទៀត បន្ទាប់ពីស្ថាប័ននីតិបញ្ញត្តិ ឬហៅថាសភាជាន់ខ្ពស់ មានគណបក្សនយោបាយពីរផ្សេងគ្នាក្នុងស្ថាប័នកំពូលតែមួយ។សូមជម្រាបថា យោងតាមលទ្ធផលផ្លូវការនៃការបោះឆ្នោតជ្រើសតាំងសមាជិកព្រឹទ្ធសភារបស់ គ.ជ.ប បង្ហាញថា គណបក្សប្រជាជនកម្ពុជាទទួលបានឆ្នោតគាំទ្រច្រើនជាងគេ ដោយទទួលបានសំឡេងគាំទ្រជិត ៩៥% ស្មើនឹង៥៥អាសនៈ ខណៈគណបក្សឆន្ទៈខ្មែរទទួលបាន៣អាសនៈ៕ អត្ថបទ សេក ឧត្តម

ប្រធានចារកម្មរុស្ស៊ី ចាត់ទុកការអត្ថាធិប្បាយរបស់លោកម៉ាក្រុងអំពីទាហានណាតូ នៅអ៊ុយក្រែនថា ជារឿងគ្រោះថ្នាក់

ប្រធានសេវាចារកម្មបរទេស (SVR) របស់រុស្ស៊ី បាននិយាយកាលពីថ្ងៃអង្គារថា ការអត្ថាធិប្បាយរបស់ប្រធានាធិបតីបារាំង អេម៉ានុយអែល ម៉ាក្រុង(Emmanuel Macron)អំពីការបញ្ជូនទាហានណាតូ ទៅកាន់អ៊ុយក្រែន កំពុងជំរុញពិភពលោកឲ្យឈានទៅដល់ដំណាក់កាលនៃសង្គ្រាមនុយក្លេអ៊ែរ។កាលពីសប្តាហ៍មុន លោកម៉ាក្រុង បានបើកឱកាសឲ្យបណ្តាប្រទេសអឺរ៉ុបបញ្ជូនកងទ័ពទៅកាន់អ៊ុយក្រែន ទោះបីជាលោក បានព្រមានថា មិនមានការឯកភាពគ្នាក្នុងដំណាក់កាលនេះក៏ដោយ។ សហរដ្ឋអាមេរិក និងសម្ព័ន្ធមិត្តសំខាន់ៗរបស់អឺរ៉ុប បាននិយាយជាបន្តបន្ទាប់ថា ពួកគេមិនមានគម្រោងបញ្ជូនកងទ័ពជើងគោកទៅកាន់អ៊ុយក្រែនទេ។ទីភ្នាក់ងារសារព័ត៌មានរុស្ស៊ី បានដកស្រង់សម្តីប្រធានសេវាចារកម្មបរទេស លោក Sergei Naryshkin ប្រាប់អ្នកសម្ភាសន៍ទូរទស្សន៍រុស្ស៊ីថា៖«នេះបង្ហាញពីភាពមិនទទួលខុសត្រូវខ្ពស់របស់ក្រុមមេដឹកនាំអឺរ៉ុបនាពេលបច្ចុប្បន្ននេះ ក្នុងករណីនេះ គឺលោកប្រធានាធិបតីបារាំង»។«ជាការពិតណាស់ នេះគឺជារឿងគួរឲ្យសោកស្តាយដោយបានឃើញ សង្កេត និងយល់ថា សមត្ថភាពរបស់ឥស្សរជនបច្ចុប្បន្ននៅអឺរ៉ុប និងអាត្លង់ទិកខាងជើងក្នុងការចរចា គឺនៅកម្រិតទាបបំផុត។«នេះ គឺជាការអធិប្បាយដ៏កម្រ ដែលពួកគេបានបង្ហាញពីសុភវិនិច្ឆ័យទាំងអស់។ ប៉ុន្តែសេចក្តីថ្លែងការណ៍ទាំងនេះ គឺមានគ្រោះថ្នាក់ខ្លាំងណាស់។ ពួកគេកំពុងនាំយើងទៅដល់ដំណាក់កាលនៃសង្រ្គាមនុយក្លេអ៊ែរ រួចហើយ»។

លោកប្ល៊ីនខិន ប្រាប់អ៊ីស្រាអែលថា ខ្លួនត្រូវតែធ្វើសកម្មភាពជាបន្ទាន់ ដើម្បីជំរុញជំនួយចូលដល់តំបន់ហ្កាហ្សា

អ្នកនាំពាក្យក្រសួងការបរទេសអាមេរិក លោក Matthew Miller បាននិយាយថា រដ្ឋមន្ត្រីការបរទេសអាមេរិក លោកអង់តូនី ប្ល៊ីនខិន ( Antony Blinken) បានប្រាប់រដ្ឋមន្ត្រីទទួលបន្ទុកកិច្ចការសង្រ្គាមនៃគណៈរដ្ឋមន្ត្រីអ៊ីស្រាអែល លោក Benny Gantz នៅឯកិច្ចប្រជុំរបស់ពួកគេកាលពីថ្ងៃអង្គារ តាមរបៀប «ស្មោះត្រង់» ថា អ៊ីស្រាអែលចាំបាច់ត្រូវចាត់វិធានការជាបន្ទាន់ ដើម្បីអនុញ្ញាតឲ្យមានជំនួយបន្ថែមទៀតចូលទៅក្នុងតំបន់ហ្កាហ្សា។ថ្លែងនៅក្នុងសន្និសីទសារព័ត៌មានមួយ លោក Miller បានបញ្ជាក់ថា ទីក្រុងវ៉ាស៊ីនតោន បានឃើញរដ្ឋមន្ត្រីអ៊ីស្រាអែលមួយចំនួន នៅក្នុងរដ្ឋាភិបាល រារាំងការដឹកជញ្ជូនម្សៅទៅកាន់តំបន់ហ្កាហ្សា និងគាំទ្រក្រុមបាតុករដែលរារាំងជំនួយមិនឲ្យចូលទៅក្នុងដែនដីដែលមានប្រជាជនច្រើន ហើយលោកបានបន្ថែមថា សហរដ្ឋអាមេរិក បានអំពាវនាវឲ្យបញ្ចប់សកម្មភាពបែបនេះ។លោក Miller បានថ្លែងថា បច្ចុប្បន្ន ទីក្រុងវ៉ាស៊ីនតោន ចង់ឃើញច្រកឆ្លងកាត់ព្រំដែនមួយផ្សេងទៀតចូលទៅក្នុងតំបន់ហ្គាហ្សាត្រូវបានបើកដោយអ៊ីស្រាអែល ហើយត្រូវបានចូលរួមជាមួយសមភាគីអ៊ីស្រាអែលដោយផ្ទាល់ ដើម្បីធ្វើឲ្យរឿងនោះកើតឡើង ហើយការចូលរួមទាំងនោះរួមមានកិច្ចប្រជុំរបស់លោកប្ល៊ីនខិន ជាមួយលោក Gantz ។លោក Miller បានបញ្ជាក់ថា៖ «គាត់ (Blinken) បាននិយាយដោយផ្ទាល់ និងស្មោះត្រង់ចំពោះភាពធ្ងន់ធ្ងរនៃស្ថានភាពជាក់ស្តែង និងការពិតដែលថា អ្នកដែលពាក់ព័ន្ធទាំងអស់ ត្រូវធ្វើការបន្ថែមទៀត ដើម្បីទទួលបានជំនួយជាបន្ទាន់ឲ្យបានឆាប់តាមដែលអាចធ្វើទៅបាន»។ ស្ថានការណ៍មនុស្សធម៌ នៅតំបន់ហ្កាហ្សាថា «គួរឲ្យភ័យខ្លាច»។លោក Gantz បានថ្លែងទៅកាន់អ្នកសារព័ត៌មាននៅខាងក្រៅក្រសួងការបរទេស បន្ទាប់ពីកិច្ចប្រជុំរបស់លោកជាមួយលោកប៊្លីនខិនថា៖«កិច្ចប្រជុំនេះ គឺល្អណាស់»។ លោកមិនបានឆ្លើយតបនឹងសំណួរដែលបានលើកឡើងថាតើអ៊ីស្រាអែល នឹងបើកច្រកព្រំដែនមួយទៀត ដើម្បីអនុញ្ញាតឲ្យមានជំនួយបន្ថែមទៀតឬអត់?

រុស្ស៊ីនិយាយថា ខ្លួនកំពុងពិចារណាដាក់រោងចក្រថាមពលនុយក្លេអ៊ែរនៅលើឋានព្រះចន្ទជាមួយចិន

លោក យ៉ូរី បូរីសូវ (Yuri Borisov) ប្រធានទីភ្នាក់ងារអវកាស ស៉ូសខូស្មូស (Roscosmos) របស់រុស្ស៊ី បាននិយាយកាលពីថ្ងៃអង្គារ (០៥ មីនា) ថាប្រទេសរុស្ស៊ី និងប្រទេសចិន កំពុងពិចារណាដាក់រោងចក្រថាមពលនុយក្លេអ៊ែរនៅលើឋានព្រះចន្ទក្នុងឆ្នាំ២០៣៣ ទៅឆ្នាំ២០៣៥។លោក បូរីសូវ អតីតអនុរដ្ឋមន្ត្រីការពារជាតិ បាននិយាយថា រុស្ស៊ី និងចិន បាននឹងកំពុងធ្វើការរួមគ្នាលើកម្មវិធីបេសកកម្មព្រះចន្ទ ហើយថាទីក្រុងមូស្គូ អាចចូលរួមចំណែកជាមួយអ្នកជំនាញរបស់ខ្លួនលើគម្រោង «ថាមពលនុយក្លេអ៊ែរអវកាស»។ប្រធានទីភ្នាក់ងារអវកាសរុស្ស៊ីរូបនេះក៏បាននិយាយផងដែរអំពីផែនការរបស់រុស្ស៊ី ក្នុងការសាងសង់យានអវកាសដឹកទំនិញដើរដោយថាមពលនុយក្លេអ៊ែរ។ លោកបានបន្ថែមថា សំណួរបច្ចេកទេសទាំងអស់ទាក់ទងនឹងគម្រោងនេះត្រូវបានដោះស្រាយ ក្រៅពីការស្វែងរកដំណោះស្រាយអំពីមធ្យោបាយធ្វើឱ្យម៉ាស៊ីនរ៉េអាក់ទ័រនុយក្លេអ៊ែរត្រជាក់ ដើម្បីឆ្ពោះទៅមុខលើដែនការនេះ។ក្រុមមន្ត្រីរុស្ស៊ី បាននិយាយជាយូរមកហើយពីផែនការដ៏មហិច្ឆិតារបស់ខ្លួនថាថ្ងៃណាមួយនឹងធ្វើការបង្កើតថ្មីមួយនៅលើឋានព្រះចន្ទ ប៉ុន្តែកម្មវិធីអវកាសរុស្ស៊ី បានទទួលរងនូវការបរាជ័យជាបន្តបន្ទាប់ក្នុងប៉ុន្មានឆ្នាំថ្មីៗនេះ៕

កម្ពុជា-វៀតណាម ឯកភាពបន្តពង្រឹង និងពង្រីកកិច្ចសហប្រតិបត្តិការលើវិស័យការពារជាតិ និងសន្តិសុខ វិស័យទេសចរណ៍ និងការតភ្ជាប់ហេដ្ឋារចនាសម្ព័ន្ធ

នាព្រឹកថ្ងៃទី៦ ខែមីនា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តម ផាម មិញជិញ (PHAM Minh Chinh) នាយករដ្ឋមន្រ្តី នៃសាធារណរដ្ឋសង្គមនិយមវៀតណាម បានជួបពិភាក្សាការងារទ្វេភាគី ក្នុងឱកាសចូលរួមកិច្ចប្រជុំកំពូលអាស៊ាន-អូស្រ្តាលី នៅទីក្រុងម៉ែលប៊ន ប្រទេសអូស្ត្រាលី។ជាកិច្ចចាប់ផ្តើម ថ្នាក់ដឹកនាំទាំងពីរបានសម្តែងនូវការស្វាគមន៍យ៉ាងកក់ក្តៅចំពោះគ្នាទៅវិញទៅមក ដោយក្ដីសោមនស្សរីករាយ។ ក្នុងជំនួបនេះ ឯកឧត្តម ផាម មិញជិញ បានអបអរសាទរកម្ពុជាចំពោះជោគជ័យនៃរៀបចំការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ក៏ដូចជាអបអរសាទរចំពោះគណបក្សប្រជាជនកម្ពុជាដែលទទួលបានជ័យជំនះលើការបោះឆ្នោត ដោយទទួលបាន៥៥អាសនៈ។ ឯកឧត្តមនាយករដ្ឋមន្រ្តី ក៏បានផ្ដាំផ្ញើការសួរសុខទុកថ្វាយជូនព្រះករុណា ព្រះបាទ សម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេច អគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ និងជាអតីតនាយករដ្ឋមន្ត្រី និងថ្នាក់ដឹកនាំមួយចំនួនទៀតនៃប្រទេសកម្ពុជាផងដែរ។ ជាការឆ្លើយតប សម្តេចធិបតី បានសម្ដែងនូវការស្វាគមន៍ និងក្ដីរីករាយដែលបានជួបពិភាក្សាការងារទ្វេភាគីជាមួយឯកឧត្តម នាយករដ្ឋមន្ត្រីជាថ្មីម្ដងទៀតដែលនេះជាឱកាសនៃកិច្ចពិភាក្សាលើកិច្ចសហប្រតិបត្តិការដែលបានឯកភាពគ្នានាពេលកន្លងមក និងការបន្តពិភាក្សាលើកិច្ចសហប្រតិបត្តិការនាថ្ងៃអនាគតបន្ថែមទៀត។ក្នុងជំនួបនេះ ថ្នាក់ដឹកនាំទាំងពីរបានពិភាក្សាគ្នាលើវិស័យគន្លឹះ ដែលជាកម្មវត្ថុនៃការពង្រឹង និងពង្រីកកិច្ចសហប្រតិបត្តិការបន្ថែម រវាងកម្ពុជា និងវៀតណាម ដែលរួមមានដូចជា៖ វិស័យការពារជាតិ និងសន្តិសុខ វិស័យទេសចរណ៍ និងការតភ្ជាប់ហេដ្ឋារចនាសម្ព័ន្ធ ដូចជាផ្លូវលឿន ភ្នំពេញ-បាវិត-ហូជីមិញ ជាដើម។ ក្នុងក្របខ័ណ្ឌនៃកិច្ចសហប្រតិបត្តិការការងារត្រីភាគី CLV, ថ្នាក់ដឹកនាំទាំងពីរ បានគូសបញ្ជាក់ថា នៅថ្ងៃខាងមុខ នឹងមានការរៀបចំកិច្ចប្រជុំកំពូល CLV លើកទី១២ ហើយបានលើកទឹកចិត្តឱ្យក្រសួង ស្ថាប័នមួយចំនួនដើម្បីពង្រឹង និងពង្រីកកិច្ចសហប្រតិបត្តិការគ្នាក្នុងក្របខ័ណ្ឌ CLV បន្ថែមទៀត។ ដោយឡែកក្នុងវិស័យទេសចរណ៍ ថ្នាក់ដឹកនាំទាំងពីរបានឯកភាពឱ្យក្រសួងទេសចរណ៍បង្កើនកិច្ចពិភាក្សាដើម្បីស្វែងរកឱកាសក្នុងការជំរុញកំណើនទេសចរណ៍ក្នុងប្រទេសទាំងបី។ ជាមួយគ្នានេះដែរ ថ្នាក់ដឹកនាំទាំងពីរក៏បានពិភាក្សាគ្នាលើកិច្ចការមួយចំនួន ដែលជាផលប្រយោជន៍រួម សម្រាប់ប្រទេសកម្ពុជា និងប្រទេសវៀតណាមផងដែរ ៕

នាយករដ្ឋមន្ត្រីអូស្ត្រាលីប្រាប់មេដឹកនាំអាស៊ានថា ជោគវាសនារបស់អូស្ត្រាលី ស្ថិតនៅជាមួយអាស៊ីអាគ្នេយ៍

អូស្ត្រាលីបានប្តេជ្ញាធ្វើការជាមួយបណ្ដាមេដឹកនាំអាស៊ាន ឬ(សមាគមប្រជាជាតិអាស៊ីអាគ្នេយ៍) ក្នុងកិច្ចប្រជុំពេញអង្គរបស់ក្រុមមេដឹកនាំនៅថ្ងៃពុធ ៦ មីនា សប្ដាហ៍នេះ ជាផ្នែកមួយនៃកិច្ចប្រជុំកំពូលពិសេសអាស៊ាន-អូស្ត្រាលី ដែលរៀបចំនៅទីក្រុងមែលប៊ន(Melbourne)។ ថ្លែងនៅក្នុងកិច្ចប្រជុំពេញអង្គ សហប្រធាននៃកិច្ចប្រជុំកំពូល នាយករដ្ឋមន្ត្រី អាន់តូនី អាល់បានីស(Anthony Albanese) បាននិយាយថា ជោគវាសនារបស់អូស្រ្តាលីស្ថិតនៅជាមួយអាស៊ីអាគ្នេយ៍ ហើយបានប្តេជ្ញាចិត្តជាថ្មីគាំទ្រតំបន់នេះ។អូស្ត្រាលីដែលជាប្រទេសធំបំផុតប្រចាំទ្វីបអូសេអានី កំពុងធ្វើជាម្ចាស់ផ្ទះនៃកិច្ចប្រជុំកំពូលរយៈពេលបីថ្ងៃដើម្បីប្រារព្ធខួប ៥០ ឆ្នាំចាប់តាំងពីប្រទេសនេះ បានក្លាយជាដៃគូខាងក្រៅដំបូងរបស់អាស៊ាន។ប្រទេសធំបំផុតទី៦នៅលើពិភពលោកមួយនេះ នឹងសម្លឹងរកការពង្រឹងទំនាក់ទំនងជាមួយតំបន់ដែលមានការរីកចម្រើនយ៉ាងឆាប់រហ័ស ខណៈដែលចិនសម្លឹងរកការបង្កើនលទ្ធភាពការទូត និងយោធារបស់ខ្លួន។ ក្រុមមេដឹកនាំប្លុកនេះ នឹងត្រូវបានស្វាគមន៍ទៅកាន់វិមានរដ្ឋាភិបាលរបស់ទីក្រុង Melbourne នៅពេលក្រោយចប់កិច្ចប្រជុំ៕

កិច្ចប្រជុំកំពូលអាស៊ានផ្តោតលើសន្តិសុខដែនសមុទ្រ ស្របពេលមានភាពតានតឹងនៅសមុទ្រចិនខាងត្បូង

នាយករដ្ឋមន្ត្រីអូស្ត្រាលី លោក អាន់ថូនី អាល់បានីស (Anthony Albanese) បាននិយាយនៅថ្ងៃពុធ (០៦ មីនា) នេះថាសន្តិសុខដែនសមុទ្រ ពាណិជ្ជកម្ម និងថាមពលស្អាតនឹងបង្កើតអនាគតរបស់ប្រទេសនេះជាមួយប្លុកអាស៊ាន ខណៈដែលទីក្រុងប៉េកាំង សម្លឹងមើលការបង្កើនវត្តមានរបស់ខ្លួននៅក្នុងសមុទ្រចិនខាងត្បូង ដែលមានការប្រកួតប្រជែងខ្លាំង។ប្រទេសអូស្ត្រាលី កំពុងធ្វើជាម្ចាស់ផ្ទះនៃកិច្ចប្រជុំកំពូលអាស៊ាន នៅទីក្រុងមែលប៊ន ដែលជាការប្រារព្ធខួបលើកទី ៥០ នៃទំនាក់ទំនងរបស់ខ្លួនជាមួយអាស៊ាន បើទោះបីជាភាពខុសគ្នានៅតែមាននៅទូទាំងប្លុកដែលមានសមាជិក ១០ ប្រទេសនេះ ស្តីពីផែនការរបស់ប្រទេសចិន ក្នុងការពង្រីកវត្តមានការទូត និងយោធានៅក្នុងតំបន់។លោក អាល់បានីស បាននិយាយនៅក្នុងសុន្ទរកថានៅឯកិច្ចប្រជុំកំពូលរយៈពេលបីថ្ងៃ ដែលនឹងបញ្ចប់នៅល្ងាចនៅថ្ងៃពុធនេះថា «អូស្ត្រាលី ប្តេជ្ញាធ្វើការជាមួយបណ្ដាប្រទេសទាំងអស់ដើម្បីធ្វើឱ្យប្រាកដថាគោលការណ៍នៃអធិបតេយ្យភាព បូរណភាពទឹកដី សមភាព និងឯករាជ្យភាពត្រូវបានរក្សា»។ការអត្ថាធិប្បាយនេះកើតឡើងនៅពេលដែលហ្វីលីពីន កាលពីថ្ងៃអង្គារ បានកោះហៅអនុប្រធានបេសកកម្មរបស់ចិន នៅទីក្រុងម៉ានីល ដើម្បីតវ៉ាចំពោះអ្វីដែលខ្លួនហៅថាជា «សកម្មភាពឈ្លានពាន» របស់កងកម្លាំងជើងទឹកចិន ប្រឆាំងនឹងបេសកកម្មផ្គត់ផ្គង់ឡើងវិញសម្រាប់កងទ័ពហ្វីលីពីន ដែលឈរជើងនៅលើដែនទឹកសមុទ្រចិនខាងត្បូង៕

ក្រសួងមហាផ្ទៃ ស្នើឱ្យរដ្ឋបាលក្រុង ស្រុក ខណ្ឌសម្របសម្រួល និងគាំទ្រ ក្នុងការអនុវត្តការចុះបញ្ជីដីធ្លីមានលក្ខណៈជាប្រព័ន្ធ ប្រកបដោយប្រសិទ្ធភាពជូនប្រជាពលរដ្ឋ

ភ្នំពេញ៖ ក្រសួងមហាផ្ទៃ នៅថ្ងៃទី៥ ខែមីនានេះ បានចេញលិខិតស្នើឱ្យរដ្ឋបាលក្រុង ស្រុក ខណ្ឌសម្របសម្រួល និងគាំទ្រក្នុងការអនុវត្តការចុះបញ្ជីដីធ្លីមានលក្ខណៈជាប្រព័ន្ធ ប្រកបដោយប្រសិទ្ធភាពជូនប្រជាពលរដ្ឋ។ក្រសួងមហាផ្ទៃ បានជម្រាប ឯកឧត្តម លោកជំទាវអភិបាលនៃ គណៈអភិបាលរាជធានី ខេត្ត ជ្រាបថា យុទ្ធសាស្ត្របញ្ចកោណ ដំណាក់កាលទី១ ដែលមានរួមបញ្ចូលការធ្វើកំណែ ទម្រង់ដីធ្លី និងនគរូបនីយកម្ម ជាមួយនឹងការបង្កើតឱ្យមាននូវគោលនយោបាយដីធ្លី រួមមាន ការចុះបញ្ជីដីធ្លីមាន លក្ខណៈជាប្រព័ន្ធ ដោយក្រសួងរៀបចំដែនដី នគរូបនីយកម្ម និងសំណង់ បានកំណត់យកការចុះបញ្ជីដីធ្លីជូន ប្រជាពលរដ្ឋជាការងារអាទិភាពខ្ពស់ និងត្រូវអនុវត្តឱ្យបានចប់សព្វគ្រប់នៅទូទាំងប្រទេស។ ក្រសួងបញ្ជាក់ថា កន្លងមក ក្រុមការងារ ចុះបញ្ជីដីធ្លីមានលក្ខណៈជាប្រព័ន្ធ នៅតាមបណ្តារាជធានី ខេត្ត ដែលមានប្រធានការិយាល័យរៀបចំដែនដី នគរូប នីយកម្ម សំណង់ និងភូមិបាលក្រុង ស្រុក ខណ្ឌ ជាប្រធានក្រុមការងារចុះបញ្ជី បាននិងកំពុងអនុវត្តកម្មវិធីអនុវិស័យ រដ្ឋបាលដីធ្លី ក្នុងគោលបំណងធ្វើការចុះបញ្ជីកម្មសិទ្ធិ និងសិទ្ធិផ្សេងៗទៀតលើអចលនវត្ថុឱ្យបានច្បាស់លាស់ និងជាផ្លូវការ ដើម្បីទប់ស្កាត់ និងដោះស្រាយវិវាទដីធ្លី សំដៅពង្រឹងសុវត្ថិភាពនៃការកាន់កាប់ដីធ្លី និងបង្កើនភាពជឿជាក់ លើប្រព័ន្ធចុះបញ្ជីដីធ្លី។ ក្នុងន័យនេះ ដើម្បីជំរុញការអនុវត្តការចុះបញ្ជីដីធ្លីមានលក្ខណៈជាប្រព័ន្ធឱ្យកាន់តែមានប្រសិទ្ធភាពបន្ថែមទៀតនឹងទទួលបានជោគជ័យតាមផែនការដែលបានកំណត់ ក្រសួងមហាផ្ទៃ ស្នើ រដ្ឋបាលរាជធានី ខេត្ត ធ្វើការណែនាំដល់រដ្ឋបាលក្រុង ស្រុក ខណ្ឌ ដើម្បីសម្របសម្រួល និងគាំទ្រក្នុងការអនុវត្តការចុះបញ្ជី ដីធ្លីមានលក្ខណៈជាប្រព័ន្ធរបស់ក្រុមការងារចុះបញ្ជីដីធ្លីមានលក្ខណៈជាប្រព័ន្ធ ដែលមានប្រធានការិយាល័យរៀបចំ ដែនដី នគរូបនីយកម្ម សំណង់ និងភូមិបាលក្រុង ស្រុក ខណ្ឌ ជាប្រធានក្រុមការងារដឹកនាំការងារចុះបញ្ជីដីធ្លីនេះ៕

គណៈប្រតិភូរដ្ឋសភា ចុះសួរសុខទុក្ខនាយទាហាន ពលទាហាន វរសេនាតូចលេខ៤២២ ការពារព្រំដែនជួរមុខទិសប្រាសាទតាមាន់ និងប្រាសាទតាក្របី

ដោយបានការអនុញ្ញាតពីសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៅព្រឹកថ្ងៃទី៥ ខែមីនា ឆ្នាំ២០២៤ គណ:ប្រតិភូអន្តរគណ:កម្មការរដ្ឋសភាដឹកនាំដោយឯកឧត្តម កែប ជុតិមា ប្រធានគណៈកម្មការមហាផ្ទៃ ការពារជាតិ មុខងារសាធារណៈ និងកិច្ចការព្រំដែន (គណៈកម្មការទី៤) នៃរដ្ឋសភា និងឯកឧត្តម សួស យ៉ារ៉ា ប្រធានគណ:កម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន (គណៈកម្មការទី៥)នៃរដ្ឋសភា ព្រមទាំងឯកឧត្តម លោកជំទាវជាសមាជិក សមាជិកាគណ:កម្មការទី៤ និងគណ:កម្មការទី៥ នៃរដ្ឋសភា អមដំណើរដោយឯកឧត្តម សៀក សុជាតិ រដ្ឋលេខាធិការក្រសួងការពារជាតិ ឯកឧត្តម អ៊ុន សុភ័ក្រ អភិបាលរងខេត្តឧត្តរមានជ័យ ឯកឧត្តម ហ៊ូ សាគុណ រដ្ឋលេខាធិការក្រសួងមហាផ្ទៃ និងឯកឧត្តម ឡាយ សៀងលី អនុរដ្ឋលេខាធិការ នៃរដ្ឋលេខាធិការដ្ឋានកិច្ចការព្រំដែន បានអញ្ជើញចុះសំណេះសំណាលសួរសុខទុក្ខ ជាមួយនាយទាហាន នាយទាហានរង ពលទាហាន វរសេនាតូចលេខ៤២២ ចំណុះកងពលតូចថ្មើរជើងលេខ៤២ និងនាយនគរបាល នាយនគរបាលរង និងពលនគរបាល ការពារពំ្រដែនគោកលេខ ៧០២ ដែលឈរជើងការពារតាមបណ្តោយខ្សែបន្ទាត់ព្រំដែនកម្ពុជា-ថៃ សមរភូមិមុខទិសប្រាសាទតាមាន់ និងប្រាសាទតាក្របី ដែលពិធីនេះប្រព្រឹត្តនៅទីបញ្ជាការវរសេនាតូចលេខ៤២២ ស្ថិតនៅក្នុងឃុំគោគមន ស្រុកបន្ទាយអំពិល ខេត្តឧត្តរមានជ័យ។ លោកឧត្តមសេនីយ៍ត្រី នាក់ វង្ស មេបញ្ជាការកងពលតូចថ្មើរជើងលេខ៤២ តំណាងឲ្យនាយ នាយទាហានរង ពលទាហាន និងនាយ នាយនគរបាលរង និងពលនគរបាលនៅជួរមុខទិសប្រាសាទតាមាន់ និងប្រាសាទតាក្របី ខេត្តឧត្តរមានជ័យ បានស្វាគមន៍យ៉ាងកក់ក្តៅចំពោះវត្តមាន គណៈប្រតិភូរដ្ឋសភាដែលបានឆ្លៀតឱកាសដ៏មានតម្លៃអញ្ជើញចុះសាកសួរសុខទុក្ខដល់កងយោធពលខេមរៈភូមិន្ទ និងកងកំលាំងនគរបាលជាតិនៅតាមខ្សែបន្ទាត់ព្រំដែនកម្ពុជា-ថៃ នាពេលនេះ គឺជាការលើកទឹកចិត្តប្រកបដោយព្រហ្មវិហារធម៌ ក្នុងការផ្សាភ្ជាប់សមរភូមិមុខ ជាមួយស្ថាប័ននីតិប្បញ្ញត្តិ ធ្វើឲ្យនាយទាហាន នាយទាហានរង និងពលទាហាន នឹងនាយនគរបាល នាយនគរបាលរង និងពលនគរបាលទាំងអស់ដែលកំពុងបំពេញបេសកកម្មនៅជួរមុខទិសឧត្តរមានជ័យ នឹងបន្តខិតខំលើកកម្ពស់ស្មារតីទទួលខុសត្រូវ និងអនុវត្តឱ្យបានយ៉ាងម៉ឺងម៉ាត់នៅរាល់បទបញ្ជាដ៏ខ្ពង់ខ្ពស់ របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានដាក់ចេញនូវយុទ្ធសាស្ត្របញ្ចកោណដំណាក់កាលទី១ក្នុងកិច្ចការពារបូរណភាពទឹកដី ជាពិសេស គឺការប្តេជ្ញាចិត្ត អនុវត្តន៍ ឲ្យបាននូវយុទ្ធសាស្រ្តបី សកម្មភាព ប្រតិបត្តិការ និងអភិវឌ្ឍន៍ របស់រាជរដ្ឋាភិបាលដែលមាន សម្ដេចមហាបវរធិបតី ហ៊ុន ម៉ាណែត ជាប្រមុខ។ មានមតិសំណេះសំណាល ជាមួយនាយ នាយទាហានរង ពលទាហាន និងកងកំលាំងនគរបាលជាតិ នៅទិសឧត្តរមានជ័យ ឯកឧត្តម កែប ជុតិមា និងឯកឧត្តម សួស យ៉ារ៉ា បានសំដែងនូវមនោសញ្ចេតនា សប្បាយរីករាយដោយក្តីនឹករលឹក និងបានពាំនាំនូវការផ្តំាផ្ញើសាកសួរសុខទុក្ខពីសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភាសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ឯកឧត្តម ទៀ សីហា ឧបកនាយករដ្ឋមន្រ្តី រដ្ឋមន្រ្តីក្រសួងការពារជាតិ និងឯកឧត្តអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ព្រមទាំងបានកោតសរសើរដល់នាយទាហាន នាយទាហានរង ពលទាហាន និងកងកំលាំងនគរបាលជាតិ ដែលឈរជើងនៅជួរមុខតាមព្រំដែន កម្ពុជា-ថៃ ទាំងអស់ ដែលបានយកអស់កំលាំងកាយចិត្តតស៊ូការលំបាកគ្រប់បែបយ៉ាងក្នុងកិច្ចការពារបូរណភាពទឹកដី គំរូវីរៈភាពនេះ ធ្វើឲ្យយុវជន យុវនារីជំនាន់ក្រោយ ចងចាំ និងរៀនសូត្រតាម គ្មានថ្ងៃអាចបំភ្លេចបានឡើយ។ ឯកឧត្តម កែប ជុតិមា និងឯកឧត្តម សួស យ៉ារ៉ា ក៏បានលើកឡើងផងដែរថា ដើម្បីរក្សាសុខសន្តិភាព បានជោគជ័យយើងមិនត្រឹមតែមានកងកំលាំងប្រដាប់អាវុធ ដ៏អង់អាចក្លាហានប៉ុណ្ណោះទេ យើងត្រូវតែតស៊ូតាមរយៈការងារការទូត និងច្បាប់អន្តរជាតិជាដើម ដែលរដ្ឋសភា ព្រឹទ្ធសភា មានតួនាទីយ៉ាងសំខាន់ ក្នុងកិច្ចការនេះផងដែរ។ ឯកឧត្តមក៏បានវាយតម្លៃខ្ពស់ និងកោតសរសើរដល់មេបញ្ជាការសមរភូមិទាំងអស់ ដែលបានដឹកនាំបណ្តា កងឯកភាពអនុវត្តន៍យ៉ាងម៉ឺងម៉ាត់ រក្សាភាពអត់ធ្មត់បង្កើន កិច្ចសហប្រតិបត្តិការរវាងបណ្តាកងទ័ពជួរមុខ នៃប្រទេសទាំងពីរក្នុងស្មារតីយោគយល់គ្នា សហប្រតិបត្តិការ ដោយស្មើសិទ្ធ ស្មើភាពដោះស្រាយព្រំដែន ដោយសន្តិវិធីឈរលើគោលការណ៍សន្តិភាព ធ្វើឲ្យប្រជាជនប្រទេសទាំងពីរ នៅតាមព្រំដែនរស់នៅប្រកបដោយសុខដុមរម្យនាបញ្ជៀសការបង្ហូរឈាម និងសោកនាដកម្មនៃសង្គ្រាមប្រែក្លាយតំបន់ព្រំដែន ទៅជាព្រំដែនសន្តិភាពសហប្រតិបត្តិការ និងការអភិវឌ្ឍ។ ឯកឧត្តម បានបន្តថា យេីងមានថ្ងៃនេះព្រោះតែយេីងមានសន្តិភាព សមិទ្ធផលជាច្រើនមិនអាចសម្រេចបានទេបើគ្មានសន្តិភាព ការថែរក្សា និងការពារសន្តិភាពដើម្បីធានាការអភិវឌ្ឍ និងសេដ្ឋកិច្ចជាតិ។ ក្នុងនាមកងយោធពលខេមរភូមិន្ទ ត្រូវពង្រឹងស្មារតីស្មោះត្រង់ចំពោះជាតិ និងប្រជាជននិងការពារសុខសន្តិភាពឱ្យបានដាច់ខាតទោះក្នុងតម្លៃណាក៏ដោយដើម្បីប្រទេសជាតិយើងបានអភិវឌ្ឍរីកចម្រើនបន្តទៅមុខទៀត។ ឯកឧត្តម បានលើកឡើងបន្ថែមទៀតថា ក្នុងពេលប្រទេសជាតិមានសន្តិភាពកងទ័ពមានឱកាសក្នុងការពង្រឹងសមត្ថភាពតាមរយៈហ្វឹកហាត់ បំប៉នជំនាញដើម្បីអនុវត្តការងារស្នូលឱ្យមានប្រសិទ្ធភាព។កងទ័ពទាំងអស់ត្រូវបន្តថែរក្សានូវសមិទ្ធផលដែលប្រមុខថ្នាក់ដឹកនាំ រាជរដ្ឋាភិបាលកម្ពុជាអាណ្ណត្តិទី៦ របស់សម្តេចអគ្គមហាសេនាបតីតេជោ ហ៊ុន សែន បានខិតខំកសាងនូវស្នាដៃប្រវត្តិសាស្រ្តជាច្រើនរហូតមកដល់បច្ចុប្បន្ន។ ត្រូវបន្តចូលរួមប្តេជ្ញាគាំទ្រដោយឥតងាករេ និងអនុវត្តបានខ្ជាប់ខ្ជួននូវយុទ្ធសាស្ត្របញ្ចកោណ ដំណាក់កាលទី១ ក្នុងរាជរដ្ឋាភិបាលនីតិកាលទី៧ ក្រោមការដឹកនាំដ៏ខ្ពង់ខ្ពស់ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ។ ក្នុងដំណើរចុះសួរសុខទុក្ខកងទ័ពនាឱកាសនោះ ឯកឧត្តម កែប ជុតិមា និងឯកឧត្តម សួស យ៉ារ៉ា បាននាំយកនូវសម្ភារ: និងថវិការបស់សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា ជូនដល់កងទ័ពប្រចាំការទិសប្រាសាទតាមាន់ តាក្របីរួមមាន គ្រឿងឧបភោគ បរិភោគ និងថវិកា រួមទាំងប្រអប់សង្គ្រោះបឋមផងដែរ៕

បណ្ដាញសង្គម

ព័ត៌មានថ្មីៗ

គណៈប្រតិភូជាន់ខ្ពស់សភាកម្ពុជាអញ្ជើញនិវត្តន៍ដល់មាតុប្រទេស ក្រោយពីបានចូលរួមមហាសន្និបាតអាយប៉ាលើកទី៤៦ នៅប្រទេសម៉ាឡេស៊ី ទទួលបានជោគជ័យ ប្រកបដោយមោទនភាព

ទេយ្យទានសម្តេចធិបតី និងលោកជំទាវបណ្ឌិត បានប្រគេនព្រះសង្ឃចំនួន ៣៦វត្ត ក្នុងខេត្តកំពង់ឆ្នាំង

ទេយ្យទានរបស់សម្ដេចធិបតី និងលោកជំទាវបណ្ឌិតបានប្រគេនដល់ព្រះសង្ឃ ១៤វត្ត នៅខេត្តស្វាយរៀង

អង្គការសហប្រជាជាតិ ព្រួយបារម្ភយ៉ាងខ្លាំងចំពោះស្ថានភាពកាន់តែយ៉ាប់យ៉ឺននៅក្នុងទីក្រុង el-Fasher របស់ស៊ូដង់

សមត្ថកិច្ចបង្រ្កាបករណីចាប់ឃុំឃាំងបង្ខាំងមនុស្សធ្វើទារុណកម្មដោយខុសច្បាប់ និងជួញដូរមនុស្សដោយមានគោលដៅដោយឃាត់ជនសង្ស័យ៧នាក់

អង់គ្លេស និងព័រទុយហ្គាល់ នឹងទទួលស្គាល់រដ្ឋប៉ាឡេស្ទីន នៅមុនការពិភាក្សារបស់អង្គការសហប្រជាជាតិ

យន្តហោះចម្បាំងអង់គ្លេសចាប់ផ្តើមបេសកកម្មការពារដែនអាកាសរបស់អង្គការណាតូលើប្រទេសប៉ូឡូញ

ក្រុមបាតុករអ៊ីស្រាអែល បន្តប្រមូលផ្ដុំទាមទារឲ្យរដ្ឋាភិបាល បញ្ចប់សង្គ្រាមនៅហ្កាហ្សា

ពលរដ្ឋជិតឆ្ងាយជាច្រើននាំទេយ្យទានទៅធ្វើបុណ្យ និងប្រគេនព្រះសង្ឃនៅវត្តព្រៃចាន់ក្នុងឱកាសភ្ជុំបិណ្ឌនេះ

លោក Trump ព្រមានអាហ្វហ្គានីស្ថានពីភាពធ្ងន់ធ្ងរ ប្រសិនបើមិនប្រគល់មូលដ្ឋានទ័ព Bagramឲ្យអាមេរិកវិញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

លោក Trump ឈ្នះការបោះឆ្នោតបឋម ដែលមានឈ្មោះថា Super Tuesday ចំនួន១១ រដ្ឋលើកដំបូង

បក្សនយោបាយ៖ លទ្ធផលបោះឆ្នោតព្រឹទ្ធសភាបង្ហាញពីដំណើរការលទ្ធិប្រជាធិបតេយ្យ សេរីពហុបក្ស

ប្រធានចារកម្មរុស្ស៊ី ចាត់ទុកការអត្ថាធិប្បាយរបស់លោកម៉ាក្រុងអំពីទាហានណាតូ នៅអ៊ុយក្រែនថា ជារឿងគ្រោះថ្នាក់

លោកប្ល៊ីនខិន ប្រាប់អ៊ីស្រាអែលថា ខ្លួនត្រូវតែធ្វើសកម្មភាពជាបន្ទាន់ ដើម្បីជំរុញជំនួយចូលដល់តំបន់ហ្កាហ្សា

រុស្ស៊ីនិយាយថា ខ្លួនកំពុងពិចារណាដាក់រោងចក្រថាមពលនុយក្លេអ៊ែរនៅលើឋានព្រះចន្ទជាមួយចិន

នាយករដ្ឋមន្ត្រីអូស្ត្រាលីប្រាប់មេដឹកនាំអាស៊ានថា ជោគវាសនារបស់អូស្ត្រាលី ស្ថិតនៅជាមួយអាស៊ីអាគ្នេយ៍

កិច្ចប្រជុំកំពូលអាស៊ានផ្តោតលើសន្តិសុខដែនសមុទ្រ ស្របពេលមានភាពតានតឹងនៅសមុទ្រចិនខាងត្បូង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

លោក Trump ឈ្នះការបោះឆ្នោតបឋម ដែលមានឈ្មោះថា Super Tuesday ចំនួន១១ រដ្ឋលើកដំបូង

បក្សនយោបាយ៖ លទ្ធផលបោះឆ្នោតព្រឹទ្ធសភាបង្ហាញពីដំណើរការលទ្ធិប្រជាធិបតេយ្យ សេរីពហុបក្ស

លោកប្ល៊ីនខិន ប្រាប់អ៊ីស្រាអែលថា ខ្លួនត្រូវតែធ្វើសកម្មភាពជាបន្ទាន់ ដើម្បីជំរុញជំនួយចូលដល់តំបន់ហ្កាហ្សា

រុស្ស៊ីនិយាយថា ខ្លួនកំពុងពិចារណាដាក់រោងចក្រថាមពលនុយក្លេអ៊ែរនៅលើឋានព្រះចន្ទជាមួយចិន

នាយករដ្ឋមន្ត្រីអូស្ត្រាលីប្រាប់មេដឹកនាំអាស៊ានថា ជោគវាសនារបស់អូស្ត្រាលី ស្ថិតនៅជាមួយអាស៊ីអាគ្នេយ៍

កិច្ចប្រជុំកំពូលអាស៊ានផ្តោតលើសន្តិសុខដែនសមុទ្រ ស្របពេលមានភាពតានតឹងនៅសមុទ្រចិនខាងត្បូង

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍