នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥
សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ​ និង ការអភិវឌ្ឍន៍

មេដឹកនាំអេស្ប៉ាញ និងអៀរឡង់ ជំរុញឱ្យសហភាពអឺរ៉ុប ពិនិត្យការអនុវត្តន៍ច្បាប់សិទ្ធិមនុស្សរបស់អ៊ីស្រាអែល

2024/02/15 02:18:49 pm        87
Facebook Telegram Linkin
មេដឹកនាំប្រទេសអេស្បាញ និងអៀរឡង់ បានអំពាវនាវឱ្យសហភាពអឺរ៉ុប ពិនិត្យឡើងវិញជាបន្ទាន់ ថាតើប្រទេសអ៊ីស្រាអែល កំពុងអនុវត្តកាតព្វកិច្ចសិទ្ធិមនុស្សរបស់ខ្លួននៅក្នុងតំបន់ហ្កាហ្សាដែរឬទេ។ នាយករដ្ឋមន្រ្តីអេស្បាញ លោក ផេត្រូ សានឆេស (Pedro Sanchez) និងនាយករដ្ឋមន្ត្រីអៀរឡង់ លោក លីអូ វ៉ារ៉ាដកា(Leo Varadkar) បានធ្វើសំណើនៅក្នុងលិខិតរួមគ្នាមួយទៅកាន់ប្រធានគណៈកម្មការអឺរ៉ុប លោកស្រី Ursula von der Leyen កាលពីថ្ងៃពុធ។យោធាអ៊ីស្រាអែល មានផែនការសម្រាប់ការវាយលុកជើងគោកនៅទីក្រុង Rafah នៅចុងភាគខាងត្បូងផុត នៅតំបន់ហ្កាហ្សា ជាកន្លែងដែលមនុស្សជាង ១,៤លាននាក់ រួមទាំងអ្នកជម្លៀសខ្លួនពីផ្នែកផ្សេងៗទៀតនៅតំបន់ហ៊ុមព័ទ្ធនោះកំពុងជ្រកកោន។ ក្នុងលិខិតនោះសរសេរថា «ប្រតិបត្តិការយោធារបស់អ៊ីស្រាអែល ដែលបានពង្រីក នៅក្នុងតំបន់ទីក្រុង Rafah បង្កការគំរាមកំហែងធ្ងន់ធ្ងរ និងជិតមកដល់ ដែលសហគមន៍អន្តរជាតិ ត្រូវតែប្រឈមមុខជាបន្ទាន់។លិខិត បានលើកឡើងពីការព្រួយបារម្ភខ្លាំង អំពីការរំលោភបំពានដែលអាចកើតមានរបស់អ៊ីស្រាអែល នៃច្បាប់មនុស្សធម៌អន្តរជាតិ ហើយស្នើឱ្យគណៈកម្មការពិនិត្យមើលការអនុវត្តន៍របស់អ៊ីស្រាអែល ជាមួយកិច្ចព្រមព្រៀងសមាគម អ៊ីស្រាអែល-សហភាពអឺរ៉ុប ដែលមានកាតព្វកិច្ចគោរពសិទ្ធិមនុស្ស។ លិខិតនោះបាននិយាយបន្ថែមថា ប្រសិនបើអ៊ីស្រាអែល ត្រូវបានរកឃើញថាបានរំលោភលើកិច្ចព្រមព្រៀងនោះ ដូច្នេះក្រុមប្រឹក្សាអឺរ៉ុប គួរតែពិចារណាវិធានការដ៏សមស្រប។សហភាពអឺរ៉ុប និយាយថាអឺរ៉ុប គឺជាដៃគូពាណិជ្ជកម្មធំបំផុតរបស់អ៊ីស្រាអែល។ ទីភ្នាក់ងារសារព័ត៌មាន AFP រាយការណ៍ថា ចំណាត់ការនេះ បង្ហាញពីការកើនឡើងនៃការខកចិត្តរបស់អឺរ៉ុប ជុំវិញមហន្តរាយមនុស្សធម៌ដែលកំពុងកើនឡើងនៅក្នុងតំបន់ហ្កាហ្សា ជាលើកដំបូងដែលជំរុញឱ្យមានការរំពឹងទុកនៃការដាក់ទណ្ឌកម្មសេដ្ឋកិច្ច ទោះបីជាមិនផ្ទាល់ក៏ដោយ។

ទីផ្សារនានានៅឥណ្ឌូណេស៊ី សាទរបន្ទាប់ពីលោក Prabowo អះអាងទទួលបានជ័យជម្នះ

2024/02/15 02:15:39 pm        90
Facebook Telegram Linkin
ទីផ្សារនានានៅប្រទេសឥណ្ឌូណេស៊ី បានចាប់ផ្តើមរីករាយនូវសកម្មភាពជោគជ័យ នៅថ្ងៃព្រហស្បតិ៍នេះបន្ទាប់ពីរដ្ឋមន្ត្រីការពារជាតិ លោក ប្រាបូវ៉ូ ស៊ូបៀនតូ( Prabowo Subianto) បានប្រកាសជ័យជម្នះនៅក្នុងការបោះឆ្នោតប្រធានាធិបតីរបស់ប្រទេស។អតីតមេបញ្ជាការកងកម្លាំងពិសេស លោក Prabowo ទទួលបានសំឡេងឆ្នោតគាំទ្រប្រហែល ៥៨ ភាគរយ នេះបើយោងតាម «ការរាប់សន្លឹកឆ្នោតរហ័ស» ក្រៅផ្លូវការ ធ្វើឡើងដោយទីភ្នាក់ងារស្ទង់មតិឯករាជ្យចំនួនបួន ដែលច្រើនជាងពីរដងនៃគូប្រជែងដ៏ប្រកៀកបំផុតរបស់លោក គឺអតីតអភិបាលក្រុងហ្សាកាតា លោក អានីស បាស្វេដាន(Anies Baswedan) ។ទីផ្សារភាគហ៊ុនរបស់ប្រទេស បានកើនឡើង ១,៨ភាគរយ នៅក្នុងការបើកទីផ្សារមុន ខណៈប្រាក់រូពីយ៉ា បានឡើងថ្លៃ ០,១៣ ភាគរយ ដល់ ១៥.៥៧០ រូពីយ៉ា ក្នុងមួយដុល្លារ។ការប្រកួតប្រជែងក្នុងការបោះឆ្នោតនេះ បានតម្រូវឲ្យអតីតអភិបាលខេត្តដ៏មានប្រជាប្រីយភាព លោក Ganjar និងលោក Anies ទល់នឹងបេក្ខជនឈានមុខគេមុនបោះឆ្នោត គឺលោក Prabowo ជាអតីតមេបញ្ជាការកងកម្លាំងពិសេស ដែលគេបារម្ភក្នុងទសវត្សរ៍ឆ្នាំ ១៩៩០ ថាជាឧត្តមសេនីយ៍ជាន់ខ្ពស់របស់បុរសខ្លាំងនៅប្រទេសឥណ្ឌូនេស៊ី លោក ស៊ូ ហាតូ(Suharto) ។ការបោះឆ្នោតតែមួយថ្ងៃធំបំផុតរបស់ពិភពលោក រួមមានបេក្ខជនជិត ២៥៩.០០០នាក់ ដែលកំពុងប្រកួតប្រជែងដណ្តើមតំណែងចំនួន ២០.៦០០តំណែង នៅទូទាំងប្រជុំកោះចំនួន ១៧.០០០ កោះ ប៉ុន្តែការផ្តោតសំខាន់ខ្លាំងគឺទៅលើការប្រកួតប្រជែងដើម្បីជំនួសតំណែងប្រធានាធិបតី លោក Joko Widodo ដែលឥទ្ធិពល អាចកំណត់ថា តើនរណាជាអ្នកកាន់តំណែងដឹកនាំប្រទេសលទ្ធិប្រជាធិបតេយ្យធំបំផុតទី៣ របស់ពិភពលោកមួយនេះ។

ប្រភពបាននិយាយថា សហរដ្ឋអាមេរិក បានព្រមានសម្ព័ន្ធមិត្តអំពីសមត្ថភាពអវកាស និងនុយក្លេអ៊ែរ រុស្ស៊ី

2024/02/15 12:07:47 pm        139
Facebook Telegram Linkin
ប្រភពមួយបានប្រាប់សារព័ត៌មានរ៉យទ័រ (Reuters)កាលពីថ្ងៃពុធសប្ដាហ៍នេះថា សហរដ្ឋអាមេរិកបានប្រាប់សភា និងសម្ព័ន្ធមិត្តនៅអឺរ៉ុបអំពីរបាយការណ៍ចារកម្មថ្មីៗទាក់ទងនឹងសមត្ថភាពនុយក្លេអ៊ែររបស់រុស្ស៊ី ដែលអាចបង្កការគំរាមកំហែងជាអន្តរជាតិ ។ ប្រភពបានដដែលនិយាយថា សមត្ថភាពថ្មីដែលទាក់ទងនឹងការប៉ុនប៉ងរបស់រុស្ស៊ីក្នុងការអភិវឌ្ឍអាវុធនុយក្លេអ៊ែរ ដែលមានមូលដ្ឋានលើលំហអាកាស មិនបង្កការគំរាមកំហែងភ្លាមៗដល់សហរដ្ឋអាមេរិកនោះទេ។ របាយការណ៍ចារកម្ម ត្រូវបានបញ្ចេញ បន្ទាប់ពីអ្នកតំណាងលោកម៉ៃធូន័រ(Mike Turner) ប្រធានគណបក្សសាធារណរដ្ឋនៃគណៈកម្មាធិការចារកម្មសភាសហរដ្ឋអាមេរិកបានចេញសេចក្តីថ្លែងការណ៍ខុសពីធម្មតា និងសម្ងាត់មួយកាលពីថ្ងៃពុធ ដោយព្រមានអំពីការគំរាមកំហែងសន្តិសុខជាតិធ្ងន់ធ្ងរ ។ ប្រភពខាងលើបានបន្តថា ការព្រមាននេះទាក់ទងនឹងសមត្ថភាពរបស់រុស្ស៊ីក្នុងលំហអាកាស និងផ្កាយរណប។ ប្រភពមួយក្នុងចំណោមប្រភពខាងលើបាននិយាយថា បញ្ហានេះគឺធ្ងន់ធ្ងរ ប៉ុន្តែមិនទាក់ទងនឹងសមត្ថភាពសកម្ម ហើយក៏មិនគួរជាមូលហេតុនាំឲ្យយើងភ័យស្លន់ស្លោនោះដែរ។ លោក Turner បាននិយាយនៅក្នុងសេចក្តីថ្លែងការណ៍ ដោយមិនផ្តល់ព័ត៌មានបន្ថែមថា ខ្ញុំកំពុងស្នើសុំឱ្យប្រធានាធិបតីលោក Biden ដកចំណាត់ថ្នាក់ព័ត៌មានទាំងអស់ដែលទាក់ទងនឹងការគំរាមកំហែងនេះ ដូច្នេះសភា រដ្ឋបាល និងសម្ព័ន្ធមិត្តរបស់យើងអាចពិភាក្សាដោយបើកចំហអំពីសកម្មភាពចាំបាច់ដើម្បីឆ្លើយតបទៅនឹងការគំរាមកំហែងនេះ ៕

កោះតៃវ៉ាន់ រាយការណ៍ថាមាន «ការល្បាតត្រៀមប្រយុទ្ធ» របស់ចិន មួយទៀតនៅក្បែរនោះ

2024/02/15 11:46:02 am        89
Facebook Telegram Linkin
អាជ្ញាធរការពារជាតិកោះតៃវ៉ាន់បាននិយាយថា ខ្លួនបានរកឃើញយន្តហោះរបស់កងទ័ពអាកាសចិនចំនួន ១៤ គ្រឿងដែលកំពុងប្រតិបត្តិការជុំវិញកោះតៃវ៉ាន់ និងអនុវត្ត «ការល្បាតត្រៀមប្រយុទ្ធរួមគ្នា» ជាមួយនាវាចម្បាំងរបស់ចិន កាលពីថ្ងៃពុធ (១៤ កុម្ភៈ)។ប្រទេសចិន ដែលចាត់ទុកកោះតៃវ៉ាន់ជាទឹកដីរបស់ខ្លួន ក្នុងរយៈពេល ៤ ឆ្នាំកន្លងមកនេះជាទៀងទាត់បានបញ្ជូនយន្តហោះចម្បាំង និងនាវាចម្បាំងទៅកាន់ដែនអាកាស និងដែនទឹកជុំវិញកោះនេះ ខណៈខ្លួនព្យាយាមអះអាងអធិបតេយ្យភាព ដែលរដ្ឋាភិបាលក្រុងតៃប៉ិ បដិសេធ។អាជ្ញាធរការពារជាតិតៃវ៉ាន់បាននិយាយថា ចាប់ផ្តើមនៅម៉ោងប្រហែល ១ រសៀល (ម៉ោងក្នុងស្រុក) កាលពីថ្ងៃពុធ ខ្លួនបានរកឃើញយន្តហោះចិនចំនួន ១៤ គ្រឿង រួមទាំងយន្តហោះចម្បាំង J-16 និងយានដ្រូនដែលកំពុងប្រតិបត្តិការនៅភាគខាងជើង និងភាគនិរតីនៃកោះតៃវ៉ាន់។ យន្តហោះចំនួន ៩ គ្រឿងក្នុងចំនោមយន្តហោះទាំងនោះបានឆ្លងកាត់ខ្សែបន្ទាត់មេដ្យានរបស់ច្រកសមុទ្រតៃវ៉ាន់ ឬតំបន់ក្បែរនោះ។ខ្សែបន្ទាត់មេដ្យានរបស់ច្រកសមុទ្រនេះធ្លាប់ធ្វើជារបាំងមិនផ្លូវការរវាងភាគីទាំងពីរ ប៉ុន្តែឥឡូវនេះយន្តហោះរបស់ចិនតែងតែហោះហើរពីលើនោះជាទៀងទាត់ ហើយចិននិយាយថាខ្លួនមិនទទួលស្គាល់អត្ថិភាពរបស់ខ្សែបន្ទាត់មេដ្យាននេះទេ៕

សម្ព័ន្ធអារ៉ាប់ អំពាវនាវឱ្យក្រុមប្រឹក្សាសន្តិសុខUN អនុម័តសេចក្តីសម្រេចបទឈប់បាញ់មនុស្សធម៌នៅហ្កាហ្សា

2024/02/15 11:22:38 am        97
Facebook Telegram Linkin
អ្នកតំណាងសម្ព័ន្ធអារ៉ាប់ បានសម្តែងការព្រួយបារម្ភរបស់ពួកគេ កាលពីថ្ងៃពុធ ជុំវិញប្រតិបត្តិការយោធាតាមផែនការរបស់អ៊ីស្រាអែល នៅទីក្រុង រ៉ាហ្វា (Rafah)។និយាយទៅកាន់អ្នកសារព័ត៌មាន នៅអង្គការសហប្រជាជាតិ អ្នកតំណាងអចិន្ត្រៃយ៍ប្រចាំអង្គការសហប្រជាជាតិរបស់សម្ព័ន្ធអារ៉ាប់សម្រាប់ខែកុម្ភៈ ឯកអគ្គរដ្ឋទូតអង្គការសហប្រជាជាតិរបស់ប្រទេសទុយនីស៊ី លោក តារ៉េក ឡាដេប(Tarek Ladeb) បានបញ្ជាក់ជាថ្មីនូវការទាមទារចំនួនបីរបស់ក្រុមនេះមាន «បទឈប់បាញ់បន្ទាន់ ជំនួយមនុស្សធម៌ដោយគ្មានការរារាំង និងការការពារផែនការផ្ទេរប្រជាជនប៉ាឡេស្ទីន ពីទឹកដីរបស់ពួកគេ។ សម្ព័ន្ធអារ៉ាប់ បានអំពាវនាវឱ្យក្រុមប្រឹក្សាសន្តិសុខអង្គការសហប្រជាជាតិ មានចំណាត់ការ និងអនុម័តសេចក្តីសម្រេចបទឈប់បាញ់មនុស្សធម៌។ លោក Tarek Ladeb បាននិយាយថា យើងមិនអាចទទួលយកបាននោះទេដែលថា ក្រុមប្រឹក្សាសន្តិសុខ និងសហគមន៍អន្តរជាតិ រក្សាភាពអសកម្មចំពោះស្ថានភាពដ៏គ្រោះថ្នាក់នេះ។ នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយកាលពីថ្ងៃពុធថា អ៊ីស្រាអែលនឹងបន្តការវាយលុកប្រឆាំងក្រុមហាម៉ាសនៅទីក្រុង Rafah ជាទីជ្រកកោនចុងក្រោយសម្រាប់ជនភៀសខ្លួនប៉ាឡេស្ទីន នៅភាគខាងត្បូងតំបន់ហ្កាហ្សា បន្ទាប់ពីបានអនុញ្ញាតឱ្យជនស៊ីវិលចាកចេញពីតំបន់។ មេដឹកនាំប្រទេសអ៊ីស្រាអែល ដែលកំពុងស្ថិតក្រោមសម្ពាធពីអន្តរជាតិកាន់តែខ្លាំងឡើងដើម្បីទប់ស្កាត់ការវាយប្រហារតាមផែនការនោះ ពុំបានចង្អុលបង្ហាញថា តើនៅពេលណាដែលការវាយលុកអាចនឹងកើតឡើង ឬកន្លែងណាដែលមនុស្សរាប់សែននាក់នៅពេលនេះដែលបានសម្រុកចូលមកក្នុងទីក្រុងរ៉ាហ្វា ត្រូវទៅទីកន្លែងណា។

រដ្ឋមន្ត្រីការបរទេសរុស្ស៊ី៖ ដំណោះស្រាយការទូតចំពោះសង្គ្រាមអ៊ុយក្រែនពាក់ព័ន្ធនឹងរុស្ស៊ី រក្សាទឹកដីដែលខ្លួនគ្រប់គ្រង

2024/02/15 11:15:41 am        120
Facebook Telegram Linkin
រដ្ឋមន្ត្រីការបរទេសរុស្ស៊ី លោក សឺហ្គេ ឡាវរ៉ូវ (Sergei Lavrov) បាននិយាយថា រុស្ស៊ីបានត្រៀមខ្លួនរួចជាស្រេចសម្រាប់ការដោះស្រាយនយោបាយដោយសន្តិវិធី ដែលនឹងបញ្ចប់សង្គ្រាមប្រឆាំងនឹងអ៊ុយក្រែន ប៉ុន្តែប្រសិនបើទឹកដីដែលខ្លួនបានគ្រប់គ្រងរួចហើយនោះ នឹងត្រូវយកមកពិចារណា។យើងនៅតែបើកចំហចំពោះដំណោះស្រាយនយោបាយ និងការទូត ដោយផ្អែកលើការពិចារណាលើផលប្រយោជន៍ស្របច្បាប់របស់យើង និងការពិតដែលបានអភិវឌ្ឍន៍ក្នុងរយៈពេលជាច្រើនឆ្នាំ ហើយដែលនាំឲ្យឈានដល់ស្ថានភាពបច្ចុប្បន្ន។ក្នុងពេលជាមួយគ្នានេះ លោកឡាវរ៉ូវ បានកត់សម្គាល់ថា ចាប់តាំងពី «បណ្តាប្រទេសលោកខាងលិច» មិនចង់គិតពីផលប្រយោជន៍របស់ទីក្រុងមូស្គូ និងការពិតជាក់ស្តែងនោះ «មិនមានជម្រើសសម្រាប់កិច្ចព្រមព្រៀងនៅឡើយទេ»។ទោះយ៉ាងណាក៏ដោយ ក្នុងករណីដែលគ្មានការផ្តល់ជូនសំខាន់ៗរពីអ្នកដែលបានប្រកាសសង្គ្រាមលើយើង និង [បានផ្តល់ឲ្យ]នូវឆន្ទៈរបស់ពួកគេ ក្នុងការគិតគូរពីផលប្រយោជន៍របស់យើង ឬការពិតជាក់ស្តែង នៅក្នុងទឹកដីដែលខ្លួន [កាន់កាប់] វានឹងមិនអាចទៅរួចនោះទេ ពុំមានលទ្ធភាពឈានទៅតុចរចាសម្រាប់ពេលបច្ចុប្បន្នទេ។ យើងមិនទាន់ឃើញជម្រើសណាមួយនៅឡើយទេ។លោកក៏បានបញ្ជាក់ផងដែរថា៖«ទីក្រុងវ៉ាស៊ីនតោន និងសម្ព័ន្ធមិត្ត មិនបោះបង់ក្តីស្រមៃរបស់ពួកគេ ក្នុងការជំរុញឲ្យមានយុទ្ធសាស្រ្ត ដើម្បីធ្វើឲ្យពួកយើងបរាជ័យ»។

រុស្ស៊ីនិងចិនប៉ះទង្គិចជាមួយអាមេរិកនិងអង់គ្លេស ជុំវិញការវាយប្រហារលើក្រុមឧទ្ទាមយេម៉ែន នៅសមុទ្រក្រហម

2024/02/15 10:54:50 am        105
Facebook Telegram Linkin
កាលពីថ្ងៃពុធរុស្ស៊ី និងចិន បានចោទប្រកាន់សហរដ្ឋអាមេរិក និងអង់គ្លេសថាបានវាយប្រហារដោយខុសច្បាប់លើទីតាំងយោធាដែលប្រើប្រាស់ដោយក្រុមឧទ្ទាមហ៊ូទី(Houthi)របស់យេម៉ែន ដែលបាញ់មីស៊ីលលើនាវាពាណិជ្ជកម្មនៅសមុទ្រក្រហម ដែលរំខានដល់ការដឹកជញ្ជូនទូទាំងពិភពលោក។ឯកអគ្គរដ្ឋទូតរងសហរដ្ឋអាមេរិក រ៉ូប៊ើតវ៉ូដ(Robert Wood) និងឯកអគ្គរដ្ឋទូតចក្រភពអង់គ្លេស លោកបាបារ៉ា វ៉ូដវ៉ាត (Barbara Woodward)បានជំទាស់ថា ការវាយប្រហាររបស់ក្រុមហ៊ូទី គឺខុសច្បាប់ ជាសកម្មភាពសមាមាត្រ និងស្របច្បាប់ របស់ពួកគេប្រឆាំងនឹងក្រុមឧទ្ទាមយេម៉ែន ហើយនេះគឺជាវិធានការការពារខ្លួន។លោក Woodward បាននិយាយថា ការវាយប្រហាររបស់ក្រុមហ៊ូទី កំពុងជំរុញការចំណាយខ្ពស់លើការដឹកជញ្ជូនសកល រួមទាំងការចំណាយលើការផ្គត់ផ្គង់ស្បៀងអាហារ និងជំនួយមនុស្សធម៌នៅក្នុងតំបន់ជាដើម។ប៉ុន្តែអគ្គរដ្ឋទូតរងរបស់រុស្ស៊ី ប្រចាំនៅអង្គការសហប្រជាជាតិ លោក ឌីមីទ្រី ផូយ៉ានស្គី(Dmitry Polyansky) និងបេសកជនរបស់ចិនប្រចាំនៅអង្គការសហប្រជាជាតិ លោក ចាង ជុន (Zhang Jun )បានជំទាស់ដោយប្រកែកថា ក្រុមប្រឹក្សាសន្តិសុខអង្គការសហប្រជាជាតិមិនដែលអនុញ្ញាតឱ្យមានសកម្មភាពយោធាប្រឆាំងយេម៉ែនឡើយ ។ការប៉ះទង្គិចគ្នានេះបានកើតឡើងនៅក្នុងកិច្ចប្រជុំក្រុមប្រឹក្សាមួយ ដែលបេសកជនពិសេសរបស់អង្គការសហប្រជាជាតិទទួលបន្ទុកលើប្រទេសយេម៉ែន លោកហានស៍គ្រុនប៊ើក (Hans Grundberg) បាននិយាយថា កិច្ចខិតខំប្រឹងប្រែងដែលមានការសន្យាថានឹងស្ដារសន្តិភាពសម្រាប់ប្រទេសយេម៉ែនមានភាពយឺតយ៉ាវដោយការកើនឡើងនៃភាពតានតឹងក្នុងតំប ន់ដែលទាក់ទងនឹងសង្គ្រាមនៅក្នុងតំបន់ហ្កាហ្សា ជាពិសេសការកើនឡើងសកម្មភាពយោធានៅសមុទ្រក្រហម។ក្នុងប៉ុន្មានសប្តាហ៍ថ្មីៗនេះអាមេរិក និងអង់គ្លេស ដែលគាំទ្រដោយសម្ព័ន្ធមិត្តផ្សេងទៀត បានបើកការវាយប្រហារតាមអាកាសសំដៅលើឃ្លាំងអាវុធមីស៊ីលរបស់ក្រុមហ៊ូទី និងទីតាំងបាញ់បង្ហោះអាវុធសម្រាប់ការវាយប្រហាររបស់ខ្លួនក្រុមនេះ៕

សម្តេចធិបតី៖ ការអប់រំ និងបង្កើននូវធនធានមនុស្សនៅតែជាអាទិភាព ដ៏ធំរបស់រាជរដ្ឋាភិបាលអាណត្តិនេះ និងអាណត្តិក្រោយទៀត

2024/02/15 10:28:49 am        84
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា ការអប់រំ និងការបណ្តុះបណ្តាល នូវធនធានមនុស្ស នៅតែជាអាទិភាពដ៏សំខាន់របស់រាជរដ្ឋាភិបាលអាណត្តិនេះ និងអាណត្តិក្រោយៗទៀត ដើម្បីធ្វើយ៉ាងណាឲ្យកាន់តែរឹងមាំ។ក្នុងឱកាសអញ្ជើញជាអធិបតី «សម្ពោធទីតាំងសាកលវិទ្យាល័យជាតិគ្រប់គ្រង សាខាវាលស្បូវ និងប្រគល់សញ្ញាបត្រជូននិស្សិតជ័យលាភី នៃសាកលវិទ្យាល័យជាតិគ្រប់គ្រង នាថ្ងៃទី១៥ ខែកុម្ភៈ ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្រ្តី បានបញ្ជាក់ថា ធនធានមនុស្សគឺជាកត្តាសំខាន់បំផុត ក្នុងការអភិវឌ្ឍប្រទេសជាតិឲ្យកាន់តែរីកចម្រើនបន្ថែមទៀត ហើយរាជរដ្ឋាភិបាលនឹងធ្វើឲ្យធនធានមនុស្សក្លាយទៅជាកម្លាំងជលករដ៏សំខាន់បំផុតសម្រាប់កម្ពុជាទាំងមូល។សម្តេចធិបតីបានសង្កត់ធ្ងន់ថា «ធ្វើយ៉ាងណាឲ្យធនធានមនុស្សស្ថិតនៅក្នុងប្រទេសរបស់យើង កាន់តែរឹងមាំ និងក្លាយទៅជាកម្លាំងជលករដ៏សំខាន់ អញ្ចឹងការអប់រំ បណ្តុះបណ្តាលធនធាន​មនុស្សនឹង នៅតែជាអាទិភាពសំខាន់សម្រាប់រាជរដ្ឋាភិបាលនៅអាណត្តិនេះ និង​អាណត្តិក្រោយទៀត ដើម្បីធ្វើយ៉ាង ណាឲ្យកាន់តែរឹងមាំ។ នេះជា​មហិច្ឆតា​របស់កម្ពុជា ក្លាយ​ទៅជាប្រទេសអ្នកមានឆ្នាំ២០៥០ គឺធនធានក្នុង ឆ្នាំ២០៥០ កាន់តែមានសក្តានុពល​ជាង​បច្ចុប្បន្ន២០ដង នេះគឺជាកិច្ចការសំខាន់»។នៅក្នុងឱកាសនោះដែរសម្តេចធិបតី នាយករដ្ឋមន្រ្តី ក៏បានណែនាំ និងរំលឹកបន្ថែមដល់ក្រសួងអប់រំ យុវជន និងកីឡា ត្រូវតែបន្តអភិវឌ្ឍន៍បន្ថែមទៀតផងដែរ ​នូវធនធានមនុស្សទាំងបរិមាណ និងគុណភាព​ ដើម្បីធ្វើយ៉ាងណាឲ្យស្របទៅតាមតម្រូវការរបស់សង្គម៕អត្ថបទបាន ចក់

លោក Putin និយាយថា រុស្ស៊ីពេញចិត្តលោក Biden ជាងលោកTrump

2024/02/15 10:13:06 am        139
Facebook Telegram Linkin
ប្រធានាធិបតីរុស្ស៊ី លោក Vladimir Putin បានពណ៌នាសមភាគីអាមេរិកលោក Joe Biden កាលពីថ្ងៃពុធថាជាបុគ្គលដែលលោកពេញចិត្តខ្លាំងជាងលោក Donald Trump សម្រាប់ប្រទេសរុស្ស៊ី ប៉ុន្តែបាននិយាយថា វិមានក្រឹមឡាំង ត្រូវបានត្រៀមខ្លួនរួចជាស្រេចក្នុងការធ្វើការជាមួយអ្នកណាក៏ដោយដែលឈ្នះការបោះឆ្នោតខែវិច្ឆិកាខាងមុខនេះ។ នៅពេលសួរដោយអ្នកសារប័ត៌មានម្នាក់ ដែលរុស្ស៊ីចង់ឃើញការឈ្នះនៅក្នុងការប្រកួតប្រជែងដែលទំនងរវាងអ្នកកំពុងកាន់តំណែងពីគណបក្សប្រជាធិបតេយ្យ និងបេក្ខជននាំមុនប្រធានាធិបតីមកពីគណបក្សសាធារណរដ្ឋ លោក Trump លោក Putin បាននិយាយថា លោកBiden មានមានបទពិសោធន៍ច្រើនជាង។ លោកបានទាយបានថា លោកBiden ជាអ្នកនយោបាយចាស់ទុំម្នាក់។ លោក Putin បានឆ្លើយតបទៅនឹងសំណួរអំពីអាយុ និងសុខភាពរបស់លោកប្រធានាធិបតី Biden ដែលនឹងឈានចូលវ័យ ៨២ ឆ្នាំ ត្រឹមតែប៉ុន្មានសប្តាហ៍បន្ទាប់ពីការបោះឆ្នោត។ លោក Putin បាននិយាយចំៗដោយទៅលើកិច្ចប្រជុំកំពូលក្នុងទីក្រុងហ្សឺណែវថា ពេលខ្ញុំបានជួបលោក Biden កាលពីបីឆ្នាំមុន ជាការពិត មនុស្សបាននិយាយអំពីអសមត្ថភាពរបស់លោករួចហើយ ប៉ុន្តែខ្ញុំមើលមិនឃើញមានអ្វីចម្លែកនោះទេ។ ការស្ទង់មតិរបស់សហរដ្ឋអាមេរិកបង្ហាញថា អ្នកបោះឆ្នោតមានការព្រួយបារម្ភយ៉ាងខ្លាំងអំពីអាយុរបស់លោក Biden ។បញ្ហាអាយុត្រូវបានបូកបញ្ចូលដោយហេតុការណ៍ថ្មីៗចំនួនពីរនៅពេលដែលលោក Biden យល់ច្រឡំមេដឹកនាំអឺរ៉ុបជាមួយអ្នកកាន់តំណែងមុនដែលស្លាប់។ សេតវិមានត្រូវបានបង្ខំឱ្យការពារយ៉ាងខ្លាំងក្លាអំពីសមត្ថភាពរបស់ប្រធានាធិបតីកាលពីសប្តាហ៍មុន បន្ទាប់ពីរបាយការណ៍រដ្ឋអាជ្ញាពិសេសមួយ ដែលបានហៅលោកBidenថាជា បុរសវ័យចំណាស់ដែលមានការចងចាំខ្សោយ។យ៉ាងណាក៏ដោយ លោក Putin ពូទីន បានជំទាស់ដាច់ខាតចំពោះគោលនយោបាយការបរទេសរបស់ទីក្រុងវ៉ាស៊ីនតោន ក្រោមការដឹកនាំរបស់លោកBiden៕

សម្តេចធិបតី៖ ការកសាងធនធានមនុស្សនៅកម្ពុជា គឺដើម្បីឈានទៅរកភាពម្ចាស់ការដោយខ្លួនឯង

2024/02/15 09:47:58 am        211
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា ការកសាងធនធានមនុស្សនៅ កម្ពុជា គឺដើម្បីឈានទៅរកភាពម្ចាស់ការដោយខ្លួនឯង ដោយមិនចាំបាច់ពឹងផ្អែកគេនោះទេ ដូច្នេះត្រូវតែពង្រឹងជាបន្តបន្ទាប់ចំពោះធនធានមនុស្សនេះ។ក្នុងឱកាសអញ្ជើញជាអធិបតី «សម្ពោធទីតាំងសាកលវិទ្យាល័យជាតិគ្រប់គ្រង សាខាវាលស្បូវ និងប្រគល់សញ្ញាបត្រជូននិស្សិតជ័យលាភី នៃសាកលវិទ្យាល័យជាតិគ្រប់គ្រង នាថ្ងៃទី១៥ ខែកុម្ភៈ ឆ្នាំ២០២៤នេះ សម្តេចធិបតី ហ៊ុន ម៉ាណែត នាយករដ្ឋមន្រ្តីបានបញ្ជាក់ថា ធនធានមនុស្សនៅកម្ពុជា នាពេលបច្ចុប្បន្ននេះ គឺមានសមត្ថភាពខ្លាំងដោយអាចធ្វើការប្រកួតប្រជែង​ជាមួយធនធាន​មនុស្សនៃប្រទេសដទៃ ឲ្យតែមានការផ្តល់ឱកាស ជាក់ស្តែងដូចនាពេលប៉ុន្មានថ្ងៃកន្លងទៅនេះ នៅក្នុងកម្មវិធីថ្នាលផ្ទៀងផ្ទាត់ឯកសាររបស់រាជរដ្ឋាភិបាល verify.gov.kh ហើយកម្ពុជា​បានពាន់រង្វាន់​លេខមួយ(មេដាយមាស) លើផ្នែកដំណោះស្រាយឌីជីថលក្នុងការផ្តល់​សេវាសាធារណៈល្អបំផុត​របស់អាស៊ានឆ្នាំ២០២៤ នៅប្រទេសសិង្ហបុរី។សម្តេចធិបតី ហ៊ុន ម៉ាណែត ក៏បានលើកឡើងផងដែរថា ការកសាងធនធានមនុស្ស នេះគឺ​ត្រូវគិតឲ្យធំ និងឲ្យវែងឆ្ងាយ ដើម្បីធ្វើយ៉ាងណាឲ្យទាន់គេ ​ខណៈពេលអនាគតទៅ រាជរដ្ឋាភិបាលកម្ពុជា នឹងខិតខំបន្តពង្រឹងមន្រ្តីឌីជីថលរបស់ខ្លួនឲ្យកាន់តែខ្លាំងក្លាបន្ថែមទៀត ពោលទាំងបរិមាណ ទាំងគុណ ភាពស្របទៅតាមតម្រូវការសង្គមជាតិ។ក្នុងឱកាសនេះដែរ សម្តេចធិបតី ក៏បានលើកឡើងផងដែរថា ធនធានមនុស្សនេះគឺមាន​សារសំខាន់​យ៉ាងខ្លាំងណាស់ ខណៈប្រទេសជាតិ ​មានការរីកចម្រើនក៏ដោយសារតែធនធានមនុស្សនេះដែរ ដូច្នេះត្រូវបន្តលើកកម្ពស់នូវធនធានមនុស្សនេះ ឲ្យខាងតែបាន៕អត្ថបទបានចក់

បណ្ដាញសង្គម

ព័ត៌មានថ្មីៗ

អ្នកនាំពាក្យក្រសួងការពារជាតិ៖ កងកម្លាំង​កម្ពុជា​មិន​បាន​ប្រើ​ប្រាស់​អាវុធ​បាញ់​ចូល​ក្នុង​ទឹក​ដី​ថៃ​ដូចការលើកឡើងរបស់ផេកកងទ័ពថៃ និងសារព័ត៌មានថៃ នោះទេ
09/23/2025 07:09 PM
Facebook Telegram Linkin
សម្ដេចតេជោ​​ ហ៊ុន សែន​៖ ជំហរកម្ពុជានឹងមិនផ្លាស់ប្តូរទេ ហើយ​កម្ពុជា​ក៏​មិន​ធ្វើ​ថោក​ទៅ​សុំ​ថៃ​បើក​ច្រក​ព្រំដែន​នោះដែរ, ថៃអាចបន្តបិទ សូម្បី១០០ឆ្នាំទៀតក៏កម្ពុជាមិនស្លាប់ដែរ
09/23/2025 06:09 PM
Facebook Telegram Linkin
អ៊ីរ៉ង់ និង E3 នឹងបើកកិច្ចចរចាដ៏សំខាន់ ដើម្បីបញ្ចៀសការដាក់ទណ្ឌកម្ម តែឱកាសនៅ​តែស្ដួចស្ដើង
09/23/2025 06:09 PM
Facebook Telegram Linkin
បាតុករគាំទ្រប៉ាឡេស្ទីន បិទកំពង់ផែទីក្រុង Genoa និងប៉ះង្គិចជាមួយនគរបាល នៅទីក្រុង Milan
09/23/2025 05:09 PM
Facebook Telegram Linkin
មនុស្សយ៉ាងតិច ២នាក់ ស្លាប់ និងជាច្រើននាក់ រងរបួស ក្រោយអគារបាក់រលំ នៅភាគកណ្តាលឥណ្ឌា
09/23/2025 05:09 PM
Facebook Telegram Linkin
នាយករដ្ឋមន្ត្រីអូស្ត្រាលីលើកឡើងពីការសម្លាប់បុគ្គលិកជំនួយក្នុងសុន្ទរកថា ស្តីពី​ការទទួល​ស្គាល់​ប៉ាឡេស្ទីន
09/23/2025 05:09 PM
Facebook Telegram Linkin
ឧទ្ធម្ភាគចក្រ និងរថយន្ត ស្វែងរក និងជួយសង្គ្រោះអ្នកស្រុកជាប់ក្នុងទឹកជំនន់ នៅអ៊ីតាលី
09/23/2025 05:09 PM
Facebook Telegram Linkin
លោក Trump នឹងជួបក្រុមមន្ត្រីមកពីប្រទេសមូស្លីមភាគច្រើន ដើម្បីពិភាក្សាអំពីតំបន់ហ្កាហ្សា
09/23/2025 05:09 PM
Facebook Telegram Linkin
ជប៉ុនបដិសេធមិនទទួលស្គាល់រដ្ឋប៉ាឡេស្ទីន ក្នុងកិច្ចប្រជុំអង្គការសហប្រជាជាតិ
09/23/2025 05:09 PM
Facebook Telegram Linkin
អ្នកការទូតជាន់ខ្ពស់មកពីអាមេរិក កូរ៉េខាងត្បូង និងជប៉ុន សម្តែងក្ដីបារម្ភ អំពីច្រកសមុទ្រតៃវ៉ាន់
09/23/2025 05:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.