BTV NEWS

សភាពាណិជ្ជកម្មកម្ពុជា រៀបចំវេទិកាធុរកិច្ច និងនវានុវត្តន៍២០២៥ ដើម្បីលើកកម្ពស់វិស័យនវានុវត្តន៍និងធុរកិច្ច

ប្រធានសមាគមអ្នកផ្គត់ផ្គង់ត្រីប្ដេជ្ញាចិត្តចូលរួមផ្គត់ផ្គង់ទិន្នផលត្រីឱ្យឆ្លើយតបតាមតម្រូវការទីផ្សារ

រដ្ឋមន្ត្រីក្រសួងសាធារណការ ចូលរួមកិច្ចប្រជុំពិភាក្សាការងារលើការរៀបចំផែនការមេ និងការអភិវឌ្ឍច្រករបៀងគម្រោងព្រែកជីកហ្វូណនតេជោ

ឯកឧត្តម ឌិត ទីណា ចុះត្រួតពិនិត្យស្ថានភាពដីសម្រាប់ផលិតកម្មដំណាំបន្លែដេីម្បីផ្គត់ផ្គង់ដល់កងទ័ព

សេដ្ឋកិច្ច និង កសិកម្ម

ក្រុមហ៊ុនជាង៤០ សហការរៀបចំពិព័រណ៍ការងារ នៅCJCC នាចុងសប្តាហ៍នេះ

ភ្នំពេញ៖ នៅថ្ងៃទី១៥ ខែមករា ឆ្នាំ២០២៣នេះ នៅឯមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC )នឹងរៀបចំព្រឹត្តិការណ៍តាំងពិព័រណ៍ការងារ Job Fair 2023 ដែលមានក្រុមហ៊ុនចូលរួមសហការរៀបចំចំនួន៤៣ក្រុមហ៊ុន ហើយនិងមានមុខដំណែងការងារប្រមាណជាង៣០០ ដើម្បីបើកឱកាសឲ្យអ្នកចូលរួមអាចដាក់ពាក្យសុំចូលរួមធ្វើការងារ។លោកបណ្ឌិត ឃឹម លាង នាយកមជ្ឈមណ្ឌលសហប្រតិបត្តិការកម្ពុជា ជប៉ុនCJCC ថ្លែងនៅថ្ងៃទី១៣ ខែមករានេះថា ព្រឹត្តិការណ៍ពិព័រណ៍ការងារនេះ បើកឱកាសមនុស្សទូទៅចូលរួមទស្សនាដោយសេរីមិនគិតថ្លៃ ជាពិសេសសម្រាប់អ្នកស្វែងរកការងារធ្វើ និងអ្នកចង់ប្តូរការងារ ហើយក្នុងអំឡុងពេលចូលរួមទស្សនាពិព័រណ៍ការងារ គឺគេអាចដាក់ពាក្យសុំចូលសំភាសន៍ផ្ទាល់តែម្តង ហើយគេអាចចូលរួមស្តាប់ការធ្វើបទបង្ហាញនានារបស់វាគ្មិនក្រុមហ៊ុន ដែលទាក់ទងនឹងការធ្វើការងារផងដែរ។សូមបញ្ជាក់ថា មជ្ឈមណ្ឌលCJCC បានចាប់ផ្តើមរៀបចំព្រឹត្តិការណ៍ពិព័រណ៍ការងារនេះដំបូងនៅឆ្នាំ២០១២ ហើយបន្តរហូតមកដល់បច្ចុប្បន្ន គោលបំណង ធ្វើការផ្គូផ្គងគ្នា ពោលគឺធ្វើការផ្តល់ឱកាសការងារជូនបណ្តាសិស្សនិស្សិតកំពុងសិក្សា និងអ្នកមានចំណេះជំនាញនានាដែលបំណងចង់រកការងារធ្វើ ជួបជាមួយក្រុមហ៊ុនដែលមានតម្រូវការបុគ្គលិកចូលបំរើការងារ។ ក្រៅពីនេះ ការរៀបចំព្រឹត្តិការណ៍ពិព័រណ៍ការងារនេះ ក៏ផ្តល់ឱកាសឲ្យអ្នកមានបំណងចង់រកការងារអាចចូលស្តាប់ការធ្វើបទបង្ហាញពីប្រវត្តិក្រុមហ៊ុននានានោះ ដើម្បីគេងាយធ្វើការងារវិនិច្ឆ័យ សម្រេចចិត្តក្នុងការទៅដាក់ពាក្យចូលធ្វើការងារនោះ ហើយគេក៏អាចចូលរួមសិក្ខាសាលា ដើម្បីដឹងពីរបៀបធ្វើការងារនានានៅក្នុងក្រុមហ៊ុននានានោះ៕ អត្ថបទ ស៊ុម សុខជា.

ក្រុមវិនិយោគិន និងពាណិជ្ជករថៃ កំពុងស្វែងរកដៃគូ ដើម្បីពង្រីកពាណិជ្ជកម្ម និងវិនិយោគ នៅកម្ពុជា

ភ្នំពេញ៖ ក្រុមវិនិយោគិន និងពាណិជ្ជករថៃ កំពុងស្វែងរកដៃគូទីផ្សារពាណិជ្ជកម្ម និងវិនិយោគនៅកម្ពុជា ដើម្បីបង្កើនកិច្ចសហការ និងចូលរួមរុញទំហំពាណិជ្ជ កម្មរវាងប្រទេសថៃ និងកម្ពុជា ឲ្យមានកំណើនងើបឡើងកាន់តែខ្លាំងក្លា។លោកស្រី ជីរ៉ាណាន់ វង្សមង្គល ប្រធានសមាគមពាណិជ្ជកម្មថៃនៅកម្ពុជា និងជាតំណាងពាណិជ្ជកម្មថៃប្រចាំខេត្តសៀមរាប លើកឡើងនៅក្នុងពិធីបើកសម្ពោធពិរព័ណ៍ពាណិជកម្មថៃ (Thailand Products Expo 2023) ដែលរៀបចំឡើងនៅមជ្ឈមណ្ឌលពិរពិណ៍កោះពេជ្រ នៅថ្ងៃទី ១២ ខែ មករា ឆ្នាំ ២០២៣នេះថា ការតាំងពិរព័ណ៍នេះ គឺជាបង្ហាញឲ្យឃើញនៃការចាប់ផ្តើមឡើងវិញ បន្ទាប់ពីវិបត្តិកូវីដ ១៩ បានធូរស្រាល ដោយបាននាំយកផលិតផលប្លែកៗមកដាក់តាំងបង្ហាញ ជាផលិតមានគុណភាពខ្ពស់ និងមានច្រើនប្រភេទ ដែលប្រជាពល រដ្ឋខ្មែរតែងតែមានទំនុកចិត្តនៅលើផលិតផលថៃ។ក្នុងឱកាសនេះដែរ ក៏ជាជាស្វែងរកដៃគូពាណិជ្ជកម្ម និងការផ្លាស់ប្តូបទ ពិសោធន៍ផ្សេងៗ ក្នុងការអភិវឌ្ឍនៃការស្វែងរកទីផ្សាររបស់ខ្លួន ដែលជាផ្នែកមួយនៃការចូលរួមជំរុញ នឹងបង្កើនការធ្វើពាណិជ្ជកម្ម រួមគ្នារវាងកម្ពុជា-ថៃ ដើម្បីរុញទំហំពាណិជ្ជកម្ម ឲ្យកើនដល់គោលដៅតាមការគ្រោងទុក របស់រាជរដ្ឋាភិបាលនៃប្រទេសទាំងពីរ។សូមបញ្ជាក់ថា នៅក្នុងព្រឹត្តិការណ៍តាំងពិរព័ណ៍ពាណិជកម្មថៃ (Thailand Products Expo 2023) នេះ នឹងរៀបចំឡើងមានរយៈ ពេល ៤ ថ្ងៃ ចាប់ពីថ្ងៃទី ១២ ដល់ថ្ងៃទី ១៥ ក្នុងនោះមានក្រុមហ៊ុនល្បីៗចូលរួមតាំងពិរពិរណ៍ប្រមាណ ១៧០ ស្តង់ ដែលសុទ្ធសឹងជាទំនិញមានគុណភាពនាំមកពីប្រទេសថៃ ចេញពីរោងចក្រផ្ទាល់រួមមាន៖ ផលិតផលចំណីអាហារ, ប្រដាប់ប្រដាប្រើប្រាស់ក្នុងផ្ទះ, គ្រឿងសំអាង, សម្ភារៈកសិកម្មជាដើម ជាពិសេសក្នុងព្រឹត្តិការណ៍នេះ នាយកគ្រប់គ្រងរបស់ក្រុមហ៊ុននីមួយៗ ក៏បានចូលរួមដោយផ្ទាល់ ដើម្បីស្វែងរកដៃគូរពាណិជ្ជកម្ម និងការស្វែងរកសក្តានុពលវិនិយោគនៅព្រះរាជាណាចក្រកម្ពុជាផងដែរ៕អត្ថបទ៖ សុន រ៉ាឌី

គយប្រមូលពន្ធអាករបានចំនួនជាង ២ពាន់លានដុល្លារ ក្នុងឆ្នាំ២០២២

ភ្នំពេញ៖ គិតត្រឹមបំណាច់ឆ្នាំ២០២២កន្លងនេះ ការប្រមូលពន្ធរបស់អគ្គនាយកដ្ឋានគយ និងរដ្ឋាករកម្ពុជា មានចំនួនរុបប្រមាណជាង ២ពាន់លានដុល្លារ ស្មើនឹងជិត១០៥% នៃច្បាប់ថវិកាសម្រាប់២០២២ ដែលជាតួលេខខ្ពស់បំផុត ធៀបនឹងចំណូលពន្ធអាករប្រមូលបានក្នុងឆ្នាំ២០២០ និង២០២១។ឯកឧត្តមបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា នៅក្នុងសន្និសីទសារព័ត៌មានស្តីពី លទ្ធផលបិទបញ្ចប់ការងារប្រមូលពន្ធអាករលើរថយន្តគ្មានពន្ធ មានស្រាប់ក្នុងប្រទេស កាលពីរសៀលថ្ងៃទី១២ មករា ឆ្នាំ២០២៣នេះ បានមានប្រសាសន៍ថា ជាមួយនឹងលទ្ធផលនេះ គយសង្ឃឹមថា ការប្រមូលពន្ធនឹងអាចល្អប្រសើបន្ថែមទៀត ដោយសារការព្យាករណ៍សេដ្ឋកិច្ចកម្ពុជា នឹងបន្តកើនឡើងក្នុងរង្វង់ ៦,៦% នៅឆ្នាំ២០២៣ បន្ទាប់ពីការព្យាករកំណើនសេដ្ឋកិច្ចសម្រាប់ឆ្នាំនេះ ត្រូវបានរំពឹងគាំទ្រដោយការបន្តកើនឡើងនៃវិស័យឧស្សាហកម្ម, សេវាកម្ម និងវិស័យកសិកម្មជាដើម។ ជាមួយនឹងការអនុវត្តកិច្ចព្រមព្រៀងសេដ្ឋកិច្ចតំបន់ និងពាណិជ្ជកម្មសេរីទ្វេភាគីជាមួយប្រទេសចិន ចំណូលពន្ធអាករ របស់កម្ពុជា អាចនឹងធ្លាក់ចុះ ដោយសារការនាំចូលក្រោមបន្ទាត់ពន្ធគយពីប្រទេសដៃគូនៃកិច្ចព្រមព្រៀង ត្រូវបានលើកលែង។ទន្ទឹមនឹងការធ្លាក់ចុះនៃចំណូលពន្ធអាករនេះ គយ គ្រោងនឹងកែសម្រួលពន្ធអាករពិសេស លើប្រភេទមុខទំនិញមួយចំនួន ដូចជាផលិតផលប្រណិត និងប្រភេទផលិតផលដែលប៉ះពាល់ដល់សុខភាព មានស្រា បារី ជាដើម និងផលិតផលិតដែលប៉ះពាល់ដល់បរិស្ថាន ដើម្បីបង្កើនចំណូលបំពេញបន្ថែមលើចំណូលដែលបាត់បង់ក្រោមការនាំចូលទំនិញរួចពន្ធគយ៕ អត្ថបទ៖ ឈិត បូរ៉ាវី

គយប្រមូលពន្ធអាករលើរថយន្តគ្មានពន្ធ ទទួលបានចំនួន ១០៦លានដុល្លារ

ភ្នំពេញ៖ អគ្គនាយកដ្ឋានគយ និងរដ្ឋាករកម្ពុជា បានប្រមូលចំណូលពន្ធអាករលើរថយន្តគ្មានពន្ធ មានស្រាប់ក្នុងប្រទេស បានចំនួនជាង ១០៦លានដុល្លារ ក្នុងយន្តនាការប្រមូលពន្ធអាកររយៈពេលជាងមួយឆ្នាំមកនេះ។នៅក្នុងសន្និសីទសារព័ត៌មានស្តីពី លទ្ធផលបិទបញ្ចប់ការងារប្រមូលពន្ធអាករលើរថយន្តគ្មានពន្ធ មានស្រាប់ក្នុងប្រទេស នៅរសៀលថ្ងៃទី១២ មករា ឆ្នាំ២០២៣នេះ ឯកឧត្តមបណ្ឌិត គុណ ញឹម បានមានប្រសាសន៍ថា គិតចាប់ពីការអនុវត្តលើភារកិច្ចរបស់គយក្នុងការប្រមូលចំណូលពន្ធអាករ នៅដើមខែកញ្ញា ឆ្នាំ២០២១ រហូតមកដល់ពេលនេះ ឃើញមានម្ចាស់រថយន្តទាំងចង្កូតឆ្វេង និងស្តាំ ចូលមកចុះបញ្ជីនិងបង់ពន្ធអាករសរុបចំនួន ១៨ ១០៤គ្រឿង គិតជាទឹកប្រាក់ចំនួនជាង ១០៦លានដុល្លារ។ឯកឧត្តម បានឲ្យដឹងទៀតថា យោងតាមទិន្នន័យ រថយន្តនៅសេសសល់ដែលមិនបានចូលខ្លួនមកបំពេញកាតព្វកិច្ច មានចំនួនជិត ២ពាន់គឿង។ឯកឧត្តម បានអះអាងទៀតថា ការអនុវត្តគោលការណ៍ក្នុងការប្រមូលពន្ធអាករលើរថយន្តគ្មានពន្ធ មានស្រាប់ក្នុងប្រទេស ត្រូវបានបិទបញ្ចប់ក្នុងពេលនេះហើយ ពោលលែងមានការយោគយល់ និងអនុគ្រោះបន្តទៀតហើយ។ទន្ទឹមនឹងនេះអគ្គនាយកនៃអគ្គនាយកដ្ឋានគយ នឹងបង្កើនការបង្ក្រាបដូចភ្លៀងរលឹម លើរថយន្តគ្មានពន្ធ និងសហការជាមួយអាជ្ញាធរពាក់ព័ន្ធ ទប់ស្កាត់លើការនាំចូលរថយន្តខុសច្បាប់៕ អត្ថបទ៖ ឈិត បូរ៉ាវី

រដ្ឋមន្ត្រីក្រសួងពាណិជ្ជកម្ម ស្នើសភាពាណិជ្ជកម្មកម្ពុជា ពង្រីកសកម្មភាព ដើម្បីជំរុញកំណើនសេដ្ឋកិច្ច

ភ្នំពេញ៖ រដ្ឋមន្រ្តីក្រសួងពាណិជ្ជកម្ម ផ្តល់អនុសាសន៍គន្លឹះ ដល់សភាពាណិជ្ជកម្មកម្ពុជាជាប់អាណត្តិថ្មី ខិតខំស្វែងរក និងទាក់ទាញអ្នកវិនិយោគឲ្យចូលមកបណ្តាក់ទុនបន្ថែម និងការពិនិត្យលទ្ធភាពបង្កើតសភាពាណិជ្ជកម្ម ដើម្បីជួយជំរុញកំណើនសេដ្ឋកិច្ច-ពាណិជ្ជកម្ម ស្របតាមការលើកស្ទួយការអភិវឌ្ឍសេដ្ឋកិច្ចជាតិ។ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម នៅក្នុងពិធីបិទការបោះឆ្នោតជ្រើសរើសសមាជិកជ្រើសតាំងសភាពាណិជ្ជកម្មរាជធានីភ្នំពេញ អាណត្តិទី៤ លើកទី២ និងសភាពាណិជ្ជកម្មកម្ពុជាអាណត្តិទី ៥ នៅថ្ងៃទី ១១ ខែ មករា ឆ្នាំ ២០២២ នេះថា បានវាយតម្លៃខ្ពស់ចំពោះសភាពាណិជ្ជកម្មកម្ពុជា ដែលបានចូលរួមយ៉ាងសកម្មក្នុងការលើកកំពស់សេដ្ឋកិច្ចជាតិ តាមរយៈការធ្វើធុរកិច្ចក្នុងប្រទេស និងការទាក់ទាញវិនិយោគគិនពីក្រៅប្រទេស។ឯកឧត្តម ប៉ាន សូរស័ក្តិ លើកឡើងថា ដើម្បីចូលរួមក្នុងការលើកកម្ពស់ប្រសិទ្ធភាព ការងាររបស់សភាពាណិជ្ជកម្មកម្ពុជា និងសភាពពាណិជ្ជកម្មរាជធានី-ខេត្ត ឱ្យកាន់តែល្អប្រសើ ត្រូវខិតខំស្វែងរក និងទាក់ទាញអ្នកវិនិយោគឲ្យចូលមកបណ្តាក់ទុននៅកម្ពុជាឲ្យបានកាន់តែច្រើន, សហការជាមួយក្រសួងពាណិជ្ជកម្ម ដើម្បីពិនិត្យលទ្ធភាពបង្កើតការិយាល័យតំណាងសភាពាណិជ្ជកម្មកម្ពុជា នៅតាមតំបន់ ឬប្រទេសណាមួយ ដែលមានប្រជាជនកម្ពុជារស់នៅទីនោះច្រើន ដើម្បីសម្រួលការធ្វើពាណិជ្ជកម្មកម្ពុជានៅក្រៅប្រទេស ក៏ដូចជាសម្រួលដល់ការនាំចេញផលិតផលពីកម្ពុជា។សភាពាណិជ្ជកម្ម គួរបន្តការសហការយ៉ាងជិតស្និទ្ធជាមួយក្រសួងស្ថាប័នពាក់ព័ន្ធ និងអាជ្ញាធរដែនដី, ពង្រឹង និងអភិវឌ្ឍន៍សមត្ថភាពដល់សភាពាណិជ្ជកម្មនៅតាមបណ្តារាជធានី-ខេត្តទាំង ១៨ ដើម្បីឆ្លើយតបទៅនឹងតម្រូវការវិនិយោគ និងស្របទៅតាមបរិបទបច្ចេកវិទ្យា ៤.0, និងបន្តចូលរួមសហការ រៀបចំសិក្ខាសាលាតាមបណ្ដាខេត្ត ស្ដីពីការលើកកម្ពស់ផលិតកម្មទំនិញ ផលិតកម្មកសិផល សម្រាប់ការនាំចេញតាមក្របខណ្ឌកិច្ចព្រមព្រៀងពាណិជ្ជកម្មសេរី។ក្នុងពិធីនេះ, អ្នកឧកញ៉ា គិត ម៉េង ដែលជាប់ជាប្រធានសភាពាណិជ្ជកម្មកម្ពុជា និងសភាពាណិជ្ជកម្មរាជធានីភ្នំពេញ សម្រាប់អាណត្តិថ្មី បានថ្លែងនូវការប្តេជ្ញាចិត្ត នឹងខិតខំប្រឹងប្រែងពង្រីក និងពង្រឹងការងារឲ្យកាន់តែល្អប្រសើរថែមទៀត និងការដោះស្រាយការងាររាំងស្ទុះ នូវរាល់ចំណុចដែលខ្វះខាតផ្សេងៗ ដើម្បីស្វែងរកអ្វីដែលជាប្រយោជន៍សម្រាប់វិស័យឯកជន និងសម្រាប់ប្រទេសជាតិ៕អត្ថបទ៖ សុន រ៉ាឌី

រាជរដ្ឋាភិបាល បន្តព្យួរការរបង់ប្រាក់រំដោះពន្ធ ដើម្បីលើកទឹកចិត្តដល់ឧស្សាហកម្ម និងការងារ

ភ្នំពេញ៖ វិស័យឯកជន គាំទ្រចំពោះការសម្រេចបន្តព្យួរទុកការបង់ប្រាក់រំដោះពន្ធ ទៅលើប្រាក់ចំណូលរបស់សហគ្រាសឧស្សាហកម្មកាត់ដេរ បង្ហាញឲ្យឃើញពីការគិតគូរខ្ពស់របស់រាជរដ្ឋាភិបាល ដើម្បីលើកទឹកចិត្តដល់សហគ្រាស អាចបន្តនិរន្តភាពផលិត ការនាំចេញ និងជាពិសេសគាំទ្រដល់វិស័យការងារ។អ្នកឧកញ៉ា លី ឃុនថៃ ប្រធានសមាគមស្បែកជើងកម្ពុជា លើកឡើងក្នុ នៅថ្ងៃទី ១១ ខែ មករា ឆ្នាំ ២០២៣ នេះថា ការព្យួរទុកការបង់ប្រាក់រំដោះពន្ធលើប្រាក់ចំណូលរបស់រាជរដ្ឋាភិបាល នេះជាការសម្រេចចិត្តដ៏ត្រឹមត្រូវ ដើម្បីជួយសម្រាលបន្ទុកដល់វិស័យឯកជន ដែលកត្តាទាំងអស់នេះ ធ្វើឲ្យអ្នកវិនិយោគមានការសប្បាយចិត្តយ៉ាងខ្លាំង និងមានជំនឿជឿជាក់កាន់តែខ្លាំងក្លាលើរាជរដ្ឋាភិបាល ក្នុងការបន្តអភិវឌ្ឍន៍អាជីវកម្ម និងការប្រកួតប្រជែងផលិតផលរបស់ខ្លួន។ចំណែកលោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា លើកឡើងផងដែរថា នាប៉ុន្មានឆ្នាំមកនេះ បន្ទាប់ពីការផ្ទុះឡើងនៃជំងឺគូវីដ ១៩ និងស្របពេលវិបត្តិសង្គ្រាមរុស្សី អ៊ុយក្រែន ពិភពលោក ក៏ដូចកម្ពុជា មានការប៉ះពាល់យ៉ាងខ្លាំង ដែលនៅក្នុងដំណាក់កាលនេះ រាជរដ្ឋាភិបាលបានចំណាយកញ្ចប់ថវិកាលើការអន្តរាគមន៍ជាច្រើនផ្នែក ដើម្បីទប់លំនឹងសេដ្ឋកិច្ច និងជីវភាពរបស់ប្រជាពលរដ្ឋ។ ជាក់ស្តែងទោះបីវិបត្តិកូវីដ ១៩ បានធូរស្រាលក៏ដោយ រាជរដ្ឋាភិបាលនូវតែបន្តយកចិត្តទុកដាក់ ដែលតាមរយៈជាការបង្ហាញឲ្យឃើញ ពីការយកចិត្តទុកដាក់ខ្ពស់ ហើយរំពឹងថា កម្ពុជានឹងអាចទាកទាញអ្នកវិនិយោគបានកាន់តែច្រើន។ ក្រសួងសេដ្ឋកិច្ច និងហិរញ្ញវត្ថុ បានប្រកាសស្តីពីការបន្តព្យួរទុកការបង់ប្រាក់រំដោះពន្ធលើប្រាក់ចំណូលរបស់សហគ្រាសឧស្សាហកម្មផ្នែកវាយនភណ្ឌកាត់ដេរ ដោយមានគោលបំណងព្យួរទុកការបង់ប្រាក់រំដោះពន្ធលើប្រាក់ចំណូលរបស់សហគ្រាសឧស្សាហកម្មផ្នែកវាយនភណ្ឌកាត់ដេរ ដែលទទួលបានលក្ខណៈសម្បត្តិជាគម្រោងវិនិយោគគ្រប់គ្រាន់ ដើម្បីឱ្យសម្រេចមាននិរន្តរភាព និងជាការគាំពារដល់កម្មករ-កម្មការិនី ព្រមទាំងប្រជាពលរដ្ឋដែលទទួលផលប្រយោជន៍អំពីវិស័យនេះ។ ប្រកាសនេះមានវិសាល ផុតរយៈពេលលើកលែងពន្ធលើប្រាក់ចំណូល រួមមានសហគ្រាសវាយនភណ្ឌ សហគ្រាសផលិតសម្លៀកបំពាក់ សហគ្រាសផលិតស្បែកជើង សហគ្រាសផលិតកាបូបយួរ និងកាបូបដៃ និងសហគ្រាសផលិតមួកសម្រាប់ធ្វើការនាំចេញ។ សហគ្រាសឧស្សាហកម្មផ្នែកវាយនភណ្ឌកាត់ដេរដូចមានចែងខាងលើ ត្រូវបានអនុគ្រោះឱ្យព្យួរទុកជាបណ្ដោះអាសន្ន នូវការបង់ប្រាក់រំដោះពន្ធលើប្រាក់ចំណូលប្រចាំខែ រហូតដល់ដំណាច់ឆ្នាំ២០២៥៕អត្ថបទ៖ សុន រ៉ាឌី,

ក្រុមប្រឹក្សាពិគ្រោះយោបល់ធុរកិច្ច នឹងបង្កើតឱកាសវិនិយោគ និងធុរកិច្ចរវាងកម្ពុជា និងអូស្រ្តាលី

ភ្នំពេញ៖ កម្ពុជា និងអូស្រ្តាលី បានសម្រេច បង្កើតក្រុមប្រឹក្សាពិគ្រោះយោបល់ធុរកិច្ច ដើម្បីជួយជំរុញទំនាក់ទំនង សេដ្ឋកិច្ច និងពាណិជ្ជកម្មរវាងប្រទេសទាំងពីរ ជាពិសេសបង្កើតទាក់ទាញវិនិយោគចូលមកកម្ពុជា ស្របពេលដែលកម្ពុជា មានច្បាប់វិនិយោគថ្មី និងគ្រប់គ្រងស្ថានភាពជំងឺកូវីដបានល្អប្រសើរ។អនុប្រធានសភាពាណិជ្ជកម្ម ឧកញ៉ា លឹម ហេង យល់ឃើញថា ការបង្កើតក្រុមប្រឹក្សាពិគ្រោះយោបល់ធុរកិច្ច នឹងបង្កលក្ខណៈ និងឱកាសកាន់តែច្រើន សម្រាប់ពាណិជ្ជករកម្ពុជា និងអូស្ត្រាលី សហការវិនិយោគ។ឧកញ៉ា លឹម ហេង មានប្រសាសន៍ថា៖ “ការបង្កើតក្រុមប្រឹក្សាធុរកិច្ចនេះឡើង ជាឱកាសសម្រាប់វិស័យឯកជនជួបទល់មុខគ្នា និងការផ្សព្វផ្សាយសក្តានុពលសេដ្ឋកិច្ចរបស់ប្រទេសកម្ពុជា ទាក់ទាញវិនិយោគពីអូស្រា្តលីមកកាន់ប្រទេសកម្ពុជា ក៏ដូចជាការនាំចេញផលិតផលផ្សេងៗផលិតនៅកម្ពុជា ទៅកាន់ប្រទេសអូស្រ្តាលីផងដែរ”។អនុប្រធានសភាពាណិជ្ជកម្ម បន្តថា ការបង្កើតនេះ គឺស្របពេលដែលកម្ពុជា កំពុងត្រូវការវិនិយោគបន្ថែម ក្រោយកម្ពុជា បានបើកដំណើរការសេដ្ឋកិច្ចលើគ្រប់វិស័យឡើងវិញ ដោយសារការគ្រប់គ្រងបានរបស់រាជរដ្ឋាភិបាល ជាពិសេសច្បាប់វិនិយោគថ្មី ដែលផ្តល់ការលើកទឹកចិត្តដល់វិនិយោគិន។ដោយមានការស្នើសុំពីធុរជនអូស្រ្តាលី និងទទួលបានលិខិតរបស់ក្រសួងពាណិជ្ជកម្ម ស្តីពីការពិនិត្យលទ្ធភាពបង្កើត ក្រុមប្រឹក្សាពិគ្រោះយោបល់ធុរកិច្ចកម្ពុជា-អូស្ត្រាលី, សភាពាណិជ្ជកម្មកម្ពុជា បានឯកភាពគាំទ្រជាគោលការណ៍ទៅលើការបង្កើត ក្រុមប្រឹក្សាពិគ្រោះយោបល់ធុរកិច្ចកម្ពុជា-អូស្ត្រាលី ក្នុងគោលបំណងជួយជំរុញទំនាក់ទំនងសេដ្ឋកិច្ច ពាណិជ្ជកម្មរបស់ប្រទេសទាំងពីរ។ ក្រុមប្រឹក្សានេះ នឹងជួបប្រជុំគ្នាជាទៀងទាត់ ដើម្បីរៀបចំផែនការយុទ្ធសាស្ត្រ និងអនុវត្តន៍សកម្មភាពជំរុញពាណិជ្ជកម្ម និងវិនិយោគទ្វេភាគី រួមមានដូចជា រៀបចំសិក្ខាសាលាធុរកិច្ច បេសកកម្មពាណិជ្ជកម្ម ទស្សនកិច្ចធុរកិច្ច និងសកម្មភាពផ្សេងៗទៀត។ក្រុមប្រឹក្សាពិគ្រោះយោបល់ធុរកិច្ចកម្ពុជា-អូស្ត្រាលី បំពេញភារកិច្ច ដើម្បីផ្តល់យោបល់អំពីការទាក់ទាញការវិនិយោគដោយផ្ទាល់ពីបរទេស និងពាណិជ្ជកម្ម ដើម្បីពង្រឹងនិងអភិវឌ្ឍន៍ការតភ្ជាប់ឧស្សាហកម្មនិងធុរកិច្ចរវាងកម្ពុជា និងអូស្ត្រាលី។ក្រុមប្រឹក្សាពិគ្រោះយោបល់ធុរកិច្ចនេះ ក៏នឹងបង្កលក្ខណៈងាយស្រួល និងតភ្ជាប់ទំនាក់ទំនងជាមួយក្រុមហ៊ុនអូស្ត្រាលី និងក្រុមហ៊ុនអន្តរជាតិ ដើម្បីជំរុញការវិនិយោគ ពាណិជ្ជកម្ម និងទេសចរណ៍មកកាន់កម្ពុជា ៕អត្ថបទ វណ្ណៈ

ការនាំចេញនាំចូលរបស់កម្ពុជា សម្រេចបានជាង ៥២ ពាន់លានដុល្លារ ក្នុងឆ្នាំ២០២២

ភ្នំពេញ៖ ការធ្វើពាណិជ្ជកម្មអន្តរជាតិរបស់កម្ពុជា ក្នុងឆ្នាំ ២០២២ មានទឹកប្រាក់សរុបជាង ៥២ពាន់លានដុល្លារ កើនជាង ៩ភាគរយបើធៀបនឹងឆ្នាំ ២០២១ ខណៈការនាំចេញទំនិញរបស់កម្ពុជាស្ទុះហក់ឡើងជាង១៦ភាគរយ។យោងតាមទិន្នន័យដែលកត់ត្រាដោយអគ្គនាយកដ្ឋានគយ និងរដ្ឋាករកម្ពុជា នៃក្រសួងសេដ្ឋកិច្ច និងហិរញ្ញវត្ថុ ការផ្លាស់ប្ដូរពាណិជ្ជកម្មកម្ពុជាជាមួយនឹងទីផ្សារអន្តរជាតិ ក្នុងឆ្នាំ ២០២២ មានទឹកប្រាក់សរុប ៥២ពាន់លានដុល្លារ កើនឡើង ៩ ភាគរយបើធៀបនឹងរយៈពេលដូចគ្នាឆ្នាំ ២០២១ ដែលមានទឹកប្រាក់ ៤៨ពាន់លានដុល្លារ។ទិន្នន័យខាងលើឱ្យដឹងទៀតថា ក្នុងឆ្នាំ២០២២ កម្ពុជាបាននាំទំនិញទៅទីផ្សារអន្តរជាតិ ក្នុងចំនួនទឹកប្រាក់សរុប ២២,៤ ពាន់លានដុល្លារ កើនឡើង ១៦,៤ភាគរយពីចំនួន ១៩,៣ ពាន់លានដុល្លារ និងការនាំចូលមានទឹកប្រាក់ ២៩,៩ពាន់លានដុល្លារ មានកំណើន៤,៣ ភាគរយពីចំនួន ២៨,៧ពាន់លានដុល្លារ។បើយោងតាមទិន្នន័យខាងលើ ពាណិជ្ជកម្មអន្តរជាតិរបស់កម្ពុជា ក្នុង ឆ្នាំ២០២២ គឺមានឱនភាពប្រមាណ ៧,៤ពាន់លានដុល្លារ។ទំនិញដែលកម្ពុជានាំចេញទាំងនោះ រួមមាន សំលៀកបំពាក់, ម៉ាស៊ីន និងឧបករណ៍អគ្គិសនី, ផលិតផលស្បែកជើង សម្ភារធ្វើពីស្បែកសត្វ យានក្រៅពីអយស្ម័យយាន, គ្រាប់ធញ្ញជាតិ គ្រឿងសង្ហារឹម កៅស៊ូ, រួមនឹងផលិតផលផ្សេងទៀត ដូចជាផ្លែឈើ បន្លែ គុជខ្យង ប្រដាប់ក្មេងលេង វត្ថុវាយនភណ្ឌកែច្នៃផ្សេងជាដើម។អ្នកជំនាញសេដ្ឋកិច្ច លើកឡើងថា ការកើនឡើងនូវការចេញទំនិញគ្រប់ប្រភេទរបស់កម្ពុជានេះ ដោយសារកម្ពុជា បានអនុវត្តពេញលេញនូវកិច្ចព្រមព្រៀងពាណិជ្ជកម្មសេរី (RCEP) ដែលតាមរយៈទីផ្សារទាំង១៥ ប្រទេសជាសមាជិករបស់ RCEP បានស្រូបយកទំនិញយ៉ាងច្រើនពីកម្ពុជាក្រោមអត្រាពន្ធទាប។ជាមួយគ្នាតាមរយៈកិច្ចព្រមព្រៀងពាណិជ្ជកម្មសេរីរវាងកម្ពុជា និងចិន ដែលបានចូលជាធរមាន ក៏ត្រូវបានអ្នកនាំចេញប្រើប្រាស់អត្ថប្រយោជន៍កិច្ចព្រមព្រៀងនេះ គួរឱ្យកត់សម្គាល់ផងដែរ៕ អត្ថបទ៖ វណ្ណៈ

កម្ពុជា-អូស្រ្តាលី ប្រកាសដាក់ឱ្យប្រើប្រាស់ផ្លូវការគម្រោងអភិវឌ្ឍន៍ថ្នាលឌីជីថលតែមួយ

ភ្នំពេញ៖ ឆ្នាំ២០២៣នេះ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងឯកឧត្តម ប៉ាប្លូ កំាង (Pablo Kang) ឯកអគ្គរាជទូតអូស្ត្រាលីប្រចាំកម្ពុជា នៅទីស្តីការក្រសួងពាណិជ្ជកម្ម កាលពីរសៀលថ្ងៃទី៩ មករា បានប្រកាសដាក់ឱ្យប្រើប្រាស់នូវឯកសារស្រាវជ្រាវអំពីព័ត៌មានទីផ្សារសំខាន់ៗចំនួន២ និងប្រកាសពីគម្រោងអភិវឌ្ឍន៍ថ្នាលឌីជីថលតែមួយ ដើម្បីជំរុញការធ្វើពាណិជ្ជកម្ម និងវិនិយោគ។ឯកសារស្រាវជ្រាវអំពីព័ត៌មានទីផ្សារសំខាន់ៗចំនួន២ រួមមាន៖ ទី១.កសិផលកម្ពុជាសម្រាប់នាំចេញទៅទីផ្សារសហភាពអឺរ៉ុប និងអាសិប និងទី២. កម្ពុជា និងការបើកទីផ្សារពិភពលោកតាមរយៈកិច្ចព្រមព្រៀងពាណិជ្ជកម្មសេរី ព្រមទាំងបានប្រកាសពីគម្រោងអភិវឌ្ឍន៍ថ្នាលឌីជីថលតែមួយ ក្នុងនោះរួមមាន៖ គេហទំព័រកិច្ចព្រមព្រៀងពាណិជ្ជកម្មសេរី, ប្រព័ន្ធគ្រប់គ្រងស្វ័យបញ្ជាក់ដើមកំណើតទំនិញ និងប្រព័ន្ធផ្ទៀងផ្ទាត់ដើមកំណើតទំនិញជាអន្តរជាតិ ដើម្បីជាជំនួយដល់ធុរជនក្នុងការទាញយកអត្ថប្រយោជន៍ជាអតិបរមា ពីកិច្ចព្រមព្រៀងពាណិជ្ជកម្មសេរីទាំងអស់ដែលកម្ពុជាជាប្រទេសហត្ថលេខី។ ចំពោះសៀវភៅព័ត៌មាន នឹងផ្តល់ព័ត៌មានបច្ចុប្បន្នភាពចុងក្រោយ និងងាយស្រួលយល់ អំពីកិច្ចព្រមព្រៀងពាណិជ្ជកម្មសេរីទ្វេភាគី និងតំបន់ ដែលកម្ពុជា ជាប្រទេសហត្ថលេខី មានជាអាទិ៍៖ កិច្ចព្រមព្រៀងអាសិប, កិច្ចព្រមព្រៀងពាណិជ្ជកម្មសេរី កម្ពុជា-ចិន និងកិច្ចព្រមព្រៀងពាណិជ្ជកម្មសេរី កម្ពុជា-កូរ៉េជាដើម។ សៀវភៅនេះដែរនឹងជួយដល់សហគ្រាសកសិ-ម្ហូបអាហារ ផលិតករ អ្នកនាំចេញ សមាគមធុរកិច្ច និងអ្នកពាក់ព័ន្ធដទៃទៀត ដើម្បីចាប់យកនូវកាលានុវត្តភាពពីការធ្វើពិពិធកម្មទីផ្សារ និងទទួលបានអត្ថប្រយោជន៍នានាក្រោមកិច្ចព្រមព្រៀងពាណិជ្ជកម្មសេរីទាំងនេះ។ដោយឡែក ថ្នាលឌីជីថលតែមួយ គ្រោងអភិវឌ្ឍន៍ឡើងតាមលំអានរបស់គេហទំព័រកិច្ចព្រមព្រៀងពាណិជ្ជកម្មសេរីរបស់អូស្ត្រាលីផ្ទាល់ ហើយក៏នឹងក្លាយជាកន្លែងផ្ទុកព័ត៌មានពាណិជ្ជកម្មដ៏ទូលំទូលាយសម្រាប់អ្នកនាំចេញ និងអ្នកនាំចូល ក្នុងការស្វែងរក និងទាញអត្ថប្រយោជន៍ពីកិច្ចព្រមព្រៀងពាណិជ្ជកម្មសេរីទាំងអស់របស់កម្ពុជា។តាមឯកឧត្តមរដ្ឋមន្រ្តី ប៉ាន សូរស័ក្តិ បានមានប្រសាសន៍ថា គម្រោងអភិវឌ្ឍន៍ថ្នាលឌីជីថលតែមួយ នឹងជួយកម្ពុជាក្នុងការសម្រេចបានយ៉ាងពេញលេញនូវការសន្យារបស់ខ្លួនក្រោមកិច្ចព្រមព្រៀងពាណិជ្ជកម្មសេរីមួយចំនួនដូចជា កិច្ចព្រមព្រៀងពាណិជ្ជកម្មទំនិញអាស៊ាន, កិច្ចព្រមព្រៀងពាណិជ្ជកម្មសេរីកម្ពុជា-កូរ៉េ, កិច្ចព្រមព្រៀងពាណិជ្ជកម្មសេរីអាស៊ាន អូស្ត្រាលី នូវែលហ្សេឡង់ និងកិច្ចព្រមព្រៀង អាសិប។ជាមួយគ្នានេះភាគីអូស្រ្តាលី សង្ឃឹមថា មគ្គុទ្ទេសក៍ទាំងនេះ និងថ្នាលឌីជីថលតែមួយដែលនឹងអភិវឌ្ឍន៍ឡើងនាពេលខាងមុខ នឹងធ្វើឱ្យធុរជន និងពាណិជ្ជករទាំងអស់ កាន់តែមានភាពងាយស្រួលក្នុងការទទួលបានព័ត៌មានដែលមានប្រយោជន៍ ដើម្បីបង្កើនការធ្វើពាណិជ្ជកម្ម៕អត្ថបទ៖ ឈិត បូរ៉ាវី

អាកាសយានដ្ឋានអន្តរជាតិសៀមរាបអង្គរ នឹងបើកឱ្យដំណើរការនៅខែតុលាឆ្នាំ២០២៣

សៀមរាប៖ ប្រធានគណៈកម្មការតម្រង់ទិសសម្រាប់ការសាងសង់អាកាសយានដ្ឋាន អន្តរជាតិសៀមរាបអង្គរ ឯកឧត្តម តឹករ៉េត សំរេច បានបញ្ជាក់ថា អាកាសយានដ្ឋានអន្តរជាតិសៀមរាប នឹងបើកឱ្យដំណើរការ នៅខែតុលា ឆ្នាំ២០២៣ ខណៈគិតត្រឹមថ្ងៃទី៣១ ខែធ្នូ ឆ្នាំ២០២២នេះ គម្រោងទាំងមូលសម្រេចបាន ៦៣%។ឯកឧត្តម តឹករ៉េត សំរេច បានបញ្ជាក់បែបនេះ តាមរយៈកិច្ចប្រជុំបូកសរុបការងារប្រចាំឆ្នាំ២០២២ និងទិសដៅការងារឆ្នាំ២០២៣ របស់គណៈកម្មការតម្រង់ទិសសម្រាប់ការសាងសង់ អាកាសយានដ្ឋានអន្តរជាតិសៀមរាបអង្គរ នាថ្ងៃទី៩ ខែមករា ឆ្នាំ២០២៣នេះ។ ផ្អែកតាមសមិទ្ធផលជាក់ស្តែង តាមរយៈការត្រួតពិនិត្យការដ្ឋានផ្ទាល់ និងរបាយការណ៍វឌ្ឍនភាពក្រុមហ៊ុន ឯកឧត្តម តឹករ៉េត សំរេច ប្រធានគណៈកម្មការតម្រង់ទិស បានធ្វើការកោតសរសើរ និងវាយតម្លៃខ្ពស់ចំពោះក្រុមមហ៊ុន AIAI ដែលបានយកចិត្តទុកដាក់ខ្ពស់ និងផ្តល់ភាពសំខាន់យ៉ាងខ្លាំងចំពោះគម្រោងនេះ ហើយបានអនុវត្តគម្រោងទទួលបានជោគជ័យយ៉ាងខ្លាំងដូចដែលបានឃើញនៅថ្ងៃនេះ ទោះក្នុងកាលៈទេសៈដែលពិភពលោកបាននិងកំពុងជួបវិបត្តិយ៉ាងខ្លាំងក៏ដោយ។ ឯកឧត្តមប្រធាន ក៏បានថ្លែងអំណរគុណដល់សមាជិកគណៈកម្មការទាំងអស់ និងគ្រប់ភាគីពាក់ព័ន្ធដែលបានជ្រោមជ្រែង សម្របសម្រួល និងគាំទ្រ រហូតយើងសម្រេចបានសមិទ្ធិផលនៅពេលនេះ។ ឯកឧត្ដមថ្លែងថា «តាមរយៈសមិទ្ធិផលឃើញថ្ងៃនេះ យើងអាចវាយតម្លៃបានថា ពេលវេលាលំបាកបំផុតក្នុងការអនុវត្តគម្រោងសាងសង់ឱ្យសម្រេចជោគជ័យនេះ គឺពួកយើងបានឆ្លងផុតហើយ នៅសល់តែការងារតិចតួចប៉ុណ្ណោះ ដែលយើងត្រូវបន្តអនុវត្តឱ្យបានចប់នៅដំណាច់ខែមីនា ឆ្នាំ២០២៣ និងការងារបើកឱ្យដំណើរការ នៅខែតុលា ឆ្នាំ២០២៣»។ តាមរបាយការណ៍បូកសរុបការងាររបស់ក្រុមហ៊ុន AIAI ដែលជាក្រុមហ៊ុនអនុវត្តគម្រោង គិតត្រឹមថ្ងៃទី៣១ ខែធ្នូ ឆ្នាំ២០២២នេះ គម្រោងទាំងមូលសម្រេចបាន ៦៣% ដែលយឺតតិចតួចជាងការគ្រោងទុកកាលពីដើមឆ្នាំគឺ ៧០% ដោយសារតែការរាំងស្ទះនៃការនាំចូលឧបករណ៍បរិក្ខាសំណង់ពីប្រទេសចិនបណ្តាលមកពីបញ្ហាកូវីដ១៩។ ជាមួយគ្នានេះ ក្រុមហ៊ុនបានដាក់ចេញនូវផែនការ២០២៣ និងធ្វើការប្តេជ្ញាចិត្តខ្ពស់ នឹងសម្រេចឱ្យការងារសាងសង់នេះឱ្យបាន ៩០% នៅត្រឹមដំណាច់ខែមីនា ឆ្នាំ២០២៣។ ឯកឧត្ដម បញ្ជាក់ថា កំឡុងពេលបន្តទៀតនេះ គឺជាដំណាក់កាលចាប់ផ្តើមអនុវត្តផែនការប្រតិបត្តិការ ដែលក្រុមហ៊ុនអនុវត្តគម្រោង និងក្រសួងស្ថាប័នពាក់ព័ន្ធ ត្រូវរួមគ្នាសម្រេចឱ្យបានតាមផែនការដែលបានឯកភាពដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្រ្តីនៃប្រទេសកម្ពុជារួចហើយ៕អត្ថបត្ថ៖ វ៉ន ដារ៉ា

បណ្ដាញសង្គម

ព័ត៌មានថ្មីៗ

អ្នកវិនិយោគនៅកម្ពុជាអំពាវនាវពលកខ្មែរមកពីថៃ ឱ្យងាកមកធ្វើការក្នុងស្រុកវិញ ខណៈការងាររាប់ម៉ឺនកន្លែងកំពុងរងចាំ

លោក Zelenskiy ព្រមព្រៀងជាមួយលោកTrump ដើម្បីពង្រឹងការការពារដែនអាកាសរបស់អ៊ុយក្រែន

ប្រទេសឥណ្ឌា ស្នើពន្ធសងសឹកនៅអង្គការពាណិជ្ជកម្មពិភពលោកប្រឆាំងនឹងពន្ធអាមេរិកលើរថយន្ត

ប្រទេស BRICS នឹងជួបប្រជុំគ្នាដោយគ្មានលោកប្រធានាធិបតី Xi និងលោក Putin

ទឹកជំនន់ដ៏គំហុកនៅរដ្ឋតិចសាស់ បណ្តាលឲ្យមនុស្សជាង១០នាក់ស្លាប់ និងជាង២០នាក់នៅបាត់ខ្លួន

កម្ពុជាប្តេជ្ញាចិត្តខ្ពស់កាត់បន្ថយការបញ្ចេញឧស្ម័នផ្ទះកញ្ចក់ ៥៤% ឆ្លើយតបនឹងការប្រែប្រួលអាកាសធាតុជាមួយសហគមន៍អន្តរជាតិ

ក្រុមប្រឹក្សាស្រុកកៀនស្វាយ និងមន្រ្តីអាជ្ញាធរ ភូមិ ឃុំ រួមគ្នាដោះស្រាយរាល់សំណូមពលរដ្ឋក្នុងមូលដ្ឋាន

ក្រសួងការងារ ចុះហត្ថលេខាជាមួយក្រុមហ៊ុនចិន ដើម្បីលើកកម្ពស់ការអប់រំបណ្ដុះបណ្ដាលជំនាញ ធីវ៉េត នៅកម្ពុជា

មន្ត្រីការិយាល័យនគរបាលចរាចរណ៍ផ្លូវគោក៣នាក់ល្មើសបទវិន័យត្រូវបានបណ្តេញចេញពីក្របខណ្ឌនគរបាលជាតិ

ក្រុមត្រួតពិនិត្យ IAEA ចាកចេញពីទីក្រុងតេអេរ៉ង់ ក្រោយជម្លោះសហរដ្ឋអាមេរិក-អ៊ីស្រាអែល-អ៊ីរ៉ង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

ក្រុមហ៊ុនជាង៤០ សហការរៀបចំពិព័រណ៍ការងារ នៅCJCC នាចុងសប្តាហ៍នេះ

ក្រុមវិនិយោគិន និងពាណិជ្ជករថៃ កំពុងស្វែងរកដៃគូ ដើម្បីពង្រីកពាណិជ្ជកម្ម និងវិនិយោគ នៅកម្ពុជា

គយប្រមូលពន្ធអាករបានចំនួនជាង ២ពាន់លានដុល្លារ ក្នុងឆ្នាំ២០២២

គយប្រមូលពន្ធអាករលើរថយន្តគ្មានពន្ធ ទទួលបានចំនួន ១០៦លានដុល្លារ

រដ្ឋមន្ត្រីក្រសួងពាណិជ្ជកម្ម ស្នើសភាពាណិជ្ជកម្មកម្ពុជា ពង្រីកសកម្មភាព ដើម្បីជំរុញកំណើនសេដ្ឋកិច្ច

រាជរដ្ឋាភិបាល បន្តព្យួរការរបង់ប្រាក់រំដោះពន្ធ ដើម្បីលើកទឹកចិត្តដល់ឧស្សាហកម្ម និងការងារ

ក្រុមប្រឹក្សាពិគ្រោះយោបល់ធុរកិច្ច នឹងបង្កើតឱកាសវិនិយោគ និងធុរកិច្ចរវាងកម្ពុជា និងអូស្រ្តាលី

ការនាំចេញនាំចូលរបស់កម្ពុជា សម្រេចបានជាង ៥២ ពាន់លានដុល្លារ ក្នុងឆ្នាំ២០២២

កម្ពុជា-អូស្រ្តាលី ប្រកាសដាក់ឱ្យប្រើប្រាស់ផ្លូវការគម្រោងអភិវឌ្ឍន៍ថ្នាលឌីជីថលតែមួយ

អាកាសយានដ្ឋានអន្តរជាតិសៀមរាបអង្គរ នឹងបើកឱ្យដំណើរការនៅខែតុលាឆ្នាំ២០២៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

ក្រុមហ៊ុនជាង៤០ សហការរៀបចំពិព័រណ៍ការងារ នៅCJCC នាចុងសប្តាហ៍នេះ

ក្រុមវិនិយោគិន និងពាណិជ្ជករថៃ កំពុងស្វែងរកដៃគូ ដើម្បីពង្រីកពាណិជ្ជកម្ម និងវិនិយោគ នៅកម្ពុជា

គយ​ប្រមូលពន្ធអាករបានចំនួនជាង ២ពាន់លានដុល្លារ ក្នុងឆ្នាំ២០២២

គយប្រមូលពន្ធអាករលើរថយន្តគ្មានពន្ធ ទទួលបានចំនួន ១០៦លានដុល្លារ

រដ្ឋមន្ត្រីក្រសួងពាណិជ្ជកម្ម ស្នើសភាពាណិជ្ជកម្មកម្ពុជា ពង្រីកសកម្មភាព ដើម្បីជំរុញកំណើនសេដ្ឋកិច្ច

រាជរដ្ឋាភិបាល​ បន្តព្យួរការរបង់ប្រាក់រំដោះពន្ធ ដើម្បីលើកទឹកចិត្តដល់ឧស្សាហកម្ម និងការងារ

ក្រុមប្រឹក្សាពិគ្រោះយោបល់ធុរកិច្ច នឹងបង្កើតឱកាសវិនិយោគ​ និងធុរកិច្ច​រវាងកម្ពុជា និងអូស្រ្តាលី

ការ​នាំចេញ​នាំចូល​របស់​កម្ពុជា សម្រេច​បាន​ជាង ៥២ ពាន់​លាន​ដុល្លារ ក្នុងឆ្នាំ២០២២

កម្ពុជា-អូស្រ្តាលី ប្រកាសដាក់ឱ្យប្រើប្រាស់ផ្លូវការគម្រោងអភិវឌ្ឍន៍ថ្នាលឌីជីថលតែមួយ

អាកាសយានដ្ឋានអន្តរជាតិសៀមរាបអង្គរ នឹងបើកឱ្យដំណើរការនៅខែតុលាឆ្នាំ២០២៣

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

គយប្រមូលពន្ធអាករបានចំនួនជាង ២ពាន់លានដុល្លារ ក្នុងឆ្នាំ២០២២

រាជរដ្ឋាភិបាល បន្តព្យួរការរបង់ប្រាក់រំដោះពន្ធ ដើម្បីលើកទឹកចិត្តដល់ឧស្សាហកម្ម និងការងារ

ក្រុមប្រឹក្សាពិគ្រោះយោបល់ធុរកិច្ច នឹងបង្កើតឱកាសវិនិយោគ និងធុរកិច្ចរវាងកម្ពុជា និងអូស្រ្តាលី

ការនាំចេញនាំចូលរបស់កម្ពុជា សម្រេចបានជាង ៥២ ពាន់លានដុល្លារ ក្នុងឆ្នាំ២០២២