ឧបនាយករដ្ឋមន្ត្រីប្រចាំការ វង្សី វិស្សុត៖​ រាជរដ្ឋាភិបាលកំពុងកសាងនូវមូលដ្ឋានគ្រឹះរឹងមាំ ដើម្បីសម្រេចជាប្រទេសមានចំណូលខ្ពស់ឆ្នាំ២០៥០
ទួរគីកំពុងសិក្សាលទ្ធភាពនៃការនាំចេញគ្រាប់ស្វាយចន្ទីកែច្នៃពីកម្ពុជាទៅកាន់ប្រទេសរបស់ខ្លួន
កម្ពុជា-ហ្វីលីពីនផ្លាស់ប្តូរអនុស្សារណៈលើកទឹកចិត្តធុរជន និងជំរុញវិនិយោគក្នុងសហគមន៍ប្រទេសទាំងពីរ
កសិករធ្វើស្រែពឹងប្រព័ន្ធធារាសាស្ត្រគ្រប់ជ្រុងជ្រោយនៅស្រុកស្អាង ខេត្តកណ្ដាល ត្រៀមធ្វើស្រែលើកទីពីរ

សេដ្ឋកិច្ច និង កសិកម្ម

ឆ្នាំនេះប្រជាកសិករក្នុងខេត្តកំពង់ឆ្នាំង ប្រមូលផលស្រូវវស្សាបាន ១១ម៉ឺនតោន ខណៈ​ស្រូវ​កំពុង​ដុះលូ​ត​លាស់ល្អ មិនមានផលរំខានពីជំនន់ទឹកភ្លៀងនោះឡើយ

2024/11/06 10:13:54 am        194
កំពង់ឆ្នាំង៖ ប្រជាកសិករខេត្តកំពង់ឆ្នាំងក្នុងឆ្នាំ២០២៤នេះ ធ្វើស្រែវស្សាបានលើសផែនការ ខណៈ​​ស្រូវ​វស្សាកំពុងដុះលូតលាស់ល្អប្រសើរ និងមិនមាន​ការ​រង​ផល​ប៉ះ​ពាល់​ដោយ​សារ​ជំនន់​ទឹក​ភ្លៀង​នោះ​ឡើយ។ ដោយឡែកការប្រមូលផលស្រូវវស្សា គិតមកដល់ថ្ងៃនេះបាន​ចំនួន​២៦៧១៩​ហិកតា និងទទួលផលបាន១១៦២១៥តោន។ នេះបើតាមការបញ្ជាក់អោយដឹង ពីលោក ងិន ហ៊ុន ប្រធានមន្ទីរកសិកម្ម រុក្ខាប្រម៉ាញ់ និងនេសាទខេត្តកំពង់ឆ្នាំង នាថ្ងៃទី០៦ ខែវិច្ឆិកា ឆ្នាំ​២០២៤​នេះ ។លោក ងិន ហ៊ុន បានថ្លែងឲ្យដឹងទៀតថា៖ នៅឆ្នាំ២០២៤នេះ ប្រជាកសិករខេត្តកំពង់ឆ្នាំង បាន​ប្រមូល​ផល​ស្រូវវស្សាលើផ្ទៃដីស្រែចំនួន២៦៧១៩ហិកតា លើផ្ទៃដីស្រែវស្សា​សរុប​ចំនួន​១៤​០៦​០០​ហិកតា ។ ក្នុងចំណោមផ្ទៃដីដែលប្រមូលផលជាង២ម៉ឺនហិកតានេះ ផល​ដែល​ទទួល​បាន​ចំនួន​១១៦២១៥តោន។ ដោយឡែកតម្លៃស្រូវក្នុងសប្តាហ៍នេះ គឺស្រូវក្រអូប(ហាលស្ងួត) តម្លៃ​១៦៥០​រៀល ក្នុង១គីឡូក្រាម, ដែលតម្លៃនេះ​ខ្ពស់​ជាង​តម្លៃ​ស្រូវ​ឆ្នាំ​២០២៣​ចំនួន​៦០​រៀល​ក្នុង​១​គីឡូក្រាម, ស្រូវចំរុះស្ងួតមានតម្លៃ១៣០០រៀលក្នុង១គីឡូក្រាម ទាប​ជាង​ឆ្នាំ​២០២៣​ប្រមាណ​៨០​រៀល​ក្នុង​១​គីឡូក្រាម, និងស្រូវOMសើម មានតម្លៃ៩៦០រៀលក្នុង១គីឡូក្រាម ខ្ពស់ជាង​ឆ្នាំ​២០២៣ ប្រមាណ​៤០រៀលក្នុង១គីឡូក្រាម។ ក្នុងចំណោមស្រូវវស្សាទាំងនោះ ប្រជាកសិករ​បាន​ដាំ​ដុះ​ស្រូវ​ស្រាលមានចំនួន២៩ ៤៥០ហិកតា, ស្រូវកណ្តាលមានចំនួន៦៥ ៦៤៤ហិកតា, និង​ស្រូវ​ធ្ងន់​ធ្វើ​បានចំនួន ៤៥ ៥០៦ ហិកតា ។ លោកបាន​បន្តថា ដោយសារមានទឹកភ្លៀងគ្រប់គ្រាន់ ស្រូវវស្សាឆ្នាំនេះ កំពុងដុះ​លូត​លាស់​ល្អ​ប្រសើរ​ ក្នុងនោះ រយះពេលប៉ុន្មានថ្ងៃនេះភ្លៀងបានបន្តធ្លាក់ចុះនៅតាមតំបន់ភ្នំ ប៉ុន្តែស្រែ​វស្សា​របស់​​បងប្អូនប្រជាកសិករ មិនទាន់រងផលប៉ះពាល់ដោយសារជំនន់ទឹកភ្លៀងនៅឡើយទេ។ ក្រៅ​ពី​ដាំ​ដុះ​ស្រូវវ​ស្សាហើយ ប្រជាកសិករបានខិតខំដាំដុះដំណាំរួមផ្សំផ្សេងៗទៀតផងដែរ និងចិញ្ចឹ​ម​សត្វ​បន្ថែម ដើម្បីបង្កើនផ្គត់ផ្គង់ជីវភាពក្នុងគ្រួសារអោយធូរធារថែមមួយកម្រឹតទៀត ៕ កាំង ហុងវាស្នា

ធនាគារជាតិ និងក្រសួងពាណិជ្ជកម្ម ប្រកាសពីការបើកគណនីធនាគារជាប្រាក់រៀល ជូនអាជីវកម្មទាំងអស់ដែលចុះបញ្ជីស្របច្បាប់នៅកម្ពុជា

2024/11/05 09:58:05 am        178
ធនាគារជាតិនៃកម្ពុជា និងក្រសួងពាណិជ្ជកម្ម បានចេញសេចក្តីជូនដំណឹងរួមគ្នាចុះថ្ងៃទី១ ខែវិច្ឆិកា ឆ្នាំ២០២៤ ដោយប្រកាសពីការបើកគណនីធនាគារជាប្រាក់រៀល ជូន​អាជីវកម្ម​ទាំង​អស់​ដែល​ចុះ​បញ្ជីស្របច្បាប់នៅក្នុងព្រះរាជាណាចក្រកម្ពុជា។ ដើម្បីពង្រឹងការអនុវត្តច្បាប់ ស្តីពី​សហ​គ្រាសពាណិជ្ជកម្ម និងការលើកកម្ពស់ការ​ប្រើ​ប្រាស់​ប្រាក់​រៀល ក្នុងវិស័យធុរកិច្ច ក៏ដូចជា​ចូល​រួម​រក្សា​ស្ថិរភាពហិរញ្ញវត្ថុ ស្រប​តាម​ក្រប​ខណ្ឌ​គោល​នយោបាយ​សេដ្ឋកិច្ច និងសង្គមឌីជីថល​កម្ពុជា ២០២១-២០៣៥ និងមុំទី៥ នៃបញ្ចកោណទី៣ របស់យុទ្ធសាស្ត្របញ្ចកោណ ដំណាក់​កាលទី១ របស់រាជរដ្ឋាភិបាលនីតិកាលទី៧ ក្រោម​ការ​ដឹក​នាំ​រប​ស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា សូមគ្រឹះស្ថានធនាគារ និង​ហិរញ្ញ​វត្ថុ​ទាំងអស់ មេត្តាចូលរួមសហការសម្របសម្រួលក្នុង ការបង្កើត​គណនី​ធនាគារ​ជា​ប្រាក់​រៀល ជូនគ្រប់អាជីវកម្មដែលចុះបញ្ជីស្របច្បាប់នៅក្នុង ព្រះរាជាណាចក្រកម្ពុជា។ការប្រើ​ប្រាស់ប្រាក់រៀល មានសារៈសំខាន់ក្នុងការពង្រឹងប្រសិទ្ធភាព ការអនុវត្តនយោបាយម៉ាក្រូ សេដ្ឋកិច្ចជាតិ ជាពិសេសក្នុងការរក្សាស្ថិរភាពថ្លៃនៅក្នុងទីផ្សារ កាត់​បន្ថយ​ចំណាយ​ប្រតិបត្តិការ​ដុល្លា​រូបនីយកម្ម គាំទ្រការនាំចេញ និងការវិនិយោគ គរពូនទុនបម្រុងអន្តរជាតិ បង្កើន​សុខុមាល​ភាព​សង្គម ទទួលចំណូលពីការបោះពុម្ពក្រដាសប្រាក់ ព្រមទាំងពង្រឹង អត្តសញ្ញាណជាតិ និង​អធិបតេយ្យជាតិជាដើម៕

ចិនកំពុងជំរុញកសាងប្រព័ន្ធបណ្ដាញទូរស័ព្ទចល័តល្បឿនលឿននៅកម្ពុជា ឱ្យចប់នៅឆ្នាំ២០២៥ ខាងមុខ

2024/11/04 04:15:11 pm        650
ចិនបានកំពុងចូលរួមចំណែក កសាងប្រព័ន្ធបណ្ដាញទូរស័ព្ទចល័តនៅកម្ពុជាយ៉ាងសកម្ម និង​គ្រោង​បញ្ចប់នៅឆ្នាំ២០២៥ ខាងមុខ ដើម្បីជំរុញឱ្យសម្រេចបានតាមអត្រាគោលដៅ គ្រប​ដណ្ដប់​ប្រព័ន្ធ​អ៊ីន​ធឺណេតល្បឿនលឿន ដោយក្នុងតំបន់ទីក្រុងឱ្យបាន ១០០% និង តំបន់ជនបទ ៧០% ។ឯកឧត្តម វ៉ង ចិនពីន (Wang Wenbin)ឯកអគ្គរដ្ឋទូត វិសាមញ្ញនិងពេញសមត្ថភាព នៃ​សាធារណ​រដ្ឋ​ប្រជាមានិតចិនប្រចាំព្រះរាជាណាចក្រកម្ពុជា លើកឡើងក្នុង «វេទិកា​សហ​ប្រតិបត្តិ​ការ​សេដ្ឋកិច្ចឌីជីថល ចិន-កម្ពុជា ឆ្នាំ ២០២៤» នៅថ្ងៃទី ៤ ខែ វិច្ឆិកា នេះថា, ក្រោមកិច្ចខិត​ខំ​ប្រឹង​ប្រែង​របស់រាជរដ្ឋាភិបាលកម្ពុជា ប្រជាជនបានយល់ដឹងគ្រប់ជ្រុង អំពីការអភិវឌ្ឍ​ខ្លាំង​ក្លា​នៃ​សេដ្ឋ​កិច្ច​ឌីជីថលរបស់ ប្រទេសកម្ពុជា ដើរលើវិថីគ្រប់ច្រកល្ហក, ហេដ្ឋារចនា​សម្ព័ន្ធ​ឌីជីថល​បាន​អភិវឌ្ឍ​ឥត​ឈប់ឈរ និងបានឃើញមាននៅលើអេក្រង់អេឡិច ត្រូនិក និងអេក្រង់ Touch Screen គ្រប់ទីកន្លែង។ ទោះបីនៅផ្សារទំនើបធំៗ ឬក៏ហាងបាយតូចៗ ប្រើប្រាស់ទូរស័ព្ទដៃ ធ្វើ​ការ​ទូទាត់ អេឡិចត្រូនិក បានក្លាយទៅជាទំលាប់ធម្មតា ក្នុងនោះវេទិកា​ពាណិជ្ជ​កម្ម​តាម​ប្រព័ន្ធ​អេឡិច​ត្រូនិក​កាន់​តែច្រើន បានដាក់ឱ្យដំណើរការ នៅកម្ពុជា ព្រមទាំង​ដំណើរ​​ការ​អាជីវកម្ម​ប្រកប​ដោយ​ភាព​ជោគជ័យ បានផ្ដល់ភាពកាន់តែងាយស្រួលដល់ជីវភាពរស់នៅប្រចាំថ្ងៃរបស់ ប្រជាជន​កម្ពុជា​។ ឯកឧត្តមឯកអគ្គរដ្ឋទូត លើកឡើងបន្ថែមថា បញ្ហានេះ រាជរដ្ឋាភិបាលកម្ពុជាបានផ្តល់សារៈសំខាន់ លើ​ការ​បណ្តុះបណ្តាល ធនធានមនុស្សវិស័យឌីជីថល ជំរុញការ​បង្កើត​វិទ្យាស្ថាន​បច្ចេក​វិទ្យា​ឌីជីថល ដើម្បីបង្កើតលក្ខខណ្ឌកាន់តែល្អប្រសើរ ដល់ការជំរុញការប្រើ ប្រាស់បច្ចេកវិទ្យាឌីជីថល។ ទាក់​ទិនបញ្ហានេះដែរ, ឯកឧត្តម វ៉ាង វិនពីន បានថ្លែងនូវការរីករាយ ដែលបាន​មើល​ឃើញ​សេដ្ឋកិច្ច​ឌីជីថល រវាងចិននិងកម្ពុជា កំពុងទទួលបានការរីកចម្រើនយ៉ាងខ្លាំងក្លា។ ឯកឧត្តម វ៉ាង វិនពីន បានបង្ហាញឱ្យដឹងថា ជុំវិញប្រព័ន្ធបច្ចេកវិទ្យានេះដែរ, ភាគីចិន​បាន​កំពុង​ចូល​រួម​ចំណែក​ការកសាងប្រព័ន្ធ បណ្ដាញទូរស័ព្ទចល័តនៅក្នុងប្រទេសកម្ពុជាយ៉ាងសកម្ម ដោយ​បាន​កំពុង​លើកកម្ពស់ការគ្របដណ្តាប់ប្រព័ន្ធទូទាំងប្រទេសគួរគត់សម្គាល់ ជួយកម្ពុជា​ឱ្យ​សម្រេច​បាន​គោល​ដៅនូវអត្រាគ្របដណ្ដប់ប្រព័ន្ធអ៊ីនធឺណេតល្បឿនលឿន នៅតំបន់ទីក្រុងឱ្យបាន និង​ជន​បទ​នៅត្រឹមឆ្នាំ ២០២៥ខាងមុខ ។ ទន្ទឹមនឹងនេះ, ក្រុមហ៊ុនចិនដែលវិនិយោគនៅកម្ពុជា បាន​កំពុងបញ្ចេញអស់សមត្ថភាពរបស់ខ្លួន ដែលមានឧត្តមភាព ខាងបច្ចេកវិទ្យា ជំរុញដាក់ឱ្យអនុវត្ត និង​ប្រើ​ប្រាស់បច្ចេកវិទ្យាបញ្ញាសិប្បនិម្មិត (AI) បច្ចេកវិទ្យាក្លោង (Cloud Technology) និងការ ទូទាត់​ប្រាក់ចល័តជាដើម ដែលជាបច្ចេកវិទ្យាបែបថ្មី នៅគ្រប់មុខរបរ និងគ្រប់វិស័យនៅកម្ពុជា ជួយ​ប្រទេសកម្ពុជាក្នុងការលើកកម្ពស់ កម្រិតបច្ចេកវិទ្យាឌីជីថល និងសម្រេច​បាន​បរិវត្ត​កម្ម​ឌីជីថល (Digital Transformation) ជាបន្តបន្ទាប់។ជុំវិញបញ្ហានេះដែរ, ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្តី, រដ្ឋមន្ត្រី​ក្រសួង​សេដ្ឋកិច្ច និងហិរញ្ញវត្ថុ លើក ឡើងផងដែរថា ក្នុងរយៈពេលប៉ុន្មានឆ្នាំចុងក្រោយនេះ, បច្ចេក​វិទ្យាឌីជីថល មានការរីកចម្រើនយ៉ាងរហ័ស និង បានក្លាយជាចន្ទល់មួយថ្មី បន្ថែមទៀត សម្រាប់​គាំទ្រកំណើន និងធានាដល់ភាពធន់នៃសេដ្ឋកិច្ច ។ បច្ចេកវិទ្យាឌីជីថលទាំងនេះ បាន​ជំរុញ​នវា​នុវត្តន៍ថ្មីៗ ដែលចូលរួម ចំណែកបង្កើតតម្លៃបន្ថែម, បង្កើនផលិតភាព និង​ប្រសិទ្ធ​ភាព​ការងារ, ព្រមទាំងបានក្លាយជាកត្តាជំរុញការតភ្ជាប់ពាណិជ្ជកម្ម ជាមួយ សេដ្ឋកិច្ចសកលផងដែរ ។ សម្រាប់កម្ពុជា, ការអភិវឌ្ឍសេដ្ឋកិច្ចឌីជីថល ត្រូវបានចាត់ទុកជាចលករដ៏សំខាន់មួយ ក្នុងដំ​ណើរ​ការ​អភិវឌ្ឍ សេដ្ឋកិច្ច ក្នុងនោះរាជរដ្ឋាភិបាល នីតិកាលទី ៦ នៃរដ្ឋសភា, ក្រោមការ​ដឹក​នាំ​ប្រកប​ដោយ​គតិ​បណ្ឌិត និងភាពប្រាកដនិយមរបស់សម្តេច អគ្គមហាសេនាបតីតេជោ ហ៊ុន សែន, អតីត​នាយក​រដ្ឋ​មន្ត្រី និងបច្ចុប្បន្នជាប្រធានព្រឹទ្ធសភា, បានប្រកាសដាក់ឱ្យអនុវត្ត នូវ «ក្របខណ្ឌ គោល​នយោបាយសេដ្ឋកិច្ច និង ង្គមឌីជីថលកម្ពុជា ២០២១-២០៣៥» និង «គោល​នយោបាយ​រដ្ឋាភិបាល​ឌីជីថល ២០២២-២០៣៥», ដែលជាឯកសារគោលនយោបាយរយៈពេលវែង សម្រាប់​ធ្វើ​ជាត្រីវិស័យ ក្នុងការរៀបចំបរិវត្តកម្មឌីជីថលរបស់កម្ពុជា៕ អត្ថបទ៖ សុន រ៉ាឌី

សហគ្រិនកម្ពុជាចាត់ទុកការពង្រីកចំណេះជំនាញ ជាមូលដ្ឋានគ្រឹះឈានទៅអភិវឌ្ឍន៍​អាជីវកម្មឱ្យរីកចម្រើន

2024/11/04 11:29:04 am        229
សហគ្រិនកម្ពុជា ចាត់ទុកការពង្រីកចំណេះដឹង ជំនាញ និងការទទួលនូវបទពិសោធន៍ផ្សេងៗ គឺ​ជា​មូលដ្ឋានគ្រឹះដ៏សំខាន់ សម្រាប់ ការគ្រប់គ្រង និងការរៀបចំផែនការសកម្មភាពអាជីវកម្ម ដើម្បី​ឈាន​ទៅ​អភិវឌ្ឍន៍ខ្សែច្រវាក់ផលិតកម្មឱ្យកាន់តែរីកចម្រើន។សហគ្រិនកម្ពុជាជាច្រើនរូប លើកឡើងនៅក្នុងជំនួបអាជីវកម្ម និងការផ្គូផ្គងពាណិជ្ជកម្ម ក្រោម​ប្រធាន​បទ (ផ្នត់គំនិត និង ការអភិវឌ្ឍន៍ជាយុទ្ធសាស្រ្តជួយដល់សហគ្រិនកម្ពុជា) ដែលរៀប​ចំ​ដោយ​សមាគម​សហគ្រិនវីម៉ូកម្ពុជា នៅចុងសប្តាហ៍កន្លងមកថា ជុំវិញការអភិវឌ្ឍន៍ និងការងារនេះ, រាជរដ្ឋាភិបាលបានផ្តោតការយកចិត្តទុកដាក់យ៉ាងខ្លាំង លើកការអភិវឌ្ឍន៍​ទីផ្សារ​ការងារ, ការលើក ស្ទួយសហគ្រាសធុនមីក្រូ តូច និងមធ្យម, ធុរកិច្ចបង្កើតថ្មី, សហគ្រិនភាពថ្មី, ការពង្រីក​ភាពប្រកួតប្រជែង និងការពង្រឹងប្រព័ន្ធធនាគារ និងវិស័យហិរញ្ញវត្ថុ​មិន​មែន​ធនាគារ​ជាដើម​។សហគ្រិនទាំងនេះបានលើកឡើងបន្ថែមថា ស្របពេលសកម្មភាពរាជរដ្ឋាភិបាលកំពុងអនុវត្តនេះ បច្ចុប្បន្ន​យើងឃើញថា វិស័យឯកជនបានក៏បាននិងកំពុងយកចិត្តទុកដាក់យ៉ាងខ្លាំងផងដែរ តាម​រយៈ​ការពង្រឹងចំណេះ ជំនាញ ការផ្លាស់ប្តូរនូវបទពិសោធន៍ ផ្សេងៗ ជាពិសេស​ការ​ផ្គូផ្គង​ស្វែង​រក​ដៃ​គូ​ពាណិជ្ជកម្ម ដែលជាគោលដៅដ៏សំខាន់នៃការជំរុញដល់ខ្សែច្រវាក់ផលិតកម្ម, និងការស្រូប យក​វត្ថុធាតុដើមសម្រាប់ផ្គត់ផ្គង់ ដែលនេះជាការរួមចំណែកលើកកម្ពស់ផលិតភាពជាប្រព័ន្ធ។ទាក់ទិនសហគ្រិននេះដែរ, លោក សួន ម៉ិ ប្រធានសមាគមសហគ្រិនវីម៉ូកម្ពុជា លើកឡើងថា ជុំវិញ​ភាពជាសហគ្រិននេះ សមាគមមានចក្ខុវិស័យវែងឆ្ងាយ ក្នុងការ​ត្រួស​ត្រាយ​ផ្លូវ​ជូន​ដល់​ពួក​គាត់ តាមរយៈការបណ្តុះបណ្តាល ការផ្គូផ្គងដៃគូពាណិជ្ជកម្ម និង ការលើក​ទឹក​ចិត្ត​ឱ្យ​ពួក​គាត់​ចុះ​បញ្ជី​អាជីវកម្ម​ជាដើម ដើម្បីឱ្យទៅជាហគ្រាសដែលមានស្តង់ដារ ក្នុងគោលដៅ​ឈាន​ទៅ​ប្រកួត​ប្រជែង​ ផលិតផលលើទីផ្សារប្រកបដោយបរិយាបន្ន។  សូមបញ្ជាក់ថា ទាក់ទិននិងសេដ្ឋកិច្ចនេះ, រាជរដ្ឋាភិបាលបានកំពុងជំរុញធ្វើពិពិធកម្មសេដ្ឋកិច្ច និង​ការ​បង្កើន​ភាពប្រកួតប្រជែងដោយ ផ្តោតលើការអភិវឌ្ឍវិស័យគន្លឹះ និងប្រភពថ្មី​នៃ​កំណើន​សេដ្ឋកិច្ច ការកែលម្អបរិយាកាស ធុរកិច្ច និងការវិនិយោគ ការពង្រឹងប្រសិទ្ធភាព និងភាព​ទាក់​ទាញ​នៃ​តំបន់សេដ្ឋកិច្ច ពិសេសរួមបញ្ចូលទាំងសួនឧស្សាហកម្ម សួនកសិឧស្សាហកម្ម និងតំបន់​ពាណិជ្ជកម្មសេរីក្នុងស្រុក និងការធ្វើនវានុវត្តន៍យន្តការហិរញ្ញប្បទាន និង​ផលិត​ហិរញ្ញ​វត្ថុ​ សម្រាប់​គាំទ្រ​ដល់​ការវិនិយោគជាដើម ដែលប្រការទាំងនេះ គឺជាមូល ដ្ឋានគ្រឹះគាំទ្រដល់ដំណើរសេដ្ឋកិច្ច និង​ភាពរីកលូតលាស់នៃវិស័យឯកជន៕ អត្ថបទ៖ សុន រ៉ាឌី

ADB ផ្តល់ជំនួយឥតសំណង ១០លានដុល្លារ ដើម្បីឆ្លើយតបនឹង អំពើហិង្សាដែលទាក់ទង​នឹងយេនឌ័រនៅកម្ពុជា

2024/11/04 10:45:50 am        177
ធនាគារអភិវឌ្ឍន៍អាស៊ី (ADB) បានអនុម័តហិរញ្ញប្បទានឥតសំណងចំនួន ១០ លានដុល្លារ ដើម្បី​គាំទ្រការឆ្លើយតបនឹងអំពើហិង្សាដែល ទាក់ទងនឹងយេនឌ័រ (GBV) នៅកម្ពុជា ក្នុង​គោល​បំណង​ជួយកម្ពុជាសម្រេចគោលដៅជា ប្រទេសគ្មាន អំពើហិង្សាដែលទាក់ទងនឹងយេនឌ័រ នៅឆ្នាំ​២០៣០។គម្រោងពង្រឹងប្រព័ន្ធសម្រាប់ប្រទេសដើម្បីការបង្ការ និងឆ្លើយតបនឹងអំពើហិង្សាដែលទាក់ទងនឹង យេនឌ័រ ជាគំនិតផ្តួចផ្តើមដោយឡែកដំបូងរបស់មូលនិធិអភិវឌ្ឍន៍អាស៊ី (ADF) ដែល​ផ្តោត​ជា​ពិសេស​លើសមភាពយេនឌ័រក្នុងតំបន់អាស៊ីអាគ្នេយ៍ ហើយបង្កើតទំនាក់​ទំនង​ច្បាស់​លាស់​រវាង​ប្រព័ន្ធ​អភិបាលកិច្ចការ​គ្រប់គ្រងហិរញ្ញវត្ថុសាធារណៈ ព្រមទាំងគុណភាព និង​លទ្ធភាព​ទទួល​បាន​សេវាកម្ម ឆ្លើយតបនឹង GBV ។គម្រោងនេះនឹង ពង្រឹងក្របខណ្ឌច្បាប់និងស្ថាប័នតាមរយៈការធ្វើបច្ចុប្បន្នភាពច្បាប់របស់កម្ពុជាស្តីពី​អំពើហិង្សាក្នុងគ្រួសារ ធ្វើអោយ​ប្រសើរ​ឡើង​នូវ​ការ​ផ្តល់​សេវា​នៅ​ថ្នាក់​មូលដ្ឋាន​ដោយ​ពង្រឹង​គុណភាព និងលទ្ធភាព​ទទួល​បានសេវា​ឆ្លើយ​តប​នឹង​ចាត់​ចែង​ជម្រក​សុវត្ថិភាព​សម្រាប់​ជន​រង​គ្រោះ ជាពិសេសនៅ​តំបន់ជនបទ និង ជំរុញការប្រើប្រាស់ដំណោះស្រាយ​ឌីជីថល​នៅ​ក្នុង​កម្ម​វិធី​មាន​មូលដ្ឋាន​នៅសាលារៀន និងនៅសហគមន៍​សម្រាប់មនុស្សវ័យជំទង់ ដើម្បីពង្រឹង​សេវា​ការពារ​។ វានឹងលើកកម្ពស់ដំណោះស្រាយ​ឌីជីថល​សម្រាប់ការទទួលបានព័ត៌មាន ការអប់រំ និងធនធាន​ទំនាក់​ទំនង ២៤/៧ (២៤ម៉ោងក្នុង១ថ្ងៃ និង៧ថ្ងៃក្នុង១សប្តាហ៍) អំពី GBV ដែលជា​កិច្ច​ខិតខំ​ប្រឹង​ប្រែង ដើម្បី​ភ្ជាប់កិច្ចការពារ និងការឆ្លើយតបជាបន្ត​សំដៅទទួលបាន​ផល​ជះ​វិជ្ជមាន​ជា​អតិបរមា​។លោកស្រី Jyotsana Varma នាយិកា ធនាគារអភិវឌ្ឍន៍អាស៊ីប្រចាំកម្ពុជា មានប្រសាសន៍ថា «គម្រោង​ដ៏សំខាន់នេះ នឹងពង្រឹងយន្តការឆ្លើយតបជាប្រព័ន្ធ ពង្រីក​លទ្ធភាព​ទទួល​បាន​ជម្រក​សុវត្ថិភាព និងធានាថាជនរងគ្រោះទទួលបានការថែទាំដែលពួកគាត់ត្រូវការ។ គម្រោង​ក៏​នឹង​លើក​កម្ពស់​កម្ម​វិធីការ ពារមានមូលដ្ឋាននៅសហគមន៍ដែលផ្តល់សិទ្ធិអំណាចដល់សហគមន៍មូលដ្ឋាន ដើម្បីដើរតួនាទីសំខាន់​ក្នុងការបង្កើន​ការយល់ដឹង និងបញ្ឈប់អំពើហិង្សា មុនពេលវាកើតឡើង។ ADB បន្តប្តេជ្ញាគាំទ្រកម្ពុជាក្នុង ការកសាងសង្គមដែលមានសុវត្ថិភាព និងបរិយាបន្នកាន់តែ​ច្រើន​សម្រាប់​ទាំងអស់គ្នា។»ចំនួនករណី GBV នៅតែបន្តមានច្រើន ទោះបីជាប្រទេសកម្ពុជាបានបោះជំហានយ៉ាងសំខាន់ក្នុង ការ​ប្រយុទ្ធប្រឆាំងនឹង GBV ដែលក្នុងនោះរាជរដ្ឋាភិបាល និងអង្គការ​សង្គម​ស៊ីវិល​បាន​ធ្វើ​ការ​សាក​ល្បង​ វិធីសាស្ត្របង្ការប្រកបដោយជោគជ័យក៏ដោយ។ ចាប់តាំងពីឆ្នាំ ២០១៤ កម្រិត​អត្រា​ករណី​អំពើ​ហឹង្សា​បង្ក ដោយដៃគូស្និទ្ធស្នាលបានថយចុះ ៨ ពិន្ទុភាគរយ មក ២១% សម្រាប់ចំនួនស្ត្រី (អាយុ ១៥ ដល់ ៤៩ ឆ្នាំ) ដែលទទួលរងអំពើហិង្សាយ៉ាងហោចណាស់ម្តងក្នុងជីវិតពួកគាត់ នេះ​បើ​យោង​តាមអង្គការសុខភាពពិភព លោក។ ទោះបីកម្រិត​នេះ​ប្រសើរ​ជាង​កម្រិត​មធ្យម​ភាគ​ពិភព​លោក និងអាស៊ីអាគ្នេយ៍ដែលមាន ៣០% កម្ពុជា នៅតែប្រឈមមុខនឹងឧបសគ្គ ដោយ​សារ​ការ​ឆ្លើយ​តប​មិនទាន់រលូន បណ្តាលមកពី ភ្នាក់ងារ សាធារណៈច្រើន និងសេវា​ថែទាំ​ដែល​ផ្តោត​លើ​ជន​រង​គ្រោះ នៅមានកម្រិត។ដោយផ្អែកលើមេរៀនពីគម្រោង GBV មុនៗនៅអាស៊ី គំនិតផ្តួចផ្តើមនេះលើកកម្ពស់ វិធីសាស្ត្រ ដែល​មានការចូលរួមសកម្មពីគ្រប់ភ្នាក់ងាររដ្ឋាភិបាលដោយរួមបញ្ចូលសមភាពយេនឌ័រ និង​ការ​យក​ចិត្ត​ទុក ដាក់លើ GBV ពីក្រសួងសំខាន់ៗ រួមមានក្រសួងកិច្ចការស្ត្រី ក្រសួងមហាផ្ទៃ និង ក្រសួង​សេដ្ឋកិច្ចនិង ហិរញ្ញវត្ថុ ដើម្បីធានាបាននូវការឆ្លើយតបប្រកបដោយកិច្ចសហការ។គម្រោង​១០ លានដុល្លារនេះ ត្រូវបានផ្តល់ហិរញ្ញប្បទានជាជំនួយឥតសំណងពីមូលនិធិអភិវឌ្ឍន៍ អាស៊ី ដែលគាំទ្រដល់ប្រទេសសមាជិកកំពុងអភិវឌ្ឍ របស់ ADB ដែលត្រូវ​ការ​ជំនួយ​គាំទ្រ​នេះ​បំផុត​។ធនាគារអភិវឌ្ឍន៍អាស៊ី ប្តេជ្ញាថានឹងសម្រេចឱ្យបាននូវ វិបុលភាព បរិយាបន្ន ភាពធន់ និង​និរន្តរ​ភាព ក្នុងតំបន់អាស៊ីនិងប៉ាស៊ីហ្វិក ស្របជាមួយនឹងការខិតខំប្រឹងប្រែង ដើម្បី​លុប​បំបាត់​ភាព​ក្រី​ក្រ​ខ្លាំង​។ បង្កើតឡើងនៅឆ្នាំ១៩៦៦ ធនាគារនេះគ្រប់គ្រងដោយសមាជិកចំនួន ៦៩ ប្រទេស ដែល ក្នុងនោះមាន ៤៩ ប្រទេស មកពីតំបន់អាស៊ីនិងប៉ាស៊ីហ្វិក៕

ឯកឧត្តមរដ្ឋមន្រ្តី ឌិត ទីណា ចុះចែកពូជស្រូវជូនប្រជាពលរដ្ឋ​ដែលរងផលប៉ះពាល់​ដោយគ្រោះទឹកជំនន់​ក្នុងភូមិសាស្រ្ត ខេត្តកំពង់ចាម

2024/11/03 09:14:35 am        212
កាលរសៀលថ្ងៃទី០២ ខែវិច្ឆិកា​ ឆ្នាំ២០២៤​ ឯកឧត្តម ឌិត ទីណា រដ្ឋមន្ដ្រីក្រសួងកសិកម្ម រុក្ខា​ប្រមាញ់ និងនេសាទ និងជាតំណាងដ៏ខ្ពង់ខ្ពស់សម្តេចមហាបវរធិបតី​ ហ៊ុន​ ម៉ាណែត​ អញ្ជើញ​ជា​អធិបតី​ចុះ​ចែកពូជស្រូវជូនប្រជាពលរដ្ឋដែលរងផលប៉ះពាល់ដោយសារគ្រោះទឹកជំនន់ នៅ​សាលា​ស្រុក​ស្ទឹងត្រង់ ខេត្តកំពង់ចាម។ក្នុងពិធីនេះ ឯកឧត្តមរដ្ឋមន្រ្តី​ បានពាំនាំនូវការសួរសុខទុក្ខ និងការយក​ចិត្ត​ទុក​ដាក់​ពីសំណាក់​ប្រមុ​ខ​រាជរដ្ឋាភិបាល សម្តេចអគ្គមហាសេនាបតីតេជោ​ ហ៊ុន​ សែន​ និងសម្ដេច​មហា​បវរ​ធិបតី​នាយក​រដ្ឋ​មន្ដ្រី ជូនដល់បងប្អូនប្រជាកសិករដែលរងផលប៉ះពាល់ដោយសារគ្រោះរាំងស្ងួត​ និ​ង​គ្រោះ​ទឹ​កជំនន់​។ទន្ទឹមនឹងនេះ​ផងដែរ ឯកឧត្តមរដ្ឋមន្រ្តី​ បានគូសបញ្ជាក់បន្ថែមថា ក្រោមការដឹកនាំដ៏ស្វាហាប់ និង ឈ្លាស​វៃរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃព្រះរាជាណាចក្រកម្ពុជា រាជ​រដ្ឋាភិបាលបានដាក់ចេញនូវកម្មវិធីគោលនយោបាយអាទិភាព ក្នុងការរក្សាលំនឹងថ្លៃ កាត់​បន្ថយ​ថ្លៃ​ដើម​ផលិត​ ការដាក់ពង្រាយមន្ត្រីបច្ចេកទេសកសិកម្មទៅគ្រប់ឃុំ-សង្កាត់ និងការ​រៀបចំ​សហគមន៍​កសិកម្មទំនើប ដើម្បីជួយគាំទ្រលើផ្នែកបច្ចេកទេស និងជួយដោះស្រាយ​បញ្ហា​ពាក់​ព័ន្ធ​នឹង​ការងារកសិកម្មដល់កសិករក្នុងគោលបំណងបង្កើនផលិតភាពកសិកម្ម កែលម្អជីវភាព និង​ធានា​បាន​នូវសន្តិសុខស្បៀងផងដែរ។បើតាម ឯកឧត្តមរដ្ឋមន្រ្តី​ ការទទួលស្តាប់នូវយោបល់ណែនាំ​ និង​សេចក្តី​ប្រកាស​របស់​ក្រសួង​ធន​ធាន​ទឹក​ និងឧតុនិយម​ គឺពិតជាមានសារៈសំខាន់​ ដើម្បីដឹង​ពីការព្យាករណ៍ធាតុអាកាស បម្រែ​បម្រួល​អាកាស​ធាតុ​ កាត់បន្ថយនូវផលប៉ះពាល់​ ដោយមិនប្រថុយធ្វើស្រែទាំងមានហានិភ័យ និង​មាន​ការប្រុងប្រយ័ត្នខ្ពស់។លើស​ពី​នេះ​ ឯកឧត្តមរដ្ឋមន្រ្តី​ បានលើកទឹកចិត្តដល់បងប្អូនប្រជាពលរដ្ឋទាំងអស់​ចូល​រួម​ដាំ​នូវ​ពូជ​ស្រូវ​សែន​ក្រអូប​ ដែលជាពូជស្រូវកម្ពុជា​ មានគុណភាពល្អ​ មានទីផ្សារលក់បានថ្លៃ​ និង​ត្រៀម​អ្នក​ទទួល​ទិញផងដែរ​ ប្រការសំខាន់ត្រូវមានការផលិតជាលក្ខណៈសហគមន៍កសិកម្មទំនើប​ ដែល​មាន​បច្ចេក​ទេស​ត្រឹមត្រូវ​ មានផែនការច្បាស់លាស់​ មានធនធានមនុស្ស​ និងទុនគ្រប់គ្រាន់។សូម​បញ្ជាក់ជូនថា ឯកឧត្តមរដ្ឋមន្ដ្រីក្រសួងកសិកម្ម បានចែកស្រូវពូជចំនួន​ ២៩៨.៦តោន ​ជូន​ដល់​កសិករ​ចំនួន​ ២៩៨៦​គ្រួសារ ទូទាំងខេត្តខេត្តកំពង់ចាម៕

សិប្បករខ្មែរ ថ្លែងនូវការអរគុណចំពោះក្រុមការងារពិសេសរបស់នាយករដ្ឋមន្ត្រី បានជួយរកកន្លែងលក់ដូរ

2024/11/01 12:21:16 pm        138
សិប្បករខ្មែរ បង្ហាញនូវអារម្មណ៍សប្បាយរីករាយ ចំពោះការគិតគូរ និងជួយជ្រោមជ្រែង នៃក្រុម​ការងារ​ពិសេសរបស់នាយករដ្ឋមន្ត្រី លើការដាក់លក់សាកល្បងនៅក្នុងទីផ្សារ Sunshine Night Market ដោយពួកគាត់រំពឹងថា ការដាក់លក់នៅក្នុងផ្សារមួយនេះ នឹងអាច មានការគាំទ្រ និងលក់ដាច់បានច្រើន ។សិប្បករ ដែលជាម្ចាស់សិប្បកម្មកែច្នៃ និងវេចខ្ចប់ចំណីអាហារក្នុងស្រុក លើកឡើង​ក្នុង​កិច្ច​សម្ភាសន៍​ជាមួយ​ភ្នាក់ងារអ្នកយក ព័ត៌មាន BTV ស្តីពីការលក់សាកល្បង នៅផ្សាររាត្រីរាជ​ធានី​ភ្នំពេញ Sunshine Night Market ចាប់ពីថ្ងៃទី ៣១ ខែ តុលា ម្សិលមិញ នេះថា ពាក់ព័ន្ធ​ការ​រៀបចំ​ព្រឹត្តិការណ៍ពិព័រណ៍នានា ពួកគាត់តែងតែចូលរួមដើម្បីដាក់បង្ហាញផលិតផល ក៏ដូចជា​ការ​ផ្សព្វ​ផ្សាយ​ទៅដល់ប្រពលរដ្ឋដូចជា បញ្ហាវេចខ្ចប់ គុណភាព និងអនាម័យជាដើម ដើម្បីឲ្យ​ប្រជាជន​យើង​ជួយគាំទ្រផលិតផលក្នុងស្រុក ក្នុងនោះការ ចូលរួមគាំទ្រពីប្រជាជន ពិត​ជា​មាន​សារៈ​សំខាន់ណាស់, ប្រសិនបើខ្សែច្រវាក់ផលិតកម្មក្នុងស្រុកដំណើរកាន់តែខ្លាំង វាជាការចូលរួម ចំណែក ដល់ការលើកកម្ពស់កសិករជាអ្នកដាំដុះ វិស័យការងារ និងការបង្កើត​នូវ​តម្លៃ​បន្ថែម​កាន់​តែខ្ពស់​។សិប្បករ ទាំងនេះលើកឡើងស្រដៀងគ្នាទៀតថា ជាក់ស្តែងក្នុងបច្ចុប្បន្ននេះ ពួកគាត់​បាន​លក់​ដាច់​កាក់​កប​គ្រាន់បើជាងមុន ហើយរំពឹងថា នៅពេលខាងមុខ​ផលិតផល​របស់​ពួក​គាត់​នឹង​អាច​ហូរ​ចូល​ទីផ្សារ​កាន់​តែ​ច្រើន និងបានថ្លែងអំណរគុណចំពោះគណៈ- កម្មាធិការជាតិជំរុញចលនា​ភូមិ១​ផលិត​ផល​១ និងក្រុមការងារពិសេសរបស់នាយករដ្ឋមន្ត្រី លើកិច្ចការត្រួតពិនិត្យ តាមដាន និង​វាយ​តម្លៃ ការអនុវត្តគោលនយោបាយពាក់ព័ន្ធទៅនឹងសេដ្ឋកិច្ចក្រៅប្រព័ន្ធ សហគ្រាសធុនមីក្រូ តូច និងមធ្យម និងបានស្នើសុំទីតាំង ផ្សាររាត្រីរាជធានាភ្នំពេញ Sunshine Night Market ឱ្យ​សហ​គ្រាសផលិតផលិតផលខ្មែរមកលក់សាកល្បងនៅទីនេះ។ជុំវិញការដាក់​លក់​ផលិតផលនេះ លោក ទិនហ្វៃ អ្នកចាត់ការទូទៅនៃគម្រោង Sunshine Family Park លើកឡើងថាបច្ចុប្បន្ននៅក្នុង គម្រោង Sunshine Family Park មានជីវករ ៦៨ ស្តង់ បានកំពុងដាក់លក់ផលិតផលរបស់ខ្លួន, ដោយឡែកការអនុញ្ញាត្តិឱ្យសិប្បករ ខ្មែរ របស់​ចលនា​ភូមិ១ផលិតផល១ លោកមានគោលបំណងជួយផ្សព្វផ្សាយ និងការជួយ​ដល់​ការ​លក់​ដូរ​របស់​សិប្បករ​ខ្មែរ ក្នុងរយៈ ពេលវែង ដើម្បីឱ្យពួកគាត់ស្វែងរកចំណូល សម្រាប់ដោះ​ស្រាយ​ក្នុង​ជីវភាព និងកិច្ចដំណើរការអាជីវកម្មរបស់ពួកគាត់ឱ្យកាន់តែប្រសើរ និង​ក៏​ជា​ការ​ចូល​រួម​ចំណែក​ជាមួយ​រាជ​រដ្ឋាភិបាលកម្ពុជាផងដែរ លើការលើកកម្ពស់ដល់សហគមន៍ដាំដុះ និងការបង្កើត​ការងារជាដើម៕ អត្ថបទ៖ សុន រ៉ាឌី

កម្ពុជាបង្ហាញតម្រូវការវិនិយោគក្នុងវិស័យកសិកម្មទៅកាន់ភាគីអ៊ុយក្រែន

2024/11/01 10:27:41 am        141
ភ្នំពេញ៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំ បានទទួលជួបសម្តែងការគួរសម និងពិភាក្សាការងារជាមួយ ឯកឧត្តម TARAS KACHKA អនុរដ្ឋមន្ត្រីក្រសួងអភិវឌ្ឍន៍សេដ្ឋកិច្ច ពាណិជ្ជកម្ម និងកសិកម្មនៃប្រទេសអ៊ុយក្រែន នៅទីស្តីការក្រសួង។ ក្នុងជំនួបការងារ កាលពីថ្ងៃទី៣១ ខែតុលា ឆ្នាំ២០២៤កន្លងទៅឯកឧត្តមរដ្ឋមន្ត្រី បានសម្តែងនូវការស្វាគមន៍ និងក្តីរីករាយចំពោះទំនាក់ទំនង និងកិច្ចសហប្រតិបត្តិការនៃប្រទេសទាំងពីរ កម្ពុជា-អ៊ុយក្រែន។ ជាមួយគ្នានេះ ឯកឧត្តម បានគូសបញ្ជាក់ថា កម្ពុជាត្រូវការ និងស្វាគមន៍ដៃគូវិនិយោគលើវិស័យកសិកម្ម ដែលអាចនាំចេញកសិផលទៅកាន់ទីផ្សារអន្តរជាតិ និងជំរុញឱ្យវិស័យឯកជនអាចមានលទ្ធភាពធ្វើកសិ-ពាណិជ្ជកម្មជាមួយគ្នា ព្រមទាំងទទួលបានផលចំនេញទាំងអស់គ្នា។សម្រាប់ការងារអភិវឌ្ឍ ឯកឧត្តមរដ្ឋមន្ត្រី បានបញ្ជាក់ថា ក្រសួងស្វាគមន៍ចំពោះការវិនិយោគលើឃ្លាំងស្តុកសម្រាប់ការធ្វើកសិ-ពាណិជ្ជកម្ម ដែលការងារនេះអាចសហការជាមួយវិស័យឯកជន ដើម្បីកែច្នៃផលិតផលកសិកម្មកម្ពុជា ឈានពង្រីកទីផ្សារនាំចេញរវាងប្រទេសទាំងពីរ។ពាក់ព័ន្ធនឹងការងារវិនិយោគធាតុចូលកសិកម្ម ឯកឧត្តមរដ្ឋមន្ត្រី បានបញ្ជាក់បន្ថែមថា វិស័យឯកជននៃប្រទេសអ៊ុយក្រែនអាចពិនិត្យលទ្ធភាពក្នុងការបង្កើតស្លាកយីហោ ជី-ថ្នាំកសិកម្ម វ៉ាក់សាំងសត្វ និងគ្រាប់ពូជដំណាំផ្ទាល់ខ្លួន ដោយកម្ពុជាមានច្បាប់ដែលមានលក្ខណៈបើកូលាយ និងលេីកទឹកចិត្តអ្នកវិនិយោគ។ យ៉ាងណាក៏ដោយ ឯកឧត្តម សង្កត់ធ្ងន់ថា អ្នកវិនិយោគត្រូវគោរពតាមគោលការណ៍ច្បាប់បទដ្ឋានត្រឹមត្រូវ ខណៈផលិតផលទាមទារឱ្យមានការពិនិត្យច្បាស់លាស់ពីអ្នកជំនាញ មានគុណភាពល្អ មានតម្លៃសមរម្យ និងមានបច្ចេកទេសពិតប្រាកដ៕ អត្ថបទ៖ ឈិត បូរ៉ាវី 

និយ័តករបរធនបាលកិច្ច បានផ្តល់សេវាក្នុងវិស័យបរធនមានទឹកប្រាក់សរុប ១ ៦៥២ លានដុល្លារ

2024/10/30 03:26:52 pm        465
គិតត្រឹមចុងខែ កញ្ញា ឆ្នាំ២០២៤, និយ័តករបរធនបាលកិច្ច បានផ្តល់សេវា​ក្នុង​វិស័យ​បរធន​បាល​កិច្ច និងចុះបញ្ជី មានចំនួនជាង ១ ពាន់ករណី គិតជាទឹកប្រាក់មានទំហំបរធនសរុបប្រមាណជា ១ ៦៥២ លានដុល្លារអាមេរិក ខណៈក្រុមហ៊ុនបរធនបាលចំនួន ១៣ បានទទួលអាជ្ញាបណ្ណ និង​ទទួលបានការអនុញ្ញាតពីនិយ័តករបរធនបាលកិច្ច។ឯកឧត្តម សុខ ដារ៉ា អគ្គនាយកនៃនិយ័តករបរធនបាលកិច្ច ន.ប.ធ. លើក​ឡើង​នៅ​ក្នុង​វេទិកា​បរធន​បាល​កិច្ចឆ្នាំ២០២៤ ក្រោមប្រធានបទ “បរធនបាលកិច្ច៖ លើសពីថ្នាល​បង្កើត​ទំនុក​ចិត្ត”​នៅ​ថ្ងៃទី៣០ ខែតុលា ឆ្នាំ២០២៤ នេះថា លទ្ធផលនៅក្នុង រយៈពេលជាង ៣ ឆ្នាំនេះ ក្រោមការ​ដឹក​នាំ​ដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ប្រធានក្រុមប្រឹក្សាអាជ្ញាធរ សេវា​ហិរញ្ញវត្ថុមិនមែនធនាគារ អ.ស.ហ. សមិទ្ធផល​ជាច្រើន​បាន​លេច​ជារូបរាង​ឡើង​ជា​បន្ត​បន្ទាប់​រួមមាន៖ បទដ្ឋានគតិយុត្តគន្លឹះ សំខាន់ៗសម្រាប់និយ័តកម្មគ្រប់គ្រង, ការត្រួតពិនិត្យ​ការ​ចុះ​បញ្ជី​បរធនបាលកិច្ច, ប្រតិបត្តិការប្រតិបត្តិករបរធនបាលកិច្ច និងការរៀបចំ និងការប្រព្រឹត្ត​ទៅ​របស់​បរធនបាលកិច្ច, ដោយក្នុងនោះធនាគារចំនួន ២១ បានទទួលអាជ្ញាបណ្ណ និងការ​អនុញ្ញាត​ពី ន.ប.ធ. ជា ប្រតិបត្តិករបរធនបាល ផ្តល់សេវារក្សាសុវត្ថិភាព ឬសេវារក្សាទុក (Escrow Services)។ឯកឧត្តម គូសបញ្ជាក់ថា ចំណែកបរធនបាលរូបវន្តបុគ្គលចំនួន ៦៨ រូប ដែល​បាន​ទទួល​អាជ្ញា​បណ្ណ​ពី ន.ប.ធ. ដោយ ៣៥ រូប ជាបរធនបាលរូបវន្តបុគ្គលឯករាជ្យ និង ៣៣ រូប ជាបរធនបាល​រូប​វន្ត​បុគ្គល នៃក្រុមហ៊ុនបរធនបាល ខណៈក្រុមហ៊ុនវាយតម្លៃចំនួន ១៦ ទទួលបាន​ការ​ទទួល​ស្គាល់​ពី ន.ប.ធ. ឱ្យផ្តល់សេវាវាយតម្លៃក្នុងវិស័យបរធនបាលកិច្ច ក្នុងនោះក្រុម​ហ៊ុន​ផ្តល់​សេវា​សវនកម្ម​ចំនួន ១៥ ផ្សេងៗ ក៏ទទួលបានការទទួលស្គាល់ពី ន.ប.ធ. ឱ្យផ្តល់សេវា​សវន​កម្ម​ក្នុង​វិស័យ​បរធនបាលកិច្ច។ ឯកឧត្តម សុខ ដារ៉ា បន្ថែមថា សម្រាប់វេទិកាបរធនបាលកិច្ចឆ្នាំ ២០២៤ នេះ ការរៀបចំ​គឺ​ផ្តោត​ជា​សំ​ខាន់ទៅលើបទបង្ហាញ និងកិច្ចពិភាក្សាអំពីកាលានុវត្តភាព និងគុណ​ប្រយោជន៍​នៃ​កា​រ​ប្រើ​ប្រាស់​យន្តការបរធនបាលកិច្ច, បរធនបាលកិច្ចគ្រួសារសម្រាប់ការ រៀបចំផែនការតជំនាន់ និង​បច្ចេកវិទ្យាហិរញ្ញវត្ថុ ក្នុងវិស័យបរធនបាលកិច្ច, ការបង្កើត និងដាក់ឱ្យ​ដំណើរ​ការ​វិស័យ​បរធន​បាល​កិច្ច​នៅកម្ពុជា ក៏ដូចជានិយ័តករបរធនបាលកិច្ច ត្រូវបានឆ្លងកាត់នូវការរៀបចំ និង​ការ​គិតគូរ​យ៉ាង​ល្អិតល្អន់ ប្រកបដោយវិចារណកម្ម ច្បាស់ លាស់របស់រាជរដ្ឋាភិបាលកម្ពុជា ដែល​មាន​ក្រសួង​សេដ្ឋកិច្ច និងហិរញ្ញវត្ថុ ជាសេនាធិការ និងផ្អែកលើផែនទីបង្ហាញផ្លូវនៃ “យុទ្ធសាស្ត្រ អភិវឌ្ឍន៍​វិស័យហិរញ្ញវត្ថុឆ្នាំ២០១១-២០២០”ដែលត្រូវបានធ្វើបច្ចុប្បន្នកម្មទៅជា “យុទ្ធសា​ស្ត្រ​អភិវឌ្ឍន៍​វិស័យហិរញ្ញវត្ថុ ឆ្នាំ២០១៦-២០២៥ របស់រាជរដ្ឋាភិបាលកម្ពុជា៕ អត្ថបទ៖ សុន រ៉ាឌី

អគ្គនាយកពន្ធដារប្រមូលចំណូលពន្ធលើមធ្យោបាយដឹកជញ្ជូនឆ្នាំ២០២៤ អនុវត្តបានស្ទើរ ១០០ ភាគរយហើយ

2024/10/29 12:28:29 pm        129
ការប្រមូលចំណូលពន្ធលើមធ្យោបាយដឹកជញ្ជូនរបស់អគ្គនាយកពន្ធដារ បាន​អនុវត្ត​ការ​ប្រមូល​ពន្ធ​ប្រភេទ​នេះបានល្អប្រសើរ និង ជិតសម្រេចទៅតាមផែនការរួចហើយ, នេះសបញ្ជាក់​ឱ្យ​ឃើញ​អំពី​ការ​យល់ដឹងរបស់ប្រជាពលរដ្ឋ និងស្របពេលដែលអគ្គនាយកពន្ធដារ បានបង្ករ​លក្ខណៈ​ងាយ​ស្រួល​ដល់អ្នកជាប់ពន្ធ។ឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាលទទួលបន្ទុក ជា​អគ្គ​នាយក នៃអគ្គនាយក ដ្ឋានពន្ធដារ លើកឡើងក្នុងកិច្ចសម្ភាសន៍ជាមួយសារព័ត៌មាន ស្តីពីការ​ប្រមូល​ចំណូល​ពន្ធលើមធ្យោបាយដឹកជញ្ជូនឆ្នាំ ២០២៤ នេះថា ទាក់ទងការបង់​ពន្ធ​លើ​មធ្យោបាយ​ដឹក​ជញ្ជូននេះ អគ្គនាយកដ្ឋានពន្ធដារបានបង្កើត App មួយ ដែលមានឈ្មោះថា កម្មវិធី​គណនាពន្ធ មធ្យោបាយ សម្រាប់ការបង់ពន្ធលើមធ្យោបាយដឹកជញ្ជូន និងយាន​យន្ត​គ្រប់​ប្រភេទ​។ ចំពោះការបង់ពន្ធតាមរយៈ App នេះ គឺបាន ផ្តល់ភាព​ងាយ​ស្រួល​ដល់​បង​ប្អូន​ប្រជា​ពលរដ្ឋ​ ក្នុងការបង់ពន្ធលើយានយន្តរបស់ខ្លួន ដោយមិនចំណាយពេលវេលាធ្វើដំណើរទៅទិញ តាលកបត្រនោះឡើយ។ឯកឧត្តម បន្តថា ជុំវិញបញ្ហានេះ គឺជាការបង្ករលក្ខណៈងាយស្រួលដល់ប្រជាពលរដ្ឋ តែទោះ​បី​យ៉ាង​ណា​នៅ​មានអ្នក ជាប់ពន្ធមួយចំនួន បានបន្តទៅបង់ពន្ធនៅតាមសាខាពន្ធដារ ខេត្ត-ខណ្ឌ-ស្រុក និងតាមធនាគារដៃគូរនានាមួយចំនួនផងដែរ, គិតមក ដល់ពេល​នេះកា​រ​បង់​ពន្ធ​លើ​មធ្យោបាយ​ដឹកជញ្ជូន សឹងតែអនុវត្តប្រមូលបាន ១០០ ភាគរយរួចហើយ បើគិតពីការ​ប្រមូល​ចំណូល​ពន្ធ ឆ្នាំមុនៗ យកមកធ្វើបច្ចុប្បន្នភាពនៃការប្រមូលពន្ធក្នុងឆ្នាំនេះ។ នេះសបង្ហាញ​ឃើញ​នូវ​ការ​យល់ដឹងរបស់អ្នកជាប់ពន្ធ និងការបង្ករ លក្ខណៈងាយស្រួលតាម App ជាដើម។ ឯកឧត្តម​បញ្ជាក់ថា ចំពោះការប្រមូលចំណូលពន្ធលើមធ្យោបាយដឹកជញ្ជូននេះ ឃើញថា ពី​មួយ​ឆ្នាំ​ទៅ​មួយ​ឆ្នាំ មានកំណើនឡើងជាបន្តបន្ទាប់ ខណៈដែលទីផ្សាររថយន្តនៅកម្ពុជាក្នុងមួយឆ្នាំៗ បាន​កើន​ឡើង​មិន​តិចជាង ៥០ ពាន់គ្រឿងនោះឡើយ។ទាក់ទិនយានយន្តនេះដែរ, ឯកឧត្តម គង់ វិបុល ក៏បាន​អំពាវនាវ​ដល់​ប្រជា​ពលរដ្ឋ​ដែល​ប្រើ​ប្រាស់​មធ្យោបាយ​ធ្វើដំណើរ ដែលខកខាន មិនទាន់បង់ពន្ធលើមធ្យោបាយដឹកជញ្ជូនរបស់ខ្លួន សូម​អញ្ជើញ​មកបង់ពន្ធឱ្យបានរួសរាន់ ដោយការបង់ពន្ធនេះនឹងបញ្ចប់ត្រឹមថ្ងៃទី ៣០ ខែ វិច្ឆិកា ខាង​មុខ។ ចំណែកការទិញរថយន្តតគ្នា (ពីម្ចាស់មួយទៅម្ចាស់មួយ) ឯកឧត្តម ក៏បានអំពាវនាវ ដល់​អ្នក​លក់​-ទិញ សូមកាត់ឈ្មោះនិងផ្ទេរកម្មសិទ្ធយានយន្តឱ្យបានត្រឹមត្រូវ ដើម្បីបង្ក​ភាព​ងាយ​ស្រួល​ក្នុងការផ្តល់តាលកបត្រ ចំពោះការបញ្ជាទិញតាម App ជាពិសេសការផ្ត​ល់​ភាព​ងាយ​ស្រួល​ដល់​សមត្ថកិច្ច លើការស្រាវជ្រាវរករថយន្ត នៅពេលដែលមានគ្រោះថ្នាក់ចរាចរណ៍កើតឡើង ផ្សេងៗ​, ការធ្វើបែបនេះ គឺមិនរំខានដល់ម្ចាស់ដើមដែលជាអ្នកលក់រថយន្តបន្ត៕ អត្ថបទ៖ សុន រ៉ាឌី 

បណ្ដាញសង្គម

ព័ត៌មានថ្មីៗ

សមាគមអតីតយុទ្ធជនកម្ពុជា និងអង្គការអតីតយុទ្ធជនសង្គ្រាមថៃ ចុះកិច្ចព្រមព្រៀងពង្រឹងកិច្ចសហប្រតិបត្តិការដើម្បីជួយអតីតយុទ្ធជនប្រទេសទាំងពីរ
02/12/2025 09:02 PM
ក្តីបារម្ភ និងការថ្កោលទោសបានកើតមានឡើងក្នុងតំបន់ហ្កាហ្សា ស្របពេលអ៊ីស្រាអែលគំរាមចាប់ផ្តើមសង្រ្គាមឡើងវិញ
02/12/2025 08:02 PM
UN៖ អតីតរដ្ឋាភិបាលបង់ក្លាដែសនៅពីក្រោយលទ្ធភាពនៃឧក្រិដ្ឋកម្មប្រឆាំងមនុស្សជាតិ
02/12/2025 08:02 PM
ក្រសួងការងារបញ្ជូនរថយន្តការងារចល័ត ដើម្បីផ្តល់ការងារថ្មីជូនកម្មករនិយោជិតរោងចក្រត្រូវបានអគ្គិភ័យឆាបឆេះ
02/12/2025 07:02 PM
គណៈកម្មាធិការជាតិបណ្តុះបណ្តាលដាក់ចេញនូវទិសដៅការងារ៤ចំនុច ដើម្បីដាក់ឲ្យអនុវត្តសម្រាប់ឆ្នាំ២០២៥
02/12/2025 07:02 PM
ពលរដ្ឋហ្កាហ្សាសង្ឃឹមថា ក្រុមហាម៉ាស់ និងអ៊ីស្រាអែលនឹងអាចបន្តបទឈប់បាញ់
02/12/2025 07:02 PM
ចិនអះអាងថា វិទ្យាស្ថានរោគវិទ្យាក្រុង Wuhan ពុំពាក់ព័ន្ធនឹងការបង្កើតវីរុស COVID-19 នោះឡើយ
02/12/2025 07:02 PM
ហាណូយក្លាយជាទីក្រុងមានកង្វក់បរិយាកាសបំផុត ស្របពេលផ្សែងអ័ព្ទយ៉ាងក្រាស់គ្របដណ្តប់រដ្ឋធានីប្រទេសវៀតណាមមួយនេះ
02/12/2025 07:02 PM
​ លោក Trump ជំរុញផែនការគ្រប់គ្រងតំបន់ហ្កាហ្សាអំឡុងកិច្ចប្រជុំជាមួយព្រះមហាក្សត្រហ៊្សកដានី
02/12/2025 07:02 PM
លោក Musk និងលោក Trump រិះគន់ទីភ្នាក់ងារ USAID ថាពុករលួយ និងអសមត្ថភាព អំឡុងសន្និសីទសារព័ត៌មាន
02/12/2025 07:02 PM