BTV NEWS

ឯកឧត្តម ឌិត ទីណា ចុះត្រួតពិនិត្យស្ថានភាពដីសម្រាប់ផលិតកម្មដំណាំបន្លែដេីម្បីផ្គត់ផ្គង់ដល់កងទ័ព

សហព័ន្ធស្រូវអង្ករកម្ពុជា៖ កញ្ចប់អង្ករដែលមានរូបភាពស្រដៀងទៅនឹងទង់ជាតិប្រទេសថៃ មិនត្រូវបានបោះពុម្ពក្នុងប្រទេសកម្ពុជាឡើយ

ឯកឧត្តម ឌិត ទីណា បង្ហាញសក្តានុពលវិស័យកសិកម្មដល់អ្នកវិនិយោគមកពីកូរ៉េ ដើម្បីជំរុញទីផ្សារនាំចេញ

កម្ពុជាកំពុងត្រៀមលក្ខណៈនៃវិស័យ MSMEs សម្រាប់ការចាកចេញពីប្រទេស LDC

សេដ្ឋកិច្ច និង កសិកម្ម

សម្តេចតេជោ៖ កំពង់ស្ពឺ នឹងមានរោងចក្រស៊ីម៉ង់ត៍មានសមត្ថភាព ២លានតោន ក្នុងមួយឆ្នាំ

កំពង់ស្ពឺ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា លើកឡើងថា រោងចក្រស៊ីម៉ង់ត៍ មានសមត្ថភាពផលិត ប្រមាណ២លានតោន ក្នុងមួយឆ្នាំ នឹងបើកដំណើរការនាពេលខាងមុខ ក្នុងខេត្តកំពង់ស្ពឺ ដែលនឹងធ្វើឱ្យខេត្តនេះ ក្លាយជាខេត្តផ្គត់ផ្គង់ស៊ីម៉ង់ត៍មួយក្នុងប្រទេស។ក្នុងពិធីសំណេះសំណាលជាមួយកម្មករ និយោជិត រោចក្រសហគ្រាសនៅក្រុងច្បារមន ខេត្តកំពង់ស្ពឺ នាព្រឹកថ្ងៃទី២៧ ខែមិថុនា សម្តេចតេជោ ហ៊ុន សែន មានប្រសាសន៍ថា ខេត្តកំពង់ស្ពឹ ជាខេត្តដែលមានសក្តានុពលសេដ្ឋកិច្ច សម្រាប់គម្រោងវិនិយោគ រោងចក្រសហគ្រាស ក្នុងវិស័យកាត់ដេរ និងឧស្សាហកម្មធុនធ្ងន់។រោងចក្រផលិតស៊ីម៉ង់ត៍ខាងលើនេះ វិនិយោគដោយ ក្រុមហ៊ុនមកពីប្រទេសចិន Conch KT Cement ដែលកំពុងវិនិយោគរោងចក្រផលិតស៊ីម៉ងត៍ ក្នុងខេត្តបាត់ដំបង ក្រោមទុនវិនិយោគប្រមាណ ២៦៣ លានដុល្លារ។ នេះបើយោងតាមរដ្ឋបាលខេត្តកំពង់ស្ពឺ។សូមជម្រាបជូនថា បច្ចុប្បន្ន រោងចក្រផលិតស៊ីម៉ង់ត៍ ៥ កំពុងដំណើរការ រួមមាន ក្រុមហ៊ុន ជីបម៉ុង អ៊ិនស៊ី ស៊ីមេន ខបភើរេសិន, ក្រុមហ៊ុន កំពតស៊ីមេន, ក្រុមហ៊ុន ស៊ីម៉ង់ត៍ចក្រីទីង, ក្រុមហ៊ុន បាត់ដំបង ខនស៍ ស៊ីមេន និង ក្រុមហ៊ុន ស៊ីម៉ង់ត៍ ថៃ ប៊ុនរ៉ុង ខមភេនី លីមីធីត៕អត្ថបទ៖ វណ្ណៈ

ប្រធាន WEF៖ សេដ្ឋកិច្ចរបស់ប្រទេសចិន បង្ហាញពីសក្ដានុពលនៃកំណើនដ៏ធំសម្បើម

ចិន៖ ថ្លែងកាលពីថ្ងៃចន្ទ នៅទីក្រុងធានជីន (Tianjin) ប្រទេសចិន មុនវេទិកាសេដ្ឋកិច្ចពិភពលោក(WEF) លើកទី១៤ នៃកិច្ចប្រជុំប្រចាំឆ្នាំជួយគាំទ្រថ្មី (AMNC) ដែលត្រូវបានគេស្គាល់ផងដែរថា ជាវេទិកា «ដាវ៉ូសរដូវក្តៅ» ប្រធាន WEF បានលើកឡើងថា សេដ្ឋកិច្ចរបស់ប្រទេសចិនបង្ហាញពីសក្តានុពលដ៏ធំសម្បើម ខណៈដែលប្រទេសនេះកំពុងចាត់វិធានការ ដើម្បីជំរុញឲ្យមានកំណែទម្រង់ និងបន្តការបោះជំហានយ៉ាងសំខាន់ ក្នុងវិស័យថាមពលកកើតឡើងវិញ។ កិច្ចប្រជុំ Summer Davos គ្រោងនឹងប្រារព្ធឡើងចាប់ពីថ្ងៃអង្គារ (ទី២៧ ខែមិថុនា) ដល់ថ្ងៃព្រហស្បតិ៍ (ទី២៩ ខែមិថុនា) នៅទីក្រុងធានជីន (Tianjin) បន្ទាប់ពីបានផ្អាករយៈពេល ៤ឆ្នាំ។ នៅក្នុងពិភពលោកមួយ ដែលកំណត់ឡើងវិញដោយការងើបឡើងដ៏យឺតយ៉ាវនៃសេដ្ឋកិច្ច ក្រោយជំងឺរាតត្បាត និងអតិផរណាឡើងខ្ពស់ ប្រធានបទនៃកិច្ចប្រជុំដាវ៉ូសរដូវក្តៅ (Summer Davos) នាឆ្នាំនេះ គឺសហគ្រិនភាព ពោលគឺ «កម្លាំងចលករនៃសេដ្ឋកិច្ចសកល»។អំឡុងពេលផ្ដល់បទសម្ភាសន៍ផ្តាច់មុខជាមួយបណ្តាញទូរទស្សន៍ចិនសកល (CGTN) ប្រធាន WEF លោក Borge Brende បាននិយាយថា សេដ្ឋកិច្ចរបស់ប្រទេសចិនមានវិសាលភាព ក្នុងការរីកចម្រើនប្រកបដោយគុណភាព ដោយសារកំពុងមានការរីកចម្រើនលឿនជាងសេដ្ឋកិច្ចប្រទេសភាគច្រើន ទោះបីជាសេដ្ឋកិច្ចពិភពលោក កំពុងមានវិបត្តិក៏ដោយ។លោក Brende បាននិយាយថា៖ «សេដ្ឋកិច្ចចិននៅតែមានសក្តានុពលដ៏ធំ។ សេដ្ឋកិច្ចពិភពលោក កំពុងកើនឡើង ២,៨ភាគរយ នៅឆ្នាំនេះ។ ប្រទេសចិនមានការកើនឡើងស្ទើរតែទ្វេដង យ៉ាងហោចណាស់ក៏ច្រើនជាង ៤ភាគរយដែរ។ ដូច្នេះ សេដ្ឋកិច្ចចិន នៅតែរីកចម្រើនលឿនជាងសេដ្ឋកិច្ចរបស់បស្រទេសភាគច្រើន នៅលើពិភពលោក»។ លោកបានបន្តថា៖ «ខ្ញុំគិតថា រដ្ឋាភិបាលចិន ឥឡូវនេះ ក៏កំពុងចាត់វិធានការ ដើម្បីធ្វើឲ្យប្រាកដថាកំណើននេះ នៅតែបន្តឥតឈប់។ យើងបានមើលឃើញការរីកចម្រើននេះនៅលើការបញ្ចុះអត្រាការប្រាក់។ យើងក៏ឃើញដែរថា មានកំណែទម្រង់ថ្មីកំពុងកើតឡើង»។ជាមួយគ្នានេះ លោក Brende បានគូសបញ្ជាក់ថា ប្រទេសចិនបានដើរតួនាទីយ៉ាងខ្លាំងក្លា ក្នុងវិស័យជាច្រើន ហើយជាប្រទេសនាំមុខគេ ក្នុងវិស័យថាមពលកកើតឡើងវិញ ផ្លូវរថភ្លើងល្បឿនលឿន និងការផលិតយានយន្តអគ្គិសនី ខណៈលោកបានបន្ថែមថា ប្រទេសចិនត្រូវបន្តកំណែទម្រង់សេដ្ឋកិច្ច ដើម្បីឈានទៅរកខ្សែសង្វាក់តម្លៃឧស្សាហកម្មដ៏សំខាន់៕

ក្រុមហ៊ុនចុះបញ្ជីក្នុងផ្សារមូលបត្រកម្ពុជា បានគៀងគរទុនពីទីផ្សារប្រមាណជាង ៣០០ លានដុល្លារអាមេរិក

ភ្នំពេញ៖ គិតត្រឹមថ្ងៃទី២៧ ខែ មិថុនា ឆ្នាំ២០២៣ នេះ ក្រុមហ៊ុនចំនួន ១៩ នៅក្នុងផ្សារមូលបត្រកម្ពុជា បានគៀងគរទុនពីទីផ្សារប្រមាណជាង ៣០០ លានដុល្លារអាមេរិក និងរំពឹងថា នៅក្នុងបំណាចឆ្នាំនេះ និងមានក្រុមហ៊ុនជាច្រើន នឹងធ្វើការបោះផ្សារសញ្ញាប័ណ្ណ បន្ថែម ទៀត។ឯកឧត្តម ហុង សុហួរ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃផ្សារមូលបត្រកម្ពុជា លើកឡើងនៅក្នុងពិធីចុះបញ្ជីផ្លូវ ការរបស់ក្រុមហ៊ុន ខេម ជីអេសអេម ម.ក នៅថ្ងៃទី ២៧ ខែ មិថុនា ឆ្នាំ ២០២៣ នេះថា បច្ចុប្បន្ន មានក្រុមហ៊ុនចុះបញ្ជីចំនួន ១៩ ក្នុងក្រុមហ៊ុនចំនួន ១០ ចុះបញ្ជីជាភាគហ៊ុន និងក្រុមហ៊ុន ៩ ផ្សេងទៀត បានចុះបញ្ជីជាសញ្ញាប័ណ្ណ ដោយក្រុមហ៊ុនទាំង ១៩ បានគៀងគរទុនពីទីផ្សារបានក្នុងរង្វង់ប្រមាណជាង ៣០០ លានដុល្លារអាមេរិកប៉ុណ្ណោះ។ឯកឧត្តម បន្តថា ផ្សារមូល បត្រកម្ពុជាមានក្តីរំពឹងថា នៅក្នុងដំណាច់ឆ្នាំ ២០២៣ នេះ នឹងអាចទទួលបានក្រុមហ៊ុនជាច្រើន នឹងធ្វើការបោះផ្សារសញ្ញាប័ណ្ណបន្ថែម ទៀត ជាពិសេសក្រុមហ៊ុនដែលគ្រោងបោះផ្សាយសញ្ញាប័ណ្ណ។ជុំវិញនឹងការកើនឡើងនៃក្រុមហ៊ុនចុះបញ្ជី ចំពោះសកម្មភាពជួញដូរនៃផ្សារមូលបត្រកម្ពុជា ក៏មានការកើនឡើងគួរឲ្យកត់ សម្គាល់ ទោះជាស្ថានភាពជំងឺកូវីដ ១៩ នាពេលកន្លងមក បានរំខានយ៉ាងណាក៏ដោយ តែទីផ្សារមូលបត្រកម្ពុជានៅតែកើនឡើងជាលំដាប់ ។ឯកឧត្តម ហុង សុហួរ បន្តលើកឡើងថា ជាក់ស្តែងក្នុងឆ្នាំនេះ ទោះជាការជួញដូរទាបជាង តែសកម្មភាពវិញ គឺមានការកើនឡើង ក្នុងនោះវិនិយោគិនតូចៗ មានការជួញដូរជាប្រចាំច្រើនជាងឆ្នាំកន្លងមក ហើយការបើកគណនេយ្យជួយដូរប្រចាំថ្ងៃ ក៏មានការកើន ឡើងច្រើនផងដែរ ដែលសកម្មភាពទាំងអស់នេះ បានផ្តល់នូវក្តីរំពឹងថា សម្រាប់ពេលខាងមុខ ទីផ្សារមូលបត្រកម្ពុជានឹងកើនឡើងកាន់តែខ្លាំង ដែលកម្មភាពនេះផ្សារមូលបត្រកម្ពុជាមានមហិច្ឆតា នៅឆ្នាំ ២០៣០ នឹងមានការជួញដូរដល់ ១០០ លានដុល្លារ ក្នុងមួយថ្ងៃ ៕អត្ថបទ៖ សុន រ៉ាឌី

សម្ដេចតេជោ៖ គោលនយោបាយរបស់សម្ដេចគឺការគ្រប់គ្រងស្ថិរភាពនយោបាយ និងម៉ាក្រូសេដ្ឋកិច្ច

កំពង់ស្ពឺ៖ សម្ដេចតេជោ ហ៊ុន សែន នាយករដ្ឋមន្ត្រី នៃកម្ពុជា បានបញ្ជាក់ថា គោលនយោបាយដឹកនាំរបស់សម្ដេច គឺការរក្សាឱ្យបាននូវស្ថិរភាពនយោបាយ និងម៉ាក្រូសេដ្ឋកិច្ច ព្រោះថា បើគ្រាន់បែកសេដ្ឋកិច្ចផ្ទុះ នឹងធ្វើឱ្យប៉ះពាល់ដល់ប្រទេសជាតិ និងប្រជាពលរដ្ឋទាំងអស់ ។ក្នុងពិធីជួបសំណេះសំណាលជាមួយកម្មករ-និយោជិតតាមរោងចក្រ សហគ្រាស ក្នុងក្រុងច្បារមន ខេត្តកំពង់ស្ពឺ នៅថ្ងៃទី២៧ ខែមិថុនា ឆ្នាំ២០២៣ សម្ដេចតេជោ នាយករដ្ឋមន្ត្រី មានប្រសាសន៍ថា រាជរដ្ឋាភិបាលប្រឹងប្រែងខ្លាំងណាស់ ហើយជានិច្ចជាកាលយុទ្ធសាស្ត្រ និងមនោគមវិជ្ជារបស់សម្ដេច តែងតែក្ដាប់នូវចំណុចស្នូលចំនួន២ ដែលមានទំនាក់ទំនងជាប់ខ្សែ២ នៃចំណងមួយ ។សម្ដេចតេជោ បន្តថា ចំណុចស្នូលទាំងពីរនោះ គឺម្ខាងត្រូវថែរក្សាសន្តិភាព និងស្ថិរភាពនយោបាយឲ្យខានតែបាន ហើយម្ខាងទៀតត្រូវតែថែរក្សាស្ថិរភាពម៉ាក្រូសេដ្ឋកិច្ចឲ្យបាន ព្រោះទាំងពីរចំណុចនេះ ត្រូវដើរទន្ទឹមគ្នា ។បច្ចុប្បន្នកម្ពុជា កម្ពុជាកំពុងមានសុខសន្តិភាពពេញលេញ ប្រជាពលរដ្ឋរស់នៅដោយភាពសុខសាន្ត មិនភ័យបារម្ភពីបញ្ហាសង្គ្រាម ហើយបន្ទាប់ពីធូរស្រាល នៃការឆ្លងរីករាលដាលជំងឺកូវីដ-១៩ គឺកាលពីឆ្នាំ២០២២ កំណើតសេដ្ឋកិច្ចកម្ពុជាកើនឡើងវិញចំនួន ៥,២ភាគរយ ខណៈនៅឆ្នាំ២០២៣នេះ រំពឹងថា នឹងកើនដល់ ៥,៦ភាគរយ ៕ អត្ថបទ បាន សុខរិទ្ធិ

កម្ពុជានាំចេញអង្ករទៅកាន់ហ្វីលីពីន ក្នុងបរិមាណ២៥៧៥តោន ជាលើកដំបូងនៅក្នុងឆ្នាំ២០២៣

ភ្នំពេញ៖ កម្ពុជាបានពង្រីកទីផ្សារនាំចេញអង្ករទៅកាន់ប្រទេសហ្វីលីពីនចំនួន ២៥៧៥តោន ជាបរិមាណមិនធ្លាប់មានជាលើកដំបូងនៅក្នុងឆ្នាំ២០២៣ ដែលជាការឆ្លុះបញ្ចាំងអំពីភាពរីកចម្រើន លើការងារពាណិជ្ជកម្មរវាងប្រទេសទាំង២។ដើម្បីអបអរសាទរនូវការសម្រេចជោគជ័យនេះ នៅព្រឹកថ្ងៃទី២៦ខែមិថុនា ឆ្នាំ២០២៣ នៅទីស្តីការក្រសួងពាណិជ្ជកម្ម បានរៀបចំពិធីសម្ពោធបើកច្រកទៅកាន់ទីផ្សារប្រទេសហ្វីលីពីន ក្រោមអធិបតីភាពឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងលោក ជំទាវ ម៉ារៀ អាមីលីតា ស៊ី អេឃ្យូអ៊ីណូ(Maria Amelita C.Aquino ) ឯកអគ្គរដ្ឋទូតរបស់សាធារណៈរដ្ឋហ្វីលីពីន ប្រចាំនៅកម្ពុជា ។លោកឯកញ៉ា ចាន់ សុឃាំង ប្រធានសហពន្ធ័ស្រូវអង្ករកម្ពុជា បានលើកឡើងថា ការលេចរូបរាងនៃការនាំចេញទៅកាន់ទីផ្សារហ្វីលីពីននៅពេលនេះ គឺកើតចេញពីកិច្ចខិតខំប្រឹងប្រែង របស់ថ្នាក់ដឹកនាំរបស់ក្រសួងពាណិជ្ជកម្ម ដែលមានឯកឧត្តមរដ្ឋមន្រី្ត ប៉ាន សូរស័ក្តិ តែងតែងផ្តល់ការណែនាំ និងចង្អុលបង្ហាញជាប្រចាំ ព្រមទាំងកិច្ចសហប្រតិបត្តិការល្អជាប្រចាំរវាងសហព័ន្ធស្រូវអង្ករកម្ពុជា ជាមួយគ្រប់នាយកដ្ឋានទាំងអស់នៃក្រសួងពាណិជ្ជកម្ម ជាពិសេស ក្រុមហ៊ុនហ្រ្គីនត្រេដ ដែលឈានទៅរកការធ្វើទស្សនកិច្ចសិក្សាពីគ្នាទៅវិញទៅមក រហូតឈានដល់ការធ្វើកិច្ចព្រមព្រៀងទិញលក់តែម្តង ដែលក្រុមហ៊ុន Khmer Foods Group Co,Ltd ជាអ្នកសម្រេចឈានមុខគេ។លោកឧកញ៉ា គីម សាវុធ អគ្គនាយកក្រុមហ៊ុនKhmer Foods Group Co,Ltd បានមានប្រសាសន៍ថា កាលពីខែឧសភា ឆ្នាំ២០២៣ ក្រុមហ៊ុនបាននាំចេញអង្ករចំនួន ២៥៧៥តោន ទៅកាន់ទីផ្សារហ្វីលីពីន រួចហើយ រីឯនៅខែមិថុនានេះ ក្រុមហ៊ុនគ្រោងនឹងនាំចេញក្នុងបរិមាណប្រមាណ២ពាន់តោន បន្ថែមទៀត ដូច្នេះនៅឆ្នាំ២០២៣នេះ កម្ពុជា អាចនាំចេញអង្ករប្រហែល៥ពាន់តោនទៅកាន់ប្រទេសហ្វីលីពីន។ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានមានប្រសាសន៍ថា ទម្រាំឈានដល់កិច្ចព្រមព្រៀងមួយនេះ ថ្នាក់ដឹកនាំរាជរដ្ឋាភិបាលបានខិតខំប្រឹងប្រែងស្វែងរកការចរចាជាច្រើនលើក ច្រើនសារ ព្រោះកន្លងមកហ្វីលីពីន មានទីផ្សារចាស់រួចទៅហើយ ភាគច្រើននាំអង្ករចូលពីប្រទេសវៀតណាម និងថៃ សម្រាប់កម្ពុជា គឺជាទីផ្សារថ្មីរបស់ហ្វីលីពីន ។យ៉ាងណាក៏ដោយការនាំចេញលើកនេះ ឯកឧត្តមរដ្ឋមន្ត្រី ចាត់ទុកថា ជានិមិត្តរូបដ៏ល្អមួយនៃកិច្ចចាប់ផ្តើមពាណិជ្ជកម្មអង្ករកម្ពុជា-ហ្វីលីពីន ដែលភាគីទាំង២ នឹងប្រឹងប្រែងធ្វើការអោយកាន់តែស៊ីជម្រៅបន្ថែមទៀតលើកិច្ចការផ្សព្វផ្សាយជម្រុញទីផ្សារ និងទាក់ទាញអតិថិជនហ្វីលីពីនអោយចូលចិត្តប្រើប្រាស់ និង ទទួលទានអង្ករកម្ពុជាអោយកាន់តែច្រើនឡើង ។ ក្រៅពីទីផ្សារហ្វីលីពីន កម្ពុជា កំពុងសម្លឹងមើលទីផ្សារ សិង្ហបុរី និងទីផ្សារចាស់គឺ ហុងកុង ដើម្បីពង្រីកការនាំចេញអោយកាន់តែច្រើនដើម្បីកាត់បន្ថយអតិរេកស្រូវនៅកម្ពុជា។គួរកត់សម្គាល់ថា ប្រទេសហ្វីលីពីនជាប្រទេសផលិត និងនាំចេញអង្ករដ៏ធំមួយក្នុងពិភពលោក ដែលឈរនៅលំដាប់លេខរៀងទី០៤ នៅលើពិភពលោក និងលេខរៀងទី០២នៅតំបន់អាស៊ីបន្ទាប់ពីប្រទេសចិន ដែលនាំចូលអង្ករប្រមាណជាង ៣លានតោន ហើយភាគច្រើននាំចូលពីវៀតណាម និងថៃ។សូមរំលឹកដែរថា កន្លងទៅកម្ពុជាធ្លាប់បាននាំចេញអង្ករទៅហ្វីលីពីនចំនួន២លើកគត់ គឺទី១ កាលពីឆ្នាំ២០២០ ចំនួន៣០០តោន លើកទី២ ចំនួន១០០តោន នៅឆ្នាំ២០២១ ៕ អត្ថបទ៖ សូដាវណ្ណ

សម្ដេចតេជោ ឱ្យពន្លឿនធ្វើច្បាប់ស្ដីពីតុលាការពាណិជ្ជកម្ម ដើម្បីពង្រឹងវិស័យធុរកិច្ចនៅកម្ពុជា

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានជំរុញឱ្យពន្លឿនការរៀបចំក្របខណ្ឌច្បាប់ ក៏ដូចជាហេដ្ឋារចនាសម្ព័ន្ធនានា ដើម្បីពន្លឿនដំណើរការតុលាការពាណិជ្ជកម្ម ដើម្បីធានាដល់ការដោះស្រាយវិវាទពាណិជ្ជកម្ម និងធុរកិច្ច និងជាការលើកកម្ពស់បរិយាកាសវិនិយោគ និងធុរកិច្ចនៅកម្ពុជា។ក្នុងពិធីសម្ពោធដាក់ឱ្យប្រើប្រាស់ជាផ្លូវការ «អគារសាលាយុត្តិធម្ម» នៅព្រឹកថ្ងៃទី២៦ ខែមិថុនា សម្តេចតេជោ ហ៊ុន សែន មានប្រសាសន៍ថា ណែនាំក្រសួងយុត្តិធម៌ រៀបចំក្របខណ្ឌច្បាប់ លើការបង្កើតតុលាការពាណិជ្ជកម្ម ប្រកបដោយគុណភាព, តម្លាភាព និង ភាពជឿទុកចិត្តបាន សម្រាប់បង្កើនជំនឿទុកចិត្តលើការវិនិយោគ និងការធ្វើធុរកិច្ចនៅកម្ពុជា។សម្តេចតេជោ ហ៊ុន សែន ប្រសាសន៍អះអាងថា« គប្បីពន្លឿនច្បាប់ទាក់ទងនឹងតុលារការពាណិជ្ជកម្ម។ ខ្ញុំស្នើ គួរតែខិតខំជំរុញឱ្យចេញនៅក្នុងនីតិកាលខាងមុខនេះ នូវច្បាប់ស្តីអំពីតុលាការពាណិជ្ជកម្ម។ រៀបចំតុលារការពាណិជ្ជកម្មនេះឡើង ដើម្បីកាត់ក្តីទៅលើរឿងនេះ ។បើតាមក្រសួងយុត្តិធម៌ ការបង្កើតតុលាការឯកទេសមួយនេះ ដើម្បីបង្កើនជំនឿទុកចិត្ដ ពីអ្នកវិនិយោគ តាមរយៈបង្កើនគុណភាពនៃសេវា ក្នុងការដោះស្រាយសំណុំរឿងក្ដី ទៅតាមជំនាញនីមួយៗ ដែលចូលរួមកាត់បន្ថយការកកស្ទះសំណុំរឿងតុលាការ តាមរយៈដំណើរការនីតិវិធីបានលឿនជាងមុន។ ការដាក់ឲ្យដំណើរការតុលាការពាណិជ្ជកម្មនេះ គឺជំហ៊ានដំបូងធ្វើឡើងនៅរាជធានីភ្នំពេញ ក្នុងនោះមានទាំងសាលាដំបូង និងសាលាឧទ្ធរណ៍នៅជាមួយគ្នាតែម្ដង។ ជំហ៊ានបន្ទាប់ អាចគ្រោងបង្កើតនៅខេត្តព្រះសីហនុ ហើយជាពិសេសនៅតំបន់ណាដែលមានការធ្វើពាណិជ្ជកម្មច្រើន។សូមបញ្ជាក់ថា បច្ចុប្បន្នកម្ពុជា ដំណើរការតែតុលាការព្រហ្មទណ្ឌ និងតុលាការរដ្ឋប្បវេណីប៉ុណ្ណោះ។ រាល់សំណុំរឿង ដែលពាក់ព័ន្ធនឹងវិវាទផ្នែកពាណិជ្ជកម្ម និងផ្នែកការងារ ត្រូវបញ្ជូនទៅឲ្យតុលាការរដ្ឋប្បវេណី កាត់ក្តី៕ អត្ថបទ ៖ វណ្ណៈ រូបភាព

សម្ដេតេជោ៖ សេដ្ឋកិច្ចកម្ពុជាឆ្នាំនេះនឹងកើនដល់ ៥,៦% ហើយឆ្នាំក្រោយកើនដល់ ៦,៦%

ស្វាយរៀង៖ សម្ដេចតេជោ ហ៊ុន សែន នាយករដ្ឋមន្រ្ដី បានបញ្ជាក់ថា កំណើនសេដ្ឋកិច្ចកម្ពុជានឹងកើនឡើងក្នុងកម្រិត ៥,៦ ភាគរយនៅឆ្នាំ២០២៣នេះ និងនៅឆ្នាំ២០២៤ នឹងបន្តកើនក្នុងរង្វង់ ៦,៦ ភាគរយ ដែលកំណើនទាំងនេះ បានផ្តល់ផលប្រយោជន៍ដល់ប្រទេសជាតិ និងប្រជាជនកម្ពុជាគ្រប់ៗគ្នា។សម្តេចតេជោ ហ៊ុន សែន មានប្រសាសន៍ក្នុងឱកាសបន្តអញ្ជើញចុះជួបសំណេះសំណាលជាមួយកម្មករ កម្មការិនី ដែលបំរើការងារនៅតំបន់សេដ្ឋកិច្ចពិសេសក្រុងបាវិត ខេត្តស្វាយរៀង នាព្រឹកថ្ងៃទី២៥ ខែមិថុនា ឆ្នាំ២០២៣នេះ ។ប្រទេសកម្ពុជាក្រោមការដឹកនាំប្រកបដោយគោលនយោបាយច្បាស់សាស់របស់សម្ដេចតេជោ ហ៊ុន សែន ជាប្រមុខរាជរដ្ឋាភិបាល ដើម្បីស្ដារ និងជំរុញកំណើនសេដ្ឋកិច្ច ជាតិឡើងវិញ ប្រកបដោយភាពធន់, ចីរភាព និងបរិយាប័ន្ន ក្រោយវិបត្តិកូវីដ-១៩ រាជរដ្ឋាភិបាលបានអនុម័តនូវ «ច្បាប់ស្ដីពីវិនិយោគ» ថ្មីមួយ និង បានដាក់ចេញនូវ “ក្របខណ្ឌយុទ្ធសាស្ត្រ និងកម្មវិធីស្តារសេដ្ឋកិច្ចកម្ពុជា ក្នុងការរស់នៅជាមួយកូវីដ-១៩ តាមគន្លងប្រក្រតី ភាពថ្មី សម្រាប់ឆ្នាំ ២០២១-២០២៣»។ រាជរដ្ឋាភិបាលក៏បាន និងកំពុងបន្តខិតខំបង្កើនការវិនិយោគលើប្រព័ន្ធហេដ្ឋរចនាសម្ព័ន្ធទាំងរូបវន្ត និងឌីជីថលលើកកម្ពស់គុណភាពសេវាឡូជីស្ទីក បង្កើនប្រសិទ្ធភាពនៃការផ្តល់សេវាសាធារណៈ។សូមជម្រាបថា សម្រាប់រយៈពេលមធ្យមខាងមុខ ការអភិវឌ្ឍសង្គម សេដ្ឋកិច្ចកម្ពុជា នឹងឈានដល់ដំណាក់កាល « ប្រែប្រួលថ្មីមួយ» ទៀត ដែលជាអន្តរកាលឆ្ពោះទៅសម្រេចឋានៈប្រទេសមានចំណូលមធ្យមកម្រិតខ្ពស់។ ការណ៍នេះទាមទារនូវការយកចិត្តទុកដាក់ចំពោះការពង្រឹងឡើងថែមទៀតនូវស្ថាប័នសាធារណៈ ដែលជារចនាសម្ព័ន្ធនៃយន្តការសំណុំវិធាននៃច្បាប់ទាំងផ្លូវការ និងមិនផ្លូវការ, ធនធានមនុស្ស, មធ្យោបាយ, និងធនធានហិរញ្ញវត្ថុ៕ អត្ថបទ៖ វ៉ន ដារ៉ា

ក្រុមហ៊ុនធំៗចំនួន២ បន្ដចុះកិច្ចសន្យាបញ្ជាទិញស្រូវ និងដំឡូងមីសរីរាង្គរពីកសិករ ក្នុងខេត្តព្រះវិហារ ក្នុងបរិមាណសរុប៤៣,៧៧០តោន

ព្រះវិហារ៖ ស្រូវនិងដំឡូងមីសរីរាង្គរបស់កសិករក្នុងខេត្តព្រះវិហារ ដែលចាត់ទុកជាខេត្តផលិតបាន នូវកសិផលសរីរាង្គដ៏ធំជាងគេក្នុងប្រទេសកម្ពុជា ត្រូវបានក្រុមហ៊ុនធំៗចំនួន២ បន្ដចុះកិច្ចសន្យា ទទួលទិញពីសហគមន៍កសិកម្មចំនួន៣១ នៅក្នុងខេត្តព្រះវិហារ លើបរិមាណសរុប៤៣,៧៧០ តោន ក្នុងរដូវកាលឆ្នាំ២០២៣នេះ ។កិច្ចសន្យាទិញលក់ ស្រូវ និងដំឡូងមីសរីរាង្គនេះ ត្រូវបានរៀបចំឡើងនៅសាលប្រជុំ សាលាខេត្តព្រះវិហារ នាព្រឹកថ្ងៃទី២៣ ខែមិថុនា ឆ្នាំ២០២៣ក្រោមអធិបតីភាពឯកឧត្តម គីម រិទ្ធី អភិបាល នៃគណៈអភិបាលខេត្ត ដែលមានការអញ្ជើញចូលរួមពីសំណាក់ លោក អ៊ុក គឹម សាន្ដ អភិបាលរងខេត្ត លោកឧកញ៉ា សុង សារ៉ន អគ្គនាយកក្រុមហ៊ុនអេម រុរ៉ាយស៍ លោក ពឹង ទ្រីដា ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត ប្រធានសហព័ន្ធស្រូវអង្ករកម្ពុជា អង្គការដៃគូរអភិវឌ្ឍន៍ សហភាពសហគមន៍កសិកម្មព្រះវិហារមានជ័យ ថ្នាក់ដឹកនាំសហគមន៍ កសិកម្មទាំង ៣១ និងកសិករជាក្រុមផលិតជាច្រើនរូបទៀត។លោក ពឹង ទ្រីដា ប្រធានមន្ទីរកសិកម្មខេត្តព្រះវិហារ បានបញ្ជាក់ថា នៅក្នុងឆ្នាំ ២០២២កន្លងមកនេះ យើងមានកសិផលសរីរាង្គសរុបចំនួន ២៨,០០០តោន ត្រូវបានផលិត និងផ្គត់ផ្គង់ តាមកិច្ចសន្យា ពីកសិករប្រមាណជាង៥,០០០គ្រួសារ ក្នុងនោះរួមមាន ស្រូវសរីរាង្គ ចំនួន ១៥,០៨០តោន, ដំឡូងមីសរីរាង្គ ១៣,០០០តោន, និងសណ្ដែកដីសរីរាង្គ ចំនួន៥ តោន។ហើយក្នុងចំណោមលទ្ធផលនៃ កិច្ចសន្យាដែលសម្រេចបានខាងលើក្រុមហ៊ុនអេមរុ រ៉ាយ ស៍ និង ក្រុមហ៊ុន ស៊ីអេស៊ីស៊ី គឺជាក្រុមហ៊ុនធំជាងគេបំផុតក្នុងការទទួលទិញកសិផលពី កសិករ ក្នុងខេត្តព្រះវិហារ ដែលអាចនិយាយបានថាជាង ៩០%នៃលទ្ធផលនេះ បានមកពីការបញ្ជាទិញ របស់ក្រុមហ៊ុនទាំងពីរនេះ។ លោកឧកញ៉ា សុង សារ៉ន អគ្គនាយកក្រុមហ៊ុនអេមរុរ៉ាយ៍កម្ពុជា ប្ដេជ្ញាខិតខំប្រឹងប្រែង យកចិត្តទុកដាក់ខ្ពស់ ក្នុងការជម្រុញការផ្សព្វផ្សាយ និងនាំចេញអង្ករសរីរាង្គខេត្តព្រះវិហារ ឆ្ពោះទៅកាន់ទីផ្សារពិភពលោកឱ្យកាន់តែទូលំទូលាយ និងខ្លាំងក្លាបំផុត ក្នុងគោលដៅធ្វើយ៉ាង ណាឱ្យអង្ករព្រះវិហារ កាន់តែមានកេរ្តិ៍ឈ្មោះល្បីនៅឆាកអន្ដរជាតិ។ ហើយទោះបែបនេះក្ដី លោក នៅតែបន្ដទទូចស្នើសុំដល់កសិករផលិតទាំងអស់សូមមេត្តាបន្ដភាពស្មោះត្រង់របស់ខ្លួន ធ្វើយ៉ាង ណាត្រូវគោរពទៅតាមគោលការណ៍កិច្ចសន្យា ពិសេសស្ដង់ដាសរីរាង្គ។ក្នុងឱកាសនោះ ឯកឧត្តម គីម រិទ្ធី អភិបាលខេត្តព្រះវិហារ បានធ្វើការវាយតម្លៃខ្ពស់ ចំពោះកិច្ចខិតខំប្រឹង ប្រែងសហការគ្នាបានយ៉ាងល្អ ពីគ្រប់ភាគីពាក់ព័ន្ធ ដោយមានការសម្របសម្រួលពីមន្ទីរកសិកម្ម រហូតឈានដល់ការសម្រេចបានជាបន្ដបន្ទាប់នូវក្នុងក្របខណ្ឌកសិកម្មតាមកិច្ចសន្យា ដែលអាច ចាត់ទុកថាជាខ្សែបន្ទាត់ ឬជានិតិវិធីសម្រាប់ឲ្យភាគីអ្នកផលិត និងអ្នកបញ្ជាទិញដើរព្រមគ្នាឆ្ពោះ ទៅទិសដៅមួយយ៉ាងជាក់លាក់ ពិតប្រាកដ តម្លាភាព សច្ចភាព និងជំនឿទុកចិត្តគ្នា ដោយឈរ លើគោលការណ៍សំខាន់ ៣គឺ៖ ធានាបាននូវបរិមាណផ្គត់ផ្គង់ប្រកបដោយនិរន្តរភាព គុណភាព ផលិតផល ធានាបាននូវតម្លៃ សាមគ្គីភាព កិច្ចសហការ ជំនឿទុកចិត្ត និងផ្ដល់ផល ប្រយោជន៍ ឱ្យគ្នាទៅវិញទៅមក ដើម្បីជម្រុញឲ្យវិស័យកសិកម្ម នៅក្នុងខេត្តព្រះវិហារ នឹងក្លាយជាកសិកម្ម បែបសរីរាង្គចាប់ពីមូលដ្ឋាន រហូតដល់ទីផ្សារចរាចរផលិតផល ដើម្បីសម្រេចបាននូវគោល នយោបាយ ជម្រុញផលិតកម្មស្បៀង និងការនាំចេញរបស់រាជរដ្ឋាភិបាលកម្ពុជា ជួយបង្កើននូវ កំណើនសេដ្ឋកិច្ចជាតិ កាត់បន្ថយភាពក្រីក្ររបស់ប្រជាពលរដ្ឋ តាមរយៈការបង្កើនប្រាក់ចំណូល ផ្ទាល់ដល់ក្រុមកសិករជាអ្នកផលិត។គួរបញ្ជាក់ថា ក្រុមហ៊ុនធ្វើការបញ្ជាទិញស្រូវ និងដំឡូងមីសរីរាង្គរពីកសិករ សម្រាប់កែច្នៃវេចខ្ចប់នាំចេញទៅកាន់ទីផ្សារអន្ដរជាតិ ក្នុងនោះរួមមានក្រុមហ៊ុនអេមរុរ៉ាយស៍កម្ពុជា ចុះកិច្ចសន្យាទិញស្រូវសរីរាង្គ លើបរិមាណសរុប ១៦,០០០តោន និងក្រុមហ៊ុនសាជីវកម្មសហគមន៍កសិកម្មកម្ពុជា ចុះកិច្ចសន្យាទិញដំឡូងមី សរីរាង្គលើបរិមាណសរុប ២៥,០០០តោន និងសណ្តែកដីសរីរាង្គ លើបរិមាណសរុប ១០តោន។ លើសពីនេះ ក្រុមហ៊ុនអេមរុរ៉ាយស៍ ក៏បានផ្តល់ឥណទានពូជស្រូវផ្កា រំដួលចុះបញ្ជីប្រមាណជា ៥៩,៤០០គីឡូក្រាម សម្រាប់ការដាំដុះក្នុងឆ្នាំ២០២៣នេះ ដើម្បីរួមចំណែក ក្នុងការបង្កើនទិន្នផល និងគុណភាពអង្ករសម្រាប់ការនាំចេញទៅកាន់ទីផ្សារអន្តរជាតិ៕

ចំណូល GDP Per Capita នៅកម្ពុជា រំពឹងងកើនឡើងដល់ជិត២ ០០០ ដុល្លារ ក្នុងឆ្នាំ២០២៣

ភ្នំពេញ៖ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ បានលើកឡើងថា ចំណូលសម្រាប់មនុស្សម្នាក់ ឬ GDP Per Capita នៅកម្ពុជា រំពឹងនឹងកើនដល់ ១ ៩៣២ ដុល្លារអាមេរិក ក្នុងឆ្នាំ២០២៣ នេះ កើនឡើងពី ១ ៧៨៤ ដុល្លារ ក្នុងឆ្នាំ២០២២ ដោយគាំទ្រដោយសេដ្ឋកិច្ចកម្ពុជា ស្ថិតនៅលើកំណើនល្អប្រសើរ។ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន លើកឡើងពីបច្ចុប្បន្នភាពនៃម៉ាក្រូសេដ្ឋកិច្ចចុងក្រោយរបស់ប្រទេសកម្ពុជា ក្នុងពិធីបើកការដ្ឋានសាងសង់កំណាត់ផ្លូវជាតិលេខ ២៣ ប្រវែង ១៩.៨៣ គីឡូម៉ែត្រ។ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន មានប្រសាសន៍ថា ការអភិវឌ្ឍសម្រេចបានលើគ្រប់វិស័យប្រកបដោយនិរន្តរភាព និងសមធម៌ ទាំងក្នុងទីក្រុង និងជនបទ ខណៈប្រជាជនទទួលបានការអប់រំខ្ពស់ និងកម្រិតជីវភាពសមរម្យ ស្របពេលដែលអតិផរណាបានស្ថិតក្នុងកម្រិតដែលអាចគ្រប់គ្រងបាន។ ឯកឧត្តម ឧបនាយករដ្ឋមន្ត្រី លើកឡើងថា កម្ពុជា បានងើបចេញពីវិបត្តិកូវិដ១៩ បានលឿនជាងប្រទេសផ្សេងទៀតជុំវិញពិភពលោក ដែលជាកត្តាជំរុញសេដ្ឋកិច្ចកម្ពុជាមានកំណើនល្អប្រសើរ។កម្ពុជា ត្រូវបានគេរំពឹងថានឹងសម្រេចបាននូវកំណើន GDP ក្នុងរង្វង់ ៥,៦ភាគរយ នៅឆ្នាំ ២០២៣ កើនឡើងពី៥,២ភាគរយនៅឆ្នាំ ២០២៣ និង ៣ ភាគរយនៅឆ្នាំ២០២១ បន្ទាប់ពីធ្លាក់ចុះដល់ដក ៣,១ ភាគរយនៅឆ្នាំ២០២២។ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន លើកឡើងថា៖ រាជរដ្ឋាភិបាល នៅតែកំណត់ការអភិវឌ្ឍហេដ្ឋារចនាសម្ព័ន្ធដូចជាផ្លូវថ្នល់ ស្ពានជាអាទិភាពខ្ពស់ ព្រោះថាវាដូចជាក្បាលរថភ្លើងដែលជំរុញកំណើនសេដ្ឋកិច្ច និងជាមធ្យោបាយកាត់បន្ថយភាពក្រីក្ររបស់ប្រជាពលរដ្ឋប្រកបដោយប្រសិទ្ធភាព ព្រោះផ្លូវថ្នល់ ស្ពាន គឺជាសរសៃឈាមនៃសេដ្ឋកិច្ច ៕ អត្ថបទ៖ វណ្ណៈ

កម្ពុជានាំចេញទំនិញកើនឡើងគួរឱ្យកត់សម្គាល់ទៅប្រទេសថៃ

ភ្នំពេញ៖ ការនាំចេញទំនិញរបស់កម្ពុជា ទៅកាន់ប្រទេសថៃ កំពុងមានកំណើនកើនឡើងល្អប្រសើរ ដោយបានបង្ហាញឲ្យឃើញពីសម្ទុះនៃការអភិវឌ្ឍរីកចម្រើននៅគ្រប់វិស័យ និងតម្រូវការទំនិញជាពិសេសផលិតកសិកម្ម។លោកស្រី ជីរ៉ាណាន់ វង្សមង្គល ប្រធានសមាគមពាណិជ្ជកម្មថៃនៅកម្ពុជា លើកឡើងនៅក្នុងពិធីពិសារអាហារសាមគ្គី និងសំណេះសំណាលជាមួយធុរកិច្ច អាជីករ និងធ្វើអាជីវកម្មនៅកម្ពុជា នៅថ្ងៃទី ២២ ខែមិថុនា ឆ្នាំ ២០២៣នេះថា បន្ទាប់ពីស្ថានភាពជំងឺកូវីដ ១៩ នៅកម្ពុជាបានល្អប្រសើរ ក្រុមធុរកិច្ច អាជីករ និងម្ចាស់ផលិតកម្ម តែងតែជួបផ្លាស់ប្តូរនូវបទពិសោធន៍ និងព័ត៌មានផ្សេងៗជុំវិញការធ្វើអាជីវកម្ម ដើម្បីស្វែងរកនូវចំណុចអភិវឌ្ឍន៍រីកចម្រើន។នៅក្នុងរយៈពេល ៥ខែ ឆ្នាំ ២០២៣នេះ ពាណិជ្ជកម្មទ្វេរភាគីរវាងប្រទេសទាំងពីរ មានកំណើនថយចុះ បើធៀបនិងរយៈពេលដូចគ្នាឆ្នាំ ២០២២ ក្នុងនោះការនាំចូលទំនិញរបស់ថៃមកកម្ពុជា បានធ្លាក់ចុះជាង ១៤ ភាគរយ ។ ការថយចុះនៃការនាំចូលពីថៃនេះ គឺដោយសារវិនិយោគិនថៃ បានមកបណ្តាក់ទុកវិនិយោគនៅកម្ពុជាជាច្រើន ដោយបង្កើតរោងចក្រនៅកម្ពុជា សម្រាប់ផលិតផ្គត់ផ្គង់ដល់កម្ពុជា ជំនួសការចូល ។លោកស្រី បន្តថា ស្របពេលទំនិញថៃនាំចូលបានថយចុះនេះ យើងឃើញថា ការនាំចេញទំនិញរបស់កម្ពុជាទៅប្រទេសថៃ ជាពិសេសនៅក្នុងរយៈពេល ៥ខែ ដើមឆ្នាំ ២០២៣ នេះ មានការកើនឡើងគួរឲ្យកត់សម្គាល់ នេះបានបង្ហាញឲ្យឃើញពីសម្ទុះរីកចច្រើនរបស់កម្ពុជា ជាពិសេសវិស័យឧស្សាហ៍កម្ម និងកសិកម្មជាដើម ដែលជាផ្នែកមួយយ៉ាងសំខាន់សម្រាប់កំណើនសេដ្ឋកិច្ចរបស់កម្ពុជា។ សូមបញ្ជាក់ថា នៅក្នុងរយៈពេល ៥ខែ ដើមឆ្នាំ ២០២៣ បើតាមរបាយការណ៍អគ្គនាយកដ្ឋានគយ និងរដ្ឋាករកម្ពុជា បានបង្ហាញឲ្យដឹងថា ការធ្វើពាណិជ្ជកម្មរវាងកម្ពុជា និងថៃ មានទំហំទឹកប្រាក់សរុបជាង ១ ៧០០ លានដុល្លារ ថយចុះជាង ៨ ភាគរយ ធៀបនិងឆ្នាំ ២០២២ ក្នុងនោះការនាំទំនិញថៃចូលកម្ពុជា មានទឹកប្រាក់ជាង ១ ២០០ លានដុល្លារ ថយចុះជាង ១៤ ភាគរយ ខណៈដែលការនាំចេញទំនិញរបស់កម្ពុជាទៅប្រទេសថៃ មានទំហំជាង ៤៨០ លានដុល្លារ បានកើនឡើងជិត ១០ ភាគរយ បើធៀបនិងឆ្នាំ ២០២២៕អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

រដ្ឋមន្រ្តីសុខាភិបាល ណែនាំដល់មន្រ្តីសុខាភិបាលខេត្ត ពិនិត្យបន្ថែម និងគ្រប់ជ្រុងជ្រោយ កិច្ចការរៀបចំផែនការយុទ្ធសាស្រ្តសុខាភិបាល ជាពិសេសខេត្តជាប់ព្រំដែន

មនុស្សរាប់ម៉ឺននាក់ ចូលរួមព្យុហយាត្រាឥន្ទធនូនៅវេណេស៊ុយអេឡា ម៉ិកស៊ិក បូលីវី និងប៉េរូ អំពាវនាវឲ្យមានភាពចម្រុះបែប

រលកកម្តៅបន្តវាយប្រហារតំបន់ភាគខាងត្បូងអឺរ៉ុប ពេលដែលសីតុណ្ហភាពកើនឡើងដល់ជាង ៤០អង្សាសេនៅតំបន់ខ្លះ

TOP STORY | អគ្គនាយកដ្ឋានអន្តោប្រវេសន៍មិនអនុញ្ញាតឱ្យមានការដឹកជញ្ជូនទំនិញគ្រប់ប្រភេទចូល ចេញឬឆ្លងកាត់ច្រកទ្វារព្រំដែនអន្តរជាតិឬច្រកទ្វារតំបន់ណាមួយតាមខ្សែបន្ទាត់ព្រំដែនកម្ពុជា-ថៃឡើយ

ពលករខ្មែរវិលត្រឡប់មកពីថៃទទួលបានការយកចិត្តទុកដាក់ពីអាជ្ញាធរខេត្តបាត់ដំបង និងមន្រ្តីជំនាញ

TOP STORY | សម្ដេចធិបតី៖ អាជ្ញាធរថៃ និងប្រជាជនថៃដែលមានបំណងចង់ឱ្យមានការបើកច្រកព្រំដែនកម្ពុជា-ថៃ ឡើងវិញមិនចាំបាច់ស្នើមកកម្ពុជាទេ ប៉ុន្ដែត្រូវស្នើទៅអ្នកមានអំណាចពិតប្រាកដនៅប្រទេសថៃ

កម្ពុជានឹងអនុវត្តគម្រោងទាក់ទាញទេសចរណ៍តំបន់ប្រាសាទសំបូរព្រៃគុក ជាតំបន់ទេសចរណ៍គំរូ

គណបក្សប្រជាជនខេត្តកំពង់ឆ្នាំង ប្រារព្ធពិធីអបអខួបអនុស្សាវរីយ៍លើកទី៧៤ថ្ងៃបង្កើតគណបក្ស

គណបក្សប្រជាជនកម្ពុជាជាកម្លាំងនយោបាយតែមួយគត់រួមសុខរួមទុក្ខជាមួយប្រជាជនគ្រប់កាលៈទេសៈ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877