BTV NEWS

ឯកឧត្តម ឌិត ទីណា ចុះត្រួតពិនិត្យស្ថានភាពដីសម្រាប់ផលិតកម្មដំណាំបន្លែដេីម្បីផ្គត់ផ្គង់ដល់កងទ័ព

សហព័ន្ធស្រូវអង្ករកម្ពុជា៖ កញ្ចប់អង្ករដែលមានរូបភាពស្រដៀងទៅនឹងទង់ជាតិប្រទេសថៃ មិនត្រូវបានបោះពុម្ពក្នុងប្រទេសកម្ពុជាឡើយ

ឯកឧត្តម ឌិត ទីណា បង្ហាញសក្តានុពលវិស័យកសិកម្មដល់អ្នកវិនិយោគមកពីកូរ៉េ ដើម្បីជំរុញទីផ្សារនាំចេញ

កម្ពុជាកំពុងត្រៀមលក្ខណៈនៃវិស័យ MSMEs សម្រាប់ការចាកចេញពីប្រទេស LDC

សេដ្ឋកិច្ច និង កសិកម្ម

កំពង់ផែដងទង់ថ្មីបើកឲ្យប្រើប្រាស់ជាផ្លូវការនឹងជំរុញសេដ្ឋកិច្ច ទេសចរណ៍ និងការដឹកជញ្ជូនតាមផ្លូវសមុទ្រ

កោះកុង៖ កំពង់ផែថ្មី លើទឹកដីខេត្តកោះកុង បានបើកឱ្យប្រើប្រាស់ជាផ្លូវការ ក្នុងចលនាលើកកម្ពស់ការតភ្ជាប់ និងភាពសម្បូរបែបនៃការដឹកជញ្ជូនតាមផ្លូវសមុទ្រ។នៅព្រឹកថ្ងៃទី២៣ ខែមិថុនា ឆ្នាំ២០២៣ ឯកឧត្តម ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើជាអធិបតីក្នុងពិធីសម្ពោធបើកឱ្យប្រើប្រាស់ជាផ្លូវការ កំពង់ផែដងទង់ ក្រុងខេមរភូមិន្ទ ខេត្តកោះកុង។ កំពង់ផែនេះ គឺជាស្ថាបត្យកម្មថ្មីមួយដែលកើតចេញពីស្នាដៃកូនខ្មែរ ដោយមានរចនាបទបែបទំនើប សាងសង់ស្របតាមបទដ្ឋានបច្ចេកទេសត្រឹមត្រូវ ដែលធានានូវការប្រើប្រាស់យូរអង្វែង។ឯកឧត្តម ទេសរដ្ឋមន្ត្រី ស៊ុន ចាន់ថុល បានមានប្រសាសន៍ឲ្យដឹងថា កំពង់ផែទេសចរណ៍ និងទំនិញរាយ ដងទង់ ជាចំណែកមួយក្នុងការតភ្ជាប់ និងភាពសម្បូរបែបនៃហេដ្ឋរចនាសម្ព័ន្ធផ្លូវសមុទ្រ នៅក្នុងខេត្តតំបន់ឆ្នេរទាំង៤ នៃព្រះរាជាណាចក្រកម្ពុជា ក៏ដូចជាលើកកម្ពស់កំណើនសេដ្ឋកិច្ចប្រកបដោយបរិយាបន្ន នៅក្នុងប្រទេសជាប់សមុទ្រទាំងបី នៃមហាអនុតំបន់មេគង្គ រួមមាន កម្ពុជា ថៃ និងវៀតណាម។ ការកសាងហេដ្ឋរចនាសម្ព័ន្ធកំពង់ផែនេះ ធ្វើឡើងក្នុងគោលបំណងសម្រួលការដឹកជញ្ជូនទំនិញ អ្នកដំណើរ អ្នកទេសចរណ៍ នៅតាមតំបន់ឆ្នេរសមុទ្រ ប្រកបដោយសុវត្ថិភាព និងប្រសិទ្ធិភាព។សូមជម្រាបថា បន្ថែមពីលើកំពង់ផែ ដែលបើកឱ្យប្រើប្រាស់ជាផ្លូវការនាពេលនេះ ខេត្តកោះកុងនឹងទទួលបានសមិទ្ធផលធំៗជាចំណងដៃក្នុងវិស័យហេដ្ឋារចនាសម្ព័ន្ធដឹកជញ្ជូនជាច្រើនទៀតដូចជា ផ្លូវជាតិលេខ៤៨ មានប្រវែង ១៤៨ គីឡូម៉ែត្រ តភ្ជាប់ក្រុងខេមរភូមិន្ទ ទៅកាន់ផ្លូវជាតិលេខ៤ និងផ្លូវជាតិលេខ១០ មានប្រវែងជាង ១៩៨ គីឡូម៉ែត្រ តភ្ជាប់ខេត្តកោះកុង ទៅកាន់ខេត្តពោធិ៍សាត់ និងបន្តដល់ខេត្តបាត់ដំបង៕អត្ថបទ៖ ប្រាក់ វ៉ាន់ដា

ក្រសួងសេដ្ឋកិច្ច ដាក់ឱ្យដំណើរការប្រព័ន្ធបចុះបញ្ជីអាជីវកម្មតាមថ្នាក់បច្ចេកវិទ្យា ដំណាក់កាលទី៣

ភ្នំពេញ៖ ក្រសួងសេដ្ឋកិច្ច និងហិរញ្ញវត្ថុ ដាក់ឱ្យដំណើរការប្រព័ន្ធបចុះបញ្ជីអាជីវកម្មតាមថ្នាក់បច្ចេកវិទ្យា ដំណាក់កាលទី៣ នៅថ្ងៃទី២២ ខែមិថុនា ដោយគ្របដណ្តប់ដល់ការផ្តល់អាជ្ញាបណ្ណ វិញ្ញាបនបត្រ លិខិតអនុញ្ញាតជំនាញ និងឯកសារពាក់ព័ន្ធផ្សេងទៀត ពីក្រសួងស្ថាប័នចំនួន១២។ពិធីប្រកាសដាក់ឱ្យដាក់ឱ្យដំណើរការប្រព័ន្ធបចុះបញ្ជីអាជីវកម្មតាមថ្នាក់បច្ចេកវិទ្យា ដំណាក់កាលទី៣ ត្រូវបានរៀបចំឡើងក្រោមអធិបតិរបស់ ឯកកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ មន្រ្តីពាក់ព័ន្ធជាច្រើនរូប។ការដាក់ដំណើរការប្រព័ន្ធបចុះបញ្ជីអាជីវកម្មតាមថ្នាក់បច្ចេកវិទ្យា ដំណាក់កាលទី៣ គឺបន្ទាប់ពីប្រព័ន្ធនេះ បានដាក់ឱ្យដំណើរការប្រកបដោយជោគជ័យ ចំនួនពីរដំណាក់កាលរួចមកហើយ ចាប់តាំងពីខែមិថុនាឆ្នាំ២០២០។ដំណាក់កាលទី១ គឺជាការចុះបញ្ជីអាជីវកម្មជាខ្សែច្រវ៉ាក់ ដោយបូកបញ្ចូលការចុះបញ្ជីពាណិជ្ជកម្មនៅក្រសួងពាណិជ្ជកម្ម ការចុះបញ្ជីពន្ធដារនៅអគ្គនាយកដ្ឋានពន្ធដារ និងការផ្តល់សេចក្តីជូនដំណឹងបើកសហគ្រាសនៅក្រសួងការងារ និងបណ្តុះបណ្តាលវិជ្ជាជីវៈ។ រីឯដំណាក់កាលទី២ ត្រូវបានដាក់ឱ្យប្រើប្រាស់ជាផ្លូវការនៅថ្ងៃទី១ ខែកញ្ញា ឆ្នាំ២០២១ ដោយផ្តោតលើការផ្តល់អាជ្ញាបណ្ណ វិញ្ញាបនបត្រ លិខិតអនុញ្ញាតជំនាញ ពីក្រសួង ស្ថាប័នចំនួន៤ ដូចជា ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ក្រសួងទេសចរណ៍ និងក្រសួងប្រៃសណីយ៍ និងទូរគមនាគមន៍ និងនិយតករអាជីវកម្មអចលនទ្រព្យ និងបញ្ចាំ នៃអាជ្ញាធរសេវាហិរញ្ញវត្ថុមិនមែនធនាគារ។សូមបញ្ជាក់ថា ប្រព័ន្ធចុះបញ្ជីអាជីវកម្ម តាមថ្នាលបច្ចេកវិទ្យាព័ត៌មាន ដំណាក់កាលទី១ បានចុះបញ្ជីស្ថាពរ ដល់ក្រុមហ៊ុន ចំនួនជាង ២.៦ម៉ឺនក្រុមហ៊ុន ដែលមានទុនវិនិយោគសរុបជាង ៧.៧ពាន់លានដុល្លារ គិតត្រឹមថ្ងៃទី១៤ ខែមិថុនា ឆ្នាំ២០២៣។ដោយឡែក ប្រព័ន្ធចុះបញ្ជីអាជីវកម្ម តាមថ្នាលបច្ចេកវិទ្យាព័ត៌មាន ដំណាក់កាលទី២ ទទួលបានពាក្យស្នើសុំអនុម័ត ចំនួនជាង ៦០០ក្រុមហ៊ុន គិតត្រឹមថ្ងៃទី១៤ ខែមិថុនាឆ្នាំ២០២៣៕ អត្ថបទ៖ វណ្ណៈ

ស្ថានភាពប្រមូលពន្ធដារល្អប្រសើរ ឆ្លុះបញ្ចាំងជំនឿទុកចិត្តរបស់ធុរជនមកលើស្ថិរភាពសេដ្ឋកិច្ចកម្ពុជា

ភ្នំពេញ៖ ឯកឧត្តម គង់ វិបុល អគ្គនាយកនៃអគ្គនាយកដ្ឋានពន្ធដារ បានលើកឡើងថា ទោះបីឆ្នាំ២០២៣ ជាឆ្នាំដែលកម្ពុជា ត្រូវរៀបចំការបោះឆ្នោតក្តី ក៏ស្ថានភាពចំណូលពន្ធដារសម្រាប់រយៈពេល៥ខែ ដើមឆ្នាំ២០២៣ សម្រេចបានយ៉ាងល្អប្រសើរ ដែលការណ៍នេះ បាននិងកំពុងឆ្លុះបញ្ជាំងអំពីជំនឿចិត្តរបស់ធុរជន និងសាធារណជនមកលើស្ថិរភាពសេដ្ឋកិច្ច និងនិយោបាយរបស់កម្ពុជា។អគ្គនាយក ពន្ធដារ លើកឡើងបែបនេះ ក្នុងជំនួបជាមួយវិស័យឯកជន ធុរជន ពាណិជ្ជករ ក្នុងវេទិកាស្តីពន្ធដារ ដោយសហការរៀបចំដោយសភាពាណិជ្ជកម្មអាមេរិកនៅកម្ពុជា AmCham កាលពីថ្ងៃទី២១ខែមិថុនាកន្លងទៅ។យោងតាមសេចក្តីប្រកាសព័ត៌មាន ឯកឧត្តម គង់ វិបុល បានលើកឡើងថា សុខសន្តិភាព និងស្ថិរភាពនិយោបាយ គឺជាមូលដ្ឋានគ្រឹះដ៏សំខាន់ នៃការរក្សាបាននូវនិរន្តរភាព និងចីរភាពកំណើនចំណូលពន្ធ ទោះបីជាក្នុងរយៈពេលប៉ុន្មានឆ្នាំចុងក្រោយនេះកម្ពុជា បានឆ្លងកាត់នូវដំណាក់កាលដ៏លំបាក នៃការរាតត្បាតនៃជំងឺកូវីដ១៩ ហើយបាននិងកំពុងឆ្លងកាត់នូវហានិភ័យដែលបណ្តាលមកពីភាពមិនប្រាកដប្រជា ការប្រែប្រួលបរិបទសេដ្ឋកិច្ចសកល ដែលបង្កដោយសារការបន្តធ្លាក់ចុះនៃស្ថានភាពសេដ្ឋកិច្ចពិភពលោក ព្រមទាំងការអូសបន្លាយនៃវិបត្តិសង្រ្គាមរុស្ស៊ី-អ៊ុយក្រែន។ក្នុងវេទិកាខាងលើ អគ្គនាយក ពន្ធដារ បានផ្តាំផ្ញើដល់ធុរជនទាំងអស់ ពិសេសសមាជិក សមាជិកានៃសភាពាណិជ្ជកម្មនៅកម្ពុជា បន្តផ្តល់ទំនុកចិត្តលើរាជរដ្ឋាភិបាល ហើយសូមកុំស្ទាក់ស្ទើរក្នុងការបន្តពង្រឺកការវិនិយោគនៅកម្ពុជា។ទន្ទឹមនឹងនេះ ឯកឧត្តម គង់ វិបុល ក៏បានលើកឡើងក្នុងវេទិកា អំពីការដាក់ឱ្យប្រើប្រាស់នូវច្បាប់សារពើពន្ធថ្មី កាលពីខែឧសភា កន្លងទៅ ដែលច្បាប់នេះ នឹងឆ្លើយតបនូវកង្វល់ និងបញ្ហាប្រឈមនានា ដែលបានលើកឡើងដោយវិស័យឯកជន ដោយធាតុចូលជាច្រើនពីវិស័យឯកជន និងក្រសួង-ស្ថាប័នពាក់ព័ន្ធត្រូវបានយកមកពិនិត្យ ពិចារណា និងច្របាច់បញ្ចូលក្នុងច្បាប់ថ្មីនេះ។តំណាងសភាពាណិជ្ជកម្មអាមេរិកនៅកម្ពុជា AmCham បានចាប់អារម្មណ៍ចំពោះស្ថានភាពកាន់តែប្រសើរឡើងនៃបរិយាកាសពន្ធដារនៅកម្ពុជា ហើយទទួលស្គាល់និងអបអរសាទរចំពោះលទ្ធផលជាវិជ្ជមាននៃកំណែទម្រង់ និងទំនើបកម្មរបស់អគ្គនាយកដ្ឋានពន្ធដារ។ជាមួយនឹងការសម្រេចបានភាពល្អប្រសើរនៃការប្រមូលចំណូលពន្ធដារ ក្នុងរយៈពេល ៥ខែដើមឆ្នាំនេះ អគ្គនាយកដ្ឋានពន្ធដារ ព្យាករថាការប្រមូលចំណូលពន្ធដារ នឹងសម្រេចបានក្នុងរង្វង់១០៥ភាគរយ នៃផែនការថវិកាឆ្នាំ២០២៣នេះ៕អត្ថបទ៖ វណ្ណៈ

កាណាដា បន្តគម្រោងជួយដល់សហគ្រិនភាពស្រ្តី ដើម្បីលើកកម្ពស់ស្រ្តីក្នុងការងារ និងអាជីវកម្ម

ភ្នំពេញ៖ ប្រទេសកាណាដា បន្តគម្រោងជួយដល់សហគ្រិនភាពស្រ្តី ដើម្បីចូលរួមជាមួយរាជរដ្ឋាភិបាលកម្ពុជា ក្នុងការពង្រីកនូវកាលានុវត្តភាពសម្រាប់ស្រ្តី អាចចាប់យកឱកាសការងារសម្រាប់ជីវភាពរស់នៅ ជាពិសេសការជួយដល់សហគ្រិនស្រី្ត អាចបង្កើតនូវមុខរបរក្នុងបរិបទសេដ្ឋកិច្ច និងការអភិវឌ្ឍក្នុងអាជីវកម្ម។លោកជំទាវកត្តិបណ្ឌិត អ៊ឹង កន្ថាផាវី រដ្ឋមន្ត្រីក្រសួងកិច្ចការនារី លើកឡើងនៅក្នុងជំនួបសម្តែងការគួរសម និងពិភាក្សាការងារជាមួយ លោកជំទាវ Sarah Taylor ឯកអគ្គរដ្ឋទូតកាណាដា នៅថ្ងៃទី ២១ ខែ មិថុនា ឆ្នាំ ២០២៣ នេះថា កាណាដា បានជួយដល់សហគ្រិនភាពស្រ្តីនៅកម្ពុជា ដែលជាផ្នែកមួយចូលរួមយ៉ាងសំខាន់ ដើម្បីជំរុញសហគ្រិនស្រ្តី ពង្រីកនូវកាលានុវត្តភាពថ្មីៗ ដើម្បីអាចឲ្យស្រ្តីពង្រីកអាចខ្លួន ចាប់យកឱកាសផ្សេងៗ សម្រាប់ការងារចិញ្ចឹមជីវិត និងការបង្កើតនូវមុខរបរ អាចផ្តល់ឱកាសឲ្យពួកគាត់បង្កើនអាជីវកម្មបាន ស្របតាមបរិបទកំពុងរីកចម្រើន ជាពិសេសការពង្រីកនូវកាលានុវត្តភាពសហគ្រិនស្ត្រីក្នុងបរិបទសេដ្ឋកិច្ច និងធុរកិច្ចឌីជីថល នៃការអភិវឌ្ឍក្នុងអាជីវកម្មជាដើម។ នៅក្នុងជំនួបនេះ ភាគីទាំងពីរក៏បានជជែងពិភាក្សាគ្នាអំពីសក្តានុពល និងឱកាសផ្សេងៗនៃកិច្ចដំណើរការឆ្ពោះទៅមុខ ក្នុងនោះភាគីនៃប្រទេសទាំងពីរក៏បានឯកភាពគ្នា លើការបង្កើតឲ្យមានក្រុមបច្ចេកទេស ដើម្បីពិនិត្យនូវគោលជំហររួមដូចជា ការបន្តគម្រោងជួយដល់សហគ្រិនភាពស្រ្តី ឲ្យបានកាន់តែទូលំទូលាយ, ការរៀបចំគម្រោងប្រែប្រួលអាកាសធាតុ និងយេនឌ័រ និងការគិតគូរស្រ្តីក្នុងសន្តិសុខសន្តិភាពជាដើម ដែលជាអាទិភាពរបស់កាណាដា មកលើតំបន់អាស៊ី។សូមបញ្ជាក់ថា ជុំវិញសហគ្រិនស្រ្តីវិញ, ក្រសួងកិច្ចការនារីគ្រោងរៀបចំឲ្យមានមជ្ឈមណ្ឌលសហគ្រិនស្រ្តី ដើម្បីជំរុញសហគ្រិនស្រ្តីក្នុងសហគ្រាសធុនតូច និងមធ្យម បានសិក្សារៀនសូត្របន្ថែម ការស្វែងយល់បទពិសោធន៍ និងការជួយដល់សហគ្រិនស្រី្តថ្មីអាចបង្កើតនូវមុខរបរ ដើម្បីពង្រីកកាលានុវត្តភាពសហគ្រិនស្ត្រីក្នុងបរិបទសេដ្ឋកិច្ច និងធុរកិច្ចឌីជីថល នៃការអភិវឌ្ឍក្នុងអាជីវកម្ម៕អត្ថបទ៖ សុន រ៉ាឌី

៥ខែឆ្នាំ២០២៣ កម្ពុជាទទួលទេសចរអន្តរជាតិមកទស្សនាជាង ២លាននាក់

ភ្នំពេញ៖ នៅក្នុងសន្និបាតបូកសរុបការងារទេសចរណ៍ ផែនការស្តារ និងលើកស្ទួយវិស័យទេសចរណ៍ក្នុង និងក្រោយវិបត្តិជំងឺកូវីដ១៩ ថ្ងៃទី២១ ខែមិថុនា ឆ្នាំ២០២៣នេះ នៅសណ្ឋាគារសុខាភ្នំពេញ ឯកឧត្តម ថោង ខុន រដ្ឋមន្ត្រីក្រសួងទេសចរណ៍ ថ្លែងថា ក្នុងរយៈពេល៥ខែឆ្នាំ២០២៣នេះ កម្ពុជាទទួលភ្ញៀវទេសចរអន្តរជាតិមកទស្សនាមានប្រមាណ ២លាន១៦ម៉ឺននាក់ ហើយរំពឹងថា ដំណាច់ឆ្នាំ២០២៣ នឹងកើនដល់៤លាន៥សែននាក់។ឯកឧត្តម រដ្ឋមន្ត្រី ថោង ខុន ថ្លែងថា ក្នុងរយៈពេល ៥ខែដើមឆ្នាំ២០២៣នេះ មានភ្ញៀវទេសចរអន្តរជាតិ មកទស្សនាកម្ពុជា មានប្រមាណជាង ២,១៦លាននាក់ បានមកទស្សនាកម្ពុជា ក្នុងអត្រាកំណើន ៥៣០% ធៀបរយៈពេលដូចគ្នាឆ្នាំ២០២២ និងភ្ញៀវទេសចរជាតិ ប្រមាណ១០លាននាក់ កើនឡើង ៧៦,៤% ធៀបរយៈពេលដូចគ្នាឆ្នាំ២០២២ ហើយពេញមួយ ឆ្នាំ២០២៣នេះ រំពឹងថានឹងទទួលទេសចរអន្តរជាតិប្រមាណ ៤,៥លាននាក់ និងទេសចរក្នុងស្រុកប្រមាណ ១៦លាននាក់ ដែលប្រហាក់ប្រហែលនឹងការព្យាករនៅក្នុងផែនទីចង្អុលផ្លូវ។ឯកឧត្តម បន្តថា ឈរលើមូលដ្ឋានភាពជាវិជ្ជមានទាំងនេះ កម្ពុជាមានសុទិដ្ឋិនិយមថា នឹងទទួលបានភ្ញៀវទេសចរអន្តរជាតិប្រមាណ ៧លាននាក់ នៅក្នុងឆ្នាំ២០២៥ ឬ២០២៦ ហើយនឹងអាចរួមចំណែកជំរុញសេដ្ឋកិច្ចងើបឡើងវិញបានល្អប្រសើរផងដែរ។ឯកឧត្តមរដ្ឋមន្ត្រី ថោង ខុន បន្តថា ដោយសារមានការដឹកនាំដ៏ឆ្លាតវាងវៃរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា លើការងារប្រយុទ្ធប្រឆាំងការរាតត្បាតកូវីដ១៩ បានធ្វើឲ្យស្ថានការណ៍ជំងឺកូវីដ១៩ បានធូរស្រាល នឹងបានជំរុញចលនាទេសចរក្នុងស្រុកត្រឡប់មករកភាពដើមវិញ ហើយទេសចរអន្តរជាតិក៏កំពុងមានកំណើនជាបន្តបន្ទាប់ផងដែរ និងបានជំរុញអាជីវកម្មក្នុងវិស័យទេសចរណ៍មានកំណើនឡើងវិញ។ឯកឧត្តម បន្តថា វិបត្តិកូវីដ១៩ជាង២ឆ្នាំកន្លងមក រាជជរដ្ឋាភិបាលកម្ពុជា ក៏បានយកវិបត្តិនេះធ្វើជាឱកាសខិតខំកសាង និងស្តារសំណង់ហិត្ថារចនាសម្ព័ន្ធានានាជាច្រើនបម្រើឲ្យការងារវិស័យទេសចរណ៍ ជាពិសេសការខិតខំ ស្ថាបនាផ្លូវ ៣៨ ខ្សែ នៅខេត្តសៀមរាប ដែលបានសម្រួលដល់ការធ្វើដំណើររបស់ភ្ញៀវទេសចរជាតិ និងអន្តរជាតិ និងការកសាងហេដ្ឋារចនាសម្ព័ន្ធផ្លូវ ៣៤ ខ្សែ នៅខេត្តព្រះសីហនុ ផ្លូវល្បឿនលឿនភ្នំពេញ-ក្រុងព្រះសីហនុ ដែលបានកែប្រែមុខមាត់ថ្មី បង្កើនភាពទាក់ទាញគោលដៅទេសចរណ៍ចម្បងរបស់កម្ពុជា៕ អត្ថបទ ស៊ុម សុខជា

ចំណតផែរណបចំនួនពីរ នឹងរួមចំណែកសម្រួលការដឹកជញ្ជូនកាន់តែប្រសើរនៅកំពង់ផែស្វយ័តភ្នំពេញ

ភ្នំពេញ៖ ចំណតផែរណបពហុបំណងថ្មីចំនួនពីរ របស់កំពង់ផែស្វយ័តភ្នំពេញ និងផ្តល់ឱកាសដល់អ្នកដឹកជញ្ជូន អាចដឹកជញ្ជូនពីតំបន់ ដែលមានសក្តានុពល ដឹកត្រង់ទៅកាន់កំពង់ផែស្វយ័តភ្នំពេញ ដោយកាត់បន្ថយថ្លៃដឹកជញ្ជូនទាបជាងមុន និងផ្តល់សេវាកម្មដឹកជញ្ជូនកាន់តែប្រសើរ ជាពិសេសអាចបញ្ចេញទំនិញបានលឿន។ឯកឧត្តម ហ៊ឺ បាវី ប្រតិភូរាជរដ្ឋាភិបាលកម្ពុជា ទទួលបន្ទុកអគ្គនាយកកំពង់ផែស្វយ័តភ្នំពេញ លើកឡើងនៅក្នុងពិធីសម្ពោធ ដាក់ឱ្យប្រើប្រាស់សាកល្បង នូវចំណតផែចំនួនពីរទីតាំង គឺចំណតផែរណបពហុបំណង UM2 ស្ថិតនៅឃុំទន្លេបិទ ខេត្តត្បូងឃ្មុំ និង ចំណតផែរណបពហុបំណង LM26 ស្ថិតនៅឃុំកោះរកា ស្រុកពាមជរ ខេត្តព្រៃវែង នៅថ្ងៃទី ១៩ ខែ មិថុនា ឆ្នាំ២០២៣ នេះថា ចំណតផែរណបពហុបំណងថ្មីចំនួនពីរនេះ នឹងផ្តល់ឱកាសឱ្យបងប្អូនអាចមកទទួលធ្វើការដឹកជញ្ជូនទំនិញពីតំបន់ដែលមានសក្តានុពលដូចជា លើផ្នែកកសិកម្ម និងឧស្សាហកម្មជាដើម ដោយការដឹកជញ្ជូននេះ គឺអាចដឹកជញ្ជូនត្រង់មកកាន់កំពង់ផែស្វយ័តភ្នំពេញ ចំណតផែកុងតេន័រថ្មី LM17 ដោយមិនចាំបាច់ធ្វើការលើកដាក់ម្តងទៀតនោះឡើយ, ជាពិសេសអាចបន្តការដឹកជញ្ជូនទៅប្រទេសវៀតណាម ដែលជាកំពង់ផែឆ្លងកាត់ នឹងទៅកំពង់ផែទិសដៅផ្សេងៗទៀតបានយ៉ាងងាយស្រួល។ កំពង់ផែនេះដែរ គឺមានបំណង ធ្វើយ៉ាងណាផ្តល់សេវាកម្មដឹកជញ្ជូនឱ្យមានប្រសិទ្ធភាព មានន័យថា ជាការដឹកជញ្ជូនត្រង់ ហើយផ្តល់ឱកាសឲ្យអ្នកប្រើប្រាស់អាចបញ្ចេញទំនិញបានលឿន និងអាចកាត់បន្ថយថ្លៃដឹកជញ្ជូនជាដើម។ឯកឧត្តម បានគូសបញ្ជាក់បន្ថែមថា ជុំវិញការដឹកជញ្ជូននេះ ទោះបីមានការលើកទំនិញពីរដង សម្រាប់យកទៅស្កេននៅកំពង់ផែ ស្វយ័តភ្នំពេញ ចំណតផែកុងតឹន័រថ្មី LM17 ក៏មិនមានគិតថ្លៃសេវាបន្ថែមនោះដែរ ដែលជួយដល់អ្នកដឹកជញ្ជូន ដល់ម្ចាស់ចម្ការ សម្រួលដល់អ្នកនាំចេញ និងកសិករ ។សូមបញ្ជាក់ថា គម្រោងនៃការដាក់ឱ្យប្រើប្រាស់ជាផ្លូវការនេះរួមមាន គឺជាការជំរុញការដឹកជញ្ជូនទៅកាន់អន្តរជាតិ តាមផ្លូវទឹក ដោយប្រើប្រាស់ទន្លេមេគង្គ និងទន្លេសាប ។ គម្រោងនេះ មានគោលបំណងសម្របសម្រួលការដឹកជញ្ជូនប្រកបដោយប្រសិទ្ធភាព នៅជុំវិញទីក្រុង ភ្នំពេញ ដែលអាចកាត់បន្ថយថ្លៃដឹកជញ្ជូនទាបជាងមុន និងផ្តល់សេវាកម្មដឹកជញ្ជូនល្អប្រសើរ, រួមទាំងផ្តល់នូវកន្លែងលើកដាក់ទំនិញ និងការរក្សាទុកប្រកបដោយសុវត្ថិភាព សម្រាប់ការស្តុកទុកទំនិញគ្រោះថ្នាក់ នៅក្នុងតំបន់កំពង់ផែ ដោយអនុលោមតាមកិច្ចព្រមព្រៀង ក្នុងចំណោមបណ្តាប្រទេសអាស៊ាន៕អត្ថបទ៖ សុន រ៉ាឌី

ក្រុងអរិយក្សត្រ អាចនឹងក្លាយជាទីក្រុងរណបថ្មីមួយរបស់កម្ពុជា បន្ទាប់ពីសាងសង់ស្ពានរួច

កណ្ដាល៖ ក្រុងអរិយក្សត្រ អាចនឹងក្លាយជាទីក្រុងរណបថ្មីមួយរបស់កម្ពុជា ហើយជីវភាពរស់នៅរបស់ប្រជាពលរដ្ឋនៅទីនោះ នឹងកាន់តែរីកចម្រើនខ្លាំង មិនចាញ់អ្នករស់នៅរាជធានីភ្នំពេញនោះឡើយ ខណៈគម្រោងហេដ្ឋារចនាសម្ព័ន្ធសារៈសំខាន់ៗ ជាពិសេសបន្ទាប់ពីស្ពានមិត្តភាពកម្ពុជា-សាធារណរដ្ឋកូរ៉េ សាងសង់រួច។ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្តី, រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកណ្តាល ថ្លែងលើកឡើងក្នុងពិធីសម្ពោធដាក់ឱ្យប្រើប្រាស់ជាផ្លូវការ នូវសមិទ្ធផលនានា ក្នុងវត្តស្វាយជ្រំ និងក្នុងសង្កាត់ស្វាយជំ, ក្រុងអរិយក្សត្រ ខេត្តកណ្តាល នៅថ្ងៃទី២០ខែមិថុនាឆ្នាំ២០២៣នេះថា នាអនាគតដ៏ខ្លី, យើងនឹងមានស្ពានមិត្តភាពកម្ពុជា-សាធារណរដ្ឋកូរ៉េ (ផ្សារចាស់-ជ្រោយចង្វារ; ជ្រោយចង្វារ-អរិយក្សត្រ), ជាជំនួយសម្បទានពីសាធារណរដ្ឋកូរ៉េ, ដោយគម្រោងនេះ បានចុះហត្ថលេខាលើកិច្ចព្រមព្រៀងជាមួយភាគីកូរ៉េ កាលពីថ្ងៃទី ៩ ខែធ្នូ ឆ្នាំ ២០២២ កន្លងមក។ គម្រោងហេដ្ឋារចនាសម្ព័ន្ធដ៏មានសារៈសំខាន់នេះ នឹងមិនត្រឹមតែជួយលើកសម្រស់ និងទាក់ទាញទេសចរនៅក្នុងរាជធានីភ្នំពេញ និងក្រុងអរិយក្សត្ររបស់យើងប៉ុណ្ណោះទេ, ប៉ុន្តែថែមទាំងនឹងក្លាយជានិមិត្តរូបដ៏លេចធ្លោមួយរបស់ព្រះរាជាណាចក្រកម្ពុជា ក្នុងសម័យតេជោសន្តិភាពផងដែរ ។ ជុំវិញការអភិវឌ្ឍនេះ, ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ស្នើឱ្យរដ្ឋបាលខេត្ត, រដ្ឋបាលក្រុង/ស្រុកទាំងអស់ បន្តខិតខំបង្កបរិយាកាសកាន់តែប្រសើរ ដល់ការប្រកបអាជីវកម្មគ្រប់ប្រភេទ ក៏ដូចជាបន្តខិតខំកៀរគរ និងលើកទឹកចិត្តដល់ការវិនិយោគ និងការអភិវឌ្ឍសហគ្រាសធុនតូច និងមធ្យមនៅក្នុងខេត្ត និងក្នុងក្រុងអរិយក្សត្រផ្ទាល់ ដើម្បីបង្កើតឱកាសការងារជូនដល់យុវជន និងលើកកម្ពស់ជីវភាពរស់នៅរបស់ប្រជាពលរដ្ឋនៅក្នុងមូលដ្ឋាន ឱ្យបានកាន់តែប្រសើរឡើងបន្ថែមទៀត។ឯកឧត្តមអគ្គបណ្ឌិតសភាចារ្យ បានបញ្ជាក់ច្បាស់ៗថា រាជរដ្ឋាភិបាលនៅតែចាត់ទុកការអភិវឌ្ឍវិស័យហេដ្ឋារចនាសម្ព័ន្ធរូបវន្ត ជាអាទិភាពខ្ពស់ ដែលប្រៀបបានទៅនឹងក្បាលរទេះភ្លើងអូសកំណើនសេដ្ឋកិច្ច ហើយក៏ជាមធ្យោបាយដ៏មានប្រសិទ្ធភាពខ្ពស់ សម្រាប់កាត់បន្ថយភាពក្រីក្រជូនប្រជាជន ពីព្រោះហេដ្ឋារចនាសម្ព័ន្ធ ផ្លូវ-ស្ពាន គឺជាសរសៃឈាមមេ នៃសរីរាង្គសេដ្ឋកិច្ចរបស់ប្រទេស និងជាមធ្យោបាយបែងចែកកំណើនសេដ្ឋកិច្ចដោយសមធម៌ ជូនដល់ប្រជាពលរដ្ឋគ្រប់រូប ស្របតាមទិសស្លោករបស់សម្តេចតេជោនាយ ករដ្ឋមន្ត្រី ដែលសម្តេចតែងតែលើកឡើងជារើយៗថា «មានផ្លូវ និងស្ពាន, គឺមានក្តីសង្ឃឹម និងមានការអភិវឌ្ឍលើគ្រប់វិស័យ» ៕អត្ថបទ៖ សុន រ៉ាឌី

នាយកប្រតិបត្តិក្រុមហ៊ុនតេស្លាលោក Musk ជួបជាមួយនាយករដ្ឋមន្ត្រីឥណ្ឌាលោក Modi នៅទីក្រុងញូវយ៉ក

អាមេរិក៖ នាយកប្រតិបត្តិរបស់ក្រុមហ៊ុនផលិតរថយន្ត តេស្លា លោក Elon Musk បាននិយាយថា នាយករដ្ឋមន្ត្រីឥណ្ឌាលោក Narendra Modi កំពុងជំរុញក្រុមហ៊ុនផលិតរថយន្តឱ្យធ្វើ "ការវិនិយោគដ៏ធំ" នៅក្នុងប្រទេសឥណ្ឌា នេះជាការអត្ថាធិប្បាយមួយដែលបានធ្វើឡើងបន្ទាប់ពីភាគីទាំងពីរបានជួបគ្នាកាលពីថ្ងៃអង្គារ (២០ មិថុនា) នៅទីក្រុងញូវយ៉ក សហរដ្ឋអាមេរិក។មេដឹកនាំឥណ្ឌាកំពុងបំពេញទស្សនកិច្ចផ្លូវរដ្ឋនៅសហរដ្ឋអាមេរិកដើម្បីជំរុញទំនាក់ទំនងរវាងប្រទេសទាំងពីរ។ការិយាល័យនាយករដ្ឋមន្ត្រីឥណ្ឌាបាននិយាយនៅក្នុងបណ្ដាញសង្គម Tweeter ថា "ការពិភាក្សាបានផ្តោតសំខាន់ជុំវិញប្រធានបទការអនុវត្តកំណែទម្រង់សេដ្ឋកិច្ចក្នុងគោលបំណងធ្វើឱ្យប្រសើរឡើងនូវបរិយាកាសធុរកិច្ច និងលើកកម្ពស់ការរំពឹងទុកនៃការវិនិយោគនៅក្នុងប្រទេសឥណ្ឌា" ។ក្រុមនាយកប្រតិបត្តិរបស់ក្រុមហ៊ុនតេស្លា បានទៅទស្សនកិច្ចនៅប្រទេសឥណ្ឌា ហើយបានពិភាក្សាជាមួយក្រុមការងារផ្នែកការិយាល័យធិបតេយ្យ និងរដ្ឋមន្ត្រីឥណ្ឌាកាលពីខែមុនស្តីពីការបង្កើតមូលដ្ឋានផលិតកម្មសម្រាប់រថយន្ត និងកន្លែងសាកថ្មរថយន្តអគ្គិសនីនៅក្នុងប្រទេសឥណ្ឌា៕

ក្រសួងសេដ្ឋកិច្ច គ្រោងដាក់ឱ្យដំណើរការប្រព័ន្ធចុះបញ្ជីអាជីវកម្មតាមថ្នាក់បច្ចេកវិទ្យា ដំណាក់កាលទី៣

ភ្នំពេញ៖ ក្រសួងសេដ្ឋកិច្ច និងហិរញ្ញវត្ថុ គ្រោងដាក់ឱ្យដំណើរការប្រព័ន្ធបចុះបញ្ជីអាជីវកម្មតាមថ្នាក់បច្ចេកវិទ្យា ដំណាក់កាលទី៣ នៅថ្ងៃទី២២ ខែមិថុនា ដោយគ្របដណ្តប់ដល់ការផ្តល់អាជ្ញាបណ្ណ វិញ្ញាបនបត្រ លិខិតអនុញ្ញាតជំនាញ និងឯកសារពាក់ព័ន្ធផ្សេងទៀត ពីក្រសួងស្ថាប័នចំនួន១២។ការដាក់ដំណើរការប្រព័ន្ធបចុះបញ្ជីអាជីវកម្មតាមថ្នាក់បច្ចេកវិទ្យា ដំណាក់កាលទី៣ គឺបន្ទាប់ពីប្រព័ន្ធនេះ បានដាក់ឱ្យដំណើរការប្រកបដោយជោគជ័យ ចំនួនពីរដំណាក់កាលរួចមកហើយ ចាប់តាំងពីខែមិថុនាឆ្នាំ២០២០។ក្នុងសេចក្តីប្រកាសព័ត៌មាន ក្រសួងសេដ្ឋកិច្ច និងហិរញ្ញវត្ថុ បានលើកឡើងថា ប្រព័ន្ធចុះបញ្ជីអាជីវកម្មតាមថ្នាលបច្ចេកវិទ្យាព័ត៌មាន ត្រូវបានអភិវឌ្ឍន៍ឡើងក្នុងគោលបំណងលើស្ទួយបរិយាកាសធុរកិច្ច និងទាក់ទាញធុរជនបរទេសមកវិនិយោគនៅកម្ពុជា។ដំណាក់កាលទី១ គឺជាការចុះបញ្ជីអាជីវកម្មជាខ្សែច្រវ៉ាក់ ដោយបូកបញ្ចូលការចុះបញ្ជីពាណិជ្ជកម្មនៅក្រសួងពាណិជ្ជកម្ម ការចុះបញ្ជីពន្ធដារនៅអគ្គនាយកដ្ឋានពន្ធដារ និងការផ្តល់សេចក្តីជូនដំណឹងបើកសហគ្រាសនៅក្រសួងការងារ និងបណ្តុះបណ្តាលវិជ្ជាជីវៈ។ រីឯដំណាក់កាលទីពីរ ត្រូវបានដាក់ឱ្យប្រើប្រាស់ជាផ្លូវការនៅថ្ងៃទី១ ខែកញ្ញា ឆ្នាំ២០២១ ដោយផ្តោតលើការផ្តល់អាជ្ញាបណ្ណ វិញ្ញាបនបត្រ លិខិតអនុញ្ញាតជំនាញ ពីក្រសួង ស្ថាប័នចំនួន៤ ដូចជា ក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ ក្រសួងទេសចរណ៍ និងក្រសួងប្រៃសណីយ៍ និងទូរគមនាគមន៍ និងនិយតករអាជីវកម្មអចលនទ្រព្យ និងបញ្ចាំ នៃអាជ្ញាធរសេវាហិរញ្ញវត្ថុមិនមែនធនាគារ។ សូមបញ្ជាក់ថា ប្រព័ន្ធចុះបញ្ជីអាជីវកម្ម តាមថ្នាលបច្ចេកវិទ្យាព័ត៌មាន ដំណាក់កាលទី១ បានចុះបញ្ជីស្ថាពរ ដល់ក្រុមហ៊ុន ចំនួនជាង ២.៦ម៉ឺនក្រុមហ៊ុន ដែលមានទុនវិនិយោគសរុបជាង ៧.៧ពាន់លានដុល្លារ គិតត្រឹមថ្ងៃទី១៤ ខែមិថុនា ឆ្នាំ២០២៣។ដោយឡែក ប្រព័ន្ធចុះបញ្ជីអាជីវកម្ម តាមថ្នាលបច្ចេកវិទ្យាព័ត៌មាន ដំណាក់កាលទី២ ទទួលបានពាក្យស្នើសុំអនុម័ត ចំនួនជាង ៦០០ក្រុមហ៊ុន គិតត្រឹមថ្ងៃទី១៤ ខែមិថុនាឆ្នាំ២០២៣៕ អត្ថបទ វណ្ណៈ

ក្រុមហ៊ុនផលិតចំណីអាហារអូស្ត្រាលី ចង់នាំចេញផ្លែឈើពីប្រទេសកម្ពុជា

ភ្នំពេញ៖ ក្រុមហ៊ុន SPC Global ដែលជាអាជីវកម្មកសិឧស្សាហកម្មដ៏ល្បីល្បាញរបស់អូស្ត្រាលី បានធ្វើទស្សនកិច្ចស្វែងយល់ពីសក្តានុពលសក្តានុពលកសិផល ជាពិសេសផ្លែឈើ ដោយបានបង្ហាញផែនការចង់នាំចេញផ្លែឈើពីប្រទេសកម្ពុជា ទៅកាន់ប្រទេសអូស្រ្តាលី។ក្រោមការសម្របសម្រួលរបស់ស្ថានទូតអូស្រ្តាលីប្រចាំនៅកម្ពុជា ក្រុមហ៊ុន បានមកធ្វើទស្សនកិច្ចនៅខេត្តកំពង់ស្ពឺ និងរាជធានីភ្នំពេញ ចាប់ពីថ្ងៃទី ១៤-១៦ ខែមិថុនា ដើម្បីស្វែងយល់ពីការវិនិយោគ និងសក្តានុពលពាណិជ្ជកម្មនៅកម្ពុជា។ក្នុងដំណើរទស្សនកិច្ចរយៈពេលពីរថ្ងៃកន្លះនេះ ក្រុមហ៊ុន SPC Global បានធ្វើដំណើរទៅទស្សនកិច្ចនៅ រោងចក្រផលិតកម្មចំណីអាហារគីរីរម្យ នៅក្នុងខេត្តកំពង់ស្ពឺ និងក្រុមហ៊ុនលីលី នៅក្នុងរាជធានីភ្នំពេញ។ តំណាងក្រុមហ៊ុន SPC Global ទាំងពីរអ្នកនេះ ក៏បានជួបជាមួយម្ចាស់អាជីវកម្មកសិឧស្សាហកម្មធំៗ ចំនួនបួនផងដែរ ដែលមាន ក្រុមហ៊ុន Navita Food Production ក្រុមហ៊ុន Misota Food Cambodia ក្រុមហ៊ុន SHE Agrocam និង ក្រុមហ៊ុន Royal Trust។ លោក Rifai បានមានប្រសាសន៍ថា កម្ពុជាជាប្រទេសដ៏ល្អមួយសម្រាប់ ក្នុងការស្វែងរកឱកាសថ្មីៗផ្នែកកសិកម្ម ជាពិសេសបន្លែ និងផ្លែឈើ ដែលមិនមានការដាំដុះ ឬបច្ចុប្បន្ននេះមិនមានវត្តមាននៅក្នុងប្រទេសអូស្ត្រាលី។ លោកបន្តថា៖ "វិស័យកសិ-ចំណីអាហារ គឺជាវិស័យផ្តោតសំខាន់មួយរបស់កម្ពុជា ហើយអូស្ត្រាលីក៏កំពុងគាំទ្រការអភិវឌ្ឍរបស់កម្ពុជាលើវិស័យនេះដែរ។ យើងសូមអរគុណចំពោះ កម្មវិធី CAPRED ដែលបានណែនាំឱកាសនេះមកកាន់ក្រុមហ៊ុនរបស់យើង ហើយយើងកំពុងបន្តការពិភាក្សាជាមួយនឹងក្រុមហ៊ុនមួយចំនួនដែលយើងបានជួប”។ ក្រុមហ៊ុន SPC Global ដែលមានមូលដ្ឋាននៅទីក្រុងវីកតូរៀ ប្រទេសអូស្ត្រាលី មានបទពិសោធន៍ជាងមួយសតវត្សហើយ ក្នុងការកែច្នៃ និងវេចខ្ចប់ផលិតផលផ្លែឈើ និងបន្លែ។ ក្រុមហ៊ុននេះ ទិញផលិតផលមួយចំនួនពីបណ្តាប្រទេសនៅក្នុងតំបន់អាស៊ី ហើយក៏ចាប់អារម្មណ៍ចង់ពង្រីកការ វិនិយោគរបស់ខ្លួនដោយការនាំចេញពីកម្ពុជា នូវផលិតផលដូចជា ស្វាយ សាវម៉ាវ មៀន និងស្រកានាគ។ ក្នុងអំឡុងពេលទស្សនកិច្ចនៅកម្ពុជា តំណាងក្រុមហ៊ុន SPC Global ក៏មានឱកាសជួបជាមួយមន្ត្រីសំខាន់ៗ មកពី ក្រសួងកសិកម្ម រុក្ខាប្រមាញ់ និង នេសាទ ក្រសួងសេដ្ឋកិច្ច និងហិរញ្ញវត្ថុ ក្រសួងពាណិជ្ជកម្ម សភាពាណិជ្ជកម្មកម្ពុជា និងទីភ្នាក់ងារវិនិយោគនៃក្រុមប្រឹក្សាអភិវឌ្ឍន៍កម្ពុជា ផងដែរ។ ប្រទេសកម្ពុជាមានសមត្ថភាពខ្ពស់លើកសិផលដែលមានតម្លៃខ្ពស់ រួមមាន ស្វាយ ចេក ស្វាយចន្ទី ដំឡូងជ្វា ល្ង ម្ទេស និងម្រេចកំពត ដ៏ល្បីល្បាញលើពិភពលោក៕ អត្ថបទ៖ វណ្ណៈ

បណ្ដាញសង្គម

ព័ត៌មានថ្មីៗ

ឯកឧត្តម ឌិត ទីណា បន្តជួបមន្ត្រីកសិកម្មឃុំ-សង្កាត់ ដេីម្បីផ្សព្វផ្សាយគោលនយោបាយអាទិភាព "មានហូប មានប្រេី មានបាន និងមានរហូត"

កងកម្លាំងរុស្ស៊ី បានប្រមូលផ្ដុំទាហាន ១១ម៉ឺននាក់ នៅជិតទីក្រុងយុទ្ធសាស្ត្ររបស់អ៊ុយក្រែន

មនុស្សជាច្រើននាក់ ស្លាប់និងរបួស ក្នុងហេតុការណ៍រត់ជាន់គ្នា ក្នុងពិធីបុណ្យសាសនានៅឥណ្ឌា

បាតុករសម្រុកតវ៉ានៅទីក្រុង Venice របស់អ៊ីតាលី ក្នុងពិធីមង្គលការរបស់ស្ថាបនិកក្រុមហ៊ុន Amazon

UN៖ ជនជាតិអាហ្វហ្គានីស្ថានយ៉ាងតិច ១,២លាននាក់ ត្រូវបង្ខំឱ្យចាកចេញពីអ៊ីរ៉ង់ និងប៉ាគីស្ថាន នៅឆ្នាំនេះ

មនុស្សជាង ២០នាក់ស្លាប់ និងជាច្រើននាក់បន្តបាត់ខ្លួន ក្នុងបំណាក់ដីនៅប្រទេសកូឡុំប៊ី

ឯកឧត្តម ប៉េង ពោធិ៍នា៖ «យើងត្រូវរួបរួមគ្នាជាធ្លុងមួយទប់ស្កាត់ និងបំផ្លាញមហិច្ឆតានយោបាយរបស់ក្រុមជ្រុលនិយមមួយក្តាប់តូច ដែលតែងតែបញ្ឆេះកំហឹងជាតិសាសន៍»

ឯកឧត្តម ហេង សួរ ឯកភាពជាមួយវិទ្យាស្ថាន CDRI ដើម្បីសិក្សាស្រាវជ្រាវពីវឌ្ឍនភាពតម្រូវការជំនាញនៅលើទីផ្សារ

លោក Trump៖ បទឈប់បាញ់នៅតំបន់ហ្កាហ្សា អាចកើតឡើងក្នុងពេលត្រឹមតែមួយសប្តាហ៍

លោក Trump និយាយថា លោកនឹង "ដោះស្រាយជម្លោះជាមួយកូរ៉េខាងជើង" ឱ្យបាន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877