BTV NEWS

សហគមន៍កសិកម្មទំនើបនឹងកើនឡើងដល់៦០ នៅចុងឆ្នាំ២០២៦ ខណៈបច្ចុប្បន្នមានចំនួន៣៨

ឆមាសទីមួយឆ្នាំនេះ គយប្រមូលចំណូលជូនជាតិបានចំនួនជាង ៦ពាន់ប៊ីលានរៀល មានការកើនឡើង ៤,៥ភាគរយ

គិតត្រឹមខែមិថុនាឆ្នាំនេះ ជប៉ុនបានផ្តល់ហិរញ្ញប្បទានជាង ៣,៥ ពាន់លានដុល្លារអនុវត្តគម្រោងនានានៅកម្ពុជា

កម្ពុជាទទួលបានគម្រោងវិនិយោគ ២៧៦ ទំហំទុនវិនិយោគ ៤,៧ប៊ីលានដុល្លារក្នុងឆមាសទី១ឆ្នាំនេះ

សេដ្ឋកិច្ច និង កសិកម្ម

រាជរដ្ឋាភិបាលនឹងបោះផ្សាយលក់មូលបត្ររដ្ឋ មានទំហំទឹកប្រាក់ ៤៤០ ប៊ីលានរៀលក្នុងឆ្នាំនេះ

រាជរដ្ឋាភិបាលនៅក្នុងឆ្នាំ២០២៤នេះនឹងបោះផ្សាយលក់មូលបត្ររដ្ឋ ក្នុងទំហំទឹកប្រាក់ ៤៤០ ប៊ីលានរៀល សមមូលនឹងប្រមាណ ១០៨ លានដុល្លារអាមេរិក ដើម្បីផ្តល់ចំណូលដោយត្រង់មករាជរដ្ឋាភិបាល ក្នុងគោលដៅធានាដល់ការវិនិយោគ និងចីរភាព នៃការគ្រប់ គ្រងបំណុល និងថវិកាជាតិ។ក្រសួងសេដ្ឋកិច្ច និងហិរញ្ញវត្ថុ បានចេញសេចក្តីជូនដំណឹង ពីផែនការបោះផ្សាយលក់មូលបត្ររដ្ឋឆ្នាំ២០២៤ ដល់គ្រឹះស្ថាន ធនាគារ និងហិរញ្ញវត្ថុ និងគ្រឹះស្ថានមិនមែនធនាគារ និងហិរញ្ញវត្ថុ, អនុលោមតាមច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ ២០២៤ និងក្របខ័ណ្ឌគោលនយោបាយស្តីពីការអភិវឌ្ឍមូលបត្ររដ្ឋ ២០២៣-២០២៨ របស់រាជរដ្ឋាភិបាល, សម្រាប់ឆ្នាំ ២០២៤ នេះ ក្រសួងសេដ្ឋកិច្ច និងហិរញ្ញវត្ថុ នឹងធ្វើការបោះផ្សាយលក់មូលបត្ររដ្ឋ តាមរយៈការដេញថ្លៃនៅលើផ្លែតហ្វម របស់ធនាគារជាតិនៃកម្ពុជា ក្នុង ទំហំទឹកប្រាក់ ៤៤០ ប៊ីលានរៀន។ជុំវិញព័ត៌មាននៃការបោះផ្សាយលក់មូលបត្រ បានកំណត់ដូចជា៖ តម្លៃចារឹកក្នុងមួយប័ណ្ណ ១ លានរៀល, ប្រភេទមូលបត្រឥណ ប្រតិទានមានរយៈពេល ១ឆ្នាំ បោះផ្សាយចំនួន ២ដង គ្រោងបោះផ្សាយក្នុងទំហំសរុប ២៨០ ប៊ីលានរៀន, ឥណប្រតិទាន ២ឆ្នាំ ចំនួន ៤០០ ប៊ីលានរៀន, ឥណប្រតិទាន ៣ឆ្នាំ ១៨០ ប៊ីលានរៀន, និង ៥ឆ្នាំ ១០ឆ្នាំ ១៥ឆ្នាំ គ្រោងបោះផ្សាយក្នុងទំហំសរុប ៦០ប៊ីលាន រៀលស្មើរៗគ្នា ជាប្រភេទអត្រាគូប៉ុង ថេរ, ការទូទាត់គូប៉ុង រៀងរាល់ ៦ ខែ ដោយចាប់គិតពីថ្ងៃបោះផ្សាយ។សូមបញ្ជាក់ថា ចំពោះគម្រោងធ្វើការបោះផ្សាយមូលបត្ររដ្ឋក្នុងឆ្នាំ ២០២៤នេះ គឺសម្រាប់សងប្រាក់ដើម និងការប្រាក់មូលបត្ររដ្ឋ ដែលបានបោះផ្សាយនាឆ្នាំកន្លងមក និងដើម្បីធ្វើហិរញ្ញប្បទាន លើគម្រោងវិនិយោគ ដែលអាចផ្តល់ចំណូលដោយត្រង់មករាជរដ្ឋាភិបាល និងផ្តល់ផលរហ័ស ដើម្បីធានាប្រសិទ្ធភាពនៃការវិនិយោគ និងចីរភាពនៃការគ្រប់គ្រងបំណុលសាធារណៈ និងថវិកាជាតិ។ ស្របពេលខាងលើនេះ, រាជរដ្ឋាភិបាលកំណត់ទំហំនៃការខ្ចីប្រាក់ពីដៃគូអភិវឌ្ឍ សម្រាប់ឆ្នាំ២០២៤ ក្នុងកម្រិត ១៧០០លានអេសដេអ៊ែ គឺរក្សាពិតានដូចក្នុងឆ្នាំ ២០២៣ ដោយផ្អែកលើទិដ្ឋភាពរួមមាន៖ ទំហំនៃតម្រូវការវិនិយោគសាធារណៈ ដែលកម្ពុជាមានភាពចាំបាច់ ក្នុងការកៀរគរធនធានបន្ថែមឱ្យបានច្រើន ដើម្បីបំពេញតម្រូវការសម្រាប់ជំរុញកំណើនសេដ្ឋកិច្ចឡើងវិញ, កម្មវិធី និងគម្រោងអភិវឌ្ឍន៍ ដែលនឹងចុះកិច្ចព្រមព្រៀងឥណទានសម្បទានក្នុងឆ្នាំ ២០២៤ ក្នុងវិស័យអាទិភាព ដែលមានចរិតយុទ្ធសាស្ត្រក្នុងការទ្រទ្រង់ដល់ ចីរភាពនៃកំណើនសេដ្ឋកិច្ច ក្នុងរយៈពេលមធ្យម និងវែង, ឥណទានមានកម្រិតសម្បទានខ្ពស់, ស្ថានភាពបំណុលសាធារណៈកម្ពុជា បច្ចុប្បន្ន និងក្នុងរយៈពេលមធ្យមនៅតែមានចីរភាព និងហានិភ័យកម្រិតទាប; និងការបន្តបង្កើនប្រសិទ្ធភាព ខ្ពស់ក្នុងការគ្រប់គ្រង និងអនុវត្តគម្រោងនានា៕ អត្ថបទ៖ សុន រ៉ាឌី

ឆ្នាំ២០២៣ បទល្មើសនេសាទនៅកម្ពុជាមានការថយចុះ ធ្វើឲ្យទិន្នផលត្រីកើនឡើង

ភ្នំពេញ៖ អ្នកនាំពាក្យរបស់ក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា គិតក្នុងឆ្នាំ២០២៣ ការបង្រ្កាបបទល្មើសនេសាទនៅទូទាំងបឹងទន្លេសាបមានការថយចុះ មូលហេតុដោយសារការបង្រ្កាបបានច្រើនកាលពីឆ្នាំ២០២២ ដូចជាបានបញ្ជូនជនល្មើសទៅកាន់តុលាការក៏ច្រើន និងកសាងសំណុំរឿងជាដើមទៅកាន់តុលាការ។លោកជំទាវ អ៊ឹម រចនា អនុរដ្ឋលេខាធិការ និងជាអ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ នៅក្នុងបណ្តាញសង្គម បានឲ្យដឹងថា ការថយចុះបទល្មើសនេសាទនេះដែរ ក៏មានចលនាស្ម័គ្រចិត្តពីសំណាក់ប្រជានេសាទដែល ធ្លាប់តែប្រកបរបរនេសាទដែលប្រើឧបករណ៍ខុសច្បាប់ ដូចជាឧបករណ៍ឆក់ជាដើម បានស្ម័គ្រប្រគល់ជូនឧបករណ៍ខុសច្បាប់ទាំងនោះមកដល់អាជ្ញាធរមានសមត្ថកិច្ច នេះគឺជាចលនាមួយដែលរដ្ឋបាលជលផល ក៏ដូចជាក្រសួងកសិកម្មទាំងមូល សូមសម្តែងការកោតសសើរ និងចាត់ទុកថា ជាគំរូ ជាវីរៈភាព ជាការលះបង់របស់ប្រជានេសាទ ដើម្បីផលប្រយោជន៍រួម មិនត្រឹមតែសម្រាប់សហគមន៍នេសាទនៅក្នុងតំបន់ដែលរស់នៅទេ គឺសម្រាប់អនាគត សម្រាប់និរន្ត៍ភាពនៃធនធានជលផល នៅក្នុងធនធានធម្មជាតិទាំងមូលតែម្តង។ឯកឧត្តម ពុំ សុថា ប្រតិភូរាជរដ្ឋាភិបាលទទួលបន្ទុកជាប្រធានរដ្ឋបាលជលផល នៅរាត្រីថ្ងៃទី៩ ខែមករាកន្លងទៅ បានបញ្ជាក់ប្រាប់ទូរទស្សន៍ព័ត៌មាន ប៊ីធីវី ថា នៅឆ្នាំ២០២៤នេះ ការប្រមូលផលនេសាទ និងការបង្ក្រាបបទល្មើសនេសាទ នឹងមានផលវិជ្ជមាន ដោយសារបានឃើញលទ្ធផលនៃការងារឆ្នាំ២០២៣ឃើញថាល្អ ហើយក៏បានដាក់ទិសដៅបន្តទៀតនៅឆ្នាំនេះ ដោយបង្កើនការទប់ស្កាត់ និងបង្រ្កាបបទល្មើសកាន់តែសកម្ម ទាំងក្នុងនិងក្រៅតំបន់បឹងទន្លេសាប និងបង្កើនសកម្មភាពអភិរក្សត្រីមេពូជ ព្រមទាំទីជម្រកជលផលផងដែរ។ក្នុងរបាយការណ៍បូករសរុបលទ្ធផលការងារវិស័យជលផលប្រចាំឆ្នាំ២០២៣ និងលើកទិសដៅសម្រាប់ឆ្នាំ២០២៤ ពាក់ព័ន្ធការបង្រ្កាបបទល្មើសជលផល បានបញ្ជាក់ថា បានបង្រ្កាបបទល្មើសជលផលសរុបចំនួន ៣,០៥៤ករណី (សមុទ្រ ១៩៧ករណី) ប្រៀបធៀបឆ្នាំមុនកើនឡើងចំនួន ២៧៦ករណី រួមមាន៖ បំផ្លាញចោលវត្ថុតាង ២,៨៤៩ករណី , របាំងស្បៃមុងនិងសាច់អួនប្រវែង ១,៣០០,៥៣៦ម៉ែត្រ , លប លូស្បៃមុងនិងលូសាច់អួន ១៨,៣៧៦មាត់ , បង្គោលឬចម្រឹង ៥៤៩,៧៨៦ដើម , អូនអូសទឹកសាបរួមផ្សំឆក់ត្រជាក់ ១៣វង់ , ឈិបយន្ត ១៨គ្រឿង , ប្រើសាច់អួនត្រងចាប់ត្រីរួមផ្សំភ្លើង (ឈ្នក់) ១១១វង់ , សម្រាស់ទំហំ ៦២,៣៩៨ម៉ែត្រ , លបកែច្នៃ ឬលបកន្ទុយកណ្តុរ ៩,១៥៨គ្រឿង និងលែងត្រីចម្រុះចូលក្នុងធម្មជាតិវិញ ៤៦,៤៤៧គីឡូក្រាម។ ក្នុងនោះ បានពិន័យយន្តការណ៍ ១១៣ករណី = ៤១០,៥៣៨,៥០០រៀល និងបញ្ជូនសំណុំរឿងទៅតុលាការ ៩២ករណី ដោយបញ្ជូនជនសង្ស័យ ៦២នាក់ និងជាប់ពន្ធនាគារ ៣៨នាក់។រដ្ឋបាលជលផល បានអះអាងទៀតថា សម្រាប់ទិសដៅអនុវត្តឆ្នាំ២០២៤នេះ មានគោលដៅសម្រេចឲ្យបានផលនេសាទទឹកសាប ៤៥៤,០០០តោន សមុទ្រ១៣០,០០០តោន វារីវប្បកម្ម ៣៥០,០០០តោន កូនត្រីពូជ ៣០០លានកូន ក្រពើ ៣០ម៉ឺនក្បាល ការកែច្នៃ ៧ម៉ឺនតោន ទឹកត្រី ៥០លានលីត្រ និងការនាំចេញផលផលិតផលជលផល ៨ពាន់តោន៕

CAPFISH-Capture ណែនាំឲ្យប្រើប្រាស់បច្ចេកវិទ្យាសម្ងួតផលិតផលជលផលដោយថាមពលព្រះអាទិត្យ ដើម្បីបង្កើនប្រសិទ្ធិភាព

ភ្នំពេញ៖ គម្រោងអភិវឌ្ឍន៍ជលផលក្រោយប្រមូលផល (CAPFISH-Capture) បានរៀបចំចងក្រង និងផ្សព្វផ្សាយជាសាធារណៈនូវសៀវភៅមគ្គទេសក៍ ដោយណែនាំបែបសាមញ្ញជាជំហានៗ ដើម្បីបង្កើនប្រសិទ្ធភាពនៃការហាលសម្ងួតត្រី និងបង្គា ដោយប្រើប្រាស់បច្ចេកវិទ្យាថាមពលព្រះអាទិត្យ។ក្នុងសេចក្តីប្រកាសព័ត៌មានរួមមួយ ចេញផ្សាយនៅថ្ងៃទី១០ ខែមករា ឆ្នាំ២០២៤នេះ របស់គម្រោងអភិវឌ្ឍន៍ជលផលក្រោយប្រមូលផល បានលើកឡើងថា បច្ចេកវិទ្យាហាលសម្ងួតដោយថាមពលព្រះអាទិត្យ ឬទូសម្ងួតពន្លឺព្រះអាទិត្យ (SDD) ផ្តល់លទ្ធភាពដល់សហគ្រាសកែច្នៃជលផលក្នុងការហាលសម្ងួតត្រី និងបង្គាបានកាន់តែប្រសើរនៅគ្រប់លក្ខខណ្ឌអាកាសធាតុ និងបរិស្ថានស្អាតល្អ កាត់បន្ថយការបាត់បង់ក្រោយប្រមូលផលនិងលើកកម្ពស់គុណភាពផលិតផល។ ប្រភពខាងលើនេះ បានបន្តទៀតថា ឈរលើទិដ្ឋភាពនេះ គម្រោងបាននឹងកំពុងជំរុញយ៉ាងសកម្មឱ្យសហគ្រាសកែច្នៃជលផលនៅកម្ពុជា ប្រើប្រាស់បច្ចេកវិទ្យាហាលសម្ងួតដោយថាមពលព្រះអាទិត្យឱ្យបានកាន់តែទូលំទូលាយ ក្នុងគោលដៅបង្វែរពីការហាលសម្ងួតបែបនៅទីវាលក្រោមពន្លឺព្រះអាទិត្យ មកប្រើប្រាស់បច្ចេកវិទ្យាសម្ងួតថ្មីនេះវិញ។ គម្រោងនេះ គាំទ្រថវិកាដោយសហភាពអឺរ៉ុប(EU)។បច្ចេកវិទ្យាទូសម្ងួតពន្លឺព្រះអាទិត្យ (SDD) ជួយសម្រួលដល់សហគ្រាសកែច្នៃជលផលដើម្បីដោះស្រាយនូវបញ្ហាប្រឈមជាច្រើនដូចជាការហាលស្ងួតពេក ឬស្រពាប់ពេក ហានិភ័យនៃការចម្លងរោគ លក្ខខណ្ឌអាកាសធាតុ មិនអំណោយផល និងការប្រើប្រាស់កម្លាំងពលកម្មច្រើន។ តាមរយៈកម្មវិធីគាំទ្រសហគ្រាសជលផលខ្នាតតូច និងមធ្យម (VCIS) គម្រោងផ្តល់ការគាំទ្រដល់សហគ្រាសកែច្នៃជលផលចំនួន១០ ក្នុងខេត្តក្រុងចំនួន៦ ជាមួយនឹងទូសម្ងួតពន្លឺព្រះអាទិត្យ ដើម្បីប្រើប្រាស់ក្នុងគោលដៅបង្កើនភាពប្រកួតប្រជែងជាមួយផលិតផលនាំចូលតាមរយៈការបង្កើនផលិតភាព កែលម្អការអនុវត្តអនាម័យល្អ ជួយឱ្យផលិតផលត្រីងៀត និងបង្គាក្រៀមមានគុណភាព និងសុវត្ថិភាពល្អ។ក្នុងគោលដៅចែករំលែក និងផ្សព្វផ្សាយចំណេះដឹងលើការប្រើប្រាស់បច្ចេកវិទ្យាហាលសម្ងួតដោយថាមពល ព្រះអាទិត្យ គម្រោងបានសហការជាមួយភាគីពាក់ព័ន្ធរៀបចំផលិតសៀវភៅមគ្គទេសក៍ណែនាំបែបសាមញ្ញជាជំហានៗក្នុងការហាលសម្ងួតត្រី និងបង្គាដោយប្រើប្រាស់ទូសម្ងួតពន្លឺព្រះអាទិត្យ។ សៀវភៅមគ្គទេសន៍នេះ ត្រូវបានផ្តល់ជូន និងចែករំលែកជាមួយសហគ្រាសកែច្នៃជលផល និងតួអង្គក្នុងខ្សែចង្វាក់តម្លៃជលផលក្រោយប្រមូល ផល ដើម្បីមានលទ្ធភាពប្រើប្រាស់បច្ចេកវិទ្យានេះប្រកបដោយប្រសិទ្ធភាព និងទទួលបានផលិតផលដែលមាន គុណភាព និងប្រកបដោយអនាម័យខ្ពស់។លោកស្រី សុខ ឃីម ម្ចាស់សហគ្រាសផលិតត្រីងៀត ហេង ហ៊ត (សុខ ឃីម) នៅខេត្តសៀមរាបបានឲ្យដឹងក្នុងសេចក្តីប្រកាសព័ត៌មាននេះថា សៀវភៅមគ្គទេសក៍នេះងាយយល់ និងងាយអនុវត្តតាម។ អ្នកស្រីអាចប្រើប្រាស់បច្ចេកវិទ្យាហាលសម្ងួត ដោយថាមពលព្រះអាទិត្យបានយ៉ាងងាយស្រួល និងមានប្រសិទ្ធភាពក្នុងការបង្កើនគុណភាពផលិតផលត្រីងៀត ដែលជាលទ្ធផលវាបង្កើនទំនុកចិត្តរបស់អតិថិជន និងការលក់ផងដែរ។បន្ថែមលើសនេះទៀត តាមរយៈកិច្ចសហការ និងភាពជាដៃគូជាមួយគម្រោង SWITCH to Solar គម្រោងអភិវឌ្ឍន៍ជលផលក្រោយប្រមូលផល (CAPFISH-Capture) រួមជាមួយតួអង្គសំខាន់ៗដូចជា ក្រសួងកសិកម្ម រុក្ខាប្រមាញ់ និងនេសាទ , មន្ទីរកសិកម្ម រុក្ខាប្រមាញ់ និងនេសាទខេត្ត , ខណ្ឌរដ្ឋបាលជលផលនៅតាមបណ្តាខេត្ត គ្រឹះស្ថាន មីក្រូហិរញ្ញវត្ថុ , ក្រុមហ៊ុនថាមពលពន្លឺព្រះអាទិត្យ និងសហគ្រាសកែច្នៃជលផល បាននិងកំពុងខិតខំជម្រុញគំនិតផ្តួចផ្តើមនេះ ធ្វើយ៉ាងណាឱ្យសហគ្រាសកែច្នៃផល ផលិតផលជលផល និងផលិតផល កសិកម្មផ្សេងៗទៀតនៅកម្ពុជាទទួលយក និងប្រើប្រាស់បច្ចេកវិទ្យានេះឱ្យបានកាន់តែទូលំទូលាយ ក្រោមរូបភាពនៃការបណ្តាក់ ទុនរួមគ្នា និងផ្សារភ្ជាប់ទំនាក់ទំនងអាជីវកម្មផងដែរ៕ អត្ថបទ៖ ឈិត បូរ៉ាវី

មុខទំនិញថ្មីចំនួន ៤ថែមទៀត គ្រោងដាក់បញ្ចូលក្នុងបញ្ជីការពារម៉ាកសម្គាល់ភូមិសាស្រ្តទំនិញ (GI)

បច្ចុប្បន្ននេះ ក្រោមកិច្ចគាំពាររបស់អង្គការអន្តរជាតិនានា ក្រសួងពាណិជ្ជកម្មកម្ពុជា កំពុងពិនិត្យ និងរៀបចំឯកសារចាំបាច់នានា ដើម្បីអនុវត្តគម្រោងចុះបញ្ជីម៉ាកសម្គាល់ភូមិសាស្ត្រទំនិញ (Geographical Indication ហៅកាត់ GI) ក្នុងគោលបំណងជួយពង្រីកមុខមាត់ កិត្យានុភាព កេរ្តិ៍ឈ្មោះ និងអត្តសញ្ញាណនៃដែនដីភូមិសាស្រ្តកម្ពុជាលើឆាកអន្តរជាតិ និងដើម្បីជួយពង្រឹងគុណភាព ការបង្កើនតម្លៃ និងផ្តល់ទំនុកទុកចិត្តដល់អ្នកប្រើប្រាស់ តាមរយៈប្រព័ន្ធធានារ៉ាប់រងគុណភាព។ឯកឧត្តម ប៉ែន សុវិជាតិ រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម នៅព្រឹកថ្ងៃទី៨ ខែមករា ឆ្នាំ២០២៤នេះ បានឲ្យ ប៊ីធីវី ដឹងថា បច្ចុប្បន្ននេះ ក្រសួងបានចុះបញ្ជីការពារម៉ាកសម្គាល់ភូមិសាស្រ្តទំនិញចំនួន៧ រួចហើយ រួមមាន៖ “ម្រេចកំពត” “ស្ករត្នោតកំពង់ស្ពឺ” “ក្រូចថ្លុងកោះទ្រង់” “ទឹកឃ្មុំព្រៃមណ្ឌលគិរី” “អំបិលនិងផ្កាអំបិលកំពត” “បង្កងតាកែវ” “ទឹកត្រីកំពតកែប”។ដោយឡែក ចំពោះមុខទំនិញចំនួន ៤ផ្សេងទៀត ដែលក្រសួងពាណិជ្ជកម្ម គ្រោងនឹងដាក់បញ្ចូលក្នុងបញ្ជីការពារម៉ាកសម្គាល់ភូមិសាស្រ្តទំនិញនេះ ឯកឧត្តម បានរៀបរាប់ថា ១.ប្រហុកសៀមរាប ចុះបញ្ជីជាម៉ាកសម្គាល់ភូមិសាស្រ្តទំនិញដោយប្រើប្រាស់ជំនួយបច្ចេកទេសរបស់អង្គការ យូនីដូ (UNIDO) ។ ២.សូត្រកម្ពុជា កំពុងរៀបចំសំណើគម្រោង ដើម្បីចុះបញ្ជីជាម៉ាកសម្គាល់ភូមិសាស្រ្តទំនិញ ដោយពិនិត្យលទ្ធភាពក្នុងការអនុវត្តជាក់ស្តែងដោយខ្លួនឯង ឬប្រើប្រាស់ជំនួយបច្ចេកទេសរបស់ដៃគូ។ ៣.ធុរេនកំពត ចុះបញ្ជីជាម៉ាកសម្គាល់ភូមិសាស្រ្តទំនិញ ដោយស្នើសុំជំនួយឧបត្ថម្ភពីអង្គការស្បៀងអាហារ និងកសិកម្ម (FAO) នៃអង្គការសហប្រជាជាតិ។ និង៤.ក្តាមថ្មកោះកុង ចុះបញ្ជីជាម៉ាកសំគាល់ភូមិសាស្រ្តទំនិញដោយប្រើប្រាស់ថវិកាផ្ទាល់របស់រដ្ឋ គួបផ្សំនឹងជំនួយបច្ចេកទេសរបស់អង្គការកម្មសិទ្ធិបញ្ញាពិភពលោក(WIPO) ដែលមកទល់ពេលនេះការសិក្សាកំពុងចាប់ផ្តើមដំណើរការ។ជាមួយគ្នានេះ ឯកឧត្តម ប៉ែនសុវិជាតិ បានលើកឡើងនូវអត្ថប្រយោជន៍ នៃការចុះបញ្ជីម៉ាកសម្គាល់ភូមិសាស្រ្តទំនិញរបស់កម្ពុជាមួយចំនួនថា សមាជិកនីមួយៗអាចប្រើប្រាស់រូបសញ្ញាម៉ាកសម្គាល់ភូមិសាស្រ្តទំនិញ រូបសញ្ញាជាតិទំនិញសម្គាល់ភូមិសាស្រ្ត នៃព្រះរាជាណាចក្រកម្ពុជា លើសំបកវេចខ្ចប់ និងឧបករណ៍ផ្សព្វផ្សាយផ្សេងៗ ដើម្បីជាយុទ្ធសាស្រ្តទីផ្សារ និងរក្សាគុណតម្លៃផលិតផល , ចូលរួមប្រកួតប្រជែងប្រកបដោយប្រសិទ្ធិភាពនៅក្នុងងកម្មវិធីពិព័រណ៍ថ្នាក់ជាតិ និងអន្តរជាតិ ដោយលើកមុខមាត់ និងអត្តសញ្ញាណកម្ពុជា និងចូលរួមបង្កើនការងារក្នុងតំបន់ដោយផ្ទាល់ ឬប្រយោល ក្នុងការកាត់បន្ថយចំណាកស្រុកជាដើម។សូមបញ្ជាក់ថា ក្រៅពីការចុះបញ្ជីម៉ាកសម្គាល់ភូមិសាស្រ្តទំនិញកម្ពុជា ក្រសួងពាណិជ្ជកម្ម ក៏បានចុះបញ្ជីម៉ាកសម្គាល់ភូមិសាស្រ្តទំនិញអន្តរជាតិ ចំនួន ២៣ម៉ាក និងការចុះបញ្ជីម៉ាកសមូហភាពកម្ពុជា ចំនួន ៨ម៉ាក ផងដែរ មានដូចជា គុយទាវភ្នំពេញ , អំបុកកំពង់ធំ , អង្ករព្រះវិហារ , SKO ដែលជាអង្ករក្រអូប , DSMK ជាអង្ករដំណើប , ដូងខ្ទិះបាត់ដំបង , នំបញ្ចុកសៀមរាប និងក្រូចថ្លុងកោះពីរ៕ អត្ថបទ៖ ឈិត បូរ៉ាវី

ព្រឹកស្អែក សម្តេច ហ៊ុន ម៉ាណែត នឹងអញ្ជើញជាអធិបតីក្នុងពិធី សំណេះសំណាលជាមួយសិស្សនិទ្ទេស A ចំនួន ១ ៦៩១ នាក់

ភ្នំពេញ៖ ព្រឹកស្អែក ថ្ងៃទី៩ មករា ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជាអធិបតី ក្នុងពិធី“សំណេះសំណាលជាមួយសិស្សនិទ្ទេស A ចំនួន ១ ៦៩១ នាក់ ក្នុងនោះសិស្ស ១ ៦៧៣ ជាសិស្សដែលបានប្រឡងសញ្ញាបត្រមធ្យមសិក្សាទុតិយភូមិ សម័យប្រឡង៖ ៦ វិច្ឆិកា ២០២៣ និងសិស្សចំនួន១៨នាក់ ជាសិស្សដែលប្រឡងសញ្ញាបត្របច្ចេកទេស និងវិជ្ជាជីវៈកម្រិត ៣ សម័យប្រឡង៖ ២០ តុលា ២០២៣ ” នៅមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វារ ។

UN៖ កំណើនសេដ្ឋកិច្ចសកលត្រូវបានប៉ាន់ប្រមាណថា នឹងធ្លាក់ចុះមកនៅត្រឹម២,៤% ក្នុងឆ្នាំ ២០២៤

យោងតាមរបាយការណ៍របស់អង្គការសហប្រជាជាតិចេញផ្សាយកាលពីថ្ងៃព្រហស្បតិ៍សប្ដាហ៍នេះថា កំណើនសេដ្ឋកិច្ចសកលត្រូវបានព្យាករណ៍ថានឹងធ្លាក់ចុះពីប្រមាណ២,៧%ក្នុងឆ្នាំ២០២៣ មកនៅត្រឹម២,៤%ក្នុងឆ្នាំ២០២៤នេះ ។ របាយការណ៍ស្ថានភាពសេដ្ឋកិច្ច និងទស្សនវិស័យពិភពលោក បាននិយាយថា កំណើននេះ ត្រូវបានគេព្យាករណ៍ថានឹងមានភាពប្រសើរឡើងក្នុងកម្រិតមធ្យមដល់ ២,៧% ក្នុងឆ្នាំ ២០២៥ ប៉ុន្តែនឹងនៅតែទាបជាងអត្រាកំណើនដែលបានរំពឹងទុកមុនការរាតត្បាតវីរុសនៃ ៣,0% ។ របាយការណ៍ដដែលបាននិយាយថា អតិផរណាសកលត្រូវព្យាករណ៍ថានឹងធ្លាក់ចុះបន្ថែមទៀត ពីប្រមាណ៣,៩% ក្នុងឆ្នាំ ២០២៣ដល់៥,៧% ក្នុងឆ្នាំ ២០២៤ ។ របាយការណ៍ខាងលើបានបន្ថែមថា ប៉ុន្តែសម្ពាធតម្លៃនៅតែកើនឡើងនៅក្នុងប្រទេសជាច្រើន ហើយការកើនឡើងបន្ថែមទៀតនៃជម្លោះភូមិសាស្ត្រនយោបាយនឹងដាក់បន្ទុកបន្ថែមទៀត ។ របាយការណ៍នេះបានគូសបញ្ជាក់ថា នៅក្នុងប្រហែលមួយភាគបួននៃប្រទេសកំពុងអភិវឌ្ឍន៍ទាំងអស់ អតិផរណាប្រចាំឆ្នាំ ត្រូវបានព្យាករណ៍ថានឹងហក់ឡើងលើសពី ១០% ក្នុងឆ្នាំ ២០២៤នេះ។មានការរំពឹងថាសហរដ្ឋអាមេរិកនឹងមើលឃើញការធ្លាក់ចុះនៃកំណើនផលិតផលក្នុងស្រុកសរុប (GDP) ពី២,៥ % ក្នុងឆ្នាំ ២០២៣ ដល់១,៤% ក្នុងឆ្នាំ ២០២៤ ដោយបន្ថែមថាប្រទេសចិនត្រូវបានគេព្យាករណ៍ថានឹងជួបប្រទះកំណើនយឺតក្នុងកម្រិតមធ្យមជាមួយនឹងកំណើនដែលបានព្យាករណ៍ ក្នុងអត្រា៤,៧% ក្នុងឆ្នាំ ២០២៤ ដែលធ្លាក់ចុះពី ៥,៣% កាលពីឆ្នាំមុន។ យោងតាមរបាយការណ៍ អឺរ៉ុប និងជប៉ុន ក៏ជួបបញ្ហាប្រឈមអត្រាកំណើនដែលត្រូវបានព្យាករណ៍នៅកម្រិត ១,២% សម្រាប់តំបន់ទាំងពីរក្នុងឆ្នាំ ២០២៤ ផងដែរ។ ទន្ទឹមនឹងនោះ អត្រាកំណើនរបស់ទ្វីបអាហ្រ្វិកត្រូវបានព្យាករណ៍ថានឹងកើនឡើងបន្តិចពី ៣,៣% ក្នុងឆ្នាំ ២០២៣ ដល់ ៣,៥% ក្នុងឆ្នាំ ២០២៤៕

តម្លៃប្រេងដល់ចុងឆ្នាំ ធ្លាក់ចុះ ១០ភាគរយ ចំពេលមានការព្រួយបារម្ភអំពីតម្រូវការ និងការរំខានផ្លូវដឹកជញ្ជូន

អំឡុងឆ្នាំ២០២៣ ទីផ្សារប្រេងឆៅបានជួបប្រទះការប្រែប្រួលគួរឲ្យកត់សម្គាល់ ដោយតម្លៃប្រេងត្រៀមបញ្ចប់ឆ្នាំដោយការធ្លាក់ចុះជិត ១០ភាគរយ ដែលជាធ្លាក់ចុះប្រចាំឆ្នាំលើកដំបូង ក្នុងរយៈពេល ២ឆ្នាំ។ហ៊ុនប្រេងឆៅ Brent បានឡើង ០,៤ភាគរយ នៅម៉ោង ៨ ម៉ោងសកល នៅថ្ងៃសុក្រ (ទី២៩ ខែធ្នូ) ដែលជាថ្ងៃជួញដូរចុងក្រោយនៃឆ្នាំ ខណៈដែលហ៊ុនប្រេងឆៅរបស់អាមេរិក West Texas Intermediate កំពុងជួញដូរ ក្នុងតម្លៃឡើងខ្ពស់ ០,៣ភាគរយ។ការធ្លាក់ចុះនេះបណ្ដាលមកពីឥទ្ធិពលនៃកត្តាជាច្រើន ក្នុងនោះរួមទាំងកង្វល់ភូមិសាស្ត្រនយោបាយ ការកាត់បន្ថយផលិតកម្ម និងវិធានការជាសកល ក្នុងគោលបំណងទប់ស្កាត់អតិផរណា ដែលជារួមនាំឲ្យមានការប្រែប្រួលតម្លៃមិនអាចប៉ាន់ស្មានបាន។តែទោះជាយ៉ាងណាក្ដី នៅពេលពេលឆ្នាំនេះ កាន់តែជិតដាច់មែនទែនហើយនោះ តម្លៃប្រេងមានស្ថិរភាព ខណៈដែលក្រុមហ៊ុនដឹកជញ្ជូនកាន់តែច្រើន បានរៀបចំ ដើម្បីធ្វើដំណើរឆ្លងកាត់ផ្លូវសមុទ្រក្រហម៕

តម្លៃប្រេងធ្លាក់ចុះ ខណៈក្រុមហ៊ុនដឹកជញ្ជូនធំៗត្រឡប់ទៅធ្វើដំណើរតាមសមុទ្រក្រហមវិញ

តម្លៃប្រេងបានធ្លាក់ចុះជិត ២% កាលពីថ្ងៃពុធ (២៧ ធ្នូ) ពីកំណើនកាលពីថ្ងៃមុននោះ ខណៈអ្នកវិនិយោគបានតាមដានការវិវឌ្ឍន៍នៅក្នុងសមុទ្រក្រហម ជាទីដែលក្រុមហ៊ុនដឹកជញ្ជូនកំពុងត្រលប់ទៅធ្វើដំណើរតាមផ្លូវទឹកនោះវិញ ទោះបីជាមានការវាយប្រហារបន្ថែមទៀតកាលពីថ្ងៃអង្គារក៏ដោយ។ក្រុមហ៊ុនដឹកជញ្ជូនរបស់ដាណឺម៉ាក Maersk បាននិយាយថា ខ្លួនបានត្រៀមនាវាកុងតឺន័ររាប់សិបគ្រឿងដើម្បីធ្វើដំណើរតាមព្រែកជីកស៊ុយអេ និងសមុទ្រក្រហមក្នុងប៉ុន្មានសប្តាហ៍ខាងមុខនេះ បន្ទាប់ពីបានអំពាវនាវឱ្យផ្អាកជាបណ្តោះអាសន្នចំពោះផ្លូវទាំងនោះក្នុងខែនេះ បន្ទាប់ពីការវាយប្រហារដោយកងជីវពលហ៊ូទី ដែលគាំទ្រដោយអ៊ីរ៉ង់ ក្នុងប្រទេសយេម៉ែន។ក្រុហ៊ុនដឹកជញ្ជូន CMA CGM របស់បារាំងក៏បាននិយាយផងដែរថា ខ្លួនកំពុងបន្តឆ្លងកាត់សមុទ្រក្រហម បន្ទាប់ពីមានការបញ្ជូនកងកម្លាំងពហុជាតិសាសន៍ ដែលដឹកនាំអាមេរិកទៅកាន់តំបន់នេះ។ ការរំពឹងទុកនៃយុទ្ធនាការយោធាអ៊ីស្រាអែល ដ៏អូសបន្លាយនៅហ្កាហ្សា នៅតែជាកត្តាជំរុញដ៏សំខាន់នៃការប្រែប្រួលក្នុងទីផ្សារពាណិជ្ជកម្ម។ចាប់តាំងពីខែមុន ក្រុមហ៊ូទី ដែលគ្រប់គ្រងទឹកដីដ៏ច្រើនសន្ធឹកសន្ធាប់ក្នុងប្រទេសយេម៉ែន បន្ទាប់ពីសង្រ្គាមជាច្រើនឆ្នាំ បានបាញ់យានដ្រូន និងមីស៊ីលទៅកាន់នាវាអន្តរជាតិដែលធ្វើដំណើរឆ្លងកាត់សមុទ្រក្រហម ក្នុងការវាយប្រហារដែលខ្លួននិយាយថាជាការឆ្លើយតបទៅនឹងការវាយលុករបស់អ៊ីស្រាអែល លើតំបន់ហ្កាហ្សាស្ទ្រីប៕

កសិករចិញ្ចឹមមាន់ស្រែជំនួយពីសហគមន៍ទឹកហូតមានជ័យក្តីសង្ឃឹម ជួយឲ្យជីវភាពធូរធារមួយកម្រឹត

កំពង់ឆ្នាំង៖ ប្រជាកសិករនៅក្នុងភូមិត្រពាំងក្រពើ ឃុំទឹកហូត ស្រុករលាប្អៀរ ខេត្តកំពង់ឆ្នាំង មានជីវភាពធូរធារជាងពេលមុន ក្រោយពួកគាត់ទទួលបានពូជមាន់ស្រែបច្ចេកទេសចិញ្ចឹម ការថែទាំ និងថវិកាមួយចំនួន ពីសហគមន៍ទឹកហូតមានជ័យក្តីសង្ឃឹម យកមកដាក់ចិញ្ចឹមជិត១ឆ្នាំកន្លងមកនេះ ។ ថវិកាចំណាយផ្សេងៗ និងអោយកូនទៅរៀនសូត្រ បានពីការចិញ្ចឹមមាន់ស្រែនេះទាំងអស់ ។ ពួកគាត់សប្បាយចិត្តខ្លាំង ក្រោយទទួលបានមុខរបរពិតប្រាកដបែបនេះ ។ប្រជាកសិករ២នាក់ ដែលទទួលជោគជ័យលើការងារចិញ្ចឹមមាន់ស្រែបានអោយដឹងថា ពីមុនជីវភាពគ្រួសារពួកគាត់មិនសូវធូរធារនោះទេ តែក្រោយពីបានការជួយគាំទ្រពីសហគមន៍ទឹកហូតមានជ័យក្តីសង្ឍឹមរួចមក ទាំងពូជមាន់ស្រែ ទាំងបច្ចេកទេសចិញ្ចឹម ការថែទាំ និងថវិកាមួយចំនួនរួចមក ក្រុមគ្រួសារពួគគាត់លែងលំបាកដូចពេលមុនទៀតហើយ ព្រោះសព្វថ្ងៃពួគគាត់បានមាន់នេះ យកទៅលក់បានកម្រៃមកចាយវាយផ្សេងៗក្នុងគ្រួសារ ហើយក៏ជាចំណែកមួយសម្រាប់ជួយដល់ជីវភាពគ្រួសារផងដែរ។ សម្រាប់ពួកគាត់ជាកសិករ ក្រៅពីការដាំដំណាំខ្ទឹមស្លឹក គឺការចិញ្ចឹមមាន់ស្រែនេះ មិនមានអ្វីគួរអោយលំបាកនោះឡើយ ដោយគ្រាន់តែប្រើពេលត្រឹម១ម៉ោងពេលព្រឹក និង១ម៉ោងពេលល្ងាចដាក់ចំណីអោយមាន់ និងចំណាយពេលខ្លះមើលសុខភាពមាន់ ការថែទាំសម្អាតទ្រុងជាប្រចាំ និងការដាំចកជំនួយសុខភាពមាន់ជាការស្រេច។ នៅពេលមាន់ធំត្រូវលក់ចេញ សហគមន៍ទឹកហូតមានជ័យក្តីសង្ឍឹម បានទទួលទិញវិញទាំងអស់ដោយអោយតម្លៃលើសពីទីផ្សារទូទៅពី១ពាន់ទៅ២ពាន់រៀលក្នុង១គីឡូ។លោកស្រី រឹទ្ធ ចន្ថា ប្រធានសហគមន៍ទឹកហូតមានជ័យក្តីសង្ឈឹមបានថ្លែងថា ការចំណាយពេលវេលាក្រៅពីការងារផ្ទាល់ខ្លួនរបស់បងប្អូនប្រជាកសិករ មកចិញ្ចឹមមាន់ស្រែនេះ គឺជាពេលវេលាដ៏សំខាន់មួយ ព្រោះការចិញ្ចឹមមាន់ស្រែត្រូវតាមបច្ចេកទេស និងការណែនាំរបស់សហគមន៍ គឺបានជួយច្រើនដល់ជីវភាពគ្រួសារពួកគាត់ រួមនិងជីវភាពប្រជាកសិករក្នុងសហគមន៍។ សហគមន៍បានផ្តល់ពូជមាន់ស្រែដល់ប្រជាកសិករក្នុងសហគមន៍ចំនួន១២គ្រួសារហើយ ដែលក្នុង១គ្រួសារទទួលបានកូនមាន់ចំនួន ២០០ក្បាល នៅពេលលក់ចេញ គឺសហគមន៍ទទួលទិញទាំងអស់វិញ។សព្វថ្ងៃ ប្រជាកសិករនៅក្នុងភូមិត្រពាំងក្រពើកំពុងរីកចម្រើនខ្លាំងលើជីវភាពគ្រួសារ ដោយពួកគាត់បានកែប្រែពីការធ្វើស្រែ មកជាការដាំដំណាំខ្ទឹមស្លឹក និងចិញ្ចឹមមាន់លក់អោយសហគមន៍ទឹកហូតមានជ័យក្តីសង្ឍឹមវិញ៕ កាំង ហុងវាស្នា

កោះតៃវ៉ាន់ ចោទប្រទេសចិន ពីការបង្ខិតបង្ខំផ្នែកសេដ្ឋកិច្ចបន្ទាប់ពីចិន ប្រកាសបញ្ចប់ការកាត់បន្ថយពន្ធ

កោះតៃវ៉ាន់ កាលពីថ្ងៃព្រហស្បតិ៍ (២១ ធ្នូ) បានចោទប្រកាន់ប្រទេសចិន ពីការបង្ខិតបង្ខំផ្នែកសេដ្ឋកិច្ច និងការជ្រៀតជ្រែកក្នុងការបោះឆ្នោត បន្ទាប់ពីទីក្រុងប៉េកាំង បានប្រកាសបញ្ចប់ការកាត់បន្ថយពន្ធលើការនាំចូលសារធាតុគីមីមួយចំនួនពីកោះនេះ ដោយនិយាយថា ទីក្រុងតៃប៉ិ បានរំលោភលើកិច្ចព្រមព្រៀងពាណិជ្ជកម្មនៅមុនការបោះឆ្នោតតៃវ៉ាន់។ការបោះឆ្នោតមេដឹកនាំ និងសភា នៅថ្ងៃទី១៣ ខែមករា ខាងមុខនេះរបស់កោះតៃវ៉ាន់ កំពុងធ្វើឡើង ខណៈដែលប្រទេសចិនដែលចាត់ទុកកោះនេះជាទឹកដីរបស់ខ្លួន និងបានព្យាយាមបង្ខំកោះតៃវ៉ាន់ ឱ្យទទួលយកការទាមទារអធិបតេយ្យភាពរបស់ចិន។ក្រសួងហិរញ្ញវត្ថុរបស់ប្រទេសចិនបាននិយាយថា ចាប់ពីថ្ងៃទី០១ ខែមករា ការកាត់បន្ថយពន្ធនឹងត្រូវផ្អាកសម្រាប់ផលិតផល ១២មុខដោយសំអាងដល់ «ការហាមឃាត់ និងការរឹតបន្តឹង» ដែលកោះតៃវ៉ាន់ដាក់លើការនាំចេញរបស់ចិន ដោយរំលោភលើកិច្ចព្រមព្រៀងពាណិជ្ជកម្មឆ្នាំ២០១០។ការិយាល័យចរចាពាណិជ្ជកម្មរបស់កោះតៃវ៉ាន់ នៅក្នុងសេចក្តីថ្លែងការណ៍មួយបន្ទាប់ពីកិច្ចប្រជុំគណៈរដ្ឋមន្ត្រីប្រចាំសប្តាហ៍កាលពីថ្ងៃព្រហស្បតិ៍ បាននិយាយថា ប្រទេសចិនកំពុងអនុវត្ត «ការបង្ខិតបង្ខំសេដ្ឋកិច្ចជាធម្មតា» របស់ខ្លួនលើកោះនេះហើយថាចិនគួរតែបញ្ឈប់ «ឧបាយកលនយោបាយតែម្ខាង» របស់ខ្លួនហើយទៅពិភាក្សាគ្នានៅក្នុងអង្គការពាណិជ្ជកម្មពិភពលោកដែលភាគីទាំងពីរជាសមាជិក៕

បណ្ដាញសង្គម

ព័ត៌មានថ្មីៗ

តម្រូវការត្រីកែច្នៃក្នុងស្រុកកើនឡើង ជំរុញការផលិតឈានទៅរកស្តង់ដារ និងគុណភាពខ្ពស់

នាយករដ្ឋមន្ត្រីថ្មីរបស់អង់គ្លេសនិយាយថា លោកនឹងបង្កើនសម្ពាធលើរុស្ស៊ីពាក់ព័ន្ធនឹងបញ្ហាអ៊ុយក្រែន

ធនាគារជាតិនៃកម្ពុជារៀបចំវេទិកាទីផ្សារហិរញ្ញវត្ថុសកល ដើម្បីបង្កើនការយល់ដឹងដល់អ្នកពាក់ព័ន្ធ

ក្រុមសិទ្ធិមនុស្ស៖ អាវុធថ្មី និងវិធានការគាបសង្កត់ថ្មីៗ ត្រូវបានប្រើដើម្បីធ្វើទារុណកម្មអ្នកទោស ប៉ាឡេស្ទីន

កម្ពុជា-អាមេរិក នឹងបន្តជំរុញពាណិជ្ជកម្មទ្វេភាគី និងលំហូរទុនវិនិយោគពីអាមេរិកមកកម្ពុជា

ជនជាតិរ៉ូហ៊ីងយ៉ាកំពុងក្លាយជាគោលដៅនៃការផ្សព្វផ្សាយព័ត៌មានមិនពិតដែលបង្កការស្អប់ខ្ពើមនៅម៉ាឡេស៊ី

មន្ត្រី៖ទាហានរដ្ឋាភិបាល ៤ នាក់ បានស្លាប់ ក្នុងការវាយប្រហារដោយដ្រូនរបស់ក្រុមហ៊ួទីនៅភាគឦសានយេម៉ែន

អតីតប្រធានក្រុម និងអតីតអ្នកចាត់ការក្រុមជម្រើសជាតិអង់គ្លេស Kevin Keegan ទទួលមរណភាពក្នុងវ័យ ៧៥ឆ្នាំ

IDF និយាយថា ខ្លួនបានចាប់ផ្តើមសម្របសម្រួលសកម្មភាពជាមួយកងទ័ពលីបង់នៅក្នុងតំបន់សាកល្បង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សេដ្ឋកិច្ច និង កសិកម្ម

រាជរដ្ឋាភិបាលនឹងបោះផ្សាយលក់មូលបត្ររដ្ឋ មានទំហំទឹកប្រាក់ ៤៤០ ប៊ីលានរៀលក្នុងឆ្នាំនេះ

ឆ្នាំ២០២៣ បទល្មើសនេសាទនៅកម្ពុជាមានការថយចុះ ធ្វើឲ្យទិន្នផលត្រីកើនឡើង

CAPFISH-Capture ណែនាំឲ្យប្រើប្រាស់បច្ចេកវិទ្យាសម្ងួតផលិតផលជលផលដោយថាមពលព្រះអាទិត្យ ដើម្បីបង្កើនប្រសិទ្ធិភាព

មុខទំនិញថ្មីចំនួន ៤ថែមទៀត គ្រោងដាក់បញ្ចូលក្នុងបញ្ជីការពារម៉ាកសម្គាល់ភូមិសាស្រ្តទំនិញ (GI)

ព្រឹកស្អែក សម្តេច ហ៊ុន ម៉ាណែត នឹងអញ្ជើញជាអធិបតីក្នុងពិធី សំណេះសំណាលជាមួយសិស្សនិទ្ទេស A ចំនួន ១ ៦៩១ នាក់

UN៖ កំណើនសេដ្ឋកិច្ចសកលត្រូវបានប៉ាន់ប្រមាណថា នឹងធ្លាក់ចុះមកនៅត្រឹម២,៤% ក្នុងឆ្នាំ ២០២៤

តម្លៃប្រេងដល់ចុងឆ្នាំ ធ្លាក់ចុះ ១០ភាគរយ ចំពេលមានការព្រួយបារម្ភអំពីតម្រូវការ និងការរំខានផ្លូវដឹកជញ្ជូន

តម្លៃប្រេងធ្លាក់ចុះ ខណៈក្រុមហ៊ុនដឹកជញ្ជូនធំៗត្រឡប់ទៅធ្វើដំណើរតាមសមុទ្រក្រហមវិញ

កសិករចិញ្ចឹមមាន់ស្រែជំនួយពីសហគមន៍ទឹកហូតមានជ័យក្តីសង្ឃឹម ជួយឲ្យជីវភាពធូរធារមួយកម្រឹត

កោះតៃវ៉ាន់ ចោទប្រទេសចិន ពីការបង្ខិតបង្ខំផ្នែកសេដ្ឋកិច្ចបន្ទាប់ពីចិន ប្រកាសបញ្ចប់ការកាត់បន្ថយពន្ធ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សេដ្ឋកិច្ច និង កសិកម្ម

រាជរដ្ឋាភិបាលនឹងបោះផ្សាយលក់មូលបត្ររដ្ឋ មានទំហំទឹកប្រាក់ ៤៤០ ប៊ីលានរៀលក្នុងឆ្នាំនេះ

ឆ្នាំ២០២៣ បទល្មើសនេសាទនៅកម្ពុជាមានការថយចុះ ធ្វើឲ្យទិន្នផលត្រីកើនឡើង

CAPFISH-Capture ណែនាំឲ្យប្រើប្រាស់បច្ចេកវិទ្យាសម្ងួតផលិតផល​ជលផល​ដោយថាមពលព្រះអាទិត្យ ដើម្បីបង្កើនប្រសិទ្ធិភាព

មុខទំនិញថ្មីចំនួន ៤ថែមទៀត គ្រោងដាក់បញ្ចូលក្នុងបញ្ជីការពារម៉ាកសម្គាល់ភូមិសាស្រ្តទំនិញ (GI)

ព្រឹកស្អែក សម្តេច ហ៊ុន ម៉ាណែត នឹងអញ្ជើញជាអធិបតីក្នុងពិធី សំណេះសំណាលជាមួយសិស្សនិទ្ទេស A ចំនួន ១ ៦៩១ នាក់

UN៖ កំណើនសេដ្ឋកិច្ចសកលត្រូវបានប៉ាន់ប្រមាណថា នឹងធ្លាក់ចុះមកនៅត្រឹម២,៤% ក្នុងឆ្នាំ ២០២៤

តម្លៃប្រេងដល់ចុងឆ្នាំ ធ្លាក់ចុះ ១០ភាគរយ ចំពេលមានការព្រួយបារម្ភអំពីតម្រូវការ និងការរំខានផ្លូវដឹកជញ្ជូន

តម្លៃប្រេងធ្លាក់ចុះ ខណៈក្រុមហ៊ុនដឹកជញ្ជូនធំៗត្រឡប់ទៅធ្វើដំណើរតាមសមុទ្រក្រហមវិញ

កសិករចិញ្ចឹមមាន់ស្រែជំនួយពីសហគមន៍ទឹកហូតមានជ័យក្តីសង្ឃឹម ជួយឲ្យជីវភាព​ធូរធារ​មួយកម្រឹត

កោះតៃវ៉ាន់ ចោទប្រទេសចិន ពីការបង្ខិតបង្ខំផ្នែកសេដ្ឋកិច្ចបន្ទាប់ពីចិន ប្រកាសបញ្ចប់ការកាត់បន្ថយពន្ធ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

CAPFISH-Capture ណែនាំឲ្យប្រើប្រាស់បច្ចេកវិទ្យាសម្ងួតផលិតផលជលផលដោយថាមពលព្រះអាទិត្យ ដើម្បីបង្កើនប្រសិទ្ធិភាព

កសិករចិញ្ចឹមមាន់ស្រែជំនួយពីសហគមន៍ទឹកហូតមានជ័យក្តីសង្ឃឹម ជួយឲ្យជីវភាពធូរធារមួយកម្រឹត