BTV NEWS

អាវុធហត្ថរាជធានីឃាត់ខ្លួនក្មេងទំនើង ០៥នាក់ ពាក់ព័ន្ធករណីហិង្សា កាប់ វាយ និងគប់ ប្លន់ម៉ូតូ

បង្ក្រាបករណីចាប់ឃុំឃាំង និងបង្ខាំងមនុស្សដោយខុសច្បាប់ ជំរិតទារប្រាក់១០ម៉ឺនដុល្លារ ឃាត់ខ្លួនជនសង្ស័យ០៤នាក់

ស្លាប់១៨នាក់ ក្នុងករណីគ្រោះថ្នាក់ចរាចរណ៍៦ថ្ងៃ,ពីថ្ងៃទី២០ដល់២៥សីហានេះ

ឃាត់ខ្លួនជនបរទេសចំនួន៥នាក់ក្នុងប្រតិបត្តិការបង្ក្រាបបទល្មើសឆបោកតាមប្រព័ន្ធបច្ចេកវិទ្យានៅឃុំសំរោង ស្រុកចន្ទ្រា ខេត្តស្វាយរៀង

សន្តិសុខ និង សង្គម

បុរសជនជាតិចិនម្នាក់ បើករថយន្តបុកម៉ូតូខ្ទាតជាច្រើនម៉ែត្របណ្ដាលឲ្យស្លាប់បុរសម្នាក់

ភ្នំពេញ៖ បុរសជាអ្នកដឹកជញ្ជូនតាមអនឡាញម្នាក់ស្លាប់ភ្លាមៗនៅនឹងកន្លែងហេតុ ខណៈពេលកំពុងជិះម៉ូតូត្រូវបានរថយន្តសេរីទំនើបបើកបរដោយបុរសម្នាក់ជាជនជាតិ ចិនបើកលឿនដូចហោះបុកពីក្រោយពេញទំហឹងខ្ទាតម៉ូតូជាច្រើនម៉ែត្រ ចំណែករថយន្តបង្កព្យាយាមបើករត់គេចត្រូវបានប្រជាពលរដ្ឋនាំគ្នាដេញតាមស្ទាក់ឃាត់បាន។ហេតុការណ៍គ្រោះថ្នាក់ចរាចរណ៍នេះបានកើតឡើង នៅវេលាម៉ោង១រំលងអាធ្រាត្រឈានចូលថ្ងៃទី២៣ ខែកុម្ភៈ ឆ្នាំ២០២៤ស្ថិតនៅតាមបណ្ដោយមហាវិថីសហព័ន្ធរុស្ស៊ី សង្កាត់កាកាបទី១ ខណ្ឌពោធិ៍សែនជ័យ។ប្រភពព័ត៌មានបានឱ្យដឹងថា មុនពេលកើតហេតុគេឃើញជនរងគ្រោះជិះម៉ូតូម្នាក់ឯងម៉ាក ហុងដាឌ្រីម ស៊េរី២០១៧ ពណ៌ខ្មៅ ពាក់ស្លាកលេខ សៀមរាប1V-9127 ធ្វើដំណើរក្នុងទិសដៅពីកើតទៅលិច ខណៈមកដល់ចំណុចកើតហេតុ ស្រាប់តែត្រូវបានរថយន្តម៉ាក LAMBORGHINI HURACAN STO ពណ៌ទឹកក្រូច ពាក់ស្លាកលេខ កម្ពុជាF.R.999 បើកបរដោយបុរសជនជាតិចិន ឈ្មោះ ប៉ាហ្វីដូ ដែលជាតារាល្បី តាមបណ្ដាញសង្គមFacebook ខាងធ្វើម្ហូប ធ្វើដំណើរស្របទិសគ្នាក្នុងល្បឿនយ៉ាងលឿនទៅបុកម៉ូតូរងគ្រោះពីក្រោយពេញទំហឹងបណ្ដាលឲ្យខ្ទាតម៉ូតូជាច្រើនម៉ែត្រ បន្ទាប់មករថយន្តបង្កបានព្យាយាមបើករត់គេចខ្លួនចេញពីមហាសហព័ន្ធរុស្ស៊ីចូលផ្លូវ២០០៤ទៅឆ្ពោះទៅផ្លូវដួងងៀប ក្នុងសង្កាត់ស្ទឹងមានជ័យ៣ ខណ្ឌមានជ័យ ទើបប្រជាពលរដ្ឋនាំគ្នាស្ទាក់ឃាត់ខ្លួនបានរួចទាក់ទងរាយការណ៍ទៅសមត្ថកិច្ចមូលដ្ឋានចុះមកអន្តរាគមន៍ភ្លាមៗធ្វើការឃាត់ខ្លួនអ្នកបើកបរនិងបក្ខពួកផ្សេងទៀតដែលបើករថយន្តម៉ាក BMW ពណ៌ខៀវ ពាក់ស្លាកលេខ កម្ពុជា MR. TOMI មកបំរុងរំដោះយកអ្នកបើកបររថយន្តបង្ករត់គេចខ្លួន ។ប្រភពដដែលបានបន្តទៀតថា ពេលដែលសមត្ថកិច្ចសួរនាំ បុរសជនជាតិចិនរូបនេះបានបដិសេធថាខ្លួនមិនមែនជាអ្នកបើកនោះទេ គឺអ្នកផ្សេងជាអ្នកបើក តែប្រជាពលរដ្ឋឃើញច្បាស់ថាគាត់ជា អ្នកចុះពីលើរថយន្តបង្ក ទោះជាយ៉ាងណាខាងសមត្ថកិច្ចបាននាំអ្នកបើកបររថយន្តបង្ក និង មិត្តភក្តិ ២នាក់ទៀតយកទៅផ្នែកជំនាញដើម្បីសួរនាំបន្តនៅខណ្ឌពោធិសែនជ័យ ។ក្រោយពេលកើតហេតុសពរងគ្រោះត្រូវបានសមត្ថកិច្ចប្រគល់ទៅសាច់ញាតិក្រុមគ្រួសារដឹកយកទៅធ្វើបុណ្យតាមប្រពៃណី ចំណែកម៉ូតូរងគ្រោះ និងរថយន្តបង្កសមត្ថកិច្ចមូលដ្ឋាន និងសមត្ថកិច្ចជំនាញចុះវាស់វែងយកទៅរក្សាទុកនៅការិយាល័យនគរបាលចរាចរណ៍ផ្លូវគោករង់ចាំធ្វើការដោះស្រាយបន្តពេលក្រោយ ៕ អត្ថបទ៖ កុម្ភៈ

អ៊ុយក្រែន និយាយថា យុគសម័យសន្តិភាពនៅអឺរ៉ុបចប់ហើយ ក្រោយក្រុងអាវឌីវអ៊ីវកាធ្លាក់ចូលដៃរុស្ស៊ី

រុស្ស៊ី បានទទួលជោគជ័យលើដែនដីដ៏សំខាន់លើកដំបូងរបស់ខ្លួន ក្នុងរយៈពេលជាង៩ខែក្នុងសង្គ្រាមនៅប្រទេសអ៊ុយក្រែន ក្រោយការដណ្ដើមបានទីក្រុងអាវឌីវអ៊ីវកា(Avdiivka)ភាគខាងកើត កាលពីសប្ដាហ៍មុន។សហគមន៍ដែលធ្លាប់មានប្រជាពលរដ្ឋរស់នៅប្រមាណ៣ម៉ឺននាក់ ត្រូវបានបាត់បង់ ហើយគេកំពុងមានមន្ទិលថាតើនិយោជកក្នុងស្រុក ដែលជាក្រុមហ៊ុនផលិតភេសជ្ជៈកូកាកូឡាធំបំផុតរបស់អឺរ៉ុបមួយនេះ អាចវិលទៅរកការធ្វើប្រតិបត្តិការឡើងវិញក្នុងពេលឆាប់ៗឬយ៉ាងណា?ប៉ុន្តែការដណ្ដើមបាននេះ បានហុចផលឲ្យលោកប្រធានាធិបតីរុស្ស៊ី Vladimir Putin ទទួលបានឱកាសដ៏អំណោយផលមុនការបោះឆ្នោតដែលលោកប្រឈមនៅក្នុងខែមិនាខាងមុខ។ កងកម្លាំងរុស្ស៊ី បានចាប់ផ្ដើមដាក់សម្ពាធលើកងកម្លាំងការពារជាតិអ៊ុយក្រែនក្នុងភាគខាងកើតកាលពីខែតុលា បន្ទាប់ពីការវាយបកនារដូវក្ដៅយៈពេល៣ខែរបស់អ៊ុយក្រែន បានបញ្ចប់។ ក្នុងអំឡុងការប្រយុទ្ធដ៏ស្វិតស្វាញបំផុតរយៈពេល៤ខែ មេបញ្ជាការកងទ័ពអ៊ុយក្រែនលោក អូឡេកសាន់ឌ័រ តាណាវស្គី (Oleksandr Tarnavskyi) បានប៉ាន់ប្រមាណថា កងទ័ពបានស្លាប់ និងរបួស ចំនួន ៤៧.០០០នាក់ និងបានបាត់បង់រថក្រោះ៣៦៤គ្រឿង ប្រព័ន្ធកាំភ្លើងធំ២៤៨ គ្រឿង រថពាសដែកប្រយុទ្ធចំនួន៧៤៨គ្រឿង និងយន្តហោះ៥គ្រឿង។ ដំណឹងនៃការដួលរលំទីក្រុងនេះ ប្រៀបបាននឹងការទម្លាក់គ្រាប់បែកលើសន្និសីទសន្តិសុខក្រុងម៉ូនីជប្រទេសអាល្លឺម៉ង់ (Munich Security Conference) ជាទីដែលក្រុមសម្ព័ន្ធមិត្តលោកខាងលិចរបស់អ៊ុយក្រែន បានជួបជុំគ្នាដើម្បីប៉ាន់ប្រមាណលើទស្សនវិស័យដ៏អាប់អួរសម្រាប់ឆ្នាំ២០២៤។ លោកឌីមីត្រូ គូឡេបា (Dmytro Kuleba)រដ្ឋមន្ត្រីការបរទេសអ៊ុយក្រែន បានប្រាប់ក្រុមមេដឹកនាំទាំងនោះថា យុគសម័យសន្តិភាពក្នុងតំបន់អឺរ៉ុបចប់ហើយ៕

កូរ៉េខាងត្បូង ដំឡើងកម្រិតវិបត្តិសុខភាពដល់ចំណុចគ្រោះធ្ងន់ធ្ងរខ្លាំង ខណៈក្រុមវេជ្ជបណ្ឌិតបន្តការដើរចេញពីការងារ

ក្រសួងសុខាភិបាលកូរ៉េខាងត្បូង បាននិយាយថា ប្រទេសនេះបានដំឡើងកម្រិតវិបត្តិសុខភាពដល់ចំណុចធ្ងន់ធ្ងរខ្លាំង នៅព្រឹកថ្ងៃសុក្រទី២៣កុម្ភៈនេះ បន្ទាប់ពីក្រុមវេជ្ជបណ្ឌិតរាប់ពាន់នាក់បានដើរចេញពីការងារនៅសប្ដាហ៍នេះ តវ៉ាប្រឆាំងផែនការរដ្ឋាភិបាលក្នុងការបង្កើនចំនួននិស្សិតចូលរៀនសាលាពេទ្យ។ លោកនាយករដ្ឋមន្ត្រី បាននិយាយនៅថ្ងៃសុក្រសប្ដាហ៍នេះថា ប្រទេសកូរ៉េខាងត្បូងនឹងបង្កើនការប្រើប្រាស់មន្ទីរពេទ្យរដ្ឋជាអតិបរមាឆ្លើយបតទៅនឹងការសម្ពាធចេះតែកើនឡើងលើប្រព័ន្ធវេជ្ជសាស្ត្រ បន្ទាប់ពីការដើរចេញដ៏ធំរបស់ក្រុមវេជ្ជបណ្ឌិត។ ការតវ៉ាស្ទើរតែជិត២ភាគ៣របស់ក្រុមវេជ្ជបណ្ឌិតក្មេងៗរបស់ប្រទេសនេះ បានបង្ខំឲ្យមន្ទីរពេទ្យនានាទុកអ្នកជំងឺចោល និងលុបចោលនិតិវិធីផ្សេងៗ ដែលបង្កឲ្យមានការព្រួយបារម្ភកាន់តែខ្លាំងបន្ថែមអំពីការរំខានដល់ប្រព័ន្ធវេជ្ជសាស្ត្រ ប្រសិនបើជម្លោះនេះបន្តអូសបន្លាយ។លោកនាយករដ្ឋមន្ត្រី ហានឌុកស៊ូ (Han Duck-soo) បាននិយាយនៅកិច្ចប្រជុំគ្រប់គ្រងគ្រោះមហន្តរាយថា កិច្ចសហប្រតិបត្តិការរបស់ស្ថាប័នវេជ្ជសាស្ត្ររដ្ឋនឹងត្រូវបង្កើនកម្រិតជាអតិបរមា។លោកបានបន្ថែមថា មន្ទីរពេទ្យរដ្ឋនានា នឹងត្រូវបន្ថែមម៉ោងការងារ ហើយក៏នឹងត្រូវបើកនៅថ្ងៃចុងសប្ដាហ៍ និងថ្ងៃឈប់សម្រាកផងដែរ ដែលស្មើនឹងប្រហែល៦៤% នៃចំនួនវេជ្ជបណ្ឌិតចុះកម្មសិក្សានិងអ្នកចុះស្តារទាំងអស់នៅក្នុងប្រទេសកូរ៉េខាងត្បូង៕

ក្រុមឧទ្ទាមហ៊ូទី នឹងបង្កើនការវាយប្រហារនៅសមុទ្រក្រហម ដោយប្រើប្រាស់អាវុធនាវាមុជទឹក

ក្រុមហ៊ូទី (Houthis) ដែលមានសម្ព័ន្ធមិត្តជាមួយអ៊ីរ៉ង់ របស់ប្រទេសយេម៉ែន បានអះអាងទទួលខុសត្រូវចំពោះការវាយប្រហារលើនាវាដឹកទំនិញដែលគ្រប់គ្រងដោយចក្រភពអង់គ្លេស និងការវាយប្រហារដោយយានដ្រូនលើនាវាពិឃាតអាមេរិក កាលពីថ្ងៃព្រហស្បតិ៍ (២២ កុម្ភៈ) ហើយពួកគេបានកំណត់គោលដៅលើកំពង់ផែ និងទីក្រុងរមណីយដ្ឋាន អ៊ីឡាត់ (Eilat) របស់អ៊ីស្រាអែលជាមួយនឹងមីស៊ីលបាលិស្ទិក និងយានដ្រូនជាច្រើនគ្រឿង។សេចក្តីថ្លែងការណ៍របស់អ្នកតំណាងក្រុមហ៊ូទី នៅលើគេហទំព័រប្រព័ន្ធផ្សព្វផ្សាយសង្គម X នេះបានកើតឡើងភ្លាមៗបន្ទាប់ពីមេដឹកនាំក្រុមនេះបាននិយាយថា ខ្លួននឹងបង្កើនការវាយប្រហារលើនាវានៅសមុទ្រក្រហម និងដែនទឹកផ្សេងទៀត ដោយប្រើប្រាស់ «អាវុធនាវាមុជទឹកថ្មី» ដើម្បីឆ្លុះបញ្ចាំងពីប្រតិបត្តិការយោធារបស់អ៊ីស្រាអែល នៅតំបន់ហ្កាហ្សាស្ទ្រីប។ក្រុមសកម្មប្រយុទ្ធហ៊ូទី បានធ្វើការវាយប្រហារដោយយានដ្រូន និងមីស៊ីលម្តងហើយម្តងទៀតនៅសមុទ្រក្រហម ច្រកសមុទ្រ បាប អាល់ម៉ានដាប (Bab al-Mandab) និងឈូងសមុទ្រ អេឌែន (Aden) ចាប់តាំងពីខែវិច្ឆិកាមក ដើម្បីគាំទ្រដល់ប្រជាជនប៉ាឡេស្ទីន ខណៈដែលសង្រ្គាមអ៊ីស្រាអែល និងក្រុមហាម៉ាសនៅតែបន្ត ហើយចំនួនអ្នកស្លាប់នៅហ្កាហ្សា កើនឡើងដល់ជិត ៣០.០០០ នាក់។ការវាយប្រហាររបស់ក្រុមនេះកំពុងរំខានដល់ផ្លូវកាត់ពាណិជ្ជកម្មព្រែកជីកស៊ុយអេដ៏សំខាន់ ដែលមានប្រហែល ១២% នៃចរាចរណ៍ផ្លូវសមុទ្រទូទាំងពិភពលោក ហើយបង្ខំឱ្យក្រុមហ៊ុននានាប្រើប្រាស់ផ្លូវដ៏វែងឆ្ងាយជាងមុន និងចំណាយថ្លៃជាងមុននៅជុំវិញទ្វីបអាហ្វ្រិក៕

ខណៈអ៊ុយក្រែនប្រារព្ធខួប ២ ឆ្នាំចាប់តាំងពីការឈ្លានពានរបស់រុស្ស៊ី អឺរ៉ុបកំពុងប្រឈមនឹងសំណួរពិបាកៗ

ខណៈពិភពលោករៀបចំប្រារព្ធខួប២ឆ្នាំនៃការឈ្លានពានអ៊ុយក្រែនរបស់លោក Vladimir Putin កាលពីថ្ងៃទី២៤ខែកុម្ភៈឆ្នាំ២០២២ អឺរ៉ុបត្រូវតែសួរខ្លួនឯងនូវសំណួរដែលកំពុងស្វែងរកមួយចំនួនអំពីសង្រ្គាមដែលបានផ្ទុះឡើងដោយមិននឹកស្មានដល់នៅតាមព្រំដែនរបស់ខ្លួន និងថាតើសង្រ្គាមនេះនឹងខិតជិតដល់ ១២ ខែបន្ទាប់ដោយរបៀបណា។ ហេតុផលសំខាន់បំផុតក្នុងចំណោមសំណួរទាំងនោះ គឺតើសហភាពអឺរ៉ុបអាចជួយទ្រទ្រង់ការគាំទ្រផ្នែកហិរញ្ញវត្ថុម្រាប់អ៊ុយក្រែនបានយូរប៉ុន្មានប៉ុណ្ណា។គំនិតនោះមិនមែនជារឿងថ្មីទេ ប៉ុន្តែត្រូវបានបន្ទរឡើងជាលក្ខណៈឯកជនកាន់តែខ្លាំង ក្នុងជ្រុងខ្លះនៃមុខងារជាផ្លូវការ។គំនិតនេះក៏ឆ្លុះបញ្ចាំងផងដែរពីការពិតដ៏អាក្រក់មួយចំនួននាពេលបច្ចុប្បន្ន។សង្រ្គាមបានជាប់គាំងអស់មួយរយៈ ខណៈកាលពីសប្តាហ៍មុន អ៊ុយក្រែនត្រូវបានបង្ខំឲ្យដកកងទ័ពចេញពីទីក្រុងសំខាន់អាវឌីវអ៊ីវកា(Avdiivka)បន្ទាប់ពីការប្រយុទ្ធគ្នាយ៉ាងខ្លាំងក្លាជាច្រើនខែ ជាការបរាជ័យដ៏អាក្រក់បំផុតរបស់ខ្លួនចាប់តាំងពីការដួលរលំទីក្រុងបាកម៉ូដ(Bakhmut) កាលពីខែឧសភាឆ្នាំមុន។កញ្ចប់ថវិកាដែលត្រូវការយ៉ាងខ្លាំងពីសហរដ្ឋអាមេរិកត្រូវបានជាប់គាំង ដោយបានឆ្លងផុតត្រឹមតែព្រឹទ្ធសភា ប៉ុន្តែកំពុងរង់ចាំការអនុម័តពីសភា។ការរួបរួមរវាងសហភាពអឺរ៉ុប និងសម្ព័ន្ធយោធាNATO កំពុងចាប់ផ្តើមរកាំរកូស ហើយស្ទើរតែរាល់ការសម្រេចចិត្តធំៗត្រូវបានរាំងស្ទះ និងគំរាមកំហែងដោយការវ៉េតូ។គ្មានសំឡេងម៉ឺងម៉ាត់ពីបណ្ដាប្រទេសលោកខាងលិច ចង់បោះបង់ទីក្រុង គីវ (Kyiv)នោះទេ ប៉ុន្តែមិនអាចប្រកែកបាន ដែលថាភាពនឿយណាយកំពុងកើតឡើង ខណៈទាមទារឲ្យបង្កើនជំនួយដល់អ៊ុយក្រែន។យោងតាមកម្មវិធីតាមដានការគាំទ្រអ៊ុយក្រែនរបស់វិទ្យាស្ថានគៀល(Kiel)ចាប់តាំងពីការចាប់ផ្តើមវិបត្តិមក សហភាពអឺរ៉ុប និងសម្ព័ន្ធមិត្តក្នុងតំបន់បានចំណាយប្រាក់ជាង ១០០ពាន់លានដុល្លារ ផ្តល់មូលនិធិដល់កិច្ចខិតខំប្រឹងប្រែងការពារជាតិរបស់អ៊ុយក្រែន។កាលពីដើមខែនេះ ក្រុមមេដឹកនាំសហភាពអឺរ៉ុបបានយល់ព្រមលើកញ្ចប់ថវិកាចំនួន ៥៤ ពាន់លានដុល្លារសម្រាប់អ៊ុយក្រែននៅចន្លោះពេលនេះដល់ឆ្នាំ២០២៧។ចក្រភពអង់គ្លេសដែលជាផ្ដល់ការការពារផ្នែកសន្តិសុខដ៏សំខាន់នៅក្នុងតំបន់ក៏បានសន្យាផ្តល់កញ្ចប់ថវិកាជាង១៥ពាន់លានដុល្លារដល់អ៊ុយក្រែនចាប់តាំងពីឆ្នាំ២០២២ផងដែរ។ យោងតាមវិទ្យាស្ថានគៀល (Kiel)សហរដ្ឋអាមេរិកបានចំណាយថវិកា៦៦ពាន់លានដុល្លាររួចមកហើយ ខណៈកញ្ចប់ថវិកាថ្មីចំនួន៦០ពាន់លានដុល្លារអាមេរិកផ្សេងទៀតកំពុងជាប់គាំងក្នុងសភា៕

មេបញ្ជាការទ័ពជើងទឹកអាមេរិក ត្រូវបានចោទប្រកាន់ពីបទធ្វើចារកម្មនៅប្រទេសជប៉ុន

មេបញ្ជាការទ័ពជើងទឹកអាមេរិកម្នាក់ ដែលឈរជើងនៅប្រទេសជប៉ុន កំពុងប្រឈមមុខនឹងការចោទប្រកាន់ចំនួន៤ ដោយចោទប្រកាន់ថា លោកបានប្រព្រឹត្តចារកម្ម និងចែករំលែកឯកសារសម្ងាត់ជាមួយសមាជិកនៃរដ្ឋាភិ បាលបរទេស នេះបើយោងឯកសារចោទប្រកាន់មួយច្បាប់ដែលទទួលបានដោយសារព័ត៌មាន USNI News។ឯកសារចោទប្រកាន់នោះ មានឈ្មោះ ប្រធានផ្នែកពន្លត់អគ្គិភ័យ លោក Bryce Pedicini ដែលត្រូវបានចាត់តាំងឲ្យទៅកាន់នាវាពិឃាត USS Higgins (DDG-76) មានមូលដ្ឋាននៅប្រទេសជប៉ុន។ឯកសារចោទប្រកាន់ បានចុះអំពីបទល្មើសចំនួន១៩ករណីដែលប្រព្រឹត្តដោយ លោកPedicini រួមទាំងការខកខានក្នុងការរាយការណ៍ពីទំនាក់ទំនងបរទេស ក៏ដូចជាការស្នើសុំសម្ភារៈដែលគ្មានការអនុញ្ញាតដោយសមាជិកម្នាក់នៃរដ្ឋាភិបាលបរទេសមួយ។ឯកសារចោទប្រកាន់នោះ បានចោទប្រកាន់ថា លោកPedicini បានប្រគល់ឯកសារទាក់ទងនឹងការការពារជាតិជាច្រើនដងទៅឲ្យមនុស្សម្នាក់ នៅតំបន់ Hampton Roads រដ្ឋវើជីនៀ( Virginia) ចន្លោះខែវិច្ឆិកា ឆ្នាំ ២០២២ដល់ខែកុម្ភៈ ឆ្នាំ ២០២៣។នៅក្នុងខែឧសភា ឆ្នាំ ២០២៣ ខណៈពេលដែលនៅក្នុងទីក្រុងយូកូស៊ុកា ( Yokosuka) ប្រទេសជប៉ុន លោកPedicini ត្រូវបានចោទប្រកាន់ថា បាននាំយកឧបករណ៍អេឡិចត្រូនិកផ្ទាល់ខ្លួនចូលទៅក្នុងតំបន់ហាមឃាត់ និងដំណើរការព័ត៌មានសម្ងាត់លើប្រព័ន្ធមួយដែលមិនត្រូវបានអនុម័តសម្រាប់ការធ្វើព័ត៌មាន បែបនោះ ។ សារព័ត៌មាន USNI បានរាយការណ៍ថា លោកបានថតរូបយកព័ត៌មានសម្ងាត់ នៅលើអេក្រង់កុំព្យូទ័រ។

កម្មកររថភ្លើងនៅប្រទេសអាហ្សង់ទីន ធ្វើកូដកម្ម បណ្តាលឲ្យរាំងស្ទះដល់ការធ្វើដំណើរ

យោងតាមអាជ្ញាធរបានឱ្យដឹងថា កម្មកររថភ្លើងនៅក្នុងប្រទេសអាហ្សង់ទីន បានធ្វើកូដកម្មទូទាំងប្រទេសរយៈពេល២៤ម៉ោង កាលពីថ្ងៃពុធ ដោយទាមទារដំឡើងប្រាក់ឈ្នួលកាន់តែប្រសើរជាងនេះ ខណៈរដ្ឋាភិបាល បានប្រកាសថា ខ្លួនអាចនឹងពិន័យអ្នកទាំងឡាយណាដែលទទួលខុសត្រូវ ក្នុងការរៀបចំការបញ្ឈប់ការងារនេះ។ អ្នកនាំពាក្យប្រធានាធិបតី លោក ម៉ាញូអ៊ែល អាដននី(Manuel Adorni) បាននិយាយថា មនុស្សជាងមួយលាននាក់ បានរងផលប៉ះពាល់ក្នុងមធ្យោបាយរបស់ពួកគេក្នុងពេលទៅធ្វើការងារ ទៅពិគ្រោះយោបល់ផ្នែកវេជ្ជសាស្រ្ត និងសកម្មភាពកម្សាន្តដ៏ទៃទៀត ដោយសារការធ្វើកូដកម្មរបស់កម្មកររថភ្លើង។ ការបញ្ឈប់សេវារថភ្លើង បាននាំឱ្យរដ្ឋធានី Buenos Aires ជិតឈានដល់ភាពជាប់គាំង ដែលខ្សែរថភ្លើងក្រោមដី និងរថយន្តក្រុង មានអ្នកដំណើរច្រើនលើសលប់ ដោយអ្នកធ្វើដំណើរក្នុងជួរដ៏វែងរង់ចាំនៅមជ្ឈមណ្ឌលដឹកជញ្ជូន នៅទូទាំងទីក្រុង។ អគ្គលេខាធិការនៃសហជីពប្រតិបត្តិកររថភ្លើង លោក Omar Maturano បាននិយាយថា កម្មករកំពុងអំពាវនាវឱ្យមានការរៀបចំឡើងវិញប្រាក់ឈ្នួល ដែលបណ្តាលមកពីអត្រាអតិផរណាហក់ឡើងខ្ពស់ របស់ប្រទេសអាហ្សង់ទីន។ បុគ្គលិកថែទាំសុខភាព ក៏មានផែនការធ្វើកូដកម្មរយៈពេល ២៤ម៉ោង នៅថ្ងៃព្រហស្បតិ៍នេះដែរ ដើម្បីទាមទារដំឡើងប្រាក់ឈ្នួលកាន់តែប្រសើរជាងនេះ ខណៈបុគ្គលិកក្នុងវិស័យផ្សេងៗទៀត រួមមានវិស័យអប់រំ បាននិយាយថាពួកគេនឹងធ្វើកូដកម្មនៅថ្ងៃចន្ទ លុះត្រាតែរដ្ឋាភិបាលជួបជាមួយសហជីព ដើម្បីពិភាក្សាអំពីការដំឡើងប្រាក់ឈ្នួល។ មេដឹកនាំសហជីពរថភ្លើង បានជួបប្រជុំកាលពីថ្ងៃពុធ ជាមួយអាជ្ញាធរ ដើម្បីពិភាក្សាអំពីការដំឡើងប្រាក់ឈ្នួល ប៉ុន្តែពុំមានការស្របមតិគ្នានោះទេ ហើយពួកគេបានព្រមព្រៀងផ្អាកកិច្ចពិភាក្សា រហូតដល់ថ្ងៃអង្គារ។

មន្ទីរពេទ្យមួយចំនួននៅកូរ៉េខាងត្បូងទុកអ្នកជំងឺចោល ខណៈក្រុមវេជ្ជបណ្ឌិតចេញតវ៉ាដោយដើរចេញពីការងារ

មន្ទីរពទ្យមួយចំនួនក្នុងប្រទេសកូរ៉េខាងត្បូង បានទុកអ្នកជំងឺចោល នៅពេលអ្នកជំងឺស្វែងរកការសង្រ្គោះបន្ទាន់កាលពីថ្ងៃពុធ ស្របពេលក្រុមវេជ្ជបណ្ឌិតដើរចេញពីការងារក្នុងការតវ៉ាដ៏ធំសម្បើម។ យោងតាមប្រព័ន្ធផ្សព្វផ្សាយក្នុងស្រុក ប្រហែលពាក់កណ្ដាលនៃអ្នកជំងឺដែលគ្រោងវះកាត់នៅមន្ទីរពេទ្យធំៗចំនួន៥ ត្រូវបានលុបចោលហើយនៅពេលនេះ បន្ទប់សង្រ្គោះបន្ទាន់ជាច្រើនផ្ទុកពេញណែនដោយអ្នកជំងឺ ។ លោកនាយករដ្ឋមន្ត្រីហាន ឌុកស៊ូ (Han Duck-soo) បានចុះសួរសុខទុក្ខអ្នកជំងឺនៅមន្ទីរពេទ្យនគរបាលជាតិ មួយក្នុងទីក្រុងសេអ៊ូល និងបានពិនិត្យលើការឆ្លើយតបផ្នែកវេជ្ជសាស្ត្របន្ទាន់។លោកបានបញ្ជាឲ្យមានវិធានការគ្រាអាសន្នមួយចំនួនដូចជា ការប្រើប្រាស់ការប្រឹក្សាយោបល់ជំងឺពីចម្ងាយ បង្កើនប្រតិបត្តិការឲ្យបានច្រើននៅតាមមន្ទីរពេទ្យរដ្ឋនានា និងបើកឃ្លីនិកយោធាជាដើម។ គួរបញ្ជាក់ថា ការតវ៉ាជាបន្តបន្ទាប់ គឺដោយសារផែនការរបស់រដ្ឋាភិបាលក្នុងការបង្កើនចំនួននិស្សិតពេទ្យចូលរៀននៅសាលាពេទ្យឲ្យបានកាន់តែច្រើន ឆ្លើយតបទៅកំណើនប្រជាជន និងប៉ះពាល់ប្រយោជន៍របស់គ្រូពេទ្យដែលមានប្រាក់ខែខ្ពស់ៗ។ ក្រុមវេជ្ជបណ្ឌិតចុះកម្មសិក្សាជិត៨ពាន់នាក់ បាននាំគ្នាដើរចេញពីការងារ ចាប់តាំងពីការតវ៉ាបានផ្ទុះឡើងនៅសប្ដាហ៍នេះ ហើយមានការរំពឹងទុកថានឹងមានក្រុមគ្រូពេទ្យជាច្រើនទៀតចូលរួមការតវ៉ានេះ។ រដ្ឋាភិបាល បានថ្កោលទោសការដើរចេញពីការងារនេះ និងគំរាមចាប់ខ្លួនក្រុមមេដឹកនាំបះបោរការតវ៉ានេះ។ក្រុមវេជ្ជបណ្ឌិត បាននិយាយថា រដ្ឋាភិបាល ចាំបាច់ត្រូវដោះស្រាយបញ្ហាប្រាក់ខែ និងលក្ខខណ្ឌការងារជាមុនសិន មុននឹងនឹងជ្រើសរើសនិស្សិតពេទ្យបន្ថែម។ ទោះយ៉ាងណាក៏ដោយ ក្រុមអាជ្ញាធរ និយាយថា ប្រទេសនេះ ចាំបាច់ក្នុងការបង្កើនចំនួនបុគ្គលិកផ្នែកសេវាសុខាភិបាលកាន់តែច្រើននៅតាមតំបន់ដាច់ស្រយាលនានា ក៏ដូចជាការបំពេញតម្រូវការដែលចេះតែកើនឡើងនៃចំនួនប្រជាជនក្នុងប្រទេសនេះ៕

កសិករឥណ្ឌាដែលកំពុងតវ៉ា ប្រើប្រាស់ខ្លែងដើម្បីបញ្ឈប់ការបាញ់ឧស្ម័នបង្ហៀរទឹកភ្នែកពីយានដ្រូន

កសិករដែលកំពុងតវ៉ានៅក្នុងប្រទេសឥណ្ឌា បានប្រើប្រាស់ខ្លែងកាលពីថ្ងៃពុធ ដើម្បីធ្វើឲ្យទាក់ជាប់យានដ្រូនរបស់នគរបាល ដែលត្រូវបានប្រើប្រាស់ដោយកងកម្លាំងសន្តិសុខ ដើម្បីបាញ់ឧស្ម័នបង្ហៀរទឹកភ្នែកទៅលើក្រុមបាតុករ ក្នុងការប៉ុនប៉ងបំបែកក្រុមតវ៉ាពួកគេ។បន្ថែមលើការបង្ហោះខ្លែង កសិករក៏បានបាញ់ចំពាម និងកាំភ្លើងបាញ់បញ្ចេញអណ្តាតភ្លើង ដើម្បីប្រឆាំងយានដ្រូន។ រយៈពេល១សប្តាហ៍កន្លងទៅនេះ កសិកររាប់ពាន់នាក់ បានប៉ះទង្គិចគ្នាជាមួយកងកម្លាំងសន្តិសុខ ចម្ងាយប្រហែល២០០គីឡូម៉ែត្រ ភាគខាងជើងទីក្រុង Delhi បន្ទាប់ពីនគរបាល បានបញ្ឈប់ការដង្ហែក្បួនបាតុកម្មរបស់កសិករដែលគេហៅថា«តោះយើងទៅកាន់ទីក្រុងដេលី» ដើម្បីទាមទារតម្លៃខ្ពស់ជាងនេះពីរដ្ឋាភិបាល សម្រាប់កសិផលរបស់ពួកគេ។កាលពីថ្ងៃពុធ កសិករ បានផ្អាកការតវ៉ា បន្ទាប់ពីរដ្ឋាភិបាលបានផ្តល់សំណើថ្មីដើម្បីបន្តការចរចា ប៉ុន្មានម៉ោងបន្ទាប់ពីនគរបាលបានបាញ់ឧស្ម័នបង្ហៀរទឹកភ្នែក និងប្រើប្រាស់កាណុងបាញ់ទឹក ដើម្បីបំបែកហ្វូងមនុស្សរាប់ពាន់នាក់ ដែលកំពុងដើរតវ៉ាទៅកាន់ទីក្រុងដេលី។ កសិករបាននាំយកត្រាក់ទ័រ និងរថយន្តដឹកទំនិញរបស់ពួកគេមកតវ៉ាជាមួយ ហើយបានប្រើប្រាស់ឧបករណ៍កសិកម្មទាំងនេះ និងឧបករណ៍កសិកម្មផ្សេងទៀត ដើម្បីរារាំងដល់សកម្មភាពរបស់នគរបាល ។

អង់គ្លេស ពិចារណាដាក់កម្រិតលើការនាំចេញអាវុធទៅកាន់អ៊ីស្រាអែល ប្រសិនបើប្រទេសនេះ ឈ្លានពានទីក្រុងរ៉ាហ្វា

ចក្រភពអង់គ្លេស កំពុងវាយតម្លៃថាតើត្រូវដាក់កម្រិតលើការនាំចេញអាវុធមួយចំនួនទៅកាន់ប្រទេសអ៊ីស្រាអែល ប្រសិនបើទីក្រុងតែលអាវីវ (Tel Aviv) ជំរុញការឈ្លានពានរបស់ខ្លួនលើទីក្រុងរ៉ាហ្វា (Rafah) នេះបើយោងតាមរបាយការណ៍។អ៊ីស្រាអែល អាចបំពានច្បាប់មនុស្សធម៌អន្តរជាតិ (IHL) ប្រសិនបើលោក បេនចាមីន ណេតាន់យ៉ាហ៊ូ (Benjamin Netanyahu) នាយករដ្ឋមន្ត្រីរបស់ប្រទេសនេះ បើកការវាយលុកនៅក្នុងទីក្រុងហ្កាហ្សា ភាគខាងត្បូងដែលមានប្រជាជនរស់នៅយ៉ាងច្រើនដោយមិនព្យាយាមការពារជនស៊ីវិលនោះ។ប្រភពផ្លូវការ បានប្រាប់សារព័ត៌មាន Bloombergថា ការធ្វើបែបនេះ អាចផ្លាស់ប្តូរដំបូន្មានផ្នែកច្បាប់ ដែលផ្តល់ដល់រដ្ឋមន្ត្រីស្តីពីការផ្តល់អាជ្ញាប័ណ្ណនាំចេញ ដែលអាចប៉ះពាល់ដល់ការលក់អាវុធមួយចំនួនដល់ប្រទេសនេះ។អ៊ីស្រាអែល បានស្ថិតក្រោមសម្ពាធខ្លាំងពីសម្ព័ន្ធមិត្ត ឲ្យលុបចោលប្រតិបត្តិការយោធា ដែលបានគ្រោងធ្វើ នៅក្នុងទីក្រុងរ៉ាហ្វាភាគខាងត្បូងនៃទីក្រុងហ្កាហ្សា ជាកន្លែងដែលប្រជាជនប៉ាឡេស្ទីនប្រមាណ ១,៤ លាននាក់ កំពុងជ្រកកោន។លោក បេននី ហ្គាន ( Benny Gantz) សមាជិកគណៈរដ្ឋមន្ត្រីអ៊ីស្រាអែល បាននិយាយកាលពីសប្តាហ៍មុនថា ប្រទេសនេះនឹងបន្តប្រតិបត្តិការនេះ លុះត្រាតែចំណាប់ថ្នូរជាង១០០នាក់ដែលនៅសេសសល់ដោយក្រុមហាម៉ាស មិនត្រូវបានដោះលែងត្រឹមថ្ងៃទី១០ ខែមីនា នៅពេលដែលពិធីបុណ្យរ៉ាម៉ាដាន ចាប់ផ្តើម។

បណ្ដាញសង្គម

ព័ត៌មានថ្មីៗ

ការស្ទង់មតិ៖ ពលរដ្ឋអាមេរិក ៦២% គាំទ្រឱ្យដាក់ទណ្ឌកម្មលើដៃគូពាណិជ្ជកម្មរុស្ស៊ី ដើម្បីបញ្ចប់ជម្លោះអ៊ុយក្រែន

ជប៉ុន នៅតែប្រុងប្រយ័ត្នចំពោះផលប៉ះពាល់សេដ្ឋកិច្ចដោយសារពន្ធគយ ក្នុងរបាយការណ៍ខែសីហា

ប្រជាពលរដ្ឋស្រុកកណ្តៀងទទួលបានផ្លូវកៅស៊ូរ៣ខ្សែប្រវែង ២០គីឡូម៉ែត្រ ពីគម្រោង SAAMBAT ក្នុងជំហានទី២

មេដឹកនាំកូរ៉េខាងជើង ទៅត្រួតពិនិត្យមូលដ្ឋានហ្វឹកហ្វឺន ដោយជំរុញឱ្យពង្រឹងកងកម្លាំងប្រតិបត្តិការពិសេស

ខេត្តពោធិ៍សាត់មានបេក្ខជនប្រឡងបាក់ឌុប ៣៩០០នាក់ ក្នុងនោះបេក្ខជន២រូបមកពីខេត្តព្រះវិហារ

ការដំឡើងពន្ធទ្វេដងរបស់លោក Trump បានប៉ះពាល់ដល់ប្រទេសឥណ្ឌា និងធ្វើឲ្យខូចទំនាក់ទំនង

លោក Xi នឹងធ្វើជាម្ចាស់ផ្ទះទទួលលោក Putin និងលោក Modi ខណៈចិនបង្ហាញពីសាមគ្គីភាពសម្រាប់ប្រទេសកំពុងអភិវឌ្ឍសកលខាងត្បូង

ឥណ្ឌា បារម្ភថា ផលប៉ះពាល់ធ្ងន់ធ្ងរនៃពន្ធខ្ពស់របស់អាមេរិក អាចបង្កបញ្ហាប្រឈមដល់សេដ្ឋកិច្ច

មនុស្សស្លាប់៣នាក់ និង ២០នាក់របួសក្នុងការបាញ់ប្រហារនៅសាលារៀនកាតូលិក Minneapolis សហរដ្ឋអាមេរិក

សម្ដេចធិបតី ជូនពរឱ្យក្មួយបេក្ខជនទាំងអស់ ទទួលបានលទ្ធផលវិជ្ជមានជាមួយ នឹងសមត្ថភាពពិត “អ្នកចេះគឺជាប់”

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877