BTV NEWS

តំណាងអយ្យការចោទប្រកាន់ជនសង្ស័យម្នាក់យករូបថ្នាក់ដឹកនាំធ្វើជាប្រូហ្វាល់ ជាមធ្យោបាយគំរាមជនរងគ្រោះជំរិតទារប្រាក់

អាជ្ញាធររាជធានីភ្នំពេញបន្តរកឃើញបទល្មើស Online Scams ពីរទីតាំងបន្ថែមទៀត

បង្រ្កាបបទល្មើសគ្រឿងញៀននៅចំណុចស្តារវីហ្កាសឃាត់ខ្លួនមនុស្ស ចំនួន១៤១នាក់

អាវុធហត្ថខេត្តព្រះសីហនុបង្រ្កាបទីតាំង ONLINE SCAMS មួយកន្លែងឃាត់ខ្លួនជនសង្ស័យចំនួន ១៨នាក់

សន្តិសុខ និង សង្គម

ជនភៀសខ្លួនអាហ្វហ្គានីស្ថានដែលត្រូវបានបណ្តេញចេញពីប៉ាគីស្ថាន មានធនធានតិចតួចក្នុងរដូវរងា

ប្រធានប្រចាំប្រទេសនៃកម្មវិធីស្បៀងអាហារពិភពលោកស្រីសាវ វេលី (Hsiao-Wei Lee)បាននិយាយនៅថ្ងៃសុក្រ១៧ ខែវិច្ឆិកាកន្លងទៅថា ជនភៀសខ្លួនអាហ្វហ្គានីស្ថានគ្មានឯកសារដែលត្រូវបាននិរទេសដោយប៉ាគីស្ថានបានប្រឈម នឹងរដូវរងាដ៏អាក្រក់ក្នុងពេលមានធនធានតិចតួច។ ទីក្រុង Islamabad កាលពីខែមុនបានប្រកាសថា ខ្លួននឹងបណ្តេញជនភៀសខ្លួនដែលគ្មានឯកសារជាងមួយលាននាក់ ដែលភាគច្រើនជាជនជាតិអាហ្វហ្គានីស្ថាន ស្របពេលមានជម្លោះជាមួយក្រុងកាប៊ុល ជុំវិញការចោទប្រកាន់ថាក្រុមតាលីបង់ បានផ្ដល់ជម្រកដល់ក្រុមសកម្មប្រយុទ្ធប្រឆាំងប៉ាគីស្ថាន។ប្រជាជនអាហ្វហ្គានីស្ថានជាង៣៧០.០០០នាក់ បានភៀសខ្លួនចេញពីប្រទេសប៉ាគីស្ថាន ចាប់តាំងពីថ្ងៃទី១ ខែតុលា ដោយត្រឡប់ទៅរកការប្រឈមក្នុងរដូវរងាជិតមកដល់ ជាប្រទេសមួយដែលរងការបំផ្លិចបំផ្លាញដោយគ្រោះមហន្តរាយធម្មជាតិដ៏ធ្ងន់ធ្ងរជាច្រើន និងការកាត់បន្ថយជំនួយមនុស្សធម៌។ អ្នកនិរទេសអាហ្វហ្គានីស្ថានម្នាក់ដែលរស់នៅបានរយៈ១៤ ឆ្នាំ នៅក្នុងប្រទេសប៉ាគីស្ថានបាននិយាយថាលោកមិនត្រូវបានអនុញ្ញាតឱ្យប្រមូលឯកសាររបស់លោកទាំងអស់ទេ ខណៈត្រូវបាននិរទេស។មួយចំនួនប្រឈមនឹងការរស់នៅក្នុងជំរំតង់ ស្របពេលសីតុណ្ហភាពបានចាប់ផ្តើមហក់ឡើងដល់-4°C ជាការបន្ថែមបន្ទុកលើវិបត្តិមនុស្សធម៌ដែលកំពុងបន្ត។ គួរបញ្ជាក់ថាប៉ាគីស្ថានគឺជាជម្រកសម្រាប់ក្រុមជនអន្តោប្រវេសន៍ និងជនភៀសខ្លួនអាហ្វហ្គានីស្ថានជាង ៤លាននាក់ ក្នុងនោះប្រហែល ១,៧ លាននាក់គ្មានឯកសារ។ ការសម្រុកចេញពីប្រទេសកំណើតដ៏ច្រើនបែបនេះ បានកើតឡើងបន្ទាប់ពីពួកតាលីបង់ដណ្តើមគ្រប់គ្រងប្រទេសអាហ្វហ្គានីស្ថានមកវិញកាលពីឆ្នាំ២០២១ ហើយចំនួនដ៏ច្រើនបានបន្តមកដល់បច្ចុប្បន្ន ចាប់តាំងពីការឈ្លានពានរបស់សហភាពសូវៀត ឆ្នាំ១៩៧៩៕

ចិន៖ គ្មានមេរោគបង្កជំងឺខុសពីធម្មតា ឬជំងឺឆ្លងនោះទេ បន្ទាប់ពី WHO សាកសួរការផ្ទុះឡើងនៃជំងឺផ្លូវដង្ហើម

អង្គការសុខភាពពិភពលោកបាននិយាយថា ប្រទេសចិនបានរាយការណ៍ថាពុំមាន មេរោគខុសពីធម្មតា ឬជំងឺឆ្លងណាមួយទេ នៅក្នុងចង្កោមនៃករណីឆ្លងជំងឺរលាកសួតលើកុមារ។អង្គការសុខភាពពិភពលោក ដែលបានស្នើសុំទិន្នន័យបន្ថែមលើករណីនេះ បាននិយាយថា ទីក្រុងប៉េកាំងបានសន្មតថាមានការកើនឡើងនៃជំងឺដែលដូចទៅនឹងជំងឺផ្តាសាយ គឺដោយសារការដកវិធានការទប់ស្កាត់វីរុស Covid-19 ។ ទោះជាយ៉ាងណាក៏ដោយ អង្គការនេះ បានដាស់តឿនប្រជាពលរដ្ឋរបស់ខ្លួននៅក្នុងប្រទេសចិនឱ្យមានការប្រុងប្រយ័ត្នខ្ពស់ ដូចជាទៅទទួលការចាក់វ៉ាក់សាំង និងពាក់ម៉ាស ជាដើម។ ប្រព័ន្ធផ្សព្វផ្សាយក្នុងស្រុកបានរាយការណ៍ថាមន្ទីរពេទ្យជាច្រើនបានផ្ទុកអ្នកជំងឺដ៏ច្រើនលើសលប់ក្នុងរយៈពេលប៉ុន្មានថ្ងៃថ្មីៗនេះ។នៅក្នុងសេចក្តីថ្លែងការណ៍មួយកាលពីថ្ងៃពុធ អង្គការសុខភាពពិភពលោក (WHO) បាននិយាយថា ខ្លួនបានស្នើសុំប្រទេសចិនសម្រាប់ព័ត៌មានបន្ថែមស្ដីពីរបាយការណ៍នៅក្នុងប្រព័ន្ធផ្សព្វផ្សាយ និងប្រព័ន្ធតាមដានជំងឺ ProMed ដែលជាប្រព័ន្ធឃ្លាំមើលការផ្ទុះឡើងជាសកលនៃ ក្រុមជំងឺរលាកសួតដែលមិនត្រូវបានធ្វើរោគវិនិច្ឆ័យចំពោះកុមារនៅភាគខាងជើងប្រទេសចិន។ ជំងឺរលាកសួត គឺជាពាក្យវេជ្ជសាស្រ្តទូទៅដែលប្រើដើម្បីពិពណ៌នាអំពីការឆ្លងមេរោគ និងការរលាកសួត។ វាអាចបណ្តាលមកពីមេរោគ បាក់តេរី ឬផ្សិតផ្សេងៗ។ បន្ទាប់ពីការស្នើសុំរបស់អង្គការសុខភាពពិភពលោក ទីភ្នាក់ងារសារព័ត៌មានរដ្ឋ Xinhua បានចុះផ្សាយអត្ថបទមួយដែលបានដកស្រង់សម្តីមន្ត្រីនៃគណៈកម្មាធិការសុខភាពជាតិរបស់ប្រទេសចិន (NHC) ដោយនិយាយថាពួកគេកំពុងតាមដានយ៉ាងយកចិត្តទុកដាក់លើការធ្វើរោគវិនិច្ឆ័យ និងការថែទាំកុមារដែលមានជំងឺផ្លូវដង្ហើម៕

ពលរដ្ឋអ៊ីស្រាអែលអន្ទះសារចង់ឃើញការដោះលែងចំណាប់ថ្នូរកាន់តែច្រើន ខណៈបទឈប់បាញ់អុវត្តន៍នៅថ្ងៃសុក្រនេះ

ប្រជាជនអ៊ីស្រាអែលនៅទីក្រុង Tel Aviv កាលពីថ្ងៃព្រហស្បតិ៍ ២៣ វិច្ឆិកា បាននិយាយថា ពួកគេសប្បាយចិត្តដែលបទឈប់បាញ់រយៈពេល ៤ ថ្ងៃ នឹងចាប់ផ្តើមរវាងអ៊ីស្រាអែល និងក្រុមហាម៉ាស ហើយចំណាប់ថ្នូរនឹងត្រូវដោះលែងពីហ្កាហ្សា ប៉ុន្តែបាននិយាយថា ពួកគេចង់ឱ្យចំណាប់ខ្មាំងទាំងអស់វិលត្រលប់មកផ្ទះវិញ។ អ្នកតវ៉ាម្នាក់ គឺ អ្នកស្រី ហ្សានី ហ្គោលែន (Shani Golan) បាននិយាយនៅឯពិធីបួងសួងឲ្យមានការដោះលែងចំណាប់ខ្មាំងក្បែរក្រសួងការពារជាតិថា អ្នកស្រីសប្បាយចិត្តណាស់ ព្រោះយើងបានរង់ចាំដំណឹងនេះជាយូរមកហើយ ។ អ្នកស្រីបន្ថែមថា ម្យ៉ាងវិញទៀត អ្នកដឹងហើយថា យើងមានចំណាប់ខ្មាំងកាន់តែច្រើននៅទីនោះ ហើយ ការសន្យាដោះលែងមនុស្សត្រឹមតែ១៣នាក់ គឺតិចតួចខ្លាំងណាស់បើធៀបទៅនឹងចំនួន ដែលយើងចង់ទទួលបានមកវិញ។ ក្រុមអ្នកសម្របសម្រួលបទឈប់បាញ់រយៈពេលខ្លីនៅក្នុងប្រទេសកាតា បាននិយាយថា អ៊ីស្រាអែល និងក្រុមអ៊ីស្លាមប៉ាឡេស្ទីនហាម៉ាស នឹងចាប់ផ្តើមបទឈប់បាញ់រយៈពេល៤ ថ្ងៃ ព្រឹកនៅថ្ងៃសុក្រ ទី២៤ ខែវិច្ឆិកា ដែលនឹងមានក្រុមទីមួយនៃចំណាប់ខ្មាំងស្ត្រី និង កុមារ អ៊ីស្រាអែល ចំនួន១៣ នាក់ដែលត្រូវបានដោះលែងនៅពេលក្រោយនៅថ្ងៃនោះ។ ក្រសួងការបរទេសរបស់ប្រទេសកាតាបាននិយាយថា កិច្ចព្រមព្រៀងជាលើកដំបូងនៅក្នុងសង្គ្រាមដ៏ព្រៃផ្សៃ ដែលមានរយៈពេលជិត៧សប្តាហ៍ មកហើយនោះ នឹងចាប់ផ្តើមនៅម៉ោង៧ ព្រឹកម៉ោងក្នុងស្រុក ហើយពាក់ព័ន្ធនឹងបទឈប់បាញ់ដ៏ទូលំទូលាយមួយនៅភាគខាងជើង និងភាគខាងត្បូងនៃតំបន់ហ្កាហ្សា៕

អ៊ីស្រាអែល និងក្រុមហាម៉ាស នឹងចាប់ផ្តើមបទឈប់បាញ់រយៈពេលបួនថ្ងៃនៅថ្ងៃសុក្រនេះ

ក្រុមអ្នកសម្រុះសម្រួលក្នុងប្រទេសកាតា បាននិយាយថា អ៊ីស្រាអែល និងក្រុមអ៊ីស្លាមប៉ាឡេស្ទីនហាម៉ាស នឹងចាប់ផ្តើមបទឈប់បាញ់រយៈពេល ៤ ថ្ងៃនៅព្រឹកថ្ងៃសុក្រនេះ ដោយក្រុមដំបូងនៃចំណាប់ថ្នូរស្ត្រី និងកុមារចំនួន ១៣ នាក់ របស់អ៊ីស្រាអែល នឹងត្រូវបានដោះលែងនៅល្ងាចថ្ងៃដដែលនេះ។បណ្ដាមហាអំណាចពិភពលោកបានស្វាគមន៍យ៉ាងប្រុងប្រយ័ត្នចំពោះដំណឹងនេះ ប៉ុន្តែការប្រយុទ្ធគ្នាបានបន្ត ដោយក្រុមមន្ត្រីក្នុងតំបន់បាននិយាយថា មន្ទីរពេទ្យមួយក្នុងទីក្រុងហ្កាហ្សា ស្ថិតក្នុងចំណោមគោលដៅដែលត្រូវបានទម្លាក់គ្រាប់បែក ខណៈនៅសល់ប៉ុន្មានម៉ោងទៀតដល់ការចាប់ផ្តើមនៃការផ្អាកលើកដំបូងនៅក្នុងសង្គ្រាមដ៏ឃោរឃៅជិតប្រាំពីរសប្តាហ៍នេះ។ ភាគីទាំងពីរក៏បានផ្តល់សញ្ញាថាការផ្អាកនេះនឹងមានលក្ខណៈបណ្ដោះអាសន្នប៉ុណ្ណោះមុនពេលការប្រយុទ្ធបន្តទៀត។ក្រសួងការបរទេសរបស់ប្រទេសកាតាបាននិយាយថា បទឈប់បាញ់នឹងចាប់ផ្តើមនៅម៉ោង ៧ ព្រឹក ម៉ោងក្នុងស្រុក ហើយពាក់ព័ន្ធនឹងបទឈប់បាញ់ដ៏ទូលំទូលាយមួយនៅភាគខាងជើង និងភាគខាងត្បូងនៃតំបន់ហ្កាហ្សា។ អ្នកនាំពាក្យក្រសួងការបរទេស លោក ម៉ាជេត អាល់អានសារី (Majed Al-Ansari) បាននិយាយនៅក្នុងរដ្ឋធានី ដូហា ប្រទេសកាតា ថា ជំនួយបន្ថែមនឹងចាប់ផ្តើមហូរចូលទៅក្នុងតំបន់ហ្កាហ្សា ហើយក្រុមចំណាប់ថ្នូរដំបូងរួមទាំងស្ត្រីវ័យចំណាស់ នឹងត្រូវបានដោះលែងនៅម៉ោង ៤ រសៀល (ម៉ោងក្នុងស្រុក) ព្រមទាំងចំនួនសរុបនៃចំណាប់ថ្នូរទាំង៥០នាក់ នឹងត្រូវដោះលែងក្នុងរយៈពេល ៤ ថ្ងៃនេះ។ក្រុមហាម៉ាស ដែលត្រូវបានគេរំពឹងថានឹងប្រកាសបទឈប់បាញ់ជាមួយអ៊ីស្រាអែល រយៈពេលមួយថ្ងៃមុនកាលពីថ្ងៃព្រហស្បតិ៍ ដើម្បីតែបន្តការចរចា បានបញ្ជាក់នៅលើបណ្ដាញតេឡេក្រាមរបស់ខ្លួនថា អរិភាពទាំងអស់ពីកងកម្លាំងរបស់ខ្លួននឹងត្រូវឈប់ ខណៈយោធាអ៊ីស្រាអែលបាននិយាយថា កងទ័ពរបស់ខ្លួននឹងឈរជើងនៅខាងក្រោយតំបន់ខ្សែបន្ទាត់បទឈប់បាញ់មួយនៅខាងក្នុងហ្កាហ្សា ដោយមិនបានផ្តល់ព័ត៌មានលម្អិតអំពីទីតាំងរបស់ខ្លួននោះទេ៕

ក្រុមបាតុករតវ៉ាការឈ្នះឆ្នោតរបស់បក្សប្រឆាំងអ៊ីស្លាមនៅហូឡង់ ខណៈពលរដ្ឋម៉ូស្លីមមានការភ្ញាក់ផ្អើល

ក្រុមបាតុករជនជាតិហូឡង់ បានប្រមូលផ្តុំគ្នាតវ៉ាប្រឆាំងនឹងជ័យជម្នះក្នុងការបោះឆ្នោតរបស់អ្នកនយោបាយនិយមស្តាំនិយមជ្រុល លោក ហ្គឺត វីលឌឺស (Geert Wilders) នៅទីក្រុងអ៊ូត្រេចស៍ (Utrecht) កាលពីល្ងាចថ្ងៃព្រហស្បតិ៍ (២៣ វិច្ឆិកា) រយៈពេលមួយថ្ងៃបន្ទាប់ពីលទ្ធផលនៃការបោះឆ្នោតបានបង្កឱ្យមានការខកចិត្តចំពោះជនជាតិម៉ូស្លីម និងក្រុមអ្នកស្រឡាញ់ភេទដូចគ្នា។ ប្រជាជនម៉ូស្លីមនៅក្នុងប្រទេសហូឡង់ បានសម្តែងការភ្ញាក់ផ្អើលយ៉ាងខ្លាំងចំពោះអ្នកឈ្នះការបោះឆ្នោត ដែលពីមុនធ្លាប់បានអំពាវនាវឱ្យមានការហាមឃាត់វិហារអ៊ីស្លាម និងគម្ពីរកូរ៉ាននៅក្នុងប្រទេសហូឡង់។ក្រុមបាតុករបានប្រមូលផ្តុំគ្នា ដោយអ្នកខ្លះកាន់ទង់ឥន្ទធនូ និងទង់ជាតិប៉ាឡេស្ទីន នៅក្នុងការហែក្បួនតវ៉ាប្រឆាំងនឹងលោក វីលឌឺស និងគណបក្សសេរីភាព (PVV) របស់លោក។ ខណៈភាពតានតឹងកើឡើង នគរបាលបានបំបែកហ្វូងបាតុករ ចេញពីក្រុមអ្នកតវ៉ាប្រឆាំងក្រុមបាតុករទាំងនោះ។ប្រជាជនម៉ូស្លីម មានចំនួនប្រហែល ៥% នៃប្រជាជនហូឡង់ ដែលមានចំនួនជិត ១៨ លាននាក់។ ពលរដ្ឋមួយចំនួននៅប្រទេសហូឡង់ គិតថាប្រព័ន្ធរដ្ឋាភិបាលចម្រុះរបស់ហូឡង់មួយនេះ គឺមានន័យថា លោក វីលឌឺស នឹងត្រូវសម្របសម្រួលលើទស្សនៈជ្រុលនិយមបំផុតរបស់ខ្លួន ខណៈក្រុមអ្នកវិភាគនយោបាយក៏បានព្យាករណ៍បែបនោះផងដែរ៕

ប៉ាគីស្ថាន ទារយកប្រាក់៨៣០ដុល្លាអាមេរិក ពីជនភៀសខ្លួនគ្មានឯកសារ ដើម្បីអាចចាកចេញបាន

ប្រទេសប៉ាគីស្ថានបានបញ្ជាក់ថា ខ្លួនកំពុងទារយកប្រាក់ចំនួន ៨៣០ ដុល្លារអាមេរិកពីជនភៀសខ្លួនគ្មានឯកសារ ដែលចង់ចាកចេញពីប្រទេសនេះ។ ការបង់ប្រាក់ដើម្បីចាកចេញ អនុវត្តចំពោះអ្នកដែលមកដល់ដោយគ្មានទិដ្ឋាការ។ កាលពីខែតុលា ប្រទេសប៉ាគីស្ថាន បានប្រកាសថា ខ្លួននឹងនិរទេសជនបរទេសគ្មានឯកសារចំនួន១,៧ លាននាក់ចេញពីប្រទេស ប្រសិនបើពួកគេមិនព្រមចាកចេញត្រឹមថ្ងៃទី១ ខែវិច្ឆិកា។ភាគច្រើន ជាជនជាតិអាហ្វហ្គានីស្ថាន រួមទាំងមនុស្សរាប់សែននាក់ដែលបានភៀសខ្លួនចេញពីអាហ្វហ្គានីស្ថាន នៅពេលដែលពួកតាលីបង់បានឡើងកាន់អំណាច កាលពីឆ្នាំ ២០២១។ អ្នកដែលមានទិដ្ឋាការផុតកំណត់ នឹងត្រូវគិតប្រាក់អាស្រ័យលើរយៈពេលដែលពួកគេបានស្នាក់នៅលើសពេលវេលាកំណត់។ ការបង់ប្រាក់សម្រាប់ការចាកចេញនេះ មិនអនុវត្តចំពោះអ្នកទាំងឡាយ ដែលធ្វើដំណើរត្រឡប់ទៅអាហ្វហ្គានីស្ថានវិញនោះទេ។ យោងតាមអង្គការលើកលែងទោសអន្តរជាតិ ប្រជាជនអាហ្វហ្គានីស្ថានជាច្រើនដែលបានមកដល់ប៉ាគីស្ថាននៅពេលដែលទីក្រុងកាប៊ុលបានធ្លាក់ចូលកណ្ដាប់ដៃរបស់ក្រុមតាលីបង់បានប្រឈម នឹងការពន្យារពេលក្នុងការទទួលបានឯកសារ។ប្រទេសប៉ាគីស្ថានមិនមែនជាភាគីនៃអនុសញ្ញាជនភៀសខ្លួនទេ ហើយបាននិយាយថា ខ្លួនមិនទទួលស្គាល់ជនជាតិអាហ្វហ្គានីស្ថានណាមួយដែលរស់នៅក្នុងព្រំដែនរបស់ខ្លួនជាជនភៀសខ្លួននោះទេ។ អ្នកការទូតជាន់ខ្ពស់មួយរូបនៅប្រទេសប៉ាគីស្ថានបានប្រាប់សារព័ត៌មាន BBC ថា ថ្លៃសេវានេះ មានការព្រួយបារម្ភជាពិសេសនៅពេលដែលត្រូវបានអនុវត្តចំពោះមនុស្សដែលត្រូវបានផ្លាស់ទីលំនៅដោយផ្អែកលើហេតុផលមនុស្សធម៌។ ពួកគេបាននិយាយថា នៅក្នុងប្រទេសជាច្រើន ប្រសិនបើអ្នកស្នាក់នៅលើសកាលកំណត់ក្នុងទិដ្ឋាការ អ្នកត្រូវតែបង់ប្រាក់ ពុំនោះទេ អ្នកត្រូវបានចាកចេញ។ បញ្ហាគឺការគិតប្រាក់ ចំពោះអ្នកទាំងឡាយដែលយើងកំពុងទទួលយកទិដ្ឋាការមនុស្សធម៌។ មិនចាំបាច់ សម្រាប់មនុស្សដែលយើងកំពុងទទួលយកទេ ព្រោះពួកគេបានធ្វើការឱ្យយើង ប៉ុន្តែមនុស្សទាំងនោះសុទ្ធតែមនុស្សដែលអង្គការ UNHCR មើលឃើញថាមានតម្រូវការមនុស្សធម៌៕

កងទ័ពអ៊ីស្រាអែល ចាប់ប្រធានមន្ទីរពេទ្យ Al Shifa ដើម្បីសាកសួរ

ប្រធានមន្ទីរពេទ្យ Al Shifa នៅក្នុងតំបន់ហ្កាហ្សាស្ទ្រីប កំពុងត្រូវបានសាកសួរ កាលពីថ្ងៃព្រហស្បតិ៍ ជុំវិញភ័ស្តុតាងដែលយោធាអ៊ីស្រាអែល បាននិយាយថា កន្លែងនោះ ត្រូវបានប្រើប្រាស់ជាមជ្ឈមណ្ឌលបញ្ជា និងគ្រប់គ្រងសម្រាប់ចលនាអ៊ីស្លាមហាម៉ាស។យោធាបាននិយាយថា លោកវេជ្ជបណ្ឌិត Muhammad Abu Salamiyah បានទទួលខុសត្រូវលើអគារដ៏ធំទូលាយនេះ ខណៈដែលក្រុមសកម្មប្រយុទ្ធហាម៉ាស បានកសាងបណ្តាញហេដ្ឋារចនាសម្ព័ន្ធយោធា និងរក្សាទុកអាវុធ នៅក្នុងមន្ទីរពេទ្យ និងមូលដ្ឋានរបស់ខ្លួន។យោធានេះ បាននិយាយនៅក្នុងសេចក្តីថ្លែងការណ៍មួយថា៖«នៅក្នុងមន្ទីរពេទ្យក្រោមការគ្រប់គ្រងរបស់លោក មានសកម្មភាពដ៏ទូលំទូលាយរបស់ភេរវករហាម៉ាស»។មន្ទីរពេទ្យ Shifa ដែលជាកន្លែងព្យាបាលដ៏ធំបំផុត នៅក្នុងទឹកដីប៉ាឡេស្ទីន បានក្លាយជាចំណុចកណ្តាលនៃការចោទប្រកាន់ពីបទឧក្រិដ្ឋកម្មសង្រ្គាមទាំងសងខាង។ខណៈពេលដែលអ៊ីស្រាអែល និយាយថា ក្រុមហាម៉ាស បានកំណត់ទីតាំងប្រតិបត្តិការរបស់ខ្លួន នៅកន្លែងនោះ ដោយផ្ទុយនឹងច្បាប់អន្តរជាតិ ប៉ាឡេស្ទីន បានចោទប្រកាន់អ៊ីស្រាអែលថា បានកំណត់គោលដៅលើកន្លែងព្យាបាលដែលជនស៊ីវិលរាប់ពាន់នាក់ បានស្វែងរកទីជម្រកពីការវាយប្រហារតាមអាកាស ដែលបានសម្លាប់មនុស្សរាប់ពាន់នាក់។

ស្នងការនគរបាលខេត្តក្រចេះសម្រេចផ្អាកការងារលោកមេប៉ុស្តិ៍ស្រែចារជាបណ្តោះអាសន្ន និងឱ្យបង្ហាញមុខនៅការិយាល័យបុគ្គលិករៀងរាល់ម៉ោងធ្វើការ

ក្រចេះ ៖ អ្នកនាំពាក្យ និងជាក្រុមការងារប្រតិកម្មរហ័ស នៃស្នងការដ្ឋាននគរបាលខេត្តក្រចេះ នៅថ្ងៃទី ២៣ ខែវិច្ឆិកា ឆ្នាំ ២០២៣នេះ បានឱ្យដឹងថា បន្ទាប់ពីទទួលព័ត៌មានលើបណ្តាញសង្គមថា មានមេប៉ុស្តិ៍ស្រែចាវ បានទៅឃាត់ការសម្ដែងសិល្បៈល្ខោនក្នុង ពិធីបុណ្យកឋិនទាននៅវត្តអូរលុង ក្នុងភូមិអូរលុង ឃុំស្រែចារ ស្រុកស្នួល ខេត្តក្រចេះ នាយប់ថ្ងៃទី២២ ខែវិច្ឆិកា ឆ្នាំ២០២៣។ នេះបើតាមសេចក្ដីប្រកាសព័ត៌មានរបស់ អ្នកនាំពាក្យ និងជាក្រុមការងារប្រតិកម្មរហ័ស នៃស្នងការដ្ឋាននគរបាលខេត្តក្រចេះ។ អ្នកនាំពាក្យបានឱ្យដឹងថា ក្រោយពីបានទទួលព័ត៌មានភ្លាម ស្នងការនគរបាលខេត្ត បានធ្វើការចាត់ក្រុមប្រឹក្សាវិន័យ ស្រាវជ្រាវ និងកោះហៅនាយប៉ុស្តិ៍នគរបាលរដ្ឋបាលស្រែចារ្យ មកសាកសួរបំភ្លឺពិតជាបានសួររកលិខិត អនុញ្ញាត និងបង្កឲ្យមានការរំខានក្នុងការសម្ដែងពិតប្រាកដ។ ក្រុមប្រឹក្សាវិន័យ បានសម្រេចដាក់វិន័យ ចំពោះលោកនាយប៉ុស្តិ៍នគរបាលរដ្ឋបាលស្រែចារ ដោយផ្អាកការងារជាបណ្ដោះអាសន្ន និងមកបង្ហាញ មុខនៅការិយាល័យបុគ្គលិករៀងរាល់ម៉ោងធ្វើការ។ស្នងការដ្ឋាននគរបាលខេត្ត បានសូមធ្វើការអភ័យទោសចំពោះកំហុសឆ្គងរបស់មន្ត្រី នៃស្នងការដ្ឋាននគរបាលខេត្ត។ ទន្ទឹមនេះដែរ ស្នងការដ្ឋាននគរបាលខេត្តក្រចេះ សូមថ្លែងអំណរគុណ និងត្រៀមដើម្បីទទួលរាល់ កិច្ចសហការមតិរិះគន់ដើម្បីស្ថាបនានានា ពីប្រជាពលរដ្ឋគ្រប់មជ្ឈដ្ឋាន ពិសេសតាមបណ្ដាញផ្សព្វផ្សាយសង្គមព័ត៌មាន។ ស្នងការដ្ឋាននគរបាលខេត្តក៏សូមធ្វើការអភ័យទោសចំពោះកំហុសឆ្គងរបស់មន្ត្រី នៃស្នងការដ្ឋាននគរបាលខេត្ត៕ ដោយ ៖ ដារា

សមត្ថកិច្ចរឹបអូសគ្រឿងសម្អាង និងអាហារបំប៉នហួសសុពលភាព និងគ្មានច្បាប់អនុញ្ញាតជិត៦តោននៅខណ្ឌពោធិ៍សែនជ័យ

ភ្នំពេញ ៖ កម្លាំងនគរបាលប្រឆាំងបទល្មើសសេដ្ឋកិច្ច ចុះបង្ក្រាបទីតាំងនាំចូលគ្រឿងសម្អាង និងអាហារបំប៉នហួសសុពលភាព គ្មានប្រភពច្បាស់លាស់ និងគ្មានច្បាប់អនុញ្ញាត បានជិត៦តោន ហើយធ្វើការឃាត់ខ្លួនជនសង្ស័យនាក់នាំយកទៅសាកសួរដើម្បីចាត់វិធានការទៅតាមច្បាប់។យោងតាមរបាយការណ៍របស់នគរបាលប្រឆាំងបទល្មើសសេដ្ឋកិច្ចដែលទូរទស្សន៍BTVទទួលបាន នាថ្ងៃទី២៣ ខែវិច្ឆិកា ឆ្នាំ២០២៣នេះ បានឲ្យដឹងថាកម្លាំងនាយកដ្ឋាននគរបាលប្រឆាំងបទល្មើសសេដ្ឋកិច្ច នៃអគ្គស្នងការដ្ឋាននគរបាលជាតិ សហការជាមួយសមត្ថកិច្ចមូលដ្ឋាន និងមន្ត្រីជំនាញរបស់ក្រសួងសុខាភិបាល បានចុះបង្ក្រាបទីតាំងករណីនាំចូលគ្មានប្រភពច្បាស់លាស់ សន្និធិ លក់ចែកចាយផលិតផលគ្រឿងសម្អាង និងអាហារបំប៉នគ្មានច្បាប់អនុញ្ញាតិ នៅផ្ទះលេខ BA11+BA12 ផ្លូវបេតុង សង្កាត់ចោមចៅ២ ខណ្ឌពោធិ៍សែនជ័យ ក្រោមការសម្របសម្រួលនីតិវិធីផ្ទាល់របស់លោក វង្ស សាវ៉ាត ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ។របាយការណ៍បានឲ្យដឹងទៀតថា ក្រោយពីការឆែកឆេរត្រួតពិនិត្យជាក់ស្តែង សមត្ថកិច្ចបានរកឃើញ និងដកហូតនូវវត្ថុតាងគ្រឿងសម្អាង និងអាហារបំប៉នសរុបចំនួន៤៨មុខ ទំងន់៥,៦៤១គីឡូក្រាម នៅក្នុងនោះមានចំនួន២៩មុខគ្មានច្បាប់។ ដោយឡែកចំនួន៩មុខ មានវិញ្ញាបនប័ត្រប្រវេទន៍ ប៉ុន្តែហួសសុពលភាព និងមានច្បាប់តែចំនួន១០មុខប៉ុណ្ណោះ ដែលនាំចូលគ្មានប្រភពច្បាស់លាស់ គ្មានប្រវេទន៍ និងគ្មានច្បាប់អនុញ្ញាតិជាដើម។ប្រភពបានបញ្ជាក់បន្ថែមទៀតថា វត្ថុតាងខាងលើនេះត្រូវបានលោកព្រះរាជអាជ្ញារង សម្រេចឲ្យបិទផ្លុំបេនៅទីតាំងកើតហេតុ និងបាននាំខ្លួនម្ចាស់ទីតាំងយកមកសារសួរបំភ្លឺ នៅនាយកដ្ឋាននគរបាលប្រឆាំងបទល្មើសសេដ្ឋកិច្ច ដើម្បីបន្តនីតិវិធី៕ អត្ថបទ ៖ បាន ចក់

ប្រទេសកាតាដើរតួនាទីជាអ្នកចរចា«ដ៏សំខាន់» ដើម្បីដោះលែងចំណាប់ថ្នូរជាមួយកិច្ចព្រមព្រៀងអ៊ី ស្រាអែល-ហាម៉ាស

ប្រទេសកាតា បានបង្កើនឋានៈរបស់ខ្លួនជាអំណាចឯកទេស ក្នុងការដោះស្រាយស្ថានការណ៍ចំណាប់ថ្នូរដ៏ស្មុគស្មាញ ដោយប្រើឥទ្ធិពលរបស់ខ្លួន ដើម្បីជួយធានាដល់ការដោះលែងចំណាប់ថ្នូរ ដោយក្រុមសកម្មប្រយុទ្ធប៉ាឡេស្ទីនហាម៉ាស។ក្រុមអ្នកវិភាគ បាននិយាយថា ប្រទេសកាតា បានគោរពទង្វើដែលមានតុល្យភាពប្រកបដោយការប្រុងប្រយ័ត្ន ដោយអនុញ្ញាតឲ្យខ្លួន បង្កើតការទំនាក់ទំនងដ៏កក់ក្តៅជាមួយមហាអំណាចលោកខាងលិច ខណៈពេលដែលរក្សាទំនាក់ទំនងជាមួយក្រុមសកម្មប្រយុទ្ធ និងរដ្ឋដែលត្រូវបានចាត់ទុកថាជាសត្រូវ រួមទាំងសម្ព័ន្ធមិត្តជិតស្និទ្ធផងដែរ។អ្នកនាំពាក្យក្រសួងការបរទេសកាតា លោក ម៉ាយេដ អាល់ អានសារី (Majed Al-Ansari) បានប្រាប់សារព័ត៌មាន AFP ថា កិច្ចព្រមព្រៀងបទឈប់បាញ់ដ៏ជោគជ័យ កាលព្រឹកថ្ងៃពុធ បានគូសបញ្ជាក់ជំហរការទូតតែមួយគត់របស់ប្រទេស។លោកបានបន្តថា៖ «នេះជាអ្វីដែលយើងអាចធ្វើបានដែលគ្មាននរណាម្នាក់អាចធ្វើបាន ហើយនេះ គឺយើងប្រើគ្រប់សមត្ថភាពរបស់យើង»។លោក បានបន្ថែមថា៖«យើងបានដាក់ប្រទេសទាំងមូល ទៅលើរឿងនេះ ទាំងស្រុង។ ប្រសិនបើវាមិនដំណើរការទេនោះ វានឹងធ្វើឲ្យស្ថានការណ៍នេះ កាន់តែច្របូកច្របល់ថែមទៀត»។

បណ្ដាញសង្គម

ព័ត៌មានថ្មីៗ

នៅព្រឹកនេះ ព្រឹទ្ធសភាបន្តសម័យប្រជុំលើកទី៥ ដើម្បីពិនិត្យហើយឱ្យយោបល់លើសេចក្តីព្រាងច្បាប់ស្តីពី«វិសោធនកម្មច្បាប់ស្តីពីផ្លូវថ្នល់»

កម្ពុជាទទួលបានមេដាយមាស ប្រាក់ សំរឹទ្ធ និងពាន៣ ពីការប្រឡងកម្មវិធី The Young Master Challenge Global Final 2026 នៅចក្រភពអង់គ្លេស

រុស្ស៊ី-កម្ពុជា បន្តទំនាក់ទំនងដ៏រឹងមាំលើវិស័យអប់រំ វប្បធម៌ កសិកម្ម ថាមពល ការពារជាតិ និងពាណិជ្ជកម្ម

[UPDATE] អ្នកស្លាប់ពីការរញ្ជួយដីនៅវ៉េណេស៊ុយអេឡាឡើងដល់ជាង ២០០នាក់ ខណៈការសង្គ្រោះនិងស្វែងរកអ្នករស់រានមានជីវិតនៅតែបន្ត

ក្រសួង និងអ្នកជំនាញ រួមគ្នាពង្រឹងគុណភាពសំណង់នៅកម្ពុជា ឆ្លើយតបតម្រូវការបច្ចុប្បន្ន

[UPDATE] ក្រុមអ្នកសង្គ្រោះបន្តស្វែងរកអ្នករស់រានមានជីវិតពីគំនរបាក់បែក ខណៈអ្នកស្លាប់ពីការរញ្ជួយដីនៅវ៉េណេស៊ុយអេឡាឡើងដល់ជិត២០០នាក់

រដ្ឋមន្ត្រីក្រសួងបរិស្ថាន៖ ថ្នាក់ដឹកនាំ និងមន្រ្តីក្រសួងបរិស្ថាននឹងបន្តដឹកនាំវិស័យបរិស្ថានឱ្យកាន់តែរីកចម្រើន

រដ្ឋមន្ត្រីនៃគណៈទាក់ទងការបរទេសបក្សកុម្មុយនីស្តចិនបានលើកឡើងថា ប្រជាជនចិនបានចាត់ទុកសម្ដេចតេជោ គឺជាមិត្តដ៏ល្អរបស់ចិន

ប្រធានគណៈកម្មាធិការអចិន្ត្រៃយ៍នៃសភាតំណាងប្រជាជនចិន បានហៅទំនាក់ទំនងកម្ពុជា និងចិនថា ជាទំនាក់ទំនងមិត្តចាស់ មិត្តដែកថែប ដែលតែងតែជួយយកអាសាគ្នាទៅវិញទៅមក

អាជ្ញាធរស៊ូដង់បោសសម្អាតរថយន្តរងការបំផ្លិចបំផ្លាញ និងត្រូវបានគេលួចរាប់ពាន់គ្រឿងចេញពីផ្លូវនៅទីក្រុង Khartoum

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877