BTV NEWS

តំណាងអយ្យការចោទប្រកាន់ជនសង្ស័យម្នាក់យករូបថ្នាក់ដឹកនាំធ្វើជាប្រូហ្វាល់ ជាមធ្យោបាយគំរាមជនរងគ្រោះជំរិតទារប្រាក់

អាជ្ញាធររាជធានីភ្នំពេញបន្តរកឃើញបទល្មើស Online Scams ពីរទីតាំងបន្ថែមទៀត

បង្រ្កាបបទល្មើសគ្រឿងញៀននៅចំណុចស្តារវីហ្កាសឃាត់ខ្លួនមនុស្ស ចំនួន១៤១នាក់

អាវុធហត្ថខេត្តព្រះសីហនុបង្រ្កាបទីតាំង ONLINE SCAMS មួយកន្លែងឃាត់ខ្លួនជនសង្ស័យចំនួន ១៨នាក់

សន្តិសុខ និង សង្គម

តុលាការកំពូលរបស់ប៉ាគីស្ថានទទួលយកសំណើសុំនៅក្រៅឃុំរបស់លោក Imran Khan

តុលាការកំពូលរបស់ប្រទេសប៉ាគីស្ថាន បានទទួលយកពាក្យសុំនៅក្រៅឃុំកាលពីថ្ងៃពុធ (២២ វិច្ឆិកា) ពីអតីតនាយករដ្ឋមន្ត្រី លោក អ៊ីមរ៉ាន់ ខាន់ (Imran Khan) ដែលត្រូវបានឃុំខ្លួន នេះបើយោតាមមេធាវីរបស់លោកបាននិយាយ រយៈពេលមួយថ្ងៃបន្ទាប់ពីតុលាការមួយផ្សេងទៀតបានប្រកាសថាការកាត់ក្តីរបស់លោក ខាន់ គឺខុសច្បាប់ទៅលើការចោទប្រកាន់ពីការលេចធ្លាយអាថ៌កំបាំងរដ្ឋ។អតីតកីឡាករវាយគ្រីឃីតរូបនេះកំពុងទប់ទល់នឹងការតស៊ូផ្លូវច្បាប់ផ្សេងៗក្នុងក្តីសង្ឃឹមនៃការដោះលែងពីពន្ធនាគារ និងដឹកនាំគណបក្សរបស់ខ្លួននៅក្នុងយុទ្ធនាការសម្រាប់ការបោះឆ្នោតសកលនៅថ្ងៃទី ៨ ខែកុម្ភៈ ខាងមុខនេះ ដោយគូប្រជែងដ៏សំខាន់របស់លោក ដែលជាអតីតនាយករដ្ឋមន្ត្រីមួយរូបផ្សេងទៀត កំពុងសង្ឃឹមថានឹងទទួលជ័យជម្នះ។អ្នកនយោបាយវ័យ ៧១ ឆ្នាំរូបនេះត្រូវបានកាត់ទោសកាលពីថ្ងៃទី ៥ ខែសីហា ឱ្យជាប់ពន្ធនាគាររយៈពេល ៣ ឆ្នាំពីបទលក់អំណោយរដ្ឋដោយខុសច្បាប់ក្នុងអំឡុងពេលកាន់តំណែងជានាយករដ្ឋមន្ត្រី ពីឆ្នាំ២០១៨ ដល់ឆ្នាំ២០២២។ លោកមេធាវី ណែអេម ផានជុថា (Naeem Panjutha) បាននិយាយថា តុលាការកំពូលបានទទួលយកសំណើសុំនៅក្រៅឃុំហើយ ប៉ុន្តែពុំមានកាលបរិច្ឆេទណាមួយត្រូវបានកំណត់សម្រាប់សវនាការនោះទេ ដោយបន្ថែមថា តុលាការកំពូលនឹងស្វែងរកធាតុចូលពីរដ្ឋាភិបាលលើពាក្យសុំនេះ។លោក ខាន់ បានស្ថិតនៅចំកណ្តាលនៃភាពចលាចលនយោបាយដ៏អូសបន្លាយនៅក្នុងប្រទេសប៉ាគីស្ថាន ដែលប្រដាប់ដោយអាវុធនុយក្លេអ៊ែ ដោយបានបង្កឲ្យមានការយកចិត្តទុកដាក់យ៉ាងខ្លាំងលើឥទ្ធិពលរបស់យោធាដ៏មានអំណាចរបស់ប្រទេសនេះលើនយោបាយស៊ីវិល៕

ក្រុមឧទ្ទាមយេម៉ែន ព្រមានថា ពួកគេអាចនឹងចាប់យកនាវាសមុទ្រក្រហមបន្ថែមទៀត

ក្រុមឧទ្ទាមហ៊ូធីដែលគាំទ្រដោយអ៊ីរ៉ង់ នៅក្នុងប្រទេសយេម៉ែន បានព្រមានសម្ព័ន្ធមិត្តរបស់អ៊ីស្រាអែលកាលពីថ្ងៃពុធថា ការដឹកជញ្ជូនរបស់ពួកគេ នៅក្នុងច្រកសមុទ្រ Bab al-Mandab នៅច្រកចូលសមុទ្រក្រហមគឺជា«គោលដៅស្របច្បាប់»។ការព្រមាននេះ ធ្វើឡើង បន្ទាប់ពីក្រុមហ៊ូធីកាលពីថ្ងៃអាទិត្យ បានចាប់យកនាវាដឹកទំនិញ ដែលមានទំនាក់ទំនងជាមួយអ៊ីស្រាអែល ដោយបើកទិដ្ឋភាពថ្មីនៅក្នុងសង្គ្រាមនៅតំបន់ហ្កាហ្សារវាងអ៊ីស្រាអែល និងក្រុមអ៊ីស្លាមប៉ាឡេស្ទីនហាម៉ាស។កងទ័ពដែលដឹកដោយឧទ្ធម្ភាគចក្រ បានចាប់យកនាវា Galaxy Leader និងនាវិកអន្តរជាតិរបស់ខ្លួនចំនួន ២៥ថ្ងៃ បន្ទាប់ពីក្រុមហ៊ូធី បានគំរាមកំណត់គោលដៅលើការដឹកជញ្ជូនរបស់អ៊ីស្រាអែល ដោយសារតែ សង្គ្រាម។នាវានេះ ត្រូវបានជួលដោយក្រុមជនជាតិជប៉ុន ហើយមានទង់ជាតិរបស់តំបន់បាហាម៉ាស (Bahamas)នៃកោះការ៉ាអ៊ីប។អ្នកថតរូបម្នាក់ ដែលសហការជាមួយសារព័ត៌មាន AFP បាននិយាយថា នាវា Galaxy Leader ត្រូវបានបោះយុថ្កាចតនៅកំពង់ផែ Hodeida ដែលគ្រប់គ្រងដោយក្រុមឧទ្ទាមហ៊ូធី នៅភាគពាយព្យនៃប្រទេសយេម៉ែន ហើយត្រូវបានការពារយ៉ាងតឹងរ៉ឹង។

អង្គការសហប្រជាជាតិ៖ ការវាយប្រយុទ្ធគ្នានៅមីយ៉ាន់ម៉ាមានស្ថានភាពធ្ងន់ធ្ងរបំផុត ចាប់តាំងពីរដ្ឋប្រហារឆ្នាំ២០២១មក

អង្គការសហប្រជាជាតិបាននិយាយថា សហភាពមីយ៉ាន់ម៉ាបានជួបប្រទះការកើនឡើងយ៉ាងធ្ងន់ធ្ងរបំផុត ក្នុងអំពើហិង្សា ចាប់តាំងពីយោធាបានដណ្តើមអំណាចនៅក្នុងរដ្ឋប្រហារជិតបីឆ្នាំមុន ដោយមានការប៉ះទង្គិចគ្នាយ៉ាងខ្លាំងក្លាបានកើតឡើងនៅទូទាំងរដ្ឋ និងតំបន់មួយចំនួន។អង្គការសហប្រជាជាតិបាននិយាយថា ការកើនឡើងនៃការប្រយុទ្ធគ្នាដែលបានចាប់ផ្តើមកាលពីចុងខែតុលា គឺជា មានទ្រង់ទ្រាយធំបំផុត និងទូលំទូលាយបំផុតតាមភូមិសាស្ត្រ ចាប់តាំងពីរដ្ឋប្រហារយោធា ហើយបានប៉ះពាល់ដល់តំបន់នានានៃប្រទេសនេះ។ យោធាដែលបានដណ្តើមអំណាចកាលពីខែកុម្ភៈ ឆ្នាំ ២០២១ បានប្រឹងប្រែងគ្រប់គ្រងការប្រឆាំងយ៉ាងខ្លាំងចំពោះរបបរបស់ខ្លួន រួមទាំងការតស៊ូប្រដាប់អាវុធដែលបង្កើតឡើងដោយសកម្មជនគាំទ្រលទ្ធិប្រជាធិបតេយ្យ។ ទោះជាយ៉ាងណាក៏ដោយ ប្រតិបត្តិការដែលបានចាប់ផ្តើមនាពេលថ្មីៗនេះនៅក្នុងរដ្ឋ សាន (Shan) ភាគខាងជើងដោយសម្ព័ន្ធមិត្តនៃក្រុមប្រដាប់អាវុធជនជាតិភាគតិចដ៏មានអំណាច ក្នុងការសម្របសម្រួលជាមួយក្រុមប្រឆាំងរបបយោធាថ្មីបំផុត បានបង្កបញ្ហាប្រឈមដល់យោធាដ៏ធំបំផុត មិនធ្លាប់មានចំពោះរបបសឹកមួយនេះ ហើយបានព្យាយាមបង្ក្រាបគូរប្រជែងនៅរដ្ឋ ជាច្រើនផ្សេងទៀត ។ លោក មីយីន ស្វេ (Myint Swe) ជាប្រធានាធិបតីដែលត្រូវបានតែងតាំងដោយរបបយោធារបស់សហភាពមីយ៉ាន់ម៉ាបានព្រមានថាប្រទេសនេះបានជួបភាពប្រឈមនៃការបែកបាក់គ្នាខ្លាំង បន្ទាប់ពីការវាយប្រហារដោយនិយាយថាពីភាពចាំបាច់ក្នុងការគ្រប់គ្រងបញ្ហានេះដោយប្រុងប្រយ័ត្ន ។នៅកន្លែងផ្សេងទៀតក្នុងសហភាពមីយ៉ាន់ម៉ា ក្រុមឧទ្ទាមជាច្រើន បានស្វែងរកការកេងចំណេញពីភាពងាយរងគ្រោះរបស់យោធា។ នៅរដ្ឋ រ៉ាឃីន(Rakhine) នៅភាគខាងលិច ជាកន្លែងដែលបទឈប់បាញ់បានធ្វើឡើងរយៈពេលមួយឆ្នាំ កងទ័ពអារ៉ាកាន (Arakan) បានបើកសមរភូមិថ្មី កាលពីថ្ងៃទី១៣ខែវិច្ឆិកា ដោយការប្រយុទ្ធគ្នាយ៉ាងខ្លាំងក្លាបានបន្តក្នុងសប្តាហ៍កន្លងមកនេះ៕

កងទ័ពអ៊ីស្រាអែល បង្ហាញផ្លូវរូងក្រោមដីនៅក្បែរមន្ទីរពេទ្យ Al Shifa ដែលជាកន្លែងលាក់ខ្លួនរបស់ក្រុមហាម៉ាស

កងទ័ពអ៊ីស្រាអែល បានបង្ហាញផ្លូវរូងក្រោមដីដ៏រឹងមាំ នៅក្បែរមន្ទីរពេទ្យ Al Shifa ក្នុងទីក្រុងហ្កាហ្សា កាលពីថ្ងៃពុធ ដែលបានបញ្ចប់ជាមួយនឹងបន្ទប់ទឹក ផ្ទះបាយ និងបន្ទប់ប្រជុំម៉ាស៊ីនត្រជាក់ ដែលខ្លួនបាននិយាយថា បានបម្រើជាប៉ុស្តិ៍បញ្ជាការសម្រាប់យុទ្ធជនហាម៉ាស។កំណាត់ផ្លូវរូងក្រោមដីដែលមានកម្ពស់ប្រហែល ២ម៉ែត្រ (៦-១/២ហ្វីត) ត្រូវបានចូលតាមច្រកខាងក្រៅក្នុងបរិវេណមន្ទីរពេទ្យ ដែលធ្លាប់មានមនុស្សកកកុញដោយជនស៊ីវិលប៉ាឡេស្ទីនរាប់ម៉ឺននាក់ ដែលកងទ័ពបាននិយាយថា បានបម្រើជាខែលការពារមនុស្សពីសង្គ្រាម។លោកវរសេនីយ៍ឯក Elad Tsuri មេបញ្ជាការកងពលតូចរថពាសដែកអ៊ីស្រាអែល ដែលបានរកឃើញផ្លូវរូងក្រោមដីនេះ បាននិយាយថា៖«នោះជាវិធីដែលពួកគេ អាចរស់នៅបាន ពីព្រោះពួកគេប្រើប្រាស់មន្ទីរពេទ្យជាខែលការពារមនុស្ស ហើយនៅទីនេះ ពួកគេអាចស្នាក់នៅបានរយៈពេលយូរ។ មានបន្ទប់មួយដែលមានម៉ាស៊ីនត្រជាក់ នៅខាងក្នុង»។អ៊ីស្រាអែល បានចោទប្រកាន់ក្រុមហាម៉ាសជាយូរមកហើយថា បានប្រើប្រាស់អគារមន្ទីរពេទ្យ Shifa ជាមជ្ឈមណ្ឌលបញ្ជា និងគ្រប់គ្រងជាផ្នែកមួយនៃយុទ្ធសាស្ត្រទូលំទូលាយ ដែលស្វែងរកការលាក់បាំងកងកម្លាំងរបស់ខ្លួន ក្នុងចំណោមប្រជាជនស៊ីវិល។

ក្រុមអ្នកជួយសង្គ្រោះឥណ្ឌាបានខួងផ្លូវពីរភាគបី ដើម្បីជួយក្រុមកម្មករចំនួន ៤១ នាក់ដែលជាប់១១ថ្ងៃ

ក្រុមមន្ត្រីបាននិយាយកាលពីថ្ងៃពុធ ២២ ខែវិច្ឆិកាថា ក្រុមអ្នកជួយសង្គ្រោះឥណ្ឌាបានខួងផ្លូវចំនួន ៣ភាគ៤ តាមកំទេចកំទីឆ្ពោះទៅរកកម្មករចំនួន ៤១ នាក់ដែលជាប់នៅក្នុងផ្លូវរូងក្រោមដីដែលដួលរលំអស់រយៈពេល១១ ថ្ងៃកន្លងមកនេះ ដោយបង្កើនក្តីសង្ឃឹមការជួយសង្រ្គោះបានដោយជោគជ័យ ដោយមានជំនួយពីគ្រឿងចក្រ ។ ក្រុមវិស្វករកំពុងធ្វើការដើម្បីរុញបំពង់ដែកជម្រៅយ៉ាងហោចណាស់៥៧ ម៉ែត្រ ចូលក្នុងដី បេតុង និងកម្ទេចថ្ម ដែលបានបាក់ ធ្វើឲ្យបុរសទាំងនោះជាប់ខ្លួន ចាប់តាំងពីផ្នែកមួយនៃផ្លូវរូងក្រោមដីក្នុងពេលកំពុងសាងសង់នៅរដ្ឋតំបន់ភ្នំហិម៉ាល័យ អ៊ុតារៈខណ្ឌ(Uttarakhand) បានបាក់រលំកាលរយៈពេល ១១ ថ្ងៃកន្លងមកនេះ។ រថយន្តបឋមសង្គ្រោះបានត្រៀមខ្លួនរួចជាស្រេចនៅជិតច្រកចូល ដោយសង្ឃឹមថាក្រុមបុរសដែលជាប់នៅទីនោះអាចត្រូវបានរំដោះចេញក្នុងពេលឆាប់ៗនេះ។រដ្ឋមន្ត្រីប្រចាំរដ្ឋ Uttarakhand លោក ភូស្កាស៊ីញ ដាមី (Pushkar Singh Dhami) បាននិយាយថា ការងារនេះគឺស្ថិតនៅក្នុងស្ថានភាពលំបាកយ៉ាងខ្លាំង នៅពេលលោកបានទៅដល់ទីតាំងកើតហេតុកាលពីល្ងាចថ្ងៃពុធ។លោកបាននិយាយនៅក្នុងសេចក្តីថ្លែងការណ៍មួយថា ការងារសង្រ្គោះកំពុងត្រូវបានធ្វើក្នុងល្បឿនដ៏លឿន ដោយនិយាយថា ក្រុមវិស្វករបានខួងប្រវែង ៤៥ម៉ែត្រ ក្នុងជម្រៅ ៥៧ម៉ែត្រ ដែលធ្វើឱ្យមានភាពជឿនលឿនភ្លាមៗបន្ទាប់ពីដំណើរការយឺតយ៉ាវជាច្រើនថ្ងៃមកនេះ ៕-

ជម្លោះពាក្យសម្ដីផ្ទុះឡើង ជុំវិញថាតើសម្ដេចប៉ាប បានហៅស្ថានភាពនៅតំបន់ហ្កាហ្សាថាជាអំពើប្រល័យពូជសាសន៍ឬអត់

ជម្លោះដ៏ចម្រូងចម្រាសមួយបានផ្ទុះឡើងកាលពីថ្ងៃពុធ ២២ វិច្ឆិកា ជុំវិញថាតើសម្តេចប៉ាប ហ្វ្រង់ស៊ីស បានប្រើពាក្យថា «អំពើប្រល័យពូជសាសន៍» ពណ៌នាព្រឹត្តិការណ៍នៅតំបន់ហ្កាហ្សា ឬអត់ ដោយប្រជាជនប៉ាឡេស្ទីនដែលបានជួបព្រះអង្គបានទទូចថាព្រះអង្គបានហៅមែន ហើយបុរីវ៉ាទីកង់បាននិយាយថាទ្រង់ពុំបានធ្វើដូចការលើកឡើងទេ។ ប្រតិកម្មប្រឆាំងបានកើតឡើងនៅក្នុងសន្និសីទសារព័ត៌មានពេលរសៀលជាមួយជនជាតិប៉ាឡេស្ទីន ១០ នាក់ដែលបានជួបសម្តេចប៉ាបកាលពីព្រឹកថ្ងៃពុធនៅឯដំណាក់របស់ទ្រង់។ជំនួបនោះបានធ្វើឡើងដោយឡែកមួយជាមួយសាច់ញាតិអ៊ីស្រាអែលរបស់ចំណាប់ថ្នូរក្នុងតំបន់ហ្កាហ្សា។ប៉ុន្តែសេចក្តីថ្លែងការណ៍ដែលផ្ញើដោយអ្នកនាំពាក្យបុរីវ៉ាទីកង់ លោក ម៉ាតេអូ ប្រ៊ូនី (Matteo Bruni) ជាការឆ្លើយតបទៅនឹងសំណួរដែលផ្ញើដោយអ្នកសារព័ត៌មានមួរូប បាននិយាយ ផ្ទុយពីនេះ។អ្នកចូលរួមផ្សេងទៀតនៅក្នុងសន្និសីទសារព័ត៌មានរបស់ប៉ាឡេស្ទីន បានយល់ស្របថាពួកគេបានឮសម្តេចប៉ាបប្រើពាក្យ ប្រល័យពូជសាសន៍ ។ក្រុមអ្នកចូលរួមបាននិយាយថាសម្តេចប៉ាបត្រូវបានគេជូនដំណឹងយ៉ាងច្បាស់ពីអំពីស្ថានភាពនៅក្នុងតំបន់ហ្កាហ្សា និងកង្វះទឹកស្អាតប្រើប្រាស់ ថ្នាំពេទ្យ និងតម្រូវការជាមូលដ្ឋានផ្សេងៗ។នៅក្នុងសន្និសីទសារព័ត៌មានពលរដ្ឋប៉ាឡេស្ទីន ពួកគេបាននិយាយថាសម្តេចប៉ាបបានថ្កោលទោសសកម្មភាពរបស់ក្រុមហាម៉ាសថាជាអំពើភេរវកម្ម ដោយដកស្រង់បន្ទូលលើសពីមួយលើករបស់សម្តេចប៉ាប ក្នុងអំឡុងពេលកិច្ចប្រជុំថា ភេរវកម្មមិនគួរបង្ហាញពីភាពភ័យខ្លាចទេ ។កាលពីព្រឹកថ្ងៃពុធ ក្នុងបន្ទូលផ្ទាល់ទៅកាន់ក្រុមអ្នកគាំទ្ររបស់ព្រះអង្គ ហ្វ្រង់ស៊ីស បាននិយាយថា ជម្លោះបានរីកហួសពីសង្គ្រាមទៅទៀត៕

លោក ពូទីន និយាយថា រុស្ស៊ីត្រូវតែគិតពីមធ្យោបាយ ដើម្បីបញ្ឈប់សោកនាដកម្មសង្រ្គាមនៅអ៊ុយក្រែន

ប្រធានាធិបតីរុស្ស៊ី លោក វ្ល៉ាឌីមៀ ពូទីន បានប្រាប់បណ្ដាមេដឹកនាំនៃក្រុមប្រទេសទាំង ២០ (G20) កាលពីថ្ងៃពុធ (២២ វិច្ឆិកា) ថា រុស្ស៊ីចាំបាច់ត្រូវគិតពីមធ្យោបាយដើម្បីបញ្ឈប់ «សោកនាដកម្ម» នៃសង្រ្គាមនៅអ៊ុយក្រែន ដែលជាការលើកឡើងដ៏សន្តិភាពបំផុតរបស់លោកពូទីន រហូតមកដល់បច្ចុប្បន្នអំពីជម្លោះនេះ។ការសម្រេចរបស់ប្រធានាធិបតីរុស្ស៊ីរូបនេះ ក្នុងការបញ្ជូនទាហានចូលក្នុងប្រទេសអ៊ុយក្រែន កាលពីខែកុម្ភៈ ឆ្នាំ២០២២ បានបង្កឱ្យមានជម្លោះដ៏បង្ហូរឈាមបំផុតរបស់អឺរ៉ុប ចាប់តាំងពីសង្គ្រាមលោកលើកទីពីរ និងការប្រឈមមុខដាក់គ្នាយ៉ាងធ្ងន់ធ្ងររវាងរុស្ស៊ី និងលោកខាងលិច ចាប់តាំងពីសង្គ្រាមត្រជាក់មក។លោកពូទីន បានប្រាប់កិច្ចប្រជុំតាមអនឡាញរបស់ប្លុក G20 ដែលធ្វើឡើងដោយនាយករដ្ឋមន្ត្រីឥណ្ឌា លោក Narendra Modi ថា «ពិតណាស់ សកម្មភាពយោធាតែងតែជាសោកនាដកម្ម។ យើងគួរតែគិតពីមធ្យោបាយដើម្បីបញ្ឈប់សោកនាដកម្មនេះ ហើយរុស្ស៊ីមិនដែលបដិសេធការចរចាសន្តិភាពជាមួយអ៊ុយក្រែននោះទេ»។ការលើកឡើងនេះ បើទោះបីជាមានគោលបំណងយ៉ាងច្បាស់សម្រាប់ការនិយាយយកគួរជាមួយអន្តរជាតិក៏ដោយ ប៉ុន្តែគឺជាការលើកឡើងដ៏សន្តិភាពបំផុតមួយរបស់លោក ពូទីន ចំពោះសង្រ្គាមអស់រយៈពេលជាច្រើនខែ ហើយផ្ទុយទៅនឹងការលើកឡើងដ៏យូរអង្វែងរបស់លោកអំពីភាពបរាជ័យ និងភាពក្រអឺតក្រទមរបស់សហរដ្ឋអាមេរិក៕

អ៊ីស្រាអែល និយាយថា ការដោះលែងចំណាប់ថ្នូរ របស់ក្រុមហាម៉ាស នឹងពុំចាប់ផ្ដើមមុនថ្ងៃសុក្រសប្ដាហ៍នេះទេ

ទីប្រឹក្សាសន្តិសុខជាតិរបស់អ៊ីស្រាអែលបាននិយាយកាលពីយប់ថ្ងៃពុធថា ការដោះលែងចំណាប់ថ្នូរក្រោមបទឈប់បាញ់បណ្តោះអាសន្នរវាងអ៊ីស្រាអែល និងក្រុមសកម្មប្រយុទ្ធហាម៉ាស នឹងមិនកើតឡើងមុនថ្ងៃសុក្រ ថ្ងៃទី ២៤ ខែវិច្ឆិកាសប្ដាហ៍នេះទេ ។អ៊ីស្រាអែល និងក្រុមហាម៉ាស បានព្រមព្រៀងគ្នាកាលពីថ្ងៃពុធឲ្យមានបទឈប់បាញ់មួយនៅតំបន់ហ្កាហ្សាយ៉ាងហោចណាស់៤ថ្ងៃ ដើម្បីអនុញ្ញាតឱ្យមានជំនួយ និងដោះលែងចំណាប់ខ្មាំងយ៉ាងហោចណាស់ ៥០ នាក់ដែលត្រូវបានចាប់ខ្លួនដោយពួកសកម្មប្រយុទ្ធនៅក្នុងតំបន់ប៉ាឡេស្ទីនជាថ្នូរនឹងជនជាតិប៉ាឡេស្ទីនយ៉ាងហោចណាស់ ១៥០នាក់ដែលជាប់ឃុំនៅក្នុងប្រទេសអ៊ីស្រាអែល។ ពេលវេលាចាប់ផ្តើមនៃបទឈប់បាញ់ និងការដោះលែងចំណាប់ខ្មាំងពុំទាន់ត្រូវបានប្រកាសជាផ្លូវការនៅឡើយទេ ចំណែកប្រភពពីសន្តិសុខអេហ្ស៊ីបបាននិយាយថាអ្នកសម្របសម្រួលបានស្វែងរកពេលវេលាចាប់ផ្តើមនៅម៉ោង ១០ ព្រឹកថ្ងៃព្រហស្បតិ៍នេះ។ទូរទស្សន៍រដ្ឋ Kan របស់អ៊ីស្រាអែល ដែលដកស្រង់សម្តីមន្ត្រីអ៊ីស្រាអែល បានរាយការណ៍ថាមានការពន្យារពេល២៤ ម៉ោងនៅក្នុងកិច្ចព្រមព្រៀងនេះ ដោយសារតែមិនត្រូវបានចុះហត្ថលេខាដោយក្រុមហាម៉ាស និងប្រទេសកាតា ជាអ្នកសម្របសម្រួលបទឈប់បាញ់នេះ។ មន្ត្រីរូបនេះបាននិយាយថា ពួកគេមានសុទិដ្ឋិនិយមថា កិច្ចព្រមព្រៀងនឹងត្រូវបានអនុវត្តនៅពេលដែលត្រូវបានចុះហត្ថលេខារួច។ទីប្រឹក្សាសន្តិសុខជាតិអ៊ីស្រាអែលលោកហ្សាជីហាណេកប៊ី (Tzachi Hanegbi) បាននិយាយនៅក្នុងសេចក្តីថ្លែងការណ៍មួយចេញផ្សាយដោយការិយាល័យនាយករដ្ឋមន្ត្រីថា ការចរចាសម្រាប់ការដោះលែងចំណាប់ថ្នូររបស់យើងកំពុងដំណើរការ និងបន្តគ្រប់ពេលវេលា។ លោកបាននិយាយថា ការចាប់ផ្តើមដោះលែងនឹងដំណើរការទៅតាមកិច្ចព្រមព្រៀងដំបូងរវាងភាគី ហើយពុំមែនមុនថ្ងៃសុក្រសប្ដាហ៍ទេ៕

មនុស្ស២ នាក់បានស្លាប់ក្នុងគ្រោះថ្នាក់ចរាចរណ៍នៅព្រំដែនអាមេរិក-កាណាដា

រថយន្តបើកក្នុងល្បឿនដ៏លឿនមួយគ្រឿង បានបង្កគ្រោះថ្នាក់ហើយបណ្ដាលឲ្យឆាបឆេះយ៉ាងសន្ធោសន្ធៅនៅលើស្ពានតភ្ជាប់រដ្ឋញូវយ៉ក និងរដ្ឋ អនថារីយ៉ូ (Ontario) នៅក្នុងតំបន់ នីហ្ការ៉ា ហ្វល (Niagara Falls) រវាងសហរដ្ឋអាមេរិក និងកាណាដា កាលពីថ្ងៃពុធ (២២ វិច្ឆិកា) ដោយបានសម្លាប់មនុស្សពីរនាក់នៅក្នុងរថយន្តនោះ និងបង្កឱ្យមានការព្រួយបារម្ភផ្នែកសន្តិសុខ ដែលបណ្ដាលឲ្យមានការបិទច្រកព្រំដែនអាមេរិក-កាណាដា ចំនួនបួនច្រក និងអាកាសយានដ្ឋានអន្តរជាតិ បឺសហ្វូឡូ (Buffalo)។ប៉ុន្មានម៉ោងក្រោយមក ក្រុមអាជ្ញាធរសហព័ន្ធ និងរដ្ឋបាននិយាយថា ក្រុមអ្នកស៊ើបអង្កេតមិនបានរកឃើញភស្តុតាងនៃអំពើភេរវកម្មនោះទេ ទោះបីជាកាលៈទេសៈជុំវិញស្ពានឥន្ទធនូនោះនៅតែមានភាពស្រពិចស្រពិលនៅឡើយ បណ្ដាលឲ្យគេមិនទាន់អាចកំណត់បានថា តើឧបទ្ទវហេតុនេះគឺជាអចេតនា ឬដោយចេតនា។វីដេអូនៃឧប្បត្តិហេតុនេះ ត្រូវបានថតជាប់ដោយកាមេរ៉ាសុវត្ថិភាព ហើយបង្ហោះចូលទៅក្នុងប្រព័ន្ធផ្សព្វផ្សាយសង្គម X ដោយទីភ្នាក់ងារគយ និងការពារព្រំដែនសហរដ្ឋអាមេរិក (CBP) បានបង្ហាញរថយន្តមួយគ្រឿងនោះ កំពុងធ្វើដំណើរក្នុងល្បឿនយ៉ាងលឿន បន្ទាប់មកបានបុកវត្ថុអ្វីមួយ ហើយហោះឡើងលើអាកាស និងធ្លាក់មកដីវិញ ហើយបានផ្ទុះឆេះនៅក្នុងអណ្តាតភ្លើង។ក្រុមអាជ្ញាធរមិនបានប្រាប់ឈ្មោះមនុស្សពីរនាក់ដែលគេជឿថាត្រូវបានស្លាប់នោះទេ។ ឧបទ្ទវហេតុនេះបានកើតឡើងនៅពេលដែលការព្រួយបារម្ភផ្នែកសន្តិសុខកើនឡើងនៅជុំវិញពិភពលោក ដោយផ្តើមចេញពីជម្លោះនៅមជ្ឈិមបូព៌ា និងនៅអំឡុងពេលមមាញឹកនៃការធ្វើដំណើរវិស្សមកាលរបស់ពលរដ្ឋសហរដ្ឋអាមេរិក នៅមុនថ្ងៃបុណ្យរំលឹកគុណ (Thanksgiving)៕

អង្គការសហប្រជាជាតិ ជំរុញឱ្យប៉ាគីស្ថានបញ្ឈប់ការបណ្តេញជនជាតិអាហ្វហ្គានីស្ថានក្នុងរដូវរងា

ទីភ្នាក់ងារជនភៀសខ្លួនរបស់អង្គការសហប្រជាជាតិកាលពីថ្ងៃពុធបានជំរុញឱ្យប៉ាគីស្ថានបញ្ឈប់ការនិរទេសជនភៀសខ្លួនអាហ្វហ្គានីស្ថានដែលគ្មានឯកសារក្នុងអំឡុងរដូវរងាដ៏អួរអាប់នេះ។ លោក បាបា បាឡូច (Babar Baloch) អ្នកនាំពាក្យប្រចាំតំបន់របស់អង្គការ UNHCR និយាយថា UNHCR កំពុងអំពាវនាវឱ្យរដ្ឋាភិបាលប៉ាគីស្ថានបញ្ឈប់ការបញ្ជូនទៅប្រទេសកំណើតរបស់ពួកគេវិញដ៏ច្រើនទាំងនេះក្នុងអំឡុងពេលរដូវរងាដ៏អាក្រក់នេះ ព្រោះភាពត្រជាក់នៅក្នុងប្រទេសអាហ្វហ្គានីស្ថានពិតជាមានគ្រោះថ្នាក់ដល់ជីវិត ហើយអាចឆក់យកជីវិតមនុស្សបានទៀតផង។ នៅទីក្រុងកំពង់ផែ Karachi ភាគខាងត្បូង ជាទីដែលមានជនភៀសខ្លួនអាហ្វហ្គានីស្ថានរាប់សែននាក់រស់នៅ នគរបាលបានស្វែងរកពីផ្ទះមួយទៅផ្ទះមួយនៅក្នុងជម្រកតូចៗរបស់ជនភៀសខ្លួនកាលពីថ្ងៃអង្គារ។ ប្រទេសប៉ាគីស្ថាននិយាយថា ការធ្វើទុក្ខបុកម្នេញលើជនភៀសខ្លួនដែលមានឯកសារគឺកម្រណាស់ ហើយប្រទេសនេះកំពុងចាត់វិធានការប្រឆាំងនឹងក្រុមជនល្មើស។ ទីភ្នាក់ងារអង្គការសហប្រជាជាតិបាននិយាយថា ការវិលត្រឡប់របស់ជនជាតិអាហ្វហ្គានីស្ថានគួរតែធ្វើឡើងដោយស្ម័គ្រចិត្ត ហើយប៉ាគីស្ថានគួរតែកំណត់អត្តសញ្ញាណបុគ្គលងាយរងគ្រោះដែលត្រូវការការការពារជាអន្តរជាតិ។ ប្រទេសប៉ាគីស្ថានគឺជាទីម្រកសម្រាប់ក្រុមជនអន្តោប្រវេសន៍ និងជនភៀសខ្លួនអាហ្វហ្គានីស្ថានជាង ៤លាននាក់ ក្នុងនោះ ប្រហែល ១,៧ លាននាក់គ្មានឯកសារ។ ទីក្រុង អ៊ីស្លាម៉ាបាដ(Islamabad) បាននិយាយកាលពីខែមុនថា ខ្លួននឹងបណ្តេញជនភៀសខ្លួន គ្មានឯកសារជាងមួយលាននាក់ ដែលភាគច្រើនជាជនជាតិអាហ្វហ្គានីស្ថាន ស្របពេលមានជម្លោះជាមួយទីក្រុងកាប៊ុល ជុំវិញការចោទប្រកាន់ថា ប្រទេសគ្រប់គ្រងដោយក្រុមតាលីបង់មួយនេះ ផ្ដល់ជម្រកដល់ក្រុមសកម្មប្រយុទ្ធប្រឆាំងប៉ាគីស្ថាន។ប្រជាជនអាហ្វហ្គានីស្ថានជាង ៣៧០.០០០ នាក់ បានភៀសខ្លួនចេញពីប្រទេសប៉ាគីស្ថានចាប់តាំងពីថ្ងៃទី១ ខែតុលាមក។ទីក្រុងអ៊ីស្លាម៉ាបាដ មិនបានអើពើការអំពាវនាវពីបណ្ដាអង្គការអន្តរជាតិ និងទីភ្នាក់ងារជនភៀសខ្លួនឲ្យពិចារណាឡើងវិញចំពោះផែនការនិរទេសខ្លួននោះឡើយ៕

បណ្ដាញសង្គម

ព័ត៌មានថ្មីៗ

សម្ដេចតេជោ ហ៊ុន សែន ជួបប្រជុំទ្វេភាគីជាមួយឯកឧត្តម ស៊ី ជីនពីង ប្រធានាធិបតីចិន

បាល់ទាត់ពិភពលោក ២០២៦៖ បញ្ចប់ការប្រកួតពូល E បីក្រុមឡើងវគ្គ ៣២ ក្រុម

ភ្នំពេញក្រោន បន្ដឈ្នះសៀមរាប ត្រឹម ១-០ ខណៈស្វាយរៀង ឡើងឈរលេខ៣ នៃលីគនារី សប្ដាហ៍ទី១០

ហាង Randy's Donuts បង្កើតនំដូណាត់ពិសេស អបអរបាល់ទាត់ពិភពលោកទាក់ទាញអ្នកគាំទ្របាល់ទាត់នៅ Los Angeles

អគ្គលេខាធិការ គ.ល.ក. ប្តេជ្ញាចិត្តរឹតបណ្តឹងមិនឱ្យមាន Online Scams នៅតាមកាស៊ីណូឡើយ

រដ្ឋមន្រ្ដីក្រសួងការងារ និងឯកអគ្គរដ្ឋទូតនៃសាធារណរដ្ឋកូរ៉េ ប្តេជ្ញាបន្តពង្រឹងកិច្ចសហប្រតិបត្តិការលើវិស័យការងារ បណ្តុះបណ្តាលវិជ្ជាជីវៈ និងអភិវឌ្ឍធនធានមនុស្ស

មេដឹកនាំកូរ៉េខាងជើង ត្រួតពិនិត្យការសាកល្បងអាវុធសំខាន់ដែលគេមើលឃើញថាផ្ដោតលើកូរ៉េខាងត្បូង

កម្ពុជាអំពាវនាវឱ្យមានការអនុវត្តច្បាប់អន្តរជាតិឱ្យបានពេញលេញ ដើម្បីការពារកុមារក្នុងជម្លោះប្រដាប់អាវុធ

កោះតៃវ៉ាន់ សាកល្បងការការពារប្រឆាំងនឹងការគំរាមកំហែងដែនសមុទ្ររបស់ប្រទេសចិន

សម្ដេចធិបតី ហ៊ុន ម៉ាណែត ដឹកនាំកិច្ចប្រជុំពេញអង្គគណៈរដ្ឋមន្ត្រី នៅវិមានសន្តិភាព ដើម្បីពិភាក្សា និងឆ្លងលើរបៀបវារៈមួយចំនួន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877