BTV NEWS

ស្នងការរាជធានី អំពាវនាវដល់យុវជនជៀសឆ្ងាយពីសកម្មភាពក្មេងទំនើង បើប្រព្រឹត្តល្មើសមានតែការអនុវត្តផ្លូវច្បាប់ប៉ុណ្ណោះ

មន្ត្រីជំនាញ៖ Online Scams នៅកម្ពុជា កំពុងត្រូវបានបង្ក្រាបយ៉ាងសកម្មទោះមានលក្ខណៈស្មុគស្មាញ

ជនបន្លំយកលុយពីភ្ញៀវបរទេស២ពាន់ដុល្លារ នៅផ្សារច្បារអំពៅ ត្រូវបានសមត្ថកិច្ចរាជធានីស្រាវជ្រាវឃាត់ខ្លួន និងយកថវិការជូនជនរងគ្រោះវិញ

តំណាងអយ្យការចោទប្រកាន់ជនសង្ស័យម្នាក់យករូបថ្នាក់ដឹកនាំធ្វើជាប្រូហ្វាល់ ជាមធ្យោបាយគំរាមជនរងគ្រោះជំរិតទារប្រាក់

សន្តិសុខ និង សង្គម

ជនអន្តោប្រវេសន៍រាប់រយនាក់ ត្រូវបានបញ្ជូនពីប្រជុំកោះកាណារី ទៅកាន់ទីក្រុងម៉ាឌ្រីដប្រទេសអេស្ប៉ាញ

ទូរទស្សន៍រដ្ឋប្រជុំកោះកាណារី (Canary Islands)បាននិយាយថាអេស្ប៉ាញបានបញ្ជូនជនអន្តោប្រវេសន៍រាប់រយនាក់ពីកោះធិនណឺរីហ្វ(Tenerife)នៃប្រជុំកោះកាណារី ទៅកាន់រដ្ឋធានី ម៉ាឌ្រីដ (Madrid) របស់ប្រទេសអេស្ប៉ាញ កាលពីថ្ងៃអង្គារ ទី២៤តុលា។ វីដេអូបង្ហាញពីក្រុមជនអន្តោប្រវេសន៍កំពង់ឈរតម្រង់ជួរនៅអាកាសយានដ្ឋានកោះធិនណឺរីហ្វខាងជើង(Tenerife North Airport)។ កោះទាំងប្រាំពីរនៃប្រជុំកោះអាត្លង់ទិកបានក្លាយជាគោលដៅសំខាន់បំផុតសម្រាប់ក្រុមជនអន្តោប្រវេសន៍ ដែលព្យាយាមទៅដល់ប្រទេសអេស្ប៉ាញ ហើយនៅឆ្នាំនេះមានការកើនឡើងនៃការប៉ុនប៉ងឆ្លងកាត់ពីប្រទេសសេណេហ្គាល់ និងបណ្តាប្រទេសអាហ្វ្រិកដទៃទៀត។ចន្លោះពីថ្ងៃទី១ ខែមករា ដល់ថ្ងៃទី ១៥ ខែតុលា ឆ្នាំនេះ កោះទាំងនោះបានទទួលជនអន្តោប្រវេសន៍ចំនួន ២៣.៥៣៧នាក់ កើនឡើង ៨០% ធៀបនឹងរយៈពេលដូចគ្នាកាលពីឆ្នាំមុន នេះបើយោងតាមទិន្នន័យផ្លូវការ។ យោងតាមអង្គការសប្បុរសធម៌ វ៉កឃីង បឌ័រស៍ (Walking Borders) មនុស្សយ៉ាងហោចណាស់ ១.០០០នាក់ នាក់បានស្លាប់ដោយសារការប៉ុនប៉ងឆ្លងកាត់តាមសមុទ្រមេឌីទែរ៉ាណេ រហូតមកដល់ពេលនេះ។រដ្ឋមន្ត្រីទេសន្តរប្រវេសន៍ស្តីទីរបស់ប្រទេសអេស្ប៉ាញបានសន្យាផ្តល់កញ្ចប់ជំនួយប្រមាណ៥០ លានអឺរ៉ូ ឬស្មើរ ៥៣លានដុល្លារអាមេរិក កាលពីថ្ងៃទី១៩ ខែតុលា កន្លងទៅ ដើម្បីជួយដល់កោះកាណារី បញ្ឈប់លំហូរក្រុមជនន្តោប្រវេសន៍មិនធម្មតា៕

ម៉ិកស៊ិក ដាក់ពង្រាយកងកម្លាំងឆ្មាំជាតិ ៣០០នាក់ ទៅកាន់តំបន់ដែលមន្ត្រីនគរបាល ១៣នាក់ ត្រូវបានសម្លាប់ នៅក្នុងការពួនស្ទាក់វាយប្រហារ

រដ្ឋាភិបាលម៉ិកស៊ិក បានបញ្ជូនកងកម្លាំងឆ្មាំជាតិចំនួន ៣០០នាក់ ដើម្បីពង្រឹងរដ្ឋ ហ្គ៊ារ៉េរ៉ូ ( Guerrero) ភាគខាងត្បូង កាលពីថ្ងៃអង្គារ ស្នងការនគរបាលតំបន់ម្នាក់ និងមន្ត្រី១២នាក់ ត្រូវបានបាញ់សម្លាប់ នៅក្នុងការវាយឆ្មក់ដ៏ឃោរឃៅមួយថ្ងៃមុននេះ។វាគ្រាន់តែជាការវាយប្រហារមួយក្នុងចំណោមការវាយប្រហារចំនួនបីកាលពីថ្ងៃចន្ទ នៅក្នុងតំបន់ ដែលមានអំពើហិង្សាកាន់តែខ្លាំងឡើងនៃប្រទេសនេះ។ដោយប្រកាសពីការពង្រឹងនៅក្នុងសន្និសីទសារព័ត៌មានពេលព្រឹករបស់ខ្លួន លោកប្រធានាធិបតី អង់ដ្រេ ម៉ានូអែល ឡូប៉េស អូប្រាឌ័រ (Andrés Manuel López Obrador) បានកាន់ទុក្ខជនរងគ្រោះ ហើយបានហៅការវាយប្រហារនេះថាជា«ការវាយឆ្មក់ជាក់ស្តែង»។អគ្គមេធាវីរដ្ឋហ្គ៊ារ៉េរ៉ូ បានចាប់ផ្តើមការស៊ើបអង្កេតមួយ កាលពីថ្ងៃចន្ទ បន្ទាប់ពីសាកសពទាំង ១៣នាក់ ត្រូវបានរកឃើញនៅលើផ្លូវហាយវ៉េមួយក្នុងទីក្រុងអែលប៉ាប៉ាយ៉ូ (El Papayo) ដែលស្ថិតនៅក្នុងសង្កាត់ ហ្គ៊ារ៉េរ៉ូ នៃទីក្រុង កូយូកាដេ បេននីតេហ្ស (Coyuca de Benítez) នៅលើឆ្នេរសមុទ្រប៉ាស៊ីហ្វិក។ មនុស្សពីរនាក់ទៀត បានរងរបួសនៅក្នុងការវាយប្រហារនេះ។

ឧត្ដមសេនីយ៍ឯកបណ្ឌិត ណុប នរិន្ទ បានចុះត្រួតពិនិត្យ និងជួបសំណេះសំណាលជាមួយមន្ត្រីប៉ុស្តិ៍ ប្រចាំច្រកទ្វារអន្តរជាតិប៉ោយប៉ែត

បន្ទាយមានជ័យ៖ ឯកឧត្ដមឧត្ដមសេនីយ៍ឯកបណ្ឌិត ណុប នរិន្ទ អគ្គនាយករងអន្តោប្រវេសន៍ នៅថ្ងៃទី២៥ខែតុលា ឆ្នាំ២០២៣ បានដឹកនាំក្រុមការងាររៀបចំប្រអប់សំបុត្ររបស់អគ្គនាយកដ្ឋានអន្តោប្រវេសន៍ បានចុះមកត្រួតពិនិត្យ និងបើកប្រអប់សំបុត្រ នៅប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត ។បន្ទាប់ពីបានបើកពិនិត្យ និងប្រមូលសំបុត្ររួចរាល់ឯកឧត្ដម ឧត្ដមសេនីយ៍ឯក បណ្ឌិត បានជួបសំណេះសំណាលជាមួយមន្ត្រីប៉ុស្តិ៍ និងក្រុមផ្ដល់ទិដ្ឋាការប្រចាំច្រកទ្វារព្រំដែនអន្តរជាតិប៉ោយប៉ែត ព្រមទាំងបានពាំនាំនៅមតិផ្តាំផ្ញើសួរសុខទុក្ខរបស់ឯកឧត្តម ឧត្តមសេនីយ៍ឯក អគ្គនាយកអន្តោប្រវេសន៍ ដល់មន្ត្រីប៉ុស្តិ៍ និងក្រុមផ្ដល់ទិដ្ឋាការ ព្រមទាំងបានក្រើនរំលឹកបន្ថែមអំពីការអនុវត្តកិច្ចការងារជំនាញប្រចាំថ្ងៃ និងបានវាយតម្លៃខ្ពស់អំពីការសាមគ្គីភាពផ្ទៃក្នុង និងការគោរពវិន័យរបស់មន្ត្រីប៉ុស្តិ៍នគរបាលច្រកទ្វារព្រំដែនអន្តរជាតិប៉ោយប៉ែត។ក្នុងឱកាសនោះដែរ ឧត្ដមសេនីយ៍ឯកបណ្ឌិត ណុប នរិន្ទ បានកោតសរសើរដល់ថ្នាក់ដឹកនាំប៉ុស្តិ៍ ក្នុងការដឹកនាំគ្រប់គ្រងបានល្អ ហើយក៏ស្នើសុំឱ្យបន្តការគោរពវិន័យ និងសាមគ្គីផ្ទៃក្នុងឱ្យកាន់តែល្អប្រសើរថែមទៀត ៕

មនុស្សម្នាក់ស្លាប់និងនាវិក៤នាក់បាត់ខ្លួន បន្ទាប់ពីនាវាដឹកទំនិញបុកគ្នានៅសមុទ្រខាងជើង ប្រទេសអាល្លឺម៉ង់

អាជ្ញាធរសង្គ្រោះបន្ទាន់ដែនសមុទ្រ បាននិយាយកាលពីថ្ងៃអង្គារថា សមាជិកនាវិកម្នាក់ស្លាប់ និង៤នាក់កំពុងបាត់ខ្លួន បន្ទាប់ពីនាវាដឹកទំនិញ២គ្រឿង បានបុកគ្នានៅសមុទ្រខាងជើង នៅឆ្នេរប្រទេសអាល្លឺម៉ង់។ អាជ្ញាធរនិយាយថា សាកសពត្រូវបានរកឃើញ រួមជាមួយសមាជិកនាវិកដែលជួយសង្គ្រោះចំនួន២នាក់។ នាវា Verity ទីបញ្ជាការភាគកណ្តាលទទួលបន្ទុកការសង្គ្រោះបន្ទាន់ដែនសមុទ្រ បាននិយាយថា នាវាដែលលិចនេះ បានធ្វើដំណើរពីទីក្រុង Bremen របស់អាល្លឺម៉ង់ ទៅកាន់ទីក្រុង Immingham នៅអង់គ្លេស មានសមាជិកនាវិក៧នាក់នៅលើនាវា។ រីឯនាវា Polesie កំពុងបើកបរពីទីក្រុង Hamburg ប្រទេសអាល្លឺម៉ង់ ទៅកាន់ទីក្រុង La Coruna ក្នុងប្រទេសអេស្ប៉ាញ។អ្នកនាំពាក្យបាននិយាយអំឡុងសន្និសីទសារព័ត៌មានថា សមាជិកនាវិក ដែលបាត់ខ្លួន អាចមានជីវិតរស់នៅ និងកំពុងស្ថិតនៅខាងក្នុងនាវានៅបាតសមុទ្រ ខណៈក្រុមអ្នកមុជទឹកមួយក្រុមកំពុងស្វែងរកសញ្ញាជីវិត។ អ្នកនាំពាក្យនិយាយថា នាវា Verity មានផ្ទុកដែកថែប និប្រេងម៉ាស៊ូត១.៣០០ម៉ែត្រត្រីគុណនៅលើនាវា។ នាវាទាំងពីរគ្រឿង បានបុកគ្នានៅចម្ងាយប្រហែល ២២គីឡូម៉ែត្រ ភាគនិរតីប្រជុំកោះ Heligoland ប្រទេសអាល្លឺម៉ង់។ ទីបញ្ជាការកណ្តាល បាននិយាយថា នាវា Polesie មានមនុស្ស២២នាក់នៅលើនោះ ប៉ុន្តែគ្មាននណាម្នាក់រងរបួសនោះទេ។

កងទ័ពហ៊ូធីរបស់យ៉េម៉ែន លេចចេញជាការគំរាមកំហែងយ៉ាងធំដល់អ៊ីស្រាអែល និងអាមេរិក

កងទ័ពហ៊ូធីដែលគាំទ្រដោយអ៊ីរ៉ង់របស់យ៉េម៉ែន កំពុងលេចចេញជាការគំរាមកំហែងតែមួយគត់ចំពោះផលប្រយោជន៍របស់អ៊ីស្រាអែល និងអាមេរិក ទោះបីជាមានចម្ងាយជិត ១.៤០០ ម៉ាយពីសង្គ្រាមអ៊ីស្រាអែល-ហាម៉ាសក៏ដោយ ខណៈដែលក្រុងតេអេរ៉ង់ ប្រមូលផ្តុំសម្ព័ន្ធមិត្តរបស់ខ្លួន នៅពីក្រោយជម្លោះមជ្ឈិមបូព៌ាដ៏ធំនេះ។ក្រុមហ៊ូធី បានធ្វើឲ្យមន្ទីរបញ្ចកោណភ្ញាក់ផ្អើល កាលពីថ្ងៃព្រហស្បតិ៍សប្តាហ៍មុន ដោយបានបាញ់បង្ហោះយានដ្រូនវាយប្រហារ និងមីស៊ីលរយៈចម្ងាយឆ្ងាយពីប្រទេសយ៉េម៉ែន ដែលមន្ត្រីការពារជាតិអាមេរិកនិយាយថា គោលដៅសម្រាប់អ៊ីស្រាអែល ប៉ុន្តែត្រូវបានស្ទាក់ចាប់ដោយនាវា USS Carney ដែលជានាវាពិឃាតបំពាក់ដោយមីស៊ីលតម្រង់គោលដៅបញ្ជាពីចម្ងាយរបស់អាមេរិក ឆ្លងកាត់សមុទ្រក្រហម។ ក្រុម ហ៊ូធី បានគំរាមកំហែងនាពេលកន្លងមក ដើម្បីវាយប្រហារអ៊ីស្រាអែល ក្នុងការជួយដល់ទីក្រុងតេអេរ៉ង់ និងសម្ព័ន្ធមិត្តនៅមជ្ឈិមបូព៌ា រួមទាំងក្រុមហាម៉ាស នៅក្នុងទឹកដីប៉ាឡេស្ទីន និងក្រុមហេសបូឡា នៅលីបង់។មន្ត្រីអាមេរិក និងមជ្ឈិមបូព៌ា ដែលតាមដានក្រុមហ៊ូធី និងសម្ព័ន្ធមិត្តយោធារបស់ពួកគេជាមួយអ៊ីរ៉ង់ បាននិយាយថា នេះគឺជាលើកទីមួយហើយ ដែលពួកគេបានធ្វើសកម្មភាព និងបង្ហាញសមត្ថភាពរយៈចម្ងាយឆ្ងាយនេះ។

វេជ្ជបណ្ឌិត៖ អ្នកជំងឺក្នុងមន្ទីរពេទ្យហ្កាហ្សា បង្ហាញសញ្ញានៃជំងឺបណ្ដាលមកពីកន្លែងតូចចង្អៀត និងគ្មានអនាម័យ

ក្រុមវេជ្ជបណ្ឌិតនៅតំបន់ហ្កហ្សា និយាយថា អ្នកជំងឺដែលមកដល់មន្ទីរពេទ្យ កំពុងបង្ហាញសញ្ញានៃជំងឺថ្មី ដែលបង្កឡើងដោយស្ថានភាពកន្លែងតូចចង្អៀត និងអនាម័យមិនល្អ បន្ទាប់ពីមនុស្សជាង ១,៤លាននាក់ បានភៀសខ្លួនចេញពីលំនៅឋានរបស់ពួកគេ ទៅកាន់ទីជម្រកបណ្តោះអាសន្នក្រោមការទម្លាក់គ្រាប់បែកដ៏ធ្ងន់ធ្ងរបំផុតមិនធ្លាប់មានរបស់អ៊ីស្រាអែល។ទីភ្នាក់ងារផ្តល់ជំនួយជាច្រើនបានព្រមានម្តងហើយម្តងទៀត អំពីវិបត្តិសុខភាពនៅក្នុងតំបន់ហ៊ុមព័ទ្ធដ៏តូចចង្អៀតរបស់ប៉ាឡេស្ទីនមួយនេះ ក្រោមការបិទផ្លូវរបស់អ៊ីស្រាអែល ដែលបានកាត់ផ្តាច់អគ្គិសនី ទឹកស្អាត និងប្រេងឥន្ធនៈ ដោយមានតែក្បួនរថយន្តជំនួយតូចៗសម្រាប់ស្បៀងអាហារ និងឳសថរបស់អង្គការសហប្រជាជាតិចូលប៉ុណ្ណោះ។ក្រុមអាជ្ញាធរប៉ាឡេស្ទីនបាននិយាយថា មនុស្សជិត ៥.៨០០នាក់ ត្រូវបានសម្លាប់ដោយការវាយប្រហារតាមអាកាស និងកាំភ្លើងធំរបស់អ៊ីស្រាអែល បន្ទាប់ពីការវាយប្រហារកាលពីថ្ងៃទី៧ ខែតុលា ដោយក្រុមសកម្មប្រយុទ្ធហាម៉ាស ដែលបានសម្លាប់ពលរដ្ឋអ៊ីស្រាអែលជាង ១.៤០០នាក់ និងចាប់ចំណាប់ថ្នូរជាង ២០០នាក់មក។ដោយសារមន្ទីរពេទ្យទាំងអស់ ជិតអស់ប្រេងឥន្ធនៈដើម្បីផ្តល់ថាមពលដល់ម៉ាស៊ីនភ្លើងរបស់ពួកគេ ក្រុមវេជ្ជបណ្ឌិតបានព្រមានថា ឧបករណ៍សំខាន់ៗ ដូចជាឧបករណ៍កម្ដៅខ្លួនសម្រាប់ទារកទើបនឹងកើត អាចជួបហានិភ័យនៃការឈប់ដំណើរការ។ ក្រសួងសុខាភិបាលដែលគ្រប់គ្រងដោយក្រុមហាម៉ាស បាននិយាយថា មជ្ឈមណ្ឌលវេជ្ជសាស្ត្រចំនួន ៤០កន្លែង បានផ្អាកប្រតិបត្តិការនៅពេលដែលការទម្លាក់គ្រាប់បែក និងការផ្លាស់ទីលំនៅកំពុងដាក់សម្ពាធយ៉ាងខ្លាំងលើប្រព័ន្ធសុខាភិបាលក្នុងតំបន់មួយនេះ៕

ម៉ាឡេស៊ីប្រមូលផ្តុំអ្នកគាំទ្រ ថ្កោលទោសភាពឃោរឃៅរបស់អ៊ីស្រាអែល និងសម្ព័ន្ធមិត្តលោកខាងលិចនៅហ្កាហ្សា

នាយករដ្ឋមន្ត្រីប្រទេសម៉ាឡេស៊ី លោក Anwar Ibrahim បានចូលរួមជាមួយអ្នកគាំទ្រប៉ាឡេស្ទីន ១៦.០០០នាក់ កាលពីថ្ងៃអង្គារដើម្បីថ្កោលទៅទង្វើដ៏ឃោឃៅរបស់អ៊ីស្រាអែល នៅក្នុងតំបន់ហ្កាហ្សា ជាកន្លែងដែលមនុស្សរាប់ពាន់នាក់ ត្រូវបានសន្និដ្ឋានថាបានស្លាប់ក្នុងការវាយប្រហាររបស់អ៊ីស្រាអែល និងបានក៏បានរិះគន់ក្រុមអ្នកគាំទ្រលោកខាងលិច របស់ប្រទេសនេះ។ ការប្រមូលផ្តុំគ្នា នៅក្នុងរដ្ឋធានីកូឡាឡំពួ របស់ប្រទេសម៉ាឡេស៊ី គឺជាការប្រមូលផ្តុំគ្នាច្រើនបំផុត ក្នុងការធ្វើបាតុកម្មជាបន្តបន្ទាប់ ធ្វើឡើងនៅក្នុងប្រទេសម៉ាឡេស៊ី ដែលមានពលរដ្ឋមូស្លីមភាគច្រើន ក្នុងរយៈពេលប៉ុន្មានសប្តាហ៍ថ្មីៗនេះ។ប្រទេសម៉ាឡេស៊ី គឺជាអ្នកគាំទ្រប៉ាឡេស្ទីដ៏សំខាន់ជាយូរណាស់មកហើយ និងបានអំពាវនាវឲ្យមានដំណោះស្រាយរដ្ឋ២ចំពោះជម្លោះនេះ រវាងប្រទេសអ៊ីស្រាអែល និងប៉ាឡេស្ទីន។ ប្រទេសនេះពុំមាន ទំនាក់ទំនងការទូតជាមួយប្រទេសអ៊ីស្រាអែលនោះទេ។ លោក Anwar កាលពីសប្តាហ៍មុន បាននិយាយថា លោកបានច្រានចោលសម្ពាធរបស់លោកខាងលិចដើម្បីឲ្យថ្កោលទោសក្រុមហាម៉ាស់។ លោក បាននិយាយទៅកាន់មេដឹកនាំក្រុមហាម៉ាស់ លោក Ismail Haniyeh កាលពីដើមខែនេះ និងបានអំពាវនាវឲ្យបញ្ចប់ជាបន្ទាន់ការទម្លាក់គ្រាប់បែកនៅក្នុងតំបន់ហ្កាហ្សា និងអំពាវនាវឲ្យមានការបង្កើតច្រករបៀងមនុស្សធម៌។

នគរបាលធ្វើការដុតបំផ្លាញផលិតផលទំនិញខុសច្បាប់ជាង៥០តោន ក្រោយការបង្ក្រាបបាន

ភ្នំពេញ៖ ផលិតផលទំនិញខុសច្បាប់ជាង៥០តោន ដែលកម្លាំងសមត្ថកិច្ចចម្រុះ សហការគ្នា ធ្វើការបង្ក្រាបបានជាបន្តបន្ទាប់ កាលពីពេលកន្លងមក ក្នុងករណីចំនួន១០ ត្រូវបានធ្វើពិធីដុតបំផ្លាញចោល នាព្រឹកថ្ងៃទី២៥ ខែតុលា ឆ្នាំ២០២៣នេះ ក្នុងទីលានចាក់សំរាម ស្ថិតក្នុងសង្កាត់ដង្កោ ខណ្ឌដង្កោ រាជធានីភ្នំពេញ ។ពិធីដុតបំផ្លាញខាងលើនេះ ធ្វើឡើងក្រោមវត្ដមានឯកឧត្តមឧត្តមសេនីយ៍ឯក មួង សុធា អគ្គស្នងការរងនគរបាលជាតិ តំណាងឯកឧត្តមអគ្គស្នងការ និងដោយមានការចូលរួមពីលោកប្រធាននាយកដ្ឋាន មន្ត្រីកាំកុងត្រូល ស្ថាប័ន្ថតំណាងអយ្យការ មន្ត្រីអាជ្ញាធរពាក់ព័ន្ធ ក៏ដូចជាពលរដ្ឋជាច្រើនទៀតផងដែរ ។ឯកឧត្តម មួង សុធា មានប្រសាសន៍ឱ្យដឹងថា ផលិតផលដែលដុតបំផ្លាញចោលនៅព្រឹកនេះ រួមមាន ៖ ទំនិញនិងផលិតផល ក្លែងក្លាយ, ផលិតផលនាំចូលគ្មានច្បាប់អនុញ្ញាត, ផលិតផលគ្រឿងសំអាងលាយសារធាតុ គីមីខុសច្បាប់ ,ឱសថហួសកាលបរិច្ឆេទប្រើប្រាស់,ចំណីអាហារ និងសាច់ខូចគុណភាព ព្រម ទាំងសារធាតុគីមីខុសច្បាប់ជាដើម ។ ដែលកន្លងទៅ នគរបាលធ្លាប់បានធ្វើការដុតបំផ្លាញចោលចំនួន ៣៧លើក រួចមកហើយដែរ ។ឯកឧត្តម បានបន្តថា ពិធីដុតបំផ្លាញចោលនាថ្ងៃនេះ គឺជាសក្ខីភាពមួយ ដែលស្តែងពីការខិតខំប្រឹងប្រែងរបស់មន្រ្តីជំនាញ នៃនាយកដ្ឋាននគរបាលប្រឆាំងបទល្មើសសេដ្ឋកិច្ច សហការជាមួយ អង្គភាព ស្ថាប័នជំនាញពាក់ព័ន្ធ អាជ្ញាធរមូលដ្ឋាន រួមជាមួយវិស័យឯកជន ក្រោមការចង្អុលបង្ហាញពីថ្នាក់ដឹកនាំក្រសួងមហាផ្ទៃ និងអគ្គស្នងការដ្ឋាននគរបាលជាតិ ស្របតាមផែនការយុទ្ឋសាស្ត្ររបស់នាយកដ្ឋាននគរបាលប្រឆាំងបទល្មើសសេដ្ឋកិច្ច ។ក្នុងនោះដែរឯកឧត្តមក៏បានបន្ថែមថា ជាកិច្ចការបន្ត នាយកដ្ឋាននគរបាលប្រឆាំងបទល្មើសសេដ្ឋកិច្ច បាននិងកំពុងបន្តខិតខំអនុវត្តតាមតួនាទី ភារៈកិច្ច និងដាក់ចេញនូវទិសដៅការងាររបស់ខ្លួនស្រមតាមផនការ យុទ្ធសាស្ត្ររបស់អគ្គស្នងការដ្ឋាននគរបាលជាតិ ជាពិសេសបន្តចូលរួមសហការជាមួយសមត្ថ កិច្ចជំនាញពាក់ព័ន្ធ និងអាជ្ញាធរមូលដ្ឋានបង្ក្រាបនូវរាល់បទល្មើសសេដ្ឋកិច្ចប៉ះពាល់ដល់ខឿន សន្តិសុខសេដ្ឋកិច្ចជាតិ បទល្មើសគេចពន្ធបទល្មើសនាំទំនិញ និងផលិតផលក្លែងក្លាយ ហួសកាលបរិច្ឆេទប្រើប្រាស់,ចំណីអាហារខូចគុណភាព និងមានសារធាតុគីមីធ្វើឲ្យប៉ះពាល់ ដល់សុខុមាលភាពរបស់ប្រជាពលរដ្ឋយើង ៕ អត្ថបទ ៖ លីហេង

ចរាចរណ៍លើកំណាត់ផ្លូវជាតិលេខ១ មានភាពល្អប្រសើរបន្ទាប់ពីស្ពានកោះនរា បានបើកឱ្យប្រើប្រាស់

ភ្នំពេញ៖ បន្ទាប់ពីស្ពានឆ្លងទន្លេពីតំបន់អភិវឌ្ឍន៍កោះពេជ្រ ទៅតំបន់អភិវឌ្ឍន៍កោះនរា ត្រូវបានដាក់ឱ្យប្រើប្រាស់បណ្តោះអាសន្នរួចមក មានការកត់សម្គាល់ឃើញថា នៅថ្ងៃទី២៤ ខែតុលា ឆ្នាំ២០២៣នេះ ស្ថានភាពចរាចរណ៍ធ្វើដំណើររបស់ពលរដ្ឋ នៅលើកំណាត់ផ្លូវជាតិលេខ១ មានភាពល្អប្រសើរឡើងវិញ ដោយមិនមានការកកកុញស្ទះខ្លាំងដូចសព្វមួយដងនោះឡើយ ។ លោកវរសេនីយ៍ទោ រឿន សុជីវី អធិការរងនគរបាលខណ្ឌច្បារអំពៅ ទទួលផែននគរបាលចរាចរណ៍ និងសណ្តាប់ធ្នាប់សាធារណះ បានប្រាប់ BTV ឱ្យដឹងថា ដោយសារតែពលរដ្ឋបានទទួលជ្រាប អំពីការអនុញ្ញាតឱ្យមានការធ្វើចរាចរណ៍លើស្ពានកោះនរា ទើបពួកគាត់ភាគច្រើន បានបង្វែរទិសដៅចរាចរណ៍ទៅឆ្លងកាត់ស្ពានវិញ ធ្វើឱ្យស្ថានភាពចរាចរណ៍លើកំណាត់ផ្លូវជាតិលេខ១ មានភាពធូរស្បើយខ្លះជាងពេលមុន ។ លោកអធិការរងបន្ថែមថា ទន្ទឹមនឹងស្ថានភាពលំហូរចរាចរណ៍ បានធូរស្បើយ មិនបង្កជាការកកស្ទះដូចសព្វដងក៏ដោយ ក៏កម្លាំងនគរបាលរបស់លោក នៅតែបន្តយកចិត្តទុកដាក់ ក្នុងការប្រចាំការតាមគោលដៅស្តុបនីមួយៗលើកំណាត់ផ្លូវ ដើម្បីឈរសម្រួល និងរក្សារបៀបរៀបរយសាធារណៈ ឱ្យបានកាន់តែល្អប្រសើរឡើងផងដែរ ។ប្រជាពលរដ្ឋ ក៏បានបង្ហាញអារម្មណ៍រីករាយ ពេលស្ថានភាពលំហូរចរាចរណ៍លើផ្លូវជាតិលេខ១ មិនមានការកកស្ទះ ដោយពួកគាត់ ចំណេញពេលវេលាពេលជិះធ្វើដំណើរឆ្លងកាត់ មិនបន្តបង្កការរំខាន ។សូមបញ្ជាក់ថា ស្ពានបេតុងខ្សែកាបឆ្លងទន្លេ កោះពេជ្រ - កោះនរា បានដាក់ឱ្យដំណើរការប្រើប្រាស់ទាំង២ស្ពាន ជាបណ្តោះអាសន្ន កាលពីវេលាព្រលប់ល្ងាចថ្ងៃទី២៣ តុលា ឆ្នាំ២០២៣ ។ បន្ទាប់ពីមានការដាក់ឱ្យប្រើប្រាស់ភ្លាម មានពលរដ្ឋជាច្រើន បាននាំគ្នាជិះទៅដំណើរឆ្លងកាត់ជាបន្តបន្ទាប់ ៕ អត្ថបទ ៖ លីហេង

បារាំងបញ្ចប់ការដកទ័ពចេញពីមូលដ្ឋានភាគខាងជើងក្នុងប្រទេសនីហ្សេ ជាផ្នែកមួយនៃការចាកចេញដែលបានគ្រោងទុក

ប្រទេសបារាំង បានបញ្ចប់ការដកទ័ពចេញពីមូលដ្ឋានភាគខាងជើងនៃប្រទេសនីហ្សេ ដែលជាផ្នែកមួយនៃការចាកចេញដែលបានគ្រោងទុកពីប្រទេសអាហ្វ្រិកខាងលិច បន្ទាប់ពីរដ្ឋប្រហារយោធា កាលពីខែកក្កដា។អ្នកនាំពាក្យរដ្ឋាភិបាលលោកវីរសេនីយ៍ទោ Amadou Abdramane បាននិយាយកាលពីថ្ងៃអាទិត្យថា ទាហានជិត ២០០នាក់ រថយន្តដឹកទំនិញ ២៨គ្រឿង និងរថពាសដែកចំនួន ២៤គ្រឿង បានចាកចេញពីមូលដ្ឋានយោធា Ouallam ដែលត្រូវបានប្រគល់ទៅឲ្យប្រទេសនីហ្សេ។ ការដកទ័ពរបស់បារាំង ត្រូវបានគេរំពឹងថា នឹងបញ្ចប់នៅចុងឆ្នាំនេះ។ ទាហានបារាំងប្រហែល ១.៥០០ នាក់ បាននិងកំពុងប្រតិបត្តិការនៅក្នុងប្រទេសនីហ្សេ ដោយបានបណ្តុះបណ្តាលយោធារបស់ខ្លួន និងធ្វើប្រតិបត្តិការរួមគ្នា។ការប្រកាសនេះ ធ្វើឡើងប៉ុន្មានសប្តាហ៍ បន្ទាប់ពីប្រធានាធិបតីបារាំង អេម៉ានូអែល ម៉ាក្រុង បានប្រកាសថា ប្រទេសបារាំង នឹងបញ្ចប់វត្តមានយោធារបស់ខ្លួននៅក្នុងប្រទេសនីហ្សេ ហើយដកឯកអគ្គរដ្ឋទូតរបស់ខ្លួនចេញពីប្រទេសនេះ ដោយសាររដ្ឋប្រហារដែលបានទម្លាក់លោកប្រធានាធិបតី ម៉ូហាម៉េ បាហ្ស៊ូម (Mohamed Bazoum)ពីតំណែង។

បណ្ដាញសង្គម

ព័ត៌មានថ្មីៗ

ក្រសួងការងារបន្តអំពាវនាវអតីតពលករត្រឡប់មកពីថៃ ងាកមកធ្វើការក្នុងស្រុក ខណៈរោងចក្រ សហគ្រាសមានចំនួនកើនឡើងជាង៦០០

ក្រុមហ៊ុនអាកាសចរណ៍មួយពីឌូបៃ ចាប់អារម្មណ៍ផ្សព្វផ្សាយទេសចរណ៍កម្ពុជា និងពិចារណាភ្ជាប់ជើងហោះហើរមកកម្ពុជា

ម្ចាស់អាជីកម្មកំពុងមានមោទនភាពលើការផលិត និងការលក់ដូរ ក្រោមស្មារតីស្នេហាជាតិកំពុងមានសម្ទុះ

ក្រសួងឧស្សាហកម្មបើកយុទ្ធនាការអភិវឌ្ឍន៍សហគ្រាស និងអនុលោមភាពផលិតផល លើកកម្ពស់ សហគ្រាសក្នុងស្រុក

រដ្ឋមន្ត្រីក្រសួងវប្បធម៌ធ្វើបទបង្ហាញជូនឧត្តមក្រុមប្រឹក្សាពិគ្រោះ និងផ្តល់យោបល់

សមាគមអតីតយុទ្ធជន ប្រគល់ផ្ទះ ៤ខ្នងជាអំណោយរបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ជូនសមាជិកមានជីវភាពខ្វះខាត ក្នុងខេត្តបាត់ដំបង

ក្រុមការងារសកម្មភាពជនពិការប្រចាំក្រសួងវប្បធម៌ធ្វើសិក្ខាសាលាផ្សព្វផ្សាយ “អនុសញ្ញាស្តីពីសិទ្ធិជនពិការ” ជូនក្រុមការងារសកម្មភាពជនពិការប្រចាំក្រសួង

លោក ណម វិស្សុត ប្រធាននាយកប្រតិបត្តិនៃ អ៊ែរអេស៊ា ខេមបូឌា ត្រូវបានអញ្ជើញឱ្យចូលរួមជាវាគ្មិននៅក្នុងកម្មវិធីវេទិកាសេដ្ឋកិច្ចពិភពលោក ប្រចាំឆ្នាំ២០២៦

កម្ពុជា-ឥណ្ឌា បង្កើនកិច្ចសហប្រតិបត្តិការយោធា! ឥណ្ឌាត្រៀមជួយពង្រឹងសមត្ថភាពកងទ័ពកម្ពុជា និងគាំទ្របច្ចេកវិទ្យាការពារជាតិ

សមត្ថកិច្ចរាជធានីភ្នំពេញកសាងសំណុំរឿងបញ្ចូនបុគ្គល K01 ទៅតុលាការពាក់ព័ន្ធករណីហិង្សាលើយុវជនម្នាក់ហើយថតបង្ហោះចែកចាយលើបណ្តាញសង្គម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877