BTV NEWS

ស្នងការរាជធានី អំពាវនាវដល់យុវជនជៀសឆ្ងាយពីសកម្មភាពក្មេងទំនើង បើប្រព្រឹត្តល្មើសមានតែការអនុវត្តផ្លូវច្បាប់ប៉ុណ្ណោះ

មន្ត្រីជំនាញ៖ Online Scams នៅកម្ពុជា កំពុងត្រូវបានបង្ក្រាបយ៉ាងសកម្មទោះមានលក្ខណៈស្មុគស្មាញ

ជនបន្លំយកលុយពីភ្ញៀវបរទេស២ពាន់ដុល្លារ នៅផ្សារច្បារអំពៅ ត្រូវបានសមត្ថកិច្ចរាជធានីស្រាវជ្រាវឃាត់ខ្លួន និងយកថវិការជូនជនរងគ្រោះវិញ

តំណាងអយ្យការចោទប្រកាន់ជនសង្ស័យម្នាក់យករូបថ្នាក់ដឹកនាំធ្វើជាប្រូហ្វាល់ ជាមធ្យោបាយគំរាមជនរងគ្រោះជំរិតទារប្រាក់

សន្តិសុខ និង សង្គម

កម្មអណ្តូងរ៉ែរាប់រយនាក់នៅអាហ្វ្រិកខាងត្បូង បានចេញមកក្រៅវិញ បន្ទាប់ពីធ្វើការតវ៉ាអស់ ៤ថ្ងៃនៅក្រោមដី

កម្មករអណ្តូងរ៉ែអាហ្រ្វិកខាងត្បូង បានចេញមកក្រៅវិញ កាលពីថ្ងៃពុធ (២៥ តុលា) បន្ទាប់ពីចំណាយពេល ៤ថ្ងៃនៅក្រោមដីក្នុងការតវ៉ាមួយ។ យោងតាមក្រុមហ៊ុនបានឲ្យដឹងថាកម្មកររ៉ែប្រហែល ២៥០នាក់បានស្ថិតនៅក្រោមដី ខណៈការតវ៉ាប្រឆាំងតំណាងសហជីពនៅអណ្តូងរ៉ែ Gold One របស់ក្រុមហ៊ុនរុករករ៉ែ Modder East ក្នុងទីក្រុង Springs បានបន្តកាលពីថ្ងៃពុធ។ប៉ុន្តែក្រុមហ៊ុន Gold One និងសហជីពជាតិនៃកម្មកររ៉ែ (NUM) និយាយថា កម្មករជាង ៥០០នាក់ ត្រូវបានចាប់បង្ខាំងទុក ដោយសមាជិកនៃសមាគមកម្មកររ៉ែ និងសហជីពសំណង់ (AMCU) ដែលជាគូប្រជែង នៅពេលដែលម៉ោងធ្វើការរបស់ពួកគេបានបញ្ចប់ កាលពីថ្ងៃចន្ទ (២៣ តុលា)។សមាគម AMCU បដិសេធថា កម្មករមិនបានត្រូវបង្ខាំងទុកនោះទេ ដោយនិយាយថា ពួកគេកំពុងរៀបចំ «អង្គុយតវ៉ានៅក្រោមដី» ដើម្បីជំរុញឱ្យមានការទទួលស្គាល់របស់សមាគម AMCU ថាជាសហជីពភាគច្រើននៅអណ្តូងរ៉ែ។អាហ្រ្វិកខាងត្បូង គឺជាប្រទេសផលិតផ្លាទីន និងក្រូមដ៏ធំបំផុតរបស់ពិភពលោក ហើយក៏ជាអ្នកផលិតមាស និងពេជ្រឈានមុខគេផងដែរ ប៉ុន្តែឧស្សាហកម្មប្រភេទនេះ បានធ្លាក់ចុះអស់ជាច្រើនឆ្នាំ ដោយសារកម្រិតរ៉ែធ្លាក់ចុះ ហើយទិន្នផលត្រូវបានរំខាននៅឆ្នាំ២០២០ នៅពេលដែលការបិទខ្ទប់ក្នុងវិធានការទប់ស្កាត់ការរីករាលដាលនៃជំងឺកូវីដ១៩ បានបណ្ដាលឲ្យប៉ះពាល់ដល់ប្រតិបត្តិការ៕

របាយការណ៍៖ អ៊ីស្រាអែលយល់ព្រមពន្យារពេលវាយលុកទ្រង់ទ្រាយធំ នៅតំបន់ហ្គាហ្សា បន្ទាប់ពីមានសំណើរបស់អាមេរិក

អ៊ីស្រាអែល បានទទួលសំណើពីអាមេរិក ដើម្បីពន្យារពេលការបើកការវាយលុកថ្នើរជើងទ្រង់ទ្រាយធំ ដែលគេរំពឹងទុកទៅលើតំបន់ហ្គាហ្សា ដូច្នេះមន្ទីរបញ្ចកោណ អាចប្រញាប់ប្រញាល់បញ្ជូនប្រព័ន្ធការពារដែនអាកាសប្រមាណជាង១០គ្រឿង ដើម្បីការពារទាហានអាមេរិក ចំពេលមានភាពតានតឹង កើនឡើងនៅមជ្ឈិមបូព៌ា។ សារព័ត៌មាន Wall Street Journal បានរាយការណ៍កាលពីថ្ងៃពុធថា ប្រព័ន្ធមីស៊ីលនេះ អាចនឹងត្រូវដាក់ឲ្យដំណើរការបានឆាប់ នៅចុងសប្តាហ៍នេះ ។ក្នុងការបង្កើតផែនការវាយលុករបស់ខ្លួន អ៊ីស្រាអែលក៏ត្រូវបានគេរាយការណ៍ថា កំពុងពិចារណាផងដែរអំពីលទ្ធភាពសម្រាប់ការដោះលែងចំណាប់ថ្នូរបន្ថែមទៀត ដែលត្រូវបានចាប់ដោយក្រុមហាម៉ាស ក៏ដូចជាកិច្ចខិតខំប្រឹងប្រែង ដើម្បីផ្គត់ផ្គង់ជំនួយមនុស្សធម៌ទៅកាន់តំបន់ហ្គាហ្សា។ សមាជិកសេវាកម្មរបស់សហរដ្ឋអាមេរិក ដែលឈរជើងនៅក្នុងប្រទេសអ៊ីរ៉ាក់ ស៊ីរី កូវ៉ែត ហ្ស៊កដានី អារ៉ាប៊ីសាអ៊ូឌីត និងអារ៉ាប់រួម ត្រូវបានគេរំពឹងថា នឹងត្រូវកំណត់គោលដៅដោយក្រុមសកម្មប្រយុទ្ធ នៅពេលដែលការវាយលុក ចាប់ផ្តើម នេះបើយោងតាមរបាយការណ៍របស់សារព័ត៌មានJournal។

លោកពូទីនព្រមានថា ជម្លោះអ៊ីស្រាអែល-ក្រុមហាម៉ាស អាចរីករាលដាលហួសពីមជ្ឈិមបូព៌ា ដោយថ្កោលទោសការវាយប្រហារនៅហ្គាហ្សា

លោមប្រធានាធិបតី វ្ល៉ាឌីមៀ ពូទីន បានព្រមានកាលពីថ្ងៃពុធថា ជម្លោះរបស់អ៊ីស្រាអែលជាមួយក្រុមហាម៉ាស អាចរីករាលដាលខ្លាំងហួសពីមជ្ឈិមបូព៌ា ហើយបាននិយាយថា វាជារឿងខុសឆ្គង ដែលស្ត្រីស្លូតត្រង់ កុមារ និងមនុស្សចាស់ នៅតំបន់ហ្គាហ្សា ត្រូវបានផ្តន្ទាទោសចំពោះឧក្រិដ្ឋកម្មរបស់អ្នកដទៃនោះ។លោកពូទីនដែលបានធ្វើអត្ថាធិប្បាយនៅក្នុងកិច្ចប្រជុំវិមានក្រឹមឡាំងជាមួយក្រុមមេដឹកនាំសាសនារុស្ស៊ីដែលមានជំនឿខុសៗគ្នា បាននិយាយថា ការបង្ហូរឈាមនៅក្នុងតំបន់នេះ ត្រូវតែបញ្ឈប់។ លោកបានបន្ថែមទៀតថា ខ្លួនបានប្រាប់មេដឹកនាំពិភពលោកផ្សេងទៀត នៅក្នុងការសន្ទនាតាមទូរស័ព្ទថា ប្រសិនបើវាមិនដូច្នោះទេ វានឹងមានហានិភ័យនៃការផ្ទុះឡើងកាន់តែធំថែមទៀត។ឯកសារកិច្ចប្រជុំនៅវិមានក្រឹមឡាំងបានឲ្យដឹងថា៖«ភារកិច្ចរបស់យើងនៅថ្ងៃនេះ ភារកិច្ចចម្បងរបស់យើងគឺបញ្ឈប់ការបង្ហូរឈាម និងអំពើហិង្សា»។« បើពុំដូច្នេះទេ ការកើនឡើងបន្ថែមទៀតនៃវិបត្តិនេះ គឺផលវិបាកកាន់តែធ្ងន់ធ្ងរ និងគ្រោះថ្នាក់ និងបំផ្លិចបំផ្លាញបំផុត ហើយមិនត្រឹមតែសម្រាប់តំបន់មជ្ឈិមបូព៌ាប៉ុណ្ណោះទេ វាអាចរាលដាលទៅឆ្ងាយហួសពីព្រំដែននៃមជ្ឈឹមបូព៌ា»។

រដ្ឋជាច្រើននៅសហរដ្ឋអាមេរិក ប្ដឹងក្រុមហ៊ុន Meta ជុំវិញជំងឺបាក់ទឹកចិត្ត និងបញ្ហាផ្សេងទៀតលើកុមារ

រដ្ឋរាប់សិបរបស់សហរដ្ឋអាមេរិក កំពុងប្តឹងក្រុមហ៊ុនបណ្ដាញសង្គម Meta និងវេទិកា Instagram របស់ខ្លួន ដោយចោទប្រកាន់ពួកគេថា បានជំរុញឱ្យមានវិបត្តិសុខភាពផ្លូវចិត្តលើយុវជនដោយការធ្វើឱ្យកុមារញៀននឹងការប្រើវេទិកាប្រព័ន្ធផ្សព្វផ្សាយសង្គមទាំងនោះ។នៅក្នុងពាក្យបណ្តឹងមួយ ដែលបានដាក់កាលពីថ្ងៃអង្គារ (២៤ តុលា) អគ្គមេធាវីនៃរដ្ឋចំនួន៣៣ រួមទាំងរដ្ឋកាលីហ្វ័រនីញ៉ា និងរដ្ឋញ៉ូវយ៉ក បាននិយាយថា ក្រុមហ៊ុន Meta ដែលប្រតិបត្តិការបណ្ដាញសង្គម Facebook ផងដែរនោះ បានបំភាន់សាធារណជនម្តងហើយម្តងទៀត អំពីគ្រោះថ្នាក់នៃវេទិការបស់ខ្លួន ហើយមានចេតនាជំរុញកុមារ និងក្មេងជំទង់ ឱ្យញៀនជាមួយការប្រើប្រាស់ប្រព័ន្ធផ្សព្វផ្សាយសង្គមរបស់ខ្លួនដោយបង្ខិតបង្ខំ។កុមារគឺជាប្រជាសាស្រ្តដ៏ទាក់ទាញសម្រាប់អាជីវកម្មតាំងពីយូរយារណាស់មកហើយ ដែលអាជីវកម្មទាំងនោះសង្ឃឹមថា នឹងទាក់ទាញកុមារក្នុងនាមជាអ្នកប្រើប្រាស់នៅអាយុសបស្របមួយដែលពួកគេអាចមានការចាប់អារម្មណ៍ និងពង្រឹងភាពស្មោះត្រង់នៃការទិញទំនិញពីម៉ាកយីហោណាមួយ។ សម្រាប់ក្រុមហ៊ុន Meta អ្នកប្រើប្រាស់វ័យក្មេង អាចជួយបង្កើនអ្នកផ្សាយពាណិជ្ជកម្មកាន់តែច្រើនដល់ក្រុមហ៊ុនបណ្ដាញសង្គមមួយនេះ ដែលសង្ឃឹមថាកុមារនឹងបន្តទិញផលិតផលនៅពេលពួកគេធំឡើង។រដ្ឋចំនួនប្រាំបីផ្សេងទៀតរបស់សហរដ្ឋអាមេរិក និងរដ្ឋធានី វ៉ាស៊ីនតោន ឌីស៊ី កំពុងដាក់ពាក្យបណ្តឹងស្រដៀងគ្នា ប្រឆាំងនឹងក្រុមហ៊ុន Meta នេះកាលពីថ្ងៃអង្គារ ហើយពួកគេបាននិយាយថា ការស្រាវជ្រាវបានផ្សារភ្ជាប់ការប្រើប្រាស់ប្រព័ន្ធផ្សព្វផ្សាយសង្គម Meta របស់កុមារ ជាមួយនឹង «ជំងឺធ្លាក់ទឹកចិត្ត ការថប់បារម្ភ ការគេងមិនលក់ ការរំខានដល់ការអប់រំ និងជីវិតប្រចាំថ្ងៃ ព្រមទាំងលទ្ធផលអវិជ្ជមានជាច្រើនទៀត» ប៉ុន្តែក្រុមហ៊ុន Meta បាននិយាយថា ខ្លួនពិតជា «ខកចិត្តយ៉ាងខ្លាំង» ចំពោះបណ្តឹងបែបនេះ៕

ក្រសួងការពារជាតិចិន រិះគន់របាយការណ៍ប្រចាំឆ្នាំរបស់មន្ទីរបញ្ចកោណពីក្បាលគ្រាប់នុយក្លេអ៊ែរ

ក្រសួងការពារជាតិចិន នៅថ្ងពុធ ទី២៥តុលានេះ បានរិះគន់របាយការណ៍ក្រសួងការពារជាតិអាមេរិក ស្ដីពីប្រទេសចិនដោយនិយាយថារបាយការណ៍នេះ ប៉ះពាល់ដល់គោលនយោបាយសន្តិសុខនិងយុទ្ធសាស្ត្រយោធារបស់ប្រទេសចិន។ មន្ទីរបញ្ចកោណបាននិយាយនៅក្នុងរបាយការណ៍របស់ខ្លួនទៅកាន់សភាអាមេរិក ថារយៈពេលជាង១០ឆ្នាំទៀត សាធារណរដ្ឋប្រជាមានិតចិននឹងធ្វើទំនើបកម្មអាវុធ បង្កើនសមត្ថភាពគ្រឿងសព្វាវុធ និងពង្រីកឥទ្ធិពលអាវុធនុយក្លេអ៊ែររបស់ខ្លួនយ៉ាងឆាប់រហ័សដោយដាក់ចេញនូវមហិច្ឆតារបស់ប្រទេសចិន រួមទាំង គោលនយោបាយការពារជាតិ និងយុទ្ធសាស្ត្រយោធារបស់ខ្លួន។ មន្ទីរបញ្ចកោណ លើកឡើងថា ប្រទេសចិន មានក្បាលគ្រាប់នុយក្លេអ៊ែរជាង៥០០គ្រាប់ និងអាចមានក្បាលគ្រាប់ដល់ទៅជាង១.០០០គ្រាប់ នៅត្រឹមឆ្នាំ២០៣០។ របាយការណ៍ដដែលនេះ និយាយថា ប្រទេសចិន នឹងប្រើម៉ាស៊ីនរ៉េអាក់ទ័រមានសមត្ថភាពខ្ពស់បំផុតថ្មី និង ដំណើរការឡើងវិញរាល់រោងចក្រទាំងឡាយដើម្បីផលិតផ្លុយតូនីញ៉ូម សម្រាប់ផលិតអាវុធនុយក្លេអ៊ែររបស់ខ្លួន ទោះបីជាខ្លួនបាននិយាយជាសាធារណៈថាបច្ចេកវិទ្យានានា ស្ថិតក្នុងចេតនាសម្រាប់គោលបំណងសន្តិវិធីយ៉ាងណាក្ដី។ អ្នកនាំពាក្យក្រសួងការពារជាតិចិន លោកវ៉ូជៀន (Wu Qian) បាននិយាយក្នុងសេចក្ដីថ្លែងការណ៍ថា យើងបង្ហាញការមិនពេញចិត្តយ៉ាងខ្លាំង និងប្រឆាំងដាច់ខាតចំពោះរបាយការណ៍នេះ ដោយបន្ថែមថាការលើកឡើងរបស់អាមេរិកនេះ បំផ្លើសការពិត និង បំប៉ោងការគំរាមកំហែងដោយយោធារបស់ចិន ដែលពុំមានទាល់តែសោះ ។ គួររម្លឹកថា ប្រទេសចិន និងសហរដ្ឋអាមេរិក បានចោទប្រកាន់ដាក់គ្នានៅពេលថ្មីៗនេះ ជុំវិញក្ដីបារម្ភសន្តិសុខជាតិ អន្តរកម្មយោធា នៅក្នុងសមុទ្រចិនខាងត្បូង និងពាក់ព័ន្ធបញ្ហាកោះតៃវ៉ាន់ ដែលប្រទេសចិនអះអាងថាជាដែនទឹករបស់ខ្លួន៕

អ្នកទេសចរកូរ៉េខាងត្បូង៤នាក់ បានស្លាប់ក្នុងគ្រោះទឹកជំនន់នៅវៀតណាម

ប្រព័ន្ធផ្សព្វផ្សាយរដ្ឋបាននិយាយថា អ្នកទេសចរកូរ៉េខាងត្បូង៤នាក់ បានស្លាប់កាលពីថ្ងៃអង្គារ (២៤ តុលា) នៅតំបន់ខ្ពង់រាបភាគកណ្តាលរបស់ប្រទេសវៀតណាម បន្ទាប់ពីរថយន្តរបស់ពួកគេ ត្រូវបានទឹកជំនន់ហូរនាំទៅ បន្ទាប់ពីមានភ្លៀងធ្លាក់យ៉ាងខ្លាំងជាច្រើនថ្ងៃ។ ឧបទ្ទវហេតុនេះ បានកើតឡើងនៅពេលពាក់កណ្តាលថ្ងៃត្រង់ នៅក្នុងទីក្រុងដាឡាត់ (Dalat) ដែលជាទីក្រុងដ៏ស្រស់បំព្រងពេញនិយមដោយអ្នកដើរលេងកម្សាន្ត នៅពេលដែលរថយន្តជីប របស់អ្នកទេសចរទាំងនោះព្យាយាមឆ្លងកាត់ខ្សែទឹកជោរជន់។ទឹកបានហក់ឡើងខ្ពស់ភ្លាមៗ បន្ទាប់ពីមានភ្លៀងធ្លាក់ជាបន្តបន្ទាប់រយៈពេលបីថ្ងៃ នៅក្នុងខេត្តសម្បូរភ្នំ ឡាំ ដុង (Lam Dong) ដែលទីក្រុង Dalat ស្ថិតនៅ នេះបើយោងតាមគេហទំព័រព័ត៌មាន VN Express ដែលបានដកស្រង់សម្តីក្រុមមន្ត្រីក្នុងតំបន់។ សារព័ត៌មាន VNExpress បាននិយាយថា សាកសពអ្នកទេសចរទាំងនោះ ត្រូវបានគេរកឃើញចម្ងាយជាច្រើនគីឡូម៉ែត្រ ពីកន្លែងគ្រោះថ្នាក់។យោងតាមរបាយការណ៍បានឱ្យដឹងថា ការជន់លិចទន្លេ ទំនងជាដោយសារភ្លៀងធ្លាក់ខ្លាំង។ តួលេខផ្លូវការរបស់ទីភ្នាក់ងារវៀតណាមបានបង្ហាញថា ចាប់តាំងពីដើមឆ្នាំនេះមក គ្រោះមហន្តរាយធម្មជាតិ រួមទាំងទឹកជំនន់ និងបំណាក់ដី បានឆក់យកជីវិតមនុស្សប្រហែល ១០០នាក់ ហើយនៅក្នុងប្រទេសមួយនេះ៕

ការអត្ថាធិប្បាយ៖ ឧបទ្ទវហេតុនាវាថ្មីៗនេះ បង្ហាញពីចេតនាអាក្រក់របស់អាមេរិក នៅសមុទ្រចិនខាងត្បូង

ការប៉ះទង្គិចរវាងនាវាចិន និងហ្វីលីពីន នៅសមុទ្រចិនខាងត្បូងនាពេលថ្មីៗនេះ បានបង្ហាញពីចេតនាអាក្រក់របស់សហរដ្ឋអាមេរិក ក្នុងការប្រែក្លាយហ្វីលីពីនទៅជា «ក្បាលម៉ាស៊ីន» ក្នុងការញុះញង់ប្រទេសចិន ខណៈព្រឹត្តិការណ៍ប្រវត្តិសាស្ត្រចាប់ពី «ចលនាសៃហ្គន» រហូតដល់ការដកថយចេញពីប្រទេសអាហ្វហ្គានីស្ថាន បានបង្ហាញម្តងហើយម្តងទៀតថា សហរដ្ឋអាមេរិកគឺមិនអាចទុកចិត្តបានទាល់តែសោះ នេះបើតាមការអត្ថាធិប្បាយរបស់ប្រព័ន្ធផ្សព្វផ្សាយចិន (CMG) ដែលបានចេញផ្សាយកាលពីថ្ងៃអង្គារ (២៤ តុលា)។ឧបទ្ទវហេតុនៅសមុទ្រចិនខាងត្បូង និងការឆ្លើយតបពីសហរដ្ឋអាមេរិក និងហ្វីលីពីន មើលទៅហាក់បីដូចជាការបំភាន់មួយដើម្បីបន្ទោសប្រទេសចិន ខណៈវីដេអូដែលចេញផ្សាយដោយឆ្មាំល្បាតឆ្នេរចិន បង្ហាញយ៉ាងច្បាស់ថា កាលពីថ្ងៃទី២២ ខែតុលា នាវាហ្វីលីពីនបានបើកបំបុកបុកយ៉ាងគ្រោះថ្នាក់ទៅលើនាវាចិន ដោយមិនគោរពការព្រមានរបស់ចិន ជាហេតុនាំឱ្យមានការប៉ះទង្គិចនេះកើតឡើង។មួយរយៈកន្លងមកនេះ បណ្ដាមន្ត្រីជាន់ខ្ពស់របស់សហរដ្ឋអាមេរិក បានទៅទស្សនកិច្ចបណ្ដាប្រទេសអាស៊ីអាគ្នេយ៍ជាញឹកញាប់។ ចេតនាចម្បងរបស់អាមេរិក គឺដើម្បីបង្ខិតបង្ខំប្រទេសផ្សេងទៀតឱ្យជ្រើសរើសបង្អែករវាងចិន និងសហរដ្ឋអាមេរិក ក៏ដូចជាការប្រើប្រាស់បញ្ហាសមុទ្រចិនខាងត្បូង ដើម្បីសាបព្រួសភាពមិនចុះសម្រុងរវាងប្រទេសទាំងនេះ ជាមួយចិន ដែលបំផ្លាញដល់សន្តិភាព និងស្ថិរភាពក្នុងតំបន់ផងដែរ៕

ចំហេះព្រៃគំរាមកំហែងតំបន់ជិតឧទ្យានជាតិរបស់ប្រទេសបូលីវី

ក្រុមអ្នកពន្លត់អគ្គិភ័យ និងអ្នកស្ម័គ្រចិត្តនៅប្រទេសបូលីវី បានបន្តទប់ទល់នឹងចំហេះដែលកំពុងបន្តឆាបឆេះ កាលពីថ្ងៃអង្គារ (២៤ តុលា) នៅក្នុងព្រៃនៅជិតឧទ្យានជាតិម៉ាឌីឌី (Madidi) ដែលជាតំបន់ការពារ នៅភាគពាយ័ព្យនៃប្រទេសបូលីវី ដោយរួមបញ្ចូលផ្នែកខ្លះនៃតំបន់ព្រៃអាម៉ាហ្សូន របស់ប្រទេសនេះផងដែរ។យោងតាមរបាយការណ៍របស់រដ្ឋាភិបាលបានឱ្យដឹងថា មានចំហេះព្រៃសកម្មចំនួន ១៦កន្លែង នៅក្នុងតំបន់ចំនួន ៤ នៃប្រទេសបូលីវី ដោយតំបន់ឡាប៉ាស (La Paz) ជាតំបន់ដែលរងផលប៉ះពាល់ខ្លាំងជាងគេ។ ក្រុមអ្នកស្រុកបាននិយាយថា ចំហេះបានឆាបឆេះដំណាំយ៉ាងសន្ធោសន្ធៅ ហើយកំពុងខិតទៅជិតឧទ្យានជាតិ Madidi ដែលជាតំបន់បម្រុងជីវចម្រុះដ៏សំខាន់បំផុតមួយរបស់ប្រទេសនេះ។ ឧទ្ធម្ភាគចក្រជាច្រើនគ្រឿង ត្រូវបានបញ្ចូនទៅកន្លែងចំហេះដើម្បីជួយក្រុមពន្លត់អគ្គឮិភ័យ និងក្រុមអាជ្ញាធរនៅលើដីផងដែរ៕

មនុស្ស២៦នាក់បានស្លាប់ក្នុងការវាយប្រហារដោយកាំបិត នៅសាធារណរដ្ឋកុងហ្គោ

អភិបាលតំបន់ និងកងទ័ពបាននិយាយកាលពីថ្ងៃអង្គារ (២៤ តុលា) ថា ក្រុមសកម្មប្រយុទ្ធអ៊ីស្លាមដែលសង្ស័យ បានសម្លាប់មនុស្ស ២៦នាក់ ដោយប្រើកាំបិតនៅក្នុងការវាយប្រហាររយៈពេលមួយយប់នៅក្នុងតំបន់ អូអ៊ីឆា (Oicha) ភាគខាងកើតនៃសាធារណរដ្ឋប្រជាធិបតេយ្យកុងហ្គោ។ពួកគេបានសន្មតថា ការសម្លាប់នេះ គឺមកពីកងកម្លាំងសម្ព័ន្ធមិត្តប្រជាធិបតេយ្យ (ADF) ដែលជាក្រុមមានដើមកំណើតមកពីប្រទេសអ៊ូហ្គង់ដា ដោយឥឡូវនេះមានមូលដ្ឋាននៅភាគខាងកើតប្រទេសកុងហ្គោ ដែលបានសន្យាភក្ដីភាពចំពោះក្រុមសកម្មប្រយុទ្ធរដ្ឋអ៊ីស្លាម និងបានបង្កើនការវាយប្រហារជាញឹកញាប់។អ្នកនាំពាក្យកងទ័ពក្នុងតំបន់ លោក Antony Mwalushayi បាននិយាយថា ការវាយប្រហារលើជនស៊ីវិលនៅតំបន់ Oicha នេះ ត្រូវបានគេជឿថាជាការសងសឹកចំពោះការវាយប្រហាររបស់កងទ័ពនាពេលថ្មីៗនេះប្រឆាំងនឹងកងកម្លាំង ADF។ លោកបានប្រាប់អ្នកយកព័ត៌មានថា អ្នកវាយប្រហារបានធ្វើការកាប់សម្លាប់ដោយប្រើកាំបិតជំនួសឱ្យកាំភ្លើង ដើម្បីកុំឱ្យមានការភ្ញាក់ផ្អើលដល់កងទ័ពដែលនៅក្បែរនោះ។ការវាយប្រហារនេះ កើតឡើងនៅវេលាម៉ោង១១យប់ (ម៉ោងក្នុងស្រុក) កាលពីថ្ងៃចន្ទ នេះបើតាមលោក Nicolas Kikuku អភិបាលតំបន់ Oicha ដែលស្ថិតនៅក្នុងខេត្ត ណស ខីវ (North Kivu)។ លោកបានប្រាប់សារព័ត៌មានរ៉យទ័រ ថា មនុស្ស៤នាក់បានរងរបួស ហើយត្រូវបានបញ្ជូនទៅមន្ទីរពេទ្យ បន្ថែមពីលើអ្នកស្លាប់ទាំង ២៦នាក់នោះផងដែរ៕

នាយករដ្ឋមន្ត្រីលីបង់ ចុះទៅសួរសុខទាហាននៅព្រំដែនជាមួយអ៊ីស្រាអែល ខណៈដែលអារ៉ាប៊ីសាអ៊ូឌីត ជម្លៀសគ្រួសារអ្នកការទូត

នាយករដ្ឋមន្ត្រីចាំផ្ទះរបស់ប្រទេសលីបង់ កាលពីថ្ងៃអង្គារ បានទៅសួរសុខទុក្ខកងទ័ព ដែលដាក់ពង្រាយនៅជិតព្រំដែនជាមួយអ៊ីស្រាអែល និងកងរក្សាសន្តិភាពរបស់អង្គការសហប្រជាជាតិ ខណៈដែលអារ៉ាប៊ីសាអ៊ូឌីត បានជម្លៀសក្រុមគ្រួសារបុគ្គលិកការទូត ដោយសារតែការប៉ះទង្គិចគ្នាជាបន្តបន្ទាប់រវាងក្រុមសកម្មប្រយុទ្ធហេសបូឡា និងកងទ័ពអ៊ីស្រាអែល។ការសម្រេចរបស់អារ៉ាប៊ីសាអ៊ូឌីត កើតឡើង ចំពេលមានភាពតានតឹងកើនឡើងនៅតាមព្រំដែនលីបង់-អ៊ីស្រាអែល ជាកន្លែងដែលសមាជិកក្រុមហេសបូឡា បាននិងកំពុងមានការបាញ់ប្រហារជាមួយទាហានអ៊ីស្រាអែលជារៀងរាល់ថ្ងៃ អស់រយៈពេលពីរសប្តាហ៍ហើយ។ពុំមានការប្រកាសជាផ្លូវការពីអាជ្ញាធរអារ៉ាប៊ីសាអ៊ូឌីតទេ ប៉ុន្តែការសម្រេចនេះ បានកើតឡើងប៉ុន្មានថ្ងៃបន្ទាប់ពីអារ៉ាប៊ីសាអ៊ូឌីត បានជំរុញពលរដ្ឋរបស់ខ្លួនឲ្យចាកចេញពីប្រទេសលីបង់ជាបន្ទាន់។ ក្រុមមន្ត្រីដែលនិយាយក្នុងលក្ខខណ្ឌមិនបញ្ចេញឈ្មោះស្របតាមបទប្បញ្ញត្តិ បាននិយាយថា ឯកអគ្គរដ្ឋទូតអារ៉ាប៊ីសាអ៊ូឌីតប្រចាំនៅលីបង់ លោក Waleed Bukhari អនុព័ន្ធយោធា និងបុគ្គលិកផ្សេងទៀត មិននៅជាមួយមនុស្ស ៦៥នាក់ ដែលចាកចេញពីលីបង់ កាលពីរសៀលថ្ងៃអង្គារទេ។ដំណើរទស្សនកិច្ចរបស់នាយករដ្ឋមន្ត្រីលីបង់ លោក Najib Mikati ទៅកាន់ខេត្តភាគខាងត្បូងដ៏តានតឹង គឺជាលើកទីមួយរបស់ខ្លួន ចាប់តាំងពីការប៉ះទង្គិចគ្នា បានកើតឡើងនៅតាមព្រំដែន បន្ទាប់ពីការវាយប្រហារគួរឲ្យភ្ញាក់ផ្អើលមួយពីក្រុមប៉ាឡេស្ទីនហម៉ាស ទៅលើអ៊ីស្រាអែល កាលពីថ្ងៃទី៧ ខែតុលា។ វាក៏បានកើតឡើងពីរថ្ងៃបន្ទាប់ពីនាយករដ្ឋមន្ត្រីអ៊ីស្រាអែល លោក បេនចាមីន ណេតានីយ៉ាហ៊ូ ( Benjamin Netanyahu) បានសួរសុខទុក្ខទាហាននៅតាមព្រំដែន កាលពីថ្ងៃអាទិត្យ។

បណ្ដាញសង្គម

ព័ត៌មានថ្មីៗ

រដ្ឋមន្ត្រីក្រសួងវប្បធម៌ធ្វើបទបង្ហាញជូនឧត្តមក្រុមប្រឹក្សាពិគ្រោះ និងផ្តល់យោបល់

សមាគមអតីតយុទ្ធជន ប្រគល់ផ្ទះ ៤ខ្នងជាអំណោយរបស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ជូនសមាជិកមានជីវភាពខ្វះខាត ក្នុងខេត្តបាត់ដំបង

ក្រុមការងារសកម្មភាពជនពិការប្រចាំក្រសួងវប្បធម៌ធ្វើសិក្ខាសាលាផ្សព្វផ្សាយ “អនុសញ្ញាស្តីពីសិទ្ធិជនពិការ” ជូនក្រុមការងារសកម្មភាពជនពិការប្រចាំក្រសួង

លោក ណម វិស្សុត ប្រធាននាយកប្រតិបត្តិនៃ អ៊ែរអេស៊ា ខេមបូឌា ត្រូវបានអញ្ជើញឱ្យចូលរួមជាវាគ្មិននៅក្នុងកម្មវិធីវេទិកាសេដ្ឋកិច្ចពិភពលោក ប្រចាំឆ្នាំ២០២៦

កម្ពុជា-ឥណ្ឌា បង្កើនកិច្ចសហប្រតិបត្តិការយោធា! ឥណ្ឌាត្រៀមជួយពង្រឹងសមត្ថភាពកងទ័ពកម្ពុជា និងគាំទ្របច្ចេកវិទ្យាការពារជាតិ

សមត្ថកិច្ចរាជធានីភ្នំពេញកសាងសំណុំរឿងបញ្ចូនបុគ្គល K01 ទៅតុលាការពាក់ព័ន្ធករណីហិង្សាលើយុវជនម្នាក់ហើយថតបង្ហោះចែកចាយលើបណ្តាញសង្គម

រដ្ឋមន្ត្រីក្រសួងការពារជាតិ៖ អ៊ីស្រាអែលអាចនឹងមានសង្គ្រាមជាមួយអ៊ីរ៉ង់យ៉ាងឆាប់បំផុត នៅថ្ងៃស្អែក

UN៖ វិបត្តិស៊ូដង់កាន់តែធ្ងន់ធ្ងរ ខណៈជំងឺអាសន្នរោគរីករាលដាល និងការប៉ះទង្គិចគ្នានៅតែបន្ត

សូមអបអរសាទរ!ប្រទេសកម្ពុជា ក៏ទទួលបានចំណាត់ថ្នាក់លេខ១ បន្ថែមទៀត ជាប្រទេសមាននិរន្តរភាពដី និងធនធានល្អបំផុតប្រចាំឆ្នាំ២០២៦ នៅលើពិភពលោក

នគរបាលបាញ់ឧស្ម័នបង្ហៀរទឹកភ្នែក ខណៈក្រុមបាតុករសេណេហ្គាល់ប្រឆាំងកំណែទម្រង់រដ្ឋធម្មនុញ្ញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877