BTV NEWS

ចាប់ខ្លួនជនសង្ស័យ៥នាក់ពាក់ពន្ធ័ករណីចាប់ ឃុំឃាំង និងបង្ខាំងមនុស្សដោយខុសច្បាប់

សមត្ថកិច្ចខេត្តមណ្ឌលគិរី និងខេត្តសៀមរាប ឃាត់ខ្លួនជនបរទេសចំនួន១៦២នាក់ ក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យា

ជនបរទេស១៣នាក់ត្រូវបានឃាត់ខ្លួនក្នុងប្រតិបត្តិការបង្រ្កាបបទល្មើសតាមប្រព័ន្ធបច្ចេកវិទ្យានៅសៀមរាប

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

សន្តិសុខ និង សង្គម

ប្រធានសិទ្ធិមនុស្សអង្គការសហប្រជាជាតិ ព្រមានវិបត្តិមនុស្សធម៌នៅកុងហ្គោខាងកើត

ប្រធានសិទ្ធិមនុស្សរបស់អង្គការសហប្រជាជាតិ កាលពីថ្ងៃពុធបានអំពាវនាវឱ្យមានការយកចិត្តទុកដាក់ពីអន្តរជាតិ ចំពោះសង្គ្រាមដែលនៅតែបន្តនៅក្នុងខេត្ត North Kivu នៅភាគខាងកើតសាធារណរដ្ឋប្រជាធិបតេយ្យកុងហ្គោ (DRC) ។ស្នងការជាន់ខ្ពស់អង្គការសហប្រជាជាតិទទួលបន្ទុកសិទ្ធិមនុស្ស លោក Volker Turk បានចុះពិនិត្យជំរំជនភៀសខ្លួនមួយកន្លែងនៅជាយក្រុង Goma នៃខេត្ត North Kivu ជាកន្លែងដែល លោក បានជួបជាមួយជនរងគ្រោះភៀសខ្លួនចេញដោយការវាយប្រហារ ធ្វើឡើងដោយក្រុមឧទ្ទាមចលនា M23 ។លោកនិយាយថា យើងត្រូវតែប្រឹងប្រែងបន្តការងារ ដើម្បីទទួលបានសន្តិភាព ដោយលោកបានបញ្ជាក់លើតម្រូវការដើម្បីធ្វើការលើមូលហេតុនៃជម្លោះ។ លោក Turk កំពុងបំពេញទស្សនកិច្ចជាផ្លូវការនៅ សាធារណៈរដ្ឋកុងហ្គោ តាមការអញ្ជើញរបស់រដ្ឋាភិបាលកុងហ្គោ។ លោកមានផែនការជួបជាមួយប្រធានាធិបតី លោក ហ្វីលីក ស្ស៊ីសេកេឌី(Felix Tshisekedi) និងមន្ត្រីជាន់ខ្ពស់នៅក្នុងរដ្ឋធានី គីនសាសា(Kinshasa) ។ ចាប់តាំងពីខែមករាមក ក្រុមឧទ្ទាម M23 បានបង្កើនការវាយប្រហារទៅលើទីតាំងផ្ទាល់របស់យោធាកុងហ្គោ និងសម្ព័ន្ធមិត្តរបស់ពួកគេ បណ្តាលឱ្យមានការពង្រីកតំបន់ដ៏មានឥទ្ធិពលរបស់ក្រុមនេះ តាមរយៈការដណ្តើមយកទីក្រុង និងភូមិសំខាន់ៗនៅក្នុងខេត្ត North Kivu ។ការរីកជម្លោះកាន់តែធំនេះ បាននាំឱ្យមានការពង្រីកបុគ្គលិកប្រដាប់អាវុធ ដោយនាំយកទីតាំងយោធារបស់សាធារណៈរដ្ឋកុងហ្គោ ឲ្យខិតទៅកាន់តែជិតជំរំជនភៀសខ្លួននៅជិតទីក្រុង Goma ធ្វើឱ្យសកម្មភាពឧក្រិដ្ឋកម្មកាន់តែខ្លាំងឡើង និងបណ្តាលឲ្យប្រជាជនងាយរងគ្រោះភៀសខ្លួនកាន់តែច្រើនថែមទៀត ។ដែនដី រុតស៊ូរូ (Rutshuru) និងម៉ាស៊ីស៊ី( Masisi) បច្ចុប្បន្នកំពុងទទួលរងនូវផលវិបាកធ្ងន់ធ្ងរបំផុតក្នុងជម្លោះនេះ។

អ៊ុយក្រែននិយាយថា រុស្ស៊ីកំពុងបង្កើនការប្រើប្រាស់ឧស្ម័នបង្ហៀរទឹកភ្នែកដោយខុសច្បាប់

យោធាអ៊ុយក្រែន កំពុងធ្វើសមយុទ្ធអាវុធគីមី ខណៈក្រុមនេះនិយាយថា រុស្ស៊ីកំពុងបង្កើនការប្រើប្រាស់ដោយខុសច្បាប់នៃភ្នាក់ងារបង្ក្រាបកុបកម្មនៅសមរភូមិមុខ ដើម្បីបោសសម្អាតលេណដ្ឋាន។ ទាហានថ្មើរជើងម្នាក់ និយាយថា យានដ្រូនមួយគ្រឿង បានទម្លាក់គ្រាប់បែកឧស្ម័នបង្ហៀរទឹកភ្នែកមកលើលេណដ្ឋានរបស់លោកនៅសមរភូមិភាគខាងកើត ប៉ុន្តែលោកមិនបានរងគ្រោះខ្លាំងពីគ្រាប់បែកនោះទេ ព្រោះលោកបានពាក់របាំងការពារឧស្ម័នយ៉ាងឆាប់រហ័ស។វាមិនគ្រោះថ្នាក់ទេ ប៉ុន្តែវារំខាននិងធ្វើឲ្យយើងដួល។ វាធ្វើឱ្យមានការលំបាកក្នុងការអនុវត្តភារកិច្ចរបស់យើងនៅពេលដែលយើងបានស្រូបឧស្ម័នបង្ហៀរទេកភ្នែក។ រយៈពេលជាងពីរឆ្នាំ ចាប់តាំងពីការវាយលុកពេញលេញរបស់ខ្លួន កងកម្លាំងរុស្ស៊ី កំពុងរុលចូលទៅមុខបន្តិចម្តងៗ។ ទីក្រុងគីវ បានកត់ត្រាការប្រើប្រាស់ភ្នាក់ងារបង្ក្រាបកុបកម្មប្រហែល៩០០នាក់ដោយប្រទេសរុស្ស៊ីក្នុង រយៈពេលប្រាំមួយខែកន្លងទៅនេះ ចំនួននេះកើនឡើងជារៀងរាល់ខែ នេះបើយោងតាមលោក សឺហ៊ី ប៉ាកខុំម៉ូវ(Serhii Pakhomov) ប្រធានស្តីទីនៃកងកម្លាំងការពារអាវុធបរមាណូ ជីវសាស្ត្រ និងអាវុធគីមីរបស់អ៊ុយក្រែន។លោកនិយាយថា ទាហាន ៥០០នាក់ ត្រូវការ ការថែទាំសុខភាពបន្ទាប់ពីរងផលប៉ះពាល់ ហើយយ៉ាងហោចណាស់មនុស្សម្នាក់បានស្លាប់ បន្ទាប់ពីថប់ដង្ហើមដោយសារតែឧស្ម័នបង្ហៀរទឹកភ្នែក។ អនុសញ្ញាអាវុធគីមីអន្តរជាតិ បានហាមប្រាមការប្រើប្រាស់ភ្នាក់ងារដូចជាឧស្ម័នបង្ហៀរទឹកភ្នែក នៅលើសមរភូមិ។ ទាំងរុស្ស៊ី និងអ៊ុយក្រែនគឺជាប្រទេសហត្ថលេខីនៃអនុសញ្ញានេះ។លោក Lennie Phillips គឺជាអ្នកស្រាវជ្រាវជាន់ខ្ពស់ផ្នែកអាវុធគីមីនៅវិទ្យាស្ថាន Royal United Services ក្នុងប្រទេសអង់គ្លេស និយាយថា ការប្រើប្រាស់ភ្នាក់ងារនេះត្រូវបានផ្សព្វផ្សាយនៅលើទូរទស្សន៍រុស្ស៊ី។

ប្រធានទីភ្នាក់ងារ UNRWA ព្រមានពីគ្រោះទុរ្ភិក្សបង្កើតឡើងដោយមនុស្សនៅហ្កាហ្សា

ប្រធានទីភ្នាក់ងារជនភៀសខ្លួនប៉ាឡេស្ទីន UNRWA របស់អង្គការសហប្រជាជាតិ បានព្រមានកាលពីថ្ងៃពុធ ខណៈលោកបានចោទប្រកាន់អ៊ីស្រាអែលថា បានរារាំងការដឹកជញ្ជូនជំនួយ និងព្យាយាម បញ្ចប់សកម្មភាពរបស់ទីភ្នាក់ងារ UNRWA នៅក្នុងតំបន់នោះ ថាគ្រោះទុរ្ភិក្សបង្កើតឡើងដោយមនុស្សកំពុងរួមរឹតយ៉ាងខ្លាំងនៅទូទាំងតំបន់ហ្កាហ្សា។ អគ្គស្នងការទីភ្នាក់ងារ UNRWA លោក ហ្វីលីព ឡាហ្សារីនី(Philippe Lazzarini) បាននិយាយទៅកាន់ក្រុមប្រឹក្សាសន្តិសុខអង្គការសហប្រជាជាតិដែលមានសមាជិក ១៥រូបថា ថ្ងៃនេះ យុទ្ធនាការប្រកបដោយហានិភ័យ ដើម្បីបញ្ចប់ប្រតិបត្តិការរបស់ទីភ្នាក់ងារ UNRWA កំពុងដំណើរការ ដោយមានផលប៉ះពាល់ធ្ងន់ធ្ងរដល់សន្តិភាព និងសន្តិសុខអន្តរជាតិ។ ទីភ្នាក់ងារជំនួយ និងការងាររបស់អង្គការសហប្រជាជាតិ (UNRWA) ផ្តល់ការសិក្សាអប់រំ សុខភាព និងជំនួយ ដល់ប្រជាជនប៉ាឡេស្ទីនរាប់លាននាក់នៅតំបន់ហ្កាហ្សា តំបន់West Bank ប្រទេសហ្ស៊កដានី ស៊ីរី និងប្រទេសលីបង់។ ចាប់តាំងពីសង្គ្រាមបានផ្ទុះឡើងកាលពីប្រាំមួយខែមុនរវាងអ៊ីស្រាអែល និងក្រុមហាម៉ាស់ នៅតំបន់ហ្កាហ្សា ទីភ្នាក់ងារ UNRWA ត្រូវបានចាត់ទុកថាជាឆ្អឹងខ្នងនៃប្រតិបត្តិការផ្តល់ជំនួយ ដោយមន្ត្រីជាន់ខ្ពស់របស់អង្គការសហប្រជាជាតិ។ លោក Lazzarini បាននិយាយថា នៅទូទាំងតំបន់ហ្កាហ្សា គ្រោះទុរ្ភិក្សដែលបង្កើតឡើងដោយមនុស្សកំពុងរឹតរឹតខ្លាំង ហើយនៅភាគខាងជើង ទារក និងកុមារតូចៗ បានចាប់ផ្តើមស្លាប់ដោយសារតែកង្វះអាហារូបត្ថម្ភ និងខ្សោះជាតិទឹក។ នៅទូទាំងព្រំដែន អាហារ និងទឹកស្អាតកំពុងរង់ចាំ ប៉ុន្តែទីភ្នាក់ងារUNRWA ត្រូវបានបដិសេធមិនអនុញ្ញាតឱ្យដឹកជញ្ជូនជំនួយនេះ និងជួយសង្គ្រោះជីវិតបានឡើយ។អ៊ីស្រាអែល បានត្អូញត្អែរជាយូរមកហើយអំពីទីភ្នាក់ងារ UNRWA ហើយកាលពីខែមករា បានចោទប្រកាន់បុគ្គលិកទីភ្នាក់ងារចំនួន ១៣.០០០នាក់ របស់ទីភ្នាក់ងារនៅក្នុងតំបន់ហ្កាហ្សាថា បានជាប់ពាក់ព័ន្ធក្នុងការវាយប្រហារជាមួយក្រុមហាម៉ាស កាលពីថ្ងៃទី ៧ ខែតុលាលើអ៊ីស្រាអែល ដែលបានសម្លាប់មនុស្ស ១.២០០នាក់។ លោក Lazzarini និយាយថា អាក្រក់ជាងនេះទៅទៀត បរិវេណ និងបុគ្គលិករបស់ទីភ្នាក់ងារ UNRWA ត្រូវបានគេកំណត់គោលដៅចាប់តាំងពីការចាប់ផ្តើមសង្រ្គាម ហើយបុគ្គលិកទីភ្នាក់ងារ UNRWA ១៧៨ នាក់ត្រូវបានសម្លាប់។ លោក Lazzarini បានបណ្តេញបុគ្គលិកដែលត្រូវបានចោទប្រកាន់ ហើយការស៊ើបអង្កេតផ្ទៃក្នុងរបស់អង្គការសហប្រជាជាតិកំពុងដំណើរការលើការចោទប្រកាន់នេះ។

ការស្រាវជ្រាវ៖ បម្រែបម្រួលអាកាសធាតុ នឹងធ្វើឱ្យប្រជាជនក្នុងពិភពលោកកាន់តែក្រីក្រ

រលកកម្ដៅកម្រិតបំបែកកំណត់ត្រា ទឹកជំនន់ដ៏ធ្ងន់ធ្ងរ និងចំហេះព្រៃរីករាលដាល ដែលកាន់តែធ្ងន់ធ្ងរឡើងដោយបម្រែបម្រួលអាកាសធាតុ នាំមកនូវតម្លៃតបស្នងដ៏ធំសម្បើមដែលនាំឱ្យមានការថយចុះប្រហែល ១៩ ភាគរយនៃប្រាក់ចំណូលសកលក្នុងរយៈពេលត្រឹមតែ ២៦ ឆ្នាំខាងមុខ ដែលនឹងធ្វើឱ្យប្រជាជនក្នុងពិភពលោកកាន់តែក្រីក្រថែមទៀត នេះបើយោងតាមការសិក្សាថ្មីមួយដែលបានចេញផ្សាយកាលពីថ្ងៃពុធ (១៧ មេសា)។ផលប៉ះពាល់ហិរញ្ញវត្ថុនោះនឹងមិនត្រឹមតែវាយប្រហារដល់រដ្ឋាភិបាល និងសាជីវកម្មធំៗប៉ុណ្ណោះទេ ថែមទាំងផ្នែកភាគច្រើននៃពិភពលោកដែរ។ យោងតាមអង្គការសហប្រជាជាតិបនាឱ្យដឹងថា ពិភពលោកកំពុងឆ្ពោះទៅរកការកើនឡើងជិត ៣ អង្សាសេនៃកម្រិតកំណត់ការឡើងកម្ដៅផែនដីនៅសតវត្សរ៍ក្រោយនេះ បើទោះបីជាមានគោលនយោបាយ និងគោលដៅអាកាសធាតុបច្ចុប្បន្នក៏ដោយ ហើយអ្នកស្រាវជ្រាវបាននិយាយថា បុគ្គលម្នាក់ៗអាចទទួលបន្ទុកផ្នែកសេដ្ឋកិច្ចកាន់តែធ្ងន់ឡើង។ក្រុមអ្នកស្រាវជ្រាវនៅក្នុងការសិក្សាកាលពីថ្ងៃពុធ ដែលត្រូវបានបោះពុម្ពនៅក្នុងទិនានុប្បវត្តិ ធម្មជាតិ (Nature) បាននិយាយថា ការឈឺចាប់ផ្នែកហិរញ្ញវត្ថុក្នុងរយៈពេលខ្លីគឺជៀសមិនរួចឡើយ ទោះបីជារដ្ឋាភិបាលបង្កើនកិច្ចខិតខំប្រឹងប្រែងរបស់ពួកគេដើម្បីដោះស្រាយវិបត្តិនៅពេលនេះក៏ដោយ។ ពួកគេបន្ថែមថា ទោះជាយ៉ាងណាក៏ដោយ សកម្មភាពភ្លាមៗដើម្បីកាត់បន្ថយបម្រែបម្រួលអាកាសធាតុអាចរារាំងការខាតបង់មួយចំនួនក្នុងរយៈពេលវែង។ការខូចខាតផ្នែកសេដ្ឋកិច្ចពីបម្រែបម្រួលអាកាសធាតុនឹងមានលក្ខណៈខុសៗគ្នាទៅតាមជាក់ស្ដែង។ មិនត្រឹមតែព្រឹត្តិការណ៍អាកាសធាតុធ្ងន់ធ្ងរអាចបណ្តាលឱ្យមានការចំណាយថ្លៃដើមខ្ពស់ចំពោះទ្រព្យសម្បត្តិដែលត្រូវខូចខាតប៉ុណ្ណោះទេ ប៉ុន្តែសីតុណ្ហភាពកើនឡើងក៏អាចប៉ះពាល់ដល់វិស័យកសិកម្ម ផលិតភាពការងារ និងសមត្ថភាពយល់ដឹងរបស់មនុស្សផងដែរ៕

ទឹកជំនន់ឆក់យកជីវិតមនុស្សរាប់សិបនាក់ និងបង្ខំឲ្យពលរដ្ឋរាប់ពាន់នាក់ជម្លៀសចេញពីលំនៅឋាន

ប្រជាពលរដ្ឋរាប់ពាន់នាក់នៅក្នុងស្រុកគីស៊ូមូ (Kisumu) និងស្រុកគីរីនីយ៉ាកា (Kirinyaga) នៅក្នុងប្រទេសកេនយ៉ា បានជាប់ខ្លួន និងបាត់បង់ផ្ទះសម្បែង កាលពីថ្ងៃពុធទី១៧មេសាសប្ដាហ៍នេះ បន្ទាប់ពីភ្លៀងធ្លាក់ខ្លាំងបង្កជាទឹកជំនន់ជន់លិចលំនៅឋានរបស់ពួកគេ បំផ្លិចបំផ្លាញអាគារ និងដីកសិកម្មរបស់ពលរដ្ឋ។ ក្រុមទីភ្នាក់ងារផ្ដល់ជំនួយ កំពុងរាយការណ៍ថា មនុស្សយ៉ាងហោចណាស់១៣នាក់បានស្លាប់ ជិត៣.០០០គ្រួសារត្រូវបានជម្លៀសចេញពីផ្ទះសម្បែង និងសត្វគោក្របី ជាង៣៣០ក្បាល បានងាប ដោយសារទឹកជំនន់ក្នុងរយៈពេលប៉ុន្មានថ្ងៃនេះ ។ប្រជាពលរដ្ឋក្នុងស្រុកគីរីយ៉ាកា បានប្រាប់សារព័ត៌មាន Reuters ថា ស្រ្តីម្នាក់បានលង់ទឹកស្លាប់ ពេលព្យាយាមឆ្លងស្ពានដែលទឹកជន់លិច កាលពីថ្ងៃពុធ ហើយក្រោយមកគេបានរកឃើញសាកសពស្ត្រីរូបនោះនៅជិតច្រាំងទន្លេ។ យោងតាមមន្ទីរឧតុនិយមរបស់ប្រទេសនេះ គេរំពឹងថា នឹងមានភ្លៀងធ្លាក់ខ្លាំង បន្តគ្របដណ្ដប់ទូទាំងប្រទេសកេនយ៉ា ហើយបានចេញការព្រមានកាលពីសប្ដាហ៍មុន សម្រាប់ប្រជាពលរដ្ឋនៅតាមតំបន់ទំនាបនានាឲ្យជម្លៀសទៅកាន់តំបន់មានសុវត្ថិភាព។ ក្រុមប្រជាពលបានអំពាវនាវឲ្យរដ្ឋាភិបាលជួយស្រោចស្រង់ហេដ្ឋារចនាសម្ព័ន្ធ ដែលបានខូចខាតដោយសារជំនន់ទឹកភ្លៀង៕

ស្ត្រីជាង១ម៉ឺននាក់នៅហ្កាហ្សា ត្រូវបានសម្លាប់ ចាប់តាំងពីការផ្ទុះឡើងនៃជម្លោះអ៊ីស្រាអែល-ហាម៉ាស

យោងតាមរបាយការណ៍ដែលចេញផ្សាយដោយស្ថាប័នស្រ្តីរបស់អង្គការសហប្រជាជាតិ (UN) កាលពីថ្ងៃអង្គារ (១៦ មេសា) បានឱ្យដឹងថា ស្ត្រីជាង ១០.០០០ នាក់ត្រូវបានសម្លាប់នៅក្នុងតំបន់ ហ្កាហ្សាស្រ្ទីប ចាប់តាំងពីជម្លោះអ៊ីស្រាអែល និងក្រុមហាម៉ាស បានផ្ទុះឡើងកាលពីថ្ងៃទី០៧ ខែតុលា ឆ្នាំមុនមក។ទីភ្នាក់ងារអង្គការសហប្រជាជាតិ ដែលបេ្ដជ្ញាចិត្តលើកកម្ពស់សមភាពយេនឌ័រ និងការផ្តល់សិទ្ធិអំណាចដល់ស្ត្រីមួយនេះបាននិយាយថា ក្នុងចំណោមអ្នកដែលបានបាត់បង់ជីវិត មានស្រ្តីជាម្តាយប្រមាណ ៦.០០០ នាក់ ហើយការស្លាប់របស់ពួកគេបានបន្សល់ទុកកុមារប្រហែល ១៩.០០០ នាក់ឱ្យរស់នៅកំព្រា នេះបើយោងតាមទិន្នន័យនៅក្នុងការជូនដំណឹងអំពីយេនឌ័រចុងក្រោយបង្អស់របស់ខ្លួនរៀបរាប់លម្អិតអំពីវិបត្តិដែលកំពុងបន្តនៅហ្កាហ្សា។របាយការណ៍បានព្រមានថា ស្ត្រីដែលបានរួចផុតពីរបាំងនៃការវាយប្រហារតាមអាកាស និងប្រតិបត្តិការជើងគោករបស់អ៊ីស្រាអែល ឥឡូវនេះប្រឈមមុខនឹងការផ្លាស់ទីលំនៅ ភាពជាស្ត្រីមេម៉ាយ ភាពអត់ឃ្លាន និងការលំបាកផ្សេងៗទៀត។អង្គការក៏បានសម្តែងការព្រួយបារម្ភយ៉ាងខ្លាំង ដែលថាស្ត្រី និងក្មេងស្រីប៉ាឡេស្ទីនជាងមួយលាននាក់នៅក្នុងតំបន់ហ្កាហ្សាស្ទ្រីប កំពុងប្រឈមនឹង »ភាពអត់ឃ្លានដ៏មហន្តរាយ» ខណៈលទ្ធភាពទទួលបានអាហារ ទឹកស្អាតសម្រាប់ផឹក និងបង្គន់ប្រើប្រាស់ គឺស្ទើរតែមិនអាចទៅរួច៕

អ៊ីស្រាអែល៖ រថយន្តដឹកជំនួយស្បៀងចូលតំបន់ហ្កាហ្សា ពីកំពង់ផែ Ashdod ជាលើកដំបូង

យោធាអ៊ីស្រាអែល បាននិយាយកាលពីថ្ងៃពុធ (១៧ មេសា) ថារថយន្តដឹកជំនួយស្បៀងអាហារបានចូលតំបន់ហ៊ុមព័ទ្ធ ហ្កាហ្សាស្ទ្រីប ពីកំពង់ផែ អាស្ហ៍ដុត (Ashdod) ជាលើកដំបូងចាប់តាំងពីរដ្ឋាភិបាលបានអនុម័តការបើកកំពង់ផែដើម្បីជួយដល់ការដឹកជញ្ជូនទំនិញ។កងទ័ពរបស់អ៊ីស្រាអែល បានចេញផ្សាយវីដេអូដែលខ្លួនបាននិយាយថា បានបង្ហាញរថយន្តដឹកទំនិញកំពុងផ្ទុកជំនួយស្បៀងអាហារទៅកាន់ព្រំដែនហ្កាហ្សា ពីកំពង់ផែ អាស្ហ៍ដុត ដែលស្ថិតនៅលើឆ្នេរសមុទ្រមេឌីទែរ៉ាណេ រវាងតំបន់ហ៊ុមព័ទ្ធប៉ាឡេស្ទីនមួយនេះ និងទីក្រុង តែលអាវីវ (Tel Aviv) របស់អ៊ីស្រាអែល។សេចក្តីថ្លែងការណ៍បាននិយាយថា «រថយន្តដឹកទំនិញរបស់កម្មវិធីស្បៀងអាហារពិភពលោក (WFP) ចំនួនប្រាំបីគ្រឿងបានចូលតំបន់ហ្កាហ្សាស្រ្ទីប ពីផែ អាស្ហ៍ដុត» ដោយបន្ថែមថារថយន្តដឹកទំនិញទាំងនោះបានឆ្លងកាត់ការត្រួតពិនិត្យសន្តិសុខនៅកំពង់ផែ ហើយបន្ទាប់មកត្រូវបានអនុញ្ញាតឱ្យចូលទៅក្នុងហ្កាហ្សា តាមរយៈការឆ្លងកាត់ កេរឹម សាលូម (Kerem Shalom) ដែលគ្រប់គ្រងដោយអ៊ីស្រាអែល។កាលពីថ្ងៃអង្គារ ទីភ្នាក់ងារអង្គការសហប្រជាជាតិទទួលបន្ទុកជនភៀសខ្លួនប៉ាឡេស្ទីន UNRWA បាននិយាយថា «មិនមានការផ្លាស់ប្តូរគួរឱ្យកត់សម្គាល់ទេ» នៃចំនួនជំនួយមនុស្សធម៌ដែលចូលទៅក្នុងហ្កាហ្សា សូម្បីតែបន្ទាប់ពីតុលាការយុត្តិធម៌អន្តរជាតិបានបញ្ជាឱ្យអ៊ីស្រាអែលអនុញ្ញាតជំនួយបន្ថែមទៀតក៏ដោយ៕

អ៊ុយក្រែន៖ មនុស្ស១៧នាក់ស្លាប់ ក្នុងការវាយប្រហារដោយមីស៊ីលរបស់រុស្ស៊ី លើទីក្រុងឈើនីហ៊ីវ

យោងតាមក្រុមមន្ត្រីអ៊ុយក្រែន មនុស្សយ៉ាងហោចណាស់១៧នាក់បានស្លាប់ ក្នុងការវាយប្រហារដោយមីស៊ីលរបស់ប្រទេសរុស្ស៊ីលើទីក្រុងឈើនីហ៊ីវ(Chernihiv)ភាគខាងជើងរបស់អ៊ុយក្រែន ដែលជំរុញឲ្យមានការអំពាវនាវសុំប្រព័ន្ធការពារដែនអាកាសពីក្រុមប្រទេសសម្ព័ន្ធមិត្តជាថ្មី។ រដ្ឋមន្ត្រីក្រសួងមហាផ្ទៃលោក អ៊ីហ័រ គ្លីមិនតូ(Ihor Klymenko) កាលពថ្ងៃពុធសប្ដាហ៍នេះ បាននិយាយថា ការវាយប្រហារដែលបានបំផ្លិចបំផ្លាញអគារ រថយន្ត និងហេដ្ឋារចនាសម្ព័ន្ធទីក្រុង ក៏បានបណ្ដាលឲ្យមនុស្សរាប់សិបនាក់ផ្សេងទៀតរងរបួសផងដែរ ខណៈប្រតិបតិត្តការសង្រ្គោះនៅតែបន្ត។ក្រុមមន្ត្រីអ៊ុយក្រែនបាននិយាយថា អភិបាលក្រុងស្ដីទី លោក អូឡេកសានើ ឡូម៉ាកូ (Oleksandr Lomako) បាននិយាយថា មីស៊ីលនេះបានបំផ្លិចបំផ្លាញមួយផ្នែករបស់ផ្សារដ៏មមាញឹកមួយនេះ បន្ទាប់ពីម៉ោង៩ព្រឹក។ មនុស្សម្នាបានរត់ចេញពីរថយន្តក្រុងមួយរកកន្លែងមានសុវត្ថិភាព ហើយក្រុមអ្នកសង្គ្រោះបន្ទាន់ និងក្រុមគ្រូពេទ្យ បានប្រញាប់ប្រញាល់ទៅកាន់កន្លែងកើតហេតុ ។ ពុំមានការឆ្លើយតបភ្លាមៗទេពីប្រទេសរុស្ស៊ី ដែលតែងតែច្រានចោលថាខ្លួនមិនដែលដាក់គោលដៅលើជនស៊ីវិលទេ ចាប់តាំងពីបានវាយលុកចូលអ៊ុយក្រែនកាលពីថ្ងៃទី២៤កុម្ភៈឆ្នាំ២០២២មក។ ទីក្រុងឈើនីហ៊ីវ លាតសន្ធឹងប្រហែល១៥០គីឡូម៉ែត្រភាគខាងជើងរដ្ឋធានីគីវ ជិតព្រំដែនរុស្ស៊ី និងបេឡារុស និងមានចំនួនប្រជាជនសរុបប្រមាណ២៥០.០០០នាក់។ ក្រុមអ្នកសង្រ្គោះបាននិយាយថា មនុស្ស៦នាក់រួមទាំងកុមារ៣នាក់ បានរងរបួសក្នុងការវាយប្រហារនេះ៕

មេដឹកនាំសហភាពអឺរ៉ុប គាំទ្រទណ្ឌកម្មថ្មីលើអ៊ីរ៉ង់ បន្ទាប់ពីការវាយប្រហារលើអ៊ីស្រាអែល

មេដឹកនាំសហភាពអឺរ៉ុប បានសម្រេ កាលពីថ្ងៃពុធ ដើម្បីបង្កើនការដាក់ទណ្ឌកម្មលើប្រទេសអ៊ីរ៉ង់ បន្ទាប់ពីការវាយប្រហារដោយមីស៊ីល និងយានដ្រូនរបស់ទីក្រុងតេអេរ៉ង់លើប្រទេសប្រទេសអ៊ីស្រាអែល ដែលបានធ្វើឱ្យប្រទេសមហាអំណាចពិភពលោក ចូលជ្រៀតជ្រែកដើម្បីការពារជម្លោះដែលកាន់តែរីកធំនៅមជ្ឈិមបូព៌ា។កិច្ចប្រជុំកំពូលនៅទីក្រុងប្រ៊ុចសែល គឺជាកិច្ចប្រជុំលើកដំបូងរបស់មេដឹកនាំទាំង២៧ប្រទេស របស់សហភាពអឺរ៉ុប ចាប់តាំងពីការវាយប្រហារកាលពីថ្ងៃសៅរ៍ ទី១៣ ខែមេសា ដែលមានរយៈពេលជាងប្រាំមួយខែក្នុងសង្រ្គាមរវាងអ៊ីស្រាអែល និងក្រុមសកម្មប្រយុទ្ធហាម៉ាសប៉ាឡេស្ទីន ដែលគាំទ្រដោយអ៊ីរ៉ង់។ប្រធានក្រុមប្រឹក្សាអឺរ៉ុប លោក Charles Michel បាននិយាយថា សហភាពអឺរ៉ុបចង់ឲ្យប្រទេសអ៊ីរ៉ង់ស្ថិតនៅឯកោ និងចូលរួមជាមួយប្រទេសដទៃទៀតនៅក្នុងតំបន់ដើម្បីឈានឆ្ពោះទៅរកដំណើរការសន្តិភាពនៅក្នុងជម្លោះនេះ។ប្រទេសអ៊ីស្រាអែល បានផ្តល់សញ្ញាថា ខ្លួននឹងសងសឹក ប៉ុន្តែពុំបាននិយាយថាធ្វើឡើងតាមរបៀបណានោះទេ។មេដឹកនាំសហភាពអឺរ៉ុប បានថ្កោលទោសការវាយប្រហាររបស់ប្រទេសអ៊ីរ៉ង់ ដោយបានបញ្ជាក់ជាថ្មីពីការប្តេជ្ញាចិត្តរបស់ពួកគេចំពោះសន្តិសុខរបស់អ៊ីស្រាអែល និងបានអំពាវនាវឱ្យភាគីទាំងអស់ទប់ស្កាត់ភាពតានតឹងបន្ថែមទៀត រួមទាំងនៅក្នុងប្រទេសលីបង់ផងដែរ។

អ្នកតវ៉ា ចេញធ្វើបាតុកម្ម ខណៈសភាហ្សកហ្ស៊ី អនុម័តសេចក្តីស្នើច្បាប់«ភ្នាក់ងារបរទេស»

មនុស្សរាប់ពាន់នាក់នៅប្រទេសហ្សកហ្ស៊ី បានចេញធ្វើបាតុកម្មនៅទីក្រុង Tbilisi កាលពីល្ងាចថ្ងៃពុធ ទី១៧ ខែមេសា ដើម្បីតវ៉ាប្រឆាំងទៅនឹងសេចក្តីស្នើច្បាប់ស្តីពី «ភ្នាក់ងារបរទេស» ដែលអ្នករិះគន់ មើលឃើញថាជាការបំផុសគំនិតដោយរុស្ស៊ី និងប្រើអំណាចផ្តាច់ការ។ក្រុមបាតុករជាង ៥.០០០នាក់ បានមកប្រមូលផ្តុំគ្នានៅខាងក្រៅអគារសភាសាងសង់ដោយសូវៀតនៅប្រទេសហ្សកហ្ស៊ី ខណៈត្រូវបានការពារយ៉ាងតឹងរ៉ឹងដោយនគរបាល ដែលពួកគេកំពុងទាមទារឱ្យរដ្ឋាភិបាលដកច្បាប់ដែលតម្រូវឱ្យអង្គការនានាទទួលយកមូលនិធិពីបរទេសត្រូវចុះឈ្មោះជាភ្នាក់ងារបរទេស បើមិនដូច្នេះទេត្រូវប្រឈមការផាកពិន័យ។ក្រសួងមហាផ្ទៃប្រទេសហ្សកហ្ស៊ី បាននិយាយនៅក្នុងសេចក្តីថ្លែងការណ៍ថា អ្នកតវ៉ា ១៤នាក់ ត្រូវបានចាប់ខ្លួនពីបទបំពានសណ្តាប់ធ្នាប់សាធារណៈ ហើយមន្ត្រីនគរបាលម្នាក់បានរងរបួស។ អ្នករិះគន់នៅប្រទេសហ្សកហ្ស៊ី បានលើកស្លាកសេចក្តីស្នើច្បាប់នេះថា «ច្បាប់របស់រុស្ស៊ី» ដោយប្រៀបធៀបសេចក្តីស្នើច្បាប់នេះទៅនឹងច្បាប់ដែលប្រើប្រាស់ដោយវិមានក្រឹមឡាំង ដើម្បីបង្ក្រាបការជំទាស់។គណបក្ស ក្តីសុបិន្តហ្សកហ្ស៊ី(Georgian Dream) ជាគណបក្សកាន់អំណាច បានប្រឈមមុខទៅនឹងការចោទប្រកាន់ពីបទប្រើប្រាស់អំណាចផ្តាច់ការ និងមានភាពស្និទ្ធស្នាលខ្លាំងពេកជាមួយរុស្ស៊ី។

បណ្ដាញសង្គម

ព័ត៌មានថ្មីៗ

សហរដ្ឋអាមេរិក បញ្ឈប់ការផ្តល់មូលនិធិ៥០០លានដុល្លារសម្រាប់គម្រោងវ៉ាក់សាំង mRNA

របាយការណ៍៖ កូរ៉េខាងជើងទទួលបានជំនួយពីរុស្ស៊ី ក្នុងការធ្វើទំនើបកម្មនាវាផ្ទុកអាវុធនុយក្លេអ៊ែរ

ប្រធានាធិបតីអ៊ីស្រាអែល៖ ជំនួយមនុស្សធម៌ប្រហែល ២៣.000តោន ទៅដល់ហ្កាហ្សា ក្នុងរយៈពេល១០ថ្ងៃកន្លងមក

ស្ត្រីអាហ្វហ្គានីស្ថានងាកទៅរៀនតាមអ៊ីនធឺណិត ខណៈដែលក្រុមតាលីបង់ ហាមប្រាមការអប់រំ

មន្ត្រី៖ អ៊ីរ៉ង់នឹងក្លាយជាស្ពានដឹកជញ្ជូនរវាងអាស៊ី អឺរ៉ុប និងអាហ្វ្រិក

ទីភ្នាក់ងារព័ត៌មាន៖ ជប៉ុនមានសារធាតុភ្លុយតូនីញ៉ូមគ្រប់គ្រាន់ ដើម្បីផលិតក្បាលគ្រាប់នុយក្លេអ៊ែររាប់ពាន់គ្រាប់

ក្រុមការងាររាជរដ្ឋាភិបាលចុះមូលដ្ឋានស្រុកអូរជ្រៅ ចុះសួរសុខទុក្ខពលរដ្ឋភៀសសឹក និងក្រុមគ្រួសារវីរយុទ្ធជន

សមាជិកព្រឹទ្ធសភា និងថ្នាក់ដឹកនាំមូលដ្ឋានស្រុកព្រះនេត្រព្រះ នាំយកអំណោយសម្តេចធិបតី និងលោកជំទាវដល់ជូនពលរដ្ឋភៀសសឹក

ប៉ាឡេស្ទីនថ្កោលទោសការលើកឡើងរបស់ប្រធានសភាអាមេរិកអំពីអធិបតេយ្យភាពរបស់អ៊ីស្រាអែលនៅ West Bank

នាយករដ្ឋមន្ត្រីថៃ ការពារក្ដី ហើយនឹងមិនលាលែងពីតំណែង មុនការវិនិច្ឆ័យរបស់តុលាការធម្មនុញ្ញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877