នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥
សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ​ និង ការអភិវឌ្ឍន៍

ប្រធានគណៈកម្មការសម្ព័ន្ធយោធាណាតូ អំពាវនាវឲ្យសម្ព័ន្ធមិត្តផ្ដល់ការគាំទ្រដ៏រឹងមាំលើអ៊ុយក្រែន

2024/03/22 09:51:59 am        128
Facebook Telegram Linkin
លោក រ៉ុប បាវើ(Rob Bauer)ប្រធានគណៈកម្មការសម្ព័ន្ធយោធាណាតូ បាននិយាយអំឡុងធ្វើទស្សនកិច្ចទៅកាន់ទីក្រុងគីវ (Kyiv) កាលពីថ្ងៃព្រហស្បតិ៍ ថា ក្រុមសម្ព័ន្ធមិត្តរបស់អ៊ុយក្រែន មិនគួរមានទុទិដ្ឋិនិយមជ្រុលហួសហេតុអំពីសមត្ថភាពរបស់ខ្លួនដើម្បីបណ្ដេញកងទ័ពរុស្ស៊ីចេញពីអ៊ុយក្រែន ទេ និងអំពាវនាវឲ្យបញ្ជូនជំនួយសំខាន់ៗដល់ប្រទេសនេះឲ្យបានឆាប់។ លោកបាវើ បានដឹកនាំដំណើរទស្សនកិច្ចផ្លូវការនៃគណៈប្រតិភូយោធាសម្ព័ន្ធណាតូ លើកដំបូង ទៅកាន់ទីក្រុងគីវ ចាប់តាំងពីខែកុម្ភៈឆ្នាំ២០២២មក នៅពេលដែលរុស្ស៊ី បានបញ្ជូនកងទ័ពរាប់ពាន់នាក់ចូលវាយលុកក្នុងប្រទេសអ៊ុយក្រែន។ កងទ័ពរបស់ទីក្រុងគីវ កំពុងប្រឈមការខ្វះខាតគ្រាប់កាំភ្លើងធំ និងកម្លាំងទ័ព ព្រមទាំងកំពុងជួបឧបសគ្គ នៅភាគខាងកើត ជាទីដែលកងកម្លាំងរុស្ស៊ីកំពុងរុលទៅមុខ។ លោកបានប្រាប់វេទិកាសន្តិសុខក្រុងគីវ ថា អ៊ុយក្រែន ត្រូវការការគាំទ្របន្ថែមទៀត ។ដូចអ្នកដឹងស្រាប់ហើយនៅពេលនេះ ។ ពេលវេលានៅក្នុងប្រទេសអ៊ុយក្រែន មិនអាចវាស់ស្ទង់ដឹងទេក្នុងពេលប៉ុន្មានថ្ងៃ ប៉ុន្មានសប្ដាហ៍ ឬប៉ុន្មានខែខាងមុខ។ លោកប្រធានាធិបតីអ៊ុយក្រែន Volodymyr Zelenskiy បានសរសេរនៅលើគេហទំព័ររបស់លោកថា លោកបានគូសបញ្ជាក់ដល់លោក បាវើ រួចហើយ ថា តម្រូវការចាំបាច់បំផុតរបស់អ៊ុយក្រែន នៅពេលនេះ គឺអាវុធ គ្រាប់រំសេវ និងយានដ្រូន៕

រុស្ស៊ីចាប់ផ្តើមផលិតគ្រាប់បែកទម្លាក់ពីលើអាកាស FAB-3000 និងបង្កើនការផលិតគ្រាប់កាំភ្លើងធំ

2024/03/22 09:11:43 am        166
Facebook Telegram Linkin
ក្រសួងការពារជាតិរុស្ស៊ី បាននិយាយកាលពីថ្ងៃព្រហស្បតិ៍ទី ២១ ខែមីនាថា រុស្ស៊ីបានចាប់ផ្តើមផលិតគ្រាប់បែកទម្លាក់ពីលើអាកាសមានកម្លាំងផ្ទុះខ្លាំង FAB-3000 ចាប់តាំងពីខែកុម្ភៈឆ្នាំនេះ។រដ្ឋមន្ត្រីក្រសួងការពារជាតិលោក Sergei Shoigu បានពិនិត្យរោងចក្រឧស្សាហកម្មការពារជាតិ នៅក្នុងតំបន់ នីស្នី នូវហ្ករ៉ូដ(Nizhny Novgorod) ដែលផលិតគ្រាប់បែក FAB-3000 និងប្រភេទគ្រាប់រំសេវផ្សេងទៀត រួមទាំងគ្រាប់កាំភ្លើងធំផងដែរ។លោក Shoigu បាននិយាយថា ការផលិតគ្រាប់រំសេវសម្រាប់កាំភ្លើងធំ បានកើនឡើងជិត ២២ ដង។ លោកនិយាយថា នេះធានាបាននូវការបញ្ជូនចំនួនគ្រាប់រំសេវគ្រប់គ្រាន់ទៅកាន់តំបន់នៃ «ប្រតិបត្តិការសឹកពិសេសនៅអ៊ុយក្រែន។កាលពីព្រឹកថ្ងៃព្រហស្បតិ៍ រុស្ស៊ី បានវាយប្រហារដោយមីស៊ីល ទៅលើទីក្រុងគីវ រដ្ឋធានីរបស់អ៊ុយក្រែន បណ្តាលឲ្យមនុស្ស១០នាក់រងរបួស និងបានបំផ្លាញអគារលំនៅឋានជាច្រើនខ្នង និងអគារឧស្សាហកម្មជាច្រើនកន្លែង ទោះបីជាប្រព័ន្ធការពារដែនអាកាសរបស់អ៊ុយក្រែន បានបាញ់ទម្លាក់មីស៊ីលទាំងអស់ក៏ដោយ។ ការវាយប្រហារទ្រង់ទ្រាយធំដំបូងក្នុងរយៈពេលប៉ុន្មានសប្តាហ៍ថ្មីៗនេះ បានដាក់គោលដៅលើទីក្រុងគីវ ទាំងមីស៊ីលបាលីស្ទីក និងមីស៊ីលតម្រង់គោលដៅ។

អាជ្ញាធរខេត្តព្រះវិហារ ចុះផ្សព្វផ្សាយបញ្ជ្រាបការយល់ដឹងអំពីសុវត្ថិភាពចរាចរណ៍ ផ្លូវគោក និងចែកមួកសុវត្ថិភាពដល់យុវសិស្សនៅអនុវិទ្យាល័យហ្មសែត

2024/03/21 10:13:05 pm        213
Facebook Telegram Linkin
នាព្រឹកថ្ងៃទី២១ ខែមីនា ឆ្នាំ២០២៤នេះ មន្ទីរសាធារណការ និងដឹកជញ្ជូនខេត្តព្រះវិហារ បានសហការជាមួយនាយកដ្ឋានសុវត្ថិភាពចរាចរណ៍ផ្លូវគោក នៃក្រសួងសាធារណការ និងដឹកជញ្ជូន រៀបចំកម្មវិធីអប់រំផ្សព្វផ្សាយ បញ្ជ្រាបការយល់ដឹង អំពីសុវត្ថិភាពចរាចរណ៍ផ្លូវគោក ដល់ សិស្សានុសិស្ស និងកុមារ នៅអនុវិទ្យាល័យហ្មសែត ស្ថិតក្នុងភូមិសាស្ដ្រភូមិហ្មសែត សង្កាត់ប៉ាល ហាល ក្រុងព្រះវិហារ ខេត្តព្រះវិហារ ។ពិធីធ្វើឡើងក្រោមអធិបតីភាពលោក អ៊ុក គឹមសាន អភិបាលរងខេត្ត ព្រះវិហារ ដោយមានការអញ្ជើញចូលរួមពីសំណាក់លោក ព្រំ វន្ថា ប្រធាននាយកដ្ឋានសុវត្ថិភាព ចរាចរណ៍ផ្លូវគោក នៃក្រសួងសាធារណការ និងដឹកជញ្ជូន លោក សំ លាងទ្រី ប្រធានមន្ទីរ សាធារណការ និងដឹកជញ្ជូនខេត្តព្រះវិហារ ព្រមទាំងថ្នាក់ដឹកនាំ មន្ត្រីរាជការ កងកម្លាំងទាំង៣ លោកគ្រូ អ្នកគ្រូ សិស្សានុសិស្ស និងប្អូនៗកុមារជាច្រើនរូបទៀត។លោក សំ លាងទ្រី បានថ្លែងថា កម្មវិធីអប់រំ ផ្សព្វផ្សាយសុវត្ថិភាពចរាចរណ៍ផ្លូវគោកដែល បានរៀបចំនាពេលនេះ ធ្វើឡើងក្នុងគោលបំណងដើម្បីចូលរួមបង្កើនស្មារតីយកចិត្តទុកដាក់ ទប់ស្កាត់ឱ្យបាននូវគ្រោះថ្នាក់ចរាចរណ៍ ដែលបង្ករឱ្យមានការបាត់បង់នូវអាយុជីវិតមនុស្ស និងទ្រព្យ សម្បត្តិរដ្ឋ និងឯកជនយ៉ាងច្រើន ជាពិសេសគ្រោះថ្នាក់ចរាចរណ៍ ដែលបង្ករឡើងទៅលើកុមារ ហើយក៏ជាការពញ្ញាក់ស្មារតី ដល់អ្នកប្រើប្រាស់ផ្លូវថ្នល់ឱ្យបង្កើនការយកចិត្តទុកដាក់ខ្ពស់ អំពី សុវត្ថិភាពចរាចរណ៍តាមដងផ្លូវសាធារណៈ។ លោកបានបន្ដថា បញ្ហាដែលបង្ករឱ្យមានគ្រោះ ថ្នាក់ចរាចរណ៍ កើតឡើងដោយកត្តា៣ធំៗរួមមាន៖ ទី១.កត្តាមនុស្ស គឺការយល់ដឹងអំពីច្បាប់ ផ្លូវគោកនៅមានកម្រិត, ទី២.កត្តាយានជំនិះ ដោយម្ចាស់យានជំនិះទាំងនោះមិនបានថែទាំ ត្រួត ពិនិត្យលក្ខណៈបច្ចេកទេស តាមពេលកំណត់, ទី៣.កត្តាផ្លូវ ដូចជាផ្លូវរអិល ផ្លូវកោង ផ្លូវធំតែ មានស្ពានតូចចង្អៀត និងពុំបានបំពាក់ផ្លាកសញ្ញាចរាចរណ៍ឱ្យបានគ្រប់គ្រាន់នៅលើដងផ្លូវសាធារណៈមួយចំនួនផងដែរ។ថ្លែងក្នុងឱកាសនោះ លោក អ៊ុក គឹមសាន អភិបាលរងខេត្តព្រះវិហារ បានអំពាវនាវដល់ អ្នកបើកយានយន្ដគ្រប់ប្រភេទ ត្រូវគោរពច្បាប់ស្ដីពីចរាចរណ៍ផ្លូវគោក មានសុជីវធម៌ល្អ និងចេះ អធ្យាស្រ័យគ្នាក្នុងពេលបើកបរ សូមបំពាក់ខ្សែក្រវ៉ាត់សុវត្ថិភាពនៅពេលបើកបរយានយន្ដ និងពាក់ មួកសុវត្ថិភាពនៅពេលបើកបរទោចក្រយានយន្ដ ឱ្យបានត្រឹមត្រូវទាំងអស់គ្នាក្នុងពេលធ្វើដំណើរទាំងអ្នកបើកបរ និងអ្នករួមដំណើរជាដើម។សូមបញ្ជាក់ជូនថា ក្នុងពិធីនេះដែរ ក៏មានការចែកមួកសុវត្ថិភាព ជូនដល់ប្អូនៗ ជាយុវជន ចំនួន៥០មួក ប្អូនៗកុមារចំនួន១០០មួក។ បន្ថែមពីនេះ លោកប្រធាននាយកដ្ឋានសុវត្ថិភាព ចរាចរណ៍ផ្លូវគោក ក៏បានឧបត្ថម្ភមួកសុវត្ថិភាពចំនួន៣០មួក ដល់សាលាបឋមសិក្សាហ្មសែត និងជូនអ្នកគ្រូៗ សាលាបឋមសិក្សាហ្មសែតចំនួន ១៩មួកថែមទៀតផង៕

អាជ្ញាធរខេត្តព្រះវិហារប្រារព្ធទិវាជាតិ ទីក្រុងស្អាតលើកទី១២ ឆ្នាំ២០២៤ ក្រោមប្រធានបទ “ទីក្រុងស្អាត ដើម្បីទេសចរណ៍”

2024/03/21 09:57:40 pm        164
Facebook Telegram Linkin
នាព្រឹកថ្ងៃទី២១ ខែមីនា ឆ្នាំ២០២៤នេះ នៅបរិវេណរដ្ឋបាលសាលាក្រុងព្រះវិហារ មានរៀបចំ ពិធីអបអរសាទរ ទិវាជាតិទីក្រុងស្អាត ក្រោមប្រធានបទ “ទីក្រុងស្អាត ដើម្បីទេសចរណ៍” ។ពិធីនេះ ប្រព្រឹត្តិទៅក្រោមអធិបតីភាព លោក សុខ សាន្តតារ៉ា អភិបាលរងខេត្ត និងមានការអញ្ជើញចូលរួមពីសំណាក់លោកអភិបាលក្រុង ចៅសង្កាត់ ប្រធានមន្ទីរ អនុប្រធានមន្ទីរ-អង្គភាពជុំវិញខេត្ត កងកម្លាំង ទាំង៣ មន្ត្រីពាក់ព័ន្ធ និងប្រជាពលរដ្ឋយ៉ាងច្រើនកុះករ។ក្រោយពីបានស្ដាប់នូវមតិស្វាគមរបស់លោក ប៉ុក ងួន អភិបាលក្រុងរួចមក លោក សុខ សាន្តតារ៉ា អភិបាលរងខេត្តព្រះវិហារ បានបញ្ជាក់ថា វិស័យទេសចរណ៍ ត្រូវបានរាជរដ្ឋាភិបាល ចាត់ទុកជា មាសបៃតង និងដើរតួនាទីយ៉ាងសំខាន់រួមចំណែកក្នុងការអភិវឌ្ឍសេដ្ឋកិច្ចជាតិ លើកកម្ពស់ជីវភាព រស់នៅរបស់ប្រជាពលរដ្ឋ តាមរយៈនៃការផ្ដល់ឱកាសការងារធ្វើដោយប្រយោល និងដោយផ្ទាល់។ លោកក៏បានលើកឡើងបន្ថែមថា ទិវាទីក្រុងស្អាតនេះពិតជាមានសារៈសំខាន់ខ្លាំង ណាស់ដើម្បីត្រៀម ខ្លួនជាបេក្ខភាពក្រុងស្អាត សម្រាប់ការប្រឡងប្រណាំងដើម្បីទទួលបានផ្ការរំដួលកើនឡើង។ទន្ទឹមគ្នានេះដែរអភិបាលរងខេត្តព្រះវិហារ ក៏បានស្នើរដល់រដ្ឋបាលក្រុងស្រុក ឃុំ-សង្កាត់ និង ផ្នែកពាក់ព័ន្ធទាំងអស់ ត្រូវបន្ដរួមគិត រួមធ្វើ រួមទទួលខុសត្រូវ និងយកចិត្តទុកដាក់ខ្ពស់អំពី ការគ្រប់គ្រង ការទុកដាក់ និងការវេចខ្ចប់កាកសំណល់ឱ្យបានត្រឹមត្រូវ សម្អាតអនាម័យបរិស្ថានឱ្យ បានស្អាតជាប្រចាំ ដោយធានាឱ្យបាននូវភាពស្អាត និងបៃតង សម្ដៅចូលរួម លើកកម្ពស់ចលនា ទេសចរណ៍ក្នុងស្រុកអោយកាន់តែប្រសើរ។ បន្ថែមពីនេះ លោកក៏បានអំពាវនាវដល់បងប្អូនប្រជាពល -រដ្ឋទាំងអស់ ត្រូវយកចិត្តទុកដាក់ខ្ពស់បំផុត ក្នុងការទុកដាក់សំរាមឲ្យមានសណ្ដាប់ធ្នាប់ ពិសេសទុក ដាក់ទៅតាមប្រភេទនៃសំរាមនីមួយៗ ដើម្បីឱ្យទីក្រុងមានសោភ័ណភាពល្អ ស្រស់បំព្រង ខណៈទីក្រុង ស្អាត បរិស្ថានល្អ សេវាកម្មល្អ បដិសណ្ឋារកិច្ចល្អ ជាកត្តាសំខាន់បំផុតសម្រាប់ ទាក់ទាញភ្ញៀវ ទេសចរណ៍ ដោយចាប់ផ្តើមពីខ្លួនយើង ដើម្បីទីក្រុងស្អាត ទេសចរណ៍រុងរឿងនាពេលអនាគត។លោក សុខ សាន្ដតារ៉ា បានបន្ថែមថា នេះជាការប្រារព្ធទិវាទីក្រុងស្អាតលើកទី១២ ដែលមាន ទិសស្លោកថា “ទីក្រុងស្អាតដើម្បីទេសចរណ៍” ដូចនេះដើម្បីទទួលបានកំណើនទេសចរណ៍ និងមាន ទេសចរណ៍ កមកំសាន្តក្នុងខេត្តរបស់យើង លុះត្រាតែទីក្រុងព្រះវិហារ មានសោភ័ណ្ឌភាព និងបរិស្ថាន ស្អាត។ ក្នុងកិច្ចប្រារពទិវាទីក្រុងស្អាតនេះ បានបែងចែកជា៣គោលដៅរើសសំរាម នៅតាមដងផ្លូវក្នុង ទីក្រុងអោយបានល្អ។

​ឯកឧត្ដម គីម រិទ្ធី នាំយកថវិកាចំនួន២០០លានរៀល ផ្ដល់ជូនមូលនិធិគន្ធបុប្ផាកម្ពុជា នៅក្រុងសៀមរាប

2024/03/21 01:12:26 pm        149
Facebook Telegram Linkin
ឯកឧត្ដម គីម រិទ្ធី អភិបាលនៃគណៈអភិបាលខេត្តព្រះវិហារ នាថ្ងៃទី២០ ខែមីនា ម្សិលមិញនេះ បាននាំយកថវិកាចំនួន២០០លានរៀល ផ្ដល់ជូនមូលនិធិគន្ធបុប្ផាកម្ពុជា នៅក្រុងសៀមរាប ដែលថវិកានេះ ឯកឧត្តមផ្ទាល់ចំនួន ៨. ៩១០.០០០រៀល ថវិកាលោក គង់ ពុទ្ធីកា អគ្គនាយកអាជ្ញាធរព្រះវិហារ ៥.០០០.០០០រៀល និងថវិការបស់ថ្នាក់ដឹកនាំ មន្ត្រី បុគ្គលិក លោកគ្រូ អ្នកគ្រូទូទាំងខេត្តព្រះវិហារ ១៨៦.០៩០.០០រៀល។នៅក្នុងឱកាសនោះ ឯកឧត្ដមបានបញ្ជាក់ថា សកម្មភាពទាំងនេះ គឺបានបង្ហាញពីវប្បធម៌ចែករំលែក​របស់លោកគ្រូអ្នកគ្រូ ថ្នាក់ដឹកនាំ និងបុគ្គលិកទាំងអស់ នៃមន្ទីរអប់រំ យុវជន និងកីឡា ខេត្តព្រះវិហារ បានស្ម័គ្រចិត្តបរិច្ចាគប្រាក់ខែរបស់ខ្លួនក្នុង១ខែ៥.០០០រៀល ដល់មូលនិធិគន្ធបុប្ផាកម្ពុជា ដែលនេះជាលើកទី២ហើយ ដែលបានប្រមូលថវិកា​ដោយស្ម័គ្រចិត្តយកមកផ្តល់​ជូនមូល​និធិគន្ធបុប្ផាកម្ពុជា។ឯកឧត្ដម បានបន្តថា ចំពោះការផ្តល់វិភាគទានដ៏សប្បុរសធម៌ជូនមូលនិធិគន្ធបុប្ផាកម្ពុជានេះ គឺជាការឆ្លើយតបទៅនឹងការអំពាវនាវ និងលើកទឹកចិត្តពីសំណាក់សម្តេចតេជោ ហ៊ុន សែន ស្ថាបនិកមូលនិធិគន្ធបុប្ផាកម្ពុជា ឱ្យបំផុសចលនាផ្សព្វផ្សាយ និងបន្តផ្តល់វិភាគទានសប្បុរសធម៌ តាមរយៈការចូលជាសមាជិករបស់មូលនិធិគន្ធបុប្ផាកម្ពុជា ក្នុងស្មារតី «ខ្មែរជួយខ្មែរ»។ ឯកឧត្ដម អភិបាលខេត្ត បានសម្តែងការកោតសរសើរចំពោះរាជរដ្ឋាភិបាលកម្ពុជា ដែលតែងតែ​គិតគូរអំពីសុខទុក្ខរបស់ប្រជាពលរដ្ឋ និងជាពិសេសសុខុមាលភាពរបស់កុមារ តាមរយៈការបង្កើត «មូលនិធិគន្ធបុប្ផាកម្ពុជា» នេះឡើង​ ដើម្បីចូលរួមធានានិរន្តរភាព នៃកិច្ចដំណើរការរបស់មន្ទីរពេទ្យ​គន្ធបុប្ផាទាំង៥ទីតាំង។បើយោងតាមរបាយការណ៍របស់មន្ទីរគន្ធបុប្ផាខេត្តសៀមរាប បានឱ្យដឹងថា ក្នុង១ថ្ងៃសម្រាប់ផ្នែក​ពិគ្រោះជំងឺខាងក្រៅជាមធ្យមមានចំនួន ១.៤០០នាក់ ហើយសម្រាប់អ្នកជំងឺដែលកំពុង​សម្រាក​ព្យាបាលនៅក្នុងមន្ទីរពេទ្យមានជាង ១.០០០នាក់។ សម្រាប់១ខែកុម្ភៈឆ្នាំ២០២៤ កន្លងទៅនេះ គឺផ្នែកពិគ្រោះជំងឺខាងក្រៅមានចំនួន៣ម៉ឺន៣ពាន់នាក់ជាង ​ក្នុងនោះករណីថ្មី ដែលមិនធ្លាប់​មកមន្ទីរពេទ្យគន្ធបុប្ផាសោះមានរហូតដល់ទៅជាង២ម៉ឺននាក់។ ហើយចំនួនទាំងនេះ មានការលើសលុបលើចំនួនគ្រែដែលមានមន្ទីរពេទ្យមាន៕

អាមេរិកធ្វើតេស្តសាកល្បងមីស៊ីលល្បឿនលឿនជាងសំឡេង ដោយបាញ់ចេញពីយន្តហោះទម្លាក់គ្រាប់បែក

2024/03/21 01:01:55 pm        162
Facebook Telegram Linkin
កងទ័ពអាកាសអាមេរិក បានធ្វើតេស្តសាកល្បងពេញលេញនូវមីស៊ីលល្បឿនលឿនជាងសំឡេងរបស់ខ្លួន បន្ទាប់ពីមានការពន្យារពេលជាច្រើនខែ និងការធ្វើសមយុទ្ធប្រហាក់ប្រហែលគ្នាដោយរុស្ស៊ី និងចិន។យន្តហោះទម្លាក់គ្រាប់បែក B-52 មួយគ្រឿង បានហោះចេញពីទឹកដីនៃកោះGuam កាលពីថ្ងៃអង្គារ ហើយបានបាញ់បង្ហោះមីស៊ីលដែលត្រូវបានគេស្គាល់ថា ជាអាវុធឆ្លើយតបរហ័សតាមអាកាស (ARRW) នៅលើទីតាំងសាកល្បងមីស៊ីលនៅកោះ Marshall ។កងទ័ពអាកាសអាមេរិក (USAF) បានបដិសេធមិនធ្វើអត្ថាធិប្បាយលើព័ត៌មានលម្អិតនៃបេសកកម្មនេះទេ ប៉ុន្តែការសាកល្បងនេះ ត្រូវបានគេគិតថា ជាសមយុទ្ធចុងក្រោយនៅក្នុងកម្មវិធី ដែលមានរយៈពេលជាច្រើនឆ្នាំ ដើម្បីអភិវឌ្ឍន៍បច្ចេកវិទ្យានេះ។មីស៊ីលល្បឿនលឿងជាងសំឡេង មានសមត្ថភាពហោះក្នុងល្បឿនលឿនជាងសំឡេងរហូតដល់៥ដង ហើយចូលទៅជិតគោលដៅពីមុំទាបបំផុត ដែលធ្វើឲ្យប្រព័ន្ធព្រមានឲ្យដឹងមុខរបស់សត្រូវពិបាកចាប់ពួកវាណាស់។ ការអភិវឌ្ឍយឺតយ៉ាវនៃអាវុធរបស់អាមេរិក ត្រូវបានរិះគន់ដោយសភា ចំពេលមានការព្រមានថា រុស្ស៊ី ចិន និងកូរ៉េខាងជើង កំពុងបង្កើតកម្មវិធីស្រដៀងគ្នានេះ។អ្នកនាំពាក្យកងទ័ពអាកាសអាមេរិក បាននិយាយថា៖«ការសាកល្បងនេះ បានបាញ់បង្ហោះមីស៊ីលល្បឿនលឿនជាងសំឡេងដែលប្រតិបត្តិការតាមគំរូដើមទាំងស្រុង ហើយផ្តោតលើការអនុវត្តដំណើរការរបស់ អាវុធឆ្លើយតបរហ័សតាមអាកាស (ARRW) ចាប់តាំងពីការចាប់ផ្តើមរហូតដល់ទីបញ្ចប់។តាមរយៈការតេស្តសាកល្បងមីស៊ីលល្បឿនលឿនជាងសំឡេងនេះ កងទ័ពអាកាសទទួលបានការយល់ដឹងដ៏មានតម្លៃចំពោះសមត្ថភាពនៃបច្ចេកវិទ្យាទំនើបចុងក្រោយនេះ។

សម្តេចធិបតី អំពាវនាវឱ្យបន្តរួមគ្នាអនុវត្តគោលដៅអភិវឌ្ឍន៍ ប្រកបដោយចីរភាពស្តីពីជនមានពិការភាព

2024/03/21 12:29:57 pm        81
Facebook Telegram Linkin
សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានអំពាវនាវដល់សហគមន៍ជាតិ-អន្តរជាតិ បន្តរួមគ្នាអនុវត្តគោលដៅអភិវឌ្ឍន៍ប្រកបដោយចីរភាពស្តីពីជនមានពិការភាព អនុសញ្ញា​ស្តីពីសិទ្ធិជនមានពិការភាពរបស់អង្គការសហប្រជាជាតិ ​និងយុទ្ធសាស្ត្រទីក្រុងអ៊ីនឈុន ដើម្បីផ្ដល់​សិទ្ធិពិតប្រាកដទៅដល់ជនមានពិការភាពក៏ដូចជាបង្កើតសហគមន៍មួយដែលមានបរិយាប័ន្ន និង​ភាពសុខដុមសម្រាប់ជនមានពិការភាពស្របតាមគោលការណ៍ «គ្មានជនណាម្នាក់ត្រូវបាន​បោះបង់ចោលឡើយ»។ សម្តេចធិបតី នាយករដ្ឋមន្ត្រីកម្ពុជា មានប្រសាសន៍បែបនេះ ក្នុងឱកាសអញ្ជើញសម្ពោធសមិទ្ធផល​មជ្ឈមណ្ឌលជាតិ នៃជនពិការតេជោសែន​ និងគណៈកម្មាធិការជាតិប៉ារ៉ាឡាំពិកកម្ពុជា នៅព្រឹកថ្ងៃទី២១ ខែមីនា ឆ្នាំ២០២៤នេះ។សម្ដេចធិបតី មានប្រសាសន៍ថា ការរើសអើង និងការមើលរំលងនូវសមត្ថភាពរបស់ជនមាន​ពិការភាព គឺជាកំហុសឆ្គង ទាំងផ្នែកសីលធម៌ ស្មារតី និងគោលការណ៍សកលស្តីពីជនមាន​ពិការភាព ព្រមទាំងនាំឱ្យបាត់បង់សាមគ្គីភាព ភាពសុខដុម និងភាពជឿជាក់គ្នាក្នុងសហគមន៍។ ដូច្នេះការពង្រឹងវិស័យពិការភាព គឺជាការរួមគ្នាបង្កើនបន្ថែមជូនជនមានពិការភាពនូវក្តី​សង្ឃឹមភាព​អង់អាច និងលើកកម្ពស់សិទ្ធិសេរីភាព សេចក្តីថ្លៃថ្នូររបស់ជនមានពិការភាព ព្រមទាំងផ្លាស់ប្តូរ​ឱ្យមានការគិតជាវិជ្ជមានប្រកបដោយគុណធម៌សម្រាប់ជនមានពិការភាព។ដើម្បីរួមចំណែកដល់ការលើកកម្ពស់ជនមានពិការភាពប្រកបដោយបរិយាប័ន្ននៅក្នុងសហគមន៍ និង​ក្នុងដំណើរការអភិវឌ្ឍសង្គមសេដ្ឋកិច្ចឱ្យបានច្រើនជាអតិប្បរិមា ​សម្តេចធិបតីនាយករដ្ឋមន្រ្តី​បានផ្តល់​អនុសាសន៍ដល់ក្រសួងសង្គមកិច្ចអតីតយុទ្ធជន​ និងយុវនីតិសម្បទា និងក្រសួងស្ថាប័ន​ពាក់ព័ន្ធ​ចូលរួមរៀបចំបទដ្ឋានគតិយុតគ្រប់ជ្រុងជ្រោយដើម្បីធានាថា មជ្ឈមណ្ឌលជាតិ​នៃជនពិការតេជោសែន​ជាសម្បត្តិជនសម្រាប់មានពិការភាពប្រើប្រាស់ជាបន្តតរៀងទៅ​ទាំងក្នុង​ពេលបច្ចុប្បន្ន ​និងអនាគត។សម្ដេច បានណែនាំដល់គ្រប់កិច្ចអភិវឌ្ឍន៍ទាំងអស់រួមមានសកម្មភាពសង្គមសេដ្ឋកិច្ច​នយោបាយ​វប្បធម៌ គឺត្រូវលើកទឹកចិត្ត និងលើកកម្ពស់ឱ្យមានការចូលរួម​ជាអតិប្បរិមារបស់ជនមានពិការភាព​នៅកម្រិតសហគមន៍ឱ្យបានទូលំទូលាយដើម្បីសម្រេចបាននូវការអភិវឌ្ឍប្រកបដោយបរិយាប័ន្នទាំងទិដ្ឋភាពនៃតួអង្គនៃការអភិវឌ្ឍ។សម្ដេច បានលើកទឹកចិត្តឱ្យបន្តបង្កើន​កិច្ចសហការនៅក្នុងការរៀបចំ​បណ្តុះបណ្តាល​ជំនាញ​ពិសេស និងប្រើប្រាស់បច្ចេកទេសសមស្របសម្រាប់​ការសិក្សារបស់ជនមានពិការភាពដើម្បីលើក​កម្ពស់​សមត្ថភាព និងលទ្ធភាពទទួលបានការងារធ្វើជាមួយប្រាក់បៀរវត្សខ្ពស់​សំដៅលើកកម្ពស់​ជីវភាពប្រចាំថ្ងៃរបស់ជនមានពិការភាព និងគ្រួសារឱ្យកាន់តែប្រសើរ៕

សម្តេចធិបតីលើកទឹកចិត្តជនពិការបន្តប្រកាន់ស្មារតី «ពិការកាយមិនពិការចិត្ត» ដើម្បីលើកកម្ពស់សមត្ថភាពខ្លួន

2024/03/21 12:15:45 pm        135
Facebook Telegram Linkin
សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានមានប្រសាសន៍លើកទឹកចិត្តដល់ជនមានពិការភាពត្រូវបន្តប្រកាន់ស្មារតី «ពិការកាយ មិនពិការចិត្ត» ដើម្បីលើកកម្ពស់សមត្ថភាពរបស់ខ្លួនឯង ខណៈសម្តេចធិបតីឯកភាពធ្វើជាប្រធានកិត្តិយសមជ្ឈមណ្ឌលជាតិ ជនពិការតេជោសែន និងគណៈកម្មាធិការជាតិប៉ារ៉ាឡាំពិកកម្ពុជា។សម្តេចធិបតី នាយករដ្ឋមន្ត្រីកម្ពុជា មានប្រសាសន៍បែបនេះ ក្នុងឱកាសអញ្ជើញសម្ពោធសមិទ្ធផលមជ្ឈមណ្ឌលជាតិ នៃជនពិការតេជោសែន និងគណៈកម្មាធិការជាតិប៉ារ៉ាឡាំពិកកម្ពុជា នៅព្រឹកថ្ងៃទី២១ ខែមីនា ឆ្នាំ២០២៤នេះ។សម្តេចធិបតី បានថ្លែងថា ការលើកកម្ពស់សិទ្ធិរស់រានមានជីវិតរបស់ជនមានពិការភាព គឺជាការចាំបាច់ ដើម្បីធ្វើឱ្យជនមានពិការភាពទាំងអស់ទទួលបានសិទ្ធិដូចប្រជាជនទូទៅដែលមិនពិការភាពដែរ ដោយក្នុងនោះជនមានពិការភាពក៏អាចទទួលបាន សិទ្ធិទទួលបានការអប់រំ ការថែទាំសុខភាព សេវាយុត្តិធម៌ និងការចូលរួមនៅក្នុងសកម្មភាពសង្គម សាសនា កីឡា សិល្បៈ នយោបាយ ដោយពេញលេញ និងស្មើភាពគ្នា។ក្នុងឱកាសនោះសម្ដេចធិបតី បានបញ្ជាក់ថា រាជរដ្ឋាភិបាលបានផ្តល់ការយកចិត្តទុកដាក់ និងលើក​កម្ពស់​ជនមានពិការភាព ដោយបានធានាដល់ការធ្វើបរិយាប័ន្ន និងសមភាព ជាក់ស្តែងការដាក់​សម្ពោធ​សមិទ្ធផលមជ្ឈមណ្ឌលជាតិនៃជនពិការតេជោសែន នាពេលនេះ គឺជាផ្នែកមួយនៃកិច្ចខិតខំ​របស់​រាជរដ្ឋាភិបាល ក្នុងការផ្តល់កាលានុវត្តភាព​ ចំពោះជនមានពិការភាពក្នុងការដឹកនាំ ផ្តល់សេវា ស្តារលទ្ធភាព​ពលកម្ម ផ្តល់និងរកការងារ បង្កើនសេដ្ឋកិច្ច និងផ្សព្វផ្សាយលើកកម្ពស់សិទ្ធិជន​មានពិការភាព ​ដើម្បីបងប្អូនជនមានពិការភាពបានទទួលផល រស់នៅប្រកបដោយសេចក្តីថ្លៃថ្នូរ មានឱកាសពេញលេញចូលរួមគ្រប់សកម្មភាព នៅក្នុងសង្គម៕អត្ថបទ៖ វ៉ន ដារ៉ា

សម្ដេចធិបតី កោតសរសើរកីឡាករកីឡាការិនីពិការភាពបានលើកកិត្តិយសជាតិ តាមរយៈព្រឹត្តិការណ៍កីឡានានា

2024/03/21 12:12:12 pm        101
Facebook Telegram Linkin
សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានថ្លែងកោតសរសើរកីឡាករកីឡាការិនីមានពិការភាពរបស់កម្ពុជា ដែលបានប្រឹងប្រែងលើកកិត្តិយសជូនជាតិមាតុភូមិ តាមរយៈការដណ្តើមបានមេដាយច្រើនប្រភេទ ពីព្រឹត្តិការណ៍កីឡានានានាពេលកន្លងមក។សម្តេចធិបតី នាយករដ្ឋមន្ត្រីកម្ពុជា មានប្រសាសន៍បែបនេះ ក្នុងឱកាសអញ្ជើញសម្ពោធសមិទ្ធផលមជ្ឈមណ្ឌលជាតិ នៃជនពិការតេជោសែន និងគណៈកម្មាធិការជាតិប៉ារ៉ាឡាំពិកកម្ពុជា នៅព្រឹកថ្ងៃទី២១ ខែមីនា ឆ្នាំ២០២៤នេះ។ក្នុងឱកសានោះ សម្តេចធិបតី បានបង្ហាញក្តីរំភើបរីករាយដោយបានឃើញជនមានពិការភាពនៅកម្ពុជា ចូលរួមយ៉ាងសកម្ម និងពេញលេញនៅក្នុងសកម្មភាពសេដ្ឋកិច្ច-សង្គមកម្ពុជា។ សម្តេចធិបតីក៏បានថ្លែងកោតសរសើរ និងវាយតម្លៃខ្ពស់ចំពោះកិច្ចប្រឹងប្រែងរបស់ថ្នាក់ដឹកនាំ កីឡាករកីឡាការិនី និងបុគ្គលិកទាំងអស់នៃមជ្ឈមណ្ឌលជាតិនៃជនពិការតេជោសែន និងគណៈកម្មាធិការជាតិប៉ារ៉ាឡាំពិកកម្ពុជា ដែលបានប្រឹងប្រែងកសាងសមិទ្ធផលនានា។ សម្តេចធិបតី នាយករដ្ឋមន្រ្ដីបានបញ្ជាក់ថា តាមរយៈការខិតខំប្រឹងប្រែងដោយផ្ទាល់​របស់​កីឡាករកីឡាការិនីប៉ារ៉ាឡាំពិកកម្ពុជា និងមានការគាំទ្រពីរាជរដ្ឋាភិបាល ​និងសប្បុរសជននានា ពិសេសការចូលរួមពីប្រជាពលរដ្ឋ សម្ដេចធិបតី ជឿជាក់ថា កីឡាករកីឡាការិនីប៉ារ៉ាឡាំពិកកម្ពុជា នឹងដណ្តើមបានមេដាយជាច្រើនបន្ថែមទៀតជូនជាតិមាតុភូមិ។សម្តេចធិបតី បញ្ជាក់ថា ក្នុងការប្រកួតកន្លងមក កីឡាប៉ារ៉ាឡាំពិកកម្ពុជាបានទទួលមេដាយចំនួន ២៦១ គ្រឿងរួចមកហើយ ដែលលទ្ធផលនេះកម្ពុជាមិនធ្លាប់ទទួលបាននោះទេតាំងពី​ដំណាក់កាល​ចាប់ផ្តើមដំបូងមក។ សម្តេចសង្កត់ធ្ងន់ថា រាជរដ្ឋាភិបាល នឹងបន្តខិតខំជំរុញវិស័យកីឡានេះបន្ថែមទៀតពីព្រោះថា​កីឡាករ​ទាំងអស់ មិនមែនធ្វើការហ្វឹកហាត់ ដើម្បីខ្លួនឯងនោះទេ គឺប្រឹងប្រែងប្រកួតដើម្បីលើមុខមាត់​ជាតិកម្ពុជា ទង់ជាតិកម្ពុជារបស់កម្ពុជានៅលើឆាកអន្តរជាតិ៕អត្ថបទ៖ វ៉នដារ៉ា

សម្តេចធិបតី ឯកភាពធ្វើជាប្រធានកិត្តិយសមជ្ឈមណ្ឌលជាតិ ជនពិការតេជោសែន និងគណៈកម្មាធិការជាតិប៉ារ៉ាឡាំពិកកម្ពុជា

2024/03/21 12:05:36 pm        118
Facebook Telegram Linkin
ភ្នំពេញ៖ នាព្រឹកថ្ងៃទី២១ ខែមីនា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានអញ្ជើញជាអធិបតីក្នុងពិធីសម្ពោធសមិទ្ធផលមជ្ឈមណ្ឌលជាតិនៃជនពិការតេជោសែន និងគណៈកម្មាធិការជាតិប៉ារ៉ាឡាំពិកកម្ពុជា នៅក្នុងខណ្ឌសែនសុខ រាជធានីភ្នំពេញ ។ ក្នុងពិធីដ៏អធិកអធមនោះ សម្តេចធិបតីនាយករដ្ឋមន្ត្រី បានសម្តែងនូវក្តីសោមនស្សរីករាយ ដោយបានឃើញបងប្អូនមានពិការភាពនៅកម្ពុជា ចូលរួមយ៉ាងសកម្ម និងពេញលេញ ក្នុងសកម្មភាពសេដ្ឋកិច្ច-សង្គមកម្ពុជា ដែលនេះឆ្លុះបញ្ចំាង ពីសមត្ថភាព និងសក្តានុពលរបស់ជនមានពិការភាព ស្របតាមសុភាសិត «ពិការតែកាយ ចិត្តមិនពិការឡើយ» ។ ជាមួយគ្នានេះ សម្តេចធិបតី បានលើកទឹកចិត្ត និងបញ្ជាក់ដល់បងប្អូនមានពិការភាពថា «បងប្អូនមិននៅឯកោនោះទេ» ព្រោះមាន សម្តេចធិបតីផ្ទាល់ រួមជាមួយ សម្តេចអគ្គមហាសេនាបតីតេជោ ហ៊ុន សែន និងរាជរដ្ឋាភិបាលកម្ពុជា តែងចាត់ទុកបងប្អូនមានពិការភាពជាមូលធនមនុស្សដ៏មានសក្តានុពល និងបានកំណត់យ៉ាងច្បាស់នៅក្នុងបញ្ចកោណយុទ្ធសាស្ត្រទី ១ នៃ យុទ្ធសាស្ត្របញ្ចកោណ-ដំណាក់កាលទី ១ របស់រាជរដ្ឋាភិបាល នីតិកាលទី ៧ នៃរដ្ឋសភា ដែលផ្តោត ជាចម្បងលើការអភិវឌ្ឍមូលធនមនុស្ស សម្រាប់ជំរុញពិពិធកម្មកំណើនសេដ្ឋកិច្ច និងការអភិវឌ្ឍសង្គម-សេដ្ឋកិច្ចជាតិ ប្រកប ដោយបរិយាប័ន្ន និងភាពធន់ ។ ការណ៍នេះ បានបង្ហាញយ៉ាងច្បាស់នូវការយកចិត្តទុកដាក់របស់រាជរដ្ឋាភិបាលក្នុងការធានាថាបងប្អូនមានពិការភាព ពិតជាមានឱកាសពេញលេញ ក្នុងការទទួលបានការគាំពារសិទ្ធិ និងការចូលរួម ក្នុងកិច្ចការសង្គម និងសេដ្ឋកិច្ច ប្រកបដោយបរិយាប័ន្ន ។ជាក់ស្តែង រាជរដ្ឋាភិបាលកម្ពុជាបានកំណត់កូតារហូតដល់ចំនួន ២% សម្រាប់ជ្រើសរើសជនមានពិការភាពឱ្យបម្រើការងារនៅក្រសួង-ស្ថាប័នរដ្ឋ ស្របតាមច្បាប់ស្តីពីកិច្ចការពារ និងលើកកម្ពស់សិទ្ធិជនពិការ ។ បន្ថែមលើនេះ វិស័យឯកជនត្រូវបានលើកទឹកចិត្តជាពិសេសឱ្យទទួលយកជនមានពិការភាពឱ្យចូលបម្រើការងារ ដើម្បីលើកកម្ពស់ជីវភាពគ្រួសារ និងផ្តល់ឱកាសដល់ជនមានពិការភាព ក្នុងការរួមចំណែកដល់កិច្ចការអភិវឌ្ឍសេដ្ឋកិច្ច-សង្គម ឱ្យបានកាន់តែទូលំទូលាយថែមទៀត ។ សម្តេចនាយករដ្ឋមន្ត្រី ក៏បានសង្កត់បញ្ជាក់ផងដែរថា រាជរដ្ឋាភិបាល «មិនទុកជនមានពិការភាពណាម្នាក់ឱ្យនៅឯកោដោយគ្មានការជួយជ្រោមជ្រែងនោះឡើយ» ។សម្តេចធិបតី បានបន្តទៀតថា ការលើកកម្ពស់សិទ្ធិរស់រានមានជីវិតរបស់ជនមានពិការភាព គឺជាការចាំបាច់ ដើម្បីធ្វើឱ្យជនមានពិការភាពទាំងអស់ទទួលបានសិទ្ធិដូចប្រជាជនដែលគ្មានពិការភាពផងដែរ រួមមាន សិទ្ធិទទួលបានការអប់រំ ការថែទាំសុខភាព សេវាយុត្តិធម៌ និងការចូលរួម នៅក្នុងសកម្មភាពសង្គម សាសនា កីឡា សិល្បៈ នយោបាយ ដោយពេញលេញ និងស្មើភាព។ ការកែលម្អ និងអភិវឌ្ឍនូវបរិស្ថានរូបវន្ត មធ្យោបាយដឹកជញ្ជូនសាធារណៈ ចំណេះដឹង ព័ត៌មាន និងទំនាក់ទំនងក្នុងយុគសម័យឌីជីថល ក៏ជាកត្តាចាំបាច់ ក្នុងការជំរុញការចូលរួមប្រកបដោយចីរភាពរបស់ជនមានពិការភាព ផងដែរ ។ យ៉ាងណាម៉ិញ ការរើសអើង និងការមើលរំលងនូវសមត្ថភាពរបស់ជនមានពិការភាព គឺជាកំហុសឆ្គង ទាំងផ្នែកសីលធម៌ ស្មារតី និងគោលការណ៍សកលស្តីពីជនមានពិការភាព ព្រមទាំងនាំឱ្យបាត់បង់សាមគ្គីភាព ភាពសុខដុម និងភាពជឿជាក់គ្នាក្នុងសហគមន៍ ដូច្នេះ ការពង្រឹងវិស័យពិការភាព គឺជាការរួមគ្នាបង្កើនបន្ថែមជូនជនមានពិការភាព នូវក្តីសង្ឃឹមភាពអង់អាច និងលើកកម្ពស់សិទ្ធិសេរីភាព សេចក្តីថ្លៃថ្នូររបស់ជនមានពិការភាព ព្រមទាំងផ្លាស់ប្តូរឱ្យមានការគិតជាវិជ្ជមានប្រកបដោយគុណធម៌សម្រាប់ជនមានពិការភាព ។ជាចុងក្រោយ សម្តេចមហាបវរធិបតី បានធ្វើការកោតសរសើរចំពោះថ្នាក់ដឹកនាំ មន្ត្រីរាជការ បងប្អូនមានពិការភាព និងគ្រប់ភាគីពាក់ព័ន្ធទាំងអស់នៃមជ្ឈមណ្ឌលជាតិនៃជនពិការតេជោសែន និងគណៈកម្មាធិការជាតិប៉ារ៉ាឡាំពិកកម្ពុជា ដែល បានខិតខំប្រឹងប្រែងអស់កម្លាំងកាយចិត្ត បញ្ញា ស្មារតី តស៊ូ ព្យាយាម និងអត់ធ្មត់ ក្នុងការបំពេញតួនាទី ភារកិច្ច និងបេសកកម្មរបស់ខ្លួនជូនជាតិមាតុភូមិ និងប្រជាជន ជាពិសេស ជនមានពិការភាពរបស់យើង ។ ព្រមទាំង បានអរគុណចំពោះការចូលរួមរបស់ដៃគូអភិវឌ្ឍន៍ អង្គការជាតិ-អន្តរជាតិ សាលាបណ្តុះបណ្តាលវិជ្ជាជីវៈ ស្ថាប័ន និង អាជ្ញាធរពាក់ព័ន្ធទាំងអស់ ដែលបានសហការ និងផ្តល់ការឧបត្ថម្ភគាំទ្រទាំងសម្ភារៈ ថវិកា និង បច្ចេកទេស ដែលការណ៍នេះ រួមចំណែកដល់ការលើកកម្ពស់សិទ្ធិជនមានពិការភាព និង លើកកម្ពស់ជីវភាពបងប្អូនឱ្យកាន់តែប្រសើរ ។ ទន្ទឹមនេះផងដែរ សម្តេចធិបតីនាយករដ្ឋមន្រ្តី បានឯកភាពធ្វើជាប្រធានកិត្តិយសនៃមជ្ឈមណ្ឌលជាតិនៃជនពិការតេជោសែន និងគណៈកម្មាធិការជាតិប៉ារ៉ាឡាំពិកកម្ពុជា ព្រមទាំងបានអនុញ្ញាតឱ្យបង្កើត «មូលនិធិកីឡាជនពិការតេជោសែន» ដើម្បីជួយជំរុញការអភិវឌ្ឍវិស័យកីឡាជនមានពិការភាពឱ្យកាន់តែរីកចម្រើនខ្លាំងក្លាថែមទៀត ៕

បណ្ដាញសង្គម

ព័ត៌មានថ្មីៗ

ឯកអគ្គរដ្ឋទូត៖ ដាណឺម៉ាកប្រើកោះ Bornholm ដើម្បីគំរាមកំហែងសន្តិសុខរបស់រុស្ស៊ី រួមទាំងតំបន់ Kaliningrad
09/20/2025 04:09 PM
Facebook Telegram Linkin
មនុស្សរាប់ពាន់នាក់ ធ្វើបាតុកម្មនៅយេម៉ែនប្រឆាំងនឹងប្រតិបត្តិការយោធាអ៊ីស្រាអែល នៅតំបន់ហ្កាហ្សា
09/20/2025 04:09 PM
Facebook Telegram Linkin
អាមេរិក កំពុងពិភាក្សាជាមួយក្រុមតាលីបង់អំពីការវិលត្រឡប់នូវយោធារបស់ខ្លួន ទៅមូលដ្ឋានទ័ពអាកាស Bagram វិញ
09/20/2025 04:09 PM
Facebook Telegram Linkin
កូរ៉េខាងត្បូង មានបំណងរក្សាទំនាក់ទំនងជាមួយរុស្ស៊ី
09/20/2025 03:09 PM
Facebook Telegram Linkin
រុស្ស៊ីបើកការវាយប្រហារចង្កោមលើគោលដៅអ៊ុយក្រែន ចំណែកអ៊ុយក្រែន បានវាយប្រហារមជ្ឈមណ្ឌលដឹកជញ្ជូនយោធារុស្ស៊ី
09/20/2025 03:09 PM
Facebook Telegram Linkin
មន្ត្រីជាន់ខ្ពស់៖ យន្តហោះចម្បាំង MiG-31 របស់រុស្ស៊ី មិនបានបំពានដែនអាកាសអេស្តូនីទេ
09/20/2025 03:09 PM
Facebook Telegram Linkin
គណៈកម្មាការអឺរ៉ុប៖ និយាយថា ប្រទេសចំនួន៨របស់សហភាពអឺរ៉ុប បន្តនាំចូលឧស្ម័នពីរុស្ស៊ី
09/20/2025 03:09 PM
Facebook Telegram Linkin
លោកស្រី von der Leyen ៖ គណៈកម្មការអឺរ៉ុបស្នើឲ្យដាក់ទណ្ឌកម្មប្រឆាំងនឹងក្រុមហ៊ុនរុស្ស៊ី និងបរទេសចំនួន ៤៥
09/20/2025 03:09 PM
Facebook Telegram Linkin
ប្រមុខ UN និយាយថា ពិភពលោក មិនគួរត្រូវបានបំភិតបំភ័យដោយអ៊ីស្រាអែលទេ
09/20/2025 03:09 PM
Facebook Telegram Linkin
UN និយាយថា ការសម្លាប់ជនស៊ីវិល កើនឡើងគួរឲ្យកត់សម្គាល់ នៅក្នុងសង្គ្រាមស៊ូដង់ នៅឆ្នាំនេះ
09/20/2025 03:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.