BTV NEWS

សភាពាណិជ្ជកម្មកម្ពុជា រៀបចំវេទិកាធុរកិច្ច និងនវានុវត្តន៍២០២៥ ដើម្បីលើកកម្ពស់វិស័យនវានុវត្តន៍និងធុរកិច្ច

ប្រធានសមាគមអ្នកផ្គត់ផ្គង់ត្រីប្ដេជ្ញាចិត្តចូលរួមផ្គត់ផ្គង់ទិន្នផលត្រីឱ្យឆ្លើយតបតាមតម្រូវការទីផ្សារ

រដ្ឋមន្ត្រីក្រសួងសាធារណការ ចូលរួមកិច្ចប្រជុំពិភាក្សាការងារលើការរៀបចំផែនការមេ និងការអភិវឌ្ឍច្រករបៀងគម្រោងព្រែកជីកហ្វូណនតេជោ

ឯកឧត្តម ឌិត ទីណា ចុះត្រួតពិនិត្យស្ថានភាពដីសម្រាប់ផលិតកម្មដំណាំបន្លែដេីម្បីផ្គត់ផ្គង់ដល់កងទ័ព

សេដ្ឋកិច្ច និង កសិកម្ម

ក្រសួងពាណិជ្ជកម្ម ជំរុញការពង្រឹងគុណភាពផលិតផលខ្មែរ ដើម្បីនាំចេញទៅក្រៅប្រទេស

ភ្នំពេញ៖ ក្រសួងពាណិជ្ជកម្ម នៅព្រឹកថ្ងៃទី១៦ ធ្នូ ឆ្នាំ២០២២នេះ បានរៀបចំសិក្ខាសាលាស្តីពី ការពង្រឹងគុណភាពផលិតផលខ្មែរ និងសេវាកម្ម ដើម្បីជំរុញការនាំចេញ ដោយមានការអញ្ជើញចូលរួមពីមន្រ្តីជំនាញអន្តរក្រសួង តំណាងក្រុមហ៊ុន សហគ្រាស និងតំណាងផ្សារទំនើបជាដើម សរុបចំនួនប្រហែលជិត ១០០នាក់។ឯកឧត្តម កៅ កោសល អគ្គនាយកនៃអគ្គនាយកដ្ឋានជំរុញពាណិជ្ជកម្ម នៃក្រសួងពាណិជ្ជកម្ម បានឲ្យដឹងថា គោលបំណងសំខាន់នៃអង្គពិធីនេះ គឺដើម្បីចង់បំផុសចលនាមហាជន ពិសេសប្រជាជនកម្ពុជាឲ្យងាកមក គាំទ្រការប្រើប្រាស់ផលិតផលខ្មែរឲ្យបានច្រើន។សិក្ខាសាលានេះ គឺធ្វើអមជាមួយព្រឹត្តិការណ៍ ពិព័រណ៍ផលិតផលខ្មែរ និងទំនិញនាំចេញ-នាំចូល លើកទី១៥ សម្រាប់ប្រជាពលរដ្ឋខ្មែរជាទូទៅ ឲ្យបានឃើញ និងស្គាល់ផលិតផលរបស់ខ្មែរឲ្យកាន់តែទូលំទូលាយ។ ឯកឧត្តម បានឲ្យដឹងទៀតថា គោលបំណងមួយទៀតនោះ ដើម្បីជំរុញអ្នកផលិត និងអ្នកនាំចេញទាំងអស់ឲ្យពង្រឹងគុណភាព ពង្រឹងសេវាលើផលិតផលខ្មែរឲ្យមានគុណភាពខ្ពស់ ការវេចខ្ចប់បានត្រឹមត្រូវ លក់ក្នុងតម្លៃសមស្រប ដើម្បីអាចជំរុញដល់ការនាំចេញផលិតផលខ្មែរទៅកាន់ទីផ្សារនៅក្រៅប្រទេស។យោងតាមបទបង្ហាញ ការលើកកម្ពស់ផលិតផលខ្មេរស្របតាមតម្រូវការទីផ្សារ របស់លោក ហ៊ឹង ចក់ អនុប្រធាននាយកដ្ឋានអភិវឌ្ឍន៍ទីផ្សារ បានឲ្យដឹងថា មកដល់ពេលនេះ ក្រសួងពាណិជ្ជកម្ម បាននិងកំពុងរៀបចំគោលនយោបាយ និងយុទ្ធសាស្រ្តចរចាបើកទីផ្សារ ដើម្បីទាញយកឲ្យបាននូវកិច្ចព្រមព្រៀងពាណិជ្ជកម្មសេរីជាមួយប្រទេសធំៗ និងតំបន់ចំនួន៨ នៅទូទាំងពិភពលោក រួមមាន៖ប្រទេសចិន, កូរ៉េខាងត្បូង, ជប៉ុន, អង់គ្លេស, អាម៉េរិក, ឥណ្ឌា, ម៉ុងហ្គោលី និងសហភាពសេដ្ឋកិច្ចអឺរ៉ាស៊ាន។សូមបញ្ជាក់ថា ពាក់ព័ន្ធពិព័រណ៍ផលិតផលខ្មែរ និងទំនិញនាំចេញ-នាំចូល លើកទី១៥ ដែលរៀបចំឡើងនៅអគារពិព័រណ៍កោះពេជ្រ រាជធានីភ្នំពេញ គឺមានរយៈពេល ៤ថ្ងៃ ចាប់ពីថ្ងៃទី១៥ ដល់១៨ ខែធ្នូ ឆ្នាំ២០២២ ដោយមានស្តង់សរុបចំនួន ២៦៨ស្តង់ ក្នុងនោះមានស្តង់ពីស្ថានទូតបរទេសប្រចាំនៅកម្ពុជា ស្តង់មកពីរាជធានី-ខេត្ត សភាពាណិជ្ជកម្មកម្ពុជា សហព័ន្ធស្រូវអង្ករ អង្គការ សមាគមអាជីវកម្ម ក្រុមហ៊ុន សហគ្រាសក្នុងស្រុក និងមកពីបរទេសដែលមានក្រុមហ៊ុន សហគ្រាសសរុបចំនួន ១៨១ក្រុមហ៊ុន៕ អត្ថបទ៖ ឈិត បូរ៉ាវី

អ្នកជំនាញជំរុញភាគីពាក់ព័ន្ធ អនុវត្តតាមលក្ខខណ្ឌរបស់ប្រទេសចិន ដើម្បីធានានិរន្តរភាពនាំចេញផ្លែមៀនស្រស់

ភ្នំពេញ៖ ជាថ្មីម្តងទៀត អ្នកជំនាញវិស័យកសិកម្ម បានជំរុញដល់ប្រជាពលរដ្ឋ និងភាគីពាក់ព័ន្ធ បន្តអនុវត្តតាមលក្ខខណ្ឌតម្រូវរបស់ប្រទេសចិន ដើម្បីធានានិរន្តរភាពនាំចេញផ្លែមៀនស្រស់។មានប្រសាសន៍ប្រាប់BTV នៅថ្ងៃទី១៦ ខែធ្នូនេះ លោក ជួ មករា ប្រធានសហភាពសហគមន៍ផ្លែមៀនកម្ពុជា បានឲ្យដឹងថា បច្ចុប្បន្នសហគមន៍មិនទាន់សាកល្បងនាំផ្លែមៀនស្រស់ពីកម្ពុជាទៅកាន់ប្រទេសចិននោះ បើទោះបីក្រសួងកសិកម្ម រុក្ខាប្រមាញ់ និងនេសាទ បានចុះកិច្ចព្រៀមព្រៀងនាំផ្លែមៀនស្រស់ពីកម្ពុជាទៅកាន់ប្រទេសចិន កាលអំឡុងចុងខែតុលាកន្លងទៅ ដោយសារសហគមន៍កំពុងរៀបចំលក្ខណៈបច្ចេកទេសដោយគោរពតាមលក្ខខណ្ឌរបស់ភាគីចិន។ លោកថា ការនាំផ្លែមៀនស្រស់របស់សហគមន៍ គ្រោងនឹងចាប់ផ្តើមនៅខែមីនា ឆ្នាំ២០២៣ ក្នុងរង្វង់បរិមាណចាប់ពី ១០០តោនឡើងទៅ។ លោក ជួ មករា បានជំរុញដល់ប្រជាកសិករ និងភាគីពាក់ព័ន្ធ បន្តពង្រឹងលក្ខខណ្ឌរបស់ប្រទេសចិន ដើម្បីធានានិរន្តរភាពនាំចេញផ្លែមៀពីកម្ពុជាទៅប្រទេសចិន ខណៈបច្ចុប្បន្នមានអ្នកវិនិយោគិនមួយចំនួននាំផ្លែមៀនស្រស់ចេញទៅជាបន្តបន្ទាប់។នៅចុងខែតុលា ឆ្នាំ២០២២នេះ ក្រសួងកសិកម្ម រុក្ខាប្រមាញ់ និងនេសាទ បានរៀបចំពីសម្ពោធនាំចេញផ្លែមៀនស្រស់កម្ពុជា ទៅកាន់ទីផ្សារចិនជាផ្លូវការ ក្រោមអធិបតីភាពឯកឧត្តម ឌិត ទីណា រដ្ឋមន្ដ្រីក្រសួងកសិកម្ម និងឯកឧត្តម វ៉ាង វិនធាន ឯកអគ្គរដ្ឋទូតចិនប្រចាំនៅកម្ពុជា។នៅក្នុងឱកាសនោះ ឯកឧត្តម ឌិត ទីណា រដ្ឋមន្រ្តីថ្មី ក្រសួងកសិកម្ម រុក្ខាប្រមាញ់ និងនេសាទ បានថ្លែងថា ការសម្រេចបានសិទ្ធិនាំចេញផ្លែមៀនស្រស់ជាផ្លូវការ ទៅកាន់ប្រទេសចិន គឺជាការបោះជំហានទៅមុខយ៉ាងវែងសម្រាប់កម្ពុជា។ នេះគឺជាជោគជ័យថ្មីមួយទៀត ដែលប្រសូតចេញពីកិច្ចសហប្រតិបត្តិការ ភាពជាដៃគូយុទ្ធសាស្រ្តគ្រប់ជ្រុងជ្រោយ រវាងប្រទេសទាំងពីរ ដែលនឹងចូលរួមចំណែកយ៉ាងសំខាន់ ដល់ការអភិវឌ្ឍវិស័យកសិកម្ម។បច្ចុប្បន្នចំការមៀនដែលទទួលបានការអនុម័ត ចុះបញ្ជីជាផ្លូវការឱ្យនាំចេញផ្លែមៀនទៅកាន់ទីផ្សារចិន មានចំនួន៧៤ ក្នុងនោះនៅខេត្តប៉ៃលិនចំនួន ៤០ចំការ បាត់ដំបងចំនួន២៨ ចំការ និងបន្ទាយមានជ័យចំនួន ៦ចំការ។ ដោយឡែក រោងចក្រវេចខ្ចប់មានចំនួន ៨ រួមមាននៅខេត្តកណ្តាលចំនួន ១ ខេត្តបាត់ដំបង ចំនួន៣ ខេត្តប៉ៃលិនចំនួន២ និងខេត្តព្រះសីហនុចំនួន២៕ អត្ថបទ៖ សោភណ្ឌ

ADB អនុម័តកម្មវិធីអភិវឌ្ឍន៍ គាំទ្រកម្មវិធីអន្តរកម្មថាមពលរបស់កម្ពុជា

ភ្នំពេញ៖ ធនាគារអភិវឌ្ឍន៍អាស៊ី (ADB) បានអនុម័តកម្មវិធីអភិវឌ្ឍន៍តាមវិស័យមួយដែលរួមបញ្ចូលកម្ចីផ្អែកលើគោលនយោបាយចំនួន៥០លានដុល្លារ និងការវិនិយោគគម្រោងចំនួន ២៣លានដុល្លារដើម្បីគាំទ្រអន្តរកម្មថាមពលរបស់ប្រទេសកម្ពុជា។កម្មវិធីអភិវឌ្ឍន៍តាមវិស័យសម្រាប់អន្តរកម្មថាមពលនេះ រួមមានកញ្ចប់កំណែទម្រង់គោលនយោបាយដ៏ទូលំទូលាយដំបូងរបស់ ADB សម្រាប់វិស័យថាមពលនៅកម្ពុជាដែលនឹងត្រូវបានផ្តល់ហិរញ្ញប្បទានដោយប្រាក់កម្ចីចំនួន៤០លានដុល្លារពីធនធានសម្បទានរបស់ ADB និងប្រាក់កម្ចីចំនួន ១០លានដុល្លារពីមូលនិធិហេដ្ឋារចនាសម្ព័ន្ធអាស៊ាន ដែលជាផ្នែកមួយនៃហិរញ្ញវត្ថុកាតាលីករបៃតងអាស៊ាន (ACGF)។នេះបើយោងតាមសេចក្តីប្រកាសព័ត៌មានចេញផ្សាយនៅថ្ងៃទី ១៥ខែធ្នូនេះ។ក្នុងសេចក្ដីប្រកាស បានបញ្ជាក់ថា សម្រាប់ការវិនិយោគលើហេដ្ឋារចនាសម្ព័ន្ធចំនួន ២៣លានដុល្លារនោះ កម្មវិធីបង្កើនថាមពលកកើតឡើងវិញសម្រាប់កម្ពុជារបស់មូលនិធិវិនិយោគអាកាសធាតុ នឹងផ្តល់ប្រាក់កម្ចីចំនួន៦លានដុល្លារ និងជំនួយចំនួន៥លានដុល្លារដែលជាហិរញ្ញប្បទានអាកាសធាតុ។ មូលនិធិអាកាសធាតុបៃតងនឹងបន្ថែមប្រាក់កម្ចីចំនួន១២លានដុល្លារតាមរយៈកម្មវិធីការស្តាឡើងវិញបៃតងនៃហិរញ្ញវត្ថុកាតាលីករបៃតងអាស៊ាន។ ចំពោះថវិកាទាំងអស់នឹងត្រូវគ្រប់គ្រងដោយ ADB។កម្មវិធីនេះ គាំទ្ររបៀបវារៈនៃអន្តរកម្មរថាមពលរបស់រាជរដ្ឋាភិបាលកម្ពុជាដើម្បីបង្កើនថាមពលកកើតឡើងវិញនិងប្រសិទ្ធភាពថាមពលនិងផ្លាស់ចេញពីឥន្ធនៈហ្វូស៊ីល។គម្រោងនេះ បង្កើតការធ្វើផែនការ និងបទបញ្ញាតិ្តដោយប្រើទិន្នន័យសម្រាប់ប្រព័ន្ធថាមពលដើម្បីបង្កើនភាពបត់បែននិងភាពធន់ និងពង្រឹងការវិនិយោគហេដ្ឋារចនាសម្ព័ន្ធថ្មីសម្រាប់ការធ្វើផែនការយុទ្ធសាស្រ្ត ព្រមទាំងបង្ហាញពីបច្ចេកវិទ្យា និងគំរូអាជីវកម្មថ្មីៗ។កម្មវិធីនេះបង្កើតឡើងផ្អែកលើជោគជ័យសំខាន់ៗ ដែលបង្ហាញពីការផ្លាស់ប្តូរថាមពលកំពុងមានសកម្មភាព។ ប្រព័ន្ធដែលភ្ជាប់បណ្តាញថាមពលពន្លឺព្រះអាទិត្យដំបូងគេបង្អស់របស់ប្រទេសត្រូវបានជំរុញដោយវិស័យឯកជន និង ផ្តល់ហិរញ្ញប្បទានដោយ ADB ក្នុងឆ្នាំ២០១៦។ដោយមានការគាំទ្របន្ថែមពី ADB ក្នុងឆ្នាំ២០១៨ រាជរដ្ឋាភិបាលបានរៀបចំផែនការមេថាមពលពន្លឺព្រះអាទិត្យនិងដាក់ឱ្យដំណើរការសួនថាមពលពន្លឺព្រះអាទិត្យដំបូងបង្អស់របស់ប្រទេសកម្ពុជាដែលមានសមត្ថភាព ១០០ មេហ្គាវ៉ាត់ ក្នុងឆ្នាំ២០១៩ ក្រោមវិធីសាស្រ្តភាពជាដៃគូរវាងវិស័យសាធារណៈ និងឯកជនដែលនាំឱ្យតម្លៃថាមពលពន្លឺព្រះអាទិត្យមានកម្រិតទាបបំផុតនៅក្នុងតំបន់នាពេលនោះ។កាលពីដើមឆ្នាំនេះរាជរដ្ឋាភិបាលបានផ្តួចផ្តើមបង្កើតកម្មវិធីលទ្ធកម្មថាមពលពន្លឺព្រះអាទិត្យ២ ជីហ្គាវ៉ាត់ ជាមួយនឹងថ្មផ្ទុកដែលត្រូវបានគាំទ្រដោយADB ផងដែរ៕ អត្ថបទ៖ វណ្ណៈ

ក្រសួងសេដ្ឋកិច្ច៖ ស្ថានភាពបំណុលសាធារណៈកម្ពុជា នៅតែមានចីរភាព និងហានិភ័យកម្រិតទាប

ភ្នំពេញ៖ គិតត្រឹមដំណាច់ត្រីមាសទី៣ ឆ្នាំ២០២២នេះ រួមបញ្ចូលទាំងបំណុលមរតកកម្ពុជា មានសន្និធិបំណុលសាធារណៈសរុបចំនួន ៩.៤៧ ប៊ីលានដុល្លារអាមេរិក ដែលឆ្លុះបញ្ចាំងថា ស្ថានភាពបំណុលសាធារណៈកម្ពុជា នៅតែមានចីរភាព និងហានិភ័យកម្រិតទាប។យោងតាមព្រឹត្តិបត្រស្ថិតិបំណុលសាធារណៈកម្ពុជា របស់ក្រសួងសេដ្ឋកិច្ច និងហិរញ្ញវត្ថុ ចេញផ្សាយនៅថ្ងៃទី១៤ ខែធ្នូ ឆ្នាំ២០២២នេះ បានឱ្យដឹងថា គិតត្រឹមដំណាច់ត្រីមាសទី៣ ឆ្នាំ២០២២នេះ រួមបញ្ចូលទាំងបំណុលមរតក កម្ពុជាមានសន្និធិបំណុលសាធារណៈសរុបចំនួន ៩.៤៧ ប៊ីលានដុល្លារអាមេរិក ក្នុងនោះ ៩.៤៦ប៊ីលានដុល្លារ ជាបំណុលសាធារណៈក្រៅប្រទេស ដែលស្មើ ៩៩.៨៩% និង១០.១៥លានដុល្លារ ឬប្រមាណ ០.១១% ជាបំណុលសាធារណៈក្នុងប្រទេស។គិតចាប់ពីត្រីមាសទី១ ដល់ត្រីមាសទី៣ ឆ្នាំ២០២២នេះ កម្ពុជាបានចុះកិច្ចព្រមព្រៀងឥណទានសម្បទានថ្មី ជាមួយដៃគូអភិវឌ្ឍន៍នានា ចំនួន ១ ២១៧.៩០ លានដុល្លារអាមេរិក ស្មើនឹង ៩៤៩. ៨៣ លានដុល្លារអេសដេអ៊ែរ ឬស្មើនឹង៥៩% នៃពិដានដែលច្បាប់អនុញ្ញាត។ ក្នុងនោះក្របខ័ណ្ឌទ្វេភាគីមានប្រមាណ ៦៨% និងពហុភាគី មានប្រមាណ ៣២%។ ក្រសួងសេដ្ឋកិច្ច បានបញ្ជាក់ថា គោលដៅនៃការចុះកិច្ចព្រមព្រៀងឥណទានថ្មីទាំងនេះ គឺសម្រាប់បំពេញតម្រូវការហិរញ្ញប្បទាន ក្នុងវិស័យអទិភាពរបស់រាជរដ្ឋាភិបាល សំដៅរួមចំណែកទ្រទ្រង់ចីរភាពនៃកំណើនរយៈពេលវែង និងបង្កើនផលិតភាពសេដ្ឋកិច្ច ឬផលិតភាពផលិតកម្ម។ក្រសួងសេដ្ឋកិច្ច និងហិរញ្ញវត្ថុ លើកឡើងថា លទ្ធផលបឋមនៃការវិភាគចីរភាពបំណុល រហូតដល់ដំណាច់ឆ្នាំ២០២២ បង្ហាញថា បើទោះបីជាសេដ្ឋកិច្ចកម្ពុជា ទទួលរងនូវផលប៉ះពាល់ពីការរីករាលដាលនៃការវិបត្តិជំងឺកូវីដ១៩ និងពីកត្តាខាងក្រៅផ្សេងទៀតក្តី នៅតែស្ថិតក្នុងភាពអាចគ្រប់គ្រងបាន ពោលគឺនៅតែមានចីរភាព និងហានិភ័យកម្រិតទាបដដែល ដោយរាល់សូចនាករបំណុលគន្លឹះៗទាំងអស់សុទ្ធតែ ស្ថិតក្រោអនុបាតតម្លៃបច្ចុប្បន្ននៃបំណុលសាធារណៈក្រៅប្រទេសធៀបនឹង ផ.ស.ស មានត្រឹមកម្រិត ២៤.៩% ធៀបនឹងអនុបាតគោល ៤០%។ក្នុងរយៈពេល៩ខែ រាជរដ្ឋាភិបាលកម្ពុជា បានទូទាត់សេវាបំណុល ជូនដៃគូអភិវឌ្ឍន៍ចំនួន ៤០៤.៥៧លានដុល្លារអាមេរិក កើនឡើង១៩% បើធៀបនឹងរយៈពេលដូចគ្នាកាលពីឆ្នាំមុន ក្នុងនោះសម្រាប់ក្របខណ្ឌទ្វេភាគីចំនួន ៣១១.៦៧លានដុល្លារអាមេរិក និងពហុភាគីចំនួ ៩២.៩០លានដុល្លារអាមេរិក។សូមបញ្ជាក់ផងដែរ ក្នុងចំណោមបំណុលសាធារណៈ សរុប ៩.៤៧ប៊ីលានដុល្លារអាមេរិកនេះ ក្នុងនោះកម្ពុជាជំពាក់ចិនចំនួន ៤១%, ជប៉ុន ១០%, កូរ៉េ ៥%, បារាំង ៥%, បំណុលមរតក មានចំនួន ៧% , ADB ២០%, ធនាគារពិភពលោក ៩% និងពហុភាគីផ្សេងទៀត៕អត្ថបទ វណ្ណៈ

ពលរដ្ឋខេត្តស្វាយរៀង ប្រមូលទុកដាក់ផលស្រូវបានជាង៤សែនតោន

ស្វាយរៀង៖ គិតត្រឹមថ្ងៃទី១០ ខែធ្នូឆ្នាំនេះ កសិករនៅទូទាំងខេត្តស្វាយរៀង បានធ្វើការប្រមូលទុកដាក់ផលស្រូវបានជាង៤សែនតោនហើយ នៅលើផ្ទៃដី ១៣៣ ពាន់៣០៩ហិកតា ដោយទទួលបានទិន្នផល គិតជាមធ្យមក្នុង១ហិកតា ២តោន ៨០០គីឡូក្រាម សម្រាប់ហូបចុក និងបម្រើទីផ្សារ ។លោក សុខ សុទ្ធាវុធ ប្រធានមន្ទីរកសិកម្មរុក្ខាប្រមាញ់ និងនេសាទខេត្តស្វាយរៀង នៅថ្ងៃទី១៣ ខែធ្នូ នេះបានប្រាប់ទូរទស្សន៍ BTVតាមសារតេឡេក្រាមថា នៅរដូវវស្សាឆ្នាំ២០២២នេះ ពលរដ្ឋ នៅខេត្តស្វាយរៀង សម្រេចផលិតស្រូវបានជាង៩០% នៃផែនការផលិតស្រូវប្រចាំឆ្នាំ១៦៧ពាន់ ៥០០ហិកតា ក្នុងនោះ ស្រូវជាង ៥០០ហិកតា ស្ថិតនៅក្រុងបាវិត ស្រុកកំពង់រោទិ៍ និងស្រុកស្វាយជ្រំ បានរងជំនន់ទឹកភ្លៀង ជន់លិចខូចខាត។ទាក់ទងទៅនឹងតម្លៃស្រូវនៅខេត្តស្វាយរៀង ក្នុងពេលបច្ចុប្បន្ននេះ ក្រុមឈ្មួញបានដើរប្រមូលទិញ ពីកសិករនៅតាមគ្រួសារ ដើម្បីយកទៅលក់បន្ត នៅតាមខ្សែបន្ទាត់ព្រំដែនកម្ពុជា វៀតណាម ក្នុងភូមិ សាស្ត្រច្រកទ្វារព្រំដែនអន្តរជាតិព្រៃវ័ល្ល ឃុំថ្មី ស្រុកកំពង់រោទិ៍ ក្នុង១គីឡូក្រាមស្រូវ (អ៊ី អ៊ែរ) ចម្រុះហើយសើមមានតម្លៃ៩៣០រៀល ទៅ៩៤០រៀល ឯស្រូវស្រែចម្រុះ ហើយសើម មានតម្លៃក្នុង១គីឡូក្រាម ពី១ ពាន់រៀល ទៅ១ពាន់១០០រៀល បើប្រៀបធៀបទៅនឹងតម្លៃស្រូវឆ្នាំ២០២១ មានតម្លៃប្រហាក់ប្រហែលគ្នាទេ តែបើវិភាគផ្នែកសេដ្ឋកិច្ច ការងារធ្វើស្រែរបស់កសិករនៅឆ្នាំនេះ មានផលចំណេញតិចតួច ចំពោះអ្នកមានមធ្យោបាលផលិត តែសម្រាប់អ្នកគ្មានមធ្យោបាយផលិត គឺខាតចូលថ្លៃដើម ដោយតម្លៃពលកម្ម និងសម្ភារកសិកម្ម ជី ថ្នាំកសិកម្ម ប្រេងឥន្ធនៈ មានតម្លៃទ្វេរដង ៕

ឥណទានរបស់ធនាគារ និងមីក្រូហិរញ្ញវត្ថុចូលរួមចំណែកយ៉ាងសំខាន់ដល់សកម្មភាពអាជីវកម្ម

ភ្នំពេញ៖ ប្រតិបត្តិការរបស់ធនាគារ និងគ្រឹះស្ថានមីក្រូហិរញ្ញវត្ថុកម្ពុជា បានបង្ហាញពីដំណើរការអាជីវកម្មដ៏រឹងមាំក្នុងត្រីមាសទី២ នៃឆ្នាំនេះ ដោយសារការស្ទុះងើបឡើងវិញយ៉ាងឆាប់រហ័សនៃសកម្មភាពអាជីវកម្មចាប់តាំងពីរាជរដ្ឋាភិបាលបានប្រកាសបើកដំណើរការសេដ្ឋកិច្ចសង្គមឡើងវិញពេញលេញនៅក្នុងខែវិច្ឆិកា ឆ្នាំមុន។ធនាគារជាតិនៃកម្ពុជា បានចេញផ្សាយរបាយការណ៍នាថ្ងៃទី ១១ ខែធ្នូ ឆ្នាំ ២០២២ បង្ហាញថា គិតត្រឹមដំណាច់ត្រីមាសទី២ ឆ្នាំ ២០២២ គ្រឹះស្ថានធនាគារ និងហិរញ្ញវត្ថុបានបង្កើនប្រាក់កម្ចីចំនួន ២១៦ ពាន់ពាន់លានរៀល ឬស្មើនឹងប្រមាណ ៥៣,១ ពាន់លានដុល្លារ ដល់វិស័យឯកជន កើន ២៣,៦ ភាគរយធៀបចុងត្រីមាសទី ២ ឆ្នាំមុន។ឥណទានដល់វិស័យឯកជនគ្របដណ្ដប់លើសំណង់ ការជួញដូរដុំ និងរាយ កសិកម្ម អង្គភាពគ្រួសារ និងកម្មន្តសាល និងវិស័យផ្សេងៗ ។ធនាគារជាតិនៃកម្ពុជា បានលើកឡើងថា ឥណទានគឺជាប្រភពទុនដ៏សំខាន់សម្រាប់គាំទ្រសកម្មភាពសេដ្ឋកិច្ច និងរួមចំណែកដល់វិស័យសំខាន់ៗដូចជា សំណង់ ការជួញដូរដុំ និងរាយ សេវាកម្ម កសិកម្មអង្គភាពគ្រួសារ និងកម្មន្តសាល។បច្ចុប្បន្នកម្ពុជាមានធនាគារពាណិជ្ជចំនួន ៥៦ ធនាគារឯកទេស ចំនួន១០ គ្រឹះស្ថានមីក្រូហិរញ្ញវត្ថុ ចំនួន ៨៤ក្រុមហ៊ុនភតិសន្យា ចំនួន ១៧ ការិយាល័យតំណាងធនាគារបរទេស ចំនួន៦ ក្រុមហ៊ុនផ្ដល់សេវាទូទាត់ចំនួន ៣០ និងប្រតិបត្តិករឥណទានជនបទចំនួន ២៣២៕អត្ថបទ៖ វណ្ណៈ

កម្ពុជានាំចូលប្រេង និងឧស្ម័នក្នុងទំហំទឹកប្រាក់ ៣,៣៨ពាន់លានដុល្លារ ក្នុងរយៈពេល១១ខែ

ភ្នំពេញ៖ កម្ពុជា បាននាំចូលប្រេងឥន្ទនៈ និងឧស្ម័ន ក្នុងទំហំទឹកប្រាក់ ប្រមាណជាង ៣ពាន់លានដុល្លារ ក្នុងរយៈពេល ១១ខែ ឆ្នាំ២០២២ ខណៈរាជរដ្ឋាភិបាល កំពុងជំរុញ និងទាក់ទាញវិនិយោគលើធនធានប្រេងកាត ដែលមានក្នុងប្រទេស។របាយការណ៍ពីអគ្គនាយកដ្ឋានគយ និងរដ្ឋាករ ចេញផ្សាយកាលពីថ្ងៃចន្ទ បង្ហាញថា ប្រទេសកម្ពុជាបាននាំចូលផលិតផលប្រេង និងឧស្ម័នមានតម្លៃ ៣,៣៨ ពាន់លានដុល្លារអាមេរិក ក្នុងរយៈពេល ១១ ខែដំបូងនៃឆ្នាំ ២០២២ កើនឡើងជិត ៥៨ ភាគរយធៀបនឹងរយៈពេលដូចគ្នាកាលពីឆ្នាំមុន។របាយការណ៍នេះ មិនបាននិយាយលម្អិត អំពីបរិមាណប្រេង និងឧស្ម័នដែលកម្ពុជា បាននាំចូលក្នុងអំឡុងខែមករាដល់ខែវិច្ឆិកាឆ្នាំនេះទេ។បច្ចុប្បន្ននេះ កម្ពុជាពឹងផ្អែកទាំងស្រុងលើការនាំចូលប្រេង និងឧស្ម័ន ដោយសារធនធានប្រេង និងឧស្ម័ននៅបាតសមុទ្ររបស់ខ្លួនមិនទាន់ត្រូវបានទាញយកបាននៅឡើយ។ កន្លងមក មានការទាញយកប្រេងពីបាទសមុទ្ររបស់កម្ពុជា ដោយក្រុមហ៊ុនវិនិយោគ KrisEnergy មកពីប្រទេសសឹង្ហបុរី ប៉ុន្តែខ្សែច្រវ៉ាក់នៃផលិតកម្មបូមប្រេងកាតនេះ ត្រូវបានផ្អាកដំណើរការទៅវិញ ក្រោមហេតុផលក្រុមហ៊ុនក្ស័យធុន។រដ្ឋមន្ត្រីក្រសួងរ៉ែ និងថាមពល ឯកឧត្តម ស៊ុយ សែម កាលពីពេលថ្មីៗនេះ បាននិយាយថា តម្រូវការផលិតផលប្រេងនៅកម្ពុជា ត្រូវបានគេព្យាករណ៍ថានឹងកើនឡើងដល់ ៤,៨លានតោននៅឆ្នាំ២០៣០ ពោលគឺកើនឡើងពី ២,៨លានតោនក្នុងឆ្នាំ២០២០។រដ្ឋមន្ត្រី បានមានប្រសាសន៍ថា ការវិនិយោគបន្ថែមទៀតនៅក្នុងវិស័យនេះ គឺចាំបាច់ ដើម្បីឆ្លើយតបទៅនឹងតម្រូវការដែលកំពុងកើនឡើងនេះ ៕ អត្ថបទ៖ វណ្ណៈ

វិស័យកសិកម្មមានសក្តានុពលទាក់ទាញ និងផ្តល់ឱកាសដល់អ្នកវិនិយោគ

ភ្នំពេញ៖ អ្នកជំនាញកសិកម្ម រំពឹងខ្ពស់លើវិស័យកសិកម្មនៅកម្ពុជា ជាឱកាសដល់អ្នកវិនិយោគ ស្របពេលរាជរដ្ឋាភិបាលបានលើកទឹកចិត្តដល់វិស័យឧស្សាហកម្មកែច្នៃពីកសិកម្ម និងមានគោលនយោបាយកាត់បន្ថយការនាំចូល និងពង្រីកការនាំចេញ។ឯកឧត្តមបណ្ឌិត តាន់ មុនីវណ្ណ អគ្គនាយករងក្រុមហ៊ុន ម៉ុង រិទ្ធី គ្រុប លើកឡើងថា នៅឆ្នាំ ២០២៣ វិស័យកសិកម្មនឹងមានកំណើនកាន់តែល្អប្រសើរ ដោយសាររាជរដ្ឋាភិបាល បានពង្រីកគោលនយោបាយធំៗបន្ថែមទៀតដូចជា ផែនទីចង្អុលផ្លូវសម្រាប់វិស័យកសិកម្ម និងការលើកទឹកចិត្តឧស្សាហកម្មកែច្នៃលើវិស័យកសិកម្ម ខណៈបច្ចុប្បន្ន វិស័យកសិកម្មនៅលើពិភពលោកកំពុងឡើងថ្លៃ។ ឯកឧត្តមបណ្ឌិត បន្តថា កម្ពុជាបានចុះកិច្ចព្រមព្រៀង FTA ជាមួយចិន និងជាមួយកូរ៉េ និងអាចពង្រីក FTA ទៅជាមួយប្រទេសផ្សេងៗបន្ថែមទៀត ដែលធ្វើឲ្យការនាំចេញវិស័យកសិកម្មនិងមានលក្ខណៈទូលំទូលាយជាងមុន ក្នុងនោះអ្វីដែលសំខាន់បំផុត គឺរាជរដ្ឋាភិបាលបានបង្កើតការលើកទឹកចិត្តទៅលើវិស័យឧស្សាហកម្មកែច្នៃ គឺមានគោលនយោបាយកាត់បន្ថយការនាំចូល និងពង្រីកការនាំចេញ និងបំពេញតម្រូវការក្នុងស្រុក។ក្រសួងសេដ្ឋកិច្ច និងហិរញ្ញវត្ថុ បានព្យាករ វិស័យកសិកម្ម នឹងបន្តសម្រេចបានកំណើនក្នុងរង្វង់ ០,៧% ក្នុងឆ្នាំ ២០២២ និង ១,១% ក្នុងឆ្នាំ ២០២៣ ដោយសារកំណើនរឹងមាំនៃអនុវិស័យចិញ្ចឹមសត្វ និងអនុវិស័យដំណាំ ស្របពេលដែលអនុវិស័យនេសាទរំពឹងថា នឹងបន្តងើបឡើងវិញសន្សឹមៗ ។ អនុវិស័យដំណាំ ត្រូវបានព្យាករថា នឹងមានកំណើន ១,៤% ក្នុងឆ្នាំ ២០២២ និង ១,៦% ក្នុងឆ្នាំ ២០២៣ ដោយសារការរំពឹងទុកនូវកំណើននៃការនាំចេញផលិតផលកសិកម្ម ជាពិសេសដំណាំរួមផ្សំ និងឧស្សាហកម្ម ដែលនឹងបន្តជំរុញដោយកិច្ចព្រមព្រៀងពាណិជ្ជកម្មសេរី រួមមាន “កិច្ចព្រមព្រៀងពាណិជ្ជកម្មសេរីកម្ពុជា-ចិន”, “កិច្ចព្រមព្រៀងពាណិជ្ជកម្មសេរីកម្ពុជា-កូរ៉េ” និង “កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយ (RCEP) ផងដែរ៕អត្ថបទ៖ សុន រ៉ាឌី

ការនាំចេញសរុបរបស់កម្ពុជាកើនឡើង ១៨ ភាគរយក្នុងរយៈពេល ១១ ខែ

ភ្នំពេញ៖ កម្ពុជាបាននាំចេញទំនិញសរុបមានទឹកប្រាក់ប្រមាញ ២០,៤ពាន់លានដុល្លារ ក្នុងរយៈពេល១១ខែ ឆ្នាំ២០២២នេះ កើនឡើង១៨ ភាគរយ ធៀបនឹងរយៈពេលដូចគ្នាកាលពីឆ្នាំមុន។របាយការណ៍របស់អគ្គនាយកដ្ឋានគយ និងរដ្ឋាករកាលពីថ្ងៃចន្ទ បានបង្ហាញថា កម្ពុជាបាននាំចេញផលិតផលសរុបក្នុងទឹកប្រាក់ចំនួន ២០,៤ ពាន់លានដុល្លារអាមេរិក ក្នុងរយៈពេល ១១ ខែ ឆ្នាំ ២០២២ កើនឡើង ១៨ ភាគរយ ពី១៧,៣ ពាន់លានដុល្លារ ក្នុងរយៈពេលដូចគ្នាកាលពីឆ្នាំមុន។របាយការណ៍ បានបន្តថា ផលិតផលនាំចេញសំខាន់ រួមមានសំលៀកបំពាក់ ស្បែកជើង និងផលិតផលធ្វើដំណើរកង់ និងទំនិញកសិកម្មមួយចំនួនដូចជា អង្ករ កៅស៊ូ ដំឡូងមី ចេក និងស្វាយ។របាយការណ៍ បានបន្ថែមថា ទិសដៅនាំចេញធំៗទាំង៥ សម្រាប់កម្ពុជាក្នុងអំឡុងខែមករាដល់ខែវិច្ឆិកាគឺសហរដ្ឋអាមេរិក វៀតណាម ចិន អាល្លឺម៉ង់ និងជប៉ុន។ជាមួយគ្នានេះ កម្ពុជា បាននាំចូលទំនិញសរុបចំនួន ២៧,៧ ពាន់លានដុល្លារ កើនឡើង ៩ ភាគរយធៀបនឹងរយៈពេលដូចគ្នាកាលពីឆ្នាំមុន ដោយទំនិញនាំចូលសំខាន់ៗរួមមានប្រេង និងឧស្ម័ន វត្ថុធាតុដើមសម្រាប់សំលៀកបំពាក់ ស្បែកជើង យានជំនិះ គ្រឿងយន្ត គ្រឿងអេឡិចត្រូនិច និងផលិតផលប្រើប្រាស់ផ្សេងៗ។ឯកឧត្តម ប៉ែន សុវិជាតិ អនុរដ្ឋលេខាធិការ និងជាអ្នកនាំពាក្យក្រសួងពាណិជ្ជកម្មកម្ពុជា មានប្រសាសន៍កាលពីពេលថ្មីៗនេះថា កិច្ចព្រមព្រៀងភាពជាដៃគូសេដ្ឋកិច្ចតំបន់ (RCEP) និងកិច្ចព្រមព្រៀងពាណិជ្ជកម្មសេរីកម្ពុជា-ចិន គឺជាចលកររួមចំណែកក្នុងការជំរុញការនាំចេញរបស់ប្រទេសកម្ពុជាកើនឡើង។ឯកឧត្តម បញ្ជាក់ថា កំណើននៃការនាំចេញរបស់កម្ពុជា គឺជាសក្ខីភាពមួយចំពោះការចូលទៅកាន់ទីផ្សារកាន់តែធំនៃផលិតផល ទៅកាន់ប្រទេសសមាជិក RCEP ហើយកិច្ចព្រមព្រៀងនេះ នឹងផ្តល់ការជំរុញដល់កំណើនពាណិជ្ជកម្មរបស់កម្ពុជាក្នុងរយៈពេលវែង៕ អត្ថបទ៖ វណ្ណៈ

ក្រសួងសេដ្ឋកិច្ច និង UPDIS ពិភាក្សាបន្ថែម លើការររៀបចំផែនការមេអភិវឌ្ឍន៍ខេត្តព្រះសីហនុ

ភ្នំពេញ៖ ក្រសួងសេដ្ឋកិច្ច និងហិរញ្ញវត្ថុ និងវិទ្យាស្ថាន UPDIS របស់ប្រទេសចិន បន្តពិគ្រោះយោបល់ ពិនិត្យខ្លឹមសារនៃសេចក្តីព្រាងរបាយការណ៍ ដំណាក់កាលទី២ នៃការរៀបចំផែនការមេអភិវឌ្ឍន៍ខេត្ដព្រះសីហនុ ដើម្បីធានានូវផែនការមេ និងផែនការសកម្មភាពមានសង្គតិភាព ទៅ នឹងផែនការអភិវឌ្ឍថ្នាក់ជាតិ។ឯកឧត្ដម វង្សី វិស្សុត រដ្ឋមន្ដ្រីប្រតិភូអមនាយករដ្ឋមន្ដ្រី និងជារដ្ឋលេខាធិការប្រចាំការ នៃក្រសួងសេដ្ឋកិច្ច និងហិរញ្ញវត្ថុ នៅថ្ងៃទី ១២ ខែ ធ្នូ ឆ្នាំ ២០២២ បានដឹកនាំកិច្ចប្រជុំពិគ្រោះយោបល់តាមប្រព័ន្ធវីដេអូ ជាមួយវិទ្យាស្ថាននគររូបនីយកម្ម និងឌីសាញសិនជិន (UPDIS) ដើម្បីពិនិត្យធ្វើបច្ចុប្បន្នភាព និងពិភាក្សាលើខ្លឹមសារសំខាន់ៗជាយុទ្ធសាស្រ្ត និងកំណត់ទិសដៅគោលនយោបាយអាទិភាព នៃសេចក្តីព្រាងរបាយការណ៍ផែនការមេ និងសេចក្តីព្រាងរបាយការណ៍ផ្នែកពាក់ព័ន្ធទាំង១២ នៅក្នុងដំណាក់កាលទី២ នៃការរៀបចំផែនការមេ ដើម្បីអភិវឌ្ឍខេត្តព្រះសីហនុទៅជាតំបន់សេដ្ឋកិច្ចពិសេសគំរូពហុបំណង តាមរយៈការប្រែក្លាយខេត្តព្រះសីហនុជាប៉ូលនៃការអភិវឌ្ឍថ្មីមួយ និងជាទីក្រុងឆ្លាតវៃ មានការប្រើប្រាស់បច្ចេកវិទ្យាទំនើប ព្រមទាំងជាមជ្ឍមណ្ឌលពាណិជ្ជកម្ម សេវាកម្ម និងឡូជីស្ទីកដ៏រស់រវើក ក្នុងតំបន់អាស៊ាន ដើម្បីភ្ជាប់ខេត្តព្រះសីហនុទៅនឹងខ្សែច្រវ៉ាក់ផលិតកម្ម និងការផ្គត់ផ្គង់ក្នុងតំបន់ និងពិភពលោក។គោលបំណងនៃកិច្ចប្រជុំពិគ្រោះយោបល់នេះ គឺដើម្បីពិនិត្យខ្លឹមសារនៃសេចក្តីព្រាងរបាយការណ៍ សម្រាប់ដំណាក់កាលទី២ នៃការរៀបចំផែនការមេ ដើម្បីអាចធានាបានថា ផែនការមេនិងផែនការសកម្មភាពមានសង្គតិភាពទៅនឹងផែនការអភិវឌ្ឍថ្នាក់ជាតិ មានប្រទាក់ក្រឡា និងគ្រប់ជ្រុងជ្រោយ ប្រកបដោយប្រសិទ្ធភាព, កំណត់បញ្ហាប្រឈម និងអាទិភាពគោលនយោបាយ លើទិសដៅអភិវឌ្ឍន៍សំខាន់ៗ ជាពិសេស វិស័យឧស្សាហកម្ម, វិស័យទេសចរណ៍, វិស័យហិរញ្ញវត្ថុ, ការកសាងហេរដ្ឋារចនាសម្ព័ន្ធគន្លឹះៗ និងការអភិវឌ្ឍធនធានមនុស្ស, និងសង្កត់ធ្ងន់លើការគ្រប់គ្រងការប្រើប្រាស់ដីធ្លី, ការរៀបចំក្របខណ្ឌស្ថាប័ន, និងយន្តការហិរញ្ញប្បទាន ដែលគាំទ្រ និងជំរុញការអនុវត្តផែនការមេនេះ ប្រកបដោយប្រសិទ្ធភាព ។នៅក្នុងកិច្ចប្រជុំនេះ ឯកឧត្ដម វង្សី វិស្សុត បានផ្តល់អនុសាសន៍ដល់ក្រុមការងារនៃវិទ្យាស្ថាន UPDIS ឲ្យធ្វើការគិតគូរបំពេញបន្ថែម លើចំណុចសំខាន់ៗមួយចំនួនដូចជា៖ ផែនការមេត្រូវដាក់ចេញនូវផែនការសកម្មភាពលម្អិតតាមដំណាក់កាល ដោយបញ្ជាក់ច្បាស់ពីប្រភេទឧស្សាហកម្ម, ហេដ្ឋារចនាសម្ព័ន្ធសាធារណៈសារវ័ន្តសម្រាប់ទីក្រុង ដែលត្រូវអភិវឌ្ឍន៍ក្នុងរយៈពេល០៥ឆ្នាំដំបូង និងឆ្នាំបន្តបន្ទាប់ទៀត, រៀបចំផែនទីបង្ហាញផ្លូវសម្រាប់អភិវឌ្ឍន៍វិស័យទេសចរណ៍ និងវិស័យឧស្សាហកម្មធុនស្រាល ដែលកំពុងដំណើរការនៅខេត្តព្រះសីហនុ, សិក្សានិងផ្តល់អនុសាសន៍សមស្រប និងទាន់ពេលវេលា លើការដោះស្រាយអាគារដែលមិនទាន់សាងសង់រួច ដើម្បីទាក់ទាញការវិនិយោគ បង្កើនចំណូលខេត្ត និងជួយជំរុញវិស័យសេដ្ឋកិច្ចសម្រាប់ខេត្តព្រះសីហនុទាំងមូល៕អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

ក្រុមវេជ្ជសាស្ត្រសម្ដេចតេជោ ចុះពិនិត្យ និងព្យាបាលជំងឺជូនប្រជាពលរដ្ឋ ភៀសសឹកដោយមិនគិតថ្លៃ នៅមណ្ឌលសុវត្ថិភាពវត្តពោធិ៍៥០០០ដើម ខេត្តព្រះវិហារ

ឯកឧត្តម ហេង សួរ៖ កត្តាសន្ដិភាពធ្វើឱ្យយុវជនកម្ពុជាកាន់ប៊ិក ជំនួសដោយការកាន់កាំភ្លើងក្នុងសមរភូមិ

«កម្មវិធីប៉ាម៉ានី» ជួយជំរុញបន្ថែមទៀតឱ្យកុមារដឹងពីគុណតម្លៃនៃការសិក្សា និងជួយបំផុសឱ្យកុមារស្រលាញ់ និងខិតខំសិក្សារៀនសូត្រ ក៏ដូចជាលើកទឹកចិត្តឱ្យឪពុកម្តាយ ឬអាណាព្យាបាល ជំរុញកូនៗ ឱ្យខិតខំសិក្សារៀនសូត្រ

នាយករដ្ឋមន្ត្រីជប៉ុននិយាយថា នឹងមិនងាយក្នុងការសម្របសម្រួលជាមួយលោក Trump លើពន្ធទេ

ឯកឧត្តម ហ៊ុន ម៉ានី បំផុសចលនាបរិស្ថានតាមរយៈការជំរុញឱ្យពលរដ្ឋ កងកម្លាំង មន្ត្រីរាជការ សិស្ស និស្សិត ចូលរួមដាំកូនឈើទាំងអស់គ្នាចាប់ផ្តើមពីក្នុងភូមិសាស្ត្រខេត្តកំពង់ស្ពឺ

មនុស្សរាប់ពាន់នាក់បានរងផលប៉ះពាល់នៅទីក្រុងព្រំដែនកូឡុំប៊ី បន្ទាប់ពីភ្លៀងធ្លាក់ខ្លាំង បង្កជាទឹកជំនន់

សម្តេច ម៉ែន សំអន អញ្ជើញជាអធិបតីក្នុងពិធីបុណ្យផ្កាប្រាក់មហាសាមគ្គី ដើម្បីកសាងព្រះវិហារ ស្ថិតក្នុងវត្តជ័យមុនី ទំហំទទឹង ១២ម៉ែត្រ និងបណ្តោយ ២៤ម៉ែត្រ

ប្រមុខ UN ថ្កោលទោសយ៉ាងខ្លាំងចំពោះការវាយប្រហារដោយយានដ្រូនរបស់រុស្ស៊ីលើអ៊ុយក្រែន

អ្នកនាំពាក្យសម្ដេចតេជោ ផ្ដាំទៅក្រុមអ្នកស្ទង់មតិថៃ «កុំបារម្ភរឿងប្រជាប្រិយភាពសម្ដេចតេជោ និងសម្ដេចធិបតី ប៉ុន្ដែគួរខិតខំដោះស្រាយបញ្ហាផ្ទៃ ក្នុងរបស់ខ្លួនវិញ»

ការសង្ស័យ និងក្តីសង្ឃឹមសម្រាប់ការបញ្ចប់សង្រ្គាមនៅហ្កាហ្សា មុនជំនួបលោក Trump-Netanyahu

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877