BTV NEWS

ឯកឧត្តម ឌិត ទីណា ចុះត្រួតពិនិត្យស្ថានភាពដីសម្រាប់ផលិតកម្មដំណាំបន្លែដេីម្បីផ្គត់ផ្គង់ដល់កងទ័ព

សហព័ន្ធស្រូវអង្ករកម្ពុជា៖ កញ្ចប់អង្ករដែលមានរូបភាពស្រដៀងទៅនឹងទង់ជាតិប្រទេសថៃ មិនត្រូវបានបោះពុម្ពក្នុងប្រទេសកម្ពុជាឡើយ

ឯកឧត្តម ឌិត ទីណា បង្ហាញសក្តានុពលវិស័យកសិកម្មដល់អ្នកវិនិយោគមកពីកូរ៉េ ដើម្បីជំរុញទីផ្សារនាំចេញ

កម្ពុជាកំពុងត្រៀមលក្ខណៈនៃវិស័យ MSMEs សម្រាប់ការចាកចេញពីប្រទេស LDC

សេដ្ឋកិច្ច និង កសិកម្ម

សេចក្តីព្រាងច្បាប់អំពីកិច្ចព្រមព្រៀងពាណិជ្ជកម្មសេវាកម្មអាស៊ាន ទទួលសម្លេងគាំទ្រចំនួន៩៨

ភ្នំពេញ៖ សេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងពាណិជ្ជកម្មសេវាកម្មអាស៊ាន គិតត្រឹមថ្ងៃទី៣០ ខែឧសភា ឆ្នាំ២០២៣ ទទួលបានសំឡេងគំាទ្រជាឯកច្ឆន្ទ ៩៨ សំឡេង ក្នុងសម័យប្រជុំពេញអង្គរដ្ឋសភាលើកទី៩ នីតិកាលទី៦ ដែលដឹកនាំដោយសម្តេចអគ្គមហាពញាចក្រី ហេង សំរិន ប្រធានរដ្ឋសភា។នៅលើផេកផ្លូវការរបស់ក្រសួងពាណិជ្ជកម្ម ឯកឧត្តមរដ្ឋមន្រ្តី ប៉ាន សូរស័ក្តិ បានមានប្រសាសន៍ថា សេចក្តីព្រាងច្បាប់នេះ នឹងពង្រឹងការតភ្ជាប់សេដ្ឋកិច្ច និងផ្តល់កាលានុវត្តភាពកាន់តែប្រសើរឡើង សម្រាប់ការអភិវឌ្ឍសេដ្ឋកិច្ចនៅក្នុងសហគមន៍សេដ្ឋកិច្ចអាស៊ាន បង្កើនការធ្វើពាណិជ្ជកម្ម និងការវិនិយោគលើវិស័យពាណិជ្ជកម្មសេវាកម្ម ដោយបង្កើតទីផ្សារ និងសេដ្ឋកិច្ចកាន់តែទូលំទូលាយ តាមរយៈការកាត់បន្ថយការរឹតត្បិតចំពោះពាណិជ្ជកម្មសេវាកម្ម ជាពិសេសបង្កើនការចូលរួមរបស់សហគ្រាសធុន មីក្រូតូច និងមធ្យម ក្នុងសកម្មភាពពាណិជ្ជកម្មសេវាកម្ម ក៏ដូចជាការកាត់បន្ថយគម្លាតនៃការអភិវឌ្ឍរវាងប្រទេសសមាជិកអាស៊ាន ដើម្បីសម្រេចបាននូវសមភាព តុល្យភាព និងនិរន្តរភាពនៃការអភិវឌ្ឍសេដ្ឋកិច្ចសង្គម។ឯកឧត្តមរដ្ឋមន្រ្តី បានបន្តថា នៅពេលដែលសេចក្តីព្រាងច្បាប់នេះចូលជាធរមាន ក្រសួងពាណិជ្ជកម្ម នឹងយកច្បាប់នេះផ្សព្វផ្សាយឱ្យកាន់តែទូលំទូលាយដល់ភាគីពាក់ព័ន្ធទាំងអស់ ជាពិសេសវិស័យឯកជន ព្រមទាំងសហការយ៉ាងជិតស្និទ្ធជាមួយក្រសួងស្ថាប័ន-ពាក់ព័ន្ធ ដើម្បីអនុវត្តកិច្ចព្រមព្រៀងនេះឱ្យមានប្រសិទ្ធភាព ស្របតាមគោលនយោបាយដ៏ថ្លៃថ្លារបស់រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជាប្រមុខដឹកនាំដ៏ឆ្នើម។តាមលោកជំទាវ និន សាផុន ប្រធានគណៈកម្មការទី៩ និងជាសមាជិកគណៈកម្មាធិការអចិន្រ្តៃយ៍នៃរដ្ឋសភា ក្នុងឱកាសធ្វើសេចក្តីរាយការណ៍លំអិតជូនសម័យប្រជុំពេញអង្គរដ្ឋសភាលើកទី៩ បានគូសបញ្ជាក់ថា សេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងពាណិជ្ជកម្មសេវាកម្មអាស៊ាន បានរៀបចំឡើងត្រឹមត្រូវស្របតាមបទប្បញ្ញត្តិនៃរដ្ឋធម្មនុញ្ញ ច្បាប់ បទដ្ឋានគតិយុត្តិពាក់ព័ន្ធនានា និងស្របតាមយុទ្ធសាស្រ្តចតុកោណដំណាក់កាលទី៤ របស់រាជរដ្ឋាភិបាល នីតិកាលទី៦ នៃរដ្ឋសភា ព្រមទាំងបានគោរពស្នើសុំអង្គប្រជុំដ៏ឧត្ដុង្គឧត្ដមអនុម័ត៕អត្ថបទ៖ ឈិត បូរ៉ាវី

ការអនុវត្តច្បាប់ស្ដីពីការគ្រប់គ្រងពាណិជ្ជកម្មច្បាស់លាស់ នឹងផ្តល់ផលប្រយោជន៍ដល់សេដ្ឋកិច្ច-សង្គម

ភ្នំពេញ៖ ការអនុវត្តច្បាប់ស្ដីពីការគ្រប់គ្រងពាណិជ្ជកម្ម ប្រកបដោយប្រសិទ្ធភាព នឹងរឹតបន្តឹងការគ្រប់គ្រងវិស័យល្បែងពាណិជ្ជកម្ម មានភាពរឹងមាំ និងច្បាស់លាស់ វានឹងផ្តល់ផលប្រយោជន៍ជាអតិបរមា ដល់សេដ្ឋកិច្ចជាតិ ជាពិសេសការបង្កើតការងារ លើកកម្ពស់ការអភិវឌ្ឍ វិស័យទេសចរណ៍ និងបញ្ហាសន្តិសុខសង្គមជាដើម។អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី, រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មការគ្រប់គ្រងល្បែងពាណិជ្ជកម្មកម្ពុជា លើកឡើងក្នុងពិធីបើកសិក្ខាសាលាផ្សព្វផ្សាយច្បាប់ស្តីពីការគ្រប់គ្រងល្បែងពាណិជ្ជកម្ម និងលិខិតបទដ្ឋានគតិយុត្តពាក់ព័ន្ធ ជូនអាជា្ញធរសាធារណៈមានសមត្ថកិច្ច នៅរាជធានីភ្នំពេញ និងខេត្តកណ្តាល នៅថ្ងៃទី៣១ ខែឧសភា ឆ្នាំ ២០២៣នេះថា ជាមួយនឹងការរីកចម្រើននៃសកម្មភាពសង្គម-សេដ្ឋកិច្ច, រាជរដ្ឋាភិបាលបានពិនិត្យឃើញនូវភាពចាំបាច់ ក្នុងការរៀបចំនូវបញ្ញត្តិកម្ម លើវិស័យល្បែងពាណិជ្ជកម្ម ក្នុងគោលបំណងធានានូវប្រសិទ្ធភាព នៃការគ្រប់គ្រងមណ្ឌលល្បែងពាណិជ្ជកម្មសមាហរ័ណ និងល្បែងពាណិជ្ជកម្ម ដើម្បីរួមចំណែកជំរុញកំណើនសេដ្ឋកិច្ច, លើកកម្ពស់វិស័យទេសចរណ៍, បង្កើតការងារ, កៀរគរចំណូល, រក្សាសុវត្ថិភាព និងសន្តិសុខសង្គម តាមរយៈការកំណត់នូវដែនសមត្ថកិច្ច, វិធាន និងនីតិវិធីសម្រាប់គ្រប់គ្រងមណ្ឌលល្បែងពាណិជ្ជកម្មសមាហរ័ណ និងល្បែងពាណិជ្ជកម្មជាដើម។ឯកឧត្តមឧបនាយករដ្ឋមន្ត្រី បន្តថា នៅក្នុងដំណើរការរៀបចំច្បាប់ស្តីពីការគ្រប់គ្រងល្បែងពាណិជ្ជកម្ម, រាជរដ្ឋាភិបាលក៏បានគិតគូរផងដែរ អំពីយន្តការសម្រាប់ចូលរួមដោះស្រាយបញ្ហា ពាក់ព័ន្ធនឹងការប្រឆាំងការសម្អាតប្រាក់ និងហិរញ្ញប្បទានភេរវកម្ម ។ ក្នុងស្មារតីនេះ, រាជរដ្ឋាភិបាលបានរៀបចំនូវយន្តការសហប្រតិបត្តិការជាមួយដៃគូពាក់ព័ន្ធ, ទាំងទ្វេភាគី និងពហុភាគី, ដើម្បីគ្រប់គ្រង និងដោះស្រាយកង្វល់នានា ពាក់ព័ន្ធនឹងវិស័យកាស៊ីណូ និងល្បែងពាណិជ្ជកម្មផ្សេងៗ ។ ចំណែក ឯកឧត្តម សៀង សេន អគ្គលេខាធិការរងនៃគណៈកម្មការគ្រប់គ្រងល្បែងពាណិជ្ជកម្មកម្ពុជា លើកឡើងឲ្យដឹងថា ច្បាប់ស្ដីពីការគ្រប់គ្រងពាណិជ្ជកម្ម ដែលបានផ្សព្វផ្សាយនៅថ្ងៃនេះ មានវិសាលភាពគ្រប់ដណ្តប់ទូទាំងព្រះរាជាណាចក្រកម្ពុជា ដោយគ្របដណ្តប់ល្បែងពាណិជ្ជកម្មដែលច្បាប់បានអនុញ្ញាត ជាក់ស្តែងមកដល់ពេលនេះ ក្រុមហ៊ុន/កាស៊ីណូ ដែលបានដាក់ស្នើរសុំ និងផ្តល់អាជ្ញាប័ណ្ណមានចំនួន ១៧៨ ក្រុមហ៊ុន មកដល់បច្ចុប្បន្នក្រុមហ៊ុន/កាស៊ីណូ មានចំនួន ៨៨ បានកំពុងដំណើរការ។សូមបញ្ជាក់ថា ច្បាប់ស្តីពីការគ្រប់គ្រងល្បែងពាណិជ្ជកម្ម ត្រូវបានរដ្ឋសភាអនុម័ត កាលពីថ្ងៃទី ៥ ខែ តុលា ឆ្នាំ២០២០ និងត្រវបានប្រកាសឱ្យប្រើជាផ្លូវការ តាមរយៈព្រះរាជក្រមលេខ នស/រកម/១១២០/០៣១ ចុះថ្ងៃទី ១៤ ខែ វិច្ឆិកា ឆ្នាំ ២០២០ ។ ចំណែកពាក់ព័ន្ធច្បាប់នេះឡើងគឺដើម្បីឆ្លើយតបនឹងស្ថានភាពបច្ចុប្បន្ន នៃការកើនឡើងនូវល្បែងស៊ីសងខុសច្បាប់ និងដើម្បីលើកទឹកចិត្តវិស័យល្បែងពាណិជ្ជកម្មស្របច្បាប់, ដោយរាជរដ្ឋាភិបាលបានបង្កើតក្រុមការងារបង្ក្រាបការលេងល្បែងស៊ីសងខុសច្បាប់គ្រប់ប្រភេទ តាមរយៈសេចក្តីសម្រេច លេខ ៦២ សសរ ចុះថ្ងៃទី១៦ ខែកញ្ញា ឆ្នាំ ២០២២ ដែលដឹកនាំដោយក្រសួងមហាផ្ទៃ និងមានការចូលរួមពីគណៈកម្មការគ្រប់គ្រងល្បែងពាណិជ្ជកម្មកម្ពុជា ផងដែរ៕អត្ថបទ៖ សុន រ៉ាឌី,

កិច្ចព្រមព្រៀងជាមួយក្រុមហ៊ុនសិង្ហបុរី នឹងចូលរួមបង្កើនធនធានមនុស្សវិស្វកម្មជួសជុលយន្តហោះនៅកម្ពុជា

ភ្នំពេញ៖ ក្រុមហ៊ុន Cambodia Airport Investment Co Ltd (CAIC) បានសហការគ្នាជាមួយនឹងក្រុមហ៊ុន SIA Engineering Company របស់ប្រទេសសិង្ហបុរី លើសេវាជួសជុលយន្តហោះនៅអាកាសយានដ្ឋានអន្តរជាតិតេជោ ដែលគ្រោងដាក់ឱ្យដំណើរការនៅដើមឆ្នាំ២០២៥ខាងមុខ។កិច្ចព្រមព្រៀងសហការគ្នានេះនឹងចូលរួមបង្កើនធនធានមនុស្សផ្នែកជួសជុលយន្តហោះក្នុងស្រុក និងទទួលបានបច្ចេកវិទ្យាវិស្វកម្មយន្តហោះពីប្រទេសសិង្ហបុរី ។ពិធីចុះហត្ថលេខាលើកិច្ចព្រមព្រៀងសហការបង្កើតសេវាជួសជុលយន្តហោះ ហៅថា MRO នៅអាកាសយានដ្ឋានអន្តរជាតិតេជោ ត្រូវបានធ្វើឡើង នៅថ្ងៃទី៣០ ខែឧសភា ដោយ លោកឧកញ៉ា ពុង ខៀវសែ អគ្គនាយកក្រុមហ៊ុន OCIC ដែលជាម្ចាស់ភាគធំនៃក្រុមហ៊ុន Cambodia Airport Investment Co Ltd និងលោក Ng Chin Hwee នាយកប្រតិបត្តិក្រុមហ៊ុន SIA Engineering Company។ថ្លែងប្រាប់អ្នកព័ត៌មានក្រោយពិធីចុះហត្ថលេខា លោក Charlves Vann នាយកក្រុមហ៊ុន Cambodia Airport Investment Co Ltd (CAIC) បានលើកឡើងថា ការបង្កើតការកិច្ចសហប្រតិបត្តិការជួសជុលយន្តហោះនៅអាកាសយានដ្ឋានអន្តរជាតិតេជោ នឹងផ្តល់សេវាកម្មជួសជុលយន្តហោះ ដោយចាប់ផ្តើមពីយន្តហោះធុនស្រាលទៅ។លោក Charlves Vann លើកឡើងថា៖ “ក្រុមហ៊ុន SIAEC នឹងនាំបច្ចេកវិទ្យា និងធនធាន និងការដកពិសោធន៍ពីប្រទេសសិង្ហបុរី ដើម្បីនឹងចូលរួមសេវាកម្មជូសជុល MRO របស់យើង។ ហើយបន្ទាប់មកទៀត យើងនឹងបណ្តុះបណ្តាលធនធានមនុស្សកម្ពុជារបស់យើង ចេះក្នុងការវិស្វកម្មជួសជុលយន្តហោះពីធុនស្រាលទៅធុនធ្ងន់”។លោក Ng Chin Hwee លើកឡើងថា ក្រោមកិច្ចព្រមព្រៀងសហការនេះ ក្រុមហ៊ុននឹងនាំបច្ចេកទេស បច្ចេកវិទ្យាដែលធ្លាប់បានធ្វើនៅប្រទេសសិង្ហបុរី មកប្រទេសកម្ពុជា។ លោកបន្តថា ក្រុមហ៊ុន នឹងជ្រើសរើសបុគ្គលិក និងវិស្វករ ដើម្បីបណ្តុះបណ្តាលពួកគាត់ ដើម្បីផ្តល់សេវាជួសជុលដែលមានលក្ខណៈអន្តរជាតិ ស្តង់ដារ ដូចជាអាកាសយានដ្ឋាននៅសិង្ហបុរី និងប្រទេសផ្សេងៗផងដែរ។លោក Ng Chin Hwee បន្តថា អាកាសយានដ្ឋានអន្តរជាតិតេជោនេះដែលស្ថិតនៅក្នុងការសាងសង់ នឹងទាក់ទាញក្រុមហ៊ុនអាកាសចរណ៍អន្តរជាតិនិងអន្តរជាតិ បង្កើនការចរាចរណ៍អាកាសចរណ៍ឆ្លងកាត់កម្ពុជាច្រើន ដែលទាមទារឱ្យមានសេវាកម្មវិស្វកម្មជួសជុលយន្តហោះកម្រិតស្តង់ដារអន្តរជាតិ។បើតាមលោក លោក Charlves Vann ការសាងសង់អាកាសយានដ្ឋានអន្តរជាតិតេជោ សម្រេចបានប្រមាណ ៥០ភាគរយ ហើយ គិតត្រឹមខែឧសភា ដោយគ្រោងដាក់ដំណើរការនៅដើមឆ្នាំ២០២៥។សូមជម្រាបថា គម្រោងអាកាសយាន្តដ្ឋានអន្តរជាតិតេជោ ត្រូវបានរាជរដ្ឋាភិបាលបានផ្តល់សិទ្ធិឱ្យ ក្រុមហ៊ុន CAIC ដែលជាក្រុមហ៊ុនបណ្តាក់ទុនរួមគ្នារវាងរាជរដ្ឋាភិបាលកម្ពុជាតាមរយៈរដ្ឋលេខាធិការដ្ឋានអាកាសចរណ៍ស៊ីវិល និងក្រុមហ៊ុន OCIC សាងសង់ និងអភិវឌ្ឍអាកាសយានដ្ឋានអន្តរជាតិភ្នំពេញថ្មី នៅខេត្តកណ្តាល និងខេត្តតាកែវ លើផ្ទៃដីទំហំ ២ ៦០០ហិកតា ស្ថិតនៅចម្ងាយ ២០គីឡូម៉ែត្រពីភាគខាងត្បូងភ្នំពេញ៕ អត្ថបទ៖ វណ្ណៈ

ការសាងសង់អាកាសយានដ្ឋានអន្តរជាតិតេជោ សម្រេចបានប្រមាណ៥០ភាគរយ

កណ្ដាល៖ ការសាងសង់អាកាសយានដ្ឋានអន្តរជាតិតេជោ សម្រេចបានប្រមាណ ៥០ភាគរយ ហើយ គិតត្រឹមខែឧសភា ដោយគ្រោងដាក់ដំណើរការនៅដើមឆ្នាំ២០២៥។លោក Charlves Vann នាយកក្រុមហ៊ុន Cambodia Airport Investment Co Ltd (CAIC) បានលើកឡើងពីវឌ្ឍនភាពនៃការសាងសង់អាកាសយានដ្ឋាននេះ នៅក្នុងពិធីចុះហត្ថលេខាលើកិច្ចព្រមព្រៀងសហការបង្កើត MRO នៅអាកាសយានដ្ឋានអន្តរជាតិតេជោ ជាមួយក្រុមហ៊ុន SIA Engineering Company របស់ប្រទេសសិង្ហបុរី កាលពីថ្ងៃទី៣០ ខែឧសភា។លោក Charlves Vann លើកឡើងថា៖ “បច្ចុប្បន្ន យើងបានសម្រេចការសាងសង់បានខ្ទង់ ៥០ភាគរយ ហើយយើងកំពុងតែបន្ត និងតាមដាន ធ្វើយ៉ាងមិចឱ្យដាក់ដំណើរការនៅដើមឆ្នាំ២០២៥”។សូមជម្រាបថា គម្រោងអាកាសយាន្តដ្ឋានអន្តរជាតិតេជោ ត្រូវបានរាជរដ្ឋាភិបាលបានផ្តល់សិទ្ធិឱ្យ ក្រុមហ៊ុន CAIC ដែលជាក្រុមហ៊ុនបណ្តាក់ទុនរួមគ្នារវាងរាជរដ្ឋាភិបាលកម្ពុជា និងក្រុមហ៊ុន OCIC សាងសង់ និងអភិវឌ្ឍន៍អាកាសយានដ្ឋានអន្តរជាតិភ្នំពេញថ្មី នៅខេត្តកណ្តាល និងខេត្តតាកែវ លើផ្ទៃដីទំហំ ២ ៦០០ហិកតា ស្ថិតនៅចម្ងាយ ២០គីឡូម៉ែត្រពីភាគខាងត្បូងភ្នំពេញ។មានតម្លៃវិនិយោគប្រមាណ១ពាន់៥រយលានដុល្លារ អាកាសយានដ្ឋាននេះជាប្រភេទ 4F ដែលមានសមត្ថភាពអាចឲ្យប្រភេទយន្តហោះហោះធុនយក្សដូចជា Airbus A380-800 និង Boeing 747-800 អាចចុះចតបាន៕ អត្ថបទ៖ វណ្ណៈ

មួយឆ្នាំៗកសិករឆ្នើមម្នាក់នៅស្រុកសូត្រនិគម រកបានជាង១៥ម៉ឺនដុល្លារ ពីការដាំបន្លែក្នុងផ្ទះសំណាញ់

សៀមរាប៖ កសិករឆ្នើមម្នាក់ឈ្មោះ ឈាវ ហុង រស់នៅក្នុងភូមិសំរោង ឃុំសំរោង ស្រុកសូត្រនិគម ខេត្តសៀមរាប បានប្រកបរបរដាំបន្លែសុវត្ថិភាពក្នុងផ្ទះសំណាញ់ ដោយក្នុងមួយឆ្នាំៗរូបគាត់អាចលក់បន្លែទាំងអស់នេះ បានចំណូលជាង ៦០០លានរៀល (ប្រមាណ១៥ម៉ឺនដុល្លារ) និងក្រោយទូទាត់ការចំណាយ អាចសល់បានជាង ៣ម៉ឺនទៅ៥ម៉ឺនដុល្លារផងដែរ ។ក្នុងកិច្ចសម្ភាសន៍ជាមួយ BTV កសិករ ឈាវ ហុង បានលើកឡើងថា គាត់បានប្រកបរបរដាំបន្លែជាង ២០ឆ្នាំមកហើយ ដែលពីមុនដាំបន្លែនៅទីវាលដូចកសិករនៅកម្ពុជាភាគច្រើនដែរ ប៉ុន្តែដោយបានសិក្សារៀនសូត្រ និងទទួលការបណ្ដុះបណ្ដាលពីមន្ត្រីជំនាញកសិកម្ម និងអង្គការនានា ធ្វើការងារលើវិស័យនេះ ក៏បានចាប់ផ្ដើមដាំបន្លែក្នុងផ្ទះសំណាញ់ និងទទួលបានលទ្ធផលល្អជាបន្តបន្ទាប់ ។លោក បានបន្តថា បច្ចុប្បន្នផ្ទះសំណាញ់ ដាំបន្លែសុវត្ថិភាព ក្នុងកសិដ្ឋានរបស់លោកមានចំនួន ៨រោង ក្នុងមួយរោងៗមានទំហំ២៤ម៉ែត្រគុណនឹង៤៦ម៉ែត្រ បង្កើតបានជាការងារច្រើនកន្លែងដល់ពលរដ្ឋផ្សេងៗទៀត មានដាំបន្លែលក្ខណៈវិលជុំ ក្នុងនោះមាន ស្ពៃក្រញាញ់ ខាតណាដើម សាឡាត់ ម្ទេសហាវៃ ពិសេសប៉េងប៉ោះឈើរី មានតម្រូវការខ្ពស់ លក់បានតម្លៃសមរម្យ ដែលទីផ្សារមាននៅក្រុងសៀមរាប រាជធានីភ្នំពេញ ក្រុងកំពង់សោម និងខេត្តកំពង់ធំ ជាដើម ខណៈបន្លែរបស់គាត់ នៅមិនទាន់គ្រប់តម្រូវការទីផ្សារនោះទេ ។លោក ឈាវ ហុង បានបន្ថែមថា ដោយសារពុំទាន់អាចផ្គត់ផ្គង់ទីផ្សារបានគ្រប់គ្រាន់នៅឡើយ នៅឆ្នាំ២០២៤-២០២៥ខាងមុខ កសិដ្ឋានរបស់លោកគ្រោងពង្រីកផ្ទះសំណាញ់ ឲ្យបានចំនួន ១៥រោង រួមទាំងនឹងការជួយផ្នែកបច្ចេកទេសបន្ថែមទៀត ពីក្រសួងកសិកម្ម រុក្ខាប្រមាញ់ និងនេសាទ លើការធ្វើផ្ទះសំណាញ់ ដើម្បីឲ្យសមស្រប ទៅនឹងការបម្រែបម្រួលអាកាសធាតុ ។គួរបញ្ជាក់ថា ក្រសួងកសិកម្ម ក៏មានគម្រោងជួយពង្រីកការដាំបន្លែសុវត្ថិភាព ក្នុងផ្ទះសំណាញ់ ដល់កសិករនៅស្រុកសូត្រនិគមនេះផងដែរ ដែលគ្រោងផ្ដល់នូវប្រាក់កម្ចីក្នុងអត្រាការប្រាក់ទាប ឬស្ទើរមិនយកការប្រាក់ ដោយការបង់រំលោះរបស់កសិករ នៅពេលប្រមូលផលរួចរាល់ និងប្រាក់ទាំងនោះ នឹងយកទៅផ្ដល់ជូនកសិករផ្សេងទៀត ដើម្បីធ្វើផ្ទះសំណាញ់បន្ថែម ដាំបន្លែចិញ្ចឹមជីវភាព ៕ អត្ថបទ បាន សុខរិទ្ធិ

ក្រុមហ៊ុន Temasek របស់សិង្ហបុរី បានកាត់ការចំណាយសម្រាប់បុគ្គលិកទទួលខុសត្រូវការវិនិយោគសម្រាប់អត្រាប្តូររូបិយប័ណ្ណនិមិត្ត

សិង្ហបុរី ៖ វិនិយោគិនរដ្ឋសិង្ហបុរី របស់ក្រុមហ៊ុន Temasek Holdings បាននិយាយនៅថ្ងៃចន្ទនេះថា ខ្លួនបានកាត់បន្ថយសំណងសម្រាប់ក្រុមដែលបានណែនាំការវិនិយោគរបស់ខ្លួននៅក្នុងការប្តូររូបិយប័ណ្ណគ្រីបតូ (cryptocurrency ) FTX ដែលក្ស័យធននាពេលបច្ចុប្បន្ន ក៏ដូចជាសម្រាប់ក្រុមគ្រប់គ្រងជាន់ខ្ពស់របស់ខ្លួន។ វិធានការនេះ កើតឡើងប្រហែល៦សប្ដាហ៍ បន្ទាប់ពីក្រុមហ៊ុន Temasek បានផ្តួចផ្តើមការត្រួតពិនិត្យឡើងវិញ នៃការវិនិយោគរបស់ខ្លួននៅក្នុងការវិនិយោគការប្តូររូបិប័ណ្ណនិមិត្ត បរទេស (FTX ) ដែលមានទំហំទឹកប្រាក់ ២៧៥លានដុល្លារអាមេរិក។ លោក Lim Boon Heng អគ្គនាយកក្រុមហ៊ុន Temasek បាននិយាយនៅក្នុងសេចក្ដីថ្លែងការណ៍មួយដែលបានបង្ហោះនៅលើគេហទំព័រក្រុមហ៊ុន Temasek នៅថ្ងៃចន្ទនេះ ថា ទោះបីជាមានការគ្រប់គ្រងបានត្រឹមត្រូវ ពីសំណាក់ក្រុមវិនយោគ ក្នុងការឈានដល់ការធានាការវិនិយោគរបស់ពួកគេ ក៏ដោយ ក៏ក្រុមវិនិយោគ និងគ្រប់គ្រងជាន់ខ្ពស់ ដែលទីបំផុតបានទទួលខុសត្រូវចំពោះការសម្រេចនានា បានទទួលខុសត្រូវទាំងស្រុង និង បានកាត់បន្ថយប្រាក់សំណង។ ក្រុមហ៊ុន Temasek ពុំបានផ្ដល់ព័ត៌មានលម្អិតពី ចំនួននៃប្រាក់សំណងដែលបានកាត់នោះទេ។ ក្រុមហ៊ុន Temasek បានឲ្យដឹងថាការចំណាយលើការវិនិយោគនៅក្នុងអត្រាប្ដូរប្រាក់បរទេស FTX គឺ ០,០៩% នៃតម្លៃទ្រព្យសកម្មសុទ្ធរបស់ខ្លួនទំហំ៤០៣ ពាន់លានដុល្លារសិង្ហបុរី ស្មើ ៣០៤ ពាន់លានដុល្លារអាមេរិក គិតត្រឹមថ្ងៃទី៣១ ខែមីនា ឆ្នាំ ២០២២ ហើយថាបច្ចុប្បន្នខ្លួនមិនមានការប៉ះពាល់ដោយផ្ទាល់នៅក្នុងរូបិយប័ណ្ណគ្រីបតូ ឬរូបិយប័ណ្ណនិមិត្តនោះទេ៕

ច្បាប់សារពើពន្ធថ្មីគ្មានការដាក់បន្ទុក ឬការដំឡើងនូវអត្រាពន្ធ ដល់អ្នកជាប់ពន្ធឡើយ

ភ្នំពេញ៖ ការធ្វើទំនើបកម្មនៃច្បាប់ស្តីពីសារពើពន្ធថ្មី គ្មានធ្វើឲ្យប៉ះពាល់ ឬការដាក់បន្ទុកបន្ថែម និងគ្មានការដំឡើងនូវអត្រាពន្ធដល់អ្នកជាប់ពន្ធនោះឡើយ ពោលគឺការដាក់ឲ្យប្រើប្រាស់ច្បាប់ថ្មី នេះជាការឆ្លើយតបទៅនិងការអភិវឌ្ឍន៍នៃសេដ្ឋកិច្ច និងការរីកចម្រើនវិស័យឌីជីថល ។ឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្រ្តី និងទទួលបន្ទុកជាអគ្គនាយកនៃអគ្គនាយកដ្ឋានពន្ធដារ លើកឡើងក្នុង កម្មវិធីផ្សាយពិសេស ច្បាប់ស្តីពីសារពើពន្ធ នៅថ្ងៃទី២៥ ខែឧសភា ឆ្នាំ២០២៣ នេះថា ច្បាប់ស្តីពីសារពើពន្ធថ្មី បានផ្តួចផ្តើមឡើងដោយ អគ្គនាយកដ្ឋានពន្ធដារ ចាប់តាំងពីឆ្នាំ២០១៥ ដោយបានបង្កើតជាក្រុមការងារ នៅក្នុងកម្រិតអគ្គនាយកដ្ឋានពន្ធដារ ដើម្បីប្រមូលធាតុ ចូល នៃការធ្វើបច្ចុប្បន្នភាពឡើងវិញ ឲ្យស្របតាមការរីកចម្រើនរបស់ប្រទេសជាតិ ជាពិសេសឆ្លើយតបនិងការអភិវឌ្ឍន៍នៃសេដ្ឋកិច្ច និង ការរីកចម្រើនវិស័យឌីជីថល ស្ថិតក្រោមគោលការណ៍កំណែទម្រង់ដ៏មុតស្រួចរបស់រាជរដ្ឋាភិបាល។ឯកឧត្តម បន្តថា ចំពោះការធ្វើទំនើបកម្មនេះ សេចក្តីព្រាយច្បាប់ស្តីពីសារពើពន្ធថ្មីនេះ គឺមិនបានដំឡើងអត្រាពន្ធនោះទេ ពោលគឺនៅដ៏ដែល និងខ្លឹមសារមួយធំក៏នៅដ៏ដែលផងដែរ ដោយគ្រាន់តែកែតម្រូវនូវពាក្យពេជន៍មួយចំនួនឲ្យសមស្រប ឲ្យមានសុគតិភាពទៅនិងច្បាប់ដ៏ទែ ទៀត ដូចជាច្បាប់ព្រហ្មទណ្ឌ ជាពិសេសច្បាប់ស្តីពីការវិនិយោគថ្មីនៃព្រះរាជាណាចក្រកម្ពុជា មានភាពប្រទាក់ក្រឡា ស៊ីចង្វាក់ និងគ្រប់ ជ្រុងជ្រោយ ដើម្បីឆ្លើយតបនឹងស្ថានភាពជាក់ស្តែងនៃសេដ្ឋកិច្ចជាតិ តំបន់និងពិភពលោក ។សូមបញ្ជាក់ថា ច្បាប់ស្តីពីសារពើពន្ធថ្មីនេះ ព្រះករុណាព្រះបាទសម្តេចព្រះបរមនាថ នរោត្តម សីហមុនី បានឡាយព្រះហស្តលេខា ដាក់ ឲ្យប្រើប្រាស់ នៅថ្ងៃទី ១៦ ខែ ឧសភា ឆ្នាំ ២០២៣ ដោយច្បាប់ថ្មីនេះ កំណត់អំពីវិធាន នីតិវិធី និងលក្ខខណ្ឌ ព្រមទាំងប្រមូលផ្តុំនូវ បទប្បញ្ញាត្តិស្តីពីពន្ធដារ ក្នុងគោលបំណងដើម្បីគ្រប់គ្រងការប្រមូលពន្ធអាករ សម្រាប់ជាគុណប្រយោជន៍ដល់ថវិការដ្ឋ ដោយច្បាប់នេះ ក៏មានវិសាលភាព អនុវត្តលើការគ្រប់គ្រង់ប្រមូលពន្ធអាករគ្រប់ប្រភេទ ដែលបានចែងនៅក្នុងច្បាប់ផងដែរ៕អត្ថបទ៖ សុន រ៉ាឌី

រោងចក្រដំឡើងរថយន្តតូយូតា តម្លៃ៣៧លានដុល្លារ នឹងសម្ពោធនៅខែកក្កដាខាងមុខ

ភ្នំពេញ៖ រោងចក្រដំឡើងរថយន្តតូយូតារបស់ប្រទេសជប៉ុន នឹងសាងសង់រួចរាល់ និងដាក់ដំណើរការនៅក្នុងតំបន់សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ ខណៈរោងចក្រប្រទេសបារាំង CHANEL ច្នៃគ្រឿងអលង្ការ នឹងមកបោះទីតាំងផលិតនៅក្នុងតំបន់សេដ្ឋកិច្ចពិសេសនាពេលខាងមុខ។ក្នុងពិធីសំណេះសំណាលជាមួយបងប្អូនកម្មករនិយោជិតនៅទីតាំងរោងចក្រ ម៉ាវ៉ល ហ្កាមិន ក្នុងតំបន់ សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ សម្តេចតេជោ ហ៊ុន សែន មានប្រសាសន៍ថា តំបន់សេដ្ឋកិច្ចពិសេសទាក់ទាញបានការវិនិយោគធំៗ និងមានក្រុមហ៊ុនវិនិយោគបរទេសចូលមកបណ្តាក់ទុន ផលិតកែច្នៃ នាំចេញទៅក្រៅប្រទេស។សម្តេចតេជោ ហ៊ុន សែន មានប្រសាសន៍ថា៖ “ចាប់ពីខែកក្កដា រោងចក្រដំឡើងរថយន្តតូយូតា អាចនឹងចាប់ផ្តើមផលិតរថយន្ត នៅក្នុងតំបន់សេដ្ឋកិច្ចពិសេសនេះ និងក្រុមហ៊ុនផលិត Chanel មកពីប្រទេសបារាំង មកកែច្នៃគ្រឿងអលង្ការក្នុងតំបន់សេដ្ឋកិច្ចពិសេស”។សម្តេចតេជោ ហ៊ុន សែន ជំរុញឱ្យមានការបណ្តុះបណ្តាលជំនាញវិជ្ជាជីវៈបន្ថែម ដើម្បីបង្កើនជំនាញដល់កម្មករកម្មការិនី សម្រាប់ត្រៀមបម្រើដល់ខ្សែច្រវ៉ាក់ផលិតកម្មប្រើប្រាស់បច្ចេកទេសទំនើបៗ៕ អត្ថបទ៖ វណ្ណៈ

ពិពិធកម្មទីផ្សារ ធ្វើឱ្យការនាំចេញរបស់កម្ពុជា រក្សាបានកំណើនជាវិជ្ជមាន

ភ្នំពេញ៖ សម្តេចអគ្គមហាសេនាបេតីតេជោ ហ៊ុន សែន នាយករដ្ឋមន្រ្តីកម្ពុជា មានប្រសាសន៍ថា ការធ្វើពិពិធកម្មទីផ្សារ បានជួយរក្សាការនាំចេញមានកំណើន បើទោះសេដ្ឋកិច្ចសកលបានធ្វើឱ្យប៉ះពាល់ដល់ប្រទេសធំៗ ដែលជាទីផ្សារសំខាន់សម្រាប់ទំនិញរបស់កម្ពុជា នាំចេញទៅថយចុះ។ក្នុងពិធីសំណេះសំណាលជាមួយបងប្អូនកម្មករនិយោជិតនៅទីតាំងរោងចក្រ ម៉ាវ៉ល ហ្កាមិន ក្នុងតំបន់ សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ សម្តេចតេជោ ហ៊ុន សែន មានប្រសាសន៍ថា ការនាំចេញទំនិញរបស់កម្ពុជា ទៅកាន់ទីផ្សារប្រទេសមួយចំនួនធ្លាក់ចុះដោយសារ ស្ថានភាពសេដ្ឋកិច្ចពិភពលោកធ្លាក់ចុះ ប៉ុន្តែការនាំចេញទៅទីផ្សារប្រទេសផ្សេងទៀត មាននិន្នាការកើនឡើង ដែលជំនួសឱ្យគ្នាទៅវិញទៅមក។សម្តេចតេជោ ហ៊ុន សែន មានប្រសាសន៍ថា៖ “បញ្ហារបស់យើងមិនមែនពឹងពាក់លើផ្សារមួយឬពីរទេ យើងពឹងពាក់លើផ្សារច្រើន។ បើទោះបីជាកន្លែងខ្លះមាន ហានិភ័យទាក់ទិននឹងការធ្លាក់ចុះនៃសេដ្ឋកិច្ចរបស់ប្រទេសគេ ការនាំចេញរបស់ប្រទេសយើងចំពោះប្រទេសនោះ មានការថមថយ ប៉ុន្តែយើងបែរជាកើននៅកន្លែងផ្សេងទៅវិញ។ ដូច្នេះហើយបានអត្រានៃការនាំចេញ ក៏វាមិនថមថយទេ ព្រោះស្ថានភាពសេដ្ឋកិច្ចនៅលើពិភពលោកនេះ វាមានប្រទេសនេះឡើង ប្រទេសនោះចុះ”។យោងតាមរបាយការណ៍អគ្គនាយកដ្ឋានគយ និងរដ្ឋាករ កម្ពុជានាំចេញទំនិញមានទំហំទឹកប្រាក់ប្រមាណជាង ៧ពាន់លានដុល្លារ ក្នុងរយៈពេល៤ខែដើមឆ្នាំ២០២៣នេះ ធ្លាក់ចុះ៥ភាគរយ ធៀបនឹងរយៈពេលដូចគ្នាកាលពីឆ្នាំ២០២២ ដែលមានទឹកប្រាក់ជិត៨ពាន់លានដុល្លារ៕ អត្ថបទ៖ វណ្ណៈ

សន្តិភាព និងស្ថិរភាពនយោបាយ ជាកត្តាសត្យានុម័តទាក់ទាញកៀរគរ វិនិយោគិន មកបណ្តាក់ទុននៅកម្ពុជា

ភ្នំពេញ៖ សម្តេចអគ្គមហាសេនាបេតីតេជោ ហ៊ុន សែន នាយករដ្ឋមន្រ្តីកម្ពុជា លើកឡើងថា កត្តាសន្តិភាព និងស្ថិរភាពនយោបាយ ជាកត្តាសត្យានុម័តមិនអាចប្រកែកបាន ដើម្បីទាក់ទាញ កៀរគរ វិនិយោគិន មកបណ្តាក់ទុនរកស៊ីនៅក្នុងប្រទេសកម្ពុជា។ ក្នុងពិធីសំណេះសំណាលជាមួយបងប្អូនកម្មករនិយោជិតនៅទីតាំងរោងចក្រ ម៉ាវ៉ល ហ្កាមិន ក្នុងតំបន់ សេដ្ឋកិច្ចពិសេស រ៉ូយ៉ាល់ គ្រុប ភ្នំពេញ សម្តេចតេជោ ហ៊ុន សែន មានប្រសាសន៍ថា គ្មានការវិនិយោគណាធ្វើឡើងក្រោមគ្រាប់បែកគ្រាប់ផ្លោងនោះទេ។សម្តេចតេជោ ហ៊ុន សែន មានប្រសាសន៍ថា៖ “ដោយសារកត្តាសន្តិភាព ស្ថិរភាពនយោបាយ ដែលយើងមាន ផ្តល់ឱកាសឱ្យយើង ទាក់ទាញវិនិយោគ ទាំងក្នុងប្រទេស និងក្រៅប្រទេស មកផលិតក្នុងប្រទេសរបស់យើង ហើយបម្រើឱ្យការនាំចេញ។ ការនាំចេញរបស់យើងកាលពីមុននេះ មានទំហំតិចតួចណាស់ ប៉ុន្តែឥឡូវនេះ ទំហំនាំការនាំចេញ មានកាន់តែច្រើន មានកាន់តែធំ ហើយពីមួយឆ្នាំទៅមួយឆ្នាំ ការនាំចេញរបស់យើង គឺកើនឡើង”សម្ដេចតេជោ ហ៊ុន សែន បានរម្លឹកថា កាលពីឆ្នាំ១៩៩៧ រោងចក្រនៅក្នុងប្រទេសកម្ពុជាមានតែជាង ៦៤ រោងចក្រប៉ុណ្ណោះ មានកម្មករ ៨ ម៉ឺននាក់ ទំហំនៃការនាំចេញមាន ២៧០ លានដុល្លារ។ ពេលនោះកម្មករ ៨ ម៉ឺននាក់នេះ ទទួលបានប្រាក់ខែត្រឹមតែ ៤០ដុល្លារអាមេរិកទេ។ក្នុងឆ្នាំ ២០២៣នេះ រោងចក្រ សហគ្រាសទាំងអស់មានចំនួន ១៧០០០ រោងចក្រ មានកម្មកររហូតដល់ ១ លាន ៥ សែននាក់ ដែលនេះជាចំនួននៃការកើនឡើងសម្រាប់ប្រទេសកម្ពុជា។ប្រាក់ខែកម្មករ-កម្មការិនីរោងចក្រនាពេលបច្ចុប្បន្ននេះមិនក្រោ២០០ដុល្លារអាមេរិកឡើយ ខណៈដែលចំនួននេះមិនក្រោមកម្រិតប្រាក់ខែកម្មករ-កម្មការិនី នៃប្រទេសក្បែរខាងឡើយ៕អត្ថបទ៖ វណ្ណៈ

បណ្ដាញសង្គម

ព័ត៌មានថ្មីៗ

មនុស្សម្នាក់ស្លាប់ ខណៈ ២នាក់បាត់ខ្លួន ក្រោយលិចនាវាដឹកជនអន្តោប្រវេន៍ នៅម្ដុំកោះ Lampedusa របស់អ៊ីតាលី

មេដឹកនាំកូរ៉េខាងជើង ត្រូវបានឃើញគ្របមឈូសដោយទង់ជាតិ នៅក្នុងរូបភាពវីដេអូ

មន្ត្រី៖ ជម្លោះជាមួយអ៊ីស្រាអែល ឆក់យកជីវិតមនុស្សយ៉ាងតិច ៩៣៥នាក់ នៅអ៊ីរ៉ង់

ភាពតានតឹងរវាងរុស្ស៊ី និងអាស៊ែបៃហ្សង់ កើនឡើង ក្រោយវិមានក្រឹមឡាំង ថ្កោលទោសប្រតិកម្មរបស់ទីក្រុងបាគូ ចំពោះការចាប់ខ្លួន

ក្រសួងអភិវឌ្ឍន៍ចាត់ទុកការថែទាំផ្លូវជនបទជាការចាំបាច់ ដើម្បីលើកកម្ពស់ការរស់នៅរបស់ប្រជាជន

មនុស្សយ៉ាងតិច ១២នាក់ ស្លាប់ ខណៈច្រើននាក់នៅតែជាប់ក្នុងនោះ ក្នុងហេតុការណ៍ផ្ទុះរោងចក្រគីមី នៅឥណ្ឌា

អបអរសាទរ បងប្អូនពលករខ្មែរដែលទើបមកពីប្រទេសថៃចំនួន ៨៣នាក់ បានទទួលការងារភ្លាមៗនៅក្នុងខេត្តកោះកុង

រុស្ស៊ី៖ ការចំណាយលើវិស័យការពារជាតិរបស់អង្គការណាតូ មានហានិភ័យនាំឲ្យសម្ព័ន្ធភាពដួលរលំ

អ៊ីរ៉ង់៖ ខ្លួនមិនអាចធានាសុវត្ថិភាពឲ្យមន្ត្រីត្រួតពិនិត្យពី IAEA បានទេ ហើយផ្អាកកិច្ចសហប្រតិបត្តិការ

រដ្ឋមន្ត្រីការបរទេស៖ អ៊ីស្រាអែល «ចង់» ធ្វើឲ្យមានប្រក្រតីភាពនូវទំនាក់ទំនងជាមួយស៊ីរី និងលីបង់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877